Goraksha Ashatakam 2 Lyrics in Bengali:
॥ গোরক্ষশতকম্ ২ ॥
শ্রীগুরুং পরমানন্দং বন্দে স্বানন্দবিগ্রহম্ ।
য়স্য সন্নিধ্যমাত্রেণ চিদানন্দায়তে তনুঃ ॥ ১ ॥
অন্তর্নিশ্চলিতাত্মদীপকলিকাস্বাধারবন্ধাদিভিঃ
য়ো য়োগী য়ুগকল্পকালকলনাত্ ত্বং জজেগীয়তে ।
জ্ঞানামোদমহোদধিঃ সমভবদ্যত্রাদিনাথঃ স্বয়ং
ব্যক্তাব্যক্তগুণাধিকং তমনিশং শ্রীমীননাথং ভজে ॥ ২ ॥
নমস্কৃত্য গুরুং ভক্ত্যা গোরক্ষো জ্ঞানমুত্তমম্ ।
অভীষ্টং য়োগিনাং ব্রূতে পরমানন্দকারকম্ ॥ ৩ ॥
গোরক্ষঃ শতকং বক্তি য়োগিনাং হিতকাম্যয়া ।
ধ্রুবং য়স্যাববোধেন জায়তে পরমং পদম্ ॥ ৪ ॥
এতদ্বিমুক্তিসোপানমেতত্ কালস্য বঞ্চনম্ ।
য়দ্ব্যাবৃত্তং মনো মোহাদ্ আসক্তং পরমাত্মনি ॥ ৫ ॥
দ্বিজসেবিতশাখস্য শ্রুতিকল্পতরোঃ ফলম্ ।
শমনং ভবতাপস্য য়োগং ভজতি সজ্জনঃ ॥ ৬ ॥
আসনং প্রাণসংয়ামঃ প্রত্যাহারোঽথ ধারণা ।
ধ্যানং সমাধিরেতানি য়োগাঙ্গানি ভবন্তি ষট্ ॥ ৭ ॥
আসনানি তু তাবন্তি য়াবত্যো জীবজাতয়ঃ ।
এতেষামখিলান্ভেদান্বিজানাতি মহেশ্বরঃ ॥ ৮ ॥
চতুরাশীতিলক্ষাণাং একমেকমুদাহৃতম্ ।
ততঃ শিবেন পীঠানাং ষোডেশানং শতং কৃতম্ ॥ ৯ ॥
আসনেভ্যঃ সমস্তেভ্যো দ্বয়মেব বিশিষ্যতে ।
একং সিদ্ধাসনং প্রোক্তং দ্বিতীয়ং কমলাসনম্ ॥ ১০ ॥
য়োনিস্থানকমঙ্ঘ্রিমূলঘটিতং কৃত্বা দৃঢং বিন্যসে
ন্মেঢ্রে পাদমথৈকমেব নিয়তং কৃত্বা সমং বিগ্রহম্ ।
স্থাণুঃ সংয়মিতেন্দ্রিয়োঽচলদৃশা পশ্যন্ ভ্রুবোরন্তরম্
এতন্ মোক্ষকবাটভেদজনকং সিদ্ধাসনং প্রোচ্যতে ॥ ১১ ॥
বামোরূপরি দক্ষিণং হি চরণং সংস্থাপ্য বামং তথা
দক্ষোরূপরি পশ্চিমেন বিধিনা ধৃত্বা করাভ্যাং দৃঢম্ ।
অঙ্গুষ্ঠৌ হৃদয়ে নিধায় চিবুকং নাসাগ্রমালোকয়ে
দেতদ্ব্যাধিবিকারহারি য়মিনাং পদ্মাসনং প্রোচ্যতে ॥ ১২ ॥
ষট্চক্রং ষোডশাধারং ত্রিলক্ষং ব্যোমপঞ্চকম্ ।
স্বদেহে য়ে ন জানন্তি কথং সিধ্যন্তি য়োগিনঃ ॥ ১৩ ॥
একস্তম্ভং নবদ্বারং গৃহং পঞ্চাধিদৈবতম্ ।
স্বদেহং য়ে ন জানন্তি কথং সিধ্যন্তি য়োগিনঃ ॥ ১৪ ॥
চতুর্দলং স্যাদাধারঃ স্বাধিষ্ঠানং চ ষট্দলম্ ।
নাভৌ দশদলং পদ্মং সূর্যসঙ্খ্যদলং হৃদি ॥ ১৫ ॥
কণ্ঠে স্যাত্ ষোডশদলং ভ্রূমধ্যে দ্বিদলং তথা ।
সহস্রদলমাখ্যাতং ব্রহ্মরন্ধ্রে মহাপথে ॥ ১৬ ॥
আধারঃ প্রথমং চক্রং স্বাধিষ্ঠানং দ্বিতীয়কম্ ।
য়োনিস্থানং দ্বয়োর্মধ্যে কামরূপং নিগদ্যতে ॥ ১৭ ॥
আধারাখ্যং গুদস্থানং পঙ্কজং চ চতুর্দলম্ ।
তন্মধ্যে প্রোচ্যতে য়োনিঃ কামাক্ষা সিদ্ধবন্দিতা ॥ ১৮ ॥
য়োনিমধ্যে মহালিঙ্গং পশ্চিমাভিমুখং স্থিতম্ ।
মস্তকে মণিবদ্বিম্বং য়ো জানাতি স য়োগবিত্ ॥ ১৯ ॥
তপ্তচামীকরাভাসং তডিল্লেখেব বিস্ফুরত্ ।
ত্রিকোণং তত্পুরং বহ্নেরধোমেঢ্রাত্ প্রতিষ্ঠিতম্ ॥ ২০ ॥
য়ত্সমাধৌ পরং জ্যোতিরনন্তং বিশ্বতোমুখম্ ।
তস্মিন্ দৃষ্টে মহায়োগে য়াতায়াতং ন বিদ্যতে ॥ ২১ ॥
স্বশব্দেন ভবেত্ প্রাণঃ স্বাধিষ্ঠানং তদাশ্রয়ঃ ।
স্বাধিষ্ঠানাত্ পদাদস্মান্মেঢ্রমেবাভিধীয়তে ॥ ২২ ॥
তন্তুনা মণিবত্ প্রোতো য়ত্র কন্দঃ সুষুম্ণয়া ।
তন্নাভিমণ্ডলং চক্রং প্রোচ্যতে মণিপূরকম্ ॥ ২৩ ॥
দ্বাদশারে মহাচক্রে পুণ্যপাপবিবর্জিতে ।
তাবজ্ জীবো ভ্রমত্যেব য়াবত্ তত্ত্বং ন বিন্দতি ॥ ২৪ ॥
ঊর্ধ্বং মেঢ্রাদ্ অধো নাভেঃ কন্দয়োনিঃ খগাণ্ডবত্ ।
তত্র নাড্যঃ সমুত্পন্নাঃ সহস্রাণাং দ্বিসপ্ততিঃ ॥ ২৫ ॥
তেষু নাডিসহস্রেষু দ্বিসপ্ততিরুদাহৃতাঃ ।
প্রধানং প্রাণবাহিন্যো ভূয়স্তত্র দশ স্মৃতাঃ ॥ ২৬ ॥
ইডা চ পিঙ্গলা চৈব সুষুম্ণা চ তৃতীয়কা ।
গান্ধারী হস্তিজিহ্বা চ পূষা চৈব য়শস্বিনী ॥ ২৭ ॥
অলম্বুষা কুহূশ্ চৈব শঙ্খিনী দশমী স্মৃতা ।
এতন্ নাডিময়ং চক্রং জ্ঞাতব্যং য়োগিভিঃ সদা ॥ ২৮ ॥
ইডা বামে স্থিতা ভাগে পিঙ্গলা দক্ষিণে তথা ।
সুষুম্ণা মধ্যদেশে তু গান্ধারী বামচক্ষুষি ॥ ২৯ ॥
দক্ষিণে হস্তিজিহ্বা চ পূষা কর্ণে চ দক্ষিণে ।
য়শস্বিনী বামকর্ণে চাসনে বাপ্যলম্বুষা ॥ ৩০ ॥
কুহূশ্চ লিঙ্গদেশে তু মূলস্থানে চ শঙ্খিনী ।
এবং দ্বারমুপাশ্রিত্য তিষ্ঠন্তি দশনাডিকাঃ ॥ ৩১ ॥
ইডাপিঙ্গলাসুষুম্ণা চ তিস্রো নাড্যুদাহৃতাঃ ।
সততং প্রাণবাহিন্যঃ সোমসূর্যাগ্নিদেবতাঃ ॥ ৩২ ॥
প্রাণোঽপানঃ সমানশ্ চোদানো ব্যানৌ চ বায়বঃ ।
নাগঃ কূর্মোঽথ কৃকরো দেবদত্তো ধনঞ্জয়ঃ ॥ ৩৩ ॥
হৃদি প্রাণো বসেন্ নিত্যং অপানো গুদমণ্ডলে ।
সমানো নাভিদেশে স্যাদুদানঃ কণ্ঠমধ্যগঃ ॥ ৩৪ ॥
উদ্গারে নাগাখ্যাতঃ কূর্ম উন্মীলনে স্মৃতঃ ।
কৃকরঃ ক্ষুতকৃজ্জ্ঞেয়ো দেবদত্তো বিজৃম্ভণে ॥ ৩৫ ॥
ন জহাতি মৃতং চাপি সর্বব্যাপি ধনঞ্জয়ঃ ।
এতে সর্বাসু নাডীষু ভ্রমন্তে জীবরূপিণঃ ॥ ৩৬ ॥
আক্ষিপ্তো ভুজদণ্ডেন য়থোচ্চলতি কন্দুকঃ ।
প্রাণাপানসমাক্ষিপ্তস্তথা জীবো ন তিষ্ঠতি ॥ ৩৮ ॥
প্রাণাপানবশো জীবো হ্যধশ্ চোর্ধ্বং চ ধাবতি ।
বামদক্ষিণমার্গেণ চঞ্চলত্বান্ ন দৃশ্যতে ॥ ৩৯ ॥
রজ্জুবদ্ধো য়থা শ্যেনো গতোঽপ্যাকৃষ্যতে ।
গুণবদ্ধস্তথা জীবঃ প্রাণাপানেন কৃষ্যতে ॥ ৪০ ॥
অপানঃ কর্ষতি প্রাণঃ প্রাণোঽপানং চ কর্ষতি ।
ঊর্ধ্বাধঃ সংস্থিতাবেতৌ সংয়োজয়তি য়োগবিত্ ॥ ৪১ ॥
হকারেণ বহির্যাতি সকারেণ বিশেত্পুনঃ ।
হংসহংসেত্যমুম মন্ত্রং জীবো জপতি সর্বদা ॥ ৪২ ॥
ষট্শতানিত্বহোরাত্রে সহস্রাণ্যেকবিংশতিঃ ।
এতত্সঙ্খ্যান্বিতং মন্ত্র জীবো জপতি সর্বদা ॥ ৪৩ ॥
অজপা নাম গায়ত্রী য়োগিনাং মোক্ষদায়িনী ।
অস্যাঃ সঙ্কল্পমাত্রেণ সর্বপাপৈঃ প্রমুচ্যতে ॥ ৪৪ ॥
অনয়া সদৃশী বিদ্যা অনয়া সদৃশো জপঃ ।
অনয়া সদৃশং জ্ঞানং ন ভূতং ন ভবিষ্যতি ॥ ৪৫ ॥
কুন্দলিন্যাঃ সমুদ্ভূতা গায়ত্রী প্রাণধারিণী ।
প্রাণবিদ্যা মহাবিদ্যা য়স্তাং বেত্তি স য়োগবিত্ ॥ ৪৬ ॥
কন্দোর্ধ্বং কুণ্ডলী শক্তিরষ্টধা কুণ্ডলাকৃতি ।
ব্রহ্মদ্বারমুখং নিত্যং মুখেনাচ্ছাদ্য তিষ্ঠতি ॥ ৪৭ ॥
য়েন দ্বারেণ গন্তব্যং ব্রহ্মস্থানমনাময়ম্ ।
মুখেনাচ্ছাদ্য তদ্দ্বারং প্রসুপ্তা পরমেশ্বরী ॥ ৪৮ ॥
প্রবুদ্ধা বহ্নিয়োগেন মনসা মারুতা হতা ।
সূচীবদ্ গুণমাদায় ব্রজত্যূর্ধ্বং সুষুম্ণয়া ॥ ৪৯ ॥
প্রস্ফুরদ্ভুজগাকারা পদ্মতন্তুনিভা শুভা ।
প্রবুদ্ধা বহ্নিয়োগেন ব্রজতি ঊর্ধ্বং সুষুম্ণয়া ॥ ৫০ ॥
উদ্ঘটয়েত্কপাতং তু য়থা কুঞ্চিকয়া হঠাত্ ।
কুণ্ডলিন্যা তথা য়োগী মোক্ষদ্বারং প্রভেদয়েত্ ॥ ৫১ ॥
কৃত্বা সম্পুটিতৌ করৌ দৃঢতরং বদ্ধবাতু পদ্মাসনং
গাঢং বক্ষসি সন্নিধায় চিবুকং ধ্যাত্বা তত্প্রেক্ষিতম্ ।
বারং বারমপানমূর্ধ্বমনিলং প্রোচ্চারয়েত্পূরিতং
মুঞ্চন্প্রাণমুপৈতি বোধমতুলং শক্তিপ্রবোধান্নরঃ ॥ ৫২ ॥
অঙ্গানাং মর্দনং কুর্যাচ্ছ্রমজাতেন বারিণা ।
কট্বাম্ললবণত্যাগী ক্ষীরভোজনমাচরেত্ ॥ ৫৩ ॥
ব্রহ্মচারী মিতাহারী ত্যাগী য়োগপরায়ণঃ ।
অব্দাদুর্ধ্বং ভবেত্সিদ্ধো নাত্র কার্যা বিচারণা ॥ ৫৪ ॥
সুস্নিগ্ধং মধুরাহারং চতুর্থাংশবিবর্জিতম্ ।
ভুজ্যতে সুরসম্প্রীত্যৈ মিতাহারঃ স উচ্যতে ॥ ৫৫ ॥
কন্দোর্ধ্বং কুণ্ডলী শক্তিরষ্টধা কুণ্ডলাকৃতিঃ ।
বন্ধনায় চ মূঢানাং য়োগিনাং মোক্ষদা স্মৃতা ॥ ৫৬ ॥
মহামুদ্রাং নমোমুদ্রামুড্ডিয়ানং জলন্ধরম্ ।
মূলবন্ধং চ য়ো বেত্তি স য়োগী সিদ্ধিভাজনম্ ॥ ৫৭ ॥
শোধনং নাডিজালস্য চালনং চন্দ্রসূর্যয়োঃ ।
রসানাং শোষণং চৈব মহামুদ্রাভিধীয়তে ॥ ৫৮ ॥
বক্ষোন্যস্তহনুর্নিপীড্য সুচিরং য়োনিং চ বামাঙ্ঘ্রিণা
হস্তাভ্যামবধারিতং প্রসরিতং পাদং তথা দক্ষিণম্ ।
আপূর্য শ্বসনেন কুক্ষিয়ুগলং বদ্ধ্বা শনৈ রেচয়েদ্
এষা পাতকনাশিনী সুমহতী মুদ্রা নৄণাং প্রোচ্যতে ॥ ৫৯ ॥
চন্দ্রাঙ্গেন সমভ্যস্য সূর্যাঙ্গেনাভ্যসেত্ পুনঃ ।
য়াবত্ তুল্যা ভবেত্সঙ্খ্যা ততো মুদ্রাং বিসর্জয়েত্ ॥ ৬০ ॥
ন হি পথ্যমপথ্যং বা রসাঃ সর্বেঽপি নীরসাঃ ।
অপি মুক্তং বিষং ঘোরং পীয়ূষমপি জীর্যতে ॥ ৬১ ॥
ক্ষয়কুষ্ঠগুদাবর্তগুল্মাজীর্ণপুরোগমাঃ ।
রোগাস্তস্য ক্ষয়ং য়ান্তি মহামুদ্রাং তু য়োঽভ্যসেত্ ॥ ৬২ ॥
কথিতেয়ং মহামুদ্রা মহাসিদ্ধিকরা নৄণাম্ ।
গোপনীয়া প্রয়ত্নেন ন দেয়া য়স্য কস্যচিত্ ॥ ৬৩ ॥
কপালকুহরে জিহ্বা প্রবিষ্টা বিপরীতগা ।
ভ্রুবোরন্তর্গতা দৃষ্টির্মুদ্রা ভবতি খেচরী ॥ ৬৪ ॥
ন রোগো মরণং তন্দ্রা ন নিদ্রা ন ক্ষুধা তৃষা ।
ন চ মূর্চ্ছা ভবেত্তস্য য়ো মুদ্রাং বেত্তি খেচরীম্ ॥ ৬৫ ॥
পীড্যতে ন স রোগেণ লিপ্যতে ন চ কর্মণা ।
বাধ্যতে ন স কালেন য়ো মুদ্রাং বেত্তি খেচরীম্ ॥ ৬৬ ॥
চিত্তং চরতি খে য়স্মাজ্জিহ্বা চরতি খে গতা ।
তেনৈষা খেচরী নাম মুদ্রা সিদ্ধৈর্নিরূপিতা ॥ ৬৭ ॥
বিন্দুমূলং শরীরং তু শিরাস্তত্র প্রতিষ্ঠিতাঃ ।
ভাবয়ন্তি শরীরং য়া আপাদতলমস্তকম্ ॥ ৬৮ ॥
খেচর্যা মুদ্রিতং য়েন বিবরং লম্বিকোর্ধ্বতঃ ।
ন তস্য ক্ষরতে বিন্দুঃ কামিন্যালিঙ্গিতস্য চ ॥ ৬৯ ॥
য়াবদ্বিন্দুঃ স্থিতো দেহে তাবত্কালভয়ং কুতঃ ।
য়াবদ্বদ্ধা নভোমুদ্রা তাবদ্বিন্দুর্ন গচ্ছতি ॥ ৭০ ॥
চলিতোঽপি য়দা বিন্দুঃ সম্প্রাপ্তশ্চ হুতাশনম্ ।
ব্রজত্যূর্ধ্বং হৃতঃ শক্ত্যা নিরুদ্ধো য়োনিমুদ্রয়া ॥ ৭১ ॥
স পুনর্দ্বিবিধো বিন্দুঃ পণ্ডুরো লোহিতস্তথা ।
পাণ্ডুরং শুক্রমিত্যাহুর্লোহিতং তু মহারাজঃ ॥ ৭২ ॥
সিন্দূরদ্রবসঙ্কাশং রবিস্থানে স্থিতং রজঃ ।
শশিস্থানে স্থিতো বিন্দুস্তয়োরৈক্যং সুদুর্লভম্ ॥ ৭৩ ॥
বিন্দুঃ শিবো রজঃ শক্তির্বিন্দুমিন্দূ রজো রবিঃ ।
উভয়োঃ সঙ্গমাদেব প্রাপ্যতে পরমং পদম্ ॥ ৭৪ ॥
বায়ুনা শক্তিচারেণ প্রেরিতং তু মহারজঃ ।
বিন্দুনৈতি সহৈকত্বং ভবেদ্দিব্যং বপুস্তদা ॥ ৭৫ ॥
শুক্রং চন্দ্রেণ সংয়ুক্তং রজঃ সূর্যেণ সংয়ুতম্ ।
তয়োঃ সমরসৈকত্বং য়োজানাতি স য়োগবিত্ ॥ ৭৬ ॥
উড্ডীনং কুরুতে য়স্মাদবিশ্রান্তং মহাখগঃ ।
উড্ডীয়ানং তদেব স্যাত্তব বন্ধোঽভিধীয়তে ॥ ৭৭ ॥
উদরাত্পশ্চিমে ভাগে হ্যধো নাভের্নিগদ্যতে ।
উড্ডীয়ানস্য বন্ধোঽয়ং তত্র বন্ধো বিধীয়তে ॥ ৭৮ ॥
বধ্নাতি হি সিরাজালমধোগামি শিরোজলম্ ।
ততো জালন্ধরো বন্ধঃ কণ্ঠদুঃখৌঘনাশনঃ ॥ ৭৯ ॥
জালন্ধরে কৃতে বন্ধে কণ্ঠসংকোচলক্ষণে ।
পীয়ূষং ন পতত্যগ্নৌ ন চ বায়ুঃ প্রকুপ্যতি ॥ ৮০ ॥
পার্ষ্ণিভাগেন সম্পীড্য য়োনিমাকুঞ্চয়েদ্গুদম্ ।
অপানমূর্ধ্বমাকৃষ্য মূলবন্ধোঽভিধীয়তে ॥ ৮১ ॥
অপানপ্রাণয়োরৈক্যাত্ ক্ষয়ান্মূত্রপুরীষয়োঃ ।
য়ুবা ভবতি বৃদ্ধোঽপি সততং মূলবন্ধনাত্ ॥ ৮২ ॥
পদ্মাসনং সমারুহ্য সমকায়শিরোধরঃ ।
নাসাগ্রদৃষ্টিরেকান্তে জপেদোঙ্কারমব্যয়ম্ ॥ ৮৩ ॥
ভূর্ভুবঃ স্বরিমে লোকাঃ সোমসূর্যাগ্নিদেবতাঃ ।
য়স্যা মাত্রাসু তিষ্ঠন্তি তত্পরং জ্যোতিরোমিতি ॥ ৮৪ ॥
ত্রয়ঃকালাস্ত্রয়ো বেদাস্ত্রয়ো লোকাস্ত্রয়ঃ স্বেরাঃ ।
ত্রয়োদেবাঃ স্থিতা য়ত্র তত্পরং জ্যোতিরোমিতি ॥ ৮৫ ॥
ক্রিয়া চেচ্ছা তথা জ্ঞানাব্রাহ্মীরৌদ্রীশ্চ বৈষ্ণবী ।
ত্রিধাশক্তিঃ স্থিতা য়ত্র তত্পরং জ্যোতিরোমিতি ॥ ৮৬ ॥
আকারাশ্চ তথোকারোমকারো বিন্দুসংজ্ঞকঃ ।
তিস্রোমাত্রাঃ স্থিতা য়ত্র তত্পরং জ্যোতিরোমিতি ॥ ৮৭ ॥
বচসা তজ্জয়েদ্বীজং বপুষা তত্সমভ্যসেত্ ।
মনসা তত্স্মরেন্নিত্যং তত্পরং জ্যোতিরোমিতি ॥ ৮৮ ॥
শুচির্বাপ্যশুচির্বাপি য়ো জপেত্প্রণবং সদা ।
লিপ্যতে ন স পাপেন পদ্মপত্রমিবাম্ভসা ॥ ৮৯ ॥
চলে বাতে চলো বিন্দুর্নিশ্চলে নিশ্চলো ভবেত্ ।
য়োগী স্থাণুত্বমাপ্নোতি ততো বায়ুং নিরোধয়েত্ ॥ ৯০ ॥
য়াবদ্বায়ুঃ স্থিতো দেহে তাবজ্জীবনমুচ্যতে ।
মরণং তস্য নিষ্ক্রান্তিস্ততো বায়ুং নিরোধয়েত্ ॥ ৯১ ॥
য়াবদ্বদ্ধো মরুদ্দেহে য়াবচ্চিত্তং নিরাকুলম্ ।
য়াবদ্দৃষ্টির্ভ্রুবোর্মধ্যে তাবত্কালভয়ং কুতঃ ॥ ৯২ ॥
অতঃ কালভয়াদ্ ব্রহ্মা প্রাণায়ামপরায়ণঃ ।
য়োগিনো মুনয়শ্চৈব ততো বায়ুং নিরোধয়েত্ ॥ ৯৩ ॥
ষট্ত্রিংশদঙ্গুলোহংসঃ প্রয়াণং কুরুতে বহিঃ ।
বামদক্ষিণমার্গেণ ততঃ প্রাণোঽভিধীয়তে ॥ ৯৪ ॥
শুদ্ধিমেতি য়দা সর্বং নাডীচক্রং মলাকুলম্ ।
তদৈব জায়তে য়োগী প্রাণসংগ্রহণে ক্ষমঃ ॥ ৯৫ ॥
বদ্ধপদ্মাসনো য়োগী প্রাণং চন্দ্রেণ পূরয়েত্ ।
ধারয়িত্বা য়থাশক্তি ভূয়ঃ সূর্যেণ রেচয়েত্ ॥ ৯৬ ॥
অমৃতং দধিসঙ্কাশং গোক্ষীররজতোপমম্ ।
ধ্যাত্বা চন্দ্রমসো বিম্বং প্রাণায়ামী সুখী ভবেত্ ॥ ৯৭ ॥
দক্ষিণো শ্বাসমাকৃষ্য পূরয়েদুদরং শনৈঃ ।
কুম্ভয়িত্বা বিধানেন পুরশ্চন্দ্রেণ রেচয়েত্ ॥ ৯৮ ॥
প্রজ্বলজ্জ্বলনজ্বালাপুঞ্জমাদিত্যমণ্ডলম্ ।
ধ্যাত্বা নাভিস্থিতং য়োগী প্রাণায়ামে সুখী ভবেত্ ॥ ৯৯ ॥
প্রাণং চোদিডয়া পিবেন্পরিমিতং ভূয়োঽন্যয়া রেচয়েত্
পীত্বা পিঙ্গলয়া সমীরণমথো বদ্ধ্বা ত্যজেদ্বাময়া ।
সূর্যচন্দ্রমসোরনেন বিধিনা বিম্বদ্বয়ং ধ্যায়তঃ
শুদ্ধা নাডিগণা ভবন্তি য়মিনো মাসত্রয়াদূর্ধ্বতঃ ॥ ১০০ ॥
য়থেষ্ঠং ধারণং বায়োরনলস্য প্রদীপনম্ ।
নাদাভিব্যক্তিরারোগ্যং জায়তে নাডিশোধনাত্ ॥ ১০১ ॥
॥ ইতি শ্রী গোরক্ষনাথপ্রণীতঃ গোরক্ষশতকং সম্পূর্ণম্ ॥
