ଶ୍ରୀନରସିଂହଭାରତୀପାଦାଷ୍ଟକମ୍ Lyrics in Oriya:
ଶ୍ରୀକୀର୍ତିପ୍ରତିଭାନାଂ ଭଵନଂ ଭଵିତା ୟଦୀୟପଦନତ୍ୟା
ତାନ୍ଦାସୀକୃତଭୂପାନ୍ଵନ୍ଦେ ନରସିଂହଭାରତୀପାଦାନ୍ ॥ ୧॥
ଚିତ୍ରଂ ୟନ୍ମୁଖଚନ୍ଦ୍ରାଲୋକାଦ୍ଵିକସନ୍ତି ଚିତ୍ତପଦ୍ମାନି ।
ଶିଷ୍ୟାଣାମନିଶଂ ତାନ୍ଵନ୍ଦେ ନରସିଂହଭାରତୀପାଦାନ୍ ॥ ୨॥
ସରସାନ୍କଵିତାସାରାନ୍ଵର୍ଷତ୍ୟାସ୍ୟେଷୁ ନମ୍ରଜନତାୟାଃ ।
ୟଦପାଙ୍ଗଵାରିଦସ୍ତାନ୍ଵନ୍ଦେ ନରସିଂହଭାରତୀପାଦାନ୍ ॥ ୩॥
ଏନଃପର୍ଵତଭେଦେ ଶତକୋଟିଧୁରଂ ଦଧାତି ୟଦ୍ଭକ୍ତିଃ ।
ପାପାବ୍ଧିବାଡଵାଂସ୍ତାନ୍ଵନ୍ଦେ ନରସିଂହଭାରତୀପାଦାନ୍ ॥ ୪॥
ୟଦ୍ଵାକ୍ଶ୍ରୁତିର୍ନରାଣାଂ ଭଵସାଗରତାରଣେ ନୌକା ।
ଶୀଲିତନିଗମାନ୍ତାଂସ୍ତାନ୍ଵନ୍ଦେ ନରସିଂହଭାରତୀପାଦାନ୍ ॥ ୫॥
ତ୍ରାସିତକାମଗଜେନ୍ଦ୍ରାନ୍ସ୍ଵଵଚଶ୍ଚାତୁର୍ୟତୋଷିତାର୍ୟଜନାନ୍ ।
କ୍ରୋଧାହିଵୈନତେୟାନ୍ଵନ୍ଦେ ନରସିଂହଭାରତୀପାଦାନ୍ ॥ ୬॥
ଵିତରଣଧିକ୍କୃତକର୍ଣାନ୍କ୍ଷମୟା ନିର୍ଧୂତମେଦିନୀଗର୍ଵାନ୍ ।
ଵିରତିଵିଧୂତାର୍ୟଶୁକାନ୍ଵନ୍ଦେ ନରସିଂହଭାରତୀପାଦାନ୍ ॥ ୭॥
ୟତ୍ପାଦାମ୍ବୁଜଭକ୍ତିସ୍ତତ୍ତ୍ଵପ୍ରାସାଦଗମନନିଃଶ୍ରେଣୀ ।
ତାନ୍ନତସୁଖାବ୍ଧିଚନ୍ଦ୍ରାନ୍ଵନ୍ଦେ ନରସିଂହଭାରତୀପାଦାନ୍ ॥ ୮॥
ଭୂଷିତଵିଭାଣ୍ଡକାତ୍ମଜଜନିଭୂମୀନ୍କୀର୍ତିରାଜିତଦିଗନ୍ତାନ୍ ।
ଵିଶ୍ଵୋତ୍ତଂସିତପାଦାନ୍ଵନ୍ଦେ ନରସିଂହଭାରତୀପାଦାନ୍ ॥ ୯॥
ସ୍ତୁତିମେନାଂ ଗୁରୁକୃପୟା ରଚିତାମଵନାଵହର୍ନିଶଂ ପଠତାମ୍ ।
କରୁଣାନୀରଧୟଃ ସ୍ୟୁର୍ହୃଷ୍ଟା ନରସିଂହଭାରତୀପାଦାଃ ॥ ୧୦॥
ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଶ୍ରୀନରସିଂହଭାରତୀପାଦାଷ୍ଟକଂ ସମ୍ପୂର୍ଣମ୍ ।