Atharvashirsha Vishnu Stotram

Narayanopanishat or Narayana Atharvashirsha Lyrics in Malayalam

Narayanopanishat in Malayalam:

॥ നാരായണോപനിഷത് അഥവാ നാരായണ അഥർവശീർഷ ॥
കൃഷ്ണയജുർവേദീയാ

ഓം സഹ നാവവതു സഹ നൗ ഭുനക്തു । സഹ വീര്യം കരവാവഹൈ ।
തേജസ്വിനാവധീതമസ്തു । മാ വിദ്വിഷാവഹൈ ॥

ഓം ശാന്തിഃ ശാന്തിഃ ശാന്തിഃ ॥

(പ്രഥമഃ ഖണ്ഡഃ
നാരായണാത് സർവചേതനാചേതനജന്മ)

ഓം അഥ പുരുഷോ ഹ വൈ നാരായണോഽകാമയത പ്രജാഃ സൃജേയേതി ।
നാരായണാത്പ്രാണോ ജായതേ । മനഃ സർവേന്ദ്രിയാണി ച ।
ഖം വായുർജ്യോതിരാപഃ പൃഥിവീ വിശ്വസ്യ ധാരിണീ ।
നാരായണാദ് ബ്രഹ്മാ ജായതേ । നാരായണാദ് രുദ്രോ ജായതേ ।
നാരായണാദിന്ദ്രോ ജായതേ । നാരായണാത്പ്രജാപതയഃ പ്രജായന്തേ ।
നാരായണാദ്ദ്വാദശാദിത്യാ രുദ്രാ വസവഃ സർവാണി ച ഛന്ദാꣳസി ।
നാരായണാദേവ സമുത്പദ്യന്തേ । നാരായണേ പ്രവർതന്തേ । നാരായണേ പ്രലീയന്തേ ॥

(ഏതദൃഗ്വേദശിരോഽധീതേ ।)

(ദ്വിതീയഃ ഖണ്ഡഃ
നാരായണസ്യ സർവാത്മത്വം)

ഓം । അഥ നിത്യോ നാരായണഃ । ബ്രഹ്മാ നാരായണഃ । ശിവശ്ച നാരായണഃ ।
ശക്രശ്ച നാരായണഃ । ദ്യാവാപൃഥിവ്യൗ ച നാരായണഃ ।
കാലശ്ച നാരായണഃ । ദിശശ്ച നാരായണഃ । ഊർധ്വംശ്ച നാരായണഃ ।
അധശ്ച നാരായണഃ । അന്തർബഹിശ്ച നാരായണഃ । നാരായണ ഏവേദꣳ സർവം ।
യദ്ഭൂതം യച്ച ഭവ്യം । നിഷ്കലോ നിരഞ്ജനോ നിർവികൽപോ നിരാഖ്യാതഃ
ശുദ്ധോ ദേവ ഏകോ നാരായണഃ । ന ദ്വിതീയോഽസ്തി കശ്ചിത് । യ ഏവം വേദ ।
സ വിഷ്ണുരേവ ഭവതി സ വിഷ്ണുരേവ ഭവതി ॥
(ഏതദ്യജുർവേദശിരോഽധീതേ ।)

(തൃതീയഃ ഖണ്ഡഃ
നാരായണാഷ്ടാക്ഷരമന്ത്രഃ)

ഓമിത്യഗ്രേ വ്യാഹരേത് । നമ ഇതി പശ്ചാത് । നാരായണായേത്യുപരിഷ്ടാത് ।
ഓമിത്യേകാക്ഷരം । നമ ഇതി ദ്വേ അക്ഷരേ । നാരായണായേതി പഞ്ചാക്ഷരാണി ।
ഏതദ്വൈ നാരായണസ്യാഷ്ടാക്ഷരം പദം ।
യോ ഹ വൈ നാരായണസ്യാഷ്ടാക്ഷരം പദമധ്യേതി । അനപബ്രുവസ്സർവമായുരേതി ।
വിന്ദതേ പ്രാജാപത്യꣳ രായസ്പോഷം ഗൗപത്യം ।
തതോഽമൃതത്വമശ്നുതേ തതോഽമൃതത്വമശ്നുത ഇതി । യ ഏവം വേദ ॥

(ഏതത്സാമവേദശിരോഽധീതേ । ഓം നമോ നാരായണായ)

(ചതുർഥഃ ഖണ്ഡഃ
നാരായണപ്രണവഃ)

പ്രത്യഗാനന്ദം ബ്രഹ്മപുരുഷം പ്രണവസ്വരൂപം । അകാര ഉകാര മകാര ഇതി ।
താനേകധാ സമഭരത്തദേതദോമിതി ।
യമുക്ത്വാ മുച്യതേ യോഗീ ജന്മസംസാരബന്ധനാത് ।
ഓം നമോ നാരായണായേതി മന്ത്രോപാസകഃ । വൈകുണ്ഠഭുവനലോകം ഗമിഷ്യതി ।
തദിദം പരം പുണ്ഡരീകം വിജ്ഞാനഘനം । തസ്മാത്തടിദാഭമാത്രം ।
( bhAshya തസ്മാത് തടിദിവ പ്രകാശമാത്രം)
ബ്രഹ്മണ്യോ ദേവകീപുത്രോ ബ്രഹ്മണ്യോ മധുസൂദനോം । var ബ്രഹ്മണ്യോ മധുസൂദനയോം
സർവഭൂതസ്ഥമേകം നാരായണം । കാരണരൂപമകാര പരം ബ്രഹ്മോം ।
ഏതദഥർവശിരോയോധീതേ ॥

വിദ്യാഽധ്യയനഫലം ।

പ്രാതരധീയാനോ രാത്രികൃതം പാപം നാശയതി ।
സായമധീയാനോ ദിവസകൃതം പാപം നാശയതി ।
മാധ്യന്ദിനമാദിത്യാഭിമുഖോഽധീയാനഃ പഞ്ചമഹാപാതകോപപാതകാത് പ്രമുച്യതേ ।
സർവ വേദ പാരായണ പുണ്യം ലഭതേ ।
നാരായണസായുജ്യമവാപ്നോതി നാരായണ സായുജ്യമവാപ്നോതി ।
യ ഏവം വേദ । ഇത്യുപനിഷത് ॥

ഓം സഹ നാവവതു സഹ നൗ ഭുനക്തു । സഹ വീര്യം കരവാവഹൈ ।
തേജസ്വിനാവധീതമസ്തു । മാ വിദ്വിഷാവഹൈ ॥

ഓം ശാന്തിഃ ശാന്തിഃ ശാന്തിഃ ॥

ശാന്താകാരം ഭുജഗശയനം പദ്മനാഭം സുരേശം
വിശ്വാധാരം ഗഗനസദൃശം മേഘവർണം ശുഭാംഗം ।
ലക്ഷ്മീകാന്തം കമലനയനം യോഗിഭിർധ്യാനഗമ്യം
വന്ദേ വിഷ്ണും ഭവഭയഹരം സർവലോകൈകനാഥം ॥

Also Read:

Narayana Atharvashirsha Lyrics in Hindi | English | Bengali | Gujarati | Kannada | Malayalam | Oriya | Telugu | Tamil