Narayanopanishat in Gujarati:
॥ નારાયણોપનિષત્ અથવા નારાયણ અથર્વશીર્ષ ॥
કૃષ્ણયજુર્વેદીયા
ૐ સહ નાવવતુ સહ નૌ ભુનક્તુ । સહ વીર્યં કરવાવહૈ ।
તેજસ્વિનાવધીતમસ્તુ । મા વિદ્વિષાવહૈ ॥
ૐ શાન્તિઃ શાન્તિઃ શાન્તિઃ ॥
(પ્રથમઃ ખણ્ડઃ
નારાયણાત્ સર્વચેતનાચેતનજન્મ)
ૐ અથ પુરુષો હ વૈ નારાયણોઽકામયત પ્રજાઃ સૃજેયેતિ ।
નારાયણાત્પ્રાણો જાયતે । મનઃ સર્વેન્દ્રિયાણિ ચ ।
ખં વાયુર્જ્યોતિરાપઃ પૃથિવી વિશ્વસ્ય ધારિણી ।
નારાયણાદ્ બ્રહ્મા જાયતે । નારાયણાદ્ રુદ્રો જાયતે ।
નારાયણાદિન્દ્રો જાયતે । નારાયણાત્પ્રજાપતયઃ પ્રજાયન્તે ।
નારાયણાદ્દ્વાદશાદિત્યા રુદ્રા વસવઃ સર્વાણિ ચ છન્દાꣳસિ ।
નારાયણાદેવ સમુત્પદ્યન્તે । નારાયણે પ્રવર્તન્તે । નારાયણે પ્રલીયન્તે ॥
(એતદૃગ્વેદશિરોઽધીતે ।)
(દ્વિતીયઃ ખણ્ડઃ
નારાયણસ્ય સર્વાત્મત્વમ્)
ૐ । અથ નિત્યો નારાયણઃ । બ્રહ્મા નારાયણઃ । શિવશ્ચ નારાયણઃ ।
શક્રશ્ચ નારાયણઃ । દ્યાવાપૃથિવ્યૌ ચ નારાયણઃ ।
કાલશ્ચ નારાયણઃ । દિશશ્ચ નારાયણઃ । ઊર્ધ્વંશ્ચ નારાયણઃ ।
અધશ્ચ નારાયણઃ । અન્તર્બહિશ્ચ નારાયણઃ । નારાયણ એવેદꣳ સર્વમ્ ।
યદ્ભૂતં યચ્ચ ભવ્યમ્ । નિષ્કલો નિરઞ્જનો નિર્વિકલ્પો નિરાખ્યાતઃ
શુદ્ધો દેવ એકો નારાયણઃ । ન દ્વિતીયોઽસ્તિ કશ્ચિત્ । ય એવં વેદ ।
સ વિષ્ણુરેવ ભવતિ સ વિષ્ણુરેવ ભવતિ ॥
(એતદ્યજુર્વેદશિરોઽધીતે ।)
(તૃતીયઃ ખણ્ડઃ
નારાયણાષ્ટાક્ષરમન્ત્રઃ)
ઓમિત્યગ્રે વ્યાહરેત્ । નમ ઇતિ પશ્ચાત્ । નારાયણાયેત્યુપરિષ્ટાત્ ।
ઓમિત્યેકાક્ષરમ્ । નમ ઇતિ દ્વે અક્ષરે । નારાયણાયેતિ પઞ્ચાક્ષરાણિ ।
એતદ્વૈ નારાયણસ્યાષ્ટાક્ષરં પદમ્ ।
યો હ વૈ નારાયણસ્યાષ્ટાક્ષરં પદમધ્યેતિ । અનપબ્રુવસ્સર્વમાયુરેતિ ।
વિન્દતે પ્રાજાપત્યꣳ રાયસ્પોષં ગૌપત્યમ્ ।
તતોઽમૃતત્વમશ્નુતે તતોઽમૃતત્વમશ્નુત ઇતિ । ય એવં વેદ ॥
(એતત્સામવેદશિરોઽધીતે । ઓં નમો નારાયણાય)
(ચતુર્થઃ ખણ્ડઃ
નારાયણપ્રણવઃ)
પ્રત્યગાનન્દં બ્રહ્મપુરુષં પ્રણવસ્વરૂપમ્ । અકાર ઉકાર મકાર ઇતિ ।
તાનેકધા સમભરત્તદેતદોમિતિ ।
યમુક્ત્વા મુચ્યતે યોગી જન્મસંસારબન્ધનાત્ ।
ૐ નમો નારાયણાયેતિ મન્ત્રોપાસકઃ । વૈકુણ્ઠભુવનલોકં ગમિષ્યતિ ।
તદિદં પરં પુણ્ડરીકં વિજ્ઞાનઘનમ્ । તસ્માત્તટિદાભમાત્રમ્ ।
( bhAshya તસ્માત્ તટિદિવ પ્રકાશમાત્રમ્)
બ્રહ્મણ્યો દેવકીપુત્રો બ્રહ્મણ્યો મધુસૂદનોમ્ । var બ્રહ્મણ્યો મધુસૂદનયોમ્
સર્વભૂતસ્થમેકં નારાયણમ્ । કારણરૂપમકાર પરં બ્રહ્મોમ્ ।
એતદથર્વશિરોયોધીતે ॥
વિદ્યાઽધ્યયનફલમ્ ।
પ્રાતરધીયાનો રાત્રિકૃતં પાપં નાશયતિ ।
સાયમધીયાનો દિવસકૃતં પાપં નાશયતિ ।
માધ્યન્દિનમાદિત્યાભિમુખોઽધીયાનઃ પઞ્ચમહાપાતકોપપાતકાત્ પ્રમુચ્યતે ।
સર્વ વેદ પારાયણ પુણ્યં લભતે ।
નારાયણસાયુજ્યમવાપ્નોતિ નારાયણ સાયુજ્યમવાપ્નોતિ ।
ય એવં વેદ । ઇત્યુપનિષત્ ॥
ૐ સહ નાવવતુ સહ નૌ ભુનક્તુ । સહ વીર્યં કરવાવહૈ ।
તેજસ્વિનાવધીતમસ્તુ । મા વિદ્વિષાવહૈ ॥
ૐ શાન્તિઃ શાન્તિઃ શાન્તિઃ ॥
શાન્તાકારં ભુજગશયનં પદ્મનાભં સુરેશં
વિશ્વાધારં ગગનસદૃશં મેઘવર્ણં શુભાઙ્ગમ્ ।
લક્ષ્મીકાન્તં કમલનયનં યોગિભિર્ધ્યાનગમ્યં
વન્દે વિષ્ણું ભવભયહરં સર્વલોકૈકનાથમ્ ॥
Also Read:
Narayana Atharvashirsha Lyrics in Hindi | English | Bengali | Gujarati | Kannada | Malayalam | Oriya | Telugu | Tamil