Narayanopanishat in Bengali:
॥ নারায়ণোপনিষৎ অথবা নারায়ণ অথর্বশীর্ষ ॥
কৃষ্ণয়জুর্বেদীয়া
ওঁ সহ নাববতু সহ নৌ ভুনক্তু । সহ বীর্যং করবাবহৈ ।
তেজস্বিনাবধীতমস্তু । মা বিদ্বিষাবহৈ ॥
ওঁ শান্তিঃ শান্তিঃ শান্তিঃ ॥
(প্রথমঃ খণ্ডঃ
নারায়ণাৎ সর্বচেতনাচেতনজন্ম)
ওঁ অথ পুরুষো হ বৈ নারায়ণোঽকাময়ত প্রজাঃ সৃজেয়েতি ।
নারায়ণাৎপ্রাণো জায়তে । মনঃ সর্বেন্দ্রিয়াণি চ ।
খং বায়ুর্জ্যোতিরাপঃ পৃথিবী বিশ্বস্য ধারিণী ।
নারায়ণাদ্ ব্রহ্মা জায়তে । নারায়ণাদ্ রুদ্রো জায়তে ।
নারায়ণাদিন্দ্রো জায়তে । নারায়ণাৎপ্রজাপতয়ঃ প্রজায়ন্তে ।
নারায়ণাদ্দ্বাদশাদিত্যা রুদ্রা বসবঃ সর্বাণি চ ছন্দাꣳসি ।
নারায়ণাদেব সমুৎপদ্যন্তে । নারায়ণে প্রবর্তন্তে । নারায়ণে প্রলীয়ন্তে ॥
(এতদৃগ্বেদশিরোঽধীতে ।)
(দ্বিতীয়ঃ খণ্ডঃ
নারায়ণস্য সর্বাত্মৎবম্)
ওঁ । অথ নিত্যো নারায়ণঃ । ব্রহ্মা নারায়ণঃ । শিবশ্চ নারায়ণঃ ।
শক্রশ্চ নারায়ণঃ । দ্যাবাপৃথিব্যৌ চ নারায়ণঃ ।
কালশ্চ নারায়ণঃ । দিশশ্চ নারায়ণঃ । ঊর্ধ্বংশ্চ নারায়ণঃ ।
অধশ্চ নারায়ণঃ । অন্তর্বহিশ্চ নারায়ণঃ । নারায়ণ এবেদꣳ সর্বম্ ।
যদ্ভূতং যচ্চ ভব্যম্ । নিষ্কলো নিরঞ্জনো নির্বিকল্পো নিরাখ্যাতঃ
শুদ্ধো দেব একো নারায়ণঃ । ন দ্বিতীয়োঽস্তি কশ্চিৎ । য এবং বেদ ।
স বিষ্ণুরেব ভবতি স বিষ্ণুরেব ভবতি ॥
(এতদ্যজুর্বেদশিরোঽধীতে ।)
(তৃতীয়ঃ খণ্ডঃ
নারায়ণাষ্টাক্ষরমন্ত্রঃ)
ওমিত্যগ্রে ব্যাহরেৎ । নম ইতি পশ্চাৎ । নারায়ণায়েত্যুপরিষ্টাৎ ।
ওমিত্যেকাক্ষরম্ । নম ইতি দ্বে অক্ষরে । নারায়ণায়েতি পঞ্চাক্ষরাণি ।
এতদ্বৈ নারায়ণস্যাষ্টাক্ষরং পদম্ ।
যো হ বৈ নারায়ণস্যাষ্টাক্ষরং পদমধ্যেতি । অনপব্রুবস্সর্বমায়ুরেতি ।
বিন্দতে প্রাজাপত্যꣳ রায়স্পোষং গৌপত্যম্ ।
ততোঽমৃতৎবমশ্নুতে ততোঽমৃতৎবমশ্নুত ইতি । য এবং বেদ ॥
(এতৎসামবেদশিরোঽধীতে । ওং নমো নারায়ণায়)
(চতুর্থঃ খণ্ডঃ
নারায়ণপ্রণবঃ)
প্রত্যগানন্দং ব্রহ্মপুরুষং প্রণবস্বরূপম্ । অকার উকার মকার ইতি ।
তানেকধা সমভরত্তদেতদোমিতি ।
যমুক্ত্বা মুচ্যতে যোগী জন্মসংসারবন্ধনাৎ ।
ওঁ নমো নারায়ণায়েতি মন্ত্রোপাসকঃ । বৈকুণ্ঠভুবনলোকং গমিষ্যতি ।
তদিদং পরং পুণ্ডরীকং বিজ্ঞানঘনম্ । তস্মাত্তটিদাভমাত্রম্ ।
( bhAshya তস্মাৎ তটিদিব প্রকাশমাত্রম্)
ব্রহ্মণ্যো দেবকীপুত্রো ব্রহ্মণ্যো মধুসূদনোম্ । var ব্রহ্মণ্যো মধুসূদনয়োম্
সর্বভূতস্থমেকং নারায়ণম্ । কারণরূপমকার পরং ব্রহ্মোম্ ।
এতদথর্বশিরোয়োধীতে ॥
বিদ্যাঽধ্যযনফলম্ ।
প্রাতরধীয়ানো রাত্রিকৃতং পাপং নাশয়তি ।
সায়মধীয়ানো দিবসকৃতং পাপং নাশয়তি ।
মাধ্যন্দিনমাদিত্যাভিমুখোঽধীয়ানঃ পঞ্চমহাপাতকোপপাতকাৎ প্রমুচ্যতে ।
সর্ব বেদ পারায়ণ পুণ্যং লভতে ।
নারায়ণসায়ুজ্যমবাপ্নোতি নারায়ণ সায়ুজ্যমবাপ্নোতি ।
য এবং বেদ । ইত্যুপনিষৎ ॥
ওঁ সহ নাববতু সহ নৌ ভুনক্তু । সহ বীর্যং করবাবহৈ ।
তেজস্বিনাবধীতমস্তু । মা বিদ্বিষাবহৈ ॥
ওঁ শান্তিঃ শান্তিঃ শান্তিঃ ॥
শান্তাকারং ভুজগশয়নং পদ্মনাভং সুরেশং
বিশ্বাধারং গগনসদৃশং মেঘবর্ণং শুভাঙ্গম্ ।
লক্ষ্মীকান্তং কমলনয়নং যোগিভির্ধ্যানগম্যং
বন্দে বিষ্ণুং ভবভয়হরং সর্বলোকৈকনাথম্ ॥
Also Read:
Narayana Atharvashirsha Lyrics in Hindi | English | Bengali | Gujarati | Kannada | Malayalam | Oriya | Telugu | Tamil