Nandakumar Astakam in Oriya:
ଶ୍ରୀନନ୍ଦକୁମାରାଷ୍ଟକମ୍
ସୁନ୍ଦରଗୋପାଲଂ ଉରଵନମାଲଂ ନୟନଵିଶାଲଂ ଦୁଃଖହରଂ
ଵୃନ୍ଦାଵନଚନ୍ଦ୍ରମାନନ୍ଦକନ୍ଦଂ ପରମାନନ୍ଦଂ ଧରଣିଧରମ୍ ।
ଵଲ୍ଲଭଘନଶ୍ୟାମଂ ପୂର୍ଣକାମଂ ଅତ୍ୟଭିରାମଂ ପ୍ରୀତିକରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୧॥
ସୁନ୍ଦରଵାରିଜଵଦନଂ ନିର୍ଜିତମଦନଂ ଆନନ୍ଦସଦନଂ ମୁକୁଟଧରଂ
ଗୁଞ୍ଜାକୃତିହାରଂ ଵିପିନଵିହାରଂ ପରମୋଦାରଂ ଚୀରହରମ୍ ।
ଵଲ୍ଲଭପଟପୀତଂ କୃତଉପଵୀତଂ କରନଵନୀତଂ ଵିବୁଧଵରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୨॥
ଶୋଭିତମୁଖଧୁଲଂ ୟମୁନାକୂଲଂ ନିପଟଅତୂଲଂ ସୁଖଦତରଂ
ମୁଖମଣ୍ଡିତରେଣୁଂ ଚାରିତଧେନୁଂ ଵାଦିତଵେଣୁଂ ମଧୁରସୁରମ୍ ।
ଵଲ୍ଲଭମତିଵିମଲଂ ଶୁଭପଦକମଲଂ ନଖରୁଚି ଅମଲଂ ତିମିରହରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୩॥
ଶିରମୁକୁଟସୁଦେଶଂ କୁଞ୍ଚିତକେଶଂ ନଟଵରଵେଶଂ କାମଵରଂ
ମାୟାକୃତମନୁଜଂ ହଲଧରଅନୁଜଂ ପ୍ରତିହତଦନୁଜଂ ଭାରହରମ୍ ।
ଵଲ୍ଲଭଵ୍ରଜପାଲଂ ସୁଭଗସୁଚାଲଂ ହିତମନୁକାଲଂ ଭାଵଵରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୪॥
ଇନ୍ଦୀଵରଭାସଂ ପ୍ରକଟସୁରାସଂ କୁସୁମଵିକାସଂ ଵଂଶିଧରଂ
ହୃତ୍ମନ୍ମଥମାନଂ ରୂପନିଧାନଂ କୃତକଲଗାନଂ ଚିତ୍ତହରମ୍ ।
ଵଲ୍ଲଭମୃଦୁହାସଂ କୁଞ୍ଜନିଵାସଂ ଵିଵିଧଵିଲାସଂ କେଲିକରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୫॥
ଅତିପରମପ୍ରଵୀଣଂ ପାଲିତଦୀନଂ ଭକ୍ତାଧୀନଂ କର୍ମକରଂ
ମୋହନମତିଧୀରଂ ଫଣିବଲଵୀରଂ ହତପରଵୀରଂ ତରଲତରମ୍ ।
ଵଲ୍ଲଭଵ୍ରଜରମଣଂ ଵାରିଜଵଦନଂ ହଲଧରଶମନଂ ଶୈଲଧରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୬॥
ଜଲଧରଦ୍ୟୁତିଅଙ୍ଗଂ ଲଲିତତ୍ରିଭଙ୍ଗଂ ବହୁକୃତରଙ୍ଗଂ ରସିକଵରଂ
ଗୋକୁଲପରିଵାରଂ ମଦନାକାରଂ କୁଞ୍ଜଵିହାରଂ ଗୂଢତରମ୍ ।
ଵଲ୍ଲଭଵ୍ରଜଚନ୍ଦ୍ରଂ ସୁଭଗସୁଛନ୍ଦଂ କୃତଆନନ୍ଦଂ ଭ୍ରାନ୍ତିହରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୭॥
ଵନ୍ଦିତୟୁଗଚରଣଂ ପାଵନକରଣଂ ଜଗଦୁଦ୍ଧରଣଂ ଵିମଲଧରଂ
କାଲିୟଶିରଗମନଂ କୃତଫଣିନମନଂ ଘାତିତୟମନଂ ମୃଦୁଲତରମ୍ ।
ଵଲ୍ଲଭଦୁଃଖହରଣଂ ନିର୍ମଲଚରଣଂ ଅଶରଣଶରଣଂ ମୁକ୍ତିକରଂ
ଭଜ ନନ୍ଦକୁମାରଂ ସର୍ଵସୁଖସାରଂ ତତ୍ତ୍ଵଵିଚାରଂ ବ୍ରହ୍ମପରମ୍ ॥ ୮॥
॥ ଇତି ଶ୍ରୀମହାପ୍ରଭୁଵଲ୍ଲଭାଚାର୍ୟଵିରଚିତଂ ଶ୍ରୀନନ୍ଦକୁମାରାଷ୍ଟକଂ ସମ୍ପୂର୍ଣମ୍ ॥
Also Read:
Hymn to Krishna as Nandakumar – Nandakumar Astakam in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
