Jabala Upanishad in Bengali:
॥ জাবালোপনিষৎ ॥
জাবালোপনিষৎখ্যাতং সংন্যাসজ্ঞানগোচরম্ ।
বস্তুতস্ত্রৈপদং ব্রহ্ম স্বমাত্রমবশিষ্যতে ॥
ওঁ পূর্ণমদঃ পূর্ণমিদং পূর্ণাৎ পূর্ণমুদচ্যতে ।
পূর্ণস্য পূর্ণমাদায় পূর্ণমেবাবশিষ্যতে ॥
ওঁ শান্তিঃ শান্তিঃ শান্তিঃ ॥
ওঁ বৃহস্পতিরুবাচ যাজ্ঞবল্ক্যং যদনু কুরুক্ষেত্রং
দেবানাং দেবয়জনং সর্বেষাং ভূতানাং ব্রহ্মসদনম্ ।
অবিমুক্তং বৈ কুরুক্ষেত্রং দেবানাং দেবয়জনং সর্বেষাং
ভূতানাং ব্রহ্মসদনম্ ।
তস্মাদ্যত্র ক্বচন গচ্ছতি তদেব মন্যেত তদবিমুক্তমেব ।
ইদং বৈ কুরুক্ষেত্রং দেবানাং দেবয়জনং সর্বেষাং
ভূতানাং ব্রহ্মসদনম্ ॥
অত্র হি জন্তোঃ প্রাণেষূৎক্রমমাণেষু রুদ্রস্তারকং ব্রহ্ম
ব্যাচষ্টে যেনাসাবমৃতী ভূৎবা মোক্ষী ভবতি
তস্মাদবিমুক্তমেব নিষেবেত অবিমুক্তং ন
বিমুঞ্চেদেবমেবৈতদ্যাজ্ঞবল্ক্যঃ ॥ ১ ॥
অথ হৈনমত্রিঃ পপ্রচ্ছ যাজ্ঞবল্ক্যং য এষোঽনন্তোঽব্যক্ত
আত্মা তং কথমহং বিজানীয়ামিতি ॥
স হোবাচ যাজ্ঞবল্ক্যঃ সোঽবিমুক্ত উপাস্যো য
এষোঽনন্তোঽব্যক্ত আত্মা সোঽবিমুক্তে প্রতিষ্ঠিত ইতি ॥
সোঽবিমুক্তঃ কস্মিন্প্রতিষ্ঠিত ইতি । বরণায়াং নাশ্যাং চ
মধ্যে প্রতিষ্ঠিত ইতি ॥
কা বৈ বরণা কা চ নাশীতি ।
সর্বানিন্দ্রিয়কৃতান্দোষান্বারয়তীতি তেন বরণা ভবতি ॥
সর্বানিন্দ্রিয়কৃতান্পাপান্নাশয়তীতি তেন নাশী ভবতীতি ॥
কতমং চাস্য স্থানং ভবতীতি । ভ্রুবোর্ঘ্রাণস্য চ যঃ
সন্ধিঃ স এষ দ্যৌর্লোকস্য পরস্য চ সন্ধির্ভবতীতি । এতদ্বৈ
সন্ধিং সন্ধ্যাং ব্রহ্মবিদ উপাসত ইতি । সোঽবিমুক্ত উপাস্য ইতি
। সোঽবিমুক্তং জ্ঞানমাচষ্টে । যো বৈতদেবং বেদেতি ॥ ২ ॥
অথ হৈনং ব্রহ্মচারিণ ঊচুঃ কিং জপ্যেনামৃতৎবং ব্রূহীতি ॥
স হোবাচ যাজ্ঞবল্ক্যঃ । শতরুদ্রিয়েণেত্যেতান্যেব হ বা
অমৃতস্য নামানি ॥
এতৈর্হ বা অমৃতো ভবতীতি এবমেবৈতদ্যাজ্ঞবল্ক্যঃ ॥ ৩ ॥
অথ হৈনং জনকো বৈদেহো যাজ্ঞবল্ক্যমুপসমেত্যোবাচ
ভগবন্সংন্যাসং ব্রূহীতি । স হোবাচ যাজ্ঞবল্ক্যঃ ।
ব্রহ্মচর্যং পরিসমাপ্য গৃহী ভবেৎ । গৃহী ভূৎবা বনী
ভবেৎ । বনী ভূৎবা প্রব্রজেৎ । যদি বেতরথা
ব্রহ্মচর্যাদেব প্রব্রজেদ্গৃহাদ্বা বনাদ্বা ॥
অথ পুনরব্রতী বা ব্রতী বা স্নাতকো বাঽস্নাতকো
বোৎসন্নগ্নিকো বা যদহরেব বিরজেত্তদহরেব প্রব্রজেৎ ।
তদ্ধৈকে প্রাজাপত্যামেবেষ্টি,ন্ কুর্বন্তি । তদু তথা ন
কুর্যাদাগ্নেয়ীমেব কুর্যাৎ ॥
অগ্নির্হ বৈ প্রাণঃ প্রাণমেব তথা করোতি ॥
ত্রৈধাতবীয়ামেব কুর্যাৎ । এতয়ৈব ত্রয়ো ধাতবো যদুত
সত্ত্বং রজস্তম ইতি ॥
অয়ং তে যোনিরৃৎবিজো যতো জাতঃ প্রাণাদরোচথাঃ । তং
প্রাণং জানন্নগ্ন আরোহাথা নো বর্ধয় রয়িম্ । ইত্যনেন
মন্ত্রেণাগ্নিমাজিঘ্রেৎ ॥
এষ হ বা অগ্নের্যোনির্যঃ প্রাণঃ প্রাণং গচ্ছ
স্বাহেত্যেবমেবৈতদাহ ॥
গ্রামাদগ্নিমাহৃত্য পূর্বদগ্নিমাঘ্রাপয়েৎ ॥
যদ্যগ্নিং ন বিন্দেদপ্সু জুহুয়াৎ । আপো বৈ সর্বা দেবতাঃ
সর্বাভ্যো দেবতাভ্যো জুহোমি স্বাহেতি হুৎবোধৃত্য
প্রাশ্নীয়াৎসাজ্যং হবিরনাময়ং মোক্ষমন্ত্রঃ ত্রয়্যৈবং
বদেৎ । এতদ্ব্রহ্মৈতদুপাসিতব্যম্ । এবমেবৈতদ্ভগবন্নিতি বৈ
যাজ্ঞবল্ক্যঃ ॥ ৪ ॥
অথ হৈনমত্রিঃ পপ্রচ্ছ যাজ্ঞবল্ক্যং পৃচ্ছামি ৎবা
যাজ্ঞবল্ক্য অয়জ্ঞোপবীতি কথং ব্রাহ্মণ ইতি । স হোবাচ
যাজ্ঞবল্ক্যঃ । ইদমেবাস্য তদ্যজ্ঞোপবীতং য আত্মাপঃ
প্রাশ্যাচম্যায়ং বিধিঃ পরিব্রাজকানাম্ । বীরাধ্বানে বা
অনাশকে বা অপাং প্রবেশে বা অগ্নিপ্রবেশে বা মহাপ্রস্থানে বা
। অথ পরিব্রাড্বিবর্ণবাসা মুণ্ডোঽপরিগ্রহঃ শুচিরদ্রোহী
ভৈক্ষণো ব্রহ্মভূয়ায় ভবতীতি । যদ্যাতুরঃ স্যান্মনসা
বাচা সংন্যসেৎ । এষ পন্থা ব্রহ্মণা হানুবিত্তস্তেনৈতি
সংন্যাসী ব্রহ্মবিদিত্যেবমেবৈষ ভগবন্যাজ্ঞবল্ক্য ॥ ৫ ॥
তত্র
পরমহংসানামসংবর্তকারুণিশ্বেতকেতুদুর্বাসঋভুনিদাঘজড
ভরতদত্তাত্রেয়রৈবতক-
প্রভৃতয়োঽব্যক্তলিঙ্গা অব্যক্তাচারা অনুন্মত্তা
উন্মত্তবদাচরন্তস্ত্রিদণ্ডং কমণ্ডলুং শিক্যং পাত্রং
জলপবিত্রং শিখাং যজ্ঞোপবীতং চ ইত্যেতৎসর্বং
ভূঃস্বাহেত্যপ্সু পরিত্যজ্যাত্মানমন্বিচ্ছেৎ ॥
যথা জাতরূপধরো নির্গ্রন্থো নিষ্পরিগ্রহস্তত্তদ্ব্রহ্মমার্গে
সম্যক্সম্পন্নঃ শুদ্ধমানসঃ প্রাণসন্ধারণার্থং
যথোক্তকালে বিমুক্তো ভৈক্ষমাচরন্নুদরপাত্রেণ
লাভালাভয়োঃ সমো ভূৎবা
শূন্যাগারদেবগৃহতৃণকূটবল্মীকবৃক্ষমূলকুলালশালাগ্
নিহোত্রগৃহনদীপুলিনগিরিকুহরকন্দরকোটরনির্ঝরস্থণ্ডিলেষু
তেষ্বনিকেতবাস্য প্রয়ত্নো নির্মমঃ
শুক্লধ্যানপরায়ণোঽধ্যাত্মনিষ্ঠোঽশুভকর্ম-
নির্মূলনপরঃ সংন্যাসেন দেহত্যাগং করোতি স পরমহংসো
নাম পরমহংসো নামেতি ॥ ৬ ॥
ওঁ পূর্ণমদ ইতি শাতিঃ ॥
ইত্যথর্ববেদীয়া জাবালোপনিষৎসমাপ্তা ॥
Also Read:
Jabala Upanishad Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil