Atharvashirsha Vishnu Stotram

Narayanopanishat or Narayana Atharvashirsha Lyrics in Telugu

Narayanopanishat in Telugu:

॥ నారాయణోపనిషత్ అథవా నారాయణ అథర్వశీర్ష ॥
కృష్ణయజుర్వేదీయా

ఓం సహ నావవతు సహ నౌ భునక్తు । సహ వీర్యం కరవావహై ।
తేజస్వినావధీతమస్తు । మా విద్విషావహై ॥

ఓం శాంతిః శాంతిః శాంతిః ॥

(ప్రథమః ఖండః
నారాయణాత్ సర్వచేతనాచేతనజన్మ)

ఓం అథ పురుషో హ వై నారాయణోఽకామయత ప్రజాః సృజేయేతి ।
నారాయణాత్ప్రాణో జాయతే । మనః సర్వేంద్రియాణి చ ।
ఖం వాయుర్జ్యోతిరాపః పృథివీ విశ్వస్య ధారిణీ ।
నారాయణాద్ బ్రహ్మా జాయతే । నారాయణాద్ రుద్రో జాయతే ।
నారాయణాదింద్రో జాయతే । నారాయణాత్ప్రజాపతయః ప్రజాయంతే ।
నారాయణాద్ద్వాదశాదిత్యా రుద్రా వసవః సర్వాణి చ ఛందాꣳసి ।
నారాయణాదేవ సముత్పద్యంతే । నారాయణే ప్రవర్తంతే । నారాయణే ప్రలీయంతే ॥

(ఏతదృగ్వేదశిరోఽధీతే ।)

(ద్వితీయః ఖండః
నారాయణస్య సర్వాత్మత్వం)

ఓం । అథ నిత్యో నారాయణః । బ్రహ్మా నారాయణః । శివశ్చ నారాయణః ।
శక్రశ్చ నారాయణః । ద్యావాపృథివ్యౌ చ నారాయణః ।
కాలశ్చ నారాయణః । దిశశ్చ నారాయణః । ఊర్ధ్వంశ్చ నారాయణః ।
అధశ్చ నారాయణః । అంతర్బహిశ్చ నారాయణః । నారాయణ ఏవేదꣳ సర్వం ।
యద్భూతం యచ్చ భవ్యం । నిష్కలో నిరంజనో నిర్వికల్పో నిరాఖ్యాతః
శుద్ధో దేవ ఏకో నారాయణః । న ద్వితీయోఽస్తి కశ్చిత్ । య ఏవం వేద ।
స విష్ణురేవ భవతి స విష్ణురేవ భవతి ॥
(ఏతద్యజుర్వేదశిరోఽధీతే ।)

(తృతీయః ఖండః
నారాయణాష్టాక్షరమంత్రః)

ఓమిత్యగ్రే వ్యాహరేత్ । నమ ఇతి పశ్చాత్ । నారాయణాయేత్యుపరిష్టాత్ ।
ఓమిత్యేకాక్షరం । నమ ఇతి ద్వే అక్షరే । నారాయణాయేతి పంచాక్షరాణి ।
ఏతద్వై నారాయణస్యాష్టాక్షరం పదం ।
యో హ వై నారాయణస్యాష్టాక్షరం పదమధ్యేతి । అనపబ్రువస్సర్వమాయురేతి ।
విందతే ప్రాజాపత్యꣳ రాయస్పోషం గౌపత్యం ।
తతోఽమృతత్వమశ్నుతే తతోఽమృతత్వమశ్నుత ఇతి । య ఏవం వేద ॥

(ఏతత్సామవేదశిరోఽధీతే । ఓం నమో నారాయణాయ)

(చతుర్థః ఖండః
నారాయణప్రణవః)

ప్రత్యగానందం బ్రహ్మపురుషం ప్రణవస్వరూపం । అకార ఉకార మకార ఇతి ।
తానేకధా సమభరత్తదేతదోమితి ।
యముక్త్వా ముచ్యతే యోగీ జన్మసంసారబంధనాత్ ।
ఓం నమో నారాయణాయేతి మంత్రోపాసకః । వైకుంఠభువనలోకం గమిష్యతి ।
తదిదం పరం పుండరీకం విజ్ఞానఘనం । తస్మాత్తటిదాభమాత్రం ।
( bhAshya తస్మాత్ తటిదివ ప్రకాశమాత్రం)
బ్రహ్మణ్యో దేవకీపుత్రో బ్రహ్మణ్యో మధుసూదనోం । var బ్రహ్మణ్యో మధుసూదనయోం
సర్వభూతస్థమేకం నారాయణం । కారణరూపమకార పరం బ్రహ్మోం ।
ఏతదథర్వశిరోయోధీతే ॥

విద్యాఽధ్యయనఫలం ।

ప్రాతరధీయానో రాత్రికృతం పాపం నాశయతి ।
సాయమధీయానో దివసకృతం పాపం నాశయతి ।
మాధ్యందినమాదిత్యాభిముఖోఽధీయానః పంచమహాపాతకోపపాతకాత్ ప్రముచ్యతే ।
సర్వ వేద పారాయణ పుణ్యం లభతే ।
నారాయణసాయుజ్యమవాప్నోతి నారాయణ సాయుజ్యమవాప్నోతి ।
య ఏవం వేద । ఇత్యుపనిషత్ ॥

ఓం సహ నావవతు సహ నౌ భునక్తు । సహ వీర్యం కరవావహై ।
తేజస్వినావధీతమస్తు । మా విద్విషావహై ॥

ఓం శాంతిః శాంతిః శాంతిః ॥

శాంతాకారం భుజగశయనం పద్మనాభం సురేశం
విశ్వాధారం గగనసదృశం మేఘవర్ణం శుభాంగం ।
లక్ష్మీకాంతం కమలనయనం యోగిభిర్ధ్యానగమ్యం
వందే విష్ణుం భవభయహరం సర్వలోకైకనాథం ॥

Also Read:

Narayana Atharvashirsha Lyrics in Hindi | English | Bengali | Gujarati | Kannada | Malayalam | Oriya | Telugu | Tamil