Ribhu Gita from Shiva Rahasya Lyrics in Bengali

Ribhu Gita from Shiva Rahasya in Bengali:

॥ শ্রীশিবরহস্যান্তর্গতা ঋভুগীতা ॥
১ ॥ প্রথমোঽধ্যায়ঃ ॥

হেমাদ্রিং কিল মাতুলুঙ্গফলমিত্যাদায় মোদাধিকো
মৌঢ্যান্নাকনিবাসিনাং ভয়পরৈর্বাক্যৈরিব প্রার্থিতঃ ।
নীলীশাম্বরনীলমম্বরতলং জম্বূফলং ভাবয়ন্
তং মুঞ্চন্ গিরিমম্বরং পরিমৃশন্ লম্বোদরঃ পাতু মাম্ ॥ ১.১॥

বামং যস্য বপুঃ সমস্তজগতাং মাতা পিতা চেতরৎ
যৎপাদাম্বুজনূপুরোদ্ভবরবঃ শব্দার্থবাক্যাস্পদম্ ।
যন্নেত্রত্রিতয়ং সমস্তজগতামালোকহেতুঃ সদা
পায়াদ্দৈবতসার্বভৌমগিরিজালঙ্কারমূর্তিঃ শিবঃ ॥ ১.২॥

সূতঃ –
জৈগীষব্যঃ পুনর্নৎবা ষণ্মুখং শিবসংভবম্ ।
পপ্রচ্ছ হৃষ্টস্তং তত্র মুনিভির্গণপুঙ্গবৈঃ ॥ ১.৩॥

জৈগীষব্যঃ –
করুণাকর সর্বজ্ঞ শরণাগতপালক ।
অরুণাধিপনেত্রাব্জ চরণস্মরণোন্মুখ ॥ ১.৪॥

করুণাবরুণাম্ভোধে তরণিদ্যুতিভাস্কর ।
দিব্যদ্বাদশলিঙ্গানাং মহিমা সংশ্রুতো ময়া ॥ ১.৫॥

ৎবত্তোঽন্যৎ শ্রোতুমিচ্ছামি শিবাখ্যানমনুত্তমম্ ।
ৎবদ্বাক্যকঞ্জপীয়ূষধারাভিঃ পাবয়াশু মাম্ ॥ ১.৬॥

সূতঃ –
ইতি তস্য গিরা তুষ্টঃ ষণ্মুখঃ প্রাহ তং মুনিম্ ॥ ১.৭॥

শ্রীষণ্মুখঃ –
শৃণু ৎবমগজাকান্তেনোক্তং জ্ঞানমহার্ণবম্ ।
ঋভবে যৎপুরা প্রাহ কৈলাসে শঙ্করঃ স্বয়ম্ ॥ ১.৮॥

ব্রহ্মসূনুঃ পুরা বিপ্রো গৎবা নৎবা মহেশ্বরম্ ।
ঋভুর্বিভুং তদা শংভুং তুষ্টাব প্রণতো মুদা ॥ ১.৯॥

ঋভুঃ –
দিবামণিনিশাপতিস্ফুটকৃপীটয়োনিস্ফুর-
ল্ললাটভসিতোল্লসদ্বরত্রিপুণ্ড্রভাগোজ্বলম্ ।var was ত্রিপুণ্ট্র
ভজামি ভুজগাঙ্গদং বিধৃতসামিসোমপ্রভা-
বিরাজিতকপর্দকং করটিকৃত্তিভূষ্যৎকটিম্ ॥ ১.১০॥

ফালাক্ষাধ্বরদক্ষশিক্ষকবলক্ষোক্ষেশবাহোত্তম-
ত্র্যক্ষাক্ষয়্য ফলপ্রদাবভসিতালঙ্কাররুদ্রাক্ষধৃক্ ।
চক্ষুঃশ্রোত্রবরাঙ্গহারসুমহাবক্ষঃস্থলাধ্যক্ষ মাং
ভক্ষ্যীভূতগরপ্রভক্ষ ভগবন্ ভিক্ষ্বর্চ্যপাদাম্বুজ ॥ ১.১১॥

গঙ্গাচন্দ্রকলাললাম ভগবন্ ভূভৃৎকুমারীসখ
স্বামিংস্তে পদপদ্মভাবমতুলং কষ্টাপহং দেহি মে ।
তুষ্টোঽহং শিপিবিষ্টহৃষ্টমনসা ভ্রষ্টান্ন মন্যে হরি-
ব্রহ্মেন্দ্রানমরান্ ত্রিবিষ্টপগতান্ নিষ্ঠা হি মে তাদৃশী ॥ ১.১২॥

নৃত্তাডংবরসজ্জটাপটলিকাভ্রাম্যন্মহোডুচ্ছটা
ত্রুট্যৎসোমকলাললামকলিকা শম্যাকমৌলীনতম্ ।
উগ্রানুগ্রভবোগ্রদুর্গজগদুদ্ধারাগ্রপাদাম্বুজং
রক্ষোবক্ষকুঠারভূতমুময়া বীক্ষে সুকামপ্রদম্ ॥ ১.১৩॥

ফালং মে ভসিতত্রিপুণ্ড্ররচিতং ৎবৎপাদপদ্মানতং ??
পাহীশান দয়ানিধান ভগবন্ ফালানলাক্ষ প্রভো ।
কণ্ঠো মে শিতিকণ্ঠনাম ভবতো রুদ্রাক্ষধৃক্ পাহি মাং
কর্ণৌ মে ভুজগাধিপোরুসুমহাকর্ণ প্রভো পাহি মাম্ ॥ ১.১৪॥

নিত্যং শঙ্করনামবোধিতকথাসারাদরং শঙ্করং
বাচং রুদ্রজপাদরাং সুমহতীং পঞ্চাক্ষরীমিন্দুধৃক্ ।
বাহূ মে শশিভূষণোত্তম মহালিঙ্গার্চনায়োদ্যতৌ
পাহি প্রেমরসার্দ্রয়াঽদ্য সুদৃশা শম্ভো হিরণ্যপ্রভ ॥ ১.১৫॥

ভাস্বদ্বাহুচতুষ্টয়োজ্জ্বল সদা নেত্রে ত্রিনেত্রে প্রভো
ৎবল্লিঙ্গোত্তমদর্শনেন সুতরাং তৃপ্তৈঃ সদা পাহি মে ।
পাদৌ মে হরিনেত্রপূজিতপদদ্বন্দ্বাব নিত্যং প্রভো
ৎবল্লিঙ্গালয়প্রক্রমপ্রণতিভির্মান্যৌ চ ধন্যৌ বিভো ॥ ১.১৬॥

ধন্যস্ত্বল্লিঙ্গসঙ্গেপ্যনুদিনগলিতানঙ্গসঙ্গান্তরঙ্গঃ
পুংসামর্থৈকশক্ত্যা যমনিয়মবরৈর্বিশ্ববন্দ্য প্রভো যঃ ।
দৎবা বিল্বদলং সদম্বুজবরং কিঞ্চিজ্জলং বা মুহুঃ
প্রাপ্নোতীশ্বরপাদপঙ্কজমুমানাথাদ্য মুক্তিপ্রদম্ ॥ ১.১৭॥

উমারমণ শঙ্কর ত্রিদশবন্দ্য বেদেড্য হৃৎ
ৎবদীয়পরভাবতো মম সদৈব নির্বাণকৃৎ ।
ভবার্ণবনিবাসিনাং কিমু ভবৎপদাম্ভোরুহ-
প্রভাবভজনাদরং ভবতি মানসং মুক্তিদম্ ॥ ১.১৮॥

সংসারার্গলপাদবদ্ধজনতাসংমোচনং ভর্গ তে
পাদদ্বন্দ্বমুমাসনাথ ভজতাং সংসারসংভর্জকম্ ।
ৎবন্নামোত্তমগর্জনাদঘকুলং সন্তর্জিতং বৈ ভবেদ্
দুঃখানাং পরিমার্জকং তবকৃপাবীক্ষাবতাং জায়তে ॥ ১.১৯॥

বিধিমুণ্ডকরোত্তমোরুমেরুকোদণ্ডখণ্ডিতপুরাণ্ডজবাহবাণ
পাহি ক্ষমারথবিকর্ষসুবেদবাজিহেষান্তহর্ষিতপদাম্বুজ বিশ্বনাথ ॥ ১.২০॥

বিভূতীনামন্তো ন হি খলু ভবানীরমণ তে
ভবে ভাবং কশ্চিৎ ৎবয়ি ভবহ ভাগ্যেন লভতে ।
অভাবং চাজ্ঞানং ভবতি জননাদ্যৈশ্চ রহিতঃ
উমাকান্ত স্বান্তে ভবদভয়পাদং কলয়তঃ ॥ ১.২১॥

বরং শংভো ভাবৈর্ভবভজনভাবেন নিতরাং
ভবাম্ভোধির্নিত্যং ভবতি বিততঃ পাংসুবহুলঃ ।
বিমুক্তিং ভুক্তিং চ শ্রুতিকথিতভস্মাক্ষবরধৃক্
ভবে ভর্তুঃ সর্বো ভবতি চ সদানন্দমধুরঃ ॥ ১.২২॥

সোমসামজসুকৃত্তিমৌলিধৃক্ সামসীমশিরসি স্তুতপাদ ।
সামিকায়গিরিজেশ্বর শম্ভো পাহি মামখিলদুঃখসমূহাৎ ॥ ১.২৩॥

ভস্মাঙ্গরাগ ভুজগাঙ্গ মহোক্ষসঙ্গ
গঙ্গাম্বুসঙ্গ সুজটা নিটিল স্ফুলিঙ্গ ।
লিঙ্গাঙ্গ ভঙ্গিতমনঙ্গ বিহঙ্গবাহ-
সম্পূজ্যপাদ সদসঙ্গ জনান্তরঙ্গ ॥ ১.২৪॥

বাৎসল্যং ময়ি তাদৃশং তবনচেচ্চন্দ্রার্ধ চূডামণে
ধিক্কৃত্যাপি বিমুচ্য বা ৎবয়ি যতো ধন্যো ধরণ্যামহম্ ।
সক্ষারং লবণার্ণবস্য সলিলং ধারা ধরেণ ক্ষণাৎ
আদায়োজ্ঝিতমাক্ষিতৌ হি জগতাং আস্বাদনীয়াং দৃশাম্ ॥ ১.২৫॥

ৎবৎ কৈলাসবরে বিশোকহৃদয়াঃ ক্রোধোজ্ঝিতাচ্চাণ্ডজাঃ
তস্মান্মামপি ভেদবুদ্ধিরহিতং কুর্বীশ তেঽনুগ্রহাৎ ।
ৎবদ্বক্ত্রামল নির্জরোজ্ঝিত মহাসংসার সংতাপহং
বিজ্ঞানং করুণাঽদিশাদ্য ভগবন্ লোকাবনায় প্রভো ॥ ১.২৬॥

সারঙ্গী সিংহশাবং স্পৃশতি সুতধিয়া নন্দিনী ব্যাঘ্রপোতং
মার্জারী হংসবালং প্রণয়পরবশা কেকিকান্তা ভুজঙ্গম্ ।
বৈরাণ্যাজন্মজাতান্যপি গলিতমদা জন্তবোঽন্যে ত্যজন্তি
ভক্তাস্ত্বৎপাদপদ্মে কিমু ভজনবতঃ সর্বসিদ্ধিং লভন্তে ॥ ১.২৭॥

স্কন্দঃ –
ইত্থং ঋভুস্তুতিমুমাবরজানিরীশঃ
শ্রুৎবা তমাহ গণনাথবরো মহেশঃ ।
জ্ঞানং ভবাময়বিনাশকরং তদেব
তস্মৈ তদেব কথয়ে শৃণু পাশমুক্ত্যৈ ॥ ১.২৮॥

॥ ইতি শ্রীশিবরহস্যে শংকরাখ্যে ষষ্ঠাংশে
ঋভুস্তুতির্নাম প্রথমোঽধ্যায়ঃ ॥

২ ॥ দ্বিতীয়োঽধ্যায়ঃ ॥

ঈশ্বরঃ –
শ্রুণু পদ্মজসংভূত মত্তঃ সূত্রবিধিক্রমম্ ।
জ্ঞানোৎপাদকহেতূনি শ্রুতিসারাণি তত্ত্বতঃ ॥ ২.১॥

ব্যাসা মন্বন্তরেষু প্রতিয়ুগজনিতাঃ শাংভবজ্ঞানসিদ্ধ্যৈ
ভস্মাভ্যক্তসমস্তগাত্রনিবহা রুদ্রাক্ষমালাধরাঃ ।
কৈলাসং সমবাপ্য শঙ্করপদধ্যানেন সূত্রাণ্যুমা-
কান্তাৎ প্রাপ্য বিতন্বতে স্বকধিয়া প্রামাণ্যবাদানহো ॥ ২.২॥

জিজ্ঞাস্যং ব্রহ্ম এবেত্যথপদবিদিতৈঃ সাধনপ্রাপ্ত্যুপায়ৈ-
র্যোগৈর্যোগাদ্যুপায়ৈর্যমনিয়মমহাসাংখ্যবেদান্তবাক্যৈঃ ।
শ্রোতব্যো ভগবান্ ন রূপগুণতো মন্তব্য ইত্যাহ হি
বেদোদ্বোধদবাক্যহেতুকরণৈর্ধ্যেয়ঃ স সাক্ষাৎকৃতেঃ ॥ ২.৩॥

জন্মাদ্যস্য যতোঽস্য চিত্রজগতো মিথ্যৈব তৎকারণং
ব্রহ্ম ব্রহ্মাত্মনৈব প্রকৃতিপরমদো বর্তমানং বিবর্তেৎ ।
শ্রুত্যা যুক্ত্যা যতো বা ইতিপদঘটিতো বোধতো বক্তি শংভুং
নাণুঃ কালবিপাককর্মজনিতেত্যাচোদনা বৈ মৃষা ॥ ২.৪॥

যোনিঃ শাস্ত্রস্য বেদস্তদুভয়মননাদ্ব্রহ্মণঃ প্রত্যভিজ্ঞা
নিঃশ্বাসাদ্বেদজালং শিববরবদনাদ্বেধসা প্রাপ্তমেতৎ ।
তস্মাৎ তর্কবিতর্ককর্কশধিয়া নাতিক্রমেৎ তাং ধিয়ং
স্বাম্নায়ক্রিয়যা তদপ্রকরণে যোনির্মহেশো ধ্রুবম্ ॥ ২.৫॥

তত্ত্বস্যাপি সমন্বয়াৎ শ্রুতিগিরাং বিশ্বেশ্বরে চোদনা
সা চানির্বচনীয়তামুপগতা বাচো নিবৃত্তা ইতি ।
আত্মৈবৈষ ইতীব বাক্যসুবৃতির্বৃত্তিং বিধত্তে ধিয়া
বেদান্তাদিষু এক এব ভগবানুক্তো মহেশো ধ্রুবম্ ॥ ২.৬॥

নাসদ্বা বীক্ষতে যজ্জডমিতি করণৈর্গন্ধরূপাদিহীনং
শব্দস্পর্শাদিহীনং জগদনুগতমপি তদ্ব্রহ্ম কিংরূপমীষ্টে ।
গৌণং চেদপি শব্দতো জগদিদং যন্নামরূপাত্মকং
তচ্চাত্রাবিশদীশ্বরোঽর্থবচসা মোক্ষস্য নিষ্ঠাক্রমঃ ॥ ২.৭॥

হেয়ৎবাবচনাচ্চ তচ্ছ্রুতিগিরাং স্থূলং প্রদৃষ্টং ভবে-
দ্রূপং নারূপতোঽপি প্রকরণবচনং বা বিকারঃ কিলেদম্ ।
স্বাপ্যায়াদপি তদ্বদাপি পরমানন্দো যদীত্থং পরঃ
সামান্যাচ্চ গতেরথাপ্যনুভবে বিদ্যোততে শঙ্করঃ ॥ ২.৮॥

শ্রুতৎবাদ্বেদান্তপ্রতিপদবচঃ কারণমুমা-
সনাথো নাথানাং স চ কিল ন কশ্চিজ্জনিভবঃ ।
স এবানন্দাত্মা শ্রুতিকথিতকোশাদিরহিতো
বিকারপ্রাচুর্যান্ন হি ভবতি কার্যং চ করণম্ ॥ ২.৯॥

তদ্ধেতুব্যপদেশতোঽপি শিব এবেতি চানন্দকৃৎ
মন্ত্রৈর্বর্ণকৃতক্রমেণ ভগবান্ সত্যাদ্যনন্তোচ্যতে ।
নৈরন্তর্যানুপপত্তিতোঽপি সুখিতা চানন্দভেদোঽর্থতঃ
কামাচ্চাননুভাবতো হৃদি ভিদা জায়েদ্ভয়ং সংসৃতেঃ ॥ ২.১০॥

পুচ্ছং ব্রহ্ম প্রতিষ্ঠিতেতি বচনাচ্ছেষী মহেশোঽব্যযঃ ।
আকাশান্তরতোঽপি ভৌতিকহৃদাকাশাত্মতা বাক্যতো
ব্রহ্মৈব প্রতিভাতি ভেদকলনে চাকল্পনা কল্পতঃ ॥ ২.১১॥

সুষুপ্ত্যুৎক্রান্ত্যোর্বা ন হি খলু ন ভেদঃ পরশিবে
অতোত্থানং দ্বৈতে ন ভবতি পরে বৈ বিলয়নে ।
তদর্হং যৎসূক্ষ্মং জগদিদমনাকারমরসং
ন গন্ধং ন স্পর্শং ভবতি পরমেশে বিলসিতম্ ॥ ২.১২॥

অধীনং চার্থং তদ্ভবতি পুনরেবেক্ষণপরং
স্বতন্ত্রেচ্ছা শংভোর্ন খলু করণং কার্যমপি ন ॥ ২.১৩॥

জ্ঞেয়ৎবাবচনাচ্চ শঙ্কর পরানন্দে প্রমোদাস্পদে
প্রজ্ঞানং ন হি কারণং প্রকৃতিকং প্রশ্নত্রয়স্যার্থবৎ ।
ন বিজ্ঞেয়ং দেহপ্রবিলয়শতোত্থানগণনা
স মৃত্যোর্মৃত্যুস্তদ্ভবতি কিল ভেদেন জগতঃ ॥ ২.১৪॥

মহদ্বচ্চাণীয়ো ভবতি চ সমো লোকসদৃশা
তথা জ্যোতিস্ত্বেকং প্রকরণপরং কল্পিতবতঃ ।
ন সংখ্যাভেদেন ত্রিভুবনবিভবাদতিকরং
স্বভাবোঽয়ং শশ্বন্মুখরয়তি মোদায় জগতাম্ ॥ ২.১৫॥

প্রাণাদুদ্গতপঞ্চসংখ্যজনিতা তদ্বস্ত্রিবচ্চ শ্রুতং
তচ্ছ্রোত্রং মনসো ন সিদ্ধপরমানন্দৈকজন্যং মহঃ ।
জ্যোতিষ্কারণদর্শিতে চ করণে সত্তা সদিত্যন্বহং
চাকর্ষা ভবতি প্রকর্ষজনিতে ৎবত্তীতি বাক্যোত্তরম্ ॥ ২.১৬॥

জাগ্রত্ত্বাবচনেন জীবজগতোর্ভেদঃ কথং কথ্যতে
লিঙ্গং প্রাণগতং ন চেশ্বরপরং জ্যোতিঃ কিলৈক্যপ্রদম্ ।
অন্যার্থৎববিবেকতোঽর্থগতিকং চাকল্পয়দ্বাক্যতঃ ।
প্রজ্ঞামিত্যপরঃ ক্রমস্থিতিরসাবন্যো বদন্তং মৃষা ॥ ২.১৭॥

প্রকৃত্যৈবং সিদ্ধং ভবতি পরমানন্দবিধুরং
অভিধ্যোপাদেশাদ্ ভবতি উভয়াম্নায়বচনৈঃ ।
ভবত্যাত্মা কর্তা কৃতিবিরহিতো যোনিরপি চ
প্রতিষ্ঠা নিষ্ঠা চ ত্রিভুবনগুরুঃ প্রেমসদনঃ ॥ ২.১৮॥

অভিধ্যোপাদেশাৎ স বহু ভবদীক্ষাদিবশতঃ
সমাসাচোভাভ্যাং প্রকৃতিজসমাম্নায়বচনাৎ ।
অতো হ্যাত্মা শুদ্ধঃ প্রকৃতিপরিণামেন জগতাং
মৃদীব ব্যাপারো ভবতি পরিণামেষু চ শিবঃ ॥ ২.১৯॥

আনন্দাভ্যাসয়োগাদ্বিকৃতজগদানন্দজগতো
অতো হেতোর্ধর্মো ন ভবতি শিবঃ কারণপরঃ ।
হিরণ্যাত্মাঽঽদিত্যেঽক্ষিণি উদেতীহ ভগবান্
নতেশ্চাধারাণাং শ্রবণবচনৈর্গোপিতধিয়ঃ ॥ ২.২০॥

ভেদাদিব্যপদেশতোঽস্তি ভগবানন্যো ভবেৎ কিং ততঃ
আকাশাদিশরীরলিঙ্গনিয়মাদ্ব্যাপ্যং হি সর্বং ততঃ ।
তজ্জ্যোতিঃ পরমং মহেশ্বরমুমাকান্তাখ্যশান্তং মহো
বেদান্তেষু নিতান্তবাক্যকলনে ছন্দোঽভিধানাদপি ॥ ২.২১॥

ভূতাদিব্যপদেশতোঽপি ভগবত্যস্মিন্ মহেশে ধ্রুবং
যস্মাদ্ভূতবরাণি জায়ত ইতি শ্রুত্যাঽস্য লেশাংশতঃ ।
বিশ্বং বিশ্বপতেরভূৎ তদুভয়ং প্রামাণ্যতো দর্শনাৎ
প্রাণস্যানুগমাৎ স এব ভগবান্ নান্যঃ পথা বিদ্যতে ॥ ২.২২॥

ন বক্তুশ্চাত্মা বৈ স খলু শিবভূমাদিবিহিতঃ
তথৈবায়ুর্দেহে অরণিবহবৎ চক্রগমহো ।
অদৃশ্যো হ্যাত্মা বৈ স হি সুদৃশতঃ শাস্ত্রনিবহৈঃ
শিবো দেবো বামো মুনিরপি চ সার্বাত্ম্যমভজৎ ॥ ২.২৩॥

প্রসিদ্ধিঃ সর্বত্র শ্রুতিষু বিধিবাক্যৈর্ভগবতো
মহাভূতৈর্জাতং জগদিতি চ তজ্জাদিবচনৈঃ ।
অতোঽণীয়ান্ জ্যায়ানপি দ্বিবিধভেদব্যপগতা
বিবক্ষা নোঽস্তীতি প্রথয়তি গুণৈরেব হি শিবঃ ॥ ২.২৪॥

সংভোগপ্রাপ্তিরেব প্রকটজগতঃ কারণতয়া
সদা ব্যোমৈবেত্থং ভবতি হৃদয়ে সর্বজগতাম্ ।
অতোঽত্তা বৈ শর্বশ্চরমচরভূতং জগদিদং
মহামৃত্যুর্দেশো ভবতি শিখরন্নাদ ইতি চ ॥ ২.২৫॥

প্রকরণবচনেন বেদজাতে
ভগবতি ভবনাশনে মহেশে ।
প্রবিশতি শিব এব ভোগভোক্তৃ-
নিয়মনদর্শনতো হি বাক্যজাতম্ ॥ ২.২৬॥

বিশেষণৈঃ শঙ্করমেব নিত্যং
দ্বিধা বদত্যেবমুপাধিয়োগাৎ ।
অতোঽন্তরা বাক্যপদৈঃ সমর্থিতঃ
স্থানাদিয়োগৈর্ভগবানুমাপতিঃ ॥ ২.২৭॥

সুখাভিধানাৎ সুখমেব শংভুঃ
কং ব্রহ্ম খং ব্রহ্ম ইতি শ্রুতীরিতঃ ।
শ্রুতোপবাক্যোপনিষৎপ্রচোদিতঃ
গতিং প্রপদ্যেত বুধোঽপি বিদ্যযা ॥ ২.২৮॥

অনবস্থিতিতোঽপি নেতরো ভগবানেব স চক্ষুষি প্রবুধ্যেৎ ।
ভয়ভীতাঃ খলু যস্য সোমসূর্যানলবায়্বংবুজসংভবা ভ্রমন্তি ॥ ২.২৯॥

অন্তর্যামিতয়ৈব লোকমখিলং জানাত্যুমায়াঃ পতিঃ ।
ভূতেষ্বন্তরগোঽপি ভূতনিবহা নো জানতে শঙ্করম্ ॥ ২.৩০॥

ন তৎস্মৃত্যা ধর্মৈরভিলষণতো ভেদবিধুরং
ন শারীরং ভেদে ভবতি অগজানায়কবরে ।
অদৃশ্যৎবাদ্ধর্মৈর্ন খলু ভগবানন্যদিতি চ
পরাদাদিত্যং চামতিরপি চ ভেদপ্রকলনে ॥ ২.৩১॥

ভেদাদেশ্চ বিশেষণং পরশিবে রূপং ন নাম প্রভা ।
ভাবো বা ভবতি প্রভাবিরহিতং ব্রহ্মাত্মনা চাহ তৎ ॥ ২.৩২॥

স্মৃতং মানং শংভৌ ভগবতি চ তৎসাধনতয়া-
প্যতো দৈবং ভূতং ন ভবতি চ সাক্ষাৎ পরশিবে ।
অভিব্যক্তী চান্যঃ স্মৃতিমপি তথাঽন্যোঽপি মনুতে
তথা সম্পত্তির্বৈ ভুবি ভবতি কিং শংভুকলনে ॥ ২.৩৩॥

যং মুক্তিব্যপদেশতঃ শ্রুতিশিখাশাখাশতৈঃ কল্পিতে
ভিদ্যেদ্গ্রন্থিরপি প্রকীর্ণবচনাৎ সাক্ষ্যেব বাহ্যান্তরা ।
শব্দো ব্রহ্মতয়ৈব ন প্রভবতে প্রাণপ্রভেদেন চ
তচ্চাপ্যুৎক্রমণস্থিতিশ্চ বিলয়ে ভুংক্ত্যেঽপ্যসৌ শঙ্করঃ ॥ ২.৩৪॥

তং ভূমা সম্প্রসাদাচ্ছিবমজরমাত্মানমধুনা
শৃণোতীক্ষেদ্বাপি ক্ষণমপি তথান্যং ন মনুতে ।
তথা ধর্মাপত্তির্ভবতি পরমাকাশজনিতং
প্রশস্তং ব্যাবৃত্তং দহরমপি দধ্যাদ্যপদিশৎ ॥ ২.৩৫॥

অলিঙ্গং লিঙ্গস্থং বদতি বিধিবাক্যৈঃ শ্রুতিরিয়ং
ধৃতেরাকাশাখ্যং মহিমনি প্রসিদ্ধের্বিমৃশতা ।
অতো মর্শান্নায়ং ভবতি ভবভাবাত্মকতয়া
শিবাবির্ভাবো বা ভবতি চ নিরূপে গতধিয়াম্ ॥ ২.৩৬॥

পরামর্শে চান্যদ্ভবতি দহরং কিং শ্রুতিবচো
নিরুক্তং চাল্পং যৎ ৎবনুকৃতি তদীয়েঽহ্নি মহসা ।
বিভাতীদং শশ্বৎ প্রমতিবরশব্দৈঃ শ্রুতিভবৈঃ ॥ ২.৩৭॥

যো ব্যাপকোঽপি ভগবান্ পুরুষোঽন্তরাত্মা ।
বালাগ্রমাত্রহৃদয়ে কিমু সন্নিবিষ্টঃ ॥ ২.৩৮॥

প্রত্যক্ষানুভবপ্রমাণপরমং বাক্যং কিলৈকার্থদং
মানেনাপি চ সংভবাভ্রমপরো বর্ণং তথৈবাহ হি ।
শব্দং চাপি তথৈব নিত্যমপি তৎ সাম্যানুপত্তিক্রিয়া
মধ্বাদিষ্বনধীকৃতোঽপি পুরুষো জ্যোতিষ্যভাবো ভবেৎ ॥ ২.৩৯॥

ভাবং চাপি শুগস্য তচ্ছ্রবণতো জাত্যন্তরাসংভবাৎ
সংস্কারাধিকৃতোঽপি শঙ্করপদং যে বক্তুকামা মনাক্ ।
জ্যোতির্দর্শনতঃ প্রসাদপরমাদস্মাচ্ছরীরাৎ পরং
জ্যোতিশ্চাভিনিবিশ্য ব্যোম পরমানন্দং পরং বিন্দতি ॥ ২.৪০॥

স্মৃতীনাং বাদোঽত্র শ্রুতিবিভবদোষান্যবচসা
স এবাত্মা দোষৈর্বিগতমতিকায়ঃ পরশিবঃ ।
স বিশ্বং বিশ্বাত্মা ভবতি স হি বিশ্বাধিকতয়া
সমস্তেষু প্রোতো ভবতি স হি কার্যেষু করণম্ ॥ ২.৪১॥

প্রধানানাং তেষাং ভবতি ইতরেষামনুপমো-
প্যলব্ধোঽপ্যাত্মায়ং শ্রুতিশিরসি চোক্তোঽণুরহিতঃ ।
স দৃশ্যোঽচিন্ত্যাত্মা ভবতি বরকার্যেষু করণং
অসদ্বা সদ্বা সোঽপ্যসদিতি ন দৃষ্টান্তবশগম্ ॥ ২.৪২॥

অসঙ্গো লক্ষণ্যঃ স ভবতি হি পঞ্চস্বপি মুধা
অভীমানোদ্দেশাদনুগতিরথাক্ষাদিরহিতঃ ।
স্বপক্ষাদৌ দোষাশ্রুতিরপি ন ঈষ্টে পরমতং
ৎবনির্মোক্ষো ভূয়াদনুমিতিকুতর্কৈর্ন হি ভবেৎ ॥ ২.৪৩॥

ভোক্ত্রাপত্তেরপি বিষয়তো লোকবেদার্থবাদো
নৈনং শাস্তি প্রভুমতিপরং বাচি বারংভণেভ্যঃ ।
ভোক্তা ভোগবিলক্ষণো হি ভগবান্ ভাবোঽপি লব্ধো ভবেৎ
সত্ত্বাচ্চাপি পরস্য কার্যবিবশং সদ্বাক্যবাদান্বয়াৎ ॥ ২.৪৪॥

যুক্তেঃ শব্দান্তরাচ্চাসদিতি ন হি কার্যং চ করণং
প্রমাণৈর্যুক্ত্যা বা ন ভবতি বিশেষেণ মনসা ।
পরঃ প্রাণোদ্দেশাদ্ধিতকরণদোষাভিধধিয়া
তথাশ্মাদ্যা দিব্যা ??? দ্যোতন্তি দেবা দিবি ॥ ২.৪৫॥

প্রসক্তির্বা কৃৎস্না শ্রুতিবরবলাদাত্মনি চিরং
স্বপক্ষে দোষাণাং প্রভবতি চ সর্বাদিসুদৃশা ।
বিকারাণাং ভেদো ন ভবতি বিয়োজ্যো গুণধিয়াং
অতো লোকে লীলাপরবিষমনৈর্ঘৃণ্যবিধুরম্ ॥ ২.৪৬॥

স কর্মারংভাদ্বা উপলভতি যদ্যেতি চ পরং
সর্বৈর্ধর্মপদৈরয়ুক্তবচনাপত্তেঃ প্রবৃত্তের্ভবেৎ ।
ভূতানাং গতিশোপয়ুজ্যপয়সি ক্ষারং যথা নোপয়ুক্
অবস্থানং নৈব প্রভবতি তৃণেষূদ্যতমতে-
স্তথাভাবাৎ পুংসি প্রকটয়তি কার্যং চ করণম্ ॥ ২.৪৭॥

অঙ্গিৎবানুপপত্তিতোঽপ্যনুমিতো শক্তিজ্ঞহীনং জগৎ
প্রতিষিদ্ধে সিদ্ধে প্রসভমিতি মৌনং হি শরণম্ ।
মহদ্দীর্ঘং হস্বং উভয়মপি কর্মৈব করণে
তথা সাম্যে স্থিত্যা প্রভবতি স্বভাবাচ্চ নিয়তম্ ॥ ২.৪৮॥

ন স্থানতোঽপি শ্রুতিলিঙ্গসমন্বয়েন
প্রকাশবৈয়র্থ্যমতো হি মাত্রা ।
সূর্যোপমা প্রমবতিৎবতথা উদৎবা-
ত্তদ্দর্শনাচ্চ নিয়তং প্রতিবিম্বরূপম্ ॥ ২.৪৯॥

তদব্যক্তং ন ততো লিঙ্গমেতৎ
তথোভয়ব্যপদেশাচ্চ তেজঃ ।
প্রতিষেধাচ্চ পরমঃ সেতুরীশঃ
সামান্যতঃ স্থানবিশেষবুদ্ধ্যা ॥ ২.৫০॥

বিশেষতশ্চোপপত্তেস্তথান্যদতঃ ফলং চোপপদ্যেত যস্মাৎ ।
মহেশ্বরাচ্ছ্রুতিভিশ্চোদিতং যৎ ধর্মং পরে চেশ্বরং চেতি চান্যে ।
ন কর্মবচ্চেশ্বরে ভেদধীর্নঃ ॥ ২.৫১॥

ভেদান্ন চেতি পরতঃ পরমার্থদৃষ্ট্যা
স্বাধ্যায়ভেদাদুপসংহারভেদঃ ।
অথান্যথাৎবং বচসোঽসৌ বরীয়ান্
সংজ্ঞাতশ্চেদ্ব্যাপ্তিরেব প্রমাণম্ ॥ ২.৫২॥

সর্বত্রাভেদাদনয়োস্তথান্যৎ
প্রাধান্যমানন্দময়ঃ শিরস্ত্বম্ ।
তথেতরে ৎবর্থসামান্যযোগাৎ
প্রয়োজনাভাবতয়াঽপ্যযায় তে ॥ ২.৫৩॥

শব্দাত্তথা হ্যাত্মগৃহীতিরুত্তরাৎ
তথান্বয়াদিতরাখ্যানপূর্বম্ ।
অশব্দৎবাদেবমেতৎ সমান-
মেবং চ সংবিদ্বচনাবিশেষাৎ ॥ ২.৫৪॥

তদ্দর্শনাৎ সংভৃতং চৈবমেষোঽনাম্নায়াদ্বেদ্যভেদাৎ পরেতি ।
গতেরর্থাদুপপন্নার্থলোকে শব্দানুমানৈঃ সগুণোঽব্যযাত্মা ॥ ২.৫৫॥

যথাধিকারং স্থিতিরেব চান্তরা
তত্রৈব ভেদাদ্বিশিষন্হীতরবৎ ।
অন্যত্তথা সত্যকৃত্যা তথৈকে
কামাদিরত্রায়তনেষু চাদরাৎ ॥ ২.৫৬॥

উপস্থিতে তদ্বচনাৎ তথাগ্নেঃ
সংলোপ এবাগ্নিভবঃ প্রদানে ।
অতোঽন্যচিন্তার্থভেদলিঙ্গং বলীয়ঃ
ক্রিয়া পরং চাসমানাচ্চ দৃষ্টেঃ ॥ ২.৫৭॥

শ্রুতের্বলাদনুবন্ধেমখে বৈ
ভাবাপত্তিশ্চাত্মনশ্চৈক এব ।
তদ্ভাবভাবদুপলব্ধিরীশে
সদ্ভাবভাবাদনুভাবতশ্চ ॥ ২.৫৮॥

অঙ্গাববদ্ধা হি তথৈব মন্ত্রতো
ভূম্নঃ ক্রতোর্জায়তে দর্শনেন ॥ ২.৫৯॥

রূপাদেশ্চ বিপর্যযেণ তু দৃশা দোষোভয়ত্রাপ্যযং
অগ্রাহ্যাঃ সকলানপেক্ষ্যকরণং প্রাধান্যবাদেন হি ।
তৎপ্রাপ্তিঃ সমুদায়কেঽপি ইতরে প্রত্যায়িকেনাপি যৎ
বিদ্যাঽবিদ্যা অসতি বলতো ধুর্যমার্যাভিশংসী ॥ ২.৬০॥

দোষোভয়োরপি তদা স্বগমোঽভ্যুপেয়া ।
স্মৃত্যা সতো দৃশি উদাসীনবদ্ভজেত ॥ ২.৬১॥

নাভাবাদুপলব্ধিতোঽপি ভগবদ্বৈধর্ম্যস্বন্যাদিবৎ
ভাবেনাপ্যুপলব্ধিরীশিতুরহো সা বৈ ক্ষণং কল্প্যতে ।
সর্বার্থানুপপত্তিতোঽপি ভগবত্যেকাদ্বিতীয়ে পুনঃ ।
কার্ত্স্ন্যেনাত্মনি নো বিকারকলনং নিত্যং পতের্ধর্মতঃ ॥ ২.৬২॥

সংবন্ধানুঅপপত্তিতোঽপি সমধিষ্ঠানোপপত্তেরপি
তচ্চৈবাকরণং চ ভোগবিধুরং ৎবং তত্ত্বসর্বজ্ঞতা ।
উৎপত্তেরপি কর্তুরেব কারণতয়া বিজ্ঞানভাবো যদি
??? নিষেধপ্রতিপত্তিতোঽপি মরুতশ্চাকাশতঃ প্রাণতঃ ॥ ২.৬৩॥

অস্তিৎবং তদপীতি গৌণপরতা বাক্যেষু ভিন্না ক্রিয়া
কার্যদ্রব্যসমন্বয়ায়করণং শব্দাচ্চ ব্রহ্মৈব তৎ ।
শব্দেভ্যোঽপ্যমতং শ্রুতং ভবতি তদ্ জ্ঞানং পরং শাংভবং
যাবল্লোকবিভাগকল্পনবশাৎ ভূতক্রমাৎ সর্জতি ॥ ২.৬৪॥

তস্যাসংভবতো ভবেজ্জগদিদং তেজঃপ্রসূতং শ্রুতিঃ
চাপঃ ক্ষ্মা মরুদেব খাত্মকথয়ন্তল্লিঙ্গসংজ্ঞানতঃ ॥ ২.৬৫॥

বিপর্যযেণ ক্রমতোঽন্তরা হি বিজ্ঞানমানক্রমতো বিশেষাৎ ।
ন চাত্মনঃ কারণতাবিপর্যশ্চরাচরব্যাপকতো হি ভাবৈঃ ॥ ২.৬৬॥

নাত্মা শ্রুতো নিত্যতাশক্তিয়োগান্নানেব ভাসত্যবিকল্পকো হি ।
সংজ্ঞান এবাত্র গতাগতানাং স্বাত্মানং চোত্তরণেনাণুরেব ॥ ২.৬৭॥

স্বশব্দোন্মানাভ্যাং সুখয়তি সদানন্দনতনুং
বিরোধশ্চান্দ্রোপদ্রব ইব সদাত্মা নিখিলগঃ ।
গুণাদালোকেষু ব্যতিকরবতো গন্ধবহতঃ
পরো দৃষ্টো হ্যাত্মা ব্যপদিশতি প্রজ্ঞানুভবতঃ ॥ ২.৬৮॥

যাবচ্চাত্মা নৈবা দৃশ্যেত দোষৈঃ
পুংস্ত্বাদিবত্ত্বসতো ব্যক্তিয়োগাৎ ।
মনোঽন্যত্রায়দি কার্যেষু গৌণং বিমুখঃ
কর্তা শাশ্বতো বিহরতি উপাদানবশতঃ ॥ ২.৬৯॥

অস্যাত্মব্যপদেশতঃ শ্রুতিরিয়ং কর্তৃৎববাদং বদৎ
উপালব্ধুং শক্তের্বিপরতি সমাধ্যা ক্ষুভিতয়া ।
পরাত্তত্তু শ্রুত্যাপ্যনুকৃতি সুরৎবক্ষুভিতয়া
পরো মন্ত্রো বর্ণৈর্ভগবতি অনুজ্ঞাপরিহরৌ ।
তনোঃ সংবন্ধেন প্রবিশতি পরং জ্যোতিকলনে ॥ ২.৭০॥

আসন্নতেব্যতিকরং পররূপভেদে
আভাস এব সুদৃশা নিয়তো নিয়ম্যাৎ ।
আকাশবৎ সর্বগতোঽব্যযাত্মা
আসন্ধিভেদাৎ প্রতিদেশভাবাৎ ॥ ২.৭১॥

তথা প্রাণো গৌণঃ প্রকৃতিবিধিপূর্বার্থকলনা-
দঘস্তোয়ে সৃত্যঃ প্রথিতগতিশেষেণ কথিতঃ ।
হস্তাদয়স্ত্বণবঃ প্রাণবায়োঃ
চক্ষুস্তথা করণৎবান্ন দোষঃ ॥ ২.৭২॥

যঃ পঞ্চবৃত্তির্মনবচ্চ দৃশ্যতে তথাণুতো জ্যোতিরসুশ্চ খানি ।
ভেদশ্রুতের্লক্ষণবিপ্রয়োগাদাত্মাদিভেদে তু বিশেষ বাদঃ ॥ ২.৭৩॥

আত্মৈকৎবাৎ প্রাণগতেশ্চ বহ্নেঃ তে জাগতীবাশ্রুতত্ত্বান্ন চেষ্টা ।
ভোক্তুর্ন চাত্মন্যবিদীকৃতা যে তে ধূমমার্গেণ কিল প্রয়ান্তি ॥ ২.৭৪॥

চরণাদিতি চান্যকল্পনাং স্মরন্তি সপ্তৈব গতিপ্ররোহাৎ ।
ব্যাপারবৈধুর্যসমূহবিদ্যা তে কর্মণৈবেহ তৃতীয়লব্ধাম্ ॥ ২.৭৫॥

তদ্দর্শনং তদ্গদতোঽপ্যবিদ্যা সব্যোপপত্তেরুত দৌবিশেষাৎ ।
চিরন্তপঃ শুদ্ধিরতো বিশেষাৎ তে স্থাবরে চাবিশেষার্থবাদঃ ॥ ২.৭৬॥

সন্ধ্যাংশসৃষ্ট্যা কিল নির্মমে জগৎ পুত্রেষু মায়াময়তোঽব্যযাত্মা ।
কৃৎস্নং মায়াময়ং তজ্জগদিদমসতো নামরূপং তু জাতম্ ।
জাগ্রৎস্বপ্নসুষুপ্তিতোঽপি পরমানন্দং তিরোধানকৃৎ ॥ ২.৭৭॥

দেহয়োগাৎ হ্রসতে বর্ধতে যঃ
তত্রৈবান্যৎ পশ্যতে সোঽথ বোধাৎ ।
স শোশুচানস্মৃতিশব্দবোধঃ ॥ ২.৭৮॥

নানাশব্দাদিভেদাৎ ফলবিবিধমহাকর্মবৈচিত্র্যযোগাৎ
ঈষ্টে তাং গুণধারণাং শ্রুতিহিতাং তদ্দর্শনোদ্বোধতঃ ।
তদ্দর্শনাৎ সিদ্ধিত এব সিদ্ধ্যতে আচারয়োগাদৃততচ্ছ্রুতেশ্চ ॥ ২.৭৯॥

বাচা সমারংভণতো নিয়ামতঃ
তস্যাধিকাপ্রাৎবকস্যোপদেশাৎ ।
তুল্যং দৃশা সর্বতঃ স্যাদ্বিভাগঃ
অধ্যাপয়াত্রান্নবিশেষতস্তু তে ॥ ২.৮০॥

কামোপমর্দেন তদূর্ধ্বরেতসা
বিমর্শতো যাতি স্বতত্ত্বতোঽন্যঃ ।
অনুষ্ঠেয়ং চান্যৎ শ্রুতিশিরসি নিষ্ঠাভ্রমবশাৎ ।
বিধিস্তুত্যা ভাবং প্রবদতি
রথাগ্নেরাধানমনুবদতি জ্ঞানাঙ্গমপি চ ॥ ২.৮১॥

প্রাণাত্যযে বাপি সমং তথান্নং
অবাধতঃ স্মৃতিতঃ কামকারে ।
বিহিতাশ্রমকর্মতঃ সহৈব কার্যাৎ
তথোভয়োর্লিঙ্গভঙ্গং চ দর্শয়েৎ ॥ ২.৮২॥

তথান্তরা চাপি স্মৃতের্বিশেষতঃ
জ্যায়োঽপি লিঙ্গাভয়ভাবনাধিকা ।
সৈবাধিকারাদর্শনাৎ তদুক্তং
আচারতঃ স্বামিন ঈজ্যবৃত্ত্যা ॥ ২.৮৩॥

স্মৃতে ঋৎবিক্সহকার্যং চ কৃৎস্নম্ ।
তন্মৌনবাচা বচনেন কুর্বন্ ।
তদৈহিকং তদবস্থাধৃতেশ্চ ॥ ২.৮৪॥

আবৃত্ত্যাপ্যসকৃত্তথোপদিশতি হ্যাত্মন্নুপাগচ্ছতি
গ্রাহং যাতি চ শাস্ত্রতো প্রতীককলনাৎ সা ব্রহ্মদৃষ্টিঃ প্রভোঃ ।
আদিত্যাদিকৃতীষু তথা সতীরপি কর্মাঙ্গতাধ্যানতঃ
তস্মাচ্চাস্থিরতাং স্মরন্তি চ পুনর্যত্রৈব তত্র শ্রুতা ॥ ২.৮৫॥

আপ্রায়ণাৎ তত্র দৃষ্টং হি যত্র তত্রাগমাৎ পূর্বয়োঽশ্লেষনাশৌ ।
তথেতরস্যাপি পতেদসংসৃতৌ অনারব্ধাগ্নিহোত্রাদিকার্যে ॥ ২.৮৬॥

অতোঽন্যেষামুভয়োর্যত্র যোগাৎ
বিদ্যাভোগেন বাঙ্মনসী দর্শনাচ্চ ।
সর্বাণ্যনুমনসা প্রাণ এব
সোঽধ্যক্ষেত উপদর্শেন কচ্চিৎ ॥ ২.৮৭॥

সমানবৃত্ত্যা ক্রমতে চাসু বৃত্ত্যা
সংসারতো ব্যপদেশোপপত্তেঃ ।
সূক্ষ্মপ্রমাণোপমর্দোপলব্ধস্থিতিশ্চ
তথোপপত্তেরেষ ঊষ্মা রসৈকে ॥ ২.৮৮॥

অত্র স্মর্যনানুপরতাবিধিবাক্যসিদ্ধে-
র্বৈয়াসকির্মুনিরেষোব্যযাত্মা ।
অবিভাগো বচনাদ্ধার্দ এব
রশ্ম্যনুসারী নিশিতো দক্ষিণায়নে ।
যোগিনঃ প্রতিসৃতৈস্তথার্চিরাৎ
বায়ুমদ্ঘটিতো বরুণেন ॥ ২.৮৯॥

অতিবাহিকবিধেস্তদলিঙ্গাৎ তদ্বদত্র উভয়োরপি সিদ্ধিঃ ।
তদ্বৈতেন গতিরপ্যুপাবৃতো বিশেষসামীপ্যসকার্যহেতৌ ॥ ২.৯০॥

স্মৃতিস্তথাঽন্যোঽপি চ দর্শনেন কায়ে তথা প্রতিপত্তিপ্রতীকঃ ।
বিশেষদৃষ্ট্যা সম্পদাবির্ভবেন স্বেনাংশৎবান্মুক্তিবিজ্ঞানতো হি ॥ ২.৯১॥

আত্মপ্রকাশাদবিভাগেন দৃষ্টঃ তদ্ব্রহ্মণোঽন্যদ্দ্যুতিতন্মাত্রতোঽন্যঃ ।
উপন্যাসাদন্যসংকল্পভূত্যা রথবান্যোঽপ্যুথাহ ॥ ২.৯২॥

ভাবমন্যো উভয়ং ন স্বভাবা
ভাবে সম্পত্তিরেবং জগৎ স্যাৎ ।
প্রত্যক্ষেণোপদেশাৎ স্থিতিরপি
জগতো ব্যক্তিভাবাদুপাসা
ভেদাভাসস্থিতিরবিকারাবর্তিরিতি চ ॥ ২.৯৩॥

তথা দৃষ্টের্দ্রষ্টুর্বিপরীতদৃষ্টেঃ শ্রুতিবশাৎ
তথা বুদ্ধের্বোদ্ধা ভবতি অনুমানেন হি বুধঃ ।
ভোগে সামান্যলিঙ্গাৎ শিবভজনভবে মান্যমনসা
অনাবৃত্তিঃ শব্দো ভবতি বিধিবাক্যেন নিয়তম্ ॥ ২.৯৪॥

তবোক্তঃ সূত্রাণাং বিধিরপি চ সামান্যমুভয়-
প্রকৃষ্ট শ্রুত্যৈব প্রভবতি মহানন্দসদনে ॥ ২.৯৫॥

স্কন্দঃ –
ত্রিনেত্রবক্ত্রসুচরিত্ররূপং মন্ত্রার্থবাদাম্বুজমিত্ররূপাঃ ।
প্রহৃষ্টরূপা মুনয়ো বিতেনিরে মতানুসারীণ্যথ সূত্রিতানি ॥ ২.৯৬॥

ন তানি বুদ্ধ্যুদ্ভববোধদানি বিশ্বেশপাদাম্বুজভক্তিদানি ॥ ২.৯৭॥

॥ ইতি শ্রীশিবরহস্যে শঙ্করাখ্যে ষষ্ঠাংশে শিবেন
ঋভুং প্রতি সূত্রোপদেশো নাম দ্বিতীয়োঽধ্যায়ঃ ॥

৩ ॥ তৃতীয়োঽধ্যায়ঃ ॥

সূতঃ –
ততো মহেশাৎ সংশ্রুত্য সূত্রাণি ঋভুরেব হি ।
কৈলাসেশং মহাদেবং তুষ্টাব বিনয়াঞ্জলিঃ ॥ ৩.১॥

লব্ধজ্ঞানো মহাদেবান্ মুনিভ্যোঽকথয়চ্চ তৎ ।
তৎ স্তুতিং চ শৃণুষ্বেতি জগাদ গিরিজাসুতঃ ॥ ৩.২॥

জৈগীষব্যং মহাত্মানং জিতষড্বর্গমুত্তমম্ ।

স্কন্দঃ –
সংস্তুত্য সাংবমীশানমৃভুর্জ্ঞানমবিন্দত ।
শাংভবঃ স মহায়োগী তুষ্টাবাষ্টতনুং হরম্ ॥ ৩.৩॥

ঋভুঃ –
গন্ধদ্বিপবরবৃন্দৎবচিরুচিবন্ধোদ্যতপট
গন্ধপ্রমুখ মদান্ধব্রজদলি হরিমুখনখরোদ্যৎ
স্কন্ধোদ্যন্মুখ বন্ধক্ষুরনিভ নির্যদ্রসদসৃভিন্দন্নগধর
বিন্ধ্যপ্রভশিব মেধ্যপ্রভুবর ।
মেধ্যোত্তমশিব ভেদ্যাখিলজগদুদ্যদ্ভবগত
বেদ্যাগমশিব গদ্যস্তুতপদ পদ্যপ্রকটহৃ –
দুদ্যদ্ভবগদ বৈদ্যোত্তম পাহি শম্ভো ॥ ৩.৪॥

চণ্ডদ্বিপকর কাণ্ডপ্রভভুজ দণ্ডোদ্যতনগ
খণ্ডত্রিপুর মহাণ্ডস্ফুটদুডুপশিখণ্ড ।
দ্যুতিবর গণ্ডদ্বয় কোদণ্ডান্তক দণ্ডিতপাদ পাহি শংভো ॥ ৩.৫॥

কিঞ্চিজ্জললব সিঞ্চদ্দ্বিজকুল মুঞ্চদ্বৃজিন
কুলুংচদ্বিজপতি চঞ্চচ্ছবিজট কুঞ্চৎপদনখ
মুঞ্চন্নতবর করুণা পাহি শংভো ॥ ৩.৬॥

দেব শঙ্কর হরমহেশ্বর পাপতস্কর অমরময়স্কর ।
শিবদশংকর পুরমহেশ্বর ভবহরেশ্বর পাহি শংভো ॥ ৩.৭॥

অঙ্গজভঙ্গ তুরঙ্গরথাঙ্গ জলধিনিষঙ্গ
ধৃতভুজঙ্গাঙ্গ দৃশি সুপতঙ্গ
করসুকুরঙ্গ জটধৃতগঙ্গ
যমিহৃদিসঙ্গ ভজশিবলিঙ্গ ভবভয়ভঙ্গ ॥ ৩.৮॥

শংবরকরশর দম্বরবরচর ডংবরঘোষণ দুংবরফলজগ
নিকুরুংবভরহর বিংবিতহৃদিচির লংবিতপদয়ুগ
লংবোদরজনকান্তকহর শিব বিন্দুবরাসন
বিন্দুগহন শরদিন্দুবদনবর কুন্দধবল গণবৃন্দবিনত
ভবভয়হর পরবর করুণাকর ফণিবরভূষণ
স্মর হর গরধর পরিপাহি ॥ ৩.৯॥

রাসভবৃষভেভ শরভাননগণগুণনন্দিত-
ত্রিগুণপথাতিগ শরবণভবনুত তরণিস্থিত বরুণালয়
কৃতপারণ মুনিশরণায়িত পদপদ্মারুণ পিঙ্গজটাধর
কুরু করুণাং শঙ্কর শং কুরু মে ॥ ৩.১০॥

জম্ভপ্রহরণ কুম্ভোদ্ভবনুত কুম্ভপ্রমথ নিশুম্ভদ্যুতিহর
ভিন্দদ্রণগণ ডিম্ভায়িতসুর তারকহরসুত
কুংভ্যুদ্যতপদ বিন্ধ্যস্থিতদিতিমান্দ্যপ্রহর মদান্ধদ্বিপবর
কৃত্তিপ্রবর সুধান্ধোনুতপদ বুদ্ধ্যাগমশিব
মেধ্যাতিথিবরদ মমাবন্ধ্যং কুরু দিবসং
তব পূজনতঃ পরিপাহি শংভো ॥ ৩.১১॥

কুন্দসদৃশ মকরন্দনিভসুরবৃন্দবিনুত কুরুবিন্দমণিগণ
বৃন্দনিভাঙ্ঘ্রিজমন্দর বসদিন্দুমকুট শরদংবুজকৃশ
গরনিন্দনগল সুন্দরগিরিতনয়াকৃতি
দেহবরাঙ্গবিন্দুকলিত শিবলিঙ্গগহন সুতসিন্দুরবরমুখ
বন্ধুরবরসিন্ধুনদীতট লিঙ্গনিবহবরদিগ্বস পাহি শংভো ॥ ৩.১২॥

পন্নগাভরণ মারমারণ বিভূতিভূষণ শৈলজারমণ ।
আপদুদ্ধরণ যামিনীরমণশেখর সুখদ পাহি শংভো ॥ ৩.১৩॥

দক্ষাধ্বরবরশিক্ষ প্রভুবর ত্র্যক্ষ প্রবলমহোক্ষস্থিত
সিতবক্ষস্স্থলকুলচক্ষুঃশ্রবস বরাক্ষস্রজ হর ।
বীক্ষানিহতাধোক্ষজাত্মজ বরকক্ষাশ্রয় পুরপক্ষবিদারণ
লীক্ষায়িতসুর ভিক্ষাশন হর পদ্মাক্ষার্চনতুষ্ট
ভগাক্ষিহরাব্যয শঙ্কর মোক্ষপ্রদ পরিপাহি মহেশ্বর ॥ ৩.১৪॥

অক্ষয়ফলদ শুভাক্ষ হরাক্ষততক্ষককর
গরভক্ষ পরিস্ফুরদক্ষ ক্ষিতিরথ সুরপক্ষাব্যয ।
পুরহর ভব হর হরিশর শিব শিব
শঙ্কর কুরু কুরু করুণাং শশিমৌলে ॥ ৩.১৫॥

ভজাম্যগসুতাধবং পশুপতিং মহোক্ষধ্বজং
বলক্ষভসিতোজ্জ্বলং প্রকটদক্ষদাহাক্ষিকম্ ।
ভগাক্ষিহরণং শিবং প্রমথিতোরুদক্ষাধ্বরং
প্রপক্ষসুরতামুনিপ্রমথশিক্ষিতাধোক্ষজম্ ॥ ৩.১৬॥

শ্রীনাথাক্ষিসরোজরাজিতপদাংভোজৈকপূজোৎসবৈ-
র্নিত্যং মানসমেতদস্তু ভগবন্ সদ্রাজমৌলে হর ।
ভূষাভূতভুজঙ্গসঙ্গত মহাভস্মাঙ্গনেত্রোজ্বল-
জ্জ্বালাদগ্ধমনঙ্গপতঙ্গদৃগুমাকান্তাব গঙ্গাধর ॥ ৩.১৭॥

স্বাত্মানন্দপরায়ণাংবুজভবস্তুত্যাঽধুনা পাহি মাম্
MISSING .
গিরিজামুখসখ ষণ্মুখ পঞ্চমুখোদ্যতদুর্মুখমুখ-
হর আখুবহোন্মুখ লেখগণোন্মুখ শঙ্কর খগগমপরিপূজ্য ॥ ৩.১৮॥

কোটিজন্মবিপ্রকর্মশুদ্ধচিত্তবর্ত্মনাং
শ্রৌতসিদ্ধশুদ্ধভস্মদগ্ধসর্ববর্ষ্মণাম্ ।
রুদ্রভুক্তমেধ্যভুক্তিদগ্ধসর্বপাপ্মনাং
রুদ্রসূক্তি উক্তিভক্তিভুক্তিমুক্তিদায়িকাম্ ।
পুরহর ইষ্টতুষ্টিমুক্তিলাস্যবাসনা
ভক্তিভাসকৈলাসমীশ আশু লভ্যতে ॥ ৩.১৯॥

স্কন্দঃ –
তৎস্তুত্যা তোষিতঃ শংভুস্তমাহ ঋভুমীশ্বরঃ ।
প্রসন্নঃ করুণাম্ভোধিরম্ভোজসুতমোদনঃ ॥ ৩.২০॥

ঈশ্বরঃ –
বেদান্তপাঠপঠনেন হঠাদিয়োগৈঃ
শ্রীনীলকণ্ঠপদভক্তিবিকুণ্ঠভাবাঃ ।
যে কর্মঠা যতিবরা হরিসৌরিগেহে
সালাবৃকৈর্বরকঠোরকুঠারঘাতৈঃ ॥ ৩.২১॥

ভিন্নোত্তমাঙ্গহৃদয়াশ্চ ভুসুণ্ডিভিস্তে ।
ভিক্ষাশনা জরঠরাসভবদ্ভ্রমন্তি ॥ ৩.২২॥

বিদ্যুচ্চঞ্চলজীবিতেঽপি ন মনাগুৎপদ্যতে শাংভবী
ভক্তির্ভীমপদাম্বুজোত্তমপদে ভস্মত্রিপুণ্ড্রেঽপি চ ।
রুদ্রাক্ষামলরুদ্রসূক্তিজপনে নিষ্ঠা কনিষ্ঠাত্মনাং
বিষ্ঠাবিষ্টকুনিষ্ঠকষ্টকুধিয়াং দুষ্টাত্মনাং সর্বদা ॥ ৩.২৩॥

ভ্রষ্টানাং দুরদৃষ্টতো জনিজরানাশেন নষ্টাত্মনাং
জ্যেষ্ঠশ্রীশিপিবিষ্টচারুচরণাংভোজার্চনানাদরঃ ।
তেনানিষ্টপরংপরাসমুদয়ৈরষ্টাকৃতের্ন স্মৃতিঃ
বিষ্ঠাপূরিতদুর্মুখেষু নরকে ভ্রষ্টে চিরং সংস্থিতিঃ ॥ ৩.২৪॥

অজ্ঞায়ত্তেষ্বভিজ্ঞাঃ সুরবরনিকরং স্তোত্রশাস্ত্রাদিতুষ্টং
সত্রাশং মন্ত্রমাত্রৈর্বিধিবিহিতধিয়া সামভাগৈর্যজন্তি ।
শ্রাদ্ধে শ্রদ্ধাভরণহরণভ্রান্তরূপান্পিতৄংস্তে
তত্তচ্ছ্রদ্ধাসমুদিতমনঃ স্বান্তরা শম্ভুমীশম্ ॥

নাভ্যর্চন্তি প্রণতশরণং মোক্ষদং মাং মহেশম্ ॥ ৩.২৫॥

আর্যাঃ শর্বসমর্চনেন সততং দূর্বাদলৈঃ কোমলৈঃ
বিল্বাখর্বদলৈশ্চ শঙ্করমহাভাগং হৃদন্তঃ সদা ।
পর্বস্বপ্যবিশেষিতেন মনসা গর্বং বিহায়াদরাৎ
দুর্গাণ্যাশু তরন্তি শঙ্করকৃপাপীয়ূষধারারসৈঃ ॥ ৩.২৬ ॥

শ্রীচন্দ্রচূডচরণাংবুজ পূজনেন
কালং নয়ন্তি পশুপাশবিমুক্তিহেতোঃ ।
ভাবাঃ পরং ভসিতফাললসত্ত্রিপুণ্ড্র-
রুদ্রাক্ষকঙ্কণলসৎকরদণ্ডয়ুগ্মাঃ ॥ ৩.২৭॥

পঞ্চাক্ষরপ্রণবসূক্তধিয়া বদন্তি
নামানি শাংভবমনোহরদানি শংভো ।
মুক্তিপ্রদানি সততং শিবভক্তবর্যাঃ
যে বিল্বমূলশিবলিঙ্গসমর্চনেন ॥ ৩.২৮॥

কালং নয়েদ্বিমলকোমলবিল্বপত্রৈঃ
নো তস্য কালজভয়ং ভবতাপপাপম্ ।
সন্তাপভূপজনিতং ভজতাং মহেশম্ ॥ ৩.২৯॥

শশ্বদ্বিশ্বেশপাদৌ যমশমনিয়মৈর্ভূতিরুদ্রাক্ষগাত্রো
বিশ্বত্রস্তো ভুজঙ্গাঙ্গদবরগিরিজানায়কে লব্ধভক্তিঃ ।
মুগ্ধোঽপ্যধ্যাত্মবিদ্ যো ভবতি ভবহরস্যার্চয়া প্রাপ্তকামঃ ॥ ৩.৩০॥

শব্দৈরব্দশতেঽপি নৈব স লভেৎ জ্ঞানং ন তর্কভ্রমৈঃ
মীমাংসা দ্বয়তস্তথাদ্বয়পদং কিং সাংখ্যসংখ্যা বদ ।
যোগায়াসপরংপরাদিবিহিতৈর্বেদান্তকান্তারকে
শ্রাম্যন্ ভক্তিবিবর্জিতেন মনসা শম্ভোঃ পদে মুক্তয়ে ॥ ৩.৩১॥

কিং গঙ্গয়া বা মকরে প্রয়াগ-
স্নানেন বা যোগমখক্রিয়াদ্যৈঃ ।
যত্রার্চিতং লিঙ্গবরং শিবস্য
তত্রৈব সর্বার্থপরংপরা স্যাৎ ॥ ৩.৩২॥

শ্রীশৈলো হিমভূধরোঽরুণগিরির্বৃদ্ধাদ্রিগোপর্বতৌ
শ্রীমদ্ধেমসভাবিহার ভগবন্ নৃত্তং ত্রিনেত্রো গিরিঃ ।
কৈলাসোত্তরদক্ষিণৌ চ ভগবান্ যত্রার্চনে শঙ্করো
লিঙ্গে সন্নিহিতো বসত্যনুদিনং শাঙ্গস্য হৃৎপঙ্কজে ॥ ৩.৩৩॥

তত্রাবিমুক্তং শশিচূডবাসং
ওঁকারকালঞ্জর রুদ্রকোটিম্ ।
গঙ্গাবুধেঃ সঙ্গমমম্বিকাপতি-
প্রিয়ং তু গোকর্ণকসহ্যজাতটম্ ॥ ৩.৩৪॥

যত্রাভ্যর্ণগতং মহেশকরুণাপূর্ণং তু তূর্ণং হৃদা
লিঙ্গং পূজিতমপ্যপাস্তদুরিতং তীর্থানি গঙ্গাদয়ঃ ।
পুণ্যাশ্চাশ্রমসংঘকা গিরিবরক্ষেত্রাণি শংভোঃ পদং
ভক্তিয়ুক্তভজনেন মহেশে শক্তিবজ্জগদিদং পরিভাতি ॥ ৩.৩৫॥

কর্মন্দিবৃন্দা অপি বেদমৌলি-
সিদ্ধান্তবাক্যকলনেঽপি ভবন্তি মন্দাঃ ।
কামাদিবদ্ধহৃদয়াঃ সিতভস্মপুণ্ড্র-
রুদ্রাক্ষ শঙ্করসমর্চনতো বিহীনাঃ ॥ ৩.৩৬॥

হীনা ভবন্তি বহুধাপ্যবুধা ভবন্তি
মৎপ্রেমবাসভবনেষু বিহীনবাসাঃ ॥ ৩.৩৭॥

অষ্টম্যামষ্টমূর্তির্নিশি শশিদিবসে সোমচূডং তু মুক্ত্যৈ
ভূতায়াং ভূতনাথং ধৃতভসিততনুর্বীতদোষে প্রদোষে ।
গব্যৈঃ পঞ্চামৃতাদ্যৈঃ ফলবরজরসৈর্বিল্বপত্রৈশ্চ লিঙ্গে
তুঙ্গে শাঙ্গেঽপ্যসঙ্গো ভজতি যতহৃদা নক্তভুক্ত্যৈকভক্তঃ ॥ ৩.৩৮॥

জ্ঞানানুৎপত্তয়ে তদ্ধরিবিধিসমতাবুদ্ধিরীশানমূর্তৌ
ভস্মাক্ষাধৃতিরীশলিঙ্গভজনাশূন্যং তু দুর্মানসম্ ।
শংভোস্তীর্থমহৎসুতীর্থবরকে নিন্দাবরে শাঙ্করে
শ্রীমদ্রুদ্রজপাদ্যদ্রোহকরণাৎ জ্ঞানং ন চোৎপদ্যতে ॥ ৩.৩৯॥

ঈশোৎকর্ষধিয়ৈকলিঙ্গনিয়মাদভ্যর্চনং ভস্মধৃক্
রুদ্রাক্ষামল সারমন্ত্র সুমহাপঞ্চাক্ষরে জাপিনাম্ ।
ঈশস্থাননিবাসশাংভবকথা ভক্তিশ্চ সংকীর্তনং
ভক্তস্যার্চনতো ভবেৎ সুমহাজ্ঞানং পরং মুক্তিদম্ ॥ ৩.৪০॥

আদ্যন্তয়োর্যঃ প্রণবেন যুক্তং
শ্রীরুদ্রমন্ত্রং প্রজপত্যঘঘ্নম্ ।
তস্যাংঘ্রিরেণুং শিরসা বহন্তি
ব্রহ্মাদয়ঃ স্বাঘনিবৃত্তিকামাঃ ॥ ৩.৪১॥

অপূর্বাথর্বোক্ত শ্রুতিশিরসি বিজ্ঞানমনঘং
মহাখর্বাজ্ঞানপ্রশমনকরং যো বিরচয়েৎ ।
মুনে হৃৎপর্বাণাং বিশসনকরং সপ্তমনুভি-
র্ব্রতং শীর্ষণ্যং যো বিরচয়তি তস্যেদমুদিতম্ ॥ ৩.৪২॥

গুরৌ যস্য প্রেম শ্রুতিশিরসি সূত্রার্থপদগং
ময়ি শ্রদ্ধা বৃদ্ধা ভবতি কিল তস্যৈষ সুলভঃ ।
অনন্যো মার্গোঽয়ম্ অকথিতমিদং ৎবয়্যপি মুদা
যদা গোপ্যো মুগ্ধে সুবিহিতমুনিষ্বেব দিশ বৈ ॥ ৩.৪৩॥

স্কন্দঃ –
ইতি স্তুৎবা শংভোঃ প্রমুদিতমনাস্ত্বেষ স ঋভুঃ
মুনির্নৎবা দেবং নগমগপদীশস্য নিলয়ম্ ।
যতো গঙ্গা তুঙ্গা প্রপততি হিমাদ্রেঃ শিখরতো
মুনীন্দ্রেষ্বাহেদং তদপি শৃণু বিপ্রোত্তম হৃদা ॥ ৩.৪৪॥

ঋভুঃ –
পতন্ত্বশনয়ো মুহুর্গিরিবরৈঃ সমুদ্রোর্বরা
ভবৎবধরসম্প্লবা গ্রহগণাঃ সুরা যান্ত্বঘঃ ।
ভবজ্জনিম পূজনান্মম মনো ন যাত্যন্যতঃ
শপামি প্রপদে প্রভোস্তব সরোরুহাভে হর ॥ ৩.৪৫॥

॥ ইতি শ্রীশিবরহস্যে শঙ্করাখ্যে ষষ্ঠাংশে
শিবঋভুসংবাদো নাম তৃতীয়োঽধ্যায়ঃ ॥

৪ ॥ চতুর্থোঽধ্যায়ঃ ॥

স্কন্দঃ –
হিমাদ্রিশিখরে তত্র কেদারে সংস্থিতং ঋভুম্ ।
কেদারেশং পূজয়ন্তং শাংভবং মুনিসত্তমম্ ।
ভস্মরুদ্রাক্ষসম্পন্নং নিঃস্পৃহং মুনয়োঽব্রুবন্ ॥ ৪.১॥

মুনয়ঃ –
পদ্মোদ্ভবসুতশ্রেষ্ঠ ৎবয়া কৈলাসপর্বতে ।
আরাধ্য দেবমীশানং তস্মাৎ সূত্রশ্রুতীরিতম্ ॥ ৪.২॥

জ্ঞানং লব্ধং মুনিশ্রেষ্ঠ ৎবং নো ব্রূহি বিমুক্তয়ে ।
যেন সংসারবারাশেঃ সমুত্তীর্ণা ভবামহে ॥ ৪.৩॥

সূতঃ –
ঋভুর্মুনীনাং বচসা তুষ্টঃ শিষ্টান্ সমীক্ষ্য তান্ ।
অষ্টমূর্তিপদধ্যাননিষ্ঠাংস্তানভ্যুবাচ হ ॥ ৪.৪॥

ঋভুঃ –
নাগোপ্যং ভবতামস্তি শাংভবেষু মহাত্মসু ।var was অস্মি
ত্রিনেত্রপ্রেমসদনান্ যুষ্মান্ প্রেক্ষ্য বদামি তৎ ॥ ৪.৫॥

শাঙ্করং সূত্রবিজ্ঞানং শ্রুতিশীর্ষমহোদয়ম্ ।
শৃণুধ্বং ব্রহ্মবিচ্ছ্রেষ্ঠাঃ শিবজ্ঞানমহোদয়ম্ ॥ ৪.৬॥

যেন তীর্ণাঃ স্থ সংসারাৎ শিবভক্ত্যা জিতেন্দ্রিয়াঃ ।var was তীর্ণাস্থ
নমস্কৃৎবা মহাদেবং বক্ষ্যে বিজ্ঞানমৈশ্বরম্ ॥ ৪.৭॥

ঋভুঃ –
বিশ্বস্য কারণমুমাপতিরেব দেবো
বিদ্যোতকো জডজগৎপ্রমদৈকহেতুঃ ।
ন তস্য কার্যং করণং মহেশিতুঃ
স এব তৎকারণমীশ্বরো হরঃ ॥ ৪.৮॥

সূতঃ সায়কসংভবঃ সমুদিতাঃ সূতাননেভ্যো হয়াঃ
নেত্রে তে রথিনো রথাঙ্গয়ুগলী যুগ্যান্তমৃগ্যো রথী ।
মৌবীমূর্ধ্নি রথঃ স্থিতো রথবহশ্চাপং শরব্যং পুরঃ
যোদ্ধুং কেশচরাঃ স এব নিখিলস্থাণোরণুঃ পাতু বঃ ॥ ৪.৯॥var was নঃ
নিদাঘমথ সংবোধ্য ততো ঋভুরুবাচ হ ।
অধ্যাত্মনির্ণয়ং বক্ষ্যে নাস্তি কালত্রয়েষ্বপি ॥ ৪.১০॥

শিবোপদিষ্টং সংক্ষিপ্য গুহ্যাৎ গুহ্যতরং সদা ।
অনাত্মেতি প্রসঙ্গাত্মা অনাত্মেতি মনোঽপি বা ।
অনাত্মেতি জগদ্বাপি নাস্ত্যনাত্মেতি নিশ্চিনু ॥ ৪.১১॥

সর্বসংকল্পশূন্যৎবাৎ সর্বাকারবিবর্জনাৎ
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১২॥

চিত্তাভাবে চিন্তনীয়ো দেহাভাবে জরা চ ন ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১৩॥var was ব্রহ্মমাত্রৎবাৎ
পাদাভাবাদ্গতির্নাস্তি হস্তাভাবাৎ ক্রিয়া চ ন ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১৪॥var was ব্রহ্মমাত্রৎবাৎ
ব্রহ্মাভাবাজ্জগন্নাস্তি তদভাবে হরির্ন চ ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১৫॥var was ব্রহ্মমাত্রৎবাৎ
মৃত্যুর্নাস্তি জরাভাবে লোকবেদদুরাধিকম্ ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১৬॥var was ব্রহ্মমাত্রৎবাৎ
ধর্মো নাস্তি শুচির্নাস্তি সত্যং নাস্তি ভয়ং ন চ ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১৭॥var was ব্রহ্মমাত্রৎবাৎ
অক্ষরোচ্চারণং নাস্তি অক্ষরত্যজডং মম ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১৮॥var was ব্রহ্মমাত্রৎবাৎ
গুরুরিত্যপি নাস্ত্যেব শিষ্যো নাস্তীতি তত্ত্বতঃ ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.১৯॥var was ব্রহ্মমাত্রৎবাৎ
একাভাবান্ন দ্বিতীয়ং ন দ্বিতীয়ান্ন চৈকতা ।
সত্যৎবমস্তি চেৎ কিঞ্চিদসত্যৎবং চ সংভবেৎ ॥ ৪.২০॥

অসত্যৎবং যদি ভবেৎ সত্যৎবং চ ঘটিষ্যতি ।
শুভং যদ্যশুভং বিদ্ধি অশুভং শুভমস্তি চেৎ ॥ ৪.২১॥

ভয়ং যদ্যভয়ং বিদ্ধি অভয়াদ্ভয়মাপতেৎ ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.২২॥var was ব্রহ্মমাত্রৎবাৎ
বদ্ধৎবমস্তি চেন্মোক্ষো বন্ধাভাবে ন মোক্ষতা ।
মরণং যদি চেজ্জন্ম জন্মাভাবে মৃতির্ন চ ॥ ৪.২৩॥

ৎবমিত্যপি ভবেচ্চাহং ৎবং নো চেদহমেব ন ।
ইদং যদি তদেবাপি তদভাবে ইদং ন চ ॥ ৪.২৪॥

অস্তি চেদিতি তন্নাস্তি নাস্তি চেদস্তি কিংচ ন ।
কার্যং চেৎ কারণং কিঞ্চিৎ কার্যাভাবে ন কারণম্ ॥ ৪.২৫॥

দ্বৈতং যদি তদাঽদ্বৈতং দ্বৈতাভাবেঽদ্বয়ং চ ন ।
দৃশ্যং যদি দৃগপ্যস্তি দৃশ্যাভাবে দৃগেব ন ॥ ৪.২৬॥

অন্তর্যদি বহিঃ সত্যমন্তাভাবে বহির্ন চ ।
পূর্ণৎবমস্তি চেৎ কিংচিদপূর্ণৎবং প্রসজ্যতে ॥ ৪.২৭॥

কিঞ্চিদস্তীতি চেচ্চিত্তে সর্বং ভবতি শীঘ্রতঃ ।
যৎকিংচিৎ কিমপি ক্বাপি নাস্তি চেন্ন প্রসজ্যতি ॥ ৪.২৮॥

তস্মাদেতৎ ক্বচিন্নাস্তি ৎবং নাহং বা ইমে ইদম্ ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.২৯॥var was ব্রহ্মমাত্রৎবাৎ
নাস্তি দৃষ্টান্তকং লোকে নাস্তি দার্ষ্টান্তিকং ক্বচিৎ ।
কেবলং ব্রহ্মভাবৎবাৎ নাস্ত্যনাত্মেতি নিশ্চিনু ॥ ৪.৩০॥var was ব্রহ্মমাত্রৎবাৎ
পরং ব্রহ্মাহমস্মীতি স্মরণস্য মনো ন হি ।
ব্রহ্মমাত্রং জগদিদং ব্রহ্মমাত্রৎবমপ্য হি ॥ ৪.৩১॥

চিন্মাত্রং কেবলং চাহং নাস্ত্যনাত্মেতি নিশ্চিনু ।
ইত্যাত্মনির্ণয়ং প্রোক্তং ভবতে সর্বসঙ্গ্রহম্ ॥ ৪.৩২॥var was নির্ণ্যঃ প্রোক্তঃ
সকৃচ্ছ্রবণমাত্রেণ ব্রহ্মৈব ভবতি স্বয়ম্ ॥ ৪.৩৩॥

নিদাঘঃ-var was ঋভুঃ-
ভগবন্ কো ভবান্ কো নু বদ মে বদতাং বর ।var was নিদাঘ
যচ্ছ্রুৎবা তৎক্ষণান্মুচ্যেন্মহাসংসারসংকটাৎ ॥ ৪.৩৪॥

ঋভুঃ-
অহমেব পরং ব্রহ্ম অহমেব পরং সুখম্ ।
অহমেবাহমেবাহমহং ব্রহ্মাস্মি কেবলম্ ॥ ৪.৩৫॥

অহং চৈতন্যমেবাস্মি দিব্যজ্ঞানাত্মকো হ্যহম্ ।
সর্বাক্ষরবিহীনোঽস্মি অহং ব্রহ্মাস্মি কেবলম্ ॥ ৪.৩৬॥

অহমর্থবিহীনোঽস্মি ইদমর্থবিবর্জিতঃ ।
সর্বানর্থবিমুক্তোঽস্মি অহং ব্রহ্মাস্মি কেবলম্ ॥ ৪.৩৭॥

নিত্যশুদ্ধোঽস্মি বুদ্ধোঽস্মি নিত্যোঽস্ম্যত্যন্তনির্মলঃ ।
নিত্যানদস্বরূপোঽস্মি অহং ব্রহ্মাস্মি কেবলম্ ॥ ৪.৩৮॥

নিত্যপূর্ণস্বরূপোঽস্মি সচ্চিদানন্দমস্ম্যহম্ ।
কেবলাদ্বৈতরূপোঽহমহং ব্রহ্মাস্মি কেবলম্ ॥ ৪.৩৯॥

অনির্দেশ্যস্বরূপোঽস্মি আদিহীনোঽস্ম্যনন্তকঃ ।
অপ্রাকৃতস্বরূপোঽস্মি অহং ব্রহ্মাস্মি কেবলম্ ॥ ৪.৪০॥

স্বস্বসংকল্পহীনোঽহং সর্বাবিদ্যাবিবর্জিতঃ ।
সর্বমস্মি তদেবাস্মি অহং ব্রহ্মাস্মি কেবলম্ ॥ ৪.৪১॥

সর্বনামাদিহীনোঽহং সর্বরূপবিবর্জিতঃ ।
সর্বসঙ্গবিহীনোঽস্মি অহং ব্রহ্মাস্মি কেবলম্ ॥ ৪.৪২॥

সর্ববাচাং বিধিশ্চাস্মি সর্ববেদাবধিঃ পরঃ ।
সর্বকালাবধিশ্চাস্মি অহং ব্রহ্মাস্মি কেবলম্ ॥ ৪.৪৩॥

সর্বরূপাবধিশ্চাহং সর্বনামাবধিঃ সুখম্ ।
সর্বকল্পাবধিশ্চাস্মি অহং ব্রহ্মাস্মি কেবলম্ ॥ ৪.৪৪॥

অহমেব সুখং নান্যদহমেব চিদব্যযঃ ।
অহমেবাস্মি সর্বত্র অহং ব্রহ্মাস্মি কেবলম্ ॥ ৪.৪৫॥

কেবলং ব্রহ্মমাত্রাত্মা কেবলং শুদ্ধচিদ্ঘনঃ ।
কেবলাখণ্ডোসারোঽস্মি অহং ব্রহ্মাস্মি কেবলম্ ॥ ৪.৪৬॥

কেবলং জ্ঞানরূপোঽস্মি কেবলাকাররূপবান্ ।
কেবলাত্যন্তসারোঽস্মি অহং ব্রহ্মাস্মি কেবলম্ ॥ ৪.৪৭॥

সৎস্বরূপোঽস্মি কৈবল্যস্বরূপোঽস্ম্যহমেব হি ।
অর্থানর্থবিহীনোঽস্মি অহং ব্রহ্মাস্মি কেবলম্ ॥ ৪.৪৮॥

অপ্রমেয়স্বরূপোঽস্মি অপ্রতর্ক্যস্বরূপবান্ ।
অপ্রগৃহ্যস্বরূপোঽস্মি অহং ব্রহ্মাস্মি কেবলম্ ॥ ৪.৪৯॥

অরসস্যুতরূপোঽস্মি অনুতাপবিবর্জিতঃ ।
অনুস্যূতপ্রকাশোঽস্মি অহং ব্রহ্মাস্মি কেবলম্ ॥ ৪.৫০॥

সর্বকর্মবিহীনোঽহং সর্বভেদবিবর্জিতঃ ।
সর্বসন্দেহহীনোঽস্মি অহং ব্রহ্মাস্মি কেবলম্ ॥ ৪.৫১॥

অহংভাববিহীনোঽস্মি বিহীনোঽস্মীতি মে ন চ ।
সর্বদা ব্রহ্মরূপোঽস্মি অহং ব্রহ্মাস্মি কেবলম্ ॥ ৪.৫২॥

ব্রহ্ম ব্রহ্মাদিহীনোঽস্মি কেশবৎবাদি ন ক্বচিৎ ।
শঙ্করাদিবিহীনোঽস্মি অহং ব্রহ্মাস্মি কেবলম্ ॥ ৪.৫৩॥

তূষ্ণীমেবাবভাসোঽস্মি অহং ব্রহ্মাস্মি কেবলম্ ।
কিঞ্চিন্নাস্তি পরো নাস্তি কিংচিদস্মি পরোঽস্মি চ ॥ ৪.৫৪॥

ন শরীরপ্রকাশোঽস্মি জগদ্ভাসকরো ন চ ।
চিদ্ঘনোঽস্মি চিদংশোঽস্মি সৎস্বরূপোঽস্মি সর্বদা ॥ ৪.৫৫॥

মুদা মুদিতরূপোঽস্মি অহং ব্রহ্মাস্মি কেবলম্ ।
ন বালোঽস্মি ন বৃদ্ধোঽস্মি ন যুবাঽস্মি পরাৎ পরঃ ॥ ৪.৫৬॥

ন চ নানাস্বরূপোঽস্মি অহং ব্রহ্মাস্মি কেবলম্ ।
ইমং স্বানুভবং প্রোক্তং সর্বোপনিষদাং পরং রসম্ ॥ ৪.৫৭॥

যো বা কো বা শৃণোতীদং ব্রহ্মৈব ভবতি স্বয়ম্ ॥ ৪.৫৮॥

ন স্থূলোঽপ্যনণুর্ন তেজমরুতামাকাশনীরক্ষমা
ভূতান্তর্গতকোশকাশহৃদয়াদ্যাকাশমাত্রাক্রমৈঃ ।
উদ্গ্রন্থশ্রুতিশাস্ত্রসূত্রকরণৈঃ কিঞ্চিজ্জ্ঞ সর্বজ্ঞতা
বুদ্ধ্যা মোহিতমায়যা শ্রুতিশতৈর্ভো জানতে শঙ্করম্ ॥ ৪.৫৯॥

॥ ইতি শ্রী শিবরহস্যে শঙ্করাখ্যে ষষ্ঠাংশে
ঋভুনিদাঘসংবাদো নাম চতুর্থোঽধ্যায়ঃ ॥

৫ ॥ পঞ্চমোঽধ্যায়ঃ ॥

নিদাঘঃ –
এবং স্থিতে ঋভো কো বৈ ব্রহ্মভাবায় কল্পতে ।
তন্মে বদ বিশেষেণ জ্ঞানং শঙ্করবাক্যজম্ ॥ ৫.১॥

ঋভুঃ –
ৎবমেব ব্রহ্ম এবাসি ৎবমেব পরমো গুরুঃ ।
ৎবমেবাকাশরূপোঽসি ৎবং ব্রহ্মাসি ন সংশয়ঃ ॥ ৫.২॥

ৎবমেব সর্বভাবোঽসি ৎবমেবার্থস্ত্বমব্যযঃ ।
ৎবং সর্বহীনস্ত্বং সাক্ষী সাক্ষিহীনোঽসি সর্বদা ॥ ৫.৩॥

কালস্ত্বং সর্বহীনস্ত্বং সাক্ষিহীনোঽসি সর্বদা ।
কালহীনোঽসি কালোঽসি সদা ব্রহ্মাসি চিদ্ঘনঃ ।
সর্বতত্ত্বস্বরূপোঽসি ৎবং ব্রহ্মাসি ন সংশয়ঃ ॥ ৫.৪॥

সত্যোঽসি সিদ্ধোঽসি সনাতনোঽসি
মুক্তোঽসি মোক্ষোঽসি সদাঽমৃতোঽসি ।
দেবোঽসি শান্তোঽসি নিরাময়োঽসি
ব্রহ্মাসি পূর্ণোঽসি পরাবরোঽসি ॥ ৫.৫॥

সমোঽসি সচ্চাসি সনাতনোঽসি
সত্যাদিবাক্যৈঃ প্রতিপাদিতোঽসি ।
সর্বাঙ্গহীনোঽসি সদাস্থিতোঽসি
ব্রহ্মাসি পূর্ণোঽসি পরাবরোঽসি ॥ ৫.৬॥var was পরাপরোঽসি
সর্বপ্রপঞ্চভ্রমবর্জিতোঽসি সর্বেষু ভূতেষু সদোদিতোঽসি ।
সর্বত্র সংকল্পবিবর্জিতোঽসি ব্রহ্মাসি পূর্ণোঽসি পরাবরোঽসি ॥ ৫.৭॥

সর্বত্র সন্তোষসুখাসনোঽসি সর্বত্র বিদ্বেষবিবর্জিতোঽসি ।
সর্বত্র কার্যাদিবিবর্জিতোঽসি ব্রহ্মাসি পূর্ণোঽসি পরাবরোঽসি ॥ ৫.৮॥

চিদাকারস্বরূপোঽসি চিন্মাত্রোঽসি নিরঙ্কুশঃ ।
আত্মন্যেবাবস্থিতোঽসি ৎবং ব্রহ্মাসি ন সংশয়ঃ ॥ ৫.৯॥

আনন্দোঽসি পরোঽসি ৎবং সর্বশূন্যোঽসি নির্গুণঃ ।
এক এবাদ্বিতীয়োঽসি ৎবং ব্রহ্মাসি ন সংশয়ঃ ॥ ৫.১০॥

চিদ্ঘনানন্দরূপোঽসি চিদানন্দোঽসি সর্বদা ।
পরিপূর্ণস্বরূপোঽসি ৎবং ব্রহ্মাসি ন সংশয়ঃ ॥ ৫.১১॥

তদসি ৎবমসি জ্ঞোঽসি সোঽসি জানাসি বীক্ষ্যসি ।
চিদসি ব্রহ্মভূতোঽসি ৎবং ব্রহ্মাসি ন সংশয়ঃ ॥ ৫.১২॥

অমৃতোঽসি বিভুশ্চাসি দেবোঽসি ৎবং মহানসি ।
চঞ্চলোষ্ঠকলঙ্কোঽসি ৎবং ব্রহ্মাসি ন সংশয়ঃ ॥ ৫.১৩॥

সর্বোঽসি সর্বহীনোঽসি শান্তোঽসি পরমো হ্যসি ।
কারণং ৎবং প্রশান্তোঽসি ৎবং ব্রহ্মাসি ন সংশয়ঃ ॥ ৫.১৪॥

সত্তামাত্রস্বরূপোঽসি সত্তাসামান্যকো হ্যসি ।
নিত্যশুদ্ধস্বরূপোঽসি ৎবং ব্রহ্মাসি ন সংশয়ঃ ॥ ৫.১৫॥

ঈষণ্মাত্রবিহীনোঽসি অণুমাত্রবিবর্জিতঃ ।
অস্তিৎববর্জিতোঽসি ৎবং নাস্তিৎবাদিবিবর্জিতঃ ॥ ৫.১৬॥

যোঽসি সোঽসি মহান্তোঽসি ৎবং ব্রহ্মাসি ন সংশয়ঃ ॥ ৫.১৭॥

লক্ষ্যলক্ষণহীনোঽসি চিন্মাত্রোঽসি নিরাময়ঃ ।
অখণ্ডৈকরসো নিত্যং ৎবং ব্রহ্মাসি ন সংশয়ঃ ॥ ৫.১৮॥

সর্বাধারস্বরূপোঽসি সর্বতেজঃ স্বরূপকঃ ।
সর্বার্থভেদহীনোঽসি ৎবং ব্রহ্মাসি ন সংশয়ঃ ॥ ৫.১৯॥

ব্রহ্মৈব ভেদশূন্যোঽসি বিপ্লুত্যাদিবিবর্জিতঃ ।
শিবোঽসি ভেদহীনোঽসি ৎবং ব্রহ্মাসি ন সংশয়ঃ ॥ ৫.২০॥

প্রজ্ঞানবাক্যহীনোঽসি স্বস্বরূপং প্রপশ্যসি ।
স্বস্বরূপস্থিতোঽসি ৎবং ৎবং ব্রহ্মাসি ন সংশয়ঃ ॥ ৫.২১॥

স্বস্বরূপাবশেষোঽসি স্বস্বরূপো মতো হ্যসি ।
স্বানন্দসিন্ধুমগ্নোঽসি ৎবং ব্রহ্মাসি ন সংশয়ঃ ॥ ৫.২২॥

স্বাত্মরাজ্যে ৎবমেবাসি স্বয়মাত্মানমো হ্যসি ।
স্বয়ং পূর্ণস্বরূপোঽসি ৎবং ব্রহ্মাসি ন সংশয়ঃ ॥ ৫.২৩॥

স্বস্মিন্ সুখে স্বয়ং চাসি স্বস্মাৎ কিঞ্চিন্ন পশ্যসি ।
স্বাত্মন্যাকাশবদ্ভাসি ৎবং ব্রহ্মাসি ন সংশয়ঃ ॥ ৫.২৪॥

স্বস্বরূপান্ন চলসি স্বস্বরূপান্ন পশ্যসি ।
স্বস্বরূপামৃতোঽসি ৎবং ৎবং ব্রহ্মাসি ন সংশয়ঃ ॥ ৫.২৫॥

স্বস্বরূপেণ ভাসি ৎবং স্বস্বরূপেণ জৃংভসি ।
স্বস্বরূপাদনন্যোঽসি ৎবং ব্রহ্মাসি ন সংশয়ঃ ॥ ৫.২৬॥

স্বয়ং স্বয়ং সদাঽসি ৎবং স্বয়ং সর্বত্র পশ্যসি ।
স্বস্মিন্ স্বয়ং স্বয়ং ভুঙ্ক্ষে ৎবং ব্রহ্মাসি ন সংশয়ঃ ॥ ৫.২৭॥

সূতঃ –
তদা নিধাঘবচসা তুষ্টো ঋভুরুবাচ তম্ ।
শিবপ্রেমরসে পাত্রং তং বীক্ষ্যাব্জজনন্দনঃ ॥ ৫.২৮॥

ঋভুঃ –
কৈলাসে শঙ্করঃ পুত্রং কদাচিদুপদিষ্টবান্ ।
তদেব তে প্রবক্ষ্যামি সাবধানমনাঃ শৃণু ॥ ৫.২৯॥

অয়ং প্রপঞ্চো নাস্ত্যেব নোৎপন্নো ন স্বতঃ ক্বচিৎ ।
চিত্রপ্রপঞ্চ ইত্যাহুর্নাস্তি নাস্ত্যেব সর্বদা ॥ ৫.৩০॥

ন প্রপঞ্চো ন চিত্তাদি নাহংকারো ন জীবকঃ ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩১॥

মায়কার্যাদিকং নাস্তি মায়াকার্যভয়ং নহি ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩২॥

কর্তা নাস্তি ক্রিয়া নাস্তি করণং নাস্তি পুত্রক ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩৩॥

একং নাস্তি দ্বয়ং নাস্তি মন্ত্রতন্ত্রাদিকং চ ন ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩৪॥

শ্রবণং মননং নাস্তি নিদিধ্যাসনবিভ্রমঃ ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩৫॥

সমাধিদ্বিবিধং নাস্তি মাতৃমানাদি নাস্তি হি ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩৬॥

অজ্ঞানং চাপি নাস্ত্যেব অবিবেককথা ন চ ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩৭॥

অনুবন্ধচতুষ্কং চ সংবন্ধত্রয়মেব ন ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩৮॥

ভূতং ভবিষ্যন্ন ক্বাপি বর্তমানং ন বৈ ক্বচিৎ ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৩৯॥

গঙ্গা গয়া তথা সেতুব্রতং বা নান্যদস্তি হি ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৪০॥

ন ভূমির্ন জলং বহ্নির্ন বায়ুর্ন চ খং ক্বচিৎ ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৪১॥

নৈব দেবা ন দিক্পালা ন পিতা ন গুরুঃ ক্বচিৎ ।
কেবলং ব্রহ্মমাত্রৎবাৎ নাস্তি নাস্ত্যেব সর্বদা ॥ ৫.৪২॥

ন দূরং নান্তিকং নান্তং ন মধ্যং ন ক্বচিৎ স্থিতিঃ ।
নাদ্বৈতদ্বৈতসত্যৎবমসত্যং বা ইদং ন চ ॥ ৫.৪৩॥

ন মোক্ষোঽস্তি ন বন্ধোঽস্তি ন বার্তাবসরোঽস্তি হি ।
ক্বচিদ্বা কিঞ্চিদেবং বা সদসদ্বা সুখানি চ ॥ ৫.৪৪॥

দ্বন্দ্বং বা তীর্থধর্মাদি আত্মানাত্মেতি ন ক্বচিৎ ।
ন বৃদ্ধির্নোদয়ো মৃন্যুর্ন গমাগমবিভ্রমঃ ॥ ৫.৪৫॥

ইহ নাস্তি পরং নাস্তি ন গুরুর্ন চ শিষ্যকঃ ।
সদসন্নাস্তি ভূর্নাস্তি কার্যং নাস্তি কৃতং চ ন ॥ ৫.৪৬॥

জাতির্নাস্তি গতির্নাস্তি বর্ণো নাস্তি ন লৌকিকম্ ।
শমাদিষট্কং নাস্ত্যেব নিয়মো বা যমোঽপি বা ॥ ৫.৪৭॥

সর্বং মিথ্যেতি নাস্ত্যেব ব্রহ্ম ইত্যেব নাস্তি হি ।
চিদিত্যেব হি নাস্ত্যেব চিদহং ভাষণং ন হি ॥ ৫.৪৮॥

অহমিত্যেব নাস্ত্যেব নিত্যোঽস্মীতি চ ন ক্বচিৎ ।
কেবলং ব্রহ্মমাত্রৎবাৎ নাস্তি নাস্ত্যেব সর্বথা ॥ ৫.৪৯॥

বাচা যদুচ্যতে কিঞ্চিন্মনসা মনুতে চ যৎ ।
বুদ্ধ্যা নিশ্চীয়তে যচ্চ চিত্তেন জ্ঞায়তে হি যৎ ॥ ৫.৫০॥

যোগেন যুজ্যতে যচ্চ ইন্দ্রিয়াদ্যৈশ্চ যৎ কৃতম্ ।
জাগ্রৎস্বপ্নসুষুপ্তিং চ স্বপ্নং বা ন তুরীয়কম্ ॥ ৫.৫১॥

সর্বং নাস্তীতি বিজ্ঞেয়ং যদুপাধিবিনিশ্চিতম্ ।
স্নানাচ্ছুদ্ধির্ন হি ক্বাপি ধ্যানাৎ শুদ্ধির্ন হি ক্বচিৎ ॥ ৫.৫২॥

গুণত্রয়ং নাস্তি কিঞ্চিদ্গুণত্রয়মথাপি বা ।
একদ্বিৎবপদং নাস্তি ন বহুভ্রমবিভ্রমঃ ॥ ৫.৫৩॥

ভ্রান্ত্যভ্রান্তি চ নাস্ত্যেব কিঞ্চিন্নাস্তীতি নিশ্চিনু ।
কেবলং ব্রহ্মমাত্রৎবাৎ ন কিঞ্চিদবশিষ্যতে ॥ ৫.৫৪॥

ইদং শৃণোতি যঃ সম্যক্ স ব্রহ্ম ভবতি স্বয়ম্ ॥ ৫.৫৫॥

ঈশ্বরঃ –
বারাশ্যম্বুনি বুদ্বুদা ইব ঘনানন্দাম্বুধাবপ্যুমা-
কান্তেঽনন্তজগদ্গতং সুরনরং জাতং চ তির্যঙ্ মুহুঃ ।
ভূতং চাপি ভবিষ্যতি প্রতিভবং মায়াময়ং চোর্মিজং
সম্যঙ্ মামনুপশ্যতামনুভবৈর্নাস্ত্যেব তেষাং ভবঃ ॥ ৫.৫৬॥

হরং বিজ্ঞাতারং নিখিলতনুকার্যেষু করণং
ন জানন্তে মোহাদ্যমিতকরণা অপ্যতিতরাম্ ।
উমানাথাকারং হৃদয়দহরান্তর্গতসরা
পয়োজাতে ভাস্বদ্ভবভুজগনাশাণ্ডজবরম্ ॥ ৫.৫৭॥

॥ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
শিবেন কুমারোপদেশবর্ণনং নাম পঞ্চমোঽধ্যায়ঃ ॥

৬ ॥ ষষ্ঠোঽধ্যায়ঃ ॥

ঈশ্বরঃ –
ব্রতানি মিথ্যা ভুবনানি মিথ্যা
ভাবাদি মিথ্যা ভবনানি মিথ্যা ।
ভয়ং চ মিথ্যা ভরণাদি মিথ্যা
ভুক্তং চ মিথ্যা বহুবন্ধমিথ্যা ॥ ৬.১॥

বেদাশ্চ মিথ্যা বচনানি মিথ্যা
বাক্যানি মিথ্যা বিবিধানি মিথ্যা ।
বিত্তানি মিথ্যা বিয়দাদি মিথ্যা
বিধুশ্চ মিথ্যা বিষয়াদি মিথ্যা ॥ ৬.২॥

গুরুশ্চ মিথ্যা গুণদোষমিথ্যা
গুহ্যং চ মিথ্যা গণনা চ মিথ্যা ।
গতিশ্চ মিথ্যা গমনং চ মিথ্যা
সর্বং চ মিথ্যা গদিতং চ মিথ্যা ॥ ৬.৩॥

বেদশাস্ত্রপুরাণং চ কার্যং কারণমীশ্বরঃ ।
লোকো ভূতং জনং চৈব সর্বং মিথ্যা ন সংশয়ঃ ॥ ৬.৪॥

বন্ধো মোক্ষঃ সুখং দুঃখং ধ্যানং চিত্তং সুরাসুরাঃ ।
গৌণং মুখ্যং পরং চান্যৎ সর্বং মিথ্যা ন সংশয়ঃ ॥ ৬.৫॥

বাচা বদতি যৎকিঞ্চিৎ সর্বং মিথ্যা ন সংশয়ঃ ।
সঙ্কল্পাৎ কল্প্যতে যদ্যৎ মনসা চিন্ত্যতে চ যৎ ॥ ৬.৬॥

বুদ্ধ্যা নিশ্চীয়তে কিঞ্চিৎ চিত্তেন নীয়তে ক্বচিৎ ।
প্রপঞ্চে পঞ্চতে যদ্যৎ সর্বং মিথ্যেতি নিশ্চয়ঃ ॥ ৬.৭॥

শ্রোত্রেণ শ্রূয়তে যদ্যন্নেত্রেণ চ নিরীক্ষ্যতে ।
নেত্রং শ্রোত্রং গাত্রমেব সর্বং মিথ্যা ন সংশয়ঃ ॥ ৬.৮॥

ইদমিত্যেব নির্দিষ্টমিদমিত্যেব কল্পিতম্ ।
যদ্যদ্বস্তু পরিজ্ঞাতং সর্বং মিথ্যা ন সংশয়ঃ ॥ ৬.৯॥

কোঽহং কিন্তদিদং সোঽহং অন্যো বাচয়তে নহি ।
যদ্যৎ সংভাব্যতে লোকে সর্বং মিথ্যেতি নিশ্চয়ঃ ॥ ৬.১০॥

সর্বাভ্যাস্যং সর্বগোপ্যং সর্বকারণবিভ্রমঃ ।
সর্বভূতেতি বার্তা চ মিথ্যেতি চ বিনিশ্চয়ঃ ॥ ৬.১১॥

সর্বভেদপ্রভেদো বা সর্বসংকল্পবিভ্রমঃ ।
সর্বদোষপ্রভেদশ্চ সর্বং মিথ্যা ন সংশয়ঃ ॥ ৬.১২॥

রক্ষকো বিষ্ণুরিত্যাদি ব্রহ্মসৃষ্টেস্তু কারণম্ ।
সংহারে শিব ইত্যেবং সর্বং মিথ্যা ন সংশয়ঃ ॥ ৬.১৩॥

স্নানং জপস্তপো হোমঃ স্বাধ্যায়ো দেবপূজনম্ ।
মন্ত্রো গোত্রং চ সৎসঙ্গঃ সর্বং মিথ্যা ন সংশয়ঃ ॥ ৬.১৪॥

সর্বং মিথ্যা জগন্মিথ্যা ভূতং ভব্যং ভবত্তথা ।
নাস্তি নাস্তি বিভাবেন সর্বং মিথ্যা ন সংশয়ঃ ॥ ৬.১৫॥

চিত্তভেদো জগদ্ভেদঃ অবিদ্যায়াশ্চ সংভবঃ ।
অনেককোটিব্রহ্মাণ্ডাঃ সর্বং ব্রহ্মেতি নিশ্চিনু ॥ ৬.১৬॥

লোকত্রয়েষু সদ্ভাবো গুণদোষাদিজৃংভণম্ ।
সর্বদেশিকবার্তোক্তিঃ সর্বং ব্রহ্মেতি নিশ্চিনু ॥ ৬.১৭॥

উৎকৃষ্টং চ নিকৃষ্টং চ উত্তমং মধ্যমং চ তৎ ।
ওঁকারং চাপ্যকারং চ সর্বং ব্রহ্মেতি নিশ্চিনু ॥ ৬.১৮॥

যদ্যজ্জগতি দৃশ্যেত যদ্যজ্জগতি বীক্ষ্যতে ।
যদ্যজ্জগতি বর্তেত সর্বং ব্রহ্মেতি নিশ্চিনু ॥ ৬.১৯॥

যেন কেনাক্ষরেণোক্তং যেন কেনাপি সঙ্গতম্ ।
যেন কেনাপি নীতং তৎ সর্বং ব্রহ্মেতি নিশ্চিনু ॥ ৬.২০॥

যেন কেনাপি গদিতং যেন কেনাপি মোদিতম্ ।
যেন কেনাপি চ প্রোক্তং সর্বং ব্রহ্মেতি নিশ্চিনু ॥ ৬.২১॥

যেন কেনাপি যদ্দত্তং যেন কেনাপি যৎ কৃতম্ ।
যত্র কুত্র জলস্নানং সর্বং ব্রহ্মেতি নিশ্চিনু ॥ ৬.২২॥

যত্র যত্র শুভং কর্ম যত্র যত্র চ দুষ্কৃতম্ ।
যদ্যৎ করোষি সত্যেন সর্বং মিথ্যেতি নিশ্চিনু ॥ ৬.২৩॥

ইদং সর্বমহং সর্বং সর্বং ব্রহ্মেতি নিশ্চিনু ।
যৎ কিঞ্চিৎ প্রতিভাতং চ সর্বং মিথ্যেতি নিশ্চিনু ॥ ৬.২৪॥

ঋভুঃ –
পুনর্বক্ষ্যে রহস্যানাং রহস্যং পরমাদ্ভুতম্ ।
শঙ্করেণ কুমারায় প্রোক্তং কৈলাস পর্বতে ॥ ৬.২৫॥

তন্মাত্রং সর্বচিন্মাত্রমখণ্ডৈকরসং সদা ।
একবর্জিতচিন্মাত্রং সর্বং চিন্ময়মেব হি ॥ ৬.২৬॥

ইদং চ সর্বং চিন্মাত্রং সর্বং চিন্ময়মেব হি ।
আত্মাভাসং চ চিন্মাত্রং সর্বং চিন্ময়মেব হি ॥ ৬.২৭॥

সর্বলোকং চ চিন্মাত্রং সর্বং চিন্ময়মেব হি ।
ৎবত্তা মত্তা চ চিন্মাত্রং চিন্মাত্রান্নাস্তি কিঞ্চন ॥ ৬.২৮॥

আকাশো ভূর্জলং বায়ুরগ্নির্ব্রহ্মা হরিঃ শিবঃ ।
যৎকিঞ্চিদন্যৎ কিঞ্চিচ্চ সর্বং চিন্ময়মেব হি ॥ ৬.২৯॥

অখণ্ডৈকরসং সর্বং যদ্যচ্চিন্মাত্রমেব হি ।
ভূতং ভব্যং চ চিন্মাত্রং সর্বং চিন্ময়মেব হি ॥ ৬.৩০॥

দ্রব্যং কালশ্চ চিন্মাত্রং জ্ঞানং চিন্ময়মেব চ ।
জ্ঞেয়ং জ্ঞানং চ চিন্মাত্রং সর্বং চিন্ময়মেব হি ॥ ৬.৩১॥

সংভাষণং চ চিন্মাত্রং বাক্ চ চিন্মাত্রমেব হি ।
অসচ্চ সচ্চ চিন্মাত্রং সর্বং চিন্ময়মেব হি ॥ ৬.৩২॥

আদিরন্তং চ চিন্মাত্রং অস্তি চেচ্চিন্ময়ং সদা ।
ব্রহ্মা যদ্যপি চিন্মাত্রং বিষ্ণুশ্চিন্মাত্রমেব হি ॥ ৬.৩৩॥

রুদ্রোঽপি দেবাশ্চিন্মাত্রং অস্তি নরতির্যক্সুরাসুরম্ ।
গুরুশিষ্যাদি সন্মাত্রং জ্ঞানং চিন্মাত্রমেব হি ॥ ৬.৩৪॥

দৃগ্দৃশ্যং চাপি চিন্মাত্রং জ্ঞাতা জ্ঞেয়ং ধ্রুবাধ্রুবম্ ।
সর্বাশ্চর্যং চ চিন্মাত্রং দেহং চিন্মাত্রমেব হি ॥ ৬.৩৫॥

লিঙ্গং চাপি চ চিন্মাত্রং কারণং কার্যমেব চ ।
মূর্তামূর্তং চ চিন্মাত্রং পাপপুণ্যমথাপি চ ॥ ৬.৩৬॥

দ্বৈতাদ্বৈতং চ চিন্মাত্রং বেদবেদান্তমেব চ ।
দিশোঽপি বিদিশশ্চৈব চিন্মাত্রং তস্য পালকাঃ ॥ ৬.৩৭॥

চিন্মাত্রং ব্যবহারাদি ভূতং ভব্যং ভবত্তথা ।
চিন্মাত্রং নামরূপং চ ভূতানি ভুবনানি চ ॥ ৬.৩৮॥

চিন্মাত্রং প্রাণ এবেহ চিন্মাত্রং সর্বমিন্দ্রিয়ম্ ।
চিন্মাত্রং পঞ্চকোশাদি চিন্মাত্রানন্দমুচ্যতে ॥ ৬.৩৯॥

নিত্যানিত্যং চ চিন্মাত্রং সর্বং চিন্মাত্রমেব হি ।
চিন্মাত্রং নাস্তি নিত্যং চ চিন্মাত্রং নাস্তি সত্যকম্ ॥ ৬.৪০॥

চিন্মাত্রমপি বৈরাগ্যং চিন্মাত্রকমিদং কিল ।
আধারাদি হি চিন্মাত্রং আধেয়ং চ মুনীশ্বর ॥ ৬.৪১॥

যচ্চ যাবচ্চ চিন্মাত্রং যচ্চ যাবচ্চ দৃশ্যতে ।
যচ্চ যাবচ্চ দূরস্থং সর্বং চিন্মাত্রমেব হি ॥ ৬.৪২॥

যচ্চ যাবচ্চ ভূতানি যচ্চ যাবচ্চ বক্ষ্যতে ।
যচ্চ যাবচ্চ বেদোক্তং সর্বং চিন্মাত্রমেব হি ॥ ৬.৪৩॥

চিন্মাত্রং নাস্তি বন্ধং চ চিন্মাত্রং নাস্তি মোক্ষকম্ ।
চিন্মাত্রমেব সন্মাত্রং সত্যং সত্যং শিবং স্পৃশে ॥ ৬.৪৪॥

সর্বং বেদত্রয়প্রোক্তং সর্বং চিন্মাত্রমেব হি ।
শিবপ্রোক্তং কুমারায় তদেতৎ কথিতং ৎবয়ি ।
যঃ শৃণোতি সকৃদ্বাপি ব্রহ্মৈব ভবতি স্বয়ম্ ॥ ৬.৪৫॥

সূতঃ –
ঈশাবাস্যাদিমন্ত্রৈর্বরগগনতনোঃ ক্ষেত্রবাসার্থবাদৈঃ
তল্লিঙ্গাগারমধ্যস্থিতসুমহদীশান লিঙ্গেষু পূজা ।
অক্লেদ্যে চাভিষেকো ??? ??? ??? দিগ্বাসসে বাসদানং
নো গন্ধঘ্রাণহীনে রূপদৃশ্যাদ্বিহীনে গন্ধপুষ্পার্পণানি ॥ ৬.৪৬॥

স্বভাসে দীপদানং ??? সর্বভক্ষে মহেশে
নৈবেদ্যং নিত্যতৃপ্তে সকলভুবনগে প্রক্রমো বা নমস্যা ।
কুর্যাং কেনাপি ভাবৈর্মম নিগমশিরোভাব এব প্রমাণম্ ॥ ৬.৪৭॥

অবিচ্ছিন্নৈশ্ছিন্নৈঃ পরিকরবরৈঃ পূজনধিয়া
ভজন্ত্যজ্ঞাস্তদ্জ্ঞাঃ বিধিবিহিতবুদ্ধ্যাগতধিয়ঃ ।var was তদজ্ঞাঃ
তথাপীশং ভাবৈর্ভজতি ভজতামাত্মপদবীং
দদাতীশো বিশ্বং ভ্রময়তি গতজ্ঞাংশ্চ কুরুতে ॥ ৬.৪৮॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
প্রপঞ্চস্য সচ্চিন্ময়ৎবকথনং নাম ষষ্ঠোঽধ্যায়ঃ ॥

৭ ॥ সপ্তমোঽধ্যায়ঃ ॥

ঋভুঃ –
অত্যদ্ভুতং প্রবক্ষ্যামি সর্বলোকেষু দুর্লভম্ ।
বেদশাস্ত্রমহাসারং দুর্লভং দুর্লভং সদা ॥ ৭.১॥

অখণ্ডৈকরসো মন্ত্রমখণ্ডৈকরসং ফলম্ ।
অখণ্ডৈকরসো জীব অখণ্ডৈকরসা ক্রিয়া ॥ ৭.২॥

অখণ্ডৈকরসা ভূমিরখণ্ডৈকরসং জলম্ ।
অখণ্ডৈকরসো গন্ধ অখণ্ডৈকরসং বিয়ৎ ॥ ৭.৩॥

অখণ্ডৈকরসং শাস্ত্রং অখণ্ডৈকরসং শ্রুতিঃ ।
অখণ্ডৈকরসং ব্রহ্ম অখণ্ডৈকরসং ব্রতম্ ॥ ৭.৪॥

অখণ্ডৈকরসো বিষ্ণুরখণ্ডৈকরসঃ শিবঃ ।
অখণ্ডৈকরসো ব্রহ্মা অখণ্ডৈকরসাঃ সুরাঃ ॥ ৭.৫॥

অখণ্ডৈকরসং সর্বমখণ্ডৈকরসঃ স্বয়ম্ ।
অখণ্ডৈকরসশ্চাত্মা অখণ্ডৈকরসো গুরুঃ ॥ ৭.৬॥

অখণ্ডৈকরসং বাচ্যমখণ্ডৈকরসং মহঃ ।
অখণ্ডৈকরসং দেহ অখণ্ডৈকরসং মনঃ ॥ ৭.৭॥

অখণ্ডৈকরসং চিত্তং অখণ্ডৈকরসং সুখম্ ।
অখণ্ডৈকরসা বিদ্যা অখণ্ডৈকরসোঽব্যযঃ ॥ ৭.৮॥

অখণ্ডৈকরসং নিত্যমখণ্ডৈকরসঃ পরঃ ।
অখণ্ডৈকরসাৎ কিঞ্চিদখণ্ডৈকরসাদহম্ ॥ ৭.৯॥

অখণ্ডৈকরসং বাস্তি অখণ্ডৈকরসং ন হি ।
অখণ্ডৈকরসাদন্যৎ অখণ্ডৈকরসাৎ পরঃ ॥ ৭.১০॥

অখণ্ডৈকরসাৎ স্থূলং অখণ্ডৈকরসং জনঃ ।
অখণ্ডৈকরসং সূক্ষ্মমখণ্ডৈকরসং দ্বয়ম্ ॥ ৭.১১॥

অখণ্ডৈকরসং নাস্তি অখণ্ডৈকরসং বলম্ ।
অখণ্ডৈকরসাদ্বিষ্ণুরখণ্ডৈকরসাদণুঃ ॥ ৭.১২॥

অখণ্ডৈকরসং নাস্তি অখণ্ডৈকরসাদ্ভবান্ ।
অখণ্ডৈকরসো হ্যেব অখণ্ডৈকরসাদিতম্ ॥ ৭.১৩॥

অখণ্ডিতরসাদ্ জ্ঞানং অখণ্ডিতরসাদ্ স্থিতম্ ।
অখণ্ডৈকরসা লীলা অখণ্ডৈকরসঃ পিতা ॥ ৭.১৪॥var was লীনা
অখণ্ডৈকরসা ভক্তা অখণ্ডৈকরসঃ পতিঃ ।
অখণ্ডৈকরসা মাতা অখণ্ডৈকরসো বিরাট্ ॥ ৭.১৫॥

অখণ্ডৈকরসং গাত্রং অখণ্ডৈকরসং শিরঃ ।
অখণ্ডৈকরসং ঘ্রাণং অখণ্ডৈকরসং বহিঃ ॥ ৭.১৬॥

অখণ্ডৈকরসং পূর্ণমখণ্ডৈকরসামৃতম্ ।
অখণ্ডৈকরসং শ্রোত্রমখণ্ডৈকরসং গৃহম্ ॥ ৭.১৭॥

অখণ্ডৈকরসং গোপ্যমখণ্ডৈকরসঃ শিবঃ ।
অখণ্ডৈকরসং নাম অখণ্ডৈকরসো রবিঃ ॥ ৭.১৮॥

অখণ্ডৈকরসঃ সোমঃ অখণ্ডৈকরসো গুরুঃ ।
অখণ্ডৈকরসঃ সাক্ষী অখণ্ডৈকরসঃ সুহৃৎ ॥ ৭.১৯॥

অখণ্ডৈকরসো বন্ধুরখণ্ডৈকরসোঽস্ম্যহম্ ।
অখণ্ডৈকরসো রাজা অখণ্ডৈকরসং পুরম্ ॥ ৭.২০॥

অখণ্ডৈকরসৈশ্বর্যং অখণ্ডৈকরসং প্রভুঃ ।
অখণ্ডৈকরসো মন্ত্র অখণ্ডৈকরসো জপঃ ॥ ৭.২১॥

অখণ্ডৈকরসং ধ্যানমখণ্ডৈকরসং পদম্ ।
অখণ্ডৈকরসং গ্রাহ্যমখণ্ডৈকরসং মহান্ ॥ ৭.২২॥

অখণ্ডৈকরসং জ্যোতিরখণ্ডৈকরসং পরম্ ।
অখণ্ডৈকরসং ভোজ্যমখণ্ডৈকরসং হবিঃ ॥ ৭.২৩॥

অখণ্ডৈকরসো হোমঃ অখণ্ডৈকরসো জয়ঃ ।
অখণ্ডৈকরসঃ স্বর্গঃ অখণ্ডৈকরসঃ স্বয়ম্ ॥ ৭.২৪॥

অখণ্ডৈকরসাকারাদন্যন্নাস্তি নহি ক্বচিৎ ।
শৃণু ভূয়ো মহাশ্চর্যং নিত্যানুভবসম্পদম্ ॥ ৭.২৫॥

দুর্লভং দুর্লভং লোকে সর্বলোকেষু দুর্লভম্ ।
অহমস্মি পরং চাস্মি প্রভাস্মি প্রভবোঽস্ম্যহম্ ॥ ৭.২৬॥

সর্বরূপগুরুশ্চাস্মি সর্বরূপোঽস্মি সোঽস্ম্যহম্ ।
অহমেবাস্মি শুদ্ধোঽস্মি ঋদ্ধোঽস্মি পরমোঽস্ম্যহম্ ॥ ৭.২৭॥

অহমস্মি সদা জ্ঞোঽস্মি সত্যোঽস্মি বিমলোঽস্ম্যহম্ ।
বিজ্ঞানোঽস্মি বিশেষোঽস্মি সাম্যোঽস্মি সকলোঽস্ম্যহম্ ॥ ৭.২৮॥

শুদ্ধোঽস্মি শোকহীনোঽস্মি চৈতন্যোঽস্মি সমোঽস্ম্যহম্ ।
মানাবমানহীনোঽস্মি নির্গুণোঽস্মি শিবোঽস্ম্যহম্ ॥ ৭.২৯॥

দ্বৈতাদ্বৈতবিহীনোঽস্মি দ্বন্দ্বহীনোঽস্মি সোঽস্ম্যহম্ ।
ভাবাভাববিহীনোঽস্মি ভাষাহীনোঽস্মি সোঽস্ম্যহম্ ॥ ৭.৩০॥

শূন্যাশূন্যপ্রভাবোঽস্মি শোভনোঽস্মি মনোঽস্ম্যহম্ ।
তুল্যাতুল্যবিহীনোঽস্মি তুচ্ছভাবোঽস্মি নাস্ম্যহম্ ॥ ৭.৩১॥

সদা সর্ববিহীনোঽস্মি সাৎবিকোঽস্মি সদাস্ম্যহম্ ।
একসংখ্যাবিহীনোঽস্মি দ্বিসংখ্যা নাস্তি নাস্ম্যহম্ ॥ ৭.৩২॥

সদসদ্ভেদহীনোঽস্মি সংকল্পরহিতোঽস্ম্যহম্ ।
নানাত্মভেদহীনোঽস্মি যৎ কিঞ্চিন্নাস্তি সোঽস্ম্যহম্ ॥ ৭.৩৩॥

নাহমস্মি ন চান্যোঽস্মি দেহাদিরহিতোঽস্ম্যহম্ ।
আশ্রয়াশ্রয়হীনোঽস্মি আধাররহিতোঽস্ম্যহম্ ॥ ৭.৩৪॥

বন্ধমোক্ষাদিহীনোঽস্মি শুদ্ধব্রহ্মাদি সোঽস্ম্যহম্ ।
চিত্তাদিসর্বহীনোঽস্মি পরমোঽস্মি পরোঽস্ম্যহম্ ॥ ৭.৩৫॥

সদা বিচাররূপোঽস্মি নির্বিচারোঽস্মি সোঽস্ম্যহম্ ।
আকারাদিস্বরূপোঽস্মি উকারোঽস্মি মুদোঽস্ম্যহম্ ॥ ৭.৩৬॥

ধ্যানাধ্যানবিহীনোঽস্মি ধ্যেয়হীনোঽস্মি সোঽস্ম্যহম্ ।
পূর্ণাৎ পূর্ণোঽস্মি পূর্ণোঽস্মি সর্বপূর্ণোঽস্মি সোঽস্ম্যহম্ ॥ ৭.৩৭॥

সর্বাতীতস্বরূপোঽস্মি পরং ব্রহ্মাস্মি সোঽস্ম্যহম্ ।
লক্ষ্যলক্ষণহীনোঽস্মি লয়হীনোঽস্মি সোঽস্ম্যহম্ ॥ ৭.৩৮॥

মাতৃমানবিহীনোঽস্মি মেয়হীনোঽস্মি সোঽস্ম্যহম্ ।
অগৎ সর্বং চ দ্রষ্টাস্মি নেত্রাদিরহিতোঽস্ম্যহম্ ॥ ৭.৩৯॥

প্রবৃদ্ধোঽস্মি প্রবুদ্ধোঽস্মি প্রসন্নোঽস্মি পরোঽস্ম্যহম্ ।
সর্বেন্দ্রিয়বিহীনোঽস্মি সর্বকর্মহিতোঽস্ম্যহম্ ॥ ৭.৪০॥

সর্ববেদান্ততৃপ্তোঽস্মি সর্বদা সুলভোঽস্ম্যহম্ ।
মুদা মুদিতশূন্যোঽস্মি সর্বমৌনফলোঽস্ম্যহম্ ॥ ৭.৪১॥

নিত্যচিন্মাত্ররূপোঽস্মি সদসচ্চিন্ময়োঽস্ম্যহম্ ।
যৎ কিঞ্চিদপি হীনোঽস্মি স্বল্পমপ্যতি নাহিতম্ ॥ ৭.৪২॥

হৃদয়গ্রন্থিহীনোঽস্মি হৃদয়াদ্ব্যাপকোঽস্ম্যহম্ ।
ষড্বিকারবিহীনোঽস্মি ষট্কোশরহিতোঽস্ম্যহম্ ॥ ৭.৪৩॥

অরিষড্বর্গমুক্তোঽস্মি অন্তরাদন্তরোঽস্ম্যহম্ ।
দেশকালবিহীনোঽস্মি দিগম্বরমুখোঽস্ম্যহম্ ॥ ৭.৪৪॥

নাস্তি হাস্তি বিমুক্তোঽস্মি নকাররহিতোঽস্ম্যহম্ ।
সর্বচিন্মাত্ররূপোঽস্মি সচ্চিদানন্দমস্ম্যহম্ ॥ ৭.৪৫॥

অখণ্ডাকাররূপোঽস্মি অখণ্ডাকারমস্ম্যহম্ ।
প্রপঞ্চচিত্তরূপোঽস্মি প্রপঞ্চরহিতোঽস্ম্যহম্ ॥ ৭.৪৬॥

সর্বপ্রকাররূপোঽস্মি সদ্ভাবাবর্জিতোঽস্ম্যহম্ ।
কালত্রয়বিহীনোঽস্মি কামাদিরহিতোঽস্ম্যহম্ ॥ ৭.৪৭॥

কায়কায়িবিমুক্তোঽস্মি নির্গুণপ্রভবোঽস্ম্যহম্ ।
মুক্তিহীনোঽস্মি মুক্তোঽস্মি মোক্ষহীনোঽস্ম্যহং সদা ॥ ৭.৪৮॥

সত্যাসত্যবিহীনোঽস্মি সদা সন্মাত্রমস্ম্যহম্ ।
গন্তব্যদেশহীনোঽস্মি গমনারহিতোঽস্ম্যহম্ ॥ ৭.৪৯॥

সর্বদা স্মররূপোঽস্মি শান্তোঽস্মি সুহিতোঽস্ম্যহম্ ।
এবং স্বানুভবং প্রোক্তং এতৎ প্রকরণং মহৎ ॥ ৭.৫০॥

যঃ শৃণোতি সকৃদ্বাপি ব্রহ্মৈব ভবতি স্বয়ম্ ।
পিণ্ডাণ্ডসংভবজগদ্গতখণ্ডনোদ্য-
দ্বেতণ্ডশুণ্ডনিভপীবরবাহুদণ্ড ।
ব্রহ্মোরুমুণ্ডকলিতাণ্ডজবাহবাণ
কোদণ্ডভূধরধরং ভজতামখণ্ডম্ ॥ ৭.৫১॥

বিশ্বাত্মন্যদ্বিতীয়ে ভগবতি গিরিজানায়কে কাশরূপে
নীরূপে বিশ্বরূপে গতদুরিতধিয়ঃ প্রাপ্নুবন্ত্যাত্মভাবম্ ।
অন্যে ভেদধিয়ঃ শ্রুতিপ্রকথিতৈর্বর্ণাশ্রমোত্থশ্রমৈঃ
তান্তাঃ শান্তিবিবর্জিতা বিষয়িণো দুঃখং ভজন্ত্যন্বহম্ ॥ ৭.৫২॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
স্বাত্মনিরূপণং নাম সপ্তমোঽধ্যায়ঃ ॥

৮ ॥ অষ্টমোঽধ্যায়ঃ ॥

ঋভুঃ –
বক্ষ্যে প্রপঞ্চশূন্যৎবং শশশৃঙ্গেণ সংমিতম্ ।
দুর্লভং সর্বলোকেষু সাবধানমনাঃ শৃণু ॥ ৮.১॥

ইদং প্রপঞ্চং যৎ কিঞ্চিদ্যঃ শৃণোতি চ পশ্যতি ।
দৃশ্যরূপং চ দৃগ্রূপং সর্বং শশবিষাণবৎ ॥ ৮.২॥

ভূমিরাপোঽনলো বায়ুঃ খং মনো বুদ্ধিরেব চ ।
অহংকারশ্চ তেজশ্চ সর্বং শশবিষাণবৎ ॥ ৮.৩॥

নাশ জন্ম চ সত্যং চ লোকং ভুবনমণ্ডলম্ ।
পুণ্যং পাপং জয়ো মোহঃ সর্বং শশবিষাণবৎ ॥ ৮.৪॥

কামক্রোধৌ লোভমোহৌ মদমোহৌ রতির্ধৃতিঃ ।
গুরুশিষ্যোপদেশাদি সর্বং শশবিষাণবৎ ॥ ৮.৫॥

অহং ৎবং জগদিত্যাদি আদিরন্তিমমধ্যমম্ ।
ভূতং ভব্যং বর্তমানং সর্বং শশবিষাণবৎ ॥ ৮.৬॥

স্থূলদেহং সূক্ষ্মদেহং কারণং কার্যমপ্যযম্ ।
দৃশ্যং চ দর্শনং কিঞ্চিৎ সর্বং শশবিষাণবৎ ॥ ৮.৭॥

ভোক্তা ভোজ্যং ভোগরূপং লক্ষ্যলক্ষণমদ্বয়ম্ ।
শমো বিচারঃ সন্তোষঃ সর্বং শশবিষাণবৎ ॥ ৮.৮॥

যমং চ নিয়মং চৈব প্রাণায়ামাদিভাষণম্ ।
গমনং চলনং চিত্তং সর্বং শশবিষাণবৎ ॥ ৮.৯॥

শ্রোত্রং নেত্রং গাত্রগোত্রং গুহ্যং জাড্যং হরিঃ শিবঃ ।
আদিরন্তো মুমুক্ষা চ সর্বং শশবিষাণবৎ ॥ ৮.১০॥

জ্ঞানেন্দ্রিয়ং চ তন্মাত্রং কর্মেন্দ্রিয়গণং চ যৎ ।
জাগ্রৎস্বপ্নসুষুপ্ত্যাদি সর্বং শশবিষাণবৎ ॥ ৮.১১॥

চতুর্বিংশতিতত্ত্বং চ সাধনানাং চতুষ্টয়ম্ ।
সজাতীয়ং বিজাতীয়ং সর্বং শশবিষাণবৎ ॥ ৮.১২॥

সর্বলোকং সর্বভূতং সর্বধর্মং সতৎবকম্ ।
সর্বাবিদ্যা সর্ববিদ্যা সর্বং শশবিষাণবৎ ॥ ৮.১৩॥

সর্ববর্ণঃ সর্বজাতিঃ সর্বক্ষেত্রং চ তীর্থকম্ ।
সর্ববেদং সর্বশাস্ত্রং সর্বং শশবিষাণবৎ ॥ ৮.১৪॥

সর্ববন্ধং সর্বমোক্ষং সর্ববিজ্ঞানমীশ্বরঃ ।
সর্বকালং সর্ববোধ সর্বং শশবিষাণবৎ ॥ ৮.১৫॥

সর্বাস্তিৎবং সর্বকর্ম সর্বসঙ্গয়ুতির্মহান্ ।
সর্বদ্বৈতমসদ্ভাবং সর্বং শশবিষাণবৎ ॥ ৮.১৬॥

সর্ববেদান্তসিদ্ধান্তঃ সর্বশাস্ত্রার্থনির্ণয়ঃ ।
সর্বজীবৎবসদ্ভাবং সর্বং শশবিষাণবৎ ॥ ৮.১৭॥

যদ্যৎ সংবেদ্যতে কিঞ্চিৎ যদ্যজ্জগতি দৃশ্যতে ।
যদ্যচ্ছৃণোতি গুরুণা সর্বং শশবিষাণবৎ ॥ ৮.১৮॥

যদ্যদ্ধ্যায়তি চিত্তে চ যদ্যৎ সংকল্প্যতে ক্বচিৎ ।
বুদ্ধ্যা নিশ্চীয়তে যচ্চ সর্বং শশবিষাণবৎ ॥ ৮.১৯॥

যদ্যদ্ বাচা ব্যাকরোতি যদ্বাচা চার্থভাষণম্ ।
যদ্যৎ সর্বেন্দ্রিয়ৈর্ভাব্যং সর্বং শশবিষাণবৎ ॥ ৮.২০॥

যদ্যৎ সন্ত্যজ্যতে বস্তু যচ্ছৃণোতি চ পশ্যতি ।
স্বকীয়মন্যদীয়ং চ সর্বং শশবিষাণবৎ ॥ ৮.২১॥

সত্যৎবেন চ যদ্ভাতি বস্তুৎবেন রসেন চ ।
যদ্যৎ সঙ্কল্প্যতে চিত্তে সর্বং শশবিষাণবৎ ॥ ৮.২২॥

যদ্যদাত্মেতি নির্ণীতং যদ্যন্নিত্যমিতং বচঃ ।
যদ্যদ্বিচার্যতে চিত্তে সর্বং শশবিষাণবৎ ॥ ৮.২৩॥

শিবঃ সংহরতে নিত্যং বিষ্ণুঃ পাতি জগত্ত্রয়ম্ ।
স্রষ্টা সৃজতি লোকান্ বৈ সর্বং শশবিষাণবৎ ॥ ৮.২৪॥

জীব ইত্যপি যদ্যস্তি ভাষয়ত্যপি ভাষণম্ ।
সংসার ইতি যা বার্তা সর্বং শশবিষাণবৎ ॥ ৮.২৫॥

যদ্যদস্তি পুরাণেষু যদ্যদ্বেদেষু নির্ণয়ঃ ।
সর্বোপনিষদাং ভাবং সর্বং শশবিষাণবৎ ॥ ৮.২৬॥

শশশৃঙ্গবদেবেদমুক্তং প্রকরণং তব ।
যঃ শৃণোতি রহস্যং বৈ ব্রহ্মৈব ভবতি স্বয়ম্ ॥ ৮.২৭॥

ভূয়ঃ শৃণু নিদাঘ ৎবং সর্বং ব্রহ্মেতি নিশ্চয়ম্ ।
সুদুর্লভমিদং নৄণাং দেবানামপি সত্তম ॥ ৮.২৮॥

ইদমিত্যপি যদ্রূপমহমিত্যপি যৎপুনঃ ।
দৃশ্যতে যত্তদেবেদং সর্বং ব্রহ্মেতি কেবলম্ ॥ ৮.২৯॥

দেহোঽয়মিতি সঙ্কল্পস্তদেব ভয়মুচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩০॥

দেহোঽহমিতি সঙ্কল্পস্তদন্তঃকরণং স্মৃতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩১॥

দেহোঽহমিতি সঙ্কল্পঃ স হি সংসার উচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩২॥

দেহোঽহমিতি সঙ্কল্পস্তদ্বন্ধনমিহোচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩৩॥

দেহোঽহমিতি যদ্ জ্ঞানং তদেব নরকং স্মৃতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩৪॥

দেহোঽহমিতি সঙ্কল্পো জগৎ সর্বমিতীর্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩৫॥

দেহোঽহমিতি সঙ্কল্পো হৃদয়গ্রন্থিরীরিতঃ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩৬॥

দেহত্রয়েঽপি ভাবং যৎ তদ্দেহজ্ঞানমুচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩৭॥

দেহোঽহমিতি যদ্ভাবং সদসদ্ভাবমেব চ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩৮॥

দেহোঽহমিতি সঙ্কল্পস্তৎপ্রপঞ্চমিহোচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৩৯॥

দেহোঽহমিতি সঙ্কল্পস্তদেবাজ্ঞানমুচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪০॥

দেহোঽহমিতি যা বুদ্ধির্মলিনা বাসনোচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪১॥

দেহোঽহমিতি যা বুদ্ধিঃ সত্যং জীবঃ স এব সঃ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪২॥

দেহোঽহমিতি সঙ্কল্পো মহানরকমীরিতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪৩॥

দেহোঽহমিতি যা বুদ্ধির্মন এবেতি নিশ্চিতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪৪॥

দেহোঽহমিতি যা বুদ্ধিঃ পরিচ্ছিন্নমিতীর্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪৫॥

দেহোঽহমিতি যদ্ জ্ঞানং সর্বং শোক ইতীরিতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪৬॥

দেহোঽহমিতি যদ্ জ্ঞানং সংস্পর্শমিতি কথ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪৭॥

দেহোঽহমিতি যা বুদ্ধিস্তদেব মরণং স্মৃতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪৮॥

দেহোঽহমিতি যা বুদ্ধিস্তদেবাশোভনং স্মৃতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৪৯॥

দেহোঽহমিতি যা বুদ্ধির্মহাপাপমিতি স্মৃতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৫০॥

দেহোঽহমিতি যা বুদ্ধিঃ তুষ্টা সৈব হি চোচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৫১॥

দেহোঽহমিতি সঙ্কল্পঃ সর্বদোষমিতি স্মৃতম্ ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৫২॥

দেহোঽহমিতি সঙ্কল্পস্তদেব মলমুচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৫৩॥

দেহোঽহমিতি সঙ্কল্পো মহৎসংশয়মুচ্যতে ।
কালত্রয়েঽপি তন্নাস্তি সর্বং ব্রহ্মেতি কেবলম্ ॥ ৮.৫৪॥

যৎকিঞ্চিৎস্মরণং দুঃখং যৎকিঞ্চিৎ স্মরণং জগৎ ।
যৎকিঞ্চিৎস্মরণং কামো যৎকিঞ্চিৎস্মরণং মলম্ ॥ ৮.৫৫॥

যৎকিঞ্চিৎস্মরণং পাপং যৎকিঞ্চিৎস্মরণং মনঃ ।
যৎকিঞ্চিদপি সঙ্কল্পং মহারোগেতি কথ্যতে ॥ ৮.৫৬॥

যৎকিঞ্চিদপি সঙ্কল্পং মহামোহেতি কথ্যতে ।
যৎকিঞ্চিদপি সঙ্কল্পং তাপত্রয়মুদাহৃতম্ ॥ ৮.৫৭॥

যৎকিঞ্চিদপি সঙ্কল্পং কামক্রোধং চ কথ্যতে ।
যৎকিঞ্চিদপি সঙ্কল্পং সংবন্ধো নেতরৎ ক্বচিৎ ॥ ৮.৫৮॥

যৎকিঞ্চিদপি সঙ্কল্পং সর্বদুঃখেতি নেতরৎ ।
যৎকিঞ্চিদপি সঙ্কল্পং জগৎসত্যৎববিভ্রমম্ ॥ ৮.৫৯॥

যৎকিঞ্চিদপি সঙ্কল্পং মহাদোষং চ নেতরৎ ।
যৎকিঞ্চিদপি সঙ্কল্পং কালত্রয়মুদীরিতম্ ॥ ৮.৬০॥

যৎকিঞ্চিদপি সঙ্কল্পং নানারূপমুদীরিতম্ ।
যত্র যত্র চ সঙ্কল্পং তত্র তত্র মহজ্জগৎ ॥ ৮.৬১॥

যত্র যত্র চ সঙ্কল্পং তদেবাসত্যমেব হি ।
যৎকিঞ্চিদপি সঙ্কল্পং তজ্জগন্নাস্তি সংশয়ঃ ॥ ৮.৬২॥

যৎকিঞ্চিদপি সঙ্কল্পং তৎসর্বং নেতি নিশ্চয়ঃ ।
মন এব জগৎসর্বং মন এব মহারিপুঃ ॥ ৮.৬৩॥

মন এব হি সংসারো মন এব জগত্ত্রয়ম্ ।
মন এব মহাদুঃখং মন এব জরাদিকম্ ॥ ৮.৬৪॥

মন এব হি কালং চ মন এব মলং সদা ।
মন এব হি সঙ্কল্পো মন এব হি জীবকঃ ॥ ৮.৬৫॥

মন এবাশুচির্নিত্যং মন এবেন্দ্রজালকম্ ।
মন এব সদা মিথ্যা মনো বন্ধ্যাকুমারবৎ ॥ ৮.৬৬॥

মন এব সদা নাস্তি মন এব জডং সদা ।
মন এব হি চিত্তং চ মনোঽহংকারমেব চ ॥ ৮.৬৭॥

মন এব মহদ্বন্ধং মনোঽন্তঃকরণং ক্বচিৎ ।
মন এব হি ভূমিশ্চ মন এব হি তোয়কম্ ॥ ৮.৬৮॥

মন এব হি তেজশ্চ মন এব মরুন্মহান্ ।
মন এব হি চাকাশো মন এব হি শব্দকঃ ॥ ৮.৬৯॥

মন এব স্পর্শরূপং মন এব হি রূপকম্ ।
মন এব রসাকারং মনো গন্ধঃ প্রকীর্তিতঃ ॥ ৮.৭০॥

অন্নকোশং মনোরূপং প্রাণকোশং মনোময়ম্ ।
মনোকোশং মনোরূপং বিজ্ঞানং চ মনোময়ঃ ॥ ৮.৭১॥

মন এবানন্দকোশং মনো জাগ্রদবস্থিতম্ ।
মন এব হি স্বপ্নং চ মন এব সুষুপ্তিকম্ ॥ ৮.৭২॥

মন এব হি দেবাদি মন এব যমাদয়ঃ ।
মন এব হি যৎকিঞ্চিন্মন এব মনোময়ঃ ॥ ৮.৭৩॥

মনোময়মিদং বিশ্বং মনোময়মিদং পুরম্ ।
মনোময়মিদং ভূতং মনোময়মিদং দ্বয়ম্ ॥ ৮.৭৪॥

মনোময়মিয়ং জাতির্মনোময়ময়ং গুণঃ ।
মনোময়মিদং দৃশ্যং মনোময়মিদং জডম্ ॥ ৮.৭৫॥

মনোময়মিদং যদ্যন্মনো জীব ইতি স্থিতম্ ।
সঙ্কল্পমাত্রমজ্ঞানং ভেদঃ সঙ্কল্প এব হি ॥ ৮.৭৬॥

সঙ্কল্পমাত্রং বিজ্ঞানং দ্বন্দ্বং সঙ্কল্প এব হি ।
সঙ্কল্পমাত্রকালং চ দেশং সঙ্কল্পমেব হি ॥ ৮.৭৭॥

সঙ্কল্পমাত্রো দেহশ্চ প্রাণঃ সঙ্কল্পমাত্রকঃ ।
সঙ্কল্পমাত্রং মননং সঙ্কল্পং শ্রবণং সদা ॥ ৮.৭৮॥

সঙ্কল্পমাত্রং নরকং সঙ্কল্পং স্বর্গ ইত্যপি ।
সঙ্কল্পমেব চিন্মাত্রং সঙ্কল্পং চাত্মচিন্তনম্ ॥ ৮.৭৯॥

সঙ্কল্পং বা মনাক্তত্ত্বং ব্রহ্মসঙ্কল্পমেব হি ।
সঙ্কল্প এব যৎকিঞ্চিৎ তন্নাস্ত্যেব কদাচন ॥ ৮.৮০॥

নাস্তি নাস্ত্যেব সঙ্কল্পং নাস্তি নাস্তি জগত্ত্রয়ম্ ।
নাস্তি নাস্তি গুরুর্নাস্তি নাস্তি শিষ্যোঽপি বস্তুতঃ ॥ ৮.৮১॥

নাস্তি নাস্তি শরীরং চ নাস্তি নাস্তি মনঃ ক্বচিৎ ।
নাস্তি নাস্ত্যেব কিঞ্চিদ্বা নাস্তি নাস্ত্যখিলং জগৎ ॥ ৮.৮২॥

নাস্তি নাস্ত্যেব ভূতং বা সর্বং নাস্তি ন সংশয়ঃ ।
᳚সর্বং নাস্তি᳚ প্রকরণং ময়োক্তং চ নিদাঘ তে ।
যঃ শৃণোতি সকৃদ্বাপি ব্রহ্মৈব ভবতি স্বয়ম্ ॥ ৮.৮৩॥

বেদান্তৈরপি চন্দ্রশেখরপদাম্ভোজানুরাগাদরা-
দারোদারকুমারদারনিকরৈঃ প্রাণৈর্বনৈরুজ্ঝিতঃ ।
ত্যাগাদ্যো মনসা সকৃৎ শিবপদধ্যানেন যৎপ্রাপ্যতে
তন্নৈবাপ্যতি শব্দতর্কনিবহৈঃ শান্তং মনস্তদ্ভবেৎ ॥ ৮.৮৪॥

অশেষদৃশ্যোজ্ঝিতদৃঙ্ময়ানাং
সঙ্কল্পবর্জেন সদাস্থিতানাম্ ।
ন জাগ্রতঃ স্বপ্নসুষুপ্তিভাবো
ন জীবনং নো মরণং চ চিত্রম্ ॥ ৮.৮৫॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
প্রপঞ্চশূন্যৎব-সর্বনাস্তিৎবনিরূপণং নাম অষ্টমোঽধ্যায়ঃ ॥

৯ ॥ নবমোঽধ্যায়ঃ ॥

নিদাঘঃ-
কুত্র বা ভবতা স্নানং ক্রিয়তে নিতরাং গুরো ।
স্নানমন্ত্রং স্নানকালং তর্পণং চ বদস্ব মে ॥ ৯.১॥

ঋভুঃ –
আত্মস্নানং মহাস্নানং নিত্যস্নানং ন চান্যতঃ ।
ইদমেব মহাস্নানং অহং ব্রহ্মাস্মি নিশ্চয়ঃ ॥ ৯.২॥

পরব্রহ্মস্বরূপোঽহং পরমানন্দমস্ম্যহম্ ।
ইদমেব মহাস্নানং অহং ব্রহ্মেতি নিশ্চয়ঃ ॥ ৯.৩॥

কেবলং জ্ঞানরূপোঽহং কেবলং পরমোঽস্ম্যহম্ ।
কেবলং শান্তরূপোঽহং কেবলং নির্মলোঽস্ম্যহম্ ॥ ৯.৪॥

কেবলং নিত্যরূপোঽহং কেবলং শাশ্বতোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৫॥

কেবলং সর্বরূপোঽহং অহংত্যক্তোঽহমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৬॥

সর্বহীনস্বরূপোঽহং চিদাকাশোঽহমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৭॥

কেবলং তুর্যরূপোঽস্মি তুর্যাতীতোঽস্মি কেবলম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৮॥

সদা চৈতন্যরূপোঽস্মি সচ্চিদানন্দমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৯॥

কেবলাকাররূপোঽস্মি শুদ্ধরূপোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১০॥

কেবলং জ্ঞানশুদ্ধোঽস্মি কেবলোঽস্মি প্রিয়োঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১১॥

কেবলং নির্বিকল্পোঽস্মি স্বস্বরূপোঽহমস্মি হ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১২॥

সদা সৎসঙ্গরূপোঽস্মি সর্বদা পরমোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১৩॥

সদা হ্যেকস্বরূপোঽস্মি সদাঽনন্যোঽস্ম্যহং সুখম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১৪॥

অপরিচ্ছিন্নরূপোঽহম্ অনন্তানন্দমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১৫॥

সত্যানন্দস্বরূপোঽহং চিৎপরানন্দমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১৬॥

অনন্তানন্দরূপোঽহমবাঙ্মানসগোচরঃ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১৭॥

ব্রহ্মানদস্বরূপোঽহং সত্যানন্দোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১৮॥

আত্মমাত্রস্বরূপোঽস্মি আত্মানন্দময়োঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.১৯॥

আত্মপ্রকাশরূপোঽস্মি আত্মজ্যোতিরসোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২০॥

আদিমধ্যান্তহীনোঽস্মি আকাশসদৃশোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২১॥

নিত্যসত্তাস্বরূপোঽস্মি নিত্যমুক্তোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২২॥

নিত্যসম্পূর্ণরূপোঽস্মি নিত্যং নির্মনসোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২৩॥

নিত্যসত্তাস্বরূপোঽস্মি নিত্যমুক্তোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২৪॥

নিত্যশব্দস্বরূপোঽস্মি সর্বাতীতোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২৫॥

রূপাতীতস্বরূপোঽস্মি ব্যোমরূপোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২৬॥

ভূতানন্দস্বরূপোঽস্মি ভাষানন্দোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২৭॥

সর্বাধিষ্ঠানরূপোঽস্মি সর্বদা চিদ্ঘনোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২৮॥

দেহভাববিহীনোঽহং চিত্তহীনোঽহমেব হি ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.২৯॥

দেহবৃত্তিবিহীনোঽহং মন্ত্রৈবাহমহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩০॥

সর্বদৃশ্যবিহীনোঽস্মি দৃশ্যরূপোঽহমেব হি ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩১॥

সর্বদা পূর্ণরূপোঽস্মি নিত্যতৃপ্তোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩২॥

ইদং ব্রহ্মৈব সর্বস্য অহং চৈতন্যমেব হি ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩৩॥

অহমেবাহমেবাস্মি নান্যৎ কিঞ্চিচ্চ বিদ্যতে ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩৪॥

অহমেব মহানাত্মা অহমেব পরায়ণম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩৫॥

অহমেব মহাশূন্যমিত্যেবং মন্ত্রমুত্তমম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩৬॥

অহমেবান্যবদ্ভামি অহমেব শরীরবৎ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩৭॥

অহং চ শিষ্যবদ্ভামি অহং লোকত্রয়াদিবৎ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩৮॥

অহং কালত্রয়াতীতঃ অহং বেদৈরুপাসিতঃ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৩৯॥

অহং শাস্ত্রেষু নির্ণীত অহং চিত্তে ব্যবস্থিতঃ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৪০॥

মত্ত্যক্তং নাস্তি কিঞ্চিদ্বা মত্ত্যক্তং পৃথিবী চ যা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৪১॥

ময়াতিরিক্তং তোয়ং বা ইত্যেবং মন্ত্রমুত্তমম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯.৪২॥

অহং ব্রহ্মাস্মি শুদ্ধোঽস্মি নিত্যশুদ্ধোঽস্ম্যহং সদা ।
নির্গুণোঽস্মি নিরীহোঽস্মি ইত্যেবং মন্ত্রমুত্তমম্ ॥ ৯.৪৩॥

হরিব্রহ্মাদিরূপোঽস্মি এতদ্ভেদোঽপি নাস্ম্যহম্ ।
কেবলং ব্রহ্মমাত্রোঽস্মি কেবলোঽস্ম্যজয়োঽস্ম্যহম্ ॥ ৯.৪৪॥

স্বয়মেব স্বয়ংভাস্যং স্বয়মেব হি নান্যতঃ ।
স্বয়মেবাত্মনি স্বস্থঃ ইত্যেবং মন্ত্রমুত্তমম্ ॥ ৯.৪৫॥

স্বয়মেব স্বয়ং ভুঙ্ক্ষ্ব স্বয়মেব স্বয়ং রমে ।
স্বয়মেব স্বয়ংজ্যোতিঃ স্বয়মেব স্বয়ং রমে ॥ ৯.৪৬॥

স্বস্যাত্মনি স্বয়ং রংস্যে স্বাত্মন্যেবাবলোকয়ে ।
স্বাত্মন্যেব সুখেনাসি ইত্যেবং মন্ত্রমুত্তমম্ ॥ ৯.৪৭॥

স্বচৈতন্যে স্বয়ং স্থাস্যে স্বাত্মরাজ্যে সুখং রমে ।
স্বাত্মসিংহাসনে তিষ্ঠে ইত্যেবং মন্ত্রমুত্তমম্ ॥ ৯.৪৮॥

স্বাত্মমন্ত্রং সদা পশ্যন্ স্বাত্মজ্ঞানং সদাঽভ্যসন্ ।
অহং ব্রহ্মাস্ম্যহং মন্ত্রঃ স্বাত্মপাপং বিনাশয়েৎ ॥ ৯.৪৯॥

অহং ব্রহ্মাস্ম্যহং মন্ত্রো দ্বৈতদোষং বিনাশয়েৎ ।
অহং ব্রহ্মাস্ম্যহং মন্ত্রো ভেদদুঃখং বিনাশয়েৎ ॥ ৯.৫০॥

অহং ব্রহ্মাস্ম্যহং মন্ত্রশ্চিন্তারোগং বিনাশয়েৎ ।
অহং ব্রহ্মাস্ম্যহং মন্ত্রো বুদ্ধিব্যাধিং বিনাশয়েৎ ॥ ৯.৫১॥

অহং ব্রহ্মাস্ম্যহং মন্ত্র আধিব্যাধিং বিনাশয়েৎ ।
অহং ব্রহ্মাস্ম্যহং মন্ত্রঃ সর্বলোকং বিনাশয়েৎ ॥ ৯.৫২॥

অহং ব্রহ্মাস্ম্যহং মন্ত্রঃ কামদোষং বিনাশয়েৎ ।
অহং ব্রহ্মাস্ম্যহং মন্ত্রঃ ক্রোধদোষং বিনাশয়েৎ ॥ ৯.৫৩॥

অহং ব্রহ্মাস্ম্যহং মন্ত্রশ্চিন্তাদোষং বিনাশয়েৎ ।
অহং ব্রহ্মাস্ম্যহং মন্ত্রঃ সঙ্কল্পং চ বিনাশয়েৎ ॥ ৯.৫৪॥

অহং ব্রহ্মাস্ম্যহং মন্ত্রঃ ইদং দুঃখং বিনাশয়েৎ ।
অহং ব্রহ্মাস্ম্যহং মন্ত্রঃ অবিবেকমলং দহেৎ ॥ ৯.৫৫॥

অহং ব্রহ্মাস্ম্যহং মন্ত্রঃ অজ্ঞানধ্বংসমাচরেৎ ।
অহং ব্রহ্মাস্ম্যহং মন্ত্রঃ কোটিদোষং বিনাশয়েৎ ॥ ৯.৫৬॥

অহং ব্রহ্মাস্ম্যহং মন্ত্রঃ সর্বতন্ত্রং বিনাশয়েৎ ।
অহং ব্রহ্মাস্ম্যহং মন্ত্রো দেহদোষং বিনাশয়েৎ ॥ ৯.৫৭॥

অহং ব্রহ্মাস্ম্যহং মন্ত্রঃ দৃষ্টাদৃষ্টং বিনাশয়েৎ ।
অহং ব্রহ্মাস্ম্যহং মন্ত্র আত্মজ্ঞানপ্রকাশকম্ ॥ ৯.৫৮॥

অহং ব্রহ্মাস্ম্যহং মন্ত্র আত্মলোকজয়প্রদম্ ।
অহং ব্রহ্মাস্ম্যহং মন্ত্র অসত্যাদি বিনাশকম্ ॥ ৯.৫৯॥

অহং ব্রহ্মাস্ম্যহং মন্ত্রঃ অন্যৎ সর্বং বিনাশয়েৎ ।
অহং ব্রহ্মাস্ম্যহং মন্ত্র অপ্রতর্ক্যসুখপ্রদম্ ॥ ৯.৬০॥

অহং ব্রহ্মাস্ম্যহং মন্ত্রঃ অনাত্মজ্ঞানমাহরেৎ ।
অহং ব্রহ্মাস্ম্যহং মন্ত্রো জ্ঞানানন্দং প্রয়চ্ছতি ॥ ৯.৬১॥

সপ্তকোটি মহামন্ত্রা জন্মকোটিশতপ্রদাঃ ।
সর্বমন্ত্রান্ সমুৎসৃজ্য জপমেনং সমভ্যসেৎ ॥ ৯.৬২॥

সদ্যো মোক্ষমবাপ্নোতি নাত্র সন্দেহমস্তি মে ।
মন্ত্রপ্রকরণে প্রোক্তং রহস্যং বেদকোটিষু ॥ ৯.৬৩॥

যঃ শৃণোতি সকৃদ্বাপি ব্রহ্মৈব ভবতি স্বয়ম্ ।
নিত্যানন্দময়ঃ স এব পরমানন্দোদয়ঃ শাশ্বতো
যস্মান্নান্যদতোঽন্যদার্তমখিলং তজ্জং জগৎ সর্বদঃ ।
যো বাচা মনসা তথেন্দ্রিয়গণৈর্দেহোঽপি বেদ্যো ন চে-
দচ্ছেদ্যো ভববৈদ্য ঈশ ইতি যা সা ধীঃ পরং মুক্তয়ে ॥ ৯.৬৪॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
অহংব্রহ্মাস্মিপ্রকরণনিরূপণং নাম নবমোঽধ্যায়ঃ ॥

১০ ॥ দশমোঽধ্যায়ঃ ॥

ঋভুঃ –
নিত্যতর্পণমাচক্ষ্যে নিদাঘ শৃণু মে বচঃ ।
বেদশাস্ত্রেষু সর্বেষু অত্যন্তং দুর্লভং নৃণাম্ ॥ ১০.১॥

সদা প্রপঞ্চং নাস্ত্যেব ইদমিত্যপি নাস্তি হি ।
ব্রহ্মমাত্রং সদাপূর্ণং ইত্যেবং ব্রহ্মতর্পণম্ ॥ ১০.২॥

সরূপমাত্রং ব্রহ্মৈব সচ্চিদানন্দমপ্যহম্ ।
আনন্দঘন এবাহং ইত্যেবং ব্রহ্মতর্পণম্ ॥ ১০.৩॥

সর্বদা সর্বশূন্যোঽহং সদাত্মানন্দবানহম্ ।
নিত্যানিত্যস্বরূপোঽহং ইত্যেবং ব্রহ্মতর্পণম্ ॥ ১০.৪॥

অহমেব চিদাকাশ আত্মাকাশোঽস্মি নিত্যদা ।
আত্মনাঽঽত্মনি তৃপ্তোঽহং ইত্যেবং ব্রহ্মতর্পণম্ ॥ ১০.৫॥

একৎবসংখ্যাহীনোঽস্মি অরূপোঽস্ম্যহমদ্বয়ঃ ।
নিত্যশুদ্ধস্বরূপোঽহং ইত্যেবং ব্রহ্মতর্পণম্ ॥ ১০.৬॥

আকাশাদপি সূক্ষ্মোঽহং অত্যন্তাভাবকোঽস্ম্যহম্ ।
সর্বপ্রকাশরূপোঽহং ইত্যেবং ব্রহ্মতর্পণম্ ॥ ১০.৭॥

পরব্রহ্মস্বরূপোঽহং পরাবরসুখোঽস্ম্যহম্ ।
সত্রামাত্রস্বরূপোঽহং দৃগ্দৃশ্যাদিবিবর্জিতঃ ॥ ১০.৮॥

যৎ কিঞ্চিদপ্যহং নাস্তি তূষ্ণীং তূষ্ণীমিহাস্ম্যহম্ ।
শুদ্ধমোক্ষস্বরূপোঽহম্ ইত্যেবং ব্রহ্মতর্পণম্ ॥ ১০.৯॥

সর্বানন্দস্বরূপোঽহং জ্ঞানানন্দমহং সদা ।
বিজ্ঞানমাত্ররূপোঽহম্ ইত্যেবং ব্রহ্মতর্পণম্ ॥ ১০.১০॥

ব্রহ্মমাত্রমিদং সর্বং নাস্তি নান্যত্র তে শপে ।
তদেবাহং ন সন্দেহঃ ইত্যেবং ব্রহ্মতর্পণম্ ॥ ১০.১১॥

ৎবমিত্যেতৎ তদিত্যেতন্নাস্তি নাস্তীহ কিঞ্চন ।
শুদ্ধচৈতন্যমাত্রোঽহং ইত্যেবং ব্রহ্মতর্পণম্ ॥ ১০.১২॥

অত্যন্তাভাবরূপোঽহমহমেব পরাৎপরঃ ।
অহমেব সুখং নান্যৎ ইত্যেবং ব্রহ্মতর্পণম্ ॥ ১০.১৩॥

ইদং হেমময়ং কিঞ্চিন্নাস্তি নাস্ত্যেব তে শপে ।
নির্গুণানন্দরূপোঽহং ইত্যেবং ব্রহ্মতর্পণম্ ॥ ১০.১৪॥

সাক্ষিবস্তুবিহীনৎবাৎ সাক্ষিৎবং নাস্তি মে সদা ।
কেবলং ব্রহ্মভাবৎবাৎ ইত্যেবং ব্রহ্মতর্পণম্ ॥ ১০.১৫॥

অহমেবাবিশেষোঽহমহমেব হি নামকম্ ।
অহমেব বিমোহং বৈ ইত্যেবং ব্রহ্মতর্পণম্ ॥ ১০.১৬॥

ইন্দ্রিয়াভাবরূপোঽহং সর্বাভাবস্বরূপকম্ ।
বন্ধমুক্তিবিহীনোঽস্মি ইত্যেবং ব্রহ্মতর্পণম্ ॥ ১০.১৭॥

সর্বানন্দস্বরূপোঽহং সর্বানন্দঘনোঽস্ম্যহম্ ।
নিত্যচৈতন্যমাত্রোঽহং ইত্যেবং ব্রহ্মতর্পণম্ ॥ ১০.১৮॥

বাচামগোচরশ্চাহং বাঙ্মনো নাস্তি কিঞ্চন ।
চিদানন্দময়শ্চাহং ইত্যেবং ব্রহ্মতর্পণম্ ॥ ১০.১৯॥

সর্বত্র পূর্ণরূপোঽহং সর্বত্র সুখমস্ম্যহম্ ।
সর্বত্রাচিন্ত্যরূপোঽহম্ ইত্যেবং ব্রহ্মতর্পণম্ ॥ ১০.২০॥

সর্বত্র তৃপ্তিরূপোঽহং সর্বানন্দময়োঽস্ম্যহম্ ।
সর্বশূন্যস্বরূপোঽহম্ ইত্যেবং ব্রহ্মতর্পণম্ ॥ ১০.২১॥

সর্বদা মৎস্বরূপোঽহং পরমানন্দবানহম্ ।
এক এবাহমেবাহং ইত্যেবং ব্রহ্মতর্পণম্ ॥ ১০.২২॥

মুক্তোঽহং মোক্ষরূপোঽহং সর্বমৌনপরোঽস্ম্যহম্ ।
সর্বনির্বাণরূপোঽহং ইত্যেবং ব্রহ্মতর্পণম্ ॥ ১০.২৩॥

সর্বদা সৎস্বরূপোঽহং সর্বদা তুর্যবানহম্ ।
তুর্যাতীতস্বরূপোঽহং ইত্যেবং ব্রহ্মতর্পণম্ ॥ ১০.২৪॥

সত্যবিজ্ঞানমাত্রোঽহং সন্মাত্রানন্দবানহম্ ।
নির্বিকল্পস্বরূপোঽহম্ ইত্যেবং ব্রহ্মতর্পণম্ ॥ ১০.২৫॥

সর্বদা হ্যজরূপোঽহং নিরীহোঽহং নিরঞ্জনঃ ।
ব্রহ্মবিজ্ঞানরূপোঽহং ইত্যেবং ব্রহ্মতর্পণম্ ॥ ১০.২৬॥

ব্রহ্মতর্পণমেবোক্তং এতৎপ্রকরণং ময়া ।
যঃ শৃণোতি সকৃদ্বাপি ব্রহ্মৈব ভবতি স্বয়ম্ ॥ ১০.২৭॥

নিত্যহোমং প্রবক্ষ্যামি সর্ববেদেষু দুর্লভম্ ।
সর্বশাস্ত্রার্থমদ্বৈতং সাবধানমনাঃ শৃণু ॥ ১০.২৮॥

অহং ব্রহ্মাস্মি শুদ্ধোঽস্মি নিত্যোঽস্মি প্রভুরস্ম্যহম্ ।
ওঁকারার্থস্বরূপোঽস্মি এবং হোমং সুদুর্লভম্ ॥ ১০.২৯॥

পরমাত্মস্বরূপোঽস্মি পরানন্দপরোঽস্ম্যহম্ ।
চিদানন্দস্বরূপোঽস্মি এবং হোমং সুদুর্লভম্ ॥ ১০.৩০॥

নিত্যানন্দস্বরূপোঽস্মি নিষ্কলঙ্কময়ো হ্যহম্ ।
চিদাকারস্বরূপোঽহং এবং হোমং সুদুর্লভম্ ॥ ১০.৩১॥

ন হি কিঞ্চিৎ স্বরূপোঽস্মি নাহমস্মি ন সোঽস্ম্যহম্ ।
নির্ব্যাপারস্বরূপোঽস্মি এবং হোমং সুদুর্লভম্ ॥ ১০.৩২॥

নিরংশোঽস্মি নিরাভাসো ন মনো নেন্দ্রিয়োঽস্ম্যহম্ ।
ন বুদ্ধির্ন বিকল্পোঽহং এবং হোমং সুদুর্লভম্ ॥ ১০.৩৩॥

ন দেহাদিস্বারূপোঽস্মি ত্রয়াদিপরিবর্জিতঃ ।
ন জাগ্রৎস্বপ্নরূপোঽস্মি এবং হোমং সুদুর্লভম্ ॥ ১০.৩৪॥

শ্রবণং মননং নাস্তি নিদিধ্যাসনমেব হি ।
স্বগতং চ ন মে কিঞ্চিদ্ এবং হোমং সুদুর্লভম্ ॥ ১০.৩৫॥

অসত্যং হি মনঃসত্তা অসত্যং বুদ্ধিরূপকম্ ।
অহঙ্কারমসদ্বিদ্ধি কালত্রয়মসৎ সদা ॥ ১০.৩৬॥

গুণত্রয়মসদ্বিদ্ধি এবং হোমং সুদুর্লভম্ ॥ ১০.৩৭॥

শ্রুতং সর্বমসদ্বিদ্ধি বেদং সর্বমসৎ সদা ।
সর্বতত্ত্বমসদ্বিদ্ধি এবং হোমং সুদুর্লভম্ ॥ ১০.৩৮॥

নানারূপমসদ্বিদ্ধি নানাবর্ণমসৎ সদা ।
নানাজাতিমসদ্বিদ্ধি এবং হোমং সুদুর্লভম্ ॥ ১০.৩৯॥

শাস্ত্রজ্ঞানমসদ্বিদ্ধি বেদজ্ঞানং তপোঽপ্যসৎ ।
সর্বতীর্থমসদ্বিদ্ধি এবং হোমং সুদুর্লভম্ ॥ ১০.৪০॥

গুরুশিষ্যমসদ্বিদ্ধি গুরোর্মন্ত্রমসৎ ততঃ ।
যদ্ দৃশ্যং তদসদ্বিদ্ধি এবং হোমং সুদুর্লভম্ ॥ ১০.৪১॥

সর্বান্ ভোগানসদ্বিদ্ধি যচ্চিন্ত্যং তদসৎ সদা ।
যদ্ দৃশ্যং তদসদ্বিদ্ধি এবং হোমং সুদুর্লভম্ ॥ ১০.৪২॥

সর্বেন্দ্রিয়মসদ্বিদ্ধি সর্বমন্ত্রমসৎ ৎবিতি ।
সর্বপ্রাণানসদ্বিদ্ধি এবং হোমং সুদুর্লভম্ ॥ ১০.৪৩॥

জীবং দেহমসদ্বিদ্ধি পরে ব্রহ্মণি নৈব হি ।
ময়ি সর্বমসদ্বিদ্ধি এবং হোমং সুদুর্লভম্ ॥ ১০.৪৪॥

দৃষ্টং শ্রুতমসদ্বিদ্ধি ওতং প্রোতমসন্ময়ি ।
কার্যাকার্যমসদ্বিদ্ধি এবং হোমং সুদুর্লভম্ ॥ ১০.৪৫॥

দৃষ্টপ্রাপ্তিমসদ্বিদ্ধি সন্তোষমসদেব হি ।
সর্বকর্মাণ্যসদ্বিদ্ধি এবং হোমং সুদুর্লভম্ ॥ ১০.৪৬॥

সর্বাসর্বমসদ্বিদ্ধি পূর্ণাপূর্ণমসৎ পরে ।
সুখং দুঃখমসদ্বিদ্ধি এবং হোমং সুদুর্লভম্ ॥ ১০.৪৭॥

যথাধর্মমসদ্বিদ্ধি পুণ্যাপুণ্যমসৎ সদা ।
লাভালাভমসদ্বিদ্ধি সদা দেহমসৎ সদা ॥ ১০.৪৮॥

সদা জয়মসদ্বিদ্ধি সদা গর্বমসৎ সদা ।
মনোময়মসদ্বিদ্ধি সংশয়ং নিশ্চয়ং তথা ॥ ১০.৪৯॥

শব্দং সর্বমসদ্বিদ্ধি স্পর্শং সর্বমসৎ সদা ।
রূপং সর্বমসদ্বিদ্ধি রসং সর্বমসৎ সদা ॥ ১০.৫০॥

গন্ধং সর্বমসদ্বিদ্ধি জ্ঞানং সর্বমসৎ সদা ।
ভূতং ভব্যমসদ্বিদ্ধি অসৎ প্রকৃতিরুচ্যতে ॥ ১০.৫১॥

অসদেব সদা সর্বমসদেব ভবোদ্ভবম্ ।
অসদেব গুণং সর্বং এবং হোমং সুদুর্লভম্ ॥ ১০.৫২॥

শশশৃঙ্গবদেব ৎবং শশশৃঙ্গবদস্ম্যহম্ ।
শশশৃঙ্গবদেবেদং শশশৃঙ্গবদন্তরম্ ॥ ১০.৫৩॥

ইত্যেবমাত্মহোমাখ্যমুক্তং প্রকরণং ময়া ।
যঃ শৃণোতি সকৃদ্বাপি ব্রহ্মৈব ভবতি স্বয়ম্ ॥ ১০.৫৪॥

স্কন্দঃ –
যস্মিন্ সংচ বিচৈতি বিশ্বমখিলং দ্যোতন্তি সূর্যেন্দবো
বিদ্যুদ্বহ্নিমরুদ্গণাঃ সবরুণা ভীতা ভজন্তীশ্বরম্ ।
ভূতং চাপি ভবত্যদৃশ্যমখিলং শম্ভোঃ সুখাংশং জগৎ
জাতং চাপি জনিষ্যতি প্রতিভবং দেবাসুরৈর্নির্যপি ।
তন্নেহাস্তি ন কিঞ্চিদত্র ভগবদ্ধ্যানান্ন কিঞ্চিৎ প্রিয়ম্ ॥ ১০.৫৫॥

যঃ প্রাণাপানভেদৈর্মননধিয়া ধারণাপঞ্চকাদ্যৈঃ
মধ্যে বিশ্বজনস্য সন্নপি শিবো নো দৃশ্যতে সূক্ষ্ময়া ।
বুদ্ধয়াদধ্যাতয়াপি শ্রুতিবচনশতৈর্দেশিকোক্ত্যৈকসূক্ত্যা
যোগৈর্ভক্তিসমন্বিতৈঃ শিবতরো দৃশ্যো ন চান্যৎ তথা ॥ ১০.৫৬॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ব্রহ্মতর্পণাত্মহোমাখ্য প্রকরণদ্বয়বর্ণনং নাম দশমোঽধ্যায়ঃ ॥

১১ ॥ একাদশোঽধ্যায়ঃ ॥

ঋভুঃ –
ব্রহ্মজ্ঞানং প্রবক্ষ্যামি জীবন্মুক্তস্য লক্ষণম্ ।
আত্মমাত্রেণ যস্তিষ্ঠেৎ স জীবন্মুক্ত উচ্যতে ॥ ১১.১॥

অহং ব্রহ্মবদেবেদমহমাত্মা ন সংশয়ঃ ।
চৈতন্যাত্মেতি যস্তিষ্ঠেৎ স জীবন্মুক্ত উচ্যতে ॥ ১১.২॥

চিদাত্মাহং পরাত্মাহং নির্গুণোঽহং পরাৎপরঃ ।
ইত্যেবং নিশ্চয়ো যস্য স জীবন্মুক্ত উচ্যতে ॥ ১১.৩॥

দেহত্রয়াতিরিক্তোঽহং ব্রহ্ম চৈতন্যমস্ম্যহম্ ।
ব্রহ্মাহমিতি যস্যান্তঃ স জীবন্মুক্ত উচ্যতে ॥ ১১.৪॥

আনন্দঘনরূপোঽস্মি পরানন্দপরোঽস্ম্যহম্ ।
যশ্চিদেবং পরানন্দং স জীবন্মুক্ত উচ্যতে ॥ ১১.৫॥

যস্য দেহাদিকং নাস্তি যস্য ব্রহ্মেতি নিশ্চয়ঃ ।
পরমানন্দপূর্ণো যঃ স জীবন্মুক্ত উচ্যতে ॥ ১১.৬॥

যস্য কিঞ্চিদহং নাস্তি চিন্মাত্রেণাবতিষ্ঠতে ।
পরানন্দো মুদানন্দঃ স জীবন্মুক্ত উচ্যতে ॥ ১১.৭॥

চৈতন্যমাত্রং যস্যান্তশ্চিন্মাত্রৈকস্বরূপবান্ ।
ন স্মরত্যন্যকলনং স জীবন্মুক্ত উচ্যতে ॥ ১১.৮॥var was কললং
সর্বত্র পরিপূর্ণাত্মা সর্বত্র কলনাত্মকঃ ।
সর্বত্র নিত্যপূর্ণাত্মা স জীবন্মুক্ত উচ্যতে ॥ ১১.৯॥

পরমাত্মপরা নিত্যং পরমাত্মেতি নিশ্চিতঃ ।
আনন্দাকৃতিরব্যক্তঃ স জীবন্মুক্ত উচ্যতে ॥ ১১.১০॥

শুদ্ধকৈবল্যজীবাত্মা সর্বসঙ্গবিবর্জিতঃ ।
নিত্যানন্দপ্রসন্নাত্মা স জীবন্মুক্ত উচ্যতে ॥ ১১.১১॥

একরূপঃ প্রশান্তাত্মা অন্যচিন্তাবিবর্জিতঃ ।
কিঞ্চিদস্তিৎবহীনো যঃ স জীবন্মুক্ত উচ্যতে ॥ ১১.১২॥

ন মে চিত্তং ন মে বুদ্ধির্নাহঙ্কারো ন চেন্দ্রিয়ঃ ।
কেবলং ব্রহ্মমাত্রৎবাৎ স জীবন্মুক্ত উচ্যতে ॥ ১১.১৩॥

ন মে দোষো ন মে দেহো নে মে প্রাণো ন মে ক্বচিৎ ।
দৃঢনিশ্চয়বান্ যোঽন্তঃ স জীবন্মুক্ত উচ্যতে ॥ ১১.১৪॥

ন মে মায়া ন মে কামো ন মে ক্রোধোঽপরোঽস্ম্যহম্ ।
ন মে কিঞ্চিদিদং বাঽপি স জীবন্মুক্ত উচ্যতে ॥ ১১.১৫॥

ন মে দোষো ন মে লিঙ্গং ন মে বন্ধঃ ক্বচিজ্জগৎ ।
যস্তু নিত্যং সদানন্দঃ স জীবন্মুক্ত উচ্যতে ॥ ১১.১৬॥

ন মে শ্রোত্রং ন মে নাসা ন মে চক্ষুর্ন মে মনঃ ।
ন মে জিহ্বেতি যস্যান্তঃ স জীবন্মুক্ত উচ্যতে ॥ ১১.১৭॥

ন মে দেহো ন মে লিঙ্গং ন মে কারণমেব চ ।
ন মে তুর্যমিতি স্বস্থঃ স জীবন্মুক্ত উচ্যতে ॥ ১১.১৮॥

ইদং সর্বং ন মে কিঞ্চিদয়ং সর্বং ন মে ক্বচিৎ ।
ব্রহ্মমাত্রেণ যস্তিষ্ঠেৎ স জীবন্মুক্ত উচ্যতে ॥ ১১.১৯॥

ন মে কিঞ্চিন্ন মে কশ্চিন্ন মে কশ্চিৎ ক্বচিজ্জগৎ ।
অহমেবেতি যস্তিষ্ঠেৎ স জীবন্মুক্ত উচ্যতে ॥ ১১.২০॥

ন মে কালো ন মে দেশো ন মে বস্তু ন মে স্থিতিঃ ।
ন মে স্নানং ন মে প্রাসঃ স জীবন্মুক্ত উচ্যতে ॥ ১১.২১॥

ন মে তীর্থং ন মে সেবা ন মে দেবো ন মে স্থলম্ ।
ন ক্বচিদ্ভেদহীনোঽয়ং স জীবন্মুক্ত উচ্যতে ॥ ১১.২২॥

ন মে বন্ধং ন মে জন্ম ন মে জ্ঞানং ন মে পদম্ ।
ন মে বাক্যমিতি স্বস্থঃ স জীবন্মুক্ত উচ্যতে ॥ ১১.২৩॥

ন মে পুণ্যং ন মে পাপং ন মে কায়ং ন মে শুভম্ ।
ন মে দৃশ্যমিতি জ্ঞানী স জীবন্মুক্ত উচ্যতে ॥ ১১.২৪॥

ন মে শব্দো ন মে স্পর্শো ন মে রূপং ন মে রসঃ ।
ন মে জীব ইতি জ্ঞাৎবা স জীবন্মুক্ত উচ্যতে ॥ ১১.২৫॥

ন মে সর্বং ন মে কিঞ্চিৎ ন মে জীবং ন মে ক্বচিৎ ।
ন মে ভাবং ন মে বস্তু স জীবন্মুক্ত উচ্যতে ॥ ১১.২৬॥

ন মে মোক্ষ্যে ন মে দ্বৈতং ন মে বেদো ন মে বিধিঃ ।
ন মে দূরমিতি স্বস্থঃ স জীবন্মুক্ত উচ্যতে ॥ ১১.২৭॥

ন মে গুরুর্ন মে শিষ্যো ন মে বোধো ন মে পরঃ ।
ন মে শ্রেষ্ঠং ক্বচিদ্বস্তু স জীবন্মুক্ত উচ্যতে ॥ ১১.২৮॥

ন মে ব্রহ্মা ন মে বিষ্ণুর্ন মে রুদ্রো ন মে রবিঃ ।
ন মে কর্ম ক্বচিদ্বস্তু স জীবন্মুক্ত উচ্যতে ॥ ১১.২৯॥

ন মে পৃথ্বী ন মে তোয়ং ন মে তেজো ন মে বিয়ৎ ।
ন মে কার্যমিতি স্বস্থঃ স জীবন্মুক্ত উচ্যতে ॥ ১১.৩০॥

ন মে বার্তা ন মে বাক্যং ন মে গোত্রং ন মে কুলম্ ।
ন মে বিদ্যেতি যঃ স্বস্থঃ স জীবন্মুক্ত উচ্যতে ॥ ১১.৩১॥

ন মে নাদো ন মে শব্দো ন মে লক্ষ্যং ন মে ভবঃ ।
ন মে ধ্যানমিতি স্বস্থঃ স জীবন্মুক্ত উচ্যতে ॥ ১১.৩২॥

ন মে শীতং ন মে চোষ্ণং ন মে মোহো ন মে জপঃ ।
ন মে সন্ধ্যেতি যঃ স্বস্থঃ স জীবন্মুক্ত উচ্যতে ॥ ১১.৩৩॥

ন মে জপো ন মে মন্ত্রো ন মে হোমো ন মে নিশা ।
ন মে সর্বমিতি স্বস্থঃ স জীবন্মুক্ত উচ্যতে ॥ ১১.৩৪॥

ন মে ভয়ং ন মে চান্নং ন মে তৃষ্ণা ন মে ক্ষুধা ।
ন মে চাত্মেতি যঃ স্বস্থঃ স জীবন্মুক্ত উচ্যতে ॥ ১১.৩৫॥

ন মে পূর্বং ন মে পশ্চাৎ ন মে চোর্ধ্বং ন মে দিশঃ ।
ন চিত্তমিতি স্বস্থঃ স জীবন্মুক্ত উচ্যতে ॥ ১১.৩৬॥

ন মে বক্তব্যমল্পং বা ন মে শ্রোতব্যমণ্বপি ।
ন মে মন্তব্যমীষদ্বা স জীবন্মুক্ত উচ্যতে ॥ ১১.৩৭॥

ন মে ভোক্তব্যমীষদ্বা ন মে ধ্যাতব্যমণ্বপি ।
ন মে স্মর্তব্যমেবায়ং স জীবন্মুক্ত উচ্যতে ॥ ১১.৩৮॥

ন মে ভোগো ন মে রোগো ন মে যোগো ন মে লয়ঃ ।
ন মে সর্বমিতি স্বস্থঃ স জীবন্মুক্ত উচ্যতে ॥ ১১.৩৯॥

ন মেঽস্তিৎবং ন মে জাতং ন মে বৃদ্ধং ন মে ক্ষয়ঃ ।
অধ্যারোপো ন মে স্বস্থঃ স জীবন্মুক্ত উচ্যতে ॥ ১১.৪০॥

অধ্যারোপ্যং ন মে কিঞ্চিদপবাদো ন মে ক্বচিৎ ।
ন মে কিঞ্চিদহং যত্তু স জীবন্মুক্ত উচ্যতে ॥ ১১.৪১॥

ন মে শুদ্ধির্ন মে শুভ্রো ন মে চৈকং ন মে বহু ।
ন মে ভূতং ন মে কার্যং স জীবন্মুক্ত উচ্যতে ॥ ১১.৪২॥

ন মে কোঽহং ন মে চেদং ন মে নান্যং ন মে স্বয়ম্ ।
ন মে কশ্চিন্ন মে স্বস্থঃ স জীবন্মুক্ত উচ্যতে ॥ ১১.৪৩॥

ন মে মাংসং ন মে রক্তং ন মে মেদো ন মে শকৃৎ ।
ন মে কৃপা ন মেঽস্তীতি স জীবন্মুক্ত উচ্যতে ॥ ১১.৪৪॥

ন মে সর্বং ন মে শুক্লং ন মে নীলং ন মে পৃথক্ ।
ন মে স্বস্থঃ স্বয়ং যো বা স জীবন্মুক্ত উচ্যতে ॥ ১১.৪৫॥

ন মে তাপং ন মে লোভো ন মে গৌণ ন মে যশঃ ।
নে মে তত্ত্বমিতি স্বস্থঃ স জীবন্মুক্ত উচ্যতে ॥ ১১.৪৬॥

ন মে ভ্রান্তির্ন মে জ্ঞানং ন মে গুহ্যং ন মে কুলম্ ।
ন মে কিঞ্চিদিতি ধ্যায়ন্ স জীবন্মুক্ত উচ্যতে ॥ ১১.৪৭॥

ন মে ত্যাজ্যং ন মে গ্রাহ্যং ন মে হাস্যং ন মে লয়ঃ ।
ন মে দৈবমিতি স্বস্থঃ স জীবন্মুক্ত উচ্যতে ॥ ১১.৪৮॥

ন মে ব্রতং ন মে গ্লানিঃ ন মে শোচ্যং ন মে সুখম্ ।
ন মে ন্যূনং ক্বচিদ্বস্তু স জীবন্মুক্ত উচ্যতে ॥ ১১.৪৯॥

ন মে জ্ঞাতা ন মে জ্ঞানং ন মে জ্ঞেয়ং ন মে স্বয়ম্ ।
ন মে সর্বমিতি জ্ঞানী স জীবন্মুক্ত উচ্যতে ॥ ১১.৫০॥

ন মে তুভ্যং ন মে মহ্যং ন মে ৎবত্তো ন মে ৎবহম্ ।
ন মে গুরুর্ন মে যস্তু স জীবন্মুক্ত উচ্যতে ॥ ১১.৫১॥

ন মে জডং ন মে চৈত্যং ন মে গ্লানং ন মে শুভম্ ।
ন মে ন মেতি যস্তিষ্ঠেৎ স জীবন্মুক্ত উচ্যতে ॥ ১১.৫২॥

ন মে গোত্রং ন মে সূত্রং ন মে পাত্রং ন মে কৃপা ।
ন মে কিঞ্চিদিতি ধ্যায়ী স জীবন্মুক্ত উচ্যতে ॥ ১১.৫৩॥

ন মে চাত্মা ন মে নাত্মা ন মে স্বর্গং ন মে ফলম্ ।
ন মে দূষ্যং ক্বচিদ্বস্তু স জীবন্মুক্ত উচ্যতে ॥ ১১.৫৪॥

ন মেঽভ্যাসো ন মে বিদ্যা ন মে শান্তির্ন মে দমঃ ।
ন মে পুরমিতি জ্ঞানী স জীবন্মুক্ত উচ্যতে ॥ ১১.৫৫॥

ন মে শল্যং ন মে শঙ্কা ন মে সুপ্তির্ন মে মনঃ ।
ন মে বিকল্প ইত্যাপ্তঃ স জীবন্মুক্ত উচ্যতে ॥ ১১.৫৬॥

ন মে জরা ন মে বাল্যং ন মে যৌবনমণ্বপি ।
ন মে মৃতির্ন মে ধ্বান্তং স জীবন্মুক্ত উচ্যতে ॥ ১১.৫৭॥

ন মে লোকং ন মে ভোগং ন মে সর্বমিতি স্মৃতঃ ।
ন মে মৌনমিতি প্রাপ্তং স জীবন্মুক্ত উচ্যতে ॥ ১১.৫৮॥

অহং ব্রহ্ম হ্যহং ব্রহ্ম হ্যহং ব্রহ্মেতি নিশ্চয়ঃ ।
চিদহং চিদহং চেতি স জীবন্মুক্ত উচ্যতে ॥ ১১.৫৯॥

ব্রহ্মৈবাহং চিদেবাহং পরৈবাহং ন সংশয়ঃ ।
স্বয়মেব স্বয়ং জ্যোতিঃ স জীবন্মুক্ত উচ্যতে ॥ ১১.৬০॥

স্বয়মেব স্বয়ং পশ্যেৎ স্বয়মেব স্বয়ং স্থিতঃ ।
স্বাত্মন্যেব স্বয়ং ভূতঃ স জীবন্মুক্ত উচ্যতে ॥ ১১.৬১॥

স্বাত্মানন্দং স্বয়ং ভুংক্ষ্বে স্বাত্মরাজ্যে স্বয়ং বসে ।
স্বাত্মরাজ্যে স্বয়ং পশ্যে স জীবন্মুক্ত উচ্যতে ॥ ১১.৬২॥

স্বয়মেবাহমেকাগ্রঃ স্বয়মেব স্বয়ং প্রভুঃ ।
স্বস্বরূপঃ স্বয়ং পশ্যে স জীবন্মুক্ত উচ্যতে ॥ ১১.৬৩॥

জীবন্মুক্তিপ্রকরণং সর্ববেদেষু দুর্লভম্ ।
যঃ শৃণোতি সকৃদ্বাপি ব্রহ্মৈব ভবতি স্বয়ম্ ॥ ১১.৬৪॥

যে বেদবাদবিধিকল্পিতভেদবুদ্ধ্যা
পুণ্যাভিসন্ধিতধিয়া পরিকর্শয়ন্তঃ ।
দেহং স্বকীয়মতিদুঃখপরং পরাভি-
স্তেষাং সুখায় ন তু জাতু তবেশ পাদাৎ ॥ ১১.৬৫॥

কঃ সন্তরেত ভবসাগরমেতদুত্য-
ত্তরঙ্গসদৃশং জনিমৃত্যুরূপম্ ।
ঈশার্চনাবিধিসুবোধিতভেদহীন-
জ্ঞানোডুপেন প্রতরেদ্ভবভাবয়ুক্তঃ ॥ ১১.৬৬॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
জীবন্মুক্তপ্রকরণং নাম একাদশোঽধ্যায়ঃ ॥

১২ ॥ দ্বাদশোঽধ্যায়ঃ ॥

ঋভুঃ –
দেহমুক্তিপ্রকরণং নিদাঘ শৃণু দুর্লভম্ ।
ত্যক্তাত্যক্তং ন স্মরতি বিদেহান্মুক্ত এব সঃ ॥ ১২.১॥

ব্রহ্মরূপঃ প্রশান্তাত্মা নান্যরূপঃ সদা সুখী ।
স্বস্থরূপো মহামৌনী বিদেহান্মুক্ত এব সঃ ॥ ১২.২॥

সর্বাত্মা সর্বভূতাত্মা শান্তাত্মা মুক্তিবর্জিতঃ ।
একাত্মবর্জিতঃ সাক্ষী বিদেহান্মুক্ত এব সঃ ॥ ১২.৩॥

লক্ষ্যাত্মা লালিতাত্মাহং লীলাত্মা স্বাত্মমাত্রকঃ ।
তূষ্ণীমাত্মা স্বভাবাত্মা বিদেহান্মুক্ত এব সঃ ॥ ১২.৪॥

শুভ্রাত্মা স্বয়মাত্মাহং সর্বাত্মা স্বাত্মমাত্রকঃ ।
অজাত্মা চামৃতাত্মা হি বিদেহান্মুক্ত এব সঃ ॥ ১২.৫॥

আনন্দাত্মা প্রিয়ঃ স্বাত্মা মোক্ষাত্মা কোঽপি নির্ণয়ঃ ।
ইত্যেবমিতি নিধ্যায়ী বিদেহান্মুক্ত এব সঃ ॥ ১২.৬॥

ব্রহ্মৈবাহং চিদেবাহং একং বাপি ন চিন্ত্যতে ।
চিন্মাত্রেণৈব যস্তিষ্ঠেদ্বিদেহান্মুক্ত এব সঃ ॥ ১২.৭॥

নিশ্চয়ং চ পরিত্যজ্য অহং ব্রহ্মেতি নিশ্চয়ঃ ।
আনন্দভূরিদেহস্তু বিদেহান্মুক্ত এব সঃ ॥ ১২.৮॥

সর্বমস্তীতি নাস্তীতি নিশ্চয়ং ত্যজ্য তিষ্ঠতি ।
অহং ব্রহ্মাস্মি নান্যোঽস্মি বিদেহান্মুক্ত এব সঃ ॥ ১২.৯॥

কিঞ্চিৎ ক্বচিৎ কদাচিচ্চ আত্মানং ন স্মরত্যসৌ ।
স্বস্বভাবেন যস্তিষ্ঠেৎ বিদেহান্মুক্ত এব সঃ ॥ ১২.১০॥

অহমাত্মা পরো হ্যাত্মা চিদাত্মাহং ন চিন্ত্যতে ।
স্থাস্যামীত্যপি যো যুক্তো বিদেহান্মুক্ত এব সঃ ॥ ১২.১১॥

তূষ্ণীমেব স্থিতস্তূষ্ণীং সর্বং তূষ্ণীং ন কিঞ্চন ।
অহমর্থপরিত্যক্তো বিদেহান্মুক্ত এব সঃ ॥ ১২.১২॥

পরমাত্মা গুণাতীতঃ সর্বাত্মাপি ন সংমতঃ ।
সর্বভাবান্মহাত্মা যো বিদেহান্মুক্ত এব সঃ ॥ ১২.১৩॥

কালভেদং দেশভেদং বস্তুভেদং স্বভেদকম্ ।
কিঞ্চিদ্ভেদং ন যস্যাস্তি বিদেহান্মুক্ত এব সঃ ॥ ১২.১৪॥

অহং ৎবং তদিদং সোঽয়ং কিঞ্চিদ্বাপি ন বিদ্যতে ।
অত্যন্তসুখমাত্রোঽহং বিদেহান্মুক্ত এব সঃ ॥ ১২.১৫॥

নির্গুণাত্মা নিরাত্মা হি নিত্যাত্মা নিত্যনির্ণয়ঃ ।
শূন্যাত্মা সূক্ষ্মরূপো যো বিদেহান্মুক্ত এব সঃ ॥ ১২.১৬॥

বিশ্বাত্মা বিশ্বহীনাত্মা কালাত্মা কালহেতুকঃ ।
দেবাত্মা দেবহীনো যো বিদেহান্মুক্ত এব সঃ ॥ ১২.১৭॥

মাত্রাত্মা মেয়হীনাত্মা মূঢাত্মাঽনাত্মবর্জিতঃ ।
কেবলাত্মা পরাত্মা চ বিদেহান্মুক্ত এব সঃ ॥ ১২.১৮॥

সর্বত্র জডহীনাত্মা সর্বেষামন্তরাত্মকঃ ।
সর্বেষামিতি যস্তূক্তো বিদেহান্মুক্ত এব সঃ ॥ ১২.১৯॥

সর্বসঙ্কল্পহীনেতি সচ্চিদানন্দমাত্রকঃ ।
স্থাস্যামীতি ন যস্যান্তো বিদেহান্মুক্ত এব সঃ ॥ ১২.২০॥

সর্বং নাস্তি তদস্তীতি চিন্মাত্রোঽস্তীতি সর্বদা ।
প্রবুদ্ধো নাস্তি যস্যান্তো বিদেহান্মুক্ত এব সঃ ॥ ১২.২১॥

কেবলং পরমাত্মা যঃ কেবলং জ্ঞানবিগ্রহঃ ।
সত্তামাত্রস্বরূপো যো বিদেহান্মুক্ত এব সঃ ॥ ১২.২২॥

জীবেশ্বরেতি চৈত্যেতি বেদশাস্ত্রে ৎবহং ৎবিতি ।
ব্রহ্মৈবেতি ন যস্যান্তো বিদেহান্মুক্ত এব সঃ ॥ ১২.২৩॥

ব্রহ্মৈব সর্বমেবাহং নান্যৎ কিঞ্চিজ্জগদ্ভবেৎ ।
ইত্যেবং নিশ্চয়ো ভাবঃ বিদেহান্মুক্ত এব সঃ ॥ ১২.২৪॥

ইদং চৈতন্যমেবেতি অহং চৈতন্যমেব হি ।
ইতি নিশ্চয়শূন্যো যো বিদেহান্মুক্ত এব সঃ ॥ ১২.২৫॥

চৈতন্যমাত্রঃ সংসিদ্ধঃ স্বাত্মারামঃ সুখাসনঃ ।
সুখমাত্রান্তরঙ্গো যো বিদেহান্মুক্ত এব সঃ ॥ ১২.২৬॥

অপরিচ্ছিন্নরূপাত্মা অণোরণুবিনির্মলঃ ।
তুর্যাতীতঃ পরানন্দো বিদেহান্মুক্ত এব সঃ ॥ ১২.২৭॥

নামাপি নাস্তি সর্বাত্মা ন রূপো ন চ নাস্তিকঃ ।
পরব্রহ্মস্বরূপাত্মা বিদেহান্মুক্ত এব সঃ ॥ ১২.২৮॥

তুর্যাতীতঃ স্বতোঽতীতঃ অতোঽতীতঃ স সন্ময়ঃ ।
অশুভাশুভশান্তাত্মা বিদেহান্মুক্ত এব সঃ ॥ ১২.২৯॥

বন্ধমুক্তিপ্রশান্তাত্মা সর্বাত্মা চান্তরাত্মকঃ ।
প্রপঞ্চাত্মা পরো হ্যাত্মা বিদেহান্মুক্ত এব সঃ ॥ ১২.৩০॥

সর্বত্র পরিপূর্ণাত্মা সর্বদা চ পরাৎপরঃ ।
অন্তরাত্মা হ্যনন্তাত্মা বিদেহান্মুক্ত এব সঃ ॥ ১২.৩১॥

অবোধবোধহীনাত্মা অজডো জডবর্জিতঃ ।
অতত্ত্বাতত্ত্বসর্বাত্মা বিদেহান্মুক্ত এব সঃ ॥ ১২.৩২॥

অসমাধিসমাধ্যন্তঃ অলক্ষ্যালক্ষ্যবর্জিতঃ ।
অভূতো ভূত এবাত্মা বিদেহান্মুক্ত এব সঃ ॥ ১২.৩৩॥

চিন্ময়াত্মা চিদাকাশশ্চিদানন্দশ্চিদংবরঃ ।
চিন্মাত্ররূপ এবাত্মা বিদেহান্মুক্ত এব সঃ ॥ ১২.৩৪॥

সচ্চিদানন্দরূপাত্মা সচ্চিদানন্দবিগ্রহঃ ।
সচ্চিদানন্দপূর্ণাত্মা বিদেহান্মুক্ত এব সঃ ॥ ১২.৩৫॥

সদা ব্রহ্মময়ো নিত্যং সদা স্বাত্মনি নিষ্ঠিতঃ ।
সদাঽখণ্ডৈকরূপাত্মা বিদেহান্মুক্ত এব সঃ ॥ ১২.৩৬॥

প্রজ্ঞানঘন এবাত্মা প্রজ্ঞানঘনবিগ্রহঃ ।
নিত্যজ্ঞানপরানন্দো বিদেহান্মুক্ত এব সঃ ॥ ১২.৩৭॥

যস্য দেহঃ ক্বচিন্নাস্তি যস্য কিঞ্চিৎ স্মৃতিশ্চ ন ।
সদাত্মা হ্যাত্মনি স্বস্থো বিদেহান্মুক্ত এব সঃ ॥ ১২.৩৮॥

যস্য নির্বাসনং চিত্তং যস্য ব্রহ্মাত্মনা স্থিতিঃ ।
যোগাত্মা যোগয়ুক্তাত্মা বিদেহান্মুক্ত এব সঃ ॥ ১২.৩৯॥

চৈতন্যমাত্র এবেতি ত্যক্তং সর্বমতির্ন হি ।
গুণাগুণবিকারান্তো বিদেহান্মুক্ত এব সঃ ॥ ১২.৪০॥

কালদেশাদি নাস্ত্যন্তো ন গ্রাহ্যো নাস্মৃতিঃ পরঃ ।
নিশ্চয়ং চ পরিত্যক্তো বিদেহান্মুক্ত এব সঃ ॥ ১২.৪১॥

ভূমানন্দাপরানন্দো ভোগানন্দবিবর্জিতঃ ।
সাক্ষী চ সাক্ষিহীনশ্চ বিদেহান্মুক্ত এব সঃ ॥ ১২.৪২॥

সোঽপি কোঽপি ন সো কোঽপি কিঞ্চিৎ কিঞ্চিন্ন কিঞ্চন ।
আত্মানাত্মা চিদাত্মা চ চিদচিচ্চাহমেব চ ॥ ১২.৪৩॥

যস্য প্রপঞ্চশ্চানাত্মা ব্রহ্মাকারমপীহ ন ।
স্বস্বরূপঃ স্বয়ংজ্যোতির্বিদেহান্মুক্ত এব সঃ ॥ ১২.৪৪॥

বাচামগোচরানন্দঃ সর্বেন্দ্রিয়বিবর্জিতঃ ।
অতীতাতীতভাবো যো বিদেহান্মুক্ত এব সঃ ॥ ১২.৪৫॥

চিত্তবৃত্তেরতীতো যশ্চিত্তবৃত্তির্ন ভাসকঃ ।
সর্ববৃত্তিবিহীনো যো বিদেহান্মুক্ত এব সঃ ॥ ১২.৪৬॥

তস্মিন্ কালে বিদেহো যো দেহস্মরণবর্জিতঃ ।
ন স্থূলো ন কৃশো বাপি বিদেহান্মুক্ত এব সঃ ॥ ১২.৪৭॥

ঈষণ্মাত্রস্থিতো যো বৈ সদা সর্ববিবর্জিতঃ ।
ব্রহ্মমাত্রেণ যস্তিষ্ঠেৎ বিদেহান্মুক্ত এব সঃ ॥ ১২.৪৮॥

পরং ব্রহ্ম পরানন্দঃ পরমাত্মা পরাৎপরঃ ।
পরৈরদৃষ্টবাহ্যান্তো বিদেহান্মুক্ত এব সঃ ॥ ১২.৪৯॥

শুদ্ধবেদান্তসারোঽয়ং শুদ্ধসত্ত্বাত্মনি স্থিতঃ ।
তদ্ভেদমপি যস্ত্যক্তো বিদেহান্মুক্ত এব সঃ ॥ ১২.৫০॥

ব্রহ্মামৃতরসাস্বাদো ব্রহ্মামৃতরসায়নম্ ।
ব্রহ্মামৃতরসে মগ্নো বিদেহান্মুক্ত এব সঃ ॥ ১২.৫১॥

ব্রহ্মামৃতরসাধারো ব্রহ্মামৃতরসঃ স্বয়ম্ ।
ব্রহ্মামৃতরসে তৃপ্তো বিদেহান্মুক্ত এব সঃ ॥ ১২.৫২॥

ব্রহ্মানন্দপরানন্দো ব্রহ্মানন্দরসপ্রভঃ ।
ব্রহ্মানন্দপরংজ্যোতির্বিদেহান্মুক্ত এব সঃ ॥ ১২.৫৩॥

ব্রহ্মানন্দরসানন্দো ব্রহ্মামৃতনিরন্তরম্ ।
ব্রহ্মানন্দঃ সদানন্দো বিদেহান্মুক্ত এব সঃ ॥ ১২.৫৪॥

ব্রহ্মানন্দানুভাবো যো ব্রহ্মামৃতশিবার্চনম্ ।
ব্রহ্মানন্দরসপ্রীতো বিদেহান্মুক্ত এব সঃ ॥ ১২.৫৫॥

ব্রহ্মানন্দরসোদ্বাহো ব্রহ্মামৃতকুটুম্বকঃ ।
ব্রহ্মানন্দজনৈর্যুক্তো বিদেহান্মুক্ত এব সঃ ॥ ১২.৫৬॥

ব্রহ্মামৃতবরে বাসো ব্রহ্মানন্দালয়ে স্থিতঃ ।
ব্রহ্মামৃতজপো যস্য বিদেহান্মুক্ত এব সঃ ॥ ১২.৫৭॥

ব্রহ্মানন্দশরীরান্তো ব্রহ্মানন্দেন্দ্রিয়ঃ ক্বচিৎ ।
ব্রহ্মামৃতময়ী বিদ্যা বিদেহান্মুক্ত এব সঃ ॥ ১২.৫৮॥

ব্রহ্মানদমদোন্মত্তো ব্রহ্মামৃতরসংভরঃ ।
ব্রহ্মাত্মনি সদা স্বস্থো বিদেহান্মুক্ত এব সঃ ॥ ১২.৫৯॥

দেহমুক্তিপ্রকরণং সর্ববেদেষু দুর্লভম্ ।
ময়োক্তং তে মহায়োগিন্ বিদেহঃ শ্রবণাদ্ভবেৎ ॥ ১২.৬০॥

স্কন্দঃ –
অনাথ নাথ তে পদং ভজাম্যুমাসনাথ স-
ন্নিশীথনাথমৌলিসংস্ফুটল্ললাটসঙ্গজ-
স্ফুলিঙ্গদগ্ধমন্মথং প্রমাথনাথ পাহি মাম্ ॥ ১২.৬১॥

বিভূতিভূষগাত্র তে ত্রিনেত্রমিত্রতামিয়াৎ
মনঃসরোরুহং ক্ষণং তথেক্ষণেন মে সদা ।
প্রবন্ধসংসৃতিভ্রমদ্ভ্রমজ্জনৌঘসন্ততৌ
ন বেদ বেদমৌলিরপ্যপাস্তদুঃখসন্ততিম্ ॥ ১২.৬২॥

॥ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
দেহমুক্তিপ্রকরণবর্ণনং নাম দ্বাদশোঽধ্যায়ঃ ॥

১৩ ॥ ত্রয়োদশোঽধ্যায়ঃ ॥

ঋভুঃ –
শৃণুষ্ব দুর্লভং লোকে সারাৎ সারতরং পরম্ ।
আত্মরূপমিদং সর্বমাত্মনোঽন্যন্ন কিঞ্চন ॥ ১৩.১॥

সর্বমাত্মাস্তি পরমা পরমাত্মা পরাত্মকঃ ।
নিত্যানন্দস্বরূপাত্মা হ্যাত্মনোঽন্যন্ন কিঞ্চন ॥ ১৩.২॥

পূর্ণরূপো মহানাত্মা পূতাত্মা শাশ্বতাত্মকঃ ।
নির্বিকারস্বরূপাত্মা নির্মলাত্মা নিরাত্মকঃ ॥ ১৩.৩॥

শান্তাশান্তস্বরূপাত্মা হ্যাত্মনোঽন্যন্ন কিঞ্চন ।
জীবাত্মা পরমাত্মা হি চিত্তাচিত্তাত্মচিন্ময়ঃ ।
একাত্মা একরূপাত্মা নৈকাত্মাত্মবিবর্জিতঃ ॥ ১৩.৪॥

মুক্তামুক্তস্বরূপাত্মা মুক্তামুক্তবিবর্জিতঃ ।
মোক্ষরূপস্বরূপাত্মা হ্যাত্মনোঽন্যন্ন কিঞ্চন ॥ ১৩.৫॥

দ্বৈতাদ্বৈতস্বরূপাত্মা দ্বৈতাদ্বৈতবিবর্জিতঃ ।
সর্ববর্জিতসর্বাত্মা হ্যাত্মনোঽন্যন্ন কিঞ্চন ॥ ১৩.৬॥

মুদামুদস্বরূপাত্মা মোক্ষাত্মা দেবতাত্মকঃ ।
সঙ্কল্পহীনসারাত্মা হ্যাত্মনোঽন্যন্ন কিঞ্চন ॥ ১৩.৭॥

নিষ্কলাত্মা নির্মলাত্মা বুদ্ধ্যাত্মা পুরুষাত্মকঃ ।
আনন্দাত্মা হ্যজাত্মা চ হ্যাত্মনোঽন্যন্ন কিঞ্চন ॥ ১৩.৮॥

অগণ্যাত্মা গণাত্মা চ অমৃতাত্মামৃতান্তরঃ ।
ভূতভব্যভবিষ্যাত্মা হ্যাত্মনোঽন্যন্ন কিঞ্চন ॥ ১৩.৯॥

অখিলাত্মাঽনুমন্যাত্মা মানাত্মা ভাবভাবনঃ ।
তুর্যরূপপ্রসন্নাত্মা আত্মনোঽন্যন্ন কিঞ্চন ॥ ১৩.১০॥

নিত্যং প্রত্যক্ষরূপাত্মা নিত্যপ্রত্যক্ষনির্ণয়ঃ ।
অন্যহীনস্বভাবাত্মা আত্মনোঽন্যন্ন কিঞ্চন ॥ ১৩.১১॥

অসদ্ধীনস্বভাবাত্মা অন্যহীনঃ স্বয়ং প্রভুঃ ।
বিদ্যাবিদ্যান্যশুদ্ধাত্মা মানামানবিহীনকঃ ॥ ১৩.১২॥

নিত্যানিত্যবিহীনাত্মা ইহামুত্রফলান্তরঃ ।
শমাদিষট্কশূন্যাত্মা হ্যাত্মনোঽন্যন্ন কিঞ্চন ॥ ১৩.১৩॥

মুমুক্ষুৎবং চ হীনাত্মা শব্দাত্মা দমনাত্মকঃ ।
নিত্যোপরতরূপাত্মা হ্যাত্মনোঽন্যন্ন কিঞ্চন ॥ ১৩.১৪॥

সর্বকালতিতিক্ষাত্মা সমাধানাত্মনি স্থিতঃ ।
শুদ্ধাত্মা স্বাত্মনি স্বাত্মা হ্যাত্মনোঽন্যন্ন কিঞ্চন ॥ ১৩.১৫॥

অন্নকোশবিহীনাত্মা প্রাণকোশবিবর্জিতঃ ।
মনঃকোশবিহীনাত্মা হ্যাত্মনোঽন্যন্ন কিঞ্চন ॥ ১৩.১৬॥

বিজ্ঞানকোশহীনাত্মা আনন্দাদিবিবর্জিতঃ ।
পঞ্চকোশবিহীনাত্মা হ্যাত্মনোঽন্যন্ন কিঞ্চন ॥ ১৩.১৭॥

নির্বিকল্পস্বরূপাত্মা সবিকল্পবিবর্জিতঃ ।
শব্দানুবিদ্ধহীনাত্মা হ্যাত্মনোঽন্যন্ন কিঞ্চন ॥ ১৩.১৮॥var was শব্দানুবিধ্যহীনাত্মা
স্থূলদেহবিহীনাত্মা সূক্ষ্মদেহবিবর্জিতঃ ।
কারণাদিবিহীনাত্মা হ্যাত্মনোঽন্যন্ন কিঞ্চন ॥ ১৩.১৯॥

দৃশ্যানুবিদ্ধশূন্যাত্মা হ্যাদিমধ্যান্তবর্জিতঃ ।
শান্তা সমাধিশূন্যাত্মা হ্যাত্মনোঽন্যন্ন কিঞ্চন ॥ ১৩.২০॥

প্রজ্ঞানবাক্যহীনাত্মা অহং ব্রহ্মাস্মিবর্জিতঃ ।
তত্ত্বমস্যাদিবাক্যাত্মা হ্যাত্মনোঽন্যন্ন কিঞ্চন ॥ ১৩.২১॥

অয়মাত্মেত্যভাবাত্মা সর্বাত্মা বাক্যবর্জিতঃ ।
ওংকারাত্মা গুণাত্মা চ হ্যাত্মনোঽন্যন্ন কিঞ্চন ॥ ১৩.২২॥

জাগ্রদ্ধীনস্বরূপাত্মা স্বপ্নাবস্থাবিবর্জিতঃ ।
আনন্দরূপপূর্ণাত্মা হ্যাত্মনোঽন্যন্ন কিঞ্চন ॥ ১৩.২৩॥

ভূতাত্মা চ ভবিষ্যাত্মা হ্যক্ষরাত্মা চিদাত্মকঃ ।
অনাদিমধ্যরূপাত্মা হ্যাত্মনোঽন্যন্ন কিঞ্চন ॥ ১৩.২৪॥

সর্বসঙ্কল্পহীনাত্মা স্বচ্ছচিন্মাত্রমক্ষয়ঃ ।
জ্ঞাতৃজ্ঞেয়াদিহীনাত্মা হ্যাত্মনোঽন্যন্ন কিঞ্চন ॥ ১৩.২৫॥

একাত্মা একহীনাত্মা দ্বৈতাদ্বৈতবিবর্জিতঃ ।
স্বয়মাত্মা স্বভাবাত্মা হ্যাত্মনোঽন্যন্ন কিঞ্চন ॥ ১৩.২৬॥

তুর্যাত্মা নিত্যমাত্মা চ যৎকিঞ্চিদিদমাত্মকঃ ।
ভানাত্মা মানহীনাত্মা হ্যাত্মনোঽন্যন্ন কিঞ্চন ॥ ১৩.২৭॥var was মানাত্মা
বাচাবধিরনেকাত্মা বাচ্যানন্দাত্মনন্দকঃ ।
সর্বহীনাত্মসর্বাত্মা হ্যাত্মনোঽন্যন্ন কিঞ্চন ॥ ১৩.২৮॥

আত্মানমেব বীক্ষস্ব আত্মানং ভাবয় স্বকম্ ।
স্বস্বাত্মানং স্বয়ং ভুংক্ষ্ব হ্যাত্মনোঽন্যন্ন কিঞ্চন ॥ ১৩.২৯॥

স্বাত্মানমেব সন্তুষ্য আত্মানং স্বয়মেব হি ।
স্বস্বাত্মানং স্বয়ং পশ্যেৎ স্বমাত্মানং স্বয়ং শ্রুতম্ ॥ ১৩.৩০॥

স্বমাত্মনি স্বয়ং তৃপ্তঃ স্বমাত্মানং স্বয়ংভরঃ ।
স্বমাত্মানং স্বয়ং ভস্ম হ্যাত্মনোঽন্যন্ন কিঞ্চন ॥ ১৩.৩১॥

স্বমাত্মানং স্বয়ং মোদং স্বমাত্মানং স্বয়ং প্রিয়ম্ ।
স্বমাত্মানমেব মন্তব্যং হ্যাত্মনোঽন্যন্ন কিঞ্চন ॥ ১৩.৩২॥

আত্মানমেব শ্রোতব্যং আত্মানং শ্রবণং ভব ।
আত্মানং কাময়েন্নিত্যম্ আত্মানং নিত্যমর্চয় ॥ ১৩.৩৩॥

আত্মানং শ্লাঘয়েন্নিত্যমাত্মানং পরিপালয় ।
আত্মানং কাময়েন্নিত্যম্ আত্মনোঽন্যন্ন কিঞ্চন ॥ ১৩.৩৪॥

আত্মৈবেয়মিয়ং ভূমিঃ আত্মৈবেদমিদং জলম্ ।
আত্মৈবেদমিদং জ্যোতিরাত্মনোঽন্যন্ন কিঞ্চন ॥ ১৩.৩৫॥

আত্মৈবায়ময়ং বায়ুরাত্মৈবেদমিদম্ বিয়ৎ ।
আত্মৈবায়মহঙ্কারঃ আত্মনোঽন্যন্ন কিঞ্চন ॥ ১৩.৩৬॥

আত্মৈবেদমিদং চিত্তং আত্মৈবেদমিদং মনঃ ।
আত্মৈবেয়মিয়ং বুদ্ধিরাত্মনোঽন্যন্ন কিঞ্চন ॥ ১৩.৩৭॥

আত্মৈবায়ময়ং দেহঃ আত্মৈবায়ময়ং গুণঃ ।
আত্মৈবেদমিদং তত্ত্বম্ আত্মনোঽন্যন্ন কিঞ্চন ॥ ১৩.৩৮॥

আত্মৈবায়ময়ং মন্ত্রঃ আত্মৈবায়ময়ং জপঃ ।
আত্মৈবায়ময়ং লোকঃ আত্মনোঽন্যন্ন কিঞ্চন ॥ ১৩.৩৯॥

আত্মৈবায়ময়ং শব্দঃ আত্মৈবায়ময়ং রসঃ ।
আত্মৈবায়ময়ং স্পর্শঃ আত্মনোঽন্যন্ন কিঞ্চন ॥ ১৩.৪০॥

আত্মৈবায়ময়ং গন্ধঃ আত্মৈবায়ময়ং শমঃ ।
আত্মৈবেদমিদং দুঃখং আত্মৈবেদমিদং সুখম্ ॥ ১৩.৪১॥

আত্মীয়মেবেদং জগৎ আত্মীয়ঃ স্বপ্ন এব হি ।
সুষুপ্তং চাপ্যথাত্মীয়ং আত্মনোঽন্যন্ন কিঞ্চন ॥ ১৩.৪২॥

আত্মৈব কার্যমাত্মৈব প্রায়ো হ্যাত্মৈবমদ্বয়ম্ ।
আত্মীয়মেবমদ্বৈতং আত্মনোঽন্যন্ন কিঞ্চন ॥ ১৩.৪৩॥

আত্মীয়মেবায়ং কোঽপি আত্মৈবেদমিদং ক্বচিৎ ।
আত্মৈবায়ময়ং লোকঃ আত্মনোঽন্যন্ন কিঞ্চন ॥ ১৩.৪৪॥

আত্মৈবেদমিদং দৃশ্যং আত্মৈবায়ময়ং জনঃ ।
আত্মৈবেদমিদং সর্বং আত্মনোঽন্যন্ন কিঞ্চন ॥ ১৩.৪৫॥

আত্মৈবায়ময়ং শংভুঃ আত্মৈবেদমিদং জগৎ ।
আত্মৈবায়ময়ং ব্রহ্মা আত্মনোঽন্যন্ন কিঞ্চন ॥ ১৩.৪৬॥

আত্মৈবায়ময়ং সূর্য আত্মৈবেদমিদং জডম্ ।
আত্মৈবেদমিদং ধ্যানম্ আত্মৈবেদমিদম্ ফলম্ ॥ ১৩.৪৭॥

আত্মৈবায়ময়ং যোগঃ সর্বমাত্মময়ং জগৎ ।
সর্বমাত্মময়ং ভূতং আত্মনোঽন্যন্ন কিঞ্চন ॥ ১৩.৪৮॥

সর্বমাত্মময়ং ভাবি সর্বমাত্মময়ং গুরুঃ ।
সর্বমাত্মময়ং শিষ্য আত্মনোঽন্যন্ন কিঞ্চন ॥ ১৩.৪৯॥

সর্বমাত্মময়ং দেবঃ সর্বমাত্মময়ং ফলম্ ।
সর্বমাত্মময়ং লক্ষ্যং আত্মনোঽন্যন্ন কিঞ্চন ॥ ১৩.৫০॥

সর্বমাত্মময়ং তীর্থং সর্বমাত্মময়ং স্বয়ম্ ।
সর্বমাত্মময়ং মোক্ষং আত্মনোঽন্যন্ন কিঞ্চন ॥ ১৩.৫১॥

সর্বমাত্মময়ং কামং সর্বমাত্মময়ং ক্রিয়া ।
সর্বমাত্মময়ং ক্রোধঃ আত্মনোঽন্যন্ন কিঞ্চন ॥ ১৩.৫২॥

সর্বমাত্মময়ং বিদ্যা সর্বমাত্মময়ং দিশঃ ।
সর্বমাত্মময়ং লোভঃ আত্মনোঽন্যন্ন কিঞ্চন ॥ ১৩.৫৩॥

সর্বমাত্মময়ং মোহঃ সর্বমাত্মময়ং ভয়ম্ ।
সর্বমাত্মময়ং চিন্তা আত্মনোঽন্যন্ন কিঞ্চন ॥ ১৩.৫৪॥

সর্বমাত্মময়ং ধৈর্যং সর্বমাত্মময়ং ধ্রুবম্ ।
সর্বমাত্মময়ং সত্যং আত্মনোঽন্যন্ন কিঞ্চন ॥ ১৩.৫৫॥

সর্বমাত্মময়ং বোধং সর্বমাত্মময়ং দৃঢম্ ।
সর্বমাত্মময়ং মেয়ং আত্মনোঽন্যন্ন কিঞ্চন ॥ ১৩.৫৬॥

সর্বমাত্মময়ং গুহ্যং সর্বমাত্মময়ং শুভম্ ।
সর্বমাত্মময়ং শুদ্ধং আত্মনোঽন্যন্ন কিঞ্চন ॥ ১৩.৫৭॥

সর্বমাত্মময়ং সর্বং সত্যমাত্মা সদাত্মকঃ ।
পূর্ণমাত্মা ক্ষয়ং চাত্মা পরমাত্মা পরাৎপরঃ ॥ ১৩.৫৮॥

ইতোঽপ্যাত্মা ততোঽপ্যাত্মা হ্যাত্মৈবাত্মা ততস্ততঃ ।
সর্বমাত্মময়ং সত্যং আত্মনোঽন্যন্ন কিঞ্চন ॥ ১৩.৫৯॥

সর্বমাত্মস্বরূপং হি দৃশ্যাদৃশ্যং চরাচরম্ ।
সর্বমাত্মময়ং শ্রুৎবা মুক্তিমাপ্নোতি মানবঃ ॥ ১৩.৬০॥

স্বতন্ত্রশক্তির্ভগবানুমাধবো
বিচিত্রকায়াত্মকজাগ্রতস্য ।
সুকারণং কার্যপরংপরাভিঃ
স এব মায়াবিততোঽব্যযাত্মা ॥ ১৩.৬১॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
সর্বমাত্মপ্রকরণং নাম ত্রয়োদশোঽধ্যায়ঃ ॥

১৪ ॥ চতুর্দশোঽধ্যায়ঃ ॥

ঋভুঃ –
শৃণুষ্ব সর্বং ব্রহ্মৈব সত্যং সত্যং শিবং শপে ।
নিশ্চয়েনাত্ময়োগীন্দ্র অন্যৎ কিঞ্চিন্ন কিঞ্চন ॥ ১৪.১॥

অণুমাত্রমসদ্রূপং অণুমাত্রমিদং ধ্রুবম্ ।
অণুমাত্রশরীরং চ অন্যৎ কিঞ্চিন্ন কিঞ্চন ॥ ১৪.২॥

সর্বমাত্মৈব শুদ্ধাত্মা সর্বং চিন্মাত্রমদ্বয়ম্ ।
নিত্যনির্মলশুদ্ধাত্মা অন্যৎ কিঞ্চিন্ন কিঞ্চন ॥ ১৪.৩॥

অণুমাত্রে বিচিন্ত্যাত্মা সর্বং ন হ্যণুমাত্রকম্ ।
অণুমাত্রমসংকল্পো অন্যৎ কিঞ্চিন্ন কিঞ্চন ॥ ১৪.৪॥

চৈতন্যমাত্রং সঙ্কল্পং চৈতন্যং পরমং পদম্ ।
আনন্দং পরমং মানং ইদং দৃশ্যং ন কিঞ্চন ॥ ১৪.৫॥

চৈতন্যমাত্রমোংকারঃ চৈতন্যং সকলং স্বয়ম্ ।
আনন্দং পরমং মানং ইদং দৃশ্যং ন কিঞ্চন ॥ ১৪.৬॥

আনন্দশ্চাহমেবাস্মি অহমেব চিদব্যযঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.৭॥

অহমেব হি গুপ্তাত্মা অহমেব নিরন্তরম্ ।
আনন্দং পরমং মানং ইদং দৃশ্যং ন কিঞ্চন ॥ ১৪.৮॥

অহমেব পরং ব্রহ্ম অহমেব গুরোর্গুরুঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.৯॥

অহমেবাখিলাধার অহমেব সুখাৎ সুখম্ ।
আনন্দং পরমং মানং ইদং দৃশ্যং ন কিঞ্চন ॥ ১৪.১০॥

অহমেব পরং জ্যোতিরহমেবাখিলাত্মকঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১১॥

অহমেব হি তৃপ্তাত্মা অহমেব হি নির্গুণঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১২॥

অহমেব হি পূর্ণাত্মা অহমেব পুরাতনঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১৩॥

অহমেব হি শান্তাত্মা অহমেব হি শাশ্বতঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১৪॥

অহমেব হি সর্বত্র অহমেব হি সুস্থিরঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১৫॥

অহমেব হি জীবাত্মা অহমেব পরাৎপরঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১৬॥

অহমেব হি বাক্যার্থো অহমেব হি শঙ্করঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১৭॥

অহমেব হি দুর্লক্ষ্য অহমেব প্রকাশকঃ ।
আনন্দং পরমং মানং ইদং দৃশ্যং ন কিঞ্চন ॥ ১৪.১৮॥

অহমেবাহমেবাহং অহমেব স্বয়ং স্বয়ম্ ।
অহমেব পরানন্দোঽহমেব হি চিন্ময়ঃ ॥ ১৪.১৯॥

অহমেব হি শুদ্ধাত্মা অহমেব হি সন্ময়ঃ ।
অহমেব হি শূন্যাত্মা অহমেব হি সর্বগঃ ॥ ১৪.২০॥

অহমেব হি বেদান্তঃ অহমেব হি চিৎপরঃ ॥ ১৪.২১॥

অহমেব হি চিন্মাত্রং অহমেব হি চিন্ময়ঃ ।
অন্যন্ন কিঞ্চিৎ চিদ্রূপাদহং বাহ্যবিবর্জিতঃ ॥ ১৪.২২॥

অহং ন কিঞ্চিদ্ ব্রহ্মাত্মা অহং নান্যদহং পরম্ ।
নিত্যশুদ্ধবিমুক্তোঽহং নিত্যতৃপ্তো নিরঞ্জনঃ ॥ ১৪.২৩॥

আনন্দং পরমানন্দমন্যৎ কিঞ্চিন্ন কিঞ্চন ।
নাস্তি কিঞ্চিন্নাস্তি কিঞ্চিৎ নাস্তি কিঞ্চিৎ পরাৎপরাৎ ॥ ১৪.২৪॥

আত্মৈবেদং জগৎ সর্বমাত্মৈবেদং মনোভবম্ ।
আত্মৈবেদং সুখং সর্বং আত্মৈবেদমিদং জগৎ ॥ ১৪.২৫॥

ব্রহ্মৈব সর্বং চিন্মাত্রং অহং ব্রহ্মৈব কেবলম্ ।
আনন্দং পরমং মানং ইদং দৃশ্যং ন কিঞ্চন ॥ ১৪.২৬॥

দৃশ্যং সর্বং পরং ব্রহ্ম দৃশ্যং নাস্ত্যেব সর্বদা ।
ব্রহ্মৈব সর্বসঙ্কল্পো ব্রহ্মৈব ন পরং ক্বচিৎ ।
আনন্দং পরমং মানং ইদং দৃশ্যং ন কিঞ্চন ॥ ১৪.২৭॥

ব্রহ্মৈব ব্রহ্ম চিদ্রূপং চিদেবং চিন্ময়ং জগৎ ।
অসদেব জগৎসর্বং অসদেব প্রপঞ্চকম্ ॥ ১৪.২৮॥

অসদেবাহমেবাস্মি অসদেব ৎবমেব হি ।
অসদেব মনোবৃত্তিরসদেব গুণাগুণৌ ॥ ১৪.২৯॥

অসদেব মহী সর্বা অসদেব জলং সদা ।
অসদেব জগৎখানি অসদেব চ তেজকম্ ॥ ১৪.৩০॥

অসদেব সদা বায়ুরসদেবেদমিত্যপি ।
অহঙ্কারমসদ্বুদ্ধির্ব্রহ্মৈব জগতাং গণঃ ॥ ১৪.৩১॥

অসদেব সদা চিত্তমাত্মৈবেদং ন সংশয়ঃ ।
অসদেবাসুরাঃ সর্বে অসদেবেদশ্বরাকৃতিঃ ॥ ১৪.৩২॥

অসদেব সদা বিশ্বং অসদেব সদা হরিঃ ।
অসদেব সদা ব্রহ্মা তৎসৃষ্টিরসদেব হি ॥ ১৪.৩৩॥

অসদেব মহাদেবঃ অসদেব গণেশ্বরঃ ।
অসদেব সদা চোমা অসৎ স্কন্দো গণেশ্বরাঃ ॥ ১৪.৩৪॥

অসদেব সদা জীব অসদেব হি দেহকম্ ।
অসদেব সদা বেদা অসদ্দেহান্তমেব চ ॥ ১৪.৩৫॥

ধর্মশাস্ত্রং পুরাণং চ অসত্যে সত্যবিভ্রমঃ ।
অসদেব হি সর্বং চ অসদেব পরংপরা ॥ ১৪.৩৬॥

অসদেবেদমাদ্যন্তমসদেব মুনীশ্বরাঃ ।
অসদেব সদা লোকা লোক্যা অপ্যসদেব হি ॥ ১৪.৩৭॥

অসদেব সুখং দুঃখং অসদেব জয়াজয়ৌ ।
অসদেব পরং বন্ধমসন্মুক্তিরপি ধ্রুবম্ ॥ ১৪.৩৮॥

অসদেব মৃতির্জন্ম অসদেব জডাজডম্ ।
অসদেব জগৎ সর্বমসদেবাত্মভাবনা ॥ ১৪.৩৯॥

অসদেব চ রূপাণি অসদেব পদং শুভম্ ।
অসদেব সদা চাহমসদেব ৎবমেব হি ॥ ১৪.৪০॥

অসদেব হি সর্বত্র অসদেব চলাচলম্ ।
অসচ্চ সকলং ভূতমসত্যং সকলং ফলম্ ॥ ১৪.৪১॥

অসত্যমখিলং বিশ্বমসত্যমখিলো গুণঃ ।
অসত্যমখিলং শেষমসত্যমখিলং জগৎ ॥ ১৪.৪২॥

অসত্যমখিলং পাপং অসত্যং শ্রবণত্রয়ম্ ।
অসত্যং চ সজাতীয়বিজাতীয়মসৎ সদা ॥ ১৪.৪৩॥

অসত্যমধিকারাশ্চ অনিত্যা বিষয়াঃ সদা ।
অসদেব হি দেবাদ্যা অসদেব প্রয়োজনম্ ॥ ১৪.৪৪॥

অসদেব শমং নিত্যং অসদেব শমোঽনিশম্ ।
অসদেব সসন্দেহং অসদ্যুদ্ধং সুরাসুরম্ ॥ ১৪.৪৫॥var was অসদেব চ সন্দেহং
অসদেবেশভাবং চাসদেবোপাস্যমেব হি ।
অসচ্চ কালদেশাদি অসৎ ক্ষেত্রাদিভাবনম্ ॥ ১৪.৪৬॥

তজ্জন্যধর্মাধর্মৌ চ অসদেব বিনির্ণয়ঃ ।
অসচ্চ সর্বকর্মাণি অসদস্বপরভ্রমঃ ॥ ১৪.৪৭॥

অসচ্চ চিত্তসদ্ভাব অসচ্চ স্থূলদেহকম্ ।
অসচ্চ লিঙ্গদেহং চ সত্যং সত্যং শিবং শপে ॥ ১৪.৪৮॥

অসত্যং স্বর্গনরকং অসত্যং তদ্ভবং সুখম্ ।
অসচ্চ গ্রাহকং সর্বং অসত্যং গ্রাহ্যরূপকম্ ॥ ১৪.৪৯॥

অসত্যং সত্যবদ্ভাবং অসত্যং তে শিবে শপে ।var was সত্যবদ্ভানং
অসত্যং বর্তমানাখ্যং অসত্যং ভূতরূপকম্ ॥ ১৪.৫০॥

অসত্যং হি ভবিষ্যাখ্যং সত্যং সত্যং শিবে শপে ।
অসৎ পূর্বমসন্মধ্যমসদন্তমিদং জগৎ ॥ ১৪.৫১॥

অসদেব সদা প্রায়ং অসদেব ন সংশয়ঃ ।
অসদেব সদা জ্ঞানমজ্ঞানজ্ঞেয়মেব চ ॥ ১৪.৫২॥

অসত্যং সর্বদা বিশ্বমসত্যং সর্বদা জডম্ ।
অসত্যং সর্বদা দৃশ্যং ভাতি তৌ রঙ্গশৃঙ্গবৎ ॥ ১৪.৫৩॥

অসত্যং সর্বদা ভাবঃ অসত্যং কোশসংভবম্ ।
অসত্যং সকলং মন্ত্রং সত্যং সত্যং ন সংশয়ঃ ॥ ১৪.৫৪॥

আত্মনোঽন্যজ্জগন্নাস্তি নাস্ত্যনাত্মমিদং সদা ।
আত্মনোঽন্যন্মৃষৈবেদং সত্যং সত্যং ন সংশয়ঃ ॥ ১৪.৫৫॥

আত্মনোঽন্যৎসুখং নাস্তি আত্মনোঽন্যন্ন কিঞ্চন ।
আত্মনোঽন্যা গতির্নাস্তি স্থিতমাত্মনি সর্বদা ॥ ১৪.৫৬॥

আত্মনোঽন্যন্ন হি ক্বাপি আত্মনোঽন্যৎ তৃণং ন হি ।
আত্মনোঽন্যন্ন কিঞ্চিচ্চ ক্বচিদপ্যাত্মনো ন হি ॥ ১৪.৫৭॥

আত্মানন্দপ্রকরণমেতত্তেঽভিহিতং ময়া ।
যঃ শৃণোতি সকৃদ্বিদ্বান্ ব্রহ্মৈব ভবতি স্বয়ম্ ॥ ১৪.৫৮॥

সকৃচ্ছ্রবণমাত্রেণ সদ্যোবন্ধবিমুক্তিদম্ ।
এতদ্গ্রন্থার্থমাত্রং বৈ গৃণন্ সর্বৈর্বিমুচ্যতে ॥ ১৪.৫৯॥

সূতঃ –
পূর্ণং সত্যং মহেশং ভজ নিয়তহৃদা যোঽন্তরায়ৈর্বিহীনঃ
সো নিত্যো নির্বিকল্পো ভবতি ভুবি সদা ব্রহ্মভূতো ঋতাত্মা ।
বিচ্ছিন্নগ্রন্থিরীশে শিববিমলপদে বিদ্যতে ভাসতেঽন্তঃ
আরামোঽন্তর্ভবতি নিয়তং বিশ্বভূতো মৃতশ্চ ॥ ১৪.৬০॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
আত্মানন্দপ্রকরণবর্ণনং নাম চতুর্দশোঽধ্যায়ঃ ॥

১৫ ॥ পঞ্চদশোঽধ্যায়ঃ ॥

ঋভুঃ –
মহারহস্যং বক্ষ্যামি গুহ্যাৎ গুহ্যতরং পুনঃ ।
অত্যন্তদুর্লভং লোকে সর্বং ব্রহ্মৈব কেবলম্ ॥ ১৫.১॥

ব্রহ্মমাত্রমিদং সর্বং ব্রহ্মমাত্রমসন্ন হি ।
ব্রহ্মমাত্রং শ্রুতং সর্বং সর্বং ব্রহ্মৈব কেবলম্ ॥ ১৫.২॥

ব্রহ্মমাত্রং মহায়ন্ত্রং ব্রহ্মমাত্রং ক্রিয়াফলম্ ।
ব্রহ্মমাত্রং মহাবাক্যং সর্বং ব্রহ্মৈব কেবলম্ ॥ ১৫.৩॥

ব্রহ্মমাত্রং জগৎসর্বং ব্রহ্মমাত্রং জডাজডম্ ।
ব্রহ্মমাত্রং পরং দেহং সর্বং ব্রহ্মৈব কেবলম্ ॥ ১৫.৪॥

ব্রহ্মমাত্রং গুণং প্রোক্তং ব্রহ্মমাত্রমহং মহৎ ।
ব্রহ্মমাত্রং পরং ব্রহ্ম সর্বং ব্রহ্মৈব কেবলম্ ॥ ১৫.৫॥

ব্রহ্মমাত্রমিদং বস্তু ব্রহ্মমাত্রং স চ পুমান্ ।
ব্রহ্মমাত্রং চ যৎ কিঞ্চিৎ সর্বং ব্রহ্মৈব কেবলম্ ॥ ১৫.৬॥

ব্রহ্মমাত্রমনন্তাত্মা ব্রহ্মমাত্রং পরং সুখম্ ।
ব্রহ্মমাত্রং পরং জ্ঞানং সর্বং ব্রহ্মৈব কেবলম্ ॥ ১৫.৭॥

ব্রহ্মমাত্রং পরং পারং ব্রহ্মমাত্রং পুরত্রয়ম্ ।
ব্রহ্মমাত্রমনেকৎবং সর্বং ব্রহ্মৈব কেবলম্ ॥ ১৫.৮॥

ব্রহ্মৈব কেবলং গন্ধং ব্রহ্মৈব পরমং পদম্ ।
ব্রহ্মৈব কেবলং ঘ্রাণং সর্বং ব্রহ্মৈব কেবলম্ ॥ ১৫.৯॥

ব্রহ্মৈব কেবলং স্পর্শং শব্দং ব্রহ্মৈব কেবলম্ ।
ব্রহ্মৈব কেবলং রূপং সর্বং ব্রহ্মৈব কেবলম্ ॥ ১৫.১০॥

ব্রহ্মৈব কেবলং লোকং রসো ব্রহ্মৈব কেবলম্ ।
ব্রহ্মৈব কেবলং চিত্তং সর্বং ব্রহ্মৈব কেবলম্ ॥ ১৫.১১॥

তৎপদং চ সদা ব্রহ্ম ৎবং পদং ব্রহ্ম এব হি ।
অসীত্যেব পদং ব্রহ্ম ব্রহ্মৈক্যং কেবলম্ সদা ॥ ১৫.১২॥

ব্রহ্মৈব কেবলং গুহ্যং ব্রহ্ম বাহ্যং চ কেবলম্ ।
ব্রহ্মৈব কেবলং নিত্যং সর্বং ব্রহ্মৈব কেবলম্ ॥ ১৫.১৩॥

ব্রহ্মৈব তজ্জলানীতি জগদাদ্যন্তয়োঃ স্থিতিঃ ।
ব্রহ্মৈব জগদাদ্যন্তং সর্বং ব্রহ্মৈব কেবলম্ ॥ ১৫.১৪॥

ব্রহ্মৈব চাস্তি নাস্তীতি ব্রহ্মৈবাহং ন সংশয়ঃ ।
ব্রহ্মৈব সর্বং যৎ কিঞ্চিৎ সর্বং ব্রহ্মৈব কেবলম্ ॥ ১৫.১৫॥

ব্রহ্মৈব জাগ্রৎ সর্বং হি ব্রহ্মমাত্রমহং পরম্ ।
ব্রহ্মৈব সত্যমস্তিৎবং ব্রহ্মৈব তুর্যমুচ্যতে ॥ ১৫.১৬॥

ব্রহ্মৈব সত্তা ব্রহ্মৈব ব্রহ্মৈব গুরুভাবনম্ ।
ব্রহ্মৈব শিষ্যসদ্ভাবং মোক্ষং ব্রহ্মৈব কেবলম্ ॥ ১৫.১৭॥

পূর্বাপরং চ ব্রহ্মৈব পূর্ণং ব্রহ্ম সনাতনম্ ।
ব্রহ্মৈব কেবলং সাক্ষাৎ সর্বং ব্রহ্মৈব কেবলম্ ॥ ১৫.১৮॥

ব্রহ্ম সচ্চিৎসুখং ব্রহ্ম পূর্ণং ব্রহ্ম সনাতনম্ ।
ব্রহ্মৈব কেবলং সাক্ষাৎ সর্বং ব্রহ্মৈব কেবলম্ ॥ ১৫.১৯॥

ব্রহ্মৈব কেবলং সচ্চিৎ সুখং ব্রহ্মৈব কেবলম্ ।
আনন্দং ব্রহ্ম সর্বত্র প্রিয়রূপমবস্থিতম্ ॥ ১৫.২০॥

শুভবাসনয়া জীবং শিববদ্ভাতি সর্বদা ।
পাপবাসনয়া জীবো নরকং ভোজ্যবৎ স্থিতম্ ॥ ১৫.২১॥

ব্রহ্মৈবেন্দ্রিয়বদ্ভানং ব্রহ্মৈব বিষয়াদিবৎ ।
ব্রহ্মৈব ব্যবহারশ্চ সর্বং ব্রহ্মৈব কেবলম্ ॥ ১৫.২২॥

ব্রহ্মৈব সর্বমানন্দং ব্রহ্মৈব জ্ঞানবিগ্রহম্ ।
ব্রহ্মৈব মায়াকার্যাখ্যং সর্বং ব্রহ্মৈব কেবলম্ ॥ ১৫.২৩॥

ব্রহ্মৈব যজ্ঞসন্ধানং ব্রহ্মৈব হৃদয়াম্বরম্ ।
ব্রহ্মৈব মোক্ষসারাখ্যং সর্বং ব্রহ্মৈব কেবলম্ ॥ ১৫.২৪॥

ব্রহ্মৈব শুদ্ধাশুদ্ধং চ সর্বং ব্রহ্মৈব কারণম্ ।
ব্রহ্মৈব কার্যং ভূলোকং সর্বং ব্রহ্মৈব কেবলম্ ॥ ১৫.২৫॥

ব্রহ্মৈব নিত্যতৃপ্তাত্মা ব্রহ্মৈব সকলং দিনম্ ।
ব্রহ্মৈব তূষ্ণীং ভূতাত্মা সর্বং ব্রহ্মৈব কেবলম্ ॥ ১৫.২৬॥

ব্রহ্মৈব বেদসারার্থঃ ব্রহ্মৈব ধ্যানগোচরম্ ।
ব্রহ্মৈব যোগয়োগাখ্যং সর্বং ব্রহ্মৈব কেবলম্ ॥ ১৫.২৭॥

নানারূপৎবাদ্ ব্রহ্ম উপাধিৎবেন দৃশ্যতে ।
মায়ামাত্রমিতি জ্ঞাৎবা বস্তুতো নাস্তি তত্ত্বতঃ ॥ ১৫.২৮॥

ব্রহ্মৈব লোকবদ্ভাতি ব্রহ্মৈব জনবত্তথা ।
ব্রহ্মৈব রূপবদ্ভাতি বস্তুতো নাস্তি কিঞ্চন ॥ ১৫.২৯॥

ব্রহ্মৈব দেবতাকারং ব্রহ্মৈব মুনিমণ্ডলম্ ।
ব্রহ্মৈব ধ্যানরূপং চ সর্বং ব্রহ্মৈব কেবলম্ ॥ ১৫.৩০॥

ব্রহ্মৈব জ্ঞানবিজ্ঞানং ব্রহ্মৈব পরমেশ্বরঃ ।
ব্রহ্মৈব শুদ্ধবুদ্ধাত্মা সর্বং ব্রহ্মৈব কেবলম্ ॥ ১৫.৩১॥

ব্রহ্মৈব পরমানদং ব্রহ্মৈব ব্যাপকং মহৎ ।
ব্রহ্মৈব পরমার্থং চ সর্বং ব্রহ্মৈব কেবলম্ ॥ ১৫.৩২॥

ব্রহ্মৈব যজ্ঞরূপং চ ব্রহ্ম হব্যং চ কেবলম্ ।
ব্রহ্মৈব জীবভূতাত্মা সর্বং ব্রহ্মৈব কেবলম্ ॥ ১৫.৩৩॥

ব্রহ্মৈব সকলং লোকং ব্রহ্মৈব গুরুশিষ্যকম্ ।
ব্রহ্মৈব সর্বসিদ্ধিং চ সর্বং ব্রহ্মৈব কেবলম্ ॥ ১৫.৩৪॥

ব্রহ্মৈব সর্বমন্ত্রং চ ব্রহ্মৈব সকলং জপম্ ।
ব্রহ্মৈব সর্বকার্যং চ সর্বং ব্রহ্মৈব কেবলম্ ॥ ১৫.৩৫॥

ব্রহ্মৈব সর্বশান্তৎবং ব্রহ্মৈব হৃদয়ান্তরম্ ।
ব্রহ্মৈব সর্বকৈবল্যং সর্বং ব্রহ্মৈব কেবলম্ ॥ ১৫.৩৬॥

ব্রহ্মৈবাক্ষরভাবঞ্চ ব্রহ্মৈবাক্ষরলক্ষণম্ ।
ব্রহ্মৈব ব্রহ্মরূপঞ্চ সর্বং ব্রহ্মৈব কেবলম্ ॥ ১৫.৩৭॥

ব্রহ্মৈব সত্যভবনং ব্রহ্মৈবাহং ন সংশয়ঃ ।
ব্রহ্মৈব তৎপদার্থঞ্চ সর্বং ব্রহ্মৈব কেবলম্ ॥ ১৫.৩৮॥

ব্রহ্মৈবাহংপদার্থঞ্চ ব্রহ্মৈব পরমেশ্বরঃ ।
ব্রহ্মৈব ৎবংপদার্থঞ্চ সর্বং ব্রহ্মৈব কেবলম্ ॥ ১৫.৩৯॥

ব্রহ্মৈব যদ্যৎ পরমং ব্রহ্মৈবেতি পরায়ণম্ ।
ব্রহ্মৈব কলনাভাবং সর্বং ব্রহ্মৈব কেবলম্ ॥ ১৫.৪০॥

ব্রহ্ম সর্বং ন সন্দেহো ব্রহ্মৈব ৎবং সদাশিবঃ ।
ব্রহ্মৈবেদং জগৎ সর্বং সর্বং ব্রহ্মৈব কেবলম্ ॥ ১৫.৪১॥

ব্রহ্মৈব সর্বসুলভং ব্রহ্মৈবাত্মা স্বয়ং স্বয়ম্ ।
ব্রহ্মৈব সুখমাত্রৎবাৎ সর্বং ব্রহ্মৈব কেবলম্ ॥ ১৫.৪২॥

ব্রহ্মৈব সর্বং ব্রহ্মৈব ব্রহ্মণোঽন্যদসৎ সদা ।
ব্রহ্মৈব ব্রহ্মমাত্রাত্মা সর্বং ব্রহ্মৈব কেবলম্ ॥ ১৫.৪৩॥

ব্রহ্মৈব সর্ববাক্যার্থঃ ব্রহ্মৈব পরমং পদম্ ।
ব্রহ্মৈব সত্যাসত্যং চ সর্বং ব্রহ্মৈব কেবলম্ ॥ ১৫.৪৪॥

ব্রহ্মৈবৈকমনাদ্যন্তং ব্রহ্মৈবৈকং ন সংশয়ঃ ।
ব্রহ্মৈবৈকং চিদানন্দঃ সর্বং ব্রহ্মৈব কেবলম্ ॥ ১৫.৪৫॥

ব্রহ্মৈবৈকং সুখং নিত্যং ব্রহ্মৈবৈকং পরায়ণম্ ।
ব্রহ্মৈবৈকং পরং ব্রহ্ম সর্বং ব্রহ্মৈব কেবলম্ ॥ ১৫.৪৬॥

ব্রহ্মৈব চিৎ স্বয়ং স্বস্থং ব্রহ্মৈব গুণবর্জিতম্ ।
ব্রহ্মৈবাত্যন্তিকং সর্বং সর্বং ব্রহ্মৈব কেবলম্ ॥ ১৫.৪৭॥

ব্রহ্মৈব নির্মলং সর্বং ব্রহ্মৈব সুলভং সদা ।
ব্রহ্মৈব সত্যং সত্যানাং সর্বং ব্রহ্মৈব কেবলম্ ॥ ১৫.৪৮॥

ব্রহ্মৈব সৌখ্যং সৌখ্যং চ ব্রহ্মৈবাহং সুখাত্মকম্ ।
ব্রহ্মৈব সর্বদা প্রোক্তং সর্বং ব্রহ্মৈব কেবলম্ ॥ ১৫.৪৯॥

ব্রহ্মৈবমখিলং ব্রহ্ম ব্রহ্মৈকং সর্বসাক্ষিকম্ ।
ব্রহ্মৈব ভূরিভবনং সর্বং ব্রহ্মৈব কেবলম্ ॥ ১৫.৫০॥

ব্রহ্মৈব পরিপূর্ণাত্মা ব্রহ্মৈবং সারমব্যযম্ ।
ব্রহ্মৈব কারণং মূলং ব্রহ্মৈবৈকং পরায়ণম্ ॥ ১৫.৫১॥

ব্রহ্মৈব সর্বভূতাত্মা ব্রহ্মৈব সুখবিগ্রহম্ ।
ব্রহ্মৈব নিত্যতৃপ্তাত্মা সর্বং ব্রহ্মৈব কেবলম্ ॥ ১৫.৫২॥

ব্রহ্মৈবাদ্বৈতমাত্রাত্মা ব্রহ্মৈবাকাশবৎ প্রভুঃ ।
ব্রহ্মৈব হৃদয়ানন্দঃ সর্বং ব্রহ্মৈব কেবলম্ ॥ ১৫.৫৩॥

ব্রহ্মণোঽন্যৎ পরং নাস্তি ব্রহ্মণোঽন্যজ্জগন্ন চ ।
ব্রহ্মণোঽন্যদহং নাহং সর্বং ব্রহ্মৈব কেবলম্ ॥ ১৫.৫৪॥

ব্রহ্মৈবান্যসুখং নাস্তি ব্রহ্মণোঽন্যৎ ফলং ন হি ।
ব্রহ্মণোঽন্যৎ তৃণং নাস্তি সর্বং ব্রহ্মৈব কেবলম্ ॥ ১৫.৫৫॥

ব্রহ্মণোঽন্যৎ পদং মিথ্যা ব্রহ্মণোঽন্যন্ন কিঞ্চন ।
ব্রহ্মণোঽন্যজ্জগন্মিথ্যা সর্বং ব্রহ্মৈব কেবলম্ ॥ ১৫.৫৬॥

ব্রহ্মণোঽন্যদহং মিথ্যা ব্রহ্মমাত্রোহমেব হি ।
ব্রহ্মণোঽন্যো গুরুর্নাস্তি সর্বং ব্রহ্মৈব কেবলম্ ॥ ১৫.৫৭॥

ব্রহ্মণোঽন্যদসৎ কার্যং ব্রহ্মণোঽন্যদসদ্বপুঃ ।
ব্রহ্মণোঽন্যন্মনো নাস্তি সর্বং ব্রহ্মৈব কেবলম্ ॥ ১৫.৫৮॥

ব্রহ্মণোঽন্যজ্জগন্মিথ্যা ব্রহ্মণোঽন্যন্ন কিঞ্চন ।
ব্রহ্মণোঽন্যন্ন চাহন্তা সর্বং ব্রহ্মৈব কেবলম্ ॥ ১৫.৫৯॥

ব্রহ্মৈব সর্বমিত্যেবং প্রোক্তং প্রকরণং ময়া ।
যঃ পঠেৎ শ্রাবয়েৎ সদ্যো ব্রহ্মৈব ভবতি স্বয়ম্ ॥ ১৫.৬০॥

অস্তি ব্রহ্মেতি বেদে ইদমিদমখিলং বেদ সো সদ্ভবেৎ ।
সচ্চাসচ্চ জগত্তথা শ্রুতিবচো ব্রহ্মৈব তজ্জাদিকম্ ॥

যতো বিদ্যৈবেদং পরিলুঠতি মোহেন জগতি ।
অতো বিদ্যাপাদো পরিভবতি ব্রহ্মৈব হি সদা ॥ ১৫.৬১॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ব্রহ্মৈব সর্বং প্রকরণনিরূপণং নাম পঞ্চদশোঽধ্যায়ঃ ॥

১৬ ॥ ষোডশোঽধ্যায়ঃ ॥

ঋভুঃ –
অত্যন্তং দুর্লভং বক্ষ্যে বেদশাস্ত্রাগমাদিষু ।
শৃণ্বন্তু সাবধানেন অসদেব হি কেবলম্ ॥ ১৬.১॥

যৎকিঞ্চিদ্ দৃশ্যতে লোকে যৎকিঞ্চিদ্ভাষতে সদা ।
যৎকিঞ্চিদ্ ভুজ্যতে ক্বাপি তৎসর্বমসদেব হি ॥ ১৬.২॥

যদ্যৎ কিঞ্চিজ্জপং বাপি স্নানং বা জলমেব বা ।
আত্মনোঽন্যৎ পরং যদ্যৎ অসৎ সর্বং ন সংশয়ঃ ॥ ১৬.৩॥

চিত্তকার্যং বুদ্ধিকার্যং মায়াকার্যং তথৈব হি ।
আত্মনোঽন্যৎ পরং কিঞ্চিৎ তৎসর্বমসদেব হি ॥ ১৬.৪॥

অহন্তায়াঃ পরং রূপং ইদংৎবং সত্যমিত্যপি ।
আত্মনোঽন্যৎ পরং কিঞ্চিৎ তৎসর্বমসদেব হি ॥ ১৬.৫॥

নানাৎবমেব রূপৎবং ব্যবহারঃ ক্বচিৎ ক্বচিৎ ।
আত্মীয় এব সর্বত্র তৎসর্বমসদেব হি ॥ ১৬.৬॥

তত্ত্বভেদং জগদ্ভেদং সর্বভেদমসত্যকম্ ।
ইচ্ছাভেদং জগদ্ভেদং তৎসর্বমসদেব হি ॥ ১৬.৭॥

দ্বৈতভেদং চিত্রভেদং জাগ্রদ্ভেদং মনোময়ম্ ।
অহংভেদমিদংভেদমসদেব হি কেবলম্ ॥ ১৬.৮॥

স্বপ্নভেদং সুপ্তিভেদং তুর্যভেদমভেদকম্ ।
কর্তৃভেদং কার্যভেদং গুণভেদং রসাত্মকম্ ।
লিঙ্গভেদমিদংভেদমসদেব হি কেবলম্ ॥ ১৬.৯॥

আত্মভেদমসদ্ভেদং সদ্ভেদমসদণ্বপি ।
অত্যন্তাভাবসদ্ভেদম্ অসদেব হি কেবলম্ ॥ ১৬.১০॥

অস্তিভেদং নাস্তিভেদমভেদং ভেদবিভ্রমঃ ।
ভ্রান্তিভেদং ভূতিভেদমসদেব হি কেবলম্ ॥ ১৬.১১॥

পুনরন্যত্র সদ্ভেদমিদমন্যত্র বা ভয়ম্ ।
পুণ্যভেদং পাপভেদং অসদেব হি কেবলম্ ॥ ১৬.১২॥

সঙ্কল্পভেদং তদ্ভেদং সদা সর্বত্র ভেদকম্ ।
জ্ঞানাজ্ঞানময়ং সর্বং অসদেব হি কেবলম্ ॥ ১৬.১৩॥

ব্রহ্মভেদং ক্ষত্রভেদং ভূতভৌতিকভেদকম্ ।
ইদংভেদমহংভেদং অসদেব হি কেবলম্ ॥ ১৬.১৪॥

বেদভেদং দেবভেদং লোকানাং ভেদমীদৃশম্ ।
পঞ্চাক্ষরমসন্নিত্যম্ অসদেব হি কেবলম্ ॥ ১৬.১৫॥

জ্ঞানেন্দ্রিয়মসন্নিত্যং কর্মেন্দ্রিয়মসৎসদা ।
অসদেব চ শব্দাখ্যং অসত্যং তৎফলং তথা ॥ ১৬.১৬॥

অসত্যং পঞ্চভূতাখ্যমসত্যং পঞ্চদেবতাঃ ।
অসত্যং পঞ্চকোশাখ্যম্ অসদেব হি কেবলম্ ॥ ১৬.১৭॥

অসত্যং ষড্বিকারাদি অসত্যং ষট্কমূর্মিণাম্ ।
অসত্যমরিষড্বর্গমসত্যং ষডৃতুস্তদা ॥ ১৬.১৮॥var was তথা
অসত্যং দ্বাদশমাসাঃ অসত্যং বৎসরস্তথা ।
অসত্যং ষডবস্থাখ্যং ষট্কালমসদেব হি ॥ ১৬.১৯॥

অসত্যমেব ষট্শাস্ত্রং অসদেব হি কেবলম্ ।
অসদেব সদা জ্ঞানং অসদেব হি কেবলম্ ॥ ১৬.২০॥

অনুক্তমুক্তং নোক্তং চ অসদেব হি কেবলম্ ।
অসৎপ্রকরণং প্রোক্তং সর্ববেদেষু দুর্লভম্ ॥ ১৬.২১॥

ভূয়ঃ শৃণু ৎবং যোগীন্দ্র সাক্ষান্মোক্ষং ব্রবীম্যহম্ ।
সন্মাত্রমহমেবাত্মা সচ্চিদানন্দ কেবলম্ ॥ ১৬.২২॥

সন্ময়ানন্দভূতাত্মা চিন্ময়ানন্দসদ্ঘনঃ ।
চিন্ময়ানন্দসন্দোহচিদানন্দো হি কেবলম্ ॥ ১৬.২৩॥

চিন্মাত্রজ্যোতিরান্দশ্চিন্মাত্রজ্যোতিবিগ্রহঃ ।
চিন্মাত্রজ্যোতিরীশানঃ সর্বদানন্দকেবলম্ ॥ ১৬.২৪॥

চিন্মাত্রজ্যোতিরখিলং চিন্মাত্রজ্যোতিরস্ম্যহম্ ।
চিন্মাত্রং সর্বমেবাহং সর্বং চিন্মাত্রমেব হি ॥ ১৬.২৫॥

চিন্মাত্রমেব চিত্তং চ চিন্মাত্রং মোক্ষ এব চ ।
চিন্মাত্রমেব মননং চিন্মাত্রং শ্রবণং তথা ॥ ১৬.২৬॥

চিন্মাত্রমহমেবাস্মি সর্বং চিন্মাত্রমেব হি ।
চিন্মাত্রং নির্গুণং ব্রহ্ম চিন্মাত্রং সগুণং পরম্ ॥ ১৬.২৭॥

চিন্মাত্রমহমেব ৎবং সর্বং চিন্মাত্রমেব হি ।
চিন্মাত্রমেব হৃদয়ং চিন্মাত্রং চিন্ময়ং সদা ॥ ১৬.২৮॥

চিদেব ৎবং চিদেবাহং সর্বং চিন্মাত্রমেব হি ।
চিন্মাত্রমেব শান্তৎবং চিন্মাত্রং শান্তিলক্ষণম্ ॥ ১৬.২৯॥

চিন্মাত্রমেব বিজ্ঞানং চিন্মাত্রং ব্রহ্ম কেবলম্ ।
চিন্মাত্রমেব সংকল্পং চিন্মাত্রং ভুবনত্রয়ম্ ॥ ১৬.৩০॥

চিন্মাত্রমেব সর্বত্র চিন্মাত্রং ব্যাপকো গুরুঃ ।
চিন্মাত্রমেব শুদ্ধৎবং চিন্মাত্রং ব্রহ্ম কেবলম্ ॥ ১৬.৩১॥

চিন্মাত্রমেব চৈতন্যং চিন্মাত্রং ভাস্করাদিকম্ ।
চিন্মাত্রমেব সন্মাত্রং চিন্মাত্রং জগদেব হি ॥ ১৬.৩২॥

চিন্মাত্রমেব সৎকর্ম চিন্মাত্রং নিত্যমঙ্গলম্ ।
চিন্মাত্রমেব হি ব্রহ্ম চিন্মাত্রং হরিরেব হি ॥ ১৬.৩৩॥

চিন্মাত্রমেব মৌনাত্মা চিন্মাত্রং সিদ্ধিরেব হি ।
চিন্মাত্রমেব জনিতং চিন্মাত্রং সুখমেব হি ॥ ১৬.৩৪॥

চিন্মাত্রমেব গগনং চিন্মাত্রং পর্বতং জলম্ ।
চিন্মাত্রমেব নক্ষত্রং চিন্মাত্রং মেঘমেব হি ॥ ১৬.৩৫॥

চিদেব দেবতাকারং চিদেব শিবপূজনম্ ।
চিন্মাত্রমেব কাঠিন্যং চিন্মাত্রং শীতলং জলম্ ॥ ১৬.৩৬॥

চিন্মাত্রমেব মন্তব্যং চিন্মাত্রং দৃশ্যভাবনম্ ।
চিন্মাত্রমেব সকলং চিন্মাত্রং ভুবনং পিতা ॥ ১৬.৩৭॥

চিন্মাত্রমেব জননী চিন্মাত্রান্নাস্তি কিঞ্চন ।
চিন্মাত্রমেব নয়নং চিন্মাত্রং শ্রবণং সুখম্ ॥ ১৬.৩৮॥

চিন্মাত্রমেব করণং চিন্মাত্রং কার্যমীশ্বরম্ ।
চিন্মাত্রং চিন্ময়ং সত্যং চিন্মাত্রং নাস্তি নাস্তি হি ॥ ১৬.৩৯॥

চিন্মাত্রমেব বেদান্তং চিন্মাত্রং ব্রহ্ম নিশ্চয়ম্ ।
চিন্মাত্রমেব সদ্ভাবি চিন্মাত্রং ভাতি নিত্যশঃ ॥ ১৬.৪০॥

চিদেব জগদাকারং চিদেব পরমং পদম্ ।
চিদেব হি চিদাকারং চিদেব হি চিদব্যযঃ ॥ ১৬.৪১॥

চিদেব হি শিবাকারং চিদেব হি শিববিগ্রহঃ ।
চিদাকারমিদং সর্বং চিদাকারং সুখাসুখম্ ॥ ১৬.৪২॥

চিদেব হি জডাকারং চিদেব হি নিরন্তরম্ ।
চিদেবকলনাকারং জীবাকারং চিদেব হি ॥ ১৬.৪৩॥

চিদেব দেবতাকারং চিদেব শিবপূজনম্ ।
চিদেব ৎবং চিদেবাহং সর্বং চিন্মাত্রমেব হি ॥ ১৬.৪৪॥

চিদেব পরমাকারং চিদেব হি নিরাময়ম্ ।
চিন্মাত্রমেব সততং চিন্মাত্রং হি পরায়ণম্ ॥ ১৬.৪৫॥

চিন্মাত্রমেব বৈরাগ্যং চিন্মাত্রং নির্গুণং সদা ।
চিন্মাত্রমেব সঞ্চারং চিন্মাত্রং মন্ত্রতন্ত্রকম্ ॥ ১৬.৪৬॥

চিদাকারমিদং বিশ্বং চিদাকারং জগত্ত্রয়ম্ ।
চিদাকারমহঙ্কারং চিদাকারং পরাৎ পরম্ ॥ ১৬.৪৭॥

চিদাকারমিদং ভেদং চিদাকারং তৃণাদিকম্ ।
চিদাকারং চিদাকাশং চিদাকারমরূপকম্ ॥ ১৬.৪৮॥

চিদাকারং মহানন্দং চিদাকারং সুখাৎ সুখম্ ।
চিদাকারং সুখং ভোজ্যং চিদাকারং পরং গুরুম্ ॥ ১৬.৪৯॥

চিদাকারমিদং বিশ্বং চিদাকারমিদং পুমান্ ।
চিদাকারমজং শান্তং চিদাকারমনাময়ম্ ॥ ১৬.৫০॥

চিদাকারং পরাতীতং চিদাকারং চিদেব হি ।
চিদাকারং চিদাকাশং চিদাকাশং শিবায়তে ॥ ১৬.৫১॥

চিদাকারং সদা চিত্তং চিদাকারং সদাঽমৃতম্ ।
চিদাকারং চিদাকাশং তদা সর্বান্তরান্তরম্ ॥ ১৬.৫২॥

চিদাকারমিদং পূর্ণং চিদাকারমিদং প্রিয়ম্ ।
চিদাকারমিদং সর্বং চিদাকারমহং সদা ॥ ১৬.৫৩॥

চিদাকারমিদং স্থানং চিদাকারং হৃদম্বরম্ ।
চিদাবোধং চিদাকারং চিদাকাশং ততং সদা ॥ ১৬.৫৪॥

চিদাকারং সদা পূর্ণং চিদাকারং মহৎফলম্ ।
চিদাকারং পরং তত্ত্বং চিদাকারং পরং ভবান্ ॥ ১৬.৫৫॥

চিদাকারং সদামোদং চিদাকারং সদা মৃতম্ ।
চিদাকারং পরং ব্রহ্ম চিদহং চিদহং সদা ॥ ১৬.৫৬॥

চিদহং চিদহং চিত্তং চিত্তং স্বস্য ন সংশয়ঃ ।
চিদেব জগদাকারং চিদেব শিবশঙ্করঃ ॥ ১৬.৫৭॥

চিদেব গগনাকারং চিদেব গণনায়কম্ ।
চিদেব ভুবনাকারং চিদেব ভবভাবনম্ ॥ ১৬.৫৮॥

চিদেব হৃদয়াকারং চিদেব হৃদয়েশ্বরঃ ।
চিদেব অমৃতাকারং চিদেব চলনাস্পদম্ ॥ ১৬.৫৯॥

চিদেবাহং চিদেবাহং চিন্ময়ং চিন্ময়ং সদা ।
চিদেব সত্যবিশ্বাসং চিদেব ব্রহ্মভাবনম্ ॥ ১৬.৬০॥

চিদেব পরমং দেবং চিদেব হৃদয়ালয়ম্ ।
চিদেব সকলাকারং চিদেব জনমণ্ডলম্ ॥ ১৬.৬১॥

চিদেব সর্বমানন্দং চিদেব প্রিয়ভাষণম্ ।
চিদেব ৎবং চিদেবাহং সর্বং চিন্মাত্রমেব হি ॥ ১৬.৬২॥

চিদেব পরমং ধ্যানং চিদেব পরমর্হণম্ ।
চিদেব ৎবং চিদেবাহং সর্বং চিন্ময়মেব হি ॥ ১৬.৬৩॥

চিদেব ৎবং প্রকরণং সর্ববেদেষু দুর্লভম্ ।
সকৃচ্ছ্রবণমাত্রেণ ব্রহ্মৈব ভবতি ধ্রুবম্ ॥ ১৬.৬৪॥

যস্যাভিধ্যানয়োগাজ্জনিমৃতিবিবশাঃ শাশ্বতং বৃত্তিভির্যে
মায়ামোহৈর্বিহীনা হৃদুদরভয়জং ছিদ্যতে গ্রন্থিজাতম্ ।
বিশ্বং বিশ্বাধিকরসং ভবতি ভবতো দর্শনাদাপ্তকামঃ
সো নিত্যো নির্বিকল্পো ভবতি ভুবি সদা ব্রহ্মভূতোঽন্তরাত্মা ॥ ১৬.৬৫॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
চিদেবৎবংপ্রকরণবর্ণনং নাম ষোডশোঽধ্যায়ঃ ॥

১৭ ॥ সপ্তদশোঽধ্যায়ঃ ॥

ঋভুঃ –
নিদাঘ শৃণু গুহ্যং মে সর্বসিদ্ধান্তসঙ্গ্রহম্ ।
দ্বৈতাদ্বৈতমিদং শূন্যং শান্তং ব্রহ্মৈব সর্বদা ॥ ১৭.১॥

অহমেব পরং ব্রহ্ম অহমেব পরাৎ পরম্ ।
দ্বৈতাদ্বৈতমিদং শূন্যং শান্তং ব্রহ্মৈব কেবলম্ ॥ ১৭.২॥

অহমেব হি শান্তাত্মা অহমেব হি সর্বগঃ ।
অহমেব হি শুদ্ধাত্মা অহমেব হি নিত্যশঃ ॥ ১৭.৩॥

অহমেব হি নানাত্মা অহমেব হি নির্গুণঃ ।
অহমেব হি নিত্যাত্মা অহমেব হি কারণম্ ॥ ১৭.৪॥

অহমেব হি জগৎ সর্বং ইদং চৈবাহমেব হি ।
অহমেব হি মোদাত্মা অহমেব হি মুক্তিদঃ ॥ ১৭.৫॥

অহমেব হি চৈতন্যং অহমেব হি চিন্ময়ঃ ।
অহমেব হি চৈতন্যমহং সর্বান্তরঃ সদা ॥ ১৭.৬॥

অহমেব হি ভূতাত্মা ভৌতিকং ৎবহমেব হি ।
অহমেব ৎবমেবাহমহমেবাহমেব হি ॥ ১৭.৭॥

জীবাত্মা ৎবহমেবাহমহমেব পরেশ্বরঃ ।
অহমেব বিভুর্নিত্যমহমেব স্বয়ং সদা ॥ ১৭.৮॥

অহমেবাক্ষরং সাক্ষাৎ অহমেব হি মে প্রিয়ম্ ।
অহমেব সদা ব্রহ্ম অহমেব সদাঽব্যযঃ ॥ ১৭.৯॥

অহমেবাহমেবাগ্রে অহমেবান্তরান্তরঃ ।
অহমেব চিদাকাশমহমেবাবভাসকঃ ॥ ১৭.১০॥

অহমেব সদা স্রষ্টা অহমেব হি রক্ষকঃ ।
অহমেব হি লীলাত্মা অহমেব হি নিশ্চয়ঃ ॥ ১৭.১১॥

অহমেব সদা সাক্ষী ৎবমেব ৎবং পুরাতনঃ ।
ৎবমেব হি পরং ব্রহ্ম ৎবমেব হি নিরন্তরম্ ॥ ১৭.১২॥

অহমেবাহমেবাহমহমেব ৎবমেব হি ।
অহমেবাদ্বয়াকারঃ অহমেব বিদেহকঃ ॥ ১৭.১৩॥

অহমেব মমাধারঃ অহমেব সদাত্মকঃ ।
অহমেবোপশান্তাত্মা অহমেব তিতিক্ষকঃ ॥ ১৭.১৪॥

অহমেব সমাধানং শ্রদ্ধা চাপ্যহমেব হি ।
অহমেব মহাব্যোম অহমেব কলাত্মকঃ ॥ ১৭.১৫॥

অহমেব হি কামান্তঃ অহমেব সদান্তরঃ ।
অহমেব পুরস্তাচ্চ অহং পশ্চাদহং সদা ॥ ১৭.১৬॥

অহমেব হি বিশ্বাত্মা অহমেব হি কেবলম্ ।
অহমেব পরং ব্রহ্ম অহমেব পরাৎপরঃ ॥ ১৭.১৭॥

অহমেব চিদানন্দঃ অহমেব সুখাসুখম্ ।
অহমেব গুরুৎবং চ অহমেবাচ্যুতঃ সদা ॥ ১৭.১৮॥

অহমেব হি বেদান্তঃ অহমেব হি চিন্তনঃ ।
দেহোঽহং শুদ্ধচৈতন্যঃ অহং সংশয়বর্জিতঃ ॥ ১৭.১৯॥

অহমেব পরং জ্যোতিরহমেব পরং পদম্ ।
অহমেবাবিনাশ্যাত্মা অহমেব পুরাতনঃ ॥ ১৭.২০॥

অহং ব্রহ্ম ন সন্দেহঃ অহমেব হি নিষ্কলঃ ।
অহং তুর্যো ন সন্দেহঃ অহমাত্মা ন সংশয়ঃ ॥ ১৭.২১॥

অহমিত্যপি হীনোঽহমহং ভাবনবর্জিতঃ ।
অহমেব হি ভাবান্তা অহমেব হি শোভনম্ ॥ ১৭.২২॥

অহমেব ক্ষণাতীতঃ অহমেব হি মঙ্গলম্ ।
অহমেবাচ্যুতানন্দঃ অহমেব নিরন্তরম্ ॥ ১৭.২৩॥

অহমেবাপ্রমেয়াত্মা অহং সংকল্পবর্জিতঃ ।
অহং বুদ্ধঃ পরংধাম অহং বুদ্ধিবিবর্জিতঃ ॥ ১৭.২৪॥

অহমেব সদা সত্যং অহমেব সদাসুখম্ ।
অহমেব সদা লভ্যং অহং সুলভকারণম্ ॥ ১৭.২৫॥

অহং সুলভবিজ্ঞানং দুর্লভো জ্ঞানিনাং সদা ।
অহং চিন্মাত্র এবাত্মা অহমেব হি চিদ্ঘনঃ ॥ ১৭.২৬॥

অহমেব ৎবমেবাহং ব্রহ্মৈবাহং ন সংশয়ঃ ।
অহমাত্মা ন সন্দেহঃ সর্বব্যাপী ন সংশয়ঃ ॥ ১৭.২৭॥

অহমাত্মা প্রিয়ং সত্যং সত্যং সত্যং পুনঃ পুনঃ ।
অহমাত্মাঽজরো ব্যাপী অহমেবাত্মনো গুরুঃ ॥ ১৭.২৮॥

অহমেবামৃতো মোক্ষো অহমেব হি নিশ্চলঃ ।
অহমেব হি নিত্যাত্মা অহং মুক্তো ন সংশয়ঃ ॥ ১৭.২৯॥

অহমেব সদা শুদ্ধঃ অহমেব হি নির্গুণঃ ।
অহং প্রপঞ্চহীনোঽহং অহং দেহবিবর্জিতঃ ॥ ১৭.৩০॥

অহং কামবিহীনাত্মা অহং মায়াবিবর্জিতঃ ।
অহং দোষপ্রবৃত্তাত্মা অহং সংসারবর্জিতঃ ॥ ১৭.৩১॥

অহং সঙ্কল্পরহিতো বিকল্পরহিতঃ শিবঃ ।
অহমেব হি তুর্যাত্মা অহমেব হি নির্মলঃ ॥ ১৭.৩২॥

অহমেব সদা জ্যোতিরহমেব সদা প্রভুঃ ।
অহমেব সদা ব্রহ্ম অহমেব সদা পরঃ ॥ ১৭.৩৩॥

অহমেব সদা জ্ঞানমহমেব সদা মৃদুঃ ।
অহমেব হি চিত্তং চ অহং মানবিবর্জিতঃ ॥ ১৭.৩৪॥

অহংকারশ্চ সংসারমহঙ্কারমসৎসদা ।
অহমেব হি চিন্মাত্রং মত্তোঽন্যন্নাস্তি নাস্তি হি ॥ ১৭.৩৫॥

অহমেব হি মে সত্যং মত্তোঽন্যন্নাস্তি কিঞ্চন ।
মত্তোঽন্যত্তৎপদং নাস্তি মত্তোঽন্যৎ ৎবৎপদং নহি ॥ ১৭.৩৬॥

পুণ্যমিত্যপি ন ক্বাপি পাপমিত্যপি নাস্তি হি ।
ইদং ভেদময়ং ভেদং সদসদ্ভেদমিত্যপি ॥ ১৭.৩৭॥

নাস্তি নাস্তি ৎবয়া সত্যং সত্যং সত্যং পুনঃ পুনঃ ।
নাস্তি নাস্তি সদা নাস্তি সর্বং নাস্তীতি নিশ্চয়ঃ ॥ ১৭.৩৮॥

ইদমেব পরং ব্রহ্ম অহং ব্রহ্ম ৎবমেব হি ।
কালো ব্রহ্ম কলা ব্রহ্ম কার্যং ব্রহ্ম ক্ষণং তদা ॥ ১৭.৩৯॥

সর্বং ব্রহ্মাপ্যহং ব্রহ্ম ব্রহ্মাস্মীতি ন সংশয়ঃ ।
চিত্তং ব্রহ্ম মনো ব্রহ্ম সত্যং ব্রহ্ম সদাঽস্ম্যহম্ ॥ ১৭.৪০॥

নির্গুণং ব্রহ্ম নিত্যং চ নিরন্তরমহং পরঃ ।
আদ্যন্তং ব্রহ্ম এবাহং আদ্যন্তং চ নহি ক্বচিৎ ॥ ১৭.৪১॥

অহমিত্যপি বার্তাঽপি স্মরণং ভাষণং ন চ ।
সর্বং ব্রহ্মৈব সন্দেহস্ত্বমিত্যপি ন হি ক্বচিৎ ॥ ১৭.৪২॥

বক্তা নাস্তি ন সন্দেহঃ এষা গীতা সুদুর্লভঃ ।
সদ্যো মোক্ষপ্রদং হ্যেতৎ সদ্যো মুক্তিং প্রয়চ্ছতি ॥ ১৭.৪৩॥

সদ্য এব পরং ব্রহ্ম পদং প্রাপ্নোতি নিশ্চয়ঃ ।
সকৃচ্ছ্রবণমাত্রেণ সদ্যো মুক্তিং প্রয়চ্ছতি ॥ ১৭.৪৪॥

এতত্তু দুর্লভং লোকে ত্রৈলোক্যেঽপি চ দুর্লভম্ ।
অহং ব্রহ্ম ন সন্দেহ ইত্যেবং ভাবয়েৎ দৃঢম্ ।
ততঃ সর্বং পরিত্যজ্য তূষ্ণীং তিষ্ঠ যথা সুখম্ ॥ ১৭.৪৫॥

সূতঃ –
ভুবনগগনমধ্যধ্যানয়োগাঙ্গসঙ্গে
যমনিয়মবিশেষৈর্ভস্মরাগাঙ্গসঙ্গৈঃ ।
সুখমুখভরিতাশাঃ কোশপাশাদ্বিহীনা
হৃদি মুদিতপরাশাঃ শাংভবাঃ শংভুবচ্চ ॥ ১৭.৪৬॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
সর্বসিদ্ধান্তসংগ্রহপ্রকরণং নাম সপ্তদশোঽধ্যায়ঃ ॥

১৮ ॥ অষ্টাদশোঽধ্যায়ঃ ॥

ঋভুঃ –
শৃণু ভূয়ঃ পরং তত্ত্বং সদ্যো মোক্ষপ্রদায়কম্ ।
সর্বং ব্রহ্মৈব সততং সর্বং শান্তং ন সংশয়ঃ ॥ ১৮.১॥

ব্রহ্মাক্ষরমিদং সর্বং পরাকারমিদং নহি ।
ইদমিত্যপি যদ্দোষং বয়মিত্যপি ভাষণম্ ॥ ১৮.২॥

যৎকিঞ্চিৎস্মরণং নাস্তি যৎকিঞ্চিদ্ ধ্যানমেব হি ।
যৎকিঞ্চিদ্ জ্ঞানরূপং বা তৎসর্বং ব্রহ্ম এব হি ॥ ১৮.৩॥

যৎকিঞ্চিদ্ ব্রহ্মবাক্যং বা যৎকিঞ্চিদ্বেদবাক্যকম্ ।
যৎকিঞ্চিদ্গুরুবাক্যং বা তৎসর্বং ব্রহ্ম এব হি ॥ ১৮.৪॥

যৎকিঞ্চিৎকল্মষং সত্যং যৎকিঞ্চিৎ প্রিয়ভাষণম্ ।
যৎকিঞ্চিন্মননং সত্তা তৎসর্বং ব্রহ্ম এব হি ॥ ১৮.৫॥

যৎকিঞ্চিৎ শ্রবণং নিত্যং যৎ কিঞ্চিদ্ধ্যানমশ্নুতে ।
যৎকিঞ্চিন্নিশ্চয়ং শ্রদ্ধা তৎসর্বং ব্রহ্ম এব হি ॥ ১৮.৬॥

যৎকিঞ্চিদ্ গুরূপদেশং যৎকিঞ্চিদ্গুরুচিন্তনম্ ।
যৎকিঞ্চিদ্যোগভেদং বা তৎসর্বং ব্রহ্ম এব হি ॥ ১৮.৭॥

সর্বং ত্যজ্য গুরুং ত্যজ্য সর্বং সন্ত্যজ্য নিত্যশঃ ।
তূষ্ণীমেবাসনং ব্রহ্ম সুখমেব হি কেবলম্ ॥ ১৮.৮॥

সর্বং ত্যক্ত্বা সুখং নিত্যং সর্বত্যাগং সুখং মহৎ ।
সর্বত্যাগং পরানন্দং সর্বত্যাগং পরং সুখম্ ॥ ১৮.৯॥

সর্বত্যাগং মনস্ত্যাগঃ সর্বত্যাগমহংকৃতেঃ ।
সর্বত্যাগং মহায়াগঃ সর্বত্যাগং সুখং পরম্ ॥ ১৮.১০॥

সর্বত্যাগং মহামোক্ষং চিত্তত্যাগং তদেব হি ।
চিত্তমেব জগন্নিত্যং চিত্তমেব হি সংসৃতিঃ ॥ ১৮.১১॥

চিত্তমেব মহামায়া চিত্তমেব শরীরকম্ ।
চিত্তমেব ভয়ং দেহঃ চিত্তমেব মনোময়ম্ ॥ ১৮.১২॥

চিত্তমেব প্রপঞ্চাখ্যং চিত্তমেব হি কল্মষম্ ।
চিত্তমেব জডং সর্বং চিত্তমেবেন্দ্রিয়াদিকম্ ॥ ১৮.১৩॥

চিত্তমেব সদা সত্যং চিত্তমেব নহি ক্বচিৎ ।
চিত্তমেব মহাশাস্ত্রং চিত্তমেব মনঃপ্রদম্ ॥ ১৮.১৪॥

চিত্তমেব সদা পাপং চিত্তমেব সদা মতম্ ।
চিত্তমেব হি সর্বাখ্যং চিত্তমেব সদা জহি ॥ ১৮.১৫॥

চিত্তং নাস্তীতি চিন্তা স্যাৎ আত্মমাত্রং প্রকাশতে ।
চিত্তমস্তীতি চিন্তা চেৎ চিত্তৎবং স্বয়মেব হি ॥ ১৮.১৬॥

স্বয়মেব হি চিত্তাখ্যং স্বয়ং ব্রহ্ম ন সংশয়ঃ ।
চিত্তমেব হি সর্বাখ্যং চিত্তং সর্বমিতি স্মৃতম্ ॥ ১৮.১৭॥

ব্রহ্মৈবাহং স্বয়ংজ্যোতির্ব্রহ্মৈবাহং ন সংশয়ঃ ।
সর্বং ব্রহ্ম ন সন্দেহঃ সর্বং চিজ্জ্যোতিরেব হি ॥ ১৮.১৮॥

অহং ব্রহ্মৈব নিত্যাত্মা পূর্ণাৎ পূর্ণতরং সদা ।
অহং পৃথ্ব্যাদিসহিতং অহমেব বিলক্ষণম্ ॥ ১৮.১৯॥

অহং সূক্ষ্মশরীরান্তমহমেব পুরাতনম্ ।
অহমেব হি মানাত্মা সর্বং ব্রহ্মৈব কেবলম্ ॥ ১৮.২০॥

চিদাকারো হ্যহং পূর্ণশ্চিদাকারমিদং জগৎ ।
চিদাকারং চিদাকাশং চিদাকাশমহং সদা ॥ ১৮.২১॥

চিদাকাশং ৎবমেবাসি চিদাকাশমহং সদা ।
চিদাকাশং চিদেবেদং চিদাকাশান্ন কিঞ্চন ॥ ১৮.২২॥

চিদাকাশততং সর্বং চিদাকাশং প্রকাশকম্ ।
চিদাকারং মনো রূপং চিদাকাশং হি চিদ্ঘনম্ ॥ ১৮.২৩॥

চিদাকাশং পরং ব্রহ্ম চিদাকাশং চ চিন্ময়ঃ ।
চিদাকাশং শিবং সাক্ষাচ্চিদাকাশমহং সদা ॥ ১৮.২৪॥

সচ্চিদানন্দরূপোঽহং সচ্চিদানন্দশাশ্বতঃ ।
সচ্চিদানন্দ সন্মাত্রং সচ্চিদানন্দভাবনঃ ॥ ১৮.২৫॥

সচ্চিদানন্দপূর্ণোঽহং সচ্চিদানন্দকারণম্ ।
সচ্চিদানন্দসন্দোহঃ সচ্চিদানন্দ ঈশ্বরঃ ॥ ১৮.২৬॥var was হীনকঃ
সচ্চিদানন্দনিত্যোঽহং সচ্চিদানন্দলক্ষণম্ ।
সচ্চিদানন্দমাত্রোঽহং সচ্চিদানন্দরূপকঃ ॥ ১৮.২৭॥

আত্মৈবেদমিদং সর্বমাত্মৈবাহং ন সংশয়ঃ ।
আত্মৈবাস্মি পরং সত্যমাত্মৈব পরমং পদম্ ॥ ১৮.২৮॥

আত্মৈব জগদাকারং আত্মৈব ভুবনত্রয়ম্ ।
আত্মৈব জগতাং শ্রেষ্ঠঃ আত্মৈব হি মনোময়ঃ ॥ ১৮.২৯॥

আত্মৈব জগতাং ত্রাতা আত্মৈব গুরুরাত্মনঃ ।
আত্মৈব বহুধা ভাতি আত্মৈবৈকং পরাত্মনঃ ॥ ১৮.৩০॥

আত্মৈব পরমং ব্রহ্ম আত্মৈবাহং ন সংশয়ঃ ।
আত্মৈব পরমং লোকং আত্মৈব পরমাত্মনঃ ॥ ১৮.৩১॥

আত্মৈব জীবরূপাত্মা আত্মৈবেশ্বরবিগ্রহঃ ।
আত্মৈব হরিরানন্দঃ আত্মৈব স্বয়মাত্মনঃ ॥ ১৮.৩২॥

আত্মৈবানন্দসন্দোহ আত্মৈবেদং সদা সুখম্ ।
আত্মৈব নিত্যশুদ্ধাত্মা আত্মৈব জগতঃ পরঃ ॥ ১৮.৩৩॥

আত্মৈব পঞ্চভূতাত্মা আত্মৈব জ্যোতিরাত্মনঃ ।
আত্মৈব সর্বদা নান্যদাত্মৈব পরমোঽব্যযঃ ॥ ১৮.৩৪॥

আত্মৈব হ্যাত্মভাসাত্মা আত্মৈব বিভুরব্যযঃ ।
আত্মৈব ব্রহ্মবিজ্ঞানং আত্মৈবাহং ৎবমেব হি ॥ ১৮.৩৫॥

আত্মৈব পরমানন্দ আত্মৈবাহং জগন্ময়ঃ ।
আত্মৈবাহং জগদ্ভানং আত্মৈবাহং ন কিঞ্চন ॥ ১৮.৩৬॥

আত্মৈব হ্যাত্মনঃ স্নানমাত্মৈব হ্যাত্মনো জপঃ ।
আত্মৈব হ্যাত্মনো মোদমাত্মৈবাত্মপ্রিয়ঃ সদা ॥ ১৮.৩৭॥

আত্মৈব হ্যাত্মনো নিত্যো হ্যাত্মৈব গুণভাসকঃ ।
আত্মৈব তুর্যরূপাত্মা আত্মাতীতস্ততঃ পরঃ ॥ ১৮.৩৮॥

আত্মৈব নিত্যপূর্ণাত্মা আত্মৈবাহং ন সংশয়ঃ ।
আত্মৈব ৎবমহং চাত্মা সর্বমাত্মৈব কেবলম্ ॥ ১৮.৩৯॥

নিত্যোঽহং নিত্যপূর্ণোঽহং নিত্যোঽহং সর্বদা সদা ।
আত্মৈবাহং জগন্নান্যদ্ অমৃতাত্মা পুরাতনঃ ॥ ১৮.৪০॥

পুরাতনোঽহং পুরুষোঽহমীশঃ পরাৎ পরোঽহং পরমেশ্বরোঽহম্ ।
ভবপ্রদোঽহং ভবনাশনোঽহং সুখপ্রদোঽহং সুখরূপমদ্বয়ম্ ॥ ১৮.৪১॥

আনন্দোঽহমশেষোঽহমমৃতোহং ন সংশয়ঃ ।
অজোঽহমাত্মরূপোঽহমন্যন্নাস্তি সদা প্রিয়ঃ ॥ ১৮.৪২॥

ব্রহ্মৈবাহমিদং ব্রহ্ম সর্বং ব্রহ্ম সদাঽব্যযঃ ।
সদা সর্বপদং নাস্তি সর্বমেব সদা ন হি ॥ ১৮.৪৩॥

নির্গুণোঽহং নিরাধার অহং নাস্তীতি সর্বদা ।
অনর্থমূলং নাস্ত্যেব মায়াকার্যং ন কিঞ্চন ॥ ১৮.৪৪॥

অবিদ্যাবিভবো নাস্তি অহং ব্রহ্ম ন সংশয়ঃ ।
সর্বং ব্রহ্ম চিদাকাশং তদেবাহং ন সংশয়ঃ ॥ ১৮.৪৫॥

তদেবাহং স্বয়ং চাহং পরং চাহং পরেশ্বরঃ ।
বিদ্যাধরোঽহমেবাত্র বিদ্যাবিদ্যে ন কিঞ্চন ॥ ১৮.৪৬॥

চিদহং চিদহং নিত্যং তুর্যোঽহং তুর্যকঃ পরঃ ।
ব্রহ্মৈব সর্বং ব্রহ্মৈব সর্বং ব্রহ্ম সদাঽস্ম্যহম্ ॥ ১৮.৪৭॥

মত্তোঽন্যন্নাপরং কিঞ্চিন্মত্তোঽন্যদ্ব্রহ্ম চ ক্বচিৎ ।
মত্তোঽন্যৎ পরমং নাস্তি মত্তোঽন্যচ্চিৎপদং নহি ॥ ১৮.৪৮॥

মত্তোঽন্যৎ সৎপদং নাস্তি মত্তোঽন্যচ্চিৎপদং ন মে ।
মত্তোঽন্যৎ ভবনং নাস্তি মত্তোঽন্যদ্ ব্রহ্ম এব ন ॥ ১৮.৪৯॥

মত্তোঽন্যৎ কারণং নাস্তি মত্তোঽন্যৎ কিঞ্চিদপ্যণু ।
মত্তোঽন্যৎ সত্ত্বরূপং চ মত্তোঽন্যৎ শুদ্ধমেব ন ॥ ১৮.৫০॥

মত্তোঽন্যৎ পাবনং নাস্তি মত্তোঽন্যৎ তৎপদং ন হি ।
মত্তোঽন্যৎ ধর্মরূপং বা মত্তোঽন্যদখিলং ন চ ॥ ১৮.৫১॥

মত্তোঽন্যদসদেবাত্র মত্তোঽন্যন্মিথ্যা এব হি ।
মত্তোঽন্যদ্ভাতি সর্বস্বং মত্তোঽন্যচ্ছশশৃঙ্গবৎ ॥ ১৮.৫২॥

মত্তোঽন্যদ্ভাতি চেন্মিথ্যা মত্তোঽন্যচ্চেন্দ্রজালকম্ ।
মত্তোঽন্যৎ সংশয়ো নাস্তি মত্তোঽন্যৎ কার্য কারণম্ ॥ ১৮.৫৩॥

ব্রহ্মমাত্রমিদং সর্বং সোঽহমস্মীতি ভাবনম্ ।
সর্বমুক্তং ভগবতা এবমেবেতি নিশ্চিনু ॥ ১৮.৫৪॥

বহুনোক্তেন কিং যোগিন্ নিশ্চয়ং কুরু সর্বদা ।
সকৃন্নিশ্চয়মাত্রেণ ব্রহ্মৈব ভবতি স্বয়ম্ ॥ ১৮.৫৫॥

বননগভুবনং যচ্ছঙ্করান্নান্যদস্তি
জগদিদমসুরাদ্যং দেবদেবঃ স এব ।
তনুমনগমনাদ্যৈঃ কোশকাশাবকাশে
স খলু পরশিবাত্মা দৃশ্যতে সূক্ষ্মবুদ্ধ্যা ॥ ১৮.৫৬॥

চক্ষুঃশ্রোত্রমনোঽসবশ্চ হৃদি খাদুদ্ভাসিতধ্যান্তরাৎ
তস্মিন্নেব বিলীয়তে গতিপরং যদ্বাসনা বাসিনী ।
চিত্তং চেতয়তে হৃদিন্দ্রিয়গণং বাচাং মনোদূরগং
তং ব্রহ্মামৃতমেতদেব গিরিজাকান্তাত্মনা সংজ্ঞিতম্ ॥ ১৮.৫৭॥

॥ ইতি শ্রীশিবরহস্যে শঙ্করাখ্যে ষষ্ঠাংশে
ঋভুনিদাঘসংবাদে অষ্টাদশোঽধ্যায়ঃ ॥

১৯ ॥ একোনবিংশোঽধ্যায়ঃ ॥

ঋভুঃ –
ব্রহ্মানন্দং প্রবক্ষ্যামি ত্রিষু লোকেষু দুর্লভম্ ।
যস্য শ্রবণমাত্রেণ সদা মুক্তিমবাপ্নুয়াৎ ॥ ১৯.১॥var was যুক্তিমাপ্নুয়াৎ
পরমানন্দোঽহমেবাত্মা সর্বদানন্দমেব হি ।
পূর্ণানন্দস্বরূপোঽহং চিদানন্দময়ং জগৎ ॥ ১৯.২॥

সদানন্তমনন্তোঽহং বোধানন্দমিদং জগৎ ।
বুদ্ধানন্দস্বরূপোঽহং নিত্যানন্দমিদং মনঃ ॥ ১৯.৩॥

কেবলানন্দমাত্রোঽহং কেবলজ্ঞানবানহম্ ।
ইতি ভাবয় যত্নেন প্রপঞ্চোপশমায় বৈ ॥ ১৯.৪॥

সদা সত্যং পরং জ্যোতিঃ সদা সত্যাদিলক্ষণঃ ।
সদা সত্যাদিহীনাত্মা সদা জ্যোতিঃ প্রিয়ো হ্যহম্ ॥ ১৯.৫॥

নাস্তি মিথ্যাপ্রপঞ্চাত্মা নাস্তি মিথ্যা মনোময়ঃ ।
নাস্তি মিথ্যাভিধানাত্মা নাস্তি চিত্তং দুরাত্মবান্ ॥ ১৯.৬॥

নাস্তি মূঢতরো লোকে নাস্তি মূঢতমো নরঃ ।
অহমেব পরং ব্রহ্ম অহমেব স্বয়ং সদা ॥ ১৯.৭॥

ইদং পরং চ নাস্ত্যেব অহমেব হি কেবলম্ ।
অহং ব্রহ্মাস্মি শুদ্ধোঽস্মি সর্বং ব্রহ্মৈব কেবলম্ ॥ ১৯.৮॥

জগৎসর্বং সদা নাস্তি চিত্তমেব জগন্ময়ম্ ।
চিত্তমেব প্রপঞ্চাখ্যং চিত্তমেব শরীরকম্ ॥ ১৯.৯॥

চিত্তমেব মহাদোষং চিত্তমেব হি বালকঃ ।
চিত্তমেব মহাত্মাঽয়ং চিত্তমেব মহানসৎ ॥ ১৯.১০॥

চিত্তমেব হি মিথ্যাত্মা চিত্তং শশবিষাণবৎ ।
চিত্তং নাস্তি সদা সত্যং চিত্তং বন্ধ্যাকুমারবৎ ॥ ১৯.১১॥

চিত্তং শূন্যং ন সন্দেহো ব্রহ্মৈব সকলং জগৎ ।
অহমেব হি চৈতন্যং অহমেব হি নির্গুণম্ ॥ ১৯.১২॥

মন এব হি সংসারং মন এব হি মণ্ডলম্ ।
মন এব হি বন্ধৎবং মন এব হি পাতকম্ ॥ ১৯.১৩॥

মন এব মহদ্দুঃখং মন এব শরীরকম্ ।
মন এব প্রপঞ্চাখ্যং মন এব কলেবরম্ ॥ ১৯.১৪॥

মন এব মহাসত্ত্বং মন এব চতুর্মুখঃ ।
মন এব হরিঃ সাক্ষাৎ মন এব শিবঃ স্মৃতঃ ॥ ১৯.১৫॥

মন এবেন্দ্রজালাখ্যং মনঃ সঙ্কল্পমাত্রকম্ ।
মন এব মহাপাপং মন এব দুরাত্মবান্ ॥ ১৯.১৬॥

মন এব হি সর্বাখ্যং মন এব মহদ্ভয়ম্ ।
মন এব পরং ব্রহ্ম মন এব হি কেবলম্ ॥ ১৯.১৭॥

মন এব চিদাকারং মন এব মনায়তে ।
চিদেব হি পরং রূপং চিদেব হি পরং পদম্ ॥ ১৯.১৮॥

পরং ব্রহ্মাহমেবাদ্য পরং ব্রহ্মাহমেব হি ।
অহমেব হি তৃপ্তাত্মা অহমানন্দবিগ্রহঃ ॥ ১৯.১৯॥

অহং বুদ্ধিঃ প্রবৃদ্ধাত্মা নিত্যং নিশ্চলনির্মলঃ ।
অহমেব হি শান্তাত্মা অহমাদ্যন্তবর্জিতঃ ॥ ১৯.২০॥

অহমেব প্রকাশাত্মা অহং ব্রহ্মৈব কেবলম্ ।
অহং নিত্যো ন সন্দেহ অহং বুদ্ধিঃ প্রিয়ঃ সদা ॥ ১৯.২১॥var was বুদ্ধিপ্রিয়ঃ সদা
অহমেবাহমেবৈকঃ অহমেবাখিলামৃতঃ ।
অহমেব স্বয়ং সিদ্ধঃ অহমেবানুমোদকঃ ॥ ১৯.২২॥

অহমেব ৎবমেবাহং সর্বাত্মা সর্ববর্জিতঃ ।
অহমেব পরং ব্রহ্ম অহমেব পরাৎপরঃ ॥ ১৯.২৩॥

অহঙ্কারং ন মে দুঃখং ন মে দোষং ন মে সুখম্ ।
ন মে বুদ্ধির্ন মে চিত্তং ন মে দেহো ন মেন্দ্রিয়ম্ ॥ ১৯.২৪॥

ন মে গোত্রং ন মে নেত্রং ন মে পাত্রং ন মে তৃণম্ ।
ন মে জপো ন মে মন্ত্রো ন মে লোকো ন মে সুহৃৎ ॥ ১৯.২৫॥

ন মে বন্ধুর্ন মে শত্রুর্ন মে মাতা ন মে পিতা ।
ন মে ভোজ্যং ন মে ভোক্তা ন মে বৃত্তির্ন মে কুলম্ ॥ ১৯.২৬॥

ন মে জাতির্ন মে বর্ণঃ ন মে শ্রোত্রং ন মে ক্বচিৎ ।
ন মে বাহ্যং ন মে বুদ্ধিঃ স্থানং বাপি ন মে বয়ঃ ॥ ১৯.২৭॥

ন মে তত্ত্বং ন মে লোকো ন মে শান্তির্ন মে কুলম্ ।
ন মে কোপো ন মে কামঃ কেবলং ব্রহ্মমাত্রতঃ ॥ ১৯.২৮॥

কেবলং ব্রহ্মমাত্রৎবাৎ কেবলং স্বয়মেব হি ।
ন মে রাগো ন মে লোভো ন মে স্তোত্রং ন মে স্মৃতিঃ ॥ ১৯.২৯॥

ন মে মোহো ন মে তৃষ্ণা ন মে স্নেহো ন মে গুণঃ ।
ন মে কোশং ন মে বাল্যং ন মে যৌবনবার্ধকম্ ॥ ১৯.৩০॥

সর্বং ব্রহ্মৈকরূপৎবাদেকং ব্রহ্মেতি নিশ্চিতম্ ।
ব্রহ্মণোঽন্যৎ পরং নাস্তি ব্রহ্মণোঽন্যন্ন কিঞ্চন ॥ ১৯.৩১॥

ব্রহ্মণোঽন্যদিদং নাস্তি ব্রহ্মণোঽন্যদিদং ন হি ।
আত্মনোঽন্যৎ সদা নাস্তি আত্মৈবাহং ন সংশয়ঃ ॥ ১৯.৩২॥

আত্মনোঽন্যৎ সুখং নাস্তি আত্মনোঽন্যদহং ন চ ।
গ্রাহ্যগ্রাহকহীনোঽহং ত্যাগত্যাজ্যবিবর্জিতঃ ॥ ১৯.৩৩॥

ন ত্যাজ্যং ন চ মে গ্রাহ্যং ন বন্ধো ন চ ভুক্তিদম্ ।var was মুক্তিদম্
ন মে লোকং ন মে হীনং ন শ্রেষ্ঠং নাপি দূষণম্ ॥ ১৯.৩৪॥

ন মে বলং ন চণ্ডালো ন মে বিপ্রাদিবর্ণকম্ ।
ন মে পানং ন মে হ্রস্বং ন মে ক্ষীণং ন মে বলম্ ॥ ১৯.৩৫॥

ন মে শক্তির্ন মে ভুক্তির্ন মে দৈবং ন মে পৃথক্ ।
অহং ব্রহ্মৈকমাত্রৎবাৎ নিত্যৎবান্যন্ন কিঞ্চন ॥ ১৯.৩৬॥

ন মতং ন চ মে মিথ্যা ন মে সত্যং বপুঃ ক্বচিৎ ।
অহমিত্যপি নাস্ত্যেব ব্রহ্ম ইত্যপি নাম বা ॥ ১৯.৩৭॥

যদ্যদ্যদ্যৎপ্রপঞ্চোঽস্তি যদ্যদ্যদ্যদ্গুরোর্বচঃ ।
তৎসর্বং ব্রহ্ম এবাহং তৎসর্বং চিন্ময়ং মতম্ ॥ ১৯.৩৮॥

চিন্ময়ং চিন্ময়ং ব্রহ্ম সন্ময়ং সন্ময়ং সদা ।
স্বয়মেব স্বয়ং ব্রহ্ম স্বয়মেব স্বয়ং পরঃ ॥ ১৯.৩৯॥

স্বয়মেব স্বয়ং মোক্ষঃ স্বয়মেব নিরন্তরঃ ।
স্বয়মেব হি বিজ্ঞানং স্বয়মেব হি নাস্ত্যকম্ ॥ ১৯.৪০॥

স্বয়মেব সদাসারঃ স্বয়মেব স্বয়ং পরঃ ।
স্বয়মেব হি শূন্যাত্মা স্বয়মেব মনোহরঃ ॥ ১৯.৪১॥

তূষ্ণীমেবাসনং স্নানং তূষ্ণীমেবাসনং জপঃ ।
তূষ্ণীমেবাসনং পূজা তূষ্ণীমেবাসনং পরঃ ॥ ১৯.৪২॥

বিচার্য মনসা নিত্যমহং ব্রহ্মেতি নিশ্চিনু ।
অহং ব্রহ্ম ন সন্দেহঃ এবং তূষ্ণীংস্থিতির্জপঃ ॥ ১৯.৪৩॥

সর্বং ব্রহ্মৈব নাস্ত্যন্যৎ সর্বং জ্ঞানময়ং তপঃ ।
স্বয়মেব হি নাস্ত্যেব সর্বাতীতস্বরূপবান্ ॥ ১৯.৪৪॥

বাচাতীতস্বরূপোঽহং বাচা জপ্যমনর্থকম্ ।
মানসঃ পরমার্থোঽয়ং এতদ্ভেদমহং ন মে ॥ ১৯.৪৫॥

কুণপং সর্বভূতাদি কুণপং সর্বসঙ্গ্রহম্ ।
অসত্যং সর্বদা লোকমসত্যং সকলং জগৎ ॥ ১৯.৪৬॥

অসত্যমন্যদস্তিৎবমসত্যং নাস্তি ভাষণম্ ।
অসত্যাকারমস্তিৎবং ব্রহ্মমাত্রং সদা স্বয়ম্ ॥ ১৯.৪৭॥

অসত্যং বেদবেদাঙ্গং অসত্যং শাস্ত্রনিশ্চয়ঃ ।
অসত্যং শ্রবণং হ্যেতদসত্যং মননং চ তৎ ॥ ১৯.৪৮॥

অসত্যং চ নিদিধ্যাসঃ সজাতীয়মসত্যকম্ ।
বিজাতীয়মসৎ প্রোক্তং সত্যং সত্যং ন সংশয়ঃ ।
সর্বং ব্রহ্ম সদা ব্রহ্ম একং ব্রহ্ম চিদব্যযম্ ॥ ১৯.৪৯॥

চেতোবিলাসজনিতং কিল বিশ্বমেত-
দ্বিশ্বাধিকস্য কৃপয়া পরিপূর্ণভাস্যাৎ ।
নাস্ত্যন্যতঃ শ্রুতিশিরোত্থিতবাক্যমোঘ-
শাস্ত্রানুসারিকরণৈর্ভবতে বিমুক্ত্যৈ ॥ ১৯.৫০॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ব্রহ্মানন্দপ্রকরণং নাম একোনবিংশোঽধ্যায়ঃ ॥

২০ ॥ বিংশোঽধ্যায়ঃ ॥

ঋভুঃ –
শৃণু কেবলমত্যন্তং রহস্যং পরমাদ্ভুতম্ ।
ইতি গুহ্যতরং সদ্যো মোক্ষপ্রদমিদং সদা ॥ ২০.১॥

সুলভং ব্রহ্মবিজ্ঞানং সুলভং শুভমুত্তমম্ ।
সুলভং ব্রহ্মনিষ্ঠানাং সুলভং সর্ববোধকম্ ॥ ২০.২॥

সুলভং কৃতকৃত্যানাং সুলভং স্বয়মাত্মনঃ ।
সুলভং কারণাভাবং সুলভং ব্রহ্মণি স্থিতম্ ॥ ২০.৩॥

সুলভং চিত্তহীনানাং স্বয়ং তচ্চ স্বয়ং স্বয়ম্ ।
স্বয়ং সংসারহীনানাং চিত্তং সংসারমুচ্যতে ॥ ২০.৪॥

সৃষ্ট্বৈদং ন সংসারঃ ব্রহ্মৈবেদং মনো ন চ ।
ব্রহ্মৈবেদং ভয়ং নাস্তি ব্রহ্মৈবেদং ন কিঞ্চন ॥ ২০.৫॥

ব্রহ্মৈবেদমসৎ সর্বং ব্রহ্মৈবেদং পরায়ণম্ ।
ব্রহ্মৈবেদং শরীরাণাং ব্রহ্মৈবেদং তৃণং ন চ ॥ ২০.৬॥

ব্রহ্মৈবাস্মি ন চান্যোঽস্মি ব্রহ্মৈবেদং জগন্ন চ ।
ব্রহ্মৈবেদং বিয়ন্নাস্তি ব্রহ্মৈবেদং ক্রিয়া ন চ ॥ ২০.৭॥

ব্রহ্মৈবেদং মহাত্মানং ব্রহ্মৈবেদং প্রিয়ং সদা ।
ব্রহ্মৈবেদং জগন্নান্তো ব্রহ্মৈবাহং ভয়ং ন হি ॥ ২০.৮॥

ব্রহ্মৈবাহং সদাচিত্তং ব্রহ্মৈবাহমিদং ন হি ।
ব্রহ্মৈবাহং তু যন্মিথ্যা ব্রহ্মৈবাহমিয়ং ভ্রমা ॥ ২০.৯॥

ব্রহ্মৈব সর্বসিদ্ধান্তো ব্রহ্মৈব মনসাস্পদম্ ।
ব্রহ্মৈব সর্বভবনং ব্রহ্মৈব মুনিমণ্ডলম্ ॥ ২০.১০॥

ব্রহ্মৈবাহং তু নাস্ত্যন্যদ্ ব্রহ্মৈব গুরুপূজনম্ ।
ব্রহ্মৈব নান্যৎ কিঞ্চিত্তু ব্রহ্মৈব সকলং সদা ॥ ২০.১১॥

ব্রহ্মৈব ত্রিগুণাকারং ব্রহ্মৈব হরিরূপকম্ ।
ব্রহ্মণোঽন্যৎ পদং নাস্তি ব্রহ্মণোঽন্যৎ ক্ষণং ন মে ॥ ২০.১২॥

ব্রহ্মৈবাহং নান্যবার্তা ব্রহ্মৈবাহং ন চ শ্রুতম্ ।
ব্রহ্মৈবাহং সমং নাস্তি সর্বং ব্রহ্মৈব কেবলম্ ॥ ২০.১৩॥

ব্রহ্মৈবাহং ন মে ভোগো ব্রহ্মৈবাহং ন মে পৃথক্ ।
ব্রহ্মৈবাহং সতং নাস্তি ব্রহ্মৈব ব্রহ্মরূপকঃ ॥ ২০.১৪॥

ব্রহ্মৈব সর্বদা ভাতি ব্রহ্মৈব সুখমুত্তমম্ ।
ব্রহ্মৈব নানাকারৎবাৎ ব্রহ্মৈবাহং প্রিয়ং মহৎ ॥ ২০.১৫॥

ব্রহ্মৈব ব্রহ্মণঃ পূজ্যং ব্রহ্মৈব ব্রহ্মণো গুরুঃ ।
ব্রহ্মৈব ব্রহ্মমাতা তু ব্রহ্মৈবাহং পিতা সুতঃ ॥ ২০.১৬॥

ব্রহ্মৈব ব্রহ্ম দেবং চ ব্রহ্মৈব ব্রহ্ম তজ্জয়ঃ ।
ব্রহ্মৈব ধ্যানরূপাত্মা ব্রহ্মৈব ব্রহ্মণো গুণঃ ॥ ২০.১৭॥

আত্মৈব সর্বনিত্যাত্মা আত্মনোঽন্যন্ন কিঞ্চন ।
আত্মৈব সততং হ্যাত্মা আত্মৈব গুরুরাত্মনঃ ॥ ২০.১৮॥

আত্মজ্যোতিরহংভূতমাত্মৈবাস্তি সদা স্বয়ম্ ।
স্বয়ং তত্ত্বমসি ব্রহ্ম স্বয়ং ভামি প্রকাশকঃ ॥ ২০.১৯॥

স্বয়ং জীবৎবসংশান্তিঃ স্বয়মীশ্বররূপবান্ ।
স্বয়ং ব্রহ্ম পরং ব্রহ্ম স্বয়ং কেবলমব্যযম্ ॥ ২০.২০॥

স্বয়ং নাশং চ সিদ্ধান্তং স্বয়মাত্মা প্রকাশকঃ ।
স্বয়ং প্রকাশরূপাত্মা স্বয়মত্যন্তনির্মলঃ ॥ ২০.২১॥

স্বয়মেব হি নিত্যাত্মা স্বয়ং শুদ্ধঃ প্রিয়াপ্রিয়ঃ ।
স্বয়মেব স্বয়ং ছন্দঃ স্বয়ং দেহাদিবর্জিতঃ ॥ ২০.২২॥

স্বয়ং দোষবিহীনাত্মা স্বয়মাকাশবৎ স্থিতঃ ।
অয়ং চেদং চ নাস্ত্যেব অয়ং ভেদবিবর্জিতঃ ॥ ২০.২৩॥

ব্রহ্মৈব চিত্তবদ্ভাতি ব্রহ্মৈব শিববৎ সদা ।
ব্রহ্মৈব বুদ্ধিবদ্ভাতি ব্রহ্মৈব শিববৎ সদা ॥ ২০.২৪॥

ব্রহ্মৈব শশবদ্ভাতি ব্রহ্মৈব স্থূলবৎ স্বয়ম্ ।
ব্রহ্মৈব সততং নান্যৎ ব্রহ্মৈব গুরুরাত্মনঃ ॥ ২০.২৫॥

আত্মজ্যোতিরহং ভূতমহং নাস্তি সদা স্বয়ম্ ।
স্বয়মেব পরং ব্রহ্ম স্বয়মেব চিদব্যযঃ ॥ ২০.২৬॥

স্বয়মেব স্বয়ং জ্যোতিঃ স্বয়ং সর্বত্র ভাসতে ।
স্বয়ং ব্রহ্ম স্বয়ং দেহঃ স্বয়ং পূর্ণঃ পরঃ পুমান্ ॥ ২০.২৭॥

স্বয়ং তত্ত্বমসি ব্রহ্ম স্বয়ং ভাতি প্রকাশকঃ ।
স্বয়ং জীবৎবসংশান্তঃ স্বয়মীশ্বররূপবান্ ॥ ২০.২৮॥

স্বয়মেব পরং ব্রহ্ম স্বয়ং কেবলমব্যযঃ ।
স্বয়ং রাদ্ধান্তসিদ্ধান্তঃ স্বয়মাত্মা প্রকাশকঃ ॥ ২০.২৯॥

স্বয়ং প্রকাশরূপাত্মা স্বয়মত্যন্তনির্মলঃ ।
স্বয়মেব হি নিত্যাত্মা স্বয়ং শুদ্ধঃ প্রিয়াপ্রিয়ঃ ॥ ২০.৩০॥

স্বয়মেব স্বয়ং স্বস্থঃ স্বয়ং দেহবিবর্জিতঃ ।
স্বয়ং দোষবিহীনাত্মা স্বয়মাকাশবৎ স্থিতঃ ॥ ২০.৩১॥

অখণ্ডঃ পরিপূর্ণোঽহমখণ্ডরসপূরণঃ ।
অখণ্ডানন্দ এবাহমপরিচ্ছিন্নবিগ্রহঃ ॥ ২০.৩২॥

ইতি নিশ্চিত্য পূর্ণাত্মা ব্রহ্মৈব ন পৃথক্ স্বয়ম্ ।
অহমেব হি নিত্যাত্মা অহমেব হি শাশ্বতঃ ॥ ২০.৩৩॥

অহমেব হি তদ্ব্রহ্ম ব্রহ্মৈবাহং জগৎপ্রভুঃ ।
ব্রহ্মৈবাহং নিরাভাসো ব্রহ্মৈবাহং নিরাময়ঃ ॥ ২০.৩৪॥

ব্রহ্মৈবাহং চিদাকাশো ব্রহ্মৈবাহং নিরন্তরঃ ।
ব্রহ্মৈবাহং মহানন্দো ব্রহ্মৈবাহং সদাত্মবান্ ॥ ২০.৩৫॥

ব্রহ্মৈবাহমনন্তাত্মা ব্রহ্মৈবাহং সুখং পরম্ ।
ব্রহ্মৈবাহং মহামৌনী সর্ববৃত্তান্তবর্জিতঃ ॥ ২০.৩৬॥

ব্রহ্মৈবাহমিদং মিথ্যা ব্রহ্মৈবাহং জগন্ন হি ।
ব্রহ্মৈবাহং ন দেহোঽস্মি ব্রহ্মৈবাহং মহাদ্বয়ঃ ॥ ২০.৩৭॥

ব্রহ্মৈব চিত্তবদ্ভাতি ব্রহ্মৈব শিববৎ সদা ।
ব্রহ্মৈব বুদ্ধিবদ্ভাতি ব্রহ্মৈব ফলবৎ স্বয়ম্ ॥ ২০.৩৮॥

ব্রহ্মৈব মূর্তিবদ্ভাতি তদ্ব্রহ্মাসি ন সংশয়ঃ ।
ব্রহ্মৈব কালবদ্ভাতি ব্রহ্মৈব সকলাদিবৎ ॥ ২০.৩৯॥

ব্রহ্মৈব ভূতিবদ্ভাতি ব্রহ্মৈব জডবৎ স্বয়ম্ ।
ব্রহ্মৈবৌংকারবৎ সর্বং ব্রহ্মৈবৌংকাররূপবৎ ॥ ২০.৪০॥

ব্রহ্মৈব নাদবদ্ব্রহ্ম নাস্তি ভেদো ন চাদ্বয়ম্ ।
সত্যং সত্যং পুনঃ সত্যং ব্রহ্মণোঽন্যন্ন কিঞ্চন ॥ ২০.৪১॥

ব্রহ্মৈব সর্বমাত্মৈব ব্রহ্মণোঽন্যন্ন কিঞ্চন ।
সর্বং মিথ্যা জগন্মিথ্যা দৃশ্যৎবাদ্ঘটবৎ সদা ॥ ২০.৪২॥

ব্রহ্মৈবাহং ন সন্দেহশ্চিন্মাত্রৎবাদহং সদা ।
ব্রহ্মৈব শুদ্ধরূপৎবাৎ দৃগ্রূপৎবাৎ স্বয়ং মহৎ ॥ ২০.৪৩॥

অহমেব পরং ব্রহ্ম অহমেব পরাৎ পরঃ ।
অহমেব মনোতীত অহমেব জগৎপরঃ ॥ ২০.৪৪॥

অহমেব হি নিত্যাত্মা অহং মিথ্যা স্বভাবতঃ ।
আনন্দোঽহং নিরাধারো ব্রহ্মৈব ন চ কিঞ্চন ॥ ২০.৪৫॥

নান্যৎ কিঞ্চিদহং ব্রহ্ম নান্যৎ কিঞ্চিচ্চিদব্যযঃ ।
আত্মনোঽন্যৎ পরং তুচ্ছমাত্মনোঽন্যদহং নহি ॥ ২০.৪৬॥

আত্মনোঽন্যন্ন মে দেহঃ আত্মৈবাহং ন মে মলম্ ।
আত্মন্যেবাত্মনা চিত্তমাত্মৈবাহং ন তৎ পৃথক্ ॥ ২০.৪৭॥

আত্মৈবাহমহং শূন্যমাত্মৈবাহং সদা ন মে ।
আত্মৈবাহং গুণো নাস্তি আত্মৈব ন পৃথক্ ক্বচিৎ ॥ ২০.৪৮॥

অত্যন্তাভাব এব ৎবং অত্যন্তাভাবমীদৃশম্ ।
অত্যন্তাভাব এবেদমত্যন্তাভাবমণ্বপি ॥ ২০.৪৯॥

আত্মৈবাহং পরং ব্রহ্ম সর্বং মিথ্যা জগত্ত্রয়ম্ ।
অহমেব পরং ব্রহ্ম অহমেব পরো গুরুঃ ॥ ২০.৫০॥

জীবভাবং সদাসত্যং শিবসদ্ভাবমীদৃশম্ ।
বিষ্ণুবদ্ভাবনাভ্রান্তিঃ সর্বং শশবিষাণবৎ ॥ ২০.৫১॥

অহমেব সদা পূর্ণং অহমেব নিরন্তরম্ ।
নিত্যতৃপ্তো নিরাকারো ব্রহ্মৈবাহং ন সংশয়ঃ ॥ ২০.৫২॥

অহমেব পরানন্দ অহমেব ক্ষণান্তিকঃ ।
অহমেব ৎবমেবাহং ৎবং চাহং নাস্তি নাস্তি হি ॥ ২০.৫৩॥

বাচামগোচরোঽহং বৈ বাঙ্মনো নাস্তি কল্পিতম্ ।
অহং ব্রহ্মৈব সর্বাত্মা অহং ব্রহ্মৈব নির্মলঃ ॥ ২০.৫৪॥

অহং ব্রহ্মৈব চিন্মাত্রং অহং ব্রহ্মৈব নিত্যশঃ ।
ইদং চ সর্বদা নাস্তি অহমেব সদা স্থিরঃ ॥ ২০.৫৫॥

ইদং সুখমহং ব্রহ্ম ইদং সুখমহং জডম্ ।
ইদং ব্রহ্ম ন সন্দেহঃ সত্যং সত্যং পুনঃ পুনঃ ॥ ২০.৫৬॥

ইত্যাত্মবৈভবং প্রোক্তং সর্বলোকেষু দুর্লভম্ ।
সকৃচ্ছ্রবণমাত্রেণ ব্রহ্মৈব ভবতি স্বয়ম্ ॥ ২০.৫৭॥

শান্তিদান্তিপরমা ভবতান্তাঃ
স্বান্তভান্তমনিশং শশিকান্তম্ ।
অন্তকান্তকমহো কলয়ন্তঃ
বেদমৌলিবচনৈঃ কিল শান্তাঃ ॥ ২০.৫৮॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
আত্মবৈভবপ্রকরণং নাম বিংশোঽধ্যায়ঃ ॥

২১ ॥ একবিংশোঽধ্যায়ঃ ॥

ঋভুঃ –
মহারহস্যং বক্ষ্যামি বেদান্তেষু চ গোপিতম্ ।
যস্য শ্রবণমাত্রেণ ব্রহ্মৈব ভবতি স্বয়ম্ ॥ ২১.১॥

সচ্চিদানন্দমাত্রোঽহং সর্বং সচ্চিন্ময়ং ততম্ ।
তদেব ব্রহ্ম সম্পশ্যৎ ব্রহ্মৈব ভবতি স্বয়ম্ ॥ ২১.২॥

অহং ব্রহ্ম ইদং ব্রহ্ম নানা ব্রহ্ম ন সংশয়ঃ ।
সত্যং ব্রহ্ম সদা ব্রহ্মাপ্যহং ব্রহ্মৈব কেবলম্ ॥ ২১.৩॥

গুরুর্ব্রহ্ম গুণো ব্রহ্ম সর্বং ব্রহ্মপরোঽস্ম্যহম্ ।
নান্তং ব্রহ্ম অহং ব্রহ্ম সর্বং ব্রহ্মাপরোঽস্ম্যহম্ ॥ ২১.৪॥

বেদবেদ্যং পরং ব্রহ্ম বিদ্যা ব্রহ্ম বিশেষতঃ ।
আত্মা ব্রহ্ম অহং ব্রহ্ম আদ্যন্তং ব্রহ্ম সোঽস্ম্যহম্ ॥ ২১.৫॥

সত্যং ব্রহ্ম সদা ব্রহ্ম অন্যন্নাস্তি সদা পরম্ ।
অহং ব্রহ্ম ৎবহং নাস্তি অহংকারপরং নহি ॥ ২১.৬॥

অহং ব্রহ্ম ইদং নাস্তি অয়মাত্মা মহান্ সদা ।
বেদান্তবেদ্যো ব্রহ্মাত্মা অপরং শশশৃঙ্গবৎ ॥ ২১.৭॥

ভূতং নাস্তি ভবিষ্যং ন ব্রহ্মৈব স্থিরতাং গতঃ ।
চিন্ময়োঽহং জডং তুচ্ছং চিন্মাত্রং দেহনাশনম্ ॥ ২১.৮॥

চিত্তং কিঞ্চিৎ ক্বচিচ্চাপি চিত্তং দূরোঽহমাত্মকঃ ।var was হরোঽহমাত্মকঃ
সত্যং জ্ঞানমনন্তং যন্নানৃতং জডদুঃখকম্ ॥ ২১.৯॥

আত্মা সত্যমনন্তাত্মা দেহমেব ন সংশয়ঃ ।
বার্তাপ্যসচ্ছ্রুতং তন্ন অহমেব মহোমহঃ ॥ ২১.১০॥

একসংখ্যাপ্যসদ্ব্রহ্ম সত্যমেব সদাঽপ্যহম্ ।
সর্বমেবমসত্যং চ উৎপন্নৎবাৎ পরাৎ সদা ॥ ২১.১১॥

সর্বাবয়বহীনোঽপি নিত্যৎবাৎ পরমো হ্যহম্ ।
সর্বং দৃশ্যং ন মে কিঞ্চিৎ চিন্ময়ৎবাদ্বদাম্যহম্ ॥ ২১.১২॥

আগ্রহং চ ন মে কিঞ্চিৎ চিন্ময়ৎবাদ্বদাম্যহম্ ।
ইদমিত্যপি নির্দেশো ন ক্বচিন্ন ক্বচিৎ সদা ॥ ২১.১৩॥

নির্গুণব্রহ্ম এবাহং সুগুরোরুপদেশতঃ ।
বিজ্ঞানং সগুণো ব্রহ্ম অহং বিজ্ঞানবিগ্রহঃ ॥ ২১.১৪॥

নির্গুণোঽস্মি নিরংশোঽস্মি ভবোঽস্মি ভরণোঽস্ম্যহম্ ।
দেবোঽস্মি দ্রব্যপূর্ণোঽস্মি শুদ্ধোঽস্মি রহিতোঽস্ম্যহম্ ॥ ২১.১৫॥

রসোঽস্মি রসহীনোঽস্মি তুর্যোঽস্মি শুভভাবনঃ ।
কামোঽস্মি কার্যহীনোঽস্মি নিত্যনির্মলবিগ্রহঃ ॥ ২১.১৬॥

আচারফলহীনোঽস্মি অহং ব্রহ্মাস্মি কেবলম্ ।
ইদং সর্বং পরং ব্রহ্ম অয়মাত্মা ন বিস্ময়ঃ ॥ ২১.১৭॥

পূর্ণাপূর্ণস্বরূপাত্মা নিত্যং সর্বাত্মবিগ্রহঃ ।
পরমানন্দতত্ত্বাত্মা পরিচ্ছিন্নং ন হি ক্বচিৎ ॥ ২১.১৮॥

একাত্মা নির্মলাকার অহমেবেতি ভাবয় ।
অহংভাবনয়া যুক্ত অহংভাবেন সংয়ুতঃ ॥ ২১.১৯॥

শান্তং ভাবয় সর্বাত্মা শাম্যতত্ত্বং মনোমলঃ ।
দেহোঽহমিতি সন্ত্যজ্য ব্রহ্মাহমিতি নিশ্চিনু ॥ ২১.২০॥

ব্রহ্মৈবাহং ব্রহ্মমাত্রং ব্রহ্মণোঽন্যন্ন কিঞ্চন ।
ইদং নাহমিদং নাহমিদং নাহং সদা স্মর ॥ ২১.২১॥

অহং সোঽহমহং সোঽহমহং ব্রহ্মেতি ভাবয় ।
চিদহং চিদহং ব্রহ্ম চিদহং চিদহং বদ ॥ ২১.২২॥

নেদং নেদং সদা নেদং ন ৎবং নাহং চ ভাবয় ।
সর্বং ব্রহ্ম ন সন্দেহঃ সর্বং বেদং ন কিঞ্চন ॥ ২১.২৩॥

সর্বং শব্দার্থভবনং সর্বলোকভয়ং ন চ ।
সর্বতীর্থং ন সত্যং হি সর্বদেবালয়ং ন হি ॥ ২১.২৪॥

সর্বচৈতন্যমাত্রৎবাৎ সর্বং নাম সদা ন হি ।
সর্বরূপং পরিত্যজ্য সর্বং ব্রহ্মেতি নিশ্চিনু ॥ ২১.২৫॥

ব্রহ্মৈব সর্বং তৎসত্যং প্রপঞ্চং প্রকৃতির্নহি ।
প্রাকৃতং স্মরণং ত্যজ্য ব্রহ্মস্মরণমাহর ॥ ২১.২৬॥

ততস্তদপি সন্ত্যজ্য নিজরূপে স্থিরো ভব ।
স্থিররূপং পরিত্যজ্য আত্মমাত্রং ভবত্যসৌ ॥ ২১.২৭॥

ত্যাগৎবমপি সন্ত্যজ্য ভেদমাত্রং সদা ত্যজ ।
স্বয়ং নিজং সমাবৃত্য স্বয়মেব স্বয়ং ভজ ॥ ২১.২৮॥

ইদমিত্যঙ্গুলীদৃষ্টমিদমস্তমচেতনম্ ।
ইদং বাক্যং চ বাক্যেন বাচাঽপি পরিবেদনম্ ॥ ২১.২৯॥

সর্বভাবং ন সন্দেহঃ সর্বং নাস্তি ন সংশয়ঃ ।
সর্বং তুচ্ছং ন সন্দেহঃ সর্বং মায়া ন সংশয়ঃ ॥ ২১.৩০॥

ৎবং ব্রহ্মাহং ন সন্দেহো ব্রহ্মৈবেদং ন সংশয়ঃ ।
সর্বং চিত্তং ন সন্দেহঃ সর্বং ব্রহ্ম ন সংশয়ঃ ॥ ২১.৩১॥

ব্রহ্মান্যদ্ভাতি চেন্মিথ্যা সর্বং মিথ্যা পরাবরা ।
ন দেহং পঞ্চভূতং বা ন চিত্তং ভ্রান্তিমাত্রকম্ ॥ ২১.৩২॥

ন চ বুদ্ধীন্দ্রিয়াভাবো ন মুক্তির্ব্রহ্মমাত্রকম্ ।
নিমিষং চ ন শঙ্কাপি ন সঙ্কল্পং তদস্তি চেৎ ॥ ২১.৩৩॥

অহঙ্কারমসদ্বিদ্ধি অভিমানং তদস্তি চেৎ ।
ন চিত্তস্মরণং তচ্চেন্ন সন্দেহো জরা যদি ॥ ২১.৩৪॥

প্রাণো???দীয়তে শাস্তি ঘ্রাণো যদিহ গন্ধকম্ ।
চক্ষুর্যদিহ ভূতস্য শ্রোত্রং শ্রবণভাবনম্ ॥ ২১.৩৫॥

ৎবগস্তি চেৎ স্পর্শসত্তা জিহ্বা চেদ্রসসঙ্গ্রহঃ ।
জীবোঽস্তি চেজ্জীবনং চ পাদশ্চেৎ পাদচারণম্ ॥ ২১.৩৬॥

হস্তৌ যদি ক্রিয়াসত্তা স্রষ্টা চেৎ সৃষ্টিসংভবঃ ।
রক্ষ্যং চেদ্রক্ষকো বিষ্ণুর্ভক্ষ্যং চেদ্ভক্ষকঃ শিবঃ ॥ ২১.৩৭॥

সর্বং ব্রহ্ম ন সন্দেহঃ সর্বং ব্রহ্মৈব কেবলম্ ।
পূজ্যং চেৎ পূজনং চাস্তি ভাস্যং চেদ্ভাসকঃ শিবঃ ॥ ২১.৩৮॥

সর্বং মিথ্যা ন সন্দেহঃ সর্বং চিন্মাত্রমেব হি ।
অস্তি চেৎ কারণং সত্যং কার্যং চৈব ভবিষ্যতি ॥ ২১.৩৯॥

নাস্তি চেন্নাস্তি হীনোঽহং ব্রহ্মৈবাহং পরায়ণম্ ।
অত্যন্তদুঃখমেতদ্ধি অত্যন্তসুখমব্যযম্ ॥ ২১.৪০॥

অত্যন্তং জন্মমাত্রং চ অত্যন্তং রণসংভবম্ ।
অত্যন্তং মলিনং সর্বমত্যন্তং নির্মলং পরম্ ॥ ২১.৪১॥

অত্যন্তং কল্পনং দুষ্টং অত্যন্তং নির্মলং ৎবহম্ ।
অত্যন্তং সর্বদা দোষমত্যন্তং সর্বদা গুণম্ ॥ ২১.৪২॥

অত্যন্তং সর্বদা শুভ্রমত্যন্তং সর্বদা মলম্ ।
অত্যন্তং সর্বদা চাহমত্যন্তং সর্বদা ইদম্ ॥ ২১.৪৩॥

অত্যন্তং সর্বদা ব্রহ্ম অত্যন্তং সর্বদা জগৎ ।
এতাবদুক্তমভয়মহং ভেদং ন কিঞ্চন ॥ ২১.৪৪॥

সদসদ্বাপি নাস্ত্যেব সদসদ্বাপি বাক্যকম্ ।
নাস্তি নাস্তি ন সন্দেহো ব্রহ্মৈবাহং ন সংশয়ঃ ॥ ২১.৪৫॥

কারণং কার্যরূপং বা সর্বং নাস্তি ন সংশয়ঃ ।
কর্তা ভোক্তা ক্রিয়া বাপি ন ভোজ্যং ভোগতৃপ্ততা ॥ ২১.৪৬॥

সর্বং ব্রহ্ম ন সন্দেহঃ সর্ব শব্দো ন বাস্তবম্ ।
ভূতং ভবিষ্যং বার্তং তু কার্যং বা নাস্তি সর্বদা ॥ ২১.৪৭॥

সদসদ্ভেদ্যভেদং বা ন গুণা গুণভাগিনঃ ।
নির্মলং বা মলং বাপি নাস্তি নাস্তি ন কিঞ্চন ॥ ২১.৪৮॥

ভাষ্যং বা ভাষণং বাঽপি নাস্তি নাস্তি ন কিঞ্চন ।
প্রবলং দুর্বলং বাপি অহং চ ৎবং চ বা ক্বচিৎ ॥ ২১.৪৯॥

গ্রাহ্যং চ গ্রাহকং বাপি উপেক্ষ্যং নাত্মনঃ ক্বচিৎ ।
তীর্থং বা স্নানরূপং বা দেবো বা দেব পূজনম্ ॥ ২১.৫০॥

জন্ম বা মরণং হেতুর্নাস্তি নাস্তি ন কিঞ্চন ।
সত্যং বা সত্যরূপং বা নাস্তি নাস্তি ন কিঞ্চন ॥ ২১.৫১॥

মাতরঃ পিতরো বাপি দেহো বা নাস্তি কিঞ্চন ।
দৃগ্রূপং দৃশ্যরূপং বা নাস্তি নাস্তীহ কিঞ্চন ॥ ২১.৫২॥

মায়াকার্যং চ মায়া বা নাস্তি নাস্তীহ কিঞ্চন ।
জ্ঞানং বা জ্ঞানভেদো বা নাস্তি নাস্তীহ কিঞ্চন ॥ ২১.৫৩॥

সর্বপ্রপঞ্চহেয়ৎবং প্রোক্তং প্রকরণং চ তে ।
যঃ শৃণোতি সকৃদ্বাপি আত্মাকারং প্রপদ্যতে ॥ ২১.৫৪॥

স্কন্দঃ –
মায়া সা ত্রিগুণা গণাধিপগুরোরেণাঙ্কচূডামণেঃ
পাদাম্ভোজসমর্চনেন বিলয়ং যাত্যেব নাস্ত্যন্যথা ।
বিদ্যা হৃদ্যতমা সুবিদ্যুদিব সা ভাত্যেব হৃৎপঙ্কজে
যস্যানল্পতপোভিরুগ্রকরণাদৃক্ তস্য মুক্তিঃ স্থিরা ॥ ২১.৫৫॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
সর্বপ্রপঞ্চহেয়ৎবপ্রকরণবর্ণনং নাম একবিংশোঽধ্যায়ঃ ॥

২২ ॥ দ্বাবিংশোঽধ্যায়ঃ ॥

ঋভুঃ –
বক্ষ্যে ব্রহ্মময়ং সর্বং নাস্তি সর্বং জগন্মৃষা ।
অহং ব্রহ্ম ন মে চিন্তা অহং ব্রহ্ম ন মে জডম্ ॥ ২২.১॥

অহং ব্রহ্ম ন মে দোষঃ অহং ব্রহ্ম ন মে ফলম্ ।
অহং ব্রহ্ম ন মে বার্তা অহং ব্রহ্ম ন মে দ্বয়ম্ ॥ ২২.২॥

অহং ব্রহ্ম ন মে নিত্যমহং ব্রহ্ম ন মে গতিঃ ।
অহং ব্রহ্ম ন মে মাতা অহং ব্রহ্ম ন মে পিতা ॥ ২২.৩॥

অহং ব্রহ্ম ন মে সোঽয়মহং বৈশ্বানরো ন হি ।
অহং ব্রহ্ম চিদাকাশমহং ব্রহ্ম ন সংশয়ঃ ॥ ২২.৪॥

সর্বান্তরোঽহং পূর্ণাত্মা সর্বান্তরমনোঽন্তরঃ ।
অহমেব শরীরান্তরহমেব স্থিরঃ সদা ॥ ২২.৫॥

এবং বিজ্ঞানবান্ মুক্ত এবং জ্ঞানং সুদুর্লভম্ ।
অনেকশতসাহস্ত্রেষ্বেক এব বিবেকবান্ ॥ ২২.৬॥

তস্য দর্শনমাত্রেণ পিতরস্তৃপ্তিমাগতাঃ ।
জ্ঞানিনো দর্শনং পুণ্যং সর্বতীর্থাবগাহনম্ ॥ ২২.৭॥

জ্ঞানিনঃ চার্চনেনৈব জীবন্মুক্তো ভবেন্নরঃ ।
জ্ঞানিনো ভোজনে দানে সদ্যো মুক্তো ভবেন্নরঃ ॥ ২২.৮॥

অহং ব্রহ্ম ন সন্দেহঃ অহমেব গুরুঃ পরঃ ।
অহং শান্তোঽস্মি শুদ্ধোঽস্মি অহমেব গুণান্তরঃ ॥ ২২.৯॥

গুণাতীতো জনাতীতঃ পরাতীতো মনঃ পরঃ ।
পরতঃ পরতোঽতীতো বুদ্ধ্যাতীতো রসাৎ পরঃ ॥ ২২.১০॥

ভাবাতীতো মনাতীতো বেদাতীতো বিদঃ পরঃ ।
শরীরাদেশ্চ পরতো জাগ্রৎস্বপ্নসুষুপ্তিতঃ ॥ ২২.১১॥

অব্যক্তাৎ পরতোঽতীত ইত্যেবং জ্ঞাননিশ্চয়ঃ ।
ক্বচিদেতৎপরিত্যজ্য সর্বং সংত্যজ্য মূকবৎ ॥ ২২.১২॥

তূষ্ণীং ব্রহ্ম পরং ব্রহ্ম শাশ্বতব্রহ্মবান্ স্বয়ম্ ।
জ্ঞানিনো মহিমা কিঞ্চিদণুমাত্রমপি স্ফুটম্ ॥ ২২.১৩॥

হরিণাপি হরেণাপি ব্রহ্মণাপি সুরৈরপি ।
ন শক্যতে বর্ণয়িতুং কল্পকোটিশতৈরপি ॥ ২২.১৪॥

অহং ব্রহ্মেতি বিজ্ঞানং ত্রিষু লোকেষু দুর্লভম্ ।
বিবেকিনং মহাত্মানং ব্রহ্মমাত্রেণাবস্থিতম্ ॥ ২২.১৫॥

দ্রষ্টুং চ ভাষিতুং বাপি দুর্লভং পাদসেবনম্ ।
কদাচিৎ পাদতীর্থেন স্নাতশ্চেৎ ব্রহ্ম এব সঃ ॥ ২২.১৬॥

সর্বং মিথ্যা ন সন্দেহঃ সর্বং ব্রহ্মৈব কেবলম্ ।
এতৎ প্রকরণং প্রোক্তং সর্বসিদ্ধান্তসংগ্রহঃ ॥ ২২.১৭॥

দুর্লভং যঃ পঠেদ্ভক্ত্যা ব্রহ্ম সম্পদ্যতে নরঃ ।
বক্ষ্যে ব্রহ্মময়ং সর্বং নান্যৎ সর্বং জগন্মৃষা ॥ ২২.১৮॥

ব্রহ্মৈব জগদাকারং ব্রহ্মৈব পরমং পদম্ ।
অহমেব পরং ব্রহ্ম অহমিত্যপি বর্জিতঃ ॥ ২২.১৯॥

সর্ববর্জিতচিন্মাত্রং সর্ববর্জিতচেতনঃ ।
সর্ববর্জিতশান্তাত্মা সর্বমঙ্গলবিগ্রহঃ ॥ ২২.২০॥

অহং ব্রহ্ম পরং ব্রহ্ম অসন্নেদং ন মে ন মে ।
ন মে ভূতং ভবিষ্যচ্চ ন মে বর্ণং ন সংশয়ঃ ॥ ২২.২১॥

ব্রহ্মৈবাহং ন মে তুচ্ছং অহং ব্রহ্ম পরং তপঃ ।
ব্রহ্মরূপমিদং সর্বং ব্রহ্মরূপমনাময়ম্ ॥ ২২.২২॥

ব্রহ্মৈব ভাতি ভেদেন ব্রহ্মৈব ন পরঃ পরঃ ।
আত্মৈব দ্বৈতবদ্ভাতি আত্মৈব পরমং পদম্ ॥ ২২.২৩॥

ব্রহ্মৈবং ভেদরহিতং ভেদমেব মহদ্ভয়ম্ ।
আত্মৈবাহং নির্মলোঽহমাত্মৈব ভুবনত্রয়ম্ ॥ ২২.২৪॥

আত্মৈব নান্যৎ সর্বত্র সর্বং ব্রহ্মৈব নান্যকঃ ।
অহমেব সদা ভামি ব্রহ্মৈবাস্মি পরোঽস্ম্যহম্ ॥ ২২.২৫॥

নির্মলোঽস্মি পরং ব্রহ্ম কার্যাকার্যবিবর্জিতঃ ।
সদা শুদ্ধৈকরূপোঽস্মি সদা চৈতন্যমাত্রকঃ ॥ ২২.২৬॥

নিশ্চয়োঽস্মি পরং ব্রহ্ম সত্যোঽস্মি সকলোঽস্ম্যহম্ ।
অক্ষরোঽস্মি পরং ব্রহ্ম শিবোঽস্মি শিখরোঽস্ম্যহম্ ॥ ২২.২৭॥

সমরূপোঽস্মি শান্তোঽস্মি তৎপরোঽস্মি চিদব্যযঃ ।
সদা ব্রহ্ম হি নিত্যোঽস্মি সদা চিন্মাত্রলক্ষণঃ ॥ ২২.২৮॥

সদাঽখণ্ডৈকরূপোঽস্মি সদামানবিবর্জিতঃ ।
সদা শুদ্ধৈকরূপোঽস্মি সদা চৈতন্যমাত্রকঃ ॥ ২২.২৯॥

সদা সন্মানরূপোঽস্মি সদা সত্তাপ্রকাশকঃ ।
সদা সিদ্ধান্তরূপোঽস্মি সদা পাবনমঙ্গলঃ ॥ ২২.৩০॥

এবং নিশ্চিতবান্ মুক্তঃ এবং নিত্যপরো বরঃ ।
এবং ভাবনয়া যুক্তঃ পরং ব্রহ্মৈব সর্বদা ॥ ২২.৩১॥

এবং ব্রহ্মাত্মবান্ জ্ঞানী ব্রহ্মাহমিতি নিশ্চয়ঃ ।
স এব পুরুষো লোকে ব্রহ্মাহমিতি নিশ্চিতঃ ॥ ২২.৩২॥

স এব পুরুষো জ্ঞানী জীবন্মুক্তঃ স আত্মবান্ ।
ব্রহ্মৈবাহং মহানাত্মা সচ্চিদানন্দবিগ্রহঃ ॥ ২২.৩৩॥

নাহং জীবো ন মে ভেদো নাহং চিন্তা ন মে মনঃ ।
নাহং মাংসং ন মেঽস্থীনি নাহংকারকলেবরঃ ॥ ২২.৩৪॥

ন প্রমাতা ন মেয়ং বা নাহং সর্বং পরোঽস্ম্যহম্ ।
সর্ববিজ্ঞানরূপোঽস্মি নাহং সর্বং কদাচন ॥ ২২.৩৫॥

নাহং মৃতো জন্মনান্যো ন চিন্মাত্রোঽস্মি নাস্ম্যহম্ ।
ন বাচ্যোঽহং ন মুক্তোঽহং ন বুদ্ধোঽহং কদাচন ॥ ২২.৩৬॥

ন শূন্যোঽহং ন মূঢোঽহং ন সর্বোঽহং পরোঽস্ম্যহম্ ।
সর্বদা ব্রহ্মমাত্রোঽহং ন রসোঽহং সদাশিবঃ ॥ ২২.৩৭॥

ন ঘ্রাণোঽহং ন গন্ধোঽহং ন চিহ্নোঽয়ং ন মে প্রিয়ঃ ।
নাহং জীবো রসো নাহং বরুণো ন চ গোলকঃ ॥ ২২.৩৮॥

ব্রহ্মৈবাহং ন সন্দেহো নামরূপং ন কিঞ্চন ।
ন শ্রোত্রোঽহং ন শব্দোঽহং ন দিশোঽহং ন সাক্ষিকঃ ॥ ২২.৩৯॥

নাহং ন ৎবং ন চ স্বর্গো নাহং বায়ুর্ন সাক্ষিকঃ ।
পায়ুর্নাহং বিসর্গো ন ন মৃত্যুর্ন চ সাক্ষিকঃ ॥ ২২.৪০॥

গুহ্যং নাহং ন চানন্দো ন প্রজাপতিদেবতা ।
সর্বং ব্রহ্ম ন সন্দেহঃ সর্বং ব্রহ্মৈব কেবলম্ ॥ ২২.৪১॥

নাহং মনো ন সঙ্কল্পো ন চন্দ্রো ন চ সাক্ষিকঃ ।
নাহং বুদ্ধীন্দ্রিয়ো ব্রহ্মা নাহং নিশ্চয়রূপবান্ ॥ ২২.৪২॥

নাহংকারমহং রুদ্রো নাভিমানো ন সাক্ষিকঃ ।
চিত্তং নাহং বাসুদেবো ধারণা নায়মীশ্বরঃ ॥ ২২.৪৩॥

নাহং বিশ্বো ন জাগ্রদ্বা স্থূলদেহো ন মে ক্বচিৎ ।
ন প্রাতিভাসিকো জীবো ন চাহং ব্যাবহারিকঃ ॥ ২২.৪৪॥

ন পারমার্থিকো দেবো নাহমন্নময়ো জডঃ ।
ন প্রাণময়কোশোঽহং ন মনোময়কোশবান্ ॥ ২২.৪৫॥

ন বিজ্ঞানময়ঃ কোশো নানন্দময়কোশবান্ ।
ব্রহ্মৈবাহং ন সন্দেহো নামরূপে ন কিঞ্চন ॥ ২২.৪৬॥

এতাবদুক্ত্বা সকলং নামরূপদ্বয়াত্মকম্ ।
সর্বং ক্ষণেন বিস্মৃত্য কাষ্ঠলোষ্টাদিবৎ ত্যজেৎ ॥ ২২.৪৭॥

এতৎসর্বমসন্নিত্যং সদা বন্ধ্যাকুমারবৎ ।
শশশৃঙ্গবদেবেদং নরশৃঙ্গবদেব তৎ ॥ ২২.৪৮॥

আকাশপুষ্পসদৃশং যথা মরুমরীচিকা ।
গন্ধর্বনগরং যদ্বদিন্দ্রজালবদেব হি ॥ ২২.৪৯॥

অসত্যমেব সততং পঞ্চরূপকমিষ্যতে ।
শিষ্যোপদেশকালো হি দ্বৈতং ন পরমার্থতঃ ॥ ২২.৫০॥

মাতা মৃতে রোদনায় দ্রব্যং দৎবাঽঽহ্বয়েজ্জনান্ ।
তেষাং রোদনমাত্রং যৎ কেবলং দ্রব্যপঞ্চকম্ ॥ ২২.৫১॥

তদদ্বৈতং ময়া প্রোক্তং সর্বং বিস্মৃত্য কুড্যবৎ ।
অহং ব্রহ্মেতি নিশ্চিত্য অহমেবেতি ভাবয় ॥ ২২.৫২॥

অহমেব সুখং চেতি অহমেব ন চাপরঃ ।
অহং চিন্মাত্রমেবেতি ব্রহ্মৈবেতি বিনিশ্চিনু ॥ ২২.৫৩॥

অহং নির্মলশুদ্ধেতি অহং জীববিলক্ষণঃ ।
অহং ব্রহ্মৈব সর্বাত্মা অহমিত্যবভাসকঃ ॥ ২২.৫৪॥

অহমেব হি চিন্মাত্রমহমেব হি নির্গুণঃ ।
সর্বান্তর্যাম্যহং ব্রহ্ম চিন্মাত্রোঽহং সদাশিবঃ ॥ ২২.৫৫॥

নিত্যমঙ্গলরূপাত্মা নিত্যমোক্ষময়ঃ পুমান্ ।
এবং নিশ্চিত্য সততং স্বাত্মানং স্বয়মাস্থিতঃ ॥ ২২.৫৬॥

ব্রহ্মৈবাহং ন সন্দেহো নামরূপে ন কিঞ্চন ।
এতদ্রূপপ্রকরণং সর্ববেদেষু দুর্লভম্ ।
যঃ শৃণোতি সকৃদ্বাপি ব্রহ্মৈব ভবতি স্বয়ম্ ॥ ২২.৫৭॥

তং বেদাদিবচোভিরীডিতমহায়াগৈশ্চ ভোগৈর্ব্রতৈ-
র্দানৈশ্চানশনৈর্যমাদিনিয়মৈস্তং বিদ্বিষন্তে দ্বিজাঃ ।
তস্যানঙ্গরিপোরতীব সুমহাহৃদ্যং হি লিঙ্গার্চনং
তেনৈবাশু বিনাশ্য মোহমখিলং জ্ঞানং দদাতীশ্বরঃ ॥ ২২.৫৮॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
নামরূপনিষেধপ্রকরণং নাম দ্বাবিংশোঽধ্যায়ঃ ॥

২৩ ॥ ত্রয়োবিংশোঽধ্যায়ঃ ॥

ঋভুঃ –
নিদাঘ শৃণু বক্ষ্যামি সর্বলোকেষু দুর্লভম্ ।
ইদং ব্রহ্ম পরং ব্রহ্ম সচ্চিদানন্দ এব হি ॥ ২৩.১॥

নানাবিধজনং লোকং নানা কারণকার্যকম্ ।
ব্রহ্মৈবান্যদসৎ সর্বং সচ্চিদানন্দ এব হি ॥ ২৩.২॥

অহং ব্রহ্ম সদা ব্রহ্ম অস্মি ব্রহ্মাহমেব হি ।
কালো ব্রহ্ম ক্ষণো ব্রহ্ম অহং ব্রহ্ম ন সংশয়ঃ ॥ ২৩.৩॥

বেদো ব্রহ্ম পরং ব্রহ্ম সত্যং ব্রহ্ম পরাৎ পরঃ ।
হংসো ব্রহ্ম হরির্ব্রহ্ম শিবো ব্রহ্ম চিদব্যযঃ ॥ ২৩.৪॥

সর্বোপনিষদো ব্রহ্ম সাম্যং ব্রহ্ম সমোঽস্ম্যহম্ ।
অজো ব্রহ্ম রসো ব্রহ্ম বিয়দ্ব্রহ্ম পরাৎপরঃ ॥ ২৩.৫॥

ত্রুটির্ব্রহ্ম মনো ব্রহ্ম ব্যষ্টির্ব্রহ্ম সদামুদঃ ।
ইদং ব্রহ্ম পরং ব্রহ্ম তত্ত্বং ব্রহ্ম সদা জপঃ ॥ ২৩.৬॥

অকারো ব্রহ্ম এবাহমুকারোঽহং ন সংশয়ঃ ।
মকারব্রহ্মমাত্রোঽহং মন্ত্রব্রহ্মমনুঃ পরম্ ॥ ২৩.৭॥

শিকারব্রহ্মমাত্রোঽহং বাকারং ব্রহ্ম কেবলম্ ।
যকারং ব্রহ্ম নিত্যং চ পঞ্চাক্ষরমহং পরম্ ॥ ২৩.৮॥

রেচকং ব্রহ্ম সদ্ব্রহ্ম পূরকং ব্রহ্ম সর্বতঃ ।
কুংভকং ব্রহ্ম সর্বোঽহং ধারণং ব্রহ্ম সর্বতঃ ॥ ২৩.৯॥

ব্রহ্মৈব নান্যৎ তৎসর্বং সচ্চিদানন্দ এব হি ।
এবং চ নিশ্চিতো মুক্তঃ সদ্য এব ন সংশয়ঃ ॥ ২৩.১০॥

কেচিদেব মহামূঢাঃ দ্বৈতমেবং বদন্তি হি ।
ন সংভাষ্যাঃ সদানর্হা নমস্কারে ন যোগ্যতা ॥ ২৩.১১॥

মূঢা মূঢতরাস্তুচ্ছাস্তথা মূঢতমাঃ পরে ।
এতে ন সন্তি মে নিত্যং অহংবিজ্ঞানমাত্রতঃ ॥ ২৩.১২॥

সর্বং চিন্মাত্ররূপৎবাদানন্দৎবান্ন মে ভয়ম্ ।
অহমিত্যপি নাস্ত্যেব পরমিত্যপি ন ক্বচিৎ ॥ ২৩.১৩॥

ব্রহ্মৈব নান্যৎ তৎসর্বং সচ্চিদানন্দ এব হি ।
কালাতীতং সুখাতীতং সর্বাতীতমতীতকম্ ॥ ২৩.১৪॥

নিত্যাতীতমনিত্যানামমিতং ব্রহ্ম কেবলম্ ।
ব্রহ্মৈব নান্যদ্যৎসর্বং সচ্চিদানন্দমাত্রকম্ ॥ ২৩.১৫॥

দ্বৈতসত্যৎববুদ্ধিশ্চ দ্বৈতবুদ্ধ্যা ন তৎ স্মর ।
সর্বং ব্রহ্মৈব নান্যোঽস্তি সর্বং ব্রহ্মৈব কেবলম্ ॥ ২৩.১৬॥

বুদ্ধ্যাতীতং মনোঽতীতং বেদাতীতমতঃ পরম্ ।
আত্মাতীতং জনাতীতং জীবাতীতং চ নির্গুণম্ ॥ ২৩.১৭॥

কাষ্ঠাতীতং কলাতীতং নাট্যাতীতং পরং সুখম্ ।
ব্রহ্মমাত্রেণ সম্পশ্যন্ ব্রহ্মমাত্রপরো ভব ॥ ২৩.১৮॥

ব্রহ্মমাত্রপরো নিত্যং চিন্মাত্রোঽহং ন সংশয়ঃ ।
জ্যোতিরানন্দমাত্রোঽহং নিজানন্দাত্মমাত্রকঃ ॥ ২৩.১৯॥

শূন্যানন্দাত্মমাত্রোঽহং চিন্মাত্রোঽহমিতি স্মর ।
সত্তামাত্রোঽহমেবাত্র সদা কালগুণান্তরঃ ॥ ২৩.২০॥

নিত্যসন্মাত্ররূপোঽহং শুদ্ধানন্দাত্মমাত্রকম্ ।
প্রপঞ্চহীনরূপোঽহং সচ্চিদানন্দমাত্রকঃ ॥ ২৩.২১॥

নিশ্চয়ানন্দমাত্রোঽহং কেবলানন্দমাত্রকঃ ।
পরমানন্দমাত্রোঽহং পূর্ণানন্দোঽহমেব হি ॥ ২৩.২২॥

দ্বৈতস্যমাত্রসিদ্ধোঽহং সাম্রাজ্যপদলক্ষণম্ ।
ইত্যেবং নিশ্চয়ং কুর্বন্ সদা ত্রিষু যথাসুখম্ ॥ ২৩.২৩॥

দৃঢনিশ্চয়রূপাত্মা দৃঢনিশ্চয়সন্ময়ঃ ।
দৃঢনিশ্চয়শান্তাত্মা দৃঢনিশ্চয়মানসঃ ॥ ২৩.২৪॥

দৃঢনিশ্চয়পূর্ণাত্মা দৃঢনিশ্চয়নির্মলঃ ।
দৃঢনিশ্চয়জীবাত্মা দৃঢনিশ্চয়মঙ্গলঃ ॥ ২৩.২৫॥

দৃঢনিশ্চয়জীবাত্মা সংশয়ং নাশমেষ্যতি ।
দৃঢনিশ্চয়মেবাত্র ব্রহ্মজ্ঞানস্য লক্ষণম্ ॥ ২৩.২৬॥

দৃঢনিশ্চয়মেবাত্র বাক্যজ্ঞানস্য লক্ষণম্ ।
দৃঢনিশ্চয়মেবাত্র কারণং মোক্ষসম্পদঃ ॥ ২৩.২৭॥

এবমেব সদা কার্যং ব্রহ্মৈবাহমিতি স্থিরম্ ।
ব্রহ্মৈবাহং ন সন্দেহঃ সচ্চিদানন্দ এব হি ॥ ২৩.২৮॥

আত্মানন্দস্বরূপোঽহং নান্যদস্তীতি ভাবয় ।
ততস্তদপি সন্ত্যজ্য এক এব স্থিরো ভব ॥ ২৩.২৯॥

ততস্তদপি সন্ত্যজ্য নির্গুণো ভব সর্বদা ।
নির্গুণৎবং চ সন্ত্যজ্য বাচাতীতো ভবেৎ ততঃ ॥ ২৩.৩০॥

বাচাতীতং চ সন্ত্যজ্য চিন্মাত্রৎবপরো ভব ।
আত্মাতীতং চ সন্ত্যজ্য ব্রহ্মমাত্রপরো ভব ॥ ২৩.৩১॥

চিন্মাত্রৎবং চ সন্ত্যজ্য সর্বতূষ্ণীংপরো ভব ।
সর্বতূষ্ণীং চ সন্ত্যজ্য মহাতূষ্ণীংপরো ভব ॥ ২৩.৩২॥

মহাতূষ্ণীং চ সন্ত্যজ্য চিত্ততূষ্ণীং সমাশ্রয় ।
চিত্ততূষ্ণীং চ সন্ত্যজ্য জীবতূষ্ণীং সমাহর ॥ ২৩.৩৩॥

জীবতূষ্ণীং পরিত্যজ্য জীবশূন্যপরো ভব ।
শূন্যত্যাগং পরিত্যজ্য যথা তিষ্ঠ তথাসি ভো ॥ ২৩.৩৪॥

তিষ্ঠৎবমপি সন্ত্যজ্য অবাঙ্মানসগোচরঃ ।
ততঃ পরং ন বক্তব্যং ততঃ পশ্যেন্ন কিঞ্চন ॥ ২৩.৩৫॥

নো চেৎ সর্বপরিত্যাগো ব্রহ্মৈবাহমিতীরয় ।
সদা স্মরন্ সদা চিন্ত্যং সদা ভাবয় নির্গুণম্ ॥ ২৩.৩৬॥

সদা তিষ্ঠস্ব তত্ত্বজ্ঞ সদা জ্ঞানী সদা পরঃ ।
সদানন্দঃ সদাতীতঃ সদাদোষবিবর্জিতঃ ॥ ২৩.৩৭॥

সদা শান্তঃ সদা তৃপ্তঃ সদা জ্যোতিঃ সদা রসঃ ।
সদা নিত্যঃ সদা শুদ্ধঃ সদা বুদ্ধঃ সদা লয়ঃ ॥ ২৩.৩৮॥

সদা ব্রহ্ম সদা মোদঃ সদানন্দঃ সদা পরঃ ।
সদা স্বয়ং সদা শূন্যঃ সদা মৌনী সদা শিবঃ ॥ ২৩.৩৯॥

সদা সর্বং সদা মিত্রঃ সদা স্নানং সদা জপঃ ।
সদা সর্বং চ বিস্মৃত্য সদা মৌনং পরিত্যজ ॥ ২৩.৪০॥

দেহাভিমানং সন্ত্যজ্য চিত্তসত্তাং পরিত্যজ ।
আত্মৈবাহং স্বয়ং চাহং ইত্যেবং সর্বদা ভব ॥ ২৩.৪১॥

এবং স্থিতে ৎবং মুক্তোঽসি ন তু কার্যা বিচারণা ।
ব্রহ্মৈব সর্বং যৎকিঞ্চিৎ সচ্চিদানন্দ এব হি ॥ ২৩.৪২॥

অহং ব্রহ্ম ইদং ব্রহ্ম ৎবং ব্রহ্মাসি নিরন্তরঃ ।
প্রজ্ঞানং ব্রহ্ম এবাসি ৎবং ব্রহ্মাসি ন সংশয়ঃ ॥ ২৩.৪৩॥

দৃঢনিশ্চয়মেব ৎবং কুরু কল্যাণমাত্মনঃ ।
মনসো ভূষণং ব্রহ্ম মনসো ভূষণং পরঃ ॥ ২৩.৪৪॥

মনসো ভূষণং কর্তা ব্রহ্মৈবাহমবেক্ষতঃ ।
ব্রহ্মৈব সচ্চিদানদঃ সচ্চিদানন্দবিগ্রহঃ ॥ ২৩.৪৫॥

সচ্চিদানন্দমখিলং সচ্চিদানন্দ এব হি ।
সচ্চিদানন্দজীবাত্মা সচ্চিদানন্দবিগ্রহঃ ॥ ২৩.৪৬॥

সচ্চিদানন্দমদ্বৈতং সচ্চিদানন্দশঙ্করঃ ।
সচ্চিদানন্দবিজ্ঞানং সচ্চিদানন্দভোজনঃ ॥ ২৩.৪৭॥

সচ্চিদানন্দপূর্ণাত্মা সচ্চিদানন্দকারণঃ ।
সচ্চিদানন্দলীলাত্মা সচ্চিদানন্দশেবধিঃ ॥ ২৩.৪৮॥

সচ্চিদানন্দসর্বাঙ্গঃ সচ্চিদানন্দচন্দনঃ ।
সচ্চিদানন্দসিদ্ধান্তঃ সচ্চিদানন্দবেদকঃ ॥ ২৩.৪৯॥

সচ্চিদানন্দশাস্ত্রার্থঃ সচ্চিদানন্দবাচকঃ ।
সচ্চিদানন্দহোমশ্চ সচ্চিদানন্দরাজ্যকঃ ॥ ২৩.৫০॥

সচ্চিদানন্দপূর্ণাত্মা সচ্চিদানন্দপূর্ণকঃ ।
সচ্চিদানন্দসন্মাত্রং মূঢেষু পঠিতং চ যৎ ॥ ২৩.৫১॥

শুদ্ধং মূঢেষু যদ্দত্তং সুবদ্ধং মার্গচারিণা ।
বিষয়াসক্তচিত্তেষু ন সংভাষ্যং বিবেকিনা ॥ ২৩.৫২॥

সকৃচ্ছ্রবণমাত্রেণ ব্রহ্মৈব ভবতি স্বয়ম্ ।
ইচ্ছা চেদ্যদি নারীণাং মুখং ব্রাহ্মণ এব হি ॥ ২৩.৫৩॥

সর্বং চৈতন্যমাত্রৎবাৎ স্ত্রীভেদং চ ন বিদ্যতে ।
বেদশাস্ত্রেণ যুক্তোঽপি জ্ঞানাভাবাদ্ দ্বিজোঽদ্বিজঃ ॥ ২৩.৫৪॥

ব্রহ্মৈব তন্তুনা তেন বদ্ধাস্তে মুক্তিচিন্তকাঃ ।
সর্বমুক্তং ভগবতা রহস্যং শঙ্করেণ হি ॥ ২৩.৫৫॥

সোমাপীডপদাংবুজার্চনফলৈর্ভুক্ত্যৈ ভবান্ মানসং
নান্যদ্যোগপথা শ্রুতিশ্রবণতঃ কিং কর্মভির্ভূয়তে ।
যুক্ত্যা শিক্ষিতমানসানুভবতোঽপ্যশ্মাপ্যসঙ্গো বচাং
কিং গ্রাহ্যং ভবতীন্দ্রিয়ার্থরহিতানন্দৈকসান্দ্রঃ শিবঃ ॥ ২৩.৫৬॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
রহস্যোপদেশপ্রকরণং নাম ত্রয়োবিংশোঽধ্যায়ঃ ॥

২৪ ॥ চতুর্বিংশোঽধ্যায়ঃ ॥

ঋভুঃ –
পুনঃ পুনঃ পরং বক্ষ্যে আত্মনোঽন্যদসৎ স্বতঃ ।
অসতো বচনং নাস্তি সতো নাস্তি সদা স্থিতে ॥ ২৪.১॥

ব্রহ্মাভ্যাস পরস্যাহং বক্ষ্যে নির্ণয়মাত্মনঃ ।
তস্যাপি সকৃদেবাহং বক্ষ্যে মঙ্গলপূর্বকম্ ॥ ২৪.২॥

সর্বং ব্রহ্মাহমেবাস্মি চিন্মাত্রো নাস্তি কিঞ্চন ।
অহমেব পরং ব্রহ্ম অহমেব চিদাত্মকম্ ॥ ২৪.৩॥

অহং মমেতি নাস্ত্যেব অহং জ্ঞানীতি নাস্তি চ ।
শুদ্ধোঽহং ব্রহ্মরূপোঽহমানন্দোঽহমজো নরঃ ॥ ২৪.৪॥var was নজঃ
দেবোঽহং দিব্যভানোঽহং তুর্যোঽহং ভবভাব্যহম্ ।
অণ্ডজোঽহমশেষোঽহমন্তরাদন্তরোঽস্ম্যহম্ ॥ ২৪.৫॥

অমরোঽহমজস্রোঽহমত্যন্তপরমোঽস্ম্যহম্ ।
পরাপরস্বরূপোঽহং নিত্যানিত্যরসোঽস্ম্যহম্ ॥ ২৪.৬॥

গুণাগুণবিহীনোঽহং তুর্যাতুর্যরসোঽস্ম্যহম্ ।
শান্তাশান্তবিহীনোঽহং জ্ঞানাজ্ঞানরসোঽস্ম্যহম্ ॥ ২৪.৭॥

কালাকালবিহীনোঽহমাত্মানাত্মবিবর্জিতঃ ।
লব্ধালব্ধাদিহীনোঽহং সর্বশূন্যোঽহমব্যযঃ ॥ ২৪.৮॥

অহমেবাহমেবাহমনন্তরনিরন্তরম্ ।
শাশ্বতোঽহমলক্ষ্যোঽহমাত্মা ন পরিপূর্ণতঃ ॥ ২৪.৯॥

ইত্যাদিশব্দমুক্তোঽহং ইত্যাদ্যং চ ন চাস্ম্যহম্ ।
ইত্যাদিবাক্যমুক্তোঽহং সর্ববর্জিতদুর্জয়ঃ ॥ ২৪.১০॥

নিরন্তরোঽহং ভূতোঽহং ভব্যোঽহং ভববর্জিতঃ ।
লক্ষ্যলক্ষণহীনোঽহং কার্যহীনোঽহমাশুগঃ ॥ ২৪.১১॥

ব্যোমাদিরূপহীনোঽহং ব্যোমরূপোঽহমচ্যুতঃ ।
অন্তরান্তরভাবোঽহমন্তরান্তরবর্জিতঃ ॥ ২৪.১২॥

সর্বসিদ্ধান্তরূপোঽহং সর্বদোষবিবর্জিতঃ ।
ন কদাচন মুক্তোঽহং ন বদ্ধোঽহং কদাচন ॥ ২৪.১৩॥

এবমেব সদা কৃৎবা ব্রহ্মৈবাহমিতি স্মর ।
এতাবদেব মাত্রং তু মুক্তো ভবতু নিশ্চয়ঃ ॥ ২৪.১৪॥

চিন্মাত্রোঽহং শিবোঽহং বৈ শুভমাত্রমহং সদা ।
সদাকারোঽহং মুক্তোঽহং সদা বাচামগোচরঃ ॥ ২৪.১৫॥

সর্বদা পরিপূর্ণোঽহং বেদোপাধিবিবর্জিতঃ ।
চিত্তকার্যবিহীনোঽহং চিত্তমস্তীতি মে ন হি ॥ ২৪.১৬॥

যৎ কিঞ্চিদপি নাস্ত্যেব নাস্ত্যেব প্রিয়ভাষণম্ ।
আত্মপ্রিয়মনাত্মা হি ইদং মে বস্তুতো ন হি ॥ ২৪.১৭॥

ইদং দুঃখমিদং সৌখ্যমিদং ভাতি অহং ন হি ।
সর্ববর্জিতরূপোঽহং সর্ববর্জিতচেতনঃ ॥ ২৪.১৮॥

অনির্বাচ্যমনির্বাচ্যং পরং ব্রহ্ম রসোঽস্ম্যহম্ ।
অহং ব্রহ্ম ন সন্দেহ অহমেব পরাৎ পরঃ ॥ ২৪.১৯॥

অহং চৈতন্যভূতাত্মা দেহো নাস্তি কদাচন ।
লিঙ্গদেহং চ নাস্ত্যেব কারণং দেহমেব ন ॥ ২৪.২০॥

অহং ত্যক্ত্বা পরং চাহং অহং ব্রহ্মস্বরূপতঃ ।
কামাদিবর্জিতোঽতীতঃ কালভেদপরাৎপরঃ ॥ ২৪.২১॥

ব্রহ্মৈবেদং ন সংবেদ্যং নাহং ভাবং ন বা নহি ।
সর্বসংশয়সংশান্তো ব্রহ্মৈবাহমিতি স্থিতিঃ ॥ ২৪.২২॥

নিশ্চয়ং চ ন মে কিঞ্চিৎ চিন্তাভাবাৎ সদাঽক্ষরঃ ।
চিদহং চিদহং ব্রহ্ম চিদহং চিদহং সদা ॥ ২৪.২৩॥

এবং ভাবনয়া যুক্তস্ত্যক্তশঙ্কঃ সুখীভব ।
সর্বসঙ্গং পরিত্যজ্য আত্মৈক্যৈবং ভবান্বহম্ ॥ ২৪.২৪॥

সঙ্গং নাম প্রবক্ষ্যেঽহং ব্রহ্মাহমিতি নিশ্চয়ঃ ।
সত্যোঽহং পরমাত্মাঽহং স্বয়মেব স্বয়ং স্বয়ম্ ॥ ২৪.২৫॥

নাহং দেহো ন চ প্রাণো ন দ্বন্দ্বো ন চ নির্মলঃ ।
এষ এব হি সৎসঙ্গঃ এষ এব হি নির্মলঃ ॥ ২৪.২৬॥

মহৎসঙ্গে মহদ্ব্রহ্মভাবনং পরমং পদম্ ।
অহং শান্তপ্রভাবোঽহং অহং ব্রহ্ম ন সংশয়ঃ ॥ ২৪.২৭॥

অহং ত্যক্তস্বরূপোঽহং অহং চিন্তাদিবর্জিতঃ ।
এষ এব হি সৎসঙ্গঃ এষ নিত্যং ভবানহম্ ॥ ২৪.২৮॥

সর্বসঙ্কল্পহীনোঽহং সর্ববৃত্তিবিবর্জিতঃ ।
অমৃতোঽহমজো নিত্যং মৃতিভীতিরতীতিকঃ ॥ ২৪.২৯॥

সর্বকল্যাণরূপোঽহং সর্বদা প্রিয়রূপবান্ ।
সমলাঙ্গো মলাতীতঃ সর্বদাহং সদানুগঃ ॥ ২৪.৩০॥

অপরিচ্ছিন্নসন্মাত্রং সত্যজ্ঞানস্বরূপবান্ ।
নাদান্তরোঽহং নাদোঽহং নামরূপবিবর্জিতঃ ॥ ২৪.৩১॥

অত্যন্তাভিন্নহীনোঽহমাদিমধ্যান্তবর্জিতঃ ।
এবং নিত্যং দৃঢাভ্যাস এবং স্বানুভবেন চ ॥ ২৪.৩২॥

এবমেব হি নিত্যাত্মভাবনেন সুখী ভব ।
এবমাত্মা সুখং প্রাপ্তঃ পুনর্জন্ম ন সংভবেৎ ॥ ২৪.৩৩॥

সদ্যো মুক্তো ভবেদ্ব্রহ্মাকারেণ পরিতিষ্ঠতি ।
আত্মাকারমিদং বিশ্বমাত্মাকারমহং মহৎ ॥ ২৪.৩৪॥

আত্মৈব নান্যদ্ভূতং বা আত্মৈব মন এব হি ।
আত্মৈব চিত্তবদ্ভাতি আত্মৈব স্মৃতিবৎ ক্বচিৎ ॥ ২৪.৩৫॥

আত্মৈব বৃত্তিবদ্ভাতি আত্মৈব ক্রোধবৎ সদা ।var was বৃত্তিমদ্ভাতি
আত্মৈব শ্রবণং তদ্বদাত্মৈব মননং চ তৎ ॥ ২৪.৩৬॥

আত্মৈবোপক্রমং নিত্যমুপসংহারমাত্মবৎ ।
আত্মৈবাভ্যাং সমং নিত্যমাত্মৈবাপূর্বতাফলম্ ॥ ২৪.৩৭॥

অর্থবাদবদাত্মা হি পরমাত্মোপপত্তি হি ।
ইচ্ছা প্রারভ্যবদ্ব্রহ্ম ইচ্ছামারভ্যবৎ পরঃ ॥ ২৪.৩৮॥var was প্রারব্ধবদ্
পরেচ্ছারব্ধবদ্ব্রহ্মা ইচ্ছাশক্তিশ্চিদেব হি ।
অনিচ্ছাশক্তিরাত্মৈব পরেচ্ছাশক্তিরব্যযঃ ॥ ২৪.৩৯॥

পরমাত্মৈবাধিকারো বিষয়ং পরমাত্মনঃ ।
সংবন্ধং পরমাত্মৈব প্রয়োজনং পরাত্মকম্ ॥ ২৪.৪০॥

ব্রহ্মৈব পরমং সঙ্গং কর্মজং ব্রহ্ম সঙ্গমম্ ।
ব্রহ্মৈব ভ্রান্তিজং ভাতি দ্বন্দ্বং ব্রহ্মৈব নান্যতঃ ॥ ২৪.৪১॥

সর্বং ব্রহ্মেতি নিশ্চিত্য সদ্য এব বিমোক্ষদম্ ।
সবিকল্পসমাধিস্থং নির্বিকল্পসমাধি হি ॥ ২৪.৪২॥

শব্দানুবিদ্ধং ব্রহ্মৈব ব্রহ্ম দৃশ্যানুবিদ্ধকম্ ।
ব্রহ্মৈবাদিসমাধিশ্চ তন্মধ্যমসমাধিকম্ ॥ ২৪.৪৩॥

ব্রহ্মৈব নিশ্চয়ং শূন্যং তদুক্তমসমাধিকম্ ।
দেহাভিমানরহিতং তদ্বৈরাগ্যসমাধিকম্ ॥ ২৪.৪৪॥

এতদ্ভাবনয়া শান্তং জীবন্মুক্তসমাধিকঃ ।
অত্যন্তং সর্বশান্তৎবং দেহো মুক্তসমাধিকম্ ॥ ২৪.৪৫॥

এতদভ্যাসিনাং প্রোক্তং সর্বং চৈতৎসমন্বিতম্ ।
সর্বং বিস্মৃত্য বিস্মৃত্য ত্যক্ত্বা ত্যক্ত্বা পুনঃ পুনঃ ॥ ২৪.৪৬॥

সর্ববৃত্তিং চ শূন্যেন স্থাস্যামীতি বিমুচ্য হি ।
ন স্থাস্যামীতি বিস্মৃত্য ভাস্যামীতি চ বিস্মর ॥ ২৪.৪৭॥

চৈতন্যোঽহমিতি ত্যক্ত্বা সন্মাত্রোঽহমিতি ত্যজ ।
ত্যজনং চ পরিত্যজ্য ভাবনং চ পরিত্যজ ॥ ২৪.৪৮॥

সর্বং ত্যক্ত্বা মনঃ ক্ষিপ্রং স্মরণং চ পরিত্যজ ।
স্মরণং কিঞ্চিদেবাত্র মহাসংসারসাগরম্ ॥ ২৪.৪৯॥

স্মরণং কিঞ্চিদেবাত্র মহাদুঃখং ভবেৎ তদা ।
মহাদোষং ভবং বন্ধং চিত্তজন্ম শতং মনঃ ॥ ২৪.৫০॥

প্রারব্ধং হৃদয়গ্রন্থি ব্রহ্মহত্যাদি পাতকম্ ।
স্মরণং চৈবমেবেহ বন্ধমোক্ষস্য কারণম্ ॥ ২৪.৫১॥

অহং ব্রহ্মপ্রকরণং সর্বদুঃখবিনাশকম্ ।
সর্বপ্রপঞ্চশমনং সদ্যো মোক্ষপ্রদং সদা ।
এতচ্ছ্রবণমাত্রেণ ব্রহ্মৈব ভবতি স্বয়ম্ ॥ ২৪.৫২॥

ভক্ত্যা পদ্মদলাক্ষপূজিতপদধ্যানানুবৃত্ত্যা মনঃ
স্বান্তানন্তপথপ্রচারবিধুরং মুক্ত্যৈ ভবেন্মানসম্ ।
সঙ্কল্পোজ্ঝিতমেতদল্পসুমহাশীলো দয়াম্ভোনিধৌ
কশ্চিৎ স্যাচ্ছিবভক্তধুর্যসুমহাশান্তঃ শিবপ্রেমতঃ ॥ ২৪.৫৩॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
অহং ব্রহ্মপ্রকরণনিরূপণং নাম চতুর্বিংশোঽধ্যায়ঃ ॥

২৫ ॥ পঞ্চবিংশোঽধ্যায়ঃ ॥

ঋভুঃ –
বক্ষ্যে প্রসিদ্ধমাত্মানং সর্বলোকপ্রকাশকম্ ।
সর্বাকারং সদা সিদ্ধং সর্বত্র নিবিডং মহৎ ॥ ২৫.১॥

তদ্ব্রহ্মাহং ন সন্দেহ ইতি নিশ্চিত্য তিষ্ঠ ভোঃ ।
চিদেবাহং চিদেবাহং চিত্রং চেদহমেব হি ॥ ২৫.২॥

বাচাবধিশ্চ দেবোঽহং চিদেব মনসঃ পরঃ ।
চিদেবাহং পরং ব্রহ্ম চিদেব সকলং পদম্ ॥ ২৫.৩॥

স্থূলদেহং চিদেবেদং সূক্ষ্মদেহং চিদেব হি ।
চিদেব করণং সোঽহং কায়মেব চিদেব হি ॥ ২৫.৪॥

অখণ্ডাকারবৃত্তিশ্চ উত্তমাধমমধ্যমাঃ ।
দেহহীনশ্চিদেবাহং সূক্ষ্মদেহশ্চিদেব হি ॥ ২৫.৫॥

চিদেব কারণং সোঽহং বুদ্ধিহীনশ্চিদেব হি ।
ভাবহীনশ্চিদেবাহং দোষহীনশ্চিদেব হি ॥ ২৫.৬॥

অস্তিৎবং ব্রহ্ম নাস্ত্যেব নাস্তি ব্রহ্মেতি নাস্তি হি ।
অস্তি নাস্তীতি নাস্ত্যেব অহমেব চিদেব হি ॥ ২৫.৭॥

সর্বং নাস্ত্যেব নাস্ত্যেব সাকারং নাস্তি নাস্তি হি ।
যৎকিঞ্চিদপি নাস্ত্যেব অহমেব চিদেব হি ॥ ২৫.৮॥

অন্বয়ব্যতিরেকং চ আদিমধ্যান্তদূষণম্ ।
সর্বং চিন্মাত্ররূপৎবাদহমেব চিদেব হি ॥ ২৫.৯॥

সর্বাপরং চ সদসৎ কার্যকারণকর্তৃকম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১০॥

অশুদ্ধং শুদ্ধমদ্বৈতং দ্বৈতমেকমনেককম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১১॥

অসত্যসত্যমদ্বন্দ্বং দ্বন্দ্বং চ পরতঃ পরম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১২॥

ভূতং ভবিষ্যং বর্তং চ মোহামোহৌ সমাসমৌ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১৩॥

ক্ষণং লবং ত্রুটির্ব্রহ্ম ৎবংপদং তৎপদং তথা ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১৪॥

ৎবংপদং তৎপদং বাপি ঐক্যং চ হ্যহমেব হি ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১৫॥

আনন্দং পরমানন্দং সর্বানন্দং নিজং মহৎ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১৬॥

অহং ব্রহ্ম ইদং ব্রহ্ম কং ব্রহ্ম হ্যক্ষরং পরম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১৭॥

বিষ্ণুরেব পরং ব্রহ্ম শিবো ব্রহ্মাহমেব হি ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১৮॥

শ্রোত্রং ব্রহ্ম পরং ব্রহ্ম শব্দং ব্রহ্ম পদং শুভম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.১৯॥

স্পর্শো ব্রহ্ম পদং ৎবক্চ ৎবক্চ ব্রহ্ম পরস্পরম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.২০॥

পরং রূপং চক্ষুভিঃ এব তত্রৈব যোজ্যতাম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.২১॥

ব্রহ্মৈব সর্বং সততং সচ্চিদানন্দমাত্রকম্ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.২২॥

চিন্ময়ানন্দমাত্রোঽহং ইদং বিশ্বমিদং সদা ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.২৩॥

ব্রহ্মৈব সর্বং যৎকিঞ্চিৎ তদ্ব্রহ্মাহং ন সংশয়ঃ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.২৪॥

বাচা যৎ প্রোচ্যতে নাম মনসা মনুতে তু যৎ ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.২৫॥

কারণে কল্পিতে যদ্যৎ তূষ্ণীং বা স্থীয়তে সদা ।
শরীরেণ তু যদ্ ভুঙ্ক্তে ইন্দ্রিয়ৈর্যত্তু ভাব্যতে ।
সর্বং নাস্ত্যেব নাস্ত্যেব অহমেব হি কেবলম্ ॥ ২৫.২৬॥

বেদে যৎ কর্ম বেদোক্তং শাস্ত্রং শাস্ত্রোক্তনির্ণয়ম্ ।
গুরূপদেশসিদ্ধান্তং শুদ্ধাশুদ্ধবিভাসকম্ ॥ ২৫.২৭॥

কামাদিকলনং ব্রহ্ম দেবাদি কলনং পৃথক্ ।
জীবয়ুক্তেতি কলনং বিদেহো মুক্তিকল্পনম্ ॥ ২৫.২৮॥

ব্রহ্ম ইত্যপি সঙ্কল্পং ব্রহ্মবিদ্বরকল্পনম্ ।
বরীয়ানিতি সঙ্কল্পং বরিষ্ঠ ইতি কল্পনম্ ॥ ২৫.২৯॥

ব্রহ্মাহমিতি সঙ্কল্পং চিদহং চেতি কল্পনম্ ।
মহাবিদ্যেতি সঙ্কল্পং মহামায়েতি কল্পনম্ ॥ ২৫.৩০॥

মহাশূন্যেতি সঙ্কল্পং মহাচিন্তেতি কল্পনম্ ।
মহালোকেতি সঙ্কল্পং মহাসত্যেতি কল্পনম্ ॥ ২৫.৩১॥

মহারূপেতি সঙ্কল্পং মহারূপং চ কল্পনম্ ।
সর্বসঙ্কল্পকং চিত্তং সর্বসঙ্কল্পকং মনঃ ॥ ২৫.৩২॥

সর্বং নাস্ত্যেব নাস্ত্যেব সর্বং ব্রহ্মৈব কেবলম্ ।
সর্বং দ্বৈতং মনোরূপং সর্বং দুঃখং মনোময়ম্ ॥ ২৫.৩৩॥

চিদেবাহং ন সন্দেহঃ চিদেবেদং জগত্ত্রয়ম্ ।
যৎকিঞ্চিদ্ভাষণং বাপি যৎকিঞ্চিন্মনসো জপম্ ।
যৎকিঞ্চিন্মানসং কর্ম সর্বং ব্রহ্মৈব কেবলম্ ॥ ২৫.৩৪॥

সর্বং নাস্তীতি সন্মন্ত্রং জীবব্রহ্মস্বরূপকম্ ।
ব্রহ্মৈব সর্বমিত্যেবং মন্ত্রঞ্চৈবোত্তমোত্তমম্ ॥ ২৫.৩৫॥

অনুক্তমন্ত্রং সন্মন্ত্রং বৃত্তিশূন্যং পরং মহৎ ।
সর্বং ব্রহ্মেতি সঙ্কল্পং তদেব পরমং পদম্ ॥ ২৫.৩৬॥

সর্বং ব্রহ্মেতি সঙ্কল্পং মহাদেবেতি কীর্তনম্ ।
সর্বং ব্রহ্মেতি সঙ্কল্পং শিবপূজাসমং মহৎ ॥ ২৫.৩৭॥

সর্বং ব্রহ্মেত্যনুভবঃ সর্বাকারো ন সংশয়ঃ ।
সর্বং ব্রহ্মেতি সঙ্কল্পং সর্বত্যাগমিতীরিতম্ ॥ ২৫.৩৮॥

সর্বং ব্রহ্মেতি সঙ্কল্পং ভাবাভাববিনাশনম্ ।
সর্বং ব্রহ্মেতি সঙ্কল্পং মহাদেবেতি নিশ্চয়ঃ ॥ ২৫.৩৯॥

সর্বং ব্রহ্মেতি সঙ্কল্পং কালসত্তাবিনির্মুক্তঃ ।
সর্বং ব্রহ্মেতি সঙ্কল্পঃ দেহসত্তা বিমুক্তিকঃ ॥ ২৫.৪০॥

সর্বং ব্রহ্মেতি সঙ্কল্পঃ সচ্চিদানন্দরূপকঃ ।
সর্বোঽহং ব্রহ্মমাত্রৈব সর্বং ব্রহ্মৈব কেবলম্ ॥ ২৫.৪১॥

ইদমিত্যেব যৎকিঞ্চিৎ তদ্ব্রহ্মৈব ন সংশয়ঃ ।
ভ্রান্তিশ্চ নরকং দুঃখং স্বর্গভ্রান্তিরিতীরিতা ॥ ২৫.৪২॥

ব্রহ্মা বিষ্ণুরিতি ভ্রান্তির্ভ্রান্তিশ্চ শিবরূপকম্ ।
বিরাট্ স্বরাট্ তথা সম্রাট্ সূত্রাত্মা ভ্রান্তিরেব চ ॥ ২৫.৪৩॥

দেবাশ্চ দেবকার্যাণি সূর্যাচন্দ্রমসোর্গতিঃ ।
মুনয়ো মনবঃ সিদ্ধা ভ্রান্তিরেব ন সংশয়ঃ ॥ ২৫.৪৪॥

সর্বদেবাসুরা ভ্রান্তিস্তেষাং যুদ্ধাদি জন্ম চ ।
বিষ্ণোর্জন্মাবতারাণি চরিতং শান্তিরেব হি ॥ ২৫.৪৫॥

ব্রহ্মণঃ সৃষ্টিকৃত্যানি রুদ্রস্য চরিতানি চ ।
সর্বভ্রান্তিসমায়ুক্তং ভ্রান্ত্যা লোকাশ্চতুর্দশ ॥ ২৫.৪৬॥

বর্ণাশ্রমবিভাগশ্চ ভ্রান্তিরেব ন সংশয়ঃ ।
ব্রহ্মবিষ্ণ্বীশরুদ্রাণামুপাসা ভ্রান্তিরেব চ ॥ ২৫.৪৭॥

তত্রাপি যন্ত্রমন্ত্রাভ্যাং ভ্রান্তিরেব ন সংশয়ঃ ।
বাচামগোচরং ব্রহ্ম সর্বং ব্রহ্মময়ং চ হি ॥ ২৫.৪৮॥

সর্বং নাস্ত্যেব নাস্ত্যেব অহমেব চিদেব হি ।
এবং বদ ৎবং তিষ্ঠ ৎবং সদ্যো মুক্তো ভবিষ্যসি ॥ ২৫.৪৯॥

এতাবদুক্তং যৎকিঞ্চিৎ তন্নাস্ত্যেব ন সংশয়ঃ ।
এবং যদান্তরং ক্ষিপ্রং ব্রহ্মৈব দৃঢনিশ্চয়ম্ ॥ ২৫.৫০॥

দৃঢনিশ্চয়মেবাত্র প্রথমং কারণং ভবেৎ ।
নিশ্চয়ঃ খল্বয়ং পশ্চাৎ স্বয়মেব ভবিষ্যতি ॥ ২৫.৫১॥

আর্তং যচ্ছিবপাদতোঽন্যদিতরং তজ্জাদিশব্দাত্মকং
চেতোবৃত্তিপরং পরাপ্রমুদিতং ষড্ভাবসিদ্ধং জগৎ ।
ভূতাক্ষাদিমনোবচোভিরনঘে সান্দ্রে মহেশে ঘনে
সিন্ধৌ সৈন্ধবখণ্ডবজ্জগদিদং লীয়েত বৃত্ত্যুজ্ঝিতম্ ॥ ২৫.৫২॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ব্রহ্মণস্সর্বরূপৎবনিরূপণপ্রকরণং নাম পঞ্চবিংশোঽধ্যায়ঃ ॥

২৬ ॥ ষড্বিংশোঽধ্যায়ঃ ॥

ঋভুঃ –
বক্ষ্যে সচ্চিৎপরানন্দং স্বভাবং সর্বদা সুখম্ ।
সর্ববেদপুরাণানাং সারাৎ সারতরং স্বয়ম্ ॥ ২৬.১॥

ন ভেদং চ দ্বয়ং দ্বন্দ্বং ন ভেদং ভেদবর্জিতম্ ।
ইদমেব পরং ব্রহ্ম জ্ঞানাশ্রয়মনাময়ম্ ॥ ২৬.২॥

ন ক্বচিন্নাত এবাহং নাক্ষরং ন পরাৎপরম্ ।
ইদমেব পরং ব্রহ্ম জ্ঞানাশ্রয়মনাময়ম্ ॥ ২৬.৩॥

ন বহির্নান্তরং নাহং ন সঙ্কল্পো ন বিগ্রহঃ ।
ইদমেব পরং ব্রহ্ম জ্ঞানাশ্রয়মনাময়ম্ ॥ ২৬.৪॥

ন সত্যং চ পরিত্যজ্য ন বার্তা নার্থদূষণম্ ।
ইদমেব পরং ব্রহ্ম জ্ঞানাশ্রয়মনাময়ম্ ॥ ২৬.৫॥

ন গুণো গুণিবাক্যং বা ন মনোবৃত্তিনিশ্চয়ঃ ।
ন জপং ন পরিচ্ছিন্নং ন ব্যাপকমসৎ ফলম্ ॥ ২৬.৬॥

ন গুরুর্ন চ শিষ্যো বা ন স্থিরং ন শুভাশুভম্ ।
নৈকরূপং নান্যরূপং ন মোক্ষো ন চ বন্ধকম্ ॥ ২৬.৭॥

অহং পদার্থস্তৎপদং বা নেন্দ্রিয়ং বিষয়াদিকম্ ।
ন সংশয়ং ন তুচ্ছং বা ন নিশ্চয়ং ন বা কৃতম্ ॥ ২৬.৮॥

ন শান্তিরূপমদ্বৈতং ন চোর্ধ্বং ন চ নীচকম্ ।
ন লক্ষণং ন দুঃখাঙ্গং ন সুখং ন চ চঞ্চলম্ ॥ ২৬.৯॥

ন শরীরং ন লিঙ্গং বা ন কারণমকারণম্ ।
ন দুঃখং নান্তিকং নাহং ন গূঢং ন পরং পদম্ ॥ ২৬.১০॥

ন সঞ্চিতং চ নাগামি ন সত্যং চ ৎবমাহকম্ ।
নাজ্ঞানং ন চ বিজ্ঞানং ন মূঢো ন চ বিজ্ঞবান্ ॥ ২৬.১১॥

ন নীচং নরকং নান্তং ন মুক্তির্ন চ পাবনম্ ।
ন তৃষ্ণা ন চ বিদ্যাৎবং নাহং তত্ত্বং ন দেবতা ॥ ২৬.১২॥

ন শুভাশুভসঙ্কেতো ন মৃত্যুর্ন চ জীবনম্ ।
ন তৃপ্তির্ন চ ভোজ্যং বা ন খণ্ডৈকরসোঽদ্বয়ম্ ॥ ২৬.১৩॥

ন সঙ্কল্পং ন প্রপঞ্চং ন জাগরণরাজকম্ ।
ন কিঞ্চিৎসমতাদোষো ন তুর্যগণনা ভ্রমঃ ॥ ২৬.১৪॥

ন সর্বং সমলং নেষ্টং ন নীতির্ন চ পূজনম্ ।
ন প্রপঞ্চং ন বহুনা নান্যভাষণসঙ্গমঃ ॥ ২৬.১৫॥

ন সৎসঙ্গমসৎসঙ্গঃ ন ব্রহ্ম ন বিচারণম্ ।
নাভ্যাসং ন চ বক্তা চ ন স্নানং ন চ তীর্থকম্ ॥ ২৬.১৬॥

ন পুণ্যং ন চ বা পাপং ন ক্রিয়া দোষকারণম্ ।
ন চাধ্যাত্মং নাধিভূতং ন দৈবতমসম্ভবম্ ॥ ২৬.১৭॥

ন জন্মমরণে ক্বাপি জাগ্রৎস্বপ্নসুষুপ্তিকম্ ।
ন ভূলোকং ন পাতালং ন জয়াপজয়াজয়ৌ ॥ ২৬.১৮॥

ন হীনং ন চ বা ভীতির্ন রতির্ন মৃতিস্ত্বরা ।
অচিন্ত্যং নাপরাধ্যাত্মা নিগমাগমবিভ্রমঃ ॥ ২৬.১৯॥

ন সাত্ত্বিকং রাজসং চ ন তামসগুণাধিকম্ ।
ন শৈবং ন চ বেদান্তং ন স্বাদ্যং তন্ন মানসম্ ॥ ২৬.২০॥

ন বন্ধো ন চ মোক্ষো বা ন বাক্যং ঐক্যলক্ষণম্ ।
ন স্ত্রীরূপং ন পুংভাবঃ ন ষণ্ডো ন স্থিরঃ পদম্ ॥ ২৬.২১॥

ন ভূষণং ন দূষণং ন স্তোত্রং ন স্তুতির্ন হি ।
ন লৌকিকং বৈদিকং ন শাস্ত্রং ন চ শাসনম্ ॥ ২৬.২২॥

ন পানং ন কৃশং নেদং ন মোদং ন মদামদম্ ।
ন ভাবনমভাবো বা ন কুলং নামরূপকম্ ॥ ২৬.২৩॥

নোৎকৃষ্টং চ নিকৃষ্টং চ ন শ্রেয়োঽশ্রেয় এব হি ।
নির্মলৎবং মলোৎসর্গো ন জীবো ন মনোদমঃ ॥ ২৬.২৪॥

ন শান্তিকলনা নাগং ন শান্তির্ন শমো দমঃ ।
ন ক্রীডা ন চ ভাবাঙ্গং ন বিকারং ন দোষকম্ ॥ ২৬.২৫॥

ন যৎকিঞ্চিন্ন যত্রাহং ন মায়াখ্যা ন মায়িকা ।
যৎকিঞ্চিন্ন চ ধর্মাদি ন ধর্মপরিপীডনম্ ॥ ২৬.২৬॥

ন যৌবনং ন বাল্যং বা ন জরামরণাদিকম্ ।
ন বন্ধুর্ন চ বাঽবন্ধুর্ন মিত্রং ন চ সোদরঃ ॥ ২৬.২৭॥

নাপি সর্বং ন চাকিঞ্চিন্ন বিরিঞ্চো ন কেশবঃ ।
ন শিবো নাষ্টদিক্পালো ন বিশ্বো ন চ তৈজসঃ ॥ ২৬.২৮॥

ন প্রাজ্ঞো হি ন তুর্যো বা ন ব্রহ্মক্ষত্রবিড্বরঃ ।
ইদমেব পরং ব্রহ্ম জ্ঞানামৃতমনাময়ম্ ॥ ২৬.২৯॥

ন পুনর্ভাবি পশ্চাদ্বা ন পুনর্ভবসংভবঃ ।
ন কালকলনা নাহং ন সংভাষণকারণম্ ॥ ২৬.৩০॥

ন চোর্ধ্বমন্তঃকরণং ন চ চিন্মাত্রভাষণম্ ।
ন ব্রহ্মাহমিতি দ্বৈতং ন চিন্মাত্রমিতি দ্বয়ম্ ॥ ২৬.৩১॥

নান্নকোশং ন চ প্রাণমনোময়মকোশকম্ ।
ন বিজ্ঞানময়ঃ কোশঃ ন চানন্দময়ঃ পৃথক্ ॥ ২৬.৩২॥

ন বোধরূপং বোধ্যং বা বোধকং নাত্র যদ্ভ্রমঃ ।
ন বাধ্যং বাধকং মিথ্যা ত্রিপুটীজ্ঞাননির্ণয়ঃ ॥ ২৬.৩৩॥

ন প্রমাতা প্রমাণং বা ন প্রমেয়ং ফলোদয়ম্ ।
ইদমেব পরং ব্রহ্ম জ্ঞানামৃতমনোময়ম্ ॥ ২৬.৩৪॥

ন গুহ্যং ন প্রকাশং বা ন মহৎবং ন চাণুতা ।
ন প্রপঞ্চো বিদ্যমানং ন প্রপঞ্চঃ কদাচন ॥ ২৬.৩৫॥

নান্তঃকরণসংসারো ন মনো জগতাং ভ্রমঃ ।
ন চিত্তরূপসংসারো বুদ্ধিপূর্বং প্রপঞ্চকম্ ॥ ২৬.৩৬॥

ন জীবরূপসংসারো বাসনারূপসংসৃতিঃ ।
ন লিঙ্গভেদসংসারো নাজ্ঞানময়সংস্মৃতিঃ ॥ ২৬.৩৭॥var was সংসৃতিঃ
ন বেদরূপসংসারো ন শাস্ত্রাগমসংসৃতিঃ ।
নান্যদস্তীতি সংসারমন্যদস্তীতি ভেদকম্ ॥ ২৬.৩৮॥

ন ভেদাভেদকলনং ন দোষাদোষকল্পনম্ ।
ন শান্তাশান্তসংসারং ন গুণাগুণসংসৃতিঃ ॥ ২৬.৩৯॥

ন স্ত্রীলিঙ্গং ন পুংলিঙ্গং ন নপুংসকসংসৃতিঃ ।
ন স্থাবরং ন জঙ্গমং চ ন দুঃখং ন সুখং ক্বচিৎ ॥ ২৬.৪০॥

ন শিষ্টাশিষ্টরূপং বা ন যোগ্যায়োগ্যনিশ্চয়ঃ ।
ন দ্বৈতবৃত্তিরূপং বা সাক্ষিবৃত্তিৎবলক্ষণম্ ॥ ২৬.৪১॥

অখণ্ডাকারবৃত্তিৎবমখণ্ডৈকরসং সুখম্ ।
দেহোঽহমিতি যা বৃত্তির্ব্রহ্মাহমিতি শব্দকম্ ॥ ২৬.৪২॥

অখণ্ডনিশ্চয়া বৃত্তির্নাখণ্ডৈকরসং মহৎ ।
ন সর্ববৃত্তিভবনং সর্ববৃত্তিবিনাশকম্ ॥ ২৬.৪৩॥

সর্ববৃত্ত্যনুসন্ধানং সর্ববৃত্তিবিমোচনম্ ।
সর্ববৃত্তিবিনাশান্তং সর্ববৃত্তিবিশূন্যকম্ ॥ ২৬.৪৪॥

ন সর্ববৃত্তিসাহস্রং ক্ষণক্ষণবিনাশনম্ ।
ন সর্ববৃত্তিসাক্ষিৎবং ন চ ব্রহ্মাত্মভাবনম্ ॥ ২৬.৪৫॥

ন জগন্ন মনো নান্তো ন কার্যকলনং ক্বচিৎ ।
ন দূষণং ভূষণং বা ন নিরঙ্কুশলক্ষণম্ ॥ ২৬.৪৬॥

ন চ ধর্মাত্মনো লিঙ্গং গুণশালিৎবলক্ষণম্ ।
ন সমাধিকলিঙ্গং বা ন প্রারব্ধং প্রবন্ধকম্ ॥ ২৬.৪৭॥

ব্রহ্মবিত্তং আত্মসত্যো ন পরঃ স্বপ্নলক্ষণম্ ।
ন চ বর্যপরো রোধো বরিষ্ঠো নার্থতৎপরঃ ॥ ২৬.৪৮॥

আত্মজ্ঞানবিহীনো যো মহাপাতকিরেব সঃ ।
এতাবদ্ জ্ঞানহীনো যো মহারোগী স এব হি ॥ ২৬.৪৯॥

অহং ব্রহ্ম ন সন্দেহ অখণ্ডৈকরসাত্মকঃ ।
ব্রহ্মৈব সর্বমেবেতি নিশ্চয়ানুভবাত্মকঃ ॥ ২৬.৫০॥

সদ্যো মুক্তো ন সন্দেহঃ সদ্যঃ প্রজ্ঞানবিগ্রহঃ ।
স এব জ্ঞানবান্ লোকে স এব পরমেশ্বরঃ ॥ ২৬.৫১॥

ইদমেব পরং ব্রহ্ম জ্ঞানামৃতমনোময়ম্ ।
এতৎপ্রকরণং যস্তু শৃণুতে ব্রহ্ম এব সঃ ॥ ২৬.৫২॥

একৎবং ন বহুৎবমপ্যণুমহৎ কার্যং ন বৈ কারণং
বিশ্বং বিশ্বপতিৎবমপ্যরসকং নো গন্ধরূপং সদা ।
বদ্ধং মুক্তমনুত্তমোত্তমমহানন্দৈকমোদং সদা
ভূমানন্দসদাশিবং জনিজরারোগাদ্যসঙ্গং মহঃ ॥ ২৬.৫৩॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
জ্ঞানামৃতমনোময়প্রকরণবর্ণনং নাম ষড্বিংশোঽধ্যায়ঃ ॥

২৭ ॥ সপ্তবিংশোঽধ্যায়ঃ ॥

ঋভুঃ –
বক্ষ্যে প্রকরণং সত্যং ব্রহ্মানন্দমনোময়ম্ ।
কার্যকারণনির্মুক্তং নিত্যানন্দময়ং ৎবিদম্ ॥ ২৭.১॥

অক্ষয়ানন্দ এবাহমাত্মানন্দপ্রকাশকম্ ।
জ্ঞানানন্দস্বরূপোঽহং লক্ষ্যানন্দময়ং সদা ॥ ২৭.২॥

বিষয়ানন্দশূন্যোঽহং মিথ্যানন্দপ্রকাশকঃ ।
বৃত্তিশূন্যসুখাত্মাহং বৃত্তিশূন্যসুখাৎপরম্ ॥ ২৭.৩॥

জডানন্দপ্রকাশাত্মা আত্মানন্দরসোঽস্ম্যহম্ ।
আত্মানন্দবিহীনোঽহং নাস্ত্যানন্দাত্মবিগ্রহঃ ॥ ২৭.৪॥

কার্যানন্দবিহীনোঽহং কার্যানন্দকলাত্মকঃ ।
গুণানন্দবিহীনোঽহং গুহ্যানন্দস্বরূপবান্ ॥ ২৭.৫॥

গুপ্তানন্দস্বরূপোঽহং কৃত্যানন্দমহানহম্ ।
জ্ঞেয়ানন্দবিহীনোঽহং গোপ্যানন্দবিবর্জিতঃ ॥ ২৭.৬॥

সদানন্দস্বরূপোঽহং মুদানন্দনিজাত্মকঃ ।
লোকানন্দো মহানন্দো লোকাতীতমহানয়ম্ ॥ ২৭.৭॥

ভেদানন্দশ্চিদানন্দঃ সুখানন্দোঽহমদ্বয়ঃ ।
ক্রিয়ানন্দোঽক্ষয়ানন্দো বৃত্ত্যানন্দবিবর্জিতঃ ॥ ২৭.৮॥

সর্বানন্দোঽক্ষয়ানন্দশ্চিদানন্দোঽহমব্যযঃ ।
সত্যানন্দঃ পরানন্দঃ সদ্যোনন্দঃ পরাৎপরঃ ॥ ২৭.৯॥

বাক্যানন্দমহানন্দঃ শিবানন্দোঽহমদ্বয়ঃ ।
শিবানন্দোত্তরানন্দ আদ্যানন্দবিবর্জিতঃ ॥ ২৭.১০॥

অমলাত্মা পরানন্দশ্চিদানন্দোঽহমদ্বয়ঃ ।
বৃত্ত্যানন্দপরানন্দো বিদ্যাতীতো হি নির্মলঃ ॥ ২৭.১১॥

কারণাতীত আনন্দশ্চিদানন্দোঽহমদ্বয়ঃ ।
সর্বানন্দঃ পরানন্দো ব্রহ্মানন্দাত্মভাবনঃ ॥ ২৭.১২॥

জীবানন্দো লয়ানন্দশ্চিদানন্দস্বরূপবান্ ।
শুদ্ধানন্দস্বরূপাত্মা বুদ্ধ্যানন্দো মনোময়ঃ ॥ ২৭.১৩॥

শব্দানন্দো মহানন্দশ্চিদানন্দোঽহমদ্বয়ঃ ।
আনন্দানন্দশূন্যাত্মা ভেদানন্দবিশূন্যকঃ ॥ ২৭.১৪॥

দ্বৈতানন্দপ্রভাবাত্মা চিদানন্দোঽহমদ্বয়ঃ ।
এবমাদিমহানন্দ অহমেবেতি ভাবয় ॥ ২৭.১৫॥

শান্তানন্দোঽহমেবেতি চিদানন্দপ্রভাস্বরঃ ।
একানন্দপরানন্দ এক এব চিদব্যযঃ ॥ ২৭.১৬॥

এক এব মহানাত্মা একসংখ্যাবিবর্জিতঃ ।
একতত্ত্বমহানন্দস্তত্ত্বভেদবিবর্জিতঃ ॥ ২৭.১৭॥

বিজিতানন্দহীনোঽহং নির্জিতানন্দহীনকঃ ।
হীনানন্দপ্রশান্তোঽহং শান্তোঽহমিতি শান্তকঃ ॥ ২৭.১৮॥

মমতানন্দশান্তোঽহমহমাদিপ্রকাশকম্ ।
সর্বদা দেহশান্তোঽহং শান্তোঽহমিতি বর্জিতঃ ॥ ২৭.১৯॥

ব্রহ্মৈবাহং ন সংসারী ইত্যেবমিতি শান্তকঃ ।
অন্তরাদন্তরোঽহং বৈ অন্তরাদন্তরান্তরঃ ॥ ২৭.২০॥

এক এব মহানন্দ এক এবাহমক্ষরঃ ।
এক এবাক্ষরং ব্রহ্ম এক এবাক্ষরোঽক্ষরঃ ॥ ২৭.২১॥

এক এব মহানাত্মা এক এব মনোহরঃ ।
এক এবাদ্বয়োঽহং বৈ এক এব ন চাপরঃ ॥ ২৭.২২॥

এক এব ন ভূরাদি এক এব ন বুদ্ধয়ঃ ।
এক এব প্রশান্তোঽহং এক এব সুখাত্মকঃ ॥ ২৭.২৩॥

এক এব ন কামাত্মা এক এব ন কোপকম্ ।
এক এব ন লোভাত্মা এক এব ন মোহকঃ ॥ ২৭.২৪॥

এক এব মদো নাহং এক এব ন মে রসঃ ।
এক এব ন চিত্তাত্মা এক এব ন চান্যকঃ ॥ ২৭.২৫॥

এক এব ন সত্তাত্মা এক এব জরামরঃ ।
এক এব হি পূর্ণাত্মা এক এব হি নিশ্চলঃ ॥ ২৭.২৬॥

এক এব মহানন্দ এক এবাহমেকবান্ ।
দেহোঽহমিতি হীনোঽহং শান্তোঽহমিতি শাশ্বতঃ ॥ ২৭.২৭॥

শিবোঽহমিতি শান্তোঽহং আত্মৈবাহমিতি ক্রমঃ ।
জীবোঽহমিতি শান্তোঽহং নিত্যশুদ্ধহৃদন্তরঃ ॥ ২৭.২৮॥

এবং ভাবয় নিঃশঙ্কং সদ্যো মুক্তস্ত্বমদ্বয়ে ।
এবমাদি সুশব্দং বা নিত্যং পঠতু নিশ্চলঃ ॥ ২৭.২৯॥

কালস্বভাবো নিয়তৈশ্চ ভূতৈঃ
জগদ্বিজায়েত ইতি শ্রুতীরিতম্ ।
তদ্বৈ মৃষা স্যাজ্জগতো জডৎবতঃ
ইচ্ছাভবং চৈতদথেস্বরস্য ॥ ২৭.৩০॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
আনন্দরূপৎবনিরূপণপ্রকরণং নাম সপ্তবিংশোঽধ্যায়ঃ ॥

২৮ ॥ অষ্টাবিংশোঽধ্যায়ঃ ॥

ঋভুঃ –
ব্রহ্মৈবাহং চিদেবাহং নির্মলোঽহং নিরন্তরঃ ।
শুদ্ধস্বরূপ এবাহং নিত্যরূপঃ পরোঽস্ম্যহম্ ॥ ২৮.১॥

নিত্যনির্মলরূপোঽহং নিত্যচৈতন্যবিগ্রহঃ ।
আদ্যন্তরূপহীনোঽহমাদ্যন্তদ্বৈতহীনকঃ ॥ ২৮.২॥

অজস্রসুখরূপোঽহং অজস্রানন্দরূপবান্ ।
অহমেবাদিনির্মুক্তঃ অহং কারণবর্জিতঃ ॥ ২৮.৩॥

অহমেব পরং ব্রহ্ম অহমেবাহমেব হি ।
ইত্যেবং ভাবয়ন্নিত্যং সুখমাত্মনি নির্মলঃ ॥ ২৮.৪॥

সুখং তিষ্ঠ সুখং তিষ্ঠ সুচিরং সুখমাবহ ।
সর্ববেদমনন্যস্ত্বং সর্বদা নাস্তি কল্পনম্ ॥ ২৮.৫॥

সর্বদা নাস্তি চিত্তাখ্যং সর্বদা নাস্তি সংসৃতিঃ ।
সর্বদা নাস্তি নাস্ত্যেব সর্বদা জগদেব ন ॥ ২৮.৬॥

জগৎপ্রসঙ্গো নাস্ত্যেব দেহবার্তা কুতস্ততঃ ।
ব্রহ্মৈব সর্বচিন্মাত্রমহমেব হি কেবলম্ ॥ ২৮.৭॥

চিত্তমিত্যপি নাস্ত্যেব চিত্তমস্তি হি নাস্তি হি ।
অস্তিৎবভাবনা নিষ্ঠা জগদস্তিৎববাঙ্মৃষা ॥ ২৮.৮॥

অস্তিৎববক্তা বার্তা হি জগদস্তীতি ভাবনা ।
স্বাত্মনোঽন্যজ্জগদ্রক্ষা দেহোঽহমিতি নিশ্চিতঃ ॥ ২৮.৯॥

মহাচণ্ডাল এবাসৌ মহাবিপ্রোঽপি নিশ্চয়ঃ ।
তস্মাদিতি জগন্নেতি চিত্তং বা বুদ্ধিরেব চ ॥ ২৮.১০॥

নাস্তি নাস্তীতি সহসা নিশ্চয়ং কুরু নির্মলঃ ।
দৃশ্যং নাস্ত্যেব নাস্ত্যেব নাস্তি নাস্তীতি ভাবয় ॥ ২৮.১১॥

অহমেব পরং ব্রহ্ম অহমেব হি নিষ্কলঃ ।
অহমেব ন সন্দেহঃ অহমেব সুখাৎ সুখম্ ॥ ২৮.১২॥

অহমেব হি দিব্যাত্মা অহমেব হি কেবলঃ ।
বাচামগোচরোঽহং বৈ অহমেব ন চাপরঃ ॥ ২৮.১৩॥

অহমেব হি সর্বাত্মা অহমেব সদা প্রিয়ঃ ।
অহমেব হি ভাবাত্মা অহং বৃত্তিবিবর্জিতঃ ॥ ২৮.১৪॥

অহমেবাপরিচ্ছিন্ন অহমেব নিরন্তরঃ ।
অহমেব হি নিশ্চিন্ত অহমেব হি সদ্গুরুঃ ॥ ২৮.১৫॥

অহমেব সদা সাক্ষী অহমেবাহমেব হি ।
নাহং গুপ্তো ন বাঽগুপ্তো ন প্রকাশাত্মকঃ সদা ॥ ২৮.১৬॥

নাহং জডো ন চিন্মাত্রঃ ক্বচিৎ কিঞ্চিৎ তদস্তি হি ।
নাহং প্রাণো জডৎবং তদত্যন্তং সর্বদা ভ্রমঃ ॥ ২৮.১৭॥

অহমত্যন্তমানন্দ অহমত্যন্তনির্মলঃ ।
অহমত্যন্তবেদাত্মা অহমত্যন্তশাঙ্করঃ ॥ ২৮.১৮॥

অহমিত্যপি মে কিঞ্চিদহমিত্যপি ন স্মৃতিঃ ।
সর্বহীনোঽহমেবাগ্রে সর্বহীনঃ সুখাচ্ছুভাৎ ॥ ২৮.১৯॥

পরাৎ পরতরং ব্রহ্ম পরাৎ পরতরঃ পুমান্ ।
পরাৎ পরতরোঽহং বৈ সর্বস্যাৎ পরতঃ পরঃ ॥ ২৮.২০॥

সর্বদেহবিহীনোঽহং সর্বকর্মবিবর্জিতঃ ।
সর্বমন্ত্রঃ প্রশান্তাত্মা সর্বান্তঃকরণাৎ পরঃ ॥ ২৮.২১॥

সর্বস্তোত্রবিহীনোঽহং সর্বদেবপ্রকাশকঃ ।
সর্বস্নানবিহীনাত্মা একমগ্নোঽহমদ্বয়ঃ ॥ ২৮.২২॥

আত্মতীর্থে হ্যাত্মজলে আত্মানন্দমনোহরে ।
আত্মৈবাহমিতি জ্ঞাৎবা আত্মারামোবসাম্যহম্ ॥ ২৮.২৩॥

আত্মৈব ভোজনং হ্যাত্মা তৃপ্তিরাত্মসুখাত্মকঃ ।
আত্মৈব হ্যাত্মনো হ্যাত্মা আত্মৈব পরমো হ্যহম্ ॥ ২৮.২৪॥

অহমাত্মাঽহমাত্মাহমহমাত্মা ন লৌকিকঃ ।
সর্বাত্মাহং সদাত্মাহং নিত্যাত্মাহং গুণান্তরঃ ॥ ২৮.২৫॥

এবং নিত্যং ভাবয়িৎবা সদা ভাবয় সিদ্ধয়ে ।
সিদ্ধং তিষ্ঠতি চিন্মাত্রো নিশ্চয়ং মাত্রমেব সা ।
নিশ্চয়ং চ লয়ং যাতি স্বয়মেব সুখী ভব ॥ ২৮.২৬॥

শাখাদিভিশ্চ শ্রুতয়ো হ্যনন্তা-
স্ত্বামেকমেব ভগবন্ বহুধা বদন্তি ।
বিষ্ণ্বিন্দ্রধাতৃরবিসূন্বনলানিলাদি
ভূতাত্মনাথ গণনাথললাম শম্ভো ॥ ২৮.২৭॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
আত্মবৈলক্ষণ্যপ্রকরণং নাম অষ্টাবিংশোঽধ্যায়ঃ ॥

২৯ ॥ একোনত্রিংশোঽধ্যায়ঃ ॥

ঋভুঃ –
অত্যন্তং তন্ময়ং বক্ষ্যে দুর্লভং যোগিনামপি ।
বেদশাস্ত্রেষু দেবেষু রহস্যমতিদুর্লভম্ ॥ ২৯.১॥

যঃ পরং ব্রহ্ম সর্বাত্মা সচ্চিদানন্দবিগ্রহঃ ।
সর্বাত্মা পরমাত্মা হি তন্ময়ো ভব সর্বদা ॥ ২৯.২॥

আত্মরূপমিদং সর্বমাদ্যন্তরহিতোঽজয়ঃ ।
কার্যাকার্যমিদং নাস্তি তন্ময়ো ভব সর্বদা ॥ ২৯.৩॥

যত্র দ্বৈতভয়ং নাস্তি যত্রাদ্বৈতপ্রবোধনম্ ।
শান্তাশান্তদ্বয়ং নাস্তি তন্ময়ো ভব সর্বদা ॥ ২৯.৪॥

যত্র সঙ্কল্পকং নাস্তি যত্র ভ্রান্তির্ন বিদ্যতে ।
তদেব হি মতির্নাস্তি তন্ময়ো ভব সর্বদা ॥ ২৯.৫॥

যত্র ব্রহ্মণি নাস্ত্যেব যত্র ভাবি বিকল্পনম্ ।
যত্র সর্বং জগন্নাস্তি তন্ময়ো ভব সর্বদা ॥ ২৯.৬॥

যত্র ভাবমভাবং বা মনোভ্রান্তি বিকল্পনম্ ।
যত্র ভ্রান্তের্ন বার্তা বা তন্ময়ো ভব সর্বদা ॥ ২৯.৭॥

যত্র নাস্তি সুখং নাস্তি দেহোঽহমিতি রূপকম্ ।
সর্বসঙ্কল্পনির্মুক্তং তন্ময়ো ভব সর্বদা ॥ ২৯.৮॥

যত্র ব্রহ্ম বিনা ভাবো যত্র দোষো ন বিদ্যতে ।
যত্র দ্বন্দ্বভয়ং নাস্তি তন্ময়ো ভব সর্বদা ॥ ২৯.৯॥

যত্র বাক্কায়কার্যং বা যত্র কল্পো লয়ং গতঃ ।
যত্র প্রপঞ্চং নোৎপন্নং তন্ময়ো ভব সর্বদা ॥ ২৯.১০॥

যত্র মায়া প্রকাশো ন মায়া কার্যং ন কিঞ্চন ।
যত্র দৃশ্যমদৃশ্যং বা তন্ময়ো ভব সর্বদা ॥ ২৯.১১॥

বিদ্বান্ বিদ্যাপি নাস্ত্যেব যত্র পক্ষবিপক্ষকৌ ।
ন যত্র দোষাদোষৌ বা তন্ময়ো ভব সর্বদা ॥ ২৯.১২॥

যত্র বিষ্ণুৎবভেদো ন যত্র ব্রহ্মা ন বিদ্যতে ।
যত্র শঙ্করভেদো ন তন্ময়ো ভব সর্বদা ॥ ২৯.১৩॥

ন যত্র সদসদ্ভেদো ন যত্র কলনাপদম্ ।
ন যত্র জীবকলনা তন্ময়ো ভব সর্বদা ॥ ২৯.১৪॥

ন যত্র শঙ্করধ্যানং ন যত্র পরমং পদম্ ।
ন যত্র কলনাকারং তন্ময়ো ভব সর্বদা ॥ ২৯.১৫॥

ন যত্রাণুর্মহত্ত্বং চ যত্র সন্তোষকল্পনম্ ।
যত্র প্রপঞ্চমাভাসং তন্ময়ো ভব সর্বদা ॥ ২৯.১৬॥

ন যত্র দেহকলনং ন যত্র হি কুতূহলম্ ।
ন যত্র চিত্তকলনং তন্ময়ো ভব সর্বদা ॥ ২৯.১৭॥

ন যত্র বুদ্ধিবিজ্ঞানং ন যত্রাত্মা মনোময়ঃ ।
ন যত্র কামকলনং তন্ময়ো ভব সর্বদা ॥ ২৯.১৮॥

ন যত্র মোক্ষবিশ্রান্তির্যত্র বন্ধৎববিগ্রহঃ ।
ন যত্র শাশ্বতং জ্ঞানং তন্ময়ো ভব সর্বদা ॥ ২৯.১৯॥

ন যত্র কালকলনং যত্র দুঃখৎবভাবনম্ ।
ন যত্র দেহকলনং তন্ময়ো ভব সর্বদা ॥ ২৯.২০॥

ন যত্র জীববৈরাগ্যং যত্র শাস্ত্রবিকল্পনম্ ।
যত্রাহমহমাত্মৎবং তন্ময়ো ভব সর্বদা ॥ ২৯.২১॥

ন যত্র জীবন্মুক্তির্বা যত্র দেহবিমোচনম্ ।
যত্র সঙ্কল্পিতং কার্যং তন্ময়ো ভব সর্বদা ॥ ২৯.২২॥

ন যত্র ভূতকলনং যত্রান্যৎবপ্রভাবনম্ ।
ন যত্র জীবভেদো বা তন্ময়ো ভব সর্বদা ॥ ২৯.২৩॥

যত্রানন্দপদং ব্রহ্ম যত্রানন্দপদং সুখম্ ।
যত্রানন্দগুণং নিত্যং তন্ময়ো ভব সর্বদা ॥ ২৯.২৪॥

ন যত্র বস্তুপ্রভবং ন যত্রাপজয়োজয়ঃ ।
ন যত্র বাক্যকথনং তন্ময়ো ভব সর্বদা ॥ ২৯.২৫॥

ন যত্রাত্মবিচারাঙ্গং ন যত্র শ্রবণাকুলম্ ।
ন যত্র চ মহানন্দং তন্ময়ো ভব সর্বদা ॥ ২৯.২৬॥

ন যত্র হি সজাতীয়ং বিজাতীয়ং ন যত্র হি ।
ন যত্র স্বগতং ভেদং তন্ময়ো ভব সর্বদা ॥ ২৯.২৭॥

ন যত্র নরকো ঘোরো ন যত্র স্বর্গসম্পদঃ ।
ন যত্র ব্রহ্মলোকো বা তন্ময়ো ভব সর্বদা ॥ ২৯.২৮॥

ন যত্র বিষ্ণুসায়ুজ্যং যত্র কৈলাসপর্বতঃ ।
ব্রহ্মাণ্ডমণ্ডলং যত্র তন্ময়ো ভব সর্বদা ॥ ২৯.২৯॥

ন যত্র ভূষণং যত্র দূষণং বা ন বিদ্যতে ।
ন যত্র সমতা দোষং তন্ময়ো ভব সর্বদা ॥ ২৯.৩০॥

ন যত্র মনসা ভাবো ন যত্র সবিকল্পনম্ ।
ন যত্রানুভবং দুঃখং তন্ময়ো ভব সর্বদা ॥ ২৯.৩১॥

যত্র পাপভয়ং নাস্তি পঞ্চপাপাদপি ক্বচিৎ ।
ন যত্র সঙ্গদোষং বা তন্ময়ো ভব সর্বদা ॥ ২৯.৩২॥

যত্র তাপত্রয়ং নাস্তি যত্র জীবত্রয়ং ক্বচিৎ ।
যত্র বিশ্ববিকল্পাখ্যং তন্ময়ো ভব সর্বদা ॥ ২৯.৩৩॥

ন যত্র বোধমুৎপন্নং ন যত্র জগতাং ভ্রমঃ ।
ন যত্র করণাকারং তন্ময়ো ভব সর্বদা ॥ ২৯.৩৪॥

ন যত্র হি মনো রাজ্যং যত্রৈব পরমং সুখম্ ।
যত্র বৈ শাশ্বতং স্থানং তন্ময়ো ভব সর্বদা ॥ ২৯.৩৫॥

যত্র বৈ কারণং শান্তং যত্রৈব সকলং সুখম্ ।
যদ্গৎবা ন নিবর্তন্তে তন্ময়ো ভব সর্বদা ॥ ২৯.৩৬॥

যদ্ জ্ঞাৎবা মুচ্যতে সর্বং যদ্ জ্ঞাৎবাঽন্যন্ন বিদ্যতে ।
যদ্ জ্ঞাৎবা নান্যবিজ্ঞানং তন্ময়ো ভব সর্বদা ॥ ২৯.৩৭॥

যত্রৈব দোষং নোৎপন্নং যত্রৈব স্থাননিশ্চলঃ ।
যত্রৈব জীবসঙ্ঘাতঃ তন্ময়ো ভব সর্বদা ॥ ২৯.৩৮॥

যত্রৈব নিত্যতৃপ্তাত্মা যত্রৈবানন্দনিশ্চলম্ ।
যত্রৈব নিশ্চলং শান্তং তন্ময়ো ভব সর্বদা ॥ ২৯.৩৯॥

যত্রৈব সর্বসৌখ্যং বা যত্রৈব সন্নিরূপণম্ ।
যত্রৈব নিশ্চয়াকারং তন্ময়ো ভব সর্বদা ॥ ২৯.৪০॥

ন যত্রাহং ন যত্র ৎবং ন যত্র ৎবং স্বয়ং স্বয়ম্ ।
যত্রৈব নিশ্চয়ং শান্তং তন্ময়ো ভব সর্বদা ॥ ২৯.৪১॥

যত্রৈব মোদতে নিত্যং যত্রৈব সুখমেধতে ।
যত্র দুঃখভয়ং নাস্তি তন্ময়ো ভব সর্বদা ॥ ২৯.৪২॥

যত্রৈব চিন্ময়াকারং যত্রৈবানন্দসাগরঃ ।
যত্রৈব পরমং সাক্ষাৎ তন্ময়ো ভব সর্বদা ॥ ২৯.৪৩॥

যত্রৈব স্বয়মেবাত্র স্বয়মেব তদেব হি ।
স্বস্বাত্মনোক্তভেদোঽস্তি তন্ময়ো ভব সর্বদা ॥ ২৯.৪৪॥

যত্রৈব পরমানন্দং স্বয়মেব সুখং পরম্ ।
যত্রৈবাভেদকলনং তন্ময়ো ভব সর্বদা ॥ ২৯.৪৫॥

ন যত্র চাণুমাত্রং বা ন যত্র মনসো মলম্ ।
ন যত্র চ দদাম্যেব তন্ময়ো ভব সর্বদা ॥ ২৯.৪৬॥

যত্র চিত্তং মৃতং দেহং মনো মরণমাত্মনঃ ।
যত্র স্মৃতির্লয়ং যাতি তন্ময়ো ভব সর্বদা ॥ ২৯.৪৭॥

যত্রৈবাহং মৃতো নূনং যত্র কামো লয়ং গতঃ ।
যত্রৈব পরমানন্দং তন্ময়ো ভব সর্বদা ॥ ২৯.৪৮॥

যত্র দেবাস্ত্রয়ো লীনং যত্র দেহাদয়ো মৃতাঃ ।
ন যত্র ব্যবহারোঽস্তি তন্ময়ো ভব সর্বদা ॥ ২৯.৪৯॥

যত্র মগ্নো নিরায়াসো যত্র মগ্নো ন পশ্যতি ।
যত্র মগ্নো ন জন্মাদিস্তন্ময়ো ভব সর্বদা ॥ ২৯.৫০॥

যত্র মগ্নো ন চাভাতি যত্র জাগ্রন্ন বিদ্যতে ।
যত্রৈব মোহমরণং তন্ময়ো ভব সর্বদা ॥ ২৯.৫১॥

যত্রৈব কালমরণং যত্র যোগো লয়ং গতঃ ।
যত্র সৎসঙ্গতির্নষ্টা তন্ময়ো ভব সর্বদা ॥ ২৯.৫২॥

যত্রৈব ব্রহ্মণো রূপং যত্রৈবানন্দমাত্রকম্ ।
যত্রৈব পরমানন্দং তন্ময়ো ভব সর্বদা ॥ ২৯.৫৩॥

যত্র বিশ্বং ক্বচিন্নাস্তি যত্র নাস্তি ততো জগৎ ।
যত্রান্তঃকরণং নাস্তি তন্ময়ো ভব সর্বদা ॥ ২৯.৫৪॥

যত্রৈব সুখমাত্রং চ যত্রৈবানন্দমাত্রকম্ ।
যত্রৈব পরমানন্দং তন্ময়ো ভব সর্বদা ॥ ২৯.৫৫॥

যত্র সন্মাত্রচৈতন্যং যত্র চিন্মাত্রমাত্রকম্ ।
যত্রানন্দময়ং ভাতি তন্ময়ো ভব সর্বদা ॥ ২৯.৫৬॥

যত্র সাক্ষাৎ পরং ব্রহ্ম যত্র সাক্ষাৎ স্বয়ং পরম্ ।
যত্র শান্তং পরং লক্ষ্যং তন্ময়ো ভব সর্বদা ॥ ২৯.৫৭॥

যত্র সাক্ষাদখণ্ডার্থং যত্র সাক্ষাৎ পরায়ণম্ ।
যত্র নাশাদিকং নাস্তি তন্ময়ো ভব সর্বদা ॥ ২৯.৫৮॥

যত্র সাক্ষাৎ স্বয়ং মাত্রং যত্র সাক্ষাৎস্বয়ং জয়ম্ ।
যত্র সাক্ষান্মহানাত্মা তন্ময়ো ভব সর্বদা ॥ ২৯.৫৯॥

যত্র সাক্ষাৎ পরং তত্ত্বং যত্র সাক্ষাৎ স্বয়ং মহৎ ।
যত্র সাক্ষাত্তু বিজ্ঞানং তন্ময়ো ভব সর্বদা ॥ ২৯.৬০॥

যত্র সাক্ষাদ্গুণাতীতং যত্র সাক্ষাদ্ধি নির্মলম্ ।
যত্র সাক্ষাৎ সদাশুদ্ধং তন্ময়ো ভব সর্বদা ॥ ২৯.৬১॥

যত্র সাক্ষান্মহানাত্মা যত্র সাক্ষাৎ সুখাৎ সুখম্ ।
যত্রৈব জ্ঞানবিজ্ঞানং তন্ময়ো ভব সর্বদা ॥ ২৯.৬২॥

যত্রৈব হি স্বয়ং জ্যোতির্যত্রৈব স্বয়মদ্বয়ম্ ।
যত্রৈব পরমানন্দং তন্ময়ো ভব সর্বদা ॥ ২৯.৬৩॥

এবং তন্ময়ভাবোক্তং এবং নিত্যশনিত্যশঃ ।
ব্রহ্মাহং সচ্চিদানন্দং অখণ্ডোঽহং সদা সুখম্ ॥ ২৯.৬৪॥

বিজ্ঞানং ব্রহ্মমাত্রোঽহং স শান্তং পরমোঽস্ম্যহম্ ।
চিদহং চিত্তহীনোঽহং নাহং সোঽহং ভবাম্যহম্ ॥ ২৯.৬৫॥

তদহং চিদহং সোঽহং নির্মলোঽহমহং পরম্ ।
পরোঽহং পরমোঽহং বৈ সর্বং ত্যজ্য সুখীভব ॥ ২৯.৬৬॥

ইদং সর্বং চিত্তশেষং শুদ্ধৎবকমলীকৃতম্ ।
এবং সর্বং পরিত্যজ্য বিস্মৃৎবা শুদ্ধকাষ্ঠবৎ ॥ ২৯.৬৭॥

প্রেতবদ্দেহং সংত্যজ্য কাষ্ঠবল্লোষ্ঠবৎ সদা ।
স্মরণং চ পরিত্যজ্য ব্রহ্মমাত্রপরো ভব ॥ ২৯.৬৮॥

এতৎ প্রকরণং যস্তু শৃণোতি সকৃদস্তি বা ।
মহাপাতকয়ুক্তোঽপি সর্বং ত্যক্ত্বা পরং গতঃ ॥ ২৯.৬৯॥

অঙ্গাববদ্ধাভিরুপাসনাভি-
র্বদন্তি বেদাঃ কিল ৎবামসঙ্গম্ ।
সমস্তহৃৎকোশবিশেষসঙ্গং
ভূমানমাত্মানমখণ্ডরূপম্ ॥ ২৯.৭০॥

ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
তন্ময়ভাবোপদেশপ্রকরণং নাম একোনত্রিংশোঽধ্যায়ঃ ॥

৩০ ॥ ত্রিংশোঽধ্যায়ঃ ॥

ঋভুঃ –
বক্ষ্যে পরং ব্রহ্মমাত্রং জগৎসন্ত্যাগপূর্বকম্ ।
সকৃচ্ছ্রবণমাত্রেণ ব্রহ্মভাবং পরং লভেৎ ॥ ৩০.১॥

ব্রহ্ম ব্রহ্মপরং মাত্রং নির্গুণং নিত্যনির্মলম্ ।
শাশ্বতং সমমত্যন্তং ব্রহ্মণোঽন্যন্ন বিদ্যতে ॥ ৩০.২॥

অহং সত্যঃ পরানন্দঃ শুদ্ধো নিত্যো নিরঞ্জনঃ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.৩॥

অখণ্ডৈকরসৈবাস্মি পরিপূর্ণোঽস্মি সর্বদা ।
ব্রহ্মৈব সর্বং নান্যোঽস্তি সর্বং ব্রহ্ম ন সংশয়ঃ ॥ ৩০.৪॥

সর্বদা কেবলাত্মাহং সর্বং ব্রহ্মেতি নিত্যশঃ ।
আনন্দরূপমেবাহং নান্যৎ কিঞ্চিন্ন শাশ্বতম্ ॥ ৩০.৫॥

শুদ্ধানন্দস্বরূপোঽহং শুদ্ধবিজ্ঞানমাত্মনঃ ।
একাকারস্বরূপোঽহং নৈকসত্তাবিবর্জিতঃ ॥ ৩০.৬॥

অন্তরজ্ঞানশুদ্ধোঽহমহমেব পরায়ণম্ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.৭॥

অনেকতত্ত্বহীনোঽহং একৎবং চ ন বিদ্যতে ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.৮॥

সর্বপ্রকাররূপোঽস্মি সর্বং ইত্যপি বর্জিতঃ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.৯॥

নির্মলজ্ঞানরূপোঽহমহমেব ন বিদ্যতে ।
শুদ্ধব্রহ্মস্বরূপোঽহং বিশুদ্ধপদবর্জিতঃ ॥ ৩০.১০॥

নিত্যানন্দস্বরূপোঽহং জ্ঞানানন্দমহং সদা ।
সূক্ষ্মাৎ সূক্ষ্মতরোঽহং বৈ সূক্ষ্ম ইত্যাদিবর্জিতঃ ॥ ৩০.১১॥

অখণ্ডানন্দমাত্রোঽহং অখণ্ডানন্দবিগ্রহঃ ।
সদাঽমৃতস্বরূপোঽহং সদা কৈবল্যবিগ্রহঃ ॥ ৩০.১২॥

ব্রহ্মানন্দমিদং সর্বং নাস্তি নাস্তি কদাচন ।
জীবৎবধর্মহীনোঽহমীশ্বরৎববিবর্জিতঃ ॥ ৩০.১৩॥

বেদশাস্ত্রস্বরূপোঽহং শাস্ত্রস্মরণকারণম্ ।
জগৎকারণকার্যং চ ব্রহ্মবিষ্ণুমহেশ্বরাঃ ॥ ৩০.১৪॥

বাচ্যবাচকভেদং চ স্থূলসূক্ষ্মশরীরকম্ ।
জাগ্রৎস্বপ্নসুষুপ্তাদ্যপ্রাজ্ঞতৈজসবিশ্বকাঃ ॥ ৩০.১৫॥

সর্বশাস্ত্রস্বরূপোঽহং সর্বানন্দমহং সদা ।
অতীতনামরূপার্থ অতীতঃ সর্বকল্পনাৎ ॥ ৩০.১৬॥

দ্বৈতাদ্বৈতং সুখং দুঃখং লাভালাভৌ জয়াজয়ৌ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.১৭॥

সাত্ত্বিকং রাজসং ভেদং সংশয়ং হৃদয়ং ফলম্ ।
দৃক্ দৃষ্টং সর্বদ্রষ্টা চ ভূতভৌতিকদৈবতম্ ॥ ৩০.১৮॥

সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ।
তুর্যরূপমহং সাক্ষাৎ জ্ঞানরূপমহং সদা ॥ ৩০.১৯॥

অজ্ঞানং চৈব নাস্ত্যেব তৎকার্যং কুত্র বিদ্যতে ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.২০॥

চিত্তবৃত্তিবিলাসং চ বুদ্ধীনামপি নাস্তি হি ।
দেহসঙ্কল্পহীনোঽহং বুদ্ধিসঙ্কল্পকল্পনা ॥ ৩০.২১॥

সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ।
বুদ্ধিনিশ্চয়রূপোঽহং নিশ্চয়ং চ গলত্যহো ॥ ৩০.২২॥

অহংকারং বহুবিধং দেহোঽহমিতি ভাবনম্ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.২৩॥

ব্রহ্মাহমপি কাণোঽহং বধিরোঽহং পরোঽস্ম্যহম্ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.২৪॥

দেহোঽহমিতি তাদাত্ম্যং দেহস্য পরমাত্মনঃ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.২৫॥

সর্বোঽহমিতি তাদাত্ম্যং সর্বস্য পরমাত্মনঃ ।
ইতি ভাবয় যত্নেন ব্রহ্মৈবাহমিতি প্রভো ॥ ৩০.২৬॥

দৃঢনিশ্চয়মেবেদং সত্যং সত্যমহং পরম্ ।
দৃঢনিশ্চয়মেবাত্র সদ্গুরোর্বাক্যনিশ্চয়ম্ ॥ ৩০.২৭॥

দৃঢনিশ্চয়সাম্রাজ্যে তিষ্ঠ তিষ্ঠ সদা পরঃ ।
অহমেব পরং ব্রহ্ম আত্মানন্দপ্রকাশকঃ ॥ ৩০.২৮॥

শিবপূজা শিবশ্চাহং বিষ্ণুর্বিষ্ণুপ্রপূজনম্ ।
যদ্যৎ সংবেদ্যতে কিঞ্চিৎ যদ্যন্নিশ্চীয়তে ক্বচিৎ ॥ ৩০.২৯॥

তদেব ৎবং ৎবমেবাহং ইত্যেবং নাস্তি কিঞ্চন ।
ইদং চিত্তমিদং দৃশ্যং ইত্যেবমিতি নাস্তি হি ॥ ৩০.৩০॥

সদসদ্ভাবশেষোঽপি তত্তদ্ভেদং ন বিদ্যতে ।
সুখরূপমিদং সর্বং সুখরূপমিদং ন চ ॥ ৩০.৩১॥

লক্ষভেদং সকৃদ্ভেদং সর্বভেদং ন বিদ্যতে ।
ব্রহ্মানন্দো ন সন্দেহস্তদ্ব্রহ্মাহং ন সংশয়ঃ ॥ ৩০.৩২॥

ব্রহ্মভেদং তুর্যভেদং জীবভেদমভেদকম্ ।
ইদমেব হি নোৎপন্নং সর্বদা নাস্তি কিঞ্চন ॥ ৩০.৩৩॥

স দেবমিতি নির্দেশো নাস্তি নাস্ত্যেব সর্বদা ।
অস্তি চেৎ কিল বক্তব্যং নাস্তি চেৎ কথমুচ্যতে ॥ ৩০.৩৪॥

পরং বিশেষমেবেতি নাস্তি কিঞ্চিৎ সদা ময়ি ।
চঞ্চলং মনশ্চৈব নাস্তি নাস্তি ন সংশয়ঃ ॥ ৩০.৩৫॥

এবমেব সদা পূর্ণো নিরীহস্তিষ্ঠ শান্তধীঃ ।
সর্বং ব্রহ্মাস্মি পূর্ণোঽস্মি এবং চ ন কদাচন ॥ ৩০.৩৬॥

আনন্দোঽহং বরিষ্ঠোঽহং ব্রহ্মাস্মীত্যপি নাস্তি হি ।
ব্রহ্মানন্দমহানন্দমাত্মানন্দমখণ্ডিতম্ ॥ ৩০.৩৭॥

ইদং পরমহন্তা চ সর্বদা নাস্তি কিঞ্চন ।
ইদং সর্বমিতি খ্যাতি আনন্দং নেতি নো ভ্রমঃ ॥ ৩০.৩৮॥

সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ।
লক্ষ্যলক্ষণভাবং চ দৃশ্যদর্শনদৃশ্যতা ॥ ৩০.৩৯॥

অত্যন্তাভাবমেবেতি সর্বদানুভবং মহৎ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.৪০॥

গুহ্যং মন্ত্রং গুণং শাস্ত্রং সত্যং শ্রোত্রং কলেবরম্ ।
মরণং জননং কার্যং কারণং পাবনং শুভম্ ॥ ৩০.৪১॥

কামক্রোধৌ লোভমোহৌ মদো মাৎসর্যমেব হি ।
দ্বৈতদোষং ভয়ং শোকং সর্বং নাস্ত্যেব সর্বদা ॥ ৩০.৪২॥

ইদং নাস্ত্যেব নাস্ত্যেব নাস্ত্যেব সকলং সুখম্ ।
ইদং ব্রহ্মেতি মননমহং ব্রহ্মেতি চিন্তনম্ ॥ ৩০.৪৩॥

অহং ব্রহ্মেতি মননং ৎবং ব্রহ্মৎববিনাশনম্ ।
সত্যৎবং ব্রহ্মবিজ্ঞানং অসত্যৎবং ন বাধ্যতে ॥ ৩০.৪৪॥

এক এব পরো হ্যাত্মা একৎবশ্রান্তিবর্জিতঃ ।
সর্বং ব্রহ্ম সদা ব্রহ্ম তদ্ব্রহ্মাহং ন সংশয়ঃ ॥ ৩০.৪৫॥

জীবরূপা জীবভাবা জীবশব্দত্রয়ং ন হি ।
ঈশরূপং চেশভাবং ঈশশব্দং চ কল্পিতম্ ॥ ৩০.৪৬॥

নাক্ষরং ন চ সর্বং বা ন পদং বাচ্যবাচকম্ ।
হৃদয়ং মন্ত্রতন্ত্রং চ চিত্তং বুদ্ধির্ন কিঞ্চন ॥ ৩০.৪৭॥

মূঢো জ্ঞানী বিবেকী বা শুদ্ধ ইত্যপি নাস্তি হি ।
নিশ্চয়ং প্রণবং তারং আত্মায়ং গুরুশিষ্যকম্ ॥ ৩০.৪৮॥

তূষ্ণীং তূষ্ণীং মহাতূষ্ণীং মৌনং বা মৌনভাবনম্ ।
প্রকাশনং প্রকাশং চ আত্মানাত্মবিবেচনম্ ॥ ৩০.৪৯॥

ধ্যানয়োগং রাজয়োগং ভোগমষ্টাঙ্গলক্ষণম্ ।
সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ॥ ৩০.৫০॥

অস্তিৎবভাষণং চাপি নাস্তিৎবস্য চ ভাষণম্ ।
পঞ্চাশদ্বর্ণরূপোঽহং চতুঃষষ্টিকলাত্মকঃ ॥ ৩০.৫১॥

সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ।
ব্রহ্মৈবাহং প্রসন্নাত্মা ব্রহ্মৈবাহং চিদব্যযঃ ॥ ৩০.৫২॥

শাস্ত্রজ্ঞানবিদূরোঽহং বেদজ্ঞানবিদূরকঃ ।
উক্তং সর্বং পরং ব্রহ্ম নাস্তি সন্দেহলেশতঃ ॥ ৩০.৫৩॥

সর্বং ব্রহ্ম ন সন্দেহস্তদ্ব্রহ্মাহং ন সংশয়ঃ ।
ব্রহ্মৈবাহং প্রসন্নাত্মা ব্রহ্মৈবাহং চিদব্যযঃ ॥ ৩০.৫৪॥

ইত্যেবং ব্রহ্মতন্মাত্রং তত্র তুভ্যং প্রিয়ং ততঃ ।
যস্তু বুদ্ধ্যেত সততং সর্বং ব্রহ্ম ন সংশয়ঃ ।
নিত্যং শৃণ্বন্তি যে মর্ত্যাস্তে চিন্মাত্রময়ামলাঃ ॥ ৩০.৫৫॥

সন্দেহসন্দেহকরোঽর্যকাস্বকৈঃ
করাদিসন্দোহজগদ্বিকারিভিঃ ।
যো বীতমোহং ন করোতি দুর্হৃদং
বিদেহমুক্তিং শিবদৃক্প্রভাবতঃ ॥ ৩০.৫৬॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ব্রহ্মৈকরূপৎবনিরূপণপ্রকরণং নাম ত্রিংশোঽধ্যায়ঃ ॥

৩১ ॥ একত্রিংশোঽধ্যায়ঃ ॥

ঋভুঃ –
বক্ষ্যে রহস্যমত্যন্তং সাক্ষাদ্ব্রহ্মপ্রকাশকম্ ।
সর্বোপনিষদামর্থং সর্বলোকেষু দুর্লভম্ ॥ ৩১.১॥

প্রজ্ঞানং ব্রহ্ম নিশ্চিত্য পদদ্বয়সমন্বিতম্ ।
মহাবাক্যং চতুর্বাক্যং ঋগ্যজুঃসামসংভবম্ ॥ ৩১.২॥

মম প্রজ্ঞৈব ব্রহ্মাহং জ্ঞানমাত্রমিদং জগৎ ।
জ্ঞানমেব জগৎ সর্বং জ্ঞানাদন্যন্ন বিদ্যতে ॥ ৩১.৩॥

জ্ঞানস্যানন্তরং সর্বং দৃশ্যতে জ্ঞানরূপতঃ ।
জ্ঞানস্য ব্রহ্মণশ্চাপি মমেব পৃথঙ্ ন হি ॥ ৩১.৪॥

জীবঃ প্রজ্ঞানশব্দস্য ব্রহ্মশব্দস্য চেশ্বরঃ ।
ঐক্যমস্মীত্যখণ্ডার্থমখণ্ডৈকরসং ততম্ ॥ ৩১.৫॥

অখণ্ডাকারবৃত্তিস্তু জীবন্মুক্তিরিতীরিতম্ ।
অখণ্ডৈকরসং বস্তু বিদেহো মুক্তিরুচ্যতে ॥ ৩১.৬॥

ব্রহ্মৈবাহং ন সংসারী সচ্চিদানন্দমস্ম্যহম্ ।
নির্গুণোঽহং নিরংশোঽহং পরমানন্দবানহম্ ॥ ৩১.৭॥

নিত্যোঽহং নির্বিকল্পোঽহং চিদহং চিদহং সদা ।
অখণ্ডাকারবৃত্ত্যাখ্যং চিত্তং ব্রহ্মাত্মনা স্থিতম্ ॥ ৩১.৮॥

লবণং তোয়মাত্রেণ যথৈকৎবমখণ্ডিতম্ ।
অখণ্ডৈকরসং বক্ষ্যে বিদেহো মুক্তিলক্ষণম্ ॥ ৩১.৯॥

প্রজ্ঞাপদং পরিত্যজ্য ব্রহ্মৈব পদমেব হি ।
অহমস্মি মহানস্মি সিদ্ধোঽস্মীতি পরিত্যজন্ ॥ ৩১.১০॥

স্মরণং চ পরিত্যজ্য ভাবনং চিত্তকর্তৃকম্ ।
সর্বমন্তঃ পরিত্যজ্য সর্বশূন্যং পরিস্থিতিঃ ॥ ৩১.১১॥

তূষ্ণীং স্থিতিং চ সন্ত্যজ্য ততো মৌনবিকল্পনম্ ।
যত্তচ্চিত্তং বিকল্পাংশং মনসা কল্পিতং জগৎ ॥ ৩১.১২॥

দেহোঽহমিত্যহঙ্কারং দ্বৈতবৃত্তিরিতীরিতম্ ।
সর্বং সাক্ষিরহং ব্রহ্ম ইত্যেবং দৃঢনিশ্চয়ম্ ॥ ৩১.১৩॥

সর্বদাঽসংশয়ং ব্রহ্ম সাক্ষিবৃত্তিরিতীরিতম্ ।
দ্বৈতবৃত্তিঃ সাক্ষবৃত্তিরখণ্ডাকারবৃত্তিকম্ ॥ ৩১.১৪॥

অখণ্ডৈকরসং চেতি লোকে বৃত্তিত্রয়ং ভবেৎ ।
প্রথমে নিশ্চিতে দ্বৈতে দ্বিতীয়ে সাক্ষিসংশয়ঃ ॥ ৩১.১৫॥

তৃতীয়ে পদভাগে হি দৃঢনিশ্চয়মীরিতম্ ।
এতত্ত্রয়ার্থং সংশোধ্য তং পরিত্যজ্য নিশ্চিনু ॥ ৩১.১৬॥

অখণ্ডৈকরসাকারো নিত্যং তন্ময়তাং ব্রজ ।
অভ্যাসবাক্যমেতত্তু সদাঽভ্যাসস্য কারণম্ ॥ ৩১.১৭॥

মননস্য পরং বাক্যং যোঽয়ং চন্দনবৃক্ষবৎ ।
যুক্তিভিশ্চিন্তনং বৃত্তং পদত্রয়মুদাহৃতম্ ॥ ৩১.১৮॥

অহং পদস্য জীবোঽর্থ ঈশো ব্রহ্মপদস্য হি ।
অস্মীতি পদভাগস্য অখণ্ডাকারবৃত্তিকম্ ॥ ৩১.১৯॥

পদত্রয়ং পরিত্যজ্য বিচার্য মনসা সহ ।
অখণ্ডৈকরসং প্রাপ্য বিদেহো মুক্তিলক্ষণম্ ॥ ৩১.২০॥

অহং ব্রহ্মাস্মি চিন্মাত্রং সচ্চিদানন্দবিগ্রহঃ ।
অহং ব্রহ্মাস্মি বাক্যস্য শ্রবণানন্তরং সদা ॥ ৩১.২১॥

অহং ব্রহ্মাস্মি নিত্যোঽস্মি শান্তোঽস্মি পরমোঽস্ম্যহম্ ।
নির্গুণোঽহং নিরীহোঽহং নিরংশোঽস্মি সদা স্মৃতঃ ॥ ৩১.২২॥var was নির্যশোঽস্মি
আত্মৈবাস্মি ন সন্দেহঃ অখণ্ডৈকরসোঽস্ম্যহম্ ।
এবং নিরন্তরং তজ্জ্ঞো ভাবয়েৎ পরমাত্মনি ॥ ৩১.২৩॥

যথা চানুভবং বাক্যং তস্মাদনুভবেৎ সদা ।
আরংভাচ্চ দ্বিতীয়াত্তু স্মৃতমভ্যাসবাক্যতঃ ॥ ৩১.২৪॥

তৃতীয়ান্তত্ত্বমস্যেতি বাক্যসামান্যনির্ণয়ম্ ।
তৎপদং ৎবংপদং ৎবস্য পদত্রয়মুদাহৃতম্ ॥ ৩১.২৫॥

তৎপদস্যেশ্বরো হ্যর্থো জীবোঽর্থস্ত্বংপদস্য হি ।
ঐক্যস্যাপি পদস্যার্থমখণ্ডৈকরসং পদম্ ॥ ৩১.২৬॥

দ্বৈতবৃত্তিঃ সাক্ষবৃত্তিরখণ্ডাকারবৃত্তিকঃ ।
অখণ্ডং সচ্চিদানন্দং তত্ত্বমেবাসি নিশ্চয়ঃ ॥ ৩১.২৭॥

ৎবং ব্রহ্মাসি ন সন্দেহস্ত্বমেবাসি চিদব্যযঃ ।
ৎবমেব সচ্চিদানন্দস্ত্বমেবাখণ্ডনিশ্চয়ঃ ॥ ৩১.২৮॥

ইত্যেবমুক্তো গুরুণা স এব পরমো গুরুঃ ।
অহং ব্রহ্মেতি নিশ্চিত্য সচ্ছিষ্যঃ পরমাত্মবান্ ॥ ৩১.২৯॥

নান্যো গুরুর্নান্যশিষ্যস্ত্বং ব্রহ্মাসি গুরুঃ পরঃ ।
সর্বমন্ত্রোপদেষ্টারো গুরবঃ স গুরুঃ পরঃ ॥ ৩১.৩০॥

ৎবং ব্রহ্মাসীতি বক্তারং গুরুরেবেতি নিশ্চিনু ।
তথা তত্ত্বমসি ব্রহ্ম ৎবমেবাসি চ সদ্গুরুঃ ॥ ৩১.৩১॥

সদ্গুরোর্বচনে যস্তু নিশ্চয়ং তত্ত্বনিশ্চয়ম্ ।
করোতি সততং মুক্তের্নাত্র কার্যা বিচারণা ॥ ৩১.৩২॥

মহাবাক্যং গুরোর্বাক্যং তত্ত্বমস্যাদিবাক্যকম্ ।
শৃণোতু শ্রবণং চিত্তং নান্যৎ শ্রবণমুচ্যতে ॥ ৩১.৩৩॥

সর্ববেদান্তবাক্যানামদ্বৈতে ব্রহ্মণি স্থিতিঃ ।
ইত্যেবং চ গুরোর্বক্ত্রাৎ শ্রুতং ব্রহ্মেতি তচ্ছ্রবঃ ॥ ৩১.৩৪॥

গুরোর্নান্যো মন্ত্রবাদী এক এব হি সদ্গুরুঃ ।
ৎবং ব্রহ্মাসীতি যেনোক্তং এষ এব হি সদ্গুরুঃ ॥ ৩১.৩৫॥

বেদান্তশ্রবণং চৈতন্নান্যচ্ছ্রবণমীরিতম্ ।
যুক্তিভিশ্চিন্তনং চৈব মননং পরিকথ্যতে ॥ ৩১.৩৬॥

এবং চন্দনবৃক্ষোঽপি শ্রুতোঽপি পরিশোধ্যতে ।
ৎবং ব্রহ্মাসীতি চোক্তোঽপি সংশয়ং পরিপশ্যতি ॥ ৩১.৩৭॥

সংশোধ্য নিশ্চিনোত্যেবমাত্মানং পরিশোধ্যতে ।
যুক্তির্নাম বদাম্যত্র দেহোনাহং বিনাশতঃ ॥ ৩১.৩৮॥

স্থূলদেহং সূক্ষ্মদেহং স্থূলসূক্ষ্মং চ কারণম্ ।
ত্রয়ং চথুর্থে নাস্তীতি সর্বং চিন্মাত্রমেব হি ॥ ৩১.৩৯॥

এতৎসর্বং জডৎবাচ্চ দৃশ্যৎবাদ্ঘটবন্নহি ।
অহং চৈতন্যমেবাত্র দৃগ্রূপৎবাল্লয়ং ন হি ॥ ৩১.৪০॥

সত্যং জ্ঞানমনন্তং যদাত্মনঃ সহজা গুণাঃ ।
অন্ততং জডদুঃখাদি জগতঃ প্রথিতো গুণঃ ॥ ৩১.৪১॥

তস্মাদহং ব্রহ্ম এব ইদং সর্বমসত্যকম্ ।
এবং চ মননং নিত্যং করোতি ব্রহ্মবিত্তমঃ ॥ ৩১.৪২॥

বক্ষ্যে নিদিধ্যাসনং চ উভয়ত্যাগলক্ষণম্ ।
ৎবং ব্রহ্মাসীতি শ্রবণং মননং চাহমেব হি ॥ ৩১.৪৩॥

এতত্ত্যাগং নিদিধ্যাসং সজাতীয়ৎবভাবনম্ ।
বিজাতীয়পরিত্যাগং স্বগতৎববিভাবনম্ ॥ ৩১.৪৪॥

সর্বত্যাগং পরিত্যজ্য তুরীয়ৎবং চ বর্জনম্ ।
ব্রহ্মচিন্মাত্রসারৎবং সাক্ষাৎকারং প্রচক্ষতে ॥ ৩১.৪৫॥

উপদেশে মহাবাক্যমস্তিৎবমিতি নির্ণয়ঃ ।
তথৈবানুভবং বাক্যমহং ব্রহ্মাস্মি নির্ণয়ঃ ॥ ৩১.৪৬॥

প্রজ্ঞানং ব্রহ্মবাক্যোত্থমভ্যাসার্থমিতীরিতম্ ।
অয়মাত্মেতি বাক্যোত্থদর্শনং বাক্যমীরিতম্ ॥ ৩১.৪৭॥

অয়মেকপদং চৈক আত্মেতি ব্রহ্ম চ ত্রয়ম্ ।
অয়ংপদস্য জীবোঽর্থ আত্মনো ঈশ্বরঃ পরঃ ॥ ৩১.৪৮॥

তথা ব্রহ্মপদস্যার্থ অখণ্ডাকারবৃত্তিকম্ ।
অখণ্ডৈকরসং সর্বং পদত্রয়লয়ং গতম্ ॥ ৩১.৪৯॥

অখণ্ডৈকরসো হ্যাত্মা নিত্যশুদ্ধবিমুক্তকঃ ।
তদেব সর্বমুদ্ভূতং ভবিষ্যতি ন সংশয়ঃ ॥ ৩১.৫০॥

অখণ্ডৈকরসো দেব অয়মেকমুদীরিতম্ ।
আত্মেতি পদমেকস্য ব্রহ্মেতি পদমেককম্ ॥ ৩১.৫১॥

অয়ং পদস্য জীবোঽর্থ আত্মেতীশ্বর ঈরিতঃ ।
অস্যার্থোঽস্মীত্যখণ্ডার্থমখণ্ডৈকরসং পদম্ ॥ ৩১.৫২॥

দ্বৈতবৃত্তিঃ সাক্ষিবৃত্তিরখণ্ডাকারবৃত্তিকম্ ।
অখণ্ডৈকরসং পশ্চাৎ সোঽহমস্মীতি ভাবয় ॥ ৩১.৫৩॥

ইত্যেবং চ চতুর্বাক্যতাৎপর্যার্থং সমীরিতম্ ।
উপাধিসহিতং বাক্যং কেবলং লক্ষ্যমীরিতম্ ॥ ৩১.৫৪॥

কিঞ্চিজ্জ্ঞৎবাদি জীবস্য সর্ব জ্ঞৎবাদি চেশ্বরঃ ।
জীবোঽপরো সচৈতন্যমীশ্বরোঽহং পরোক্ষকঃ ॥ ৩১.৫৫॥

সর্বশূন্যমিতি ত্যাজ্যং ব্রহ্মাস্মীতি বিনিশ্চয়ঃ ।
অহং ব্রহ্ম ন সন্দেহঃ সচ্চিদানন্দবিগ্রহঃ ॥ ৩১.৫৬॥

অহমৈক্যং পরং গৎবা স্বস্বভাবো ভবোত্তম ।
এতৎসর্বং মহামিথ্যা নাস্তি নাস্তি ন সংশয়ঃ ॥ ৩১.৫৭॥

সর্বং নাস্তি ন সন্দেহঃ সর্বং ব্রহ্ম ন সংশয়ঃ ।
একাকারমখণ্ডার্থং তদেবাহং ন সংশয়ঃ ।
ব্রহ্মেদং বিততাকারং তদ্ব্রহ্মাহং ন সংশয়ঃ ॥ ৩১.৫৮॥

সূতঃ –
ভবোদ্ভবমুখোদ্ভবং ভবহরাদ্যহৃদ্যং ভুবি
প্রকৃষ্টরসভাবতঃ প্রথিতবোধবুদ্ধং ভব ।
ভজন্তি ভসিতাঙ্গকা ভরিতমোদভারাদরা
ভুজঙ্গবরভূষণং ভুবনমধ্যবৃন্দাবনম্ ॥ ৩১.৫৯॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
মহাবাক্যার্থনিরূপণপ্রকরণং নাম একত্রিংশোঽধ্যায়ঃ ॥

৩২ ॥ দ্বাত্রিংশোঽধ্যায়ঃ ॥

ঋভুঃ –
বক্ষ্যে পুনরসত্ত্যাগং ব্রহ্মনিশ্চয়মেব চ ।
যস্য শ্রবণমাত্রেণ সদ্যো মুক্তো ভবেন্নরঃ ॥ ৩২.১॥

চিত্তসত্তা মনঃসত্তা ব্রহ্মসত্তাঽন্যথা স্থিতা ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২॥

দেহসত্তা লিঙ্গসত্তা ভাবসত্তাঽক্ষরা স্থিতা ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৩॥

দৃশ্যং চ দর্শনং দৃষ্টা কর্তা কারয়িতা ক্রিয়া ।var was দ্রষ্টা
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৪॥

একং দ্বিৎবং পৃথগ্ভাবং অস্তি নাস্তীতি নির্ণয়ঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৫॥

শাস্ত্রভেদং বেদভেদং মুক্তীনাং ভেদভাবনম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৬॥

জাতিভেদং বর্ণভেদং শুদ্ধাশুদ্ধবিনির্ণয়ঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৭॥

অখণ্ডাকারবৃত্তিশ্চ অখণ্ডৈকরসং পরম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৮॥

পরাপরবিকল্পশ্চ পুণ্যপাপবিকল্পনম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৯॥

কল্পনাকল্পনাদ্বৈতং মনোকল্পনভাবনম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১০॥

সিদ্ধং সাধ্যং সাধনং চ নাশনং ব্রহ্মভাবনম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১১॥

আত্মজ্ঞানং মনোধর্মং মনোঽভাবে কুতো ভবেৎ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১২॥

অজ্ঞানং চ মনোধর্মস্তদভাবে চ তৎকুতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১৩॥

শমো দমো মনোধর্মস্তদভাবে চ তৎকুতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১৪॥

বন্ধমোক্ষৌ মনোধর্মৌ তদভাবে কুতো ভবেৎ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১৫॥

সর্বং মিথ্যা জগন্মিথ্যা দেহো মিথ্যা জডৎবতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১৬॥

ব্রহ্মলোকঃ সদা মিথ্যা বুদ্ধিরূপং তদেব হি ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১৭॥

বিষ্ণুলোকঃ সদা মিথ্যা শিবমেব হি সর্বদা ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১৮॥

রুদ্রলোকঃ সদা মিথ্যা অহংকারস্বরূপতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.১৯॥

চন্দ্রলোকঃ সদা মিথ্যা মনোরূপবিকল্পনম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২০॥

দিশো লোকঃ সদা মিথ্যা শ্রোত্রশব্দসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২১॥

সূর্যলোকঃ সদা মিথ্যা নেত্ররূপসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২২॥

বরুণস্য সদা লোকো জিহ্বারসসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২৩॥

ৎবচো লোকঃ সদা মিথ্যা বায়োঃ স্পর্শসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২৪॥

অশ্বিনোর্ঘ্রাণলোকশ্চ গন্ধদ্বৈতসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২৫॥

অগ্নের্লোকঃ সদা মিথ্যা বাগেব বচনেন তৎ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২৬॥

ইন্দ্রলোকঃ সদা মিথ্যা পাণিপাদেন সংয়ুতঃ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২৭॥

উপেন্দ্রস্য মহর্লোকো গমনেন পদং যুতম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২৮॥

মৃত্যুরেব সদা নাস্তি পায়ুরেব বিসর্গকম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.২৯॥

প্রজাপতের্মহর্লোকো গুহ্যমানন্দসংয়ুতম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৩০॥

সর্বং মিথ্যা ন সন্দেহঃ সর্বমাত্মেতি নিশ্চিতম্ ।
তিতিক্ষোশ্চ সমাধানং শ্রদ্ধা চাচার্যভাষণে ॥ ৩২.৩১॥

মুমুক্ষুৎবং চ মোক্ষশ্চ মোক্ষার্থে মম জীবনে ।
চতুঃসাধনসম্পন্নঃ সোঽধিকারীতি নিশ্চয়ঃ ॥ ৩২.৩২॥

জীবব্রহ্মৈক্যসদ্ভাবং বিয়দ্ব্রহ্মেতি নিশ্চয়ঃ ।
বেদান্তব্রহ্মণো বোধ্যং বোধকং বন্ধমুচ্যতে ॥ ৩২.৩৩॥

সর্বজ্ঞাননির্বৃত্তিশ্চেদানন্দাবাপ্তিকং ফলম্ ।var was নিবৃত্তি
ইত্যেবমাদিভিঃ শব্দৈঃ প্রোক্তং সর্বমসৎ সদা ॥ ৩২.৩৪॥

সর্বশব্দার্থরূপং চ নিশ্চয়ং ভাবনং তথা ।
ব্রহ্মমাত্রং পরং সত্যমন্যৎ সর্বমসৎ সদা ॥ ৩২.৩৫॥

অনেকশব্দশ্রবণমনেকার্থবিচারণম্ ।
সর্বং মিথ্যা ন সন্দেহো ব্রহ্মৈবাহং ন সংশয়ঃ ॥ ৩২.৩৬॥

নানুধ্যায়াদ্ব্রহ্মশব্দান্ ইত্যুক্ত্বা হ মহানসি ।
ব্রহ্মোপদেশকালে তু সর্বং চোক্তং ন সংশয়ঃ ॥ ৩২.৩৭॥

ব্রহ্মৈবাহমিদং দ্বৈতং চিত্তসত্তাবিভাবনম্ ।
চিন্মাত্রোঽহমিদং দ্বৈতং জীবব্রহ্মেতি ভাবনম্ ॥ ৩২.৩৮॥

অহং চিন্মাত্রমন্ত্রং বা কার্যকারণচিন্তনম্ ।
অক্ষয়ানন্দবিজ্ঞানমখণ্ডৈকরসাদ্বয়ম্ ॥ ৩২.৩৯॥

পরং ব্রহ্ম ইদং ব্রহ্ম শান্তং ব্রহ্ম স্বয়ং জগৎ ।
অন্তরিন্দ্রিয়বিজ্ঞানং বাহ্যেন্দ্রিয়নিরোধনম্ ॥ ৩২.৪০॥

সর্বোপদেশকালং চ সাম্যং শেষং মহোদয়ম্ ।
ভূমিরাপোঽনলো বায়ুঃ খং মনো বুদ্ধিরেব চ ॥ ৩২.৪১॥

কারণং কার্যভেদং চ শাস্ত্রমার্গৈককল্পনম্ ।
অহং ব্রহ্ম ইদং ব্রহ্ম সর্বং ব্রহ্মেতি শব্দতঃ ॥ ৩২.৪২॥

সত্যরূপং ক্বচিন্নাস্তি সত্যং নাম কদা নহি ।
সংশয়ং চ বিপর্যাসং সঙ্কল্পঃ কারণং ভ্রমঃ ॥ ৩২.৪৩॥

আত্মনোঽন্যৎ ক্বচিন্নাস্তি সর্বং মিথ্যা ন সংশয়ঃ ।
মহতাং হ্যদ্যতে মন্ত্রী মেধাশুদ্ধিশুভাশুভম্ ॥ ৩২.৪৪॥

দেশভেদং বস্তুভেদং ন চ চৈতন্যভেদকম্ ।
আত্মনোঽন্যৎ পৃথগ্ভাবমাত্মনোঽন্যন্নিরূপণম্ ॥ ৩২.৪৫॥

আত্মনোঽন্যন্নামরূপমাত্মনোঽন্যচ্ছুভাশুভম্ ।
আত্মনোঽন্যদ্বস্তুসত্তা আত্মনোঽন্যজ্জগত্ত্রয়ম্ ॥ ৩২.৪৬॥

আত্মনোঽন্যৎ সুঃখং দুঃখমাত্মনোঽন্যদ্বিচিন্তনম্ ।
আত্মনোঽন্যৎপ্রপঞ্চং বা আত্মনোঽন্যজ্জয়াজয়ৌ ॥ ৩২.৪৭॥

আত্মনোঽন্যদ্দেবপূজা আত্মনোঽন্যচ্ছিবার্চনম্ ।
আত্মনোঽন্যন্মহাধ্যানমাত্মনোঽন্যৎ কলাক্রমম্ ॥ ৩২.৪৮॥

সর্বং মিথ্যা ন সন্দেহো ব্রহ্ম সর্বং ন সংশয়ঃ ।
সর্বমুক্তং ভগবতা নিদিধ্যাসস্তু সর্বদা ॥ ৩২.৪৯॥

সকৃচ্ছ্রবণমাত্রেণ হৃদয়গ্রন্থিরন্তিমম্ ।
কর্মনাশং চ মূঢানাং মহতাং মুক্তিরেব হি ॥ ৩২.৫০॥

অনেককোটিজননপাতকং ভস্মসাদ্ভবেৎ ।
সত্যং সত্যং পুনঃ সত্যং সত্যং সর্বং বিনশ্যতি ।
সদ্যো মুক্তির্ন সন্দেহো নাস্তি মঙ্গলমঙ্গলম্ ॥ ৩২.৫১॥

ক্ব ভেদভাবদর্শনং ন চৈব শোকমোহহৃৎ
প্রপশ্যতাং শ্রুতে শিখাবিশেষমৈক্যভাবনাৎ ।
যতো ভবেজ্জগাদ তং মহেশ যেন জীবিতং
যদন্তরাঽবিশৎ সদা যথোর্ণনাভতন্তুবৎ ॥ ৩২.৫২॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
সর্বমিথ্যাৎবনিরূপণপ্রকরণং নাম দ্বাত্রিংশোঽধ্যায়ঃ ॥

৩৩ ॥ ত্রয়স্ত্রিংশোঽধ্যায়ঃ ॥

ঋভুঃ –
বক্ষ্যে পরং ব্রহ্মমাত্রমনুৎপন্নমিদং জগৎ ।
সৎপদানন্দমাত্রোঽহমনুৎপন্নমিদং জগৎ ॥ ৩৩.১॥

আত্মৈবাহং পরং ব্রহ্ম নান্যৎ সংসারদৃষ্টয়ঃ ।
সৎপদানন্দমাত্রোঽহমনুৎপন্নমিদং জগৎ ॥ ৩৩.২॥

সৎপদানন্দমাত্রোঽহং চিৎপদানন্দবিগ্রহম্ ।
অহমেবাহমেবৈকমহমেব পরাৎ পরঃ ॥ ৩৩.৩॥

সচ্চিদানদমেবৈকমহং ব্রহ্মৈব কেবলম্ ।
অহমস্মি সদা ভামি এবং রূপং কুতোঽপ্যসৎ ॥ ৩৩.৪॥

ৎবমিত্যেবং পরং ব্রহ্ম চিন্ময়ানন্দরূপবান্ ।
চিদাকারং চিদাকাশং চিদেব পরমং সুখম্ ॥ ৩৩.৫॥

আত্মৈবাহমসন্নাহং কূটস্থোঽহং গুরুঃ পরঃ ।
কালং নাস্তি জগন্নাস্তি কল্মষৎবানুভাবনম্ ॥ ৩৩.৬॥

অহমেব পরং ব্রহ্ম অহমেব সদা শিবঃ ।
শুদ্ধচৈতন্য এবাহং শুদ্ধসৎবানুভাবনঃ ॥ ৩৩.৭॥

অদ্বয়ানন্দমাত্রোঽহমব্যযোঽহং মহানহম্ ।
সর্বং ব্রহ্মৈব সততং সর্বং ব্রহ্মৈব নির্মলঃ ॥ ৩৩.৮॥

সর্বং ব্রহ্মৈব নান্যোঽস্তি সর্বং ব্রহ্মৈব চেতনঃ ।
সর্বপ্রকাশরূপোঽহং সর্বপ্রিয়মনো হ্যহম্ ॥ ৩৩.৯॥

একান্তৈকপ্রকাশোঽহং সিদ্ধাসিদ্ধবিবর্জিতঃ ।
সর্বান্তর্যামিরূপোঽহং সর্বসাক্ষিৎবলক্ষণম্ ॥ ৩৩.১০॥

শমো বিচারসন্তোষরূপোঽহমিতি নিশ্চয়ঃ ।
পরমাত্মা পরং জ্যোতিঃ পরং পরবিবর্জিতঃ ॥ ৩৩.১১॥

পরিপূর্ণস্বরূপোঽহং পরমাত্মাঽহমচ্যুতঃ ।
সর্ববেদস্বরূপোঽহং সর্বশাস্ত্রস্য নির্ণয়ঃ ॥ ৩৩.১২॥

লোকানন্দস্বরূপোঽহং মুখ্যানন্দস্য নির্ণয়ঃ ।
সর্বং ব্রহ্মৈব ভূর্নাস্তি সর্বং ব্রহ্মৈব কারণম্ ॥ ৩৩.১৩॥

সর্বং ব্রহ্মৈব নাকার্যং সর্বং ব্রহ্ম স্বয়ং বরঃ ।
নিত্যাক্ষরোঽহং নিত্যোঽহং সর্বকল্যাণকারকম্ ॥ ৩৩.১৪॥

সত্যজ্ঞানপ্রকাশোঽহং মুখ্যবিজ্ঞানবিগ্রহঃ ।
তুর্যাতুর্যপ্রকাশোঽহং সিদ্ধাসিদ্ধাদিবর্জিতঃ ॥ ৩৩.১৫॥

সর্বং ব্রহ্মৈব সততং সর্বং ব্রহ্ম নিরন্তরম্ ।
সর্বং ব্রহ্ম চিদাকাশং নিত্যব্রহ্ম নিরঞ্জনম্ ॥ ৩৩.১৬॥

সর্বং ব্রহ্ম গুণাতীতং সর্বং ব্রহ্মৈব কেবলম্ ।
সর্বং ব্রহ্মৈব ইত্যেবং নিশ্চয়ং কুরু সর্বদা ॥ ৩৩.১৭॥

ব্রহ্মৈব সর্বমিত্যেবং সর্বদা দৃঢনিশ্চয়ঃ ।
সর্বং ব্রহ্মৈব ইত্যেবং নিশ্চয়িৎবা সুখী ভব ॥ ৩৩.১৮॥

সর্বং ব্রহ্মৈব সততং ভাবাভাবৌ চিদেব হি ।
দ্বৈতাদ্বৈতবিবাদোঽয়ং নাস্তি নাস্তি ন সংশয়ঃ ॥ ৩৩.১৯॥

সর্ববিজ্ঞানমাত্রোঽহং সর্বং ব্রহ্মেতি নিশ্চয়ঃ ।
গুহ্যাদ্গুহ্যতরং সোঽহং গুণাতীতোঽহমদ্বয়ঃ ॥ ৩৩.২০॥

অন্বয়ব্যতিরেকং চ কার্যাকার্যং বিশোধয় ।
সচ্চিদানন্দরূপোঽহমনুৎপন্নমিদং জগৎ ॥ ৩৩.২১॥

ব্রহ্মৈব সর্বমেবেদং চিদাকাশমিদং জগৎ ।
ব্রহ্মৈব পরমানন্দং আকাশসদৃশং বিভু ॥ ৩৩.২২॥

ব্রহ্মৈব সচ্চিদানন্দং সদা বাচামগোচরম্ ।
ব্রহ্মৈব সর্বমেবেদমস্তি নাস্তীতি কেচন ॥ ৩৩.২৩॥

আনন্দভাবনা কিঞ্চিৎ সদসন্মাত্র এব হি ।
ব্রহ্মৈব সর্বমেবেদং সদা সন্মাত্রমেব হি ॥ ৩৩.২৪॥

ব্রহ্মৈব সর্বমেবদং চিদ্ঘনানন্দবিগ্রহম্ ।
ব্রহ্মৈব সচ্চ সত্যং চ সনাতনমহং মহৎ ॥ ৩৩.২৫॥

ব্রহ্মৈব সচ্চিদানন্দং ওতপ্রোতেব তিষ্ঠতি ।
ব্রহ্মৈব সচ্চিদানন্দং সর্বাকারং সনাতনম্ ॥ ৩৩.২৬॥

ব্রহ্মৈব সচ্চিদানন্দং পরমানদমব্যযম্ ।
ব্রহ্মৈব সচ্চিদানন্দং মায়াতীতং নিরঞ্জনম্ ॥ ৩৩.২৭॥

ব্রহ্মৈব সচ্চিদানন্দং সত্তামাত্রং সুখাৎ সুখম্ ।
ব্রহ্মৈব সচ্চিদানন্দং চিন্মাত্রৈকস্বরূপকম্ ॥ ৩৩.২৮॥

ব্রহ্মৈব সচ্চিদানন্দং সর্বভেদবিবর্জিতম্ ।
সচ্চিদানন্দং ব্রহ্মৈব নানাকারমিব স্থিতম্ ॥ ৩৩.২৯॥

ব্রহ্মৈব সচ্চিদানন্দং কর্তা চাবসরোঽস্তি হি ।
সচ্চিদানদং ব্রহ্মৈব পরং জ্যোতিঃ স্বরূপকম্ ॥ ৩৩.৩০॥

ব্রহ্মৈব সচ্চিদানন্দং নিত্যনিশ্চলমব্যযম্ ।
ব্রহ্মৈব সচ্চিদানন্দং বাচাবধিরসাবয়ম্ ॥ ৩৩.৩১॥

ব্রহ্মৈব সচ্চিদানন্দং স্বয়মেব স্বয়ং সদা ।
ব্রহ্মৈব সচ্চিদানন্দং ন করোতি ন তিষ্ঠতি ॥ ৩৩.৩২॥

ব্রহ্মৈব সচ্চিদানন্দং ন গচ্ছতি ন তিষ্ঠতি ।
ব্রহ্মৈব সচ্চিদানন্দং ব্রহ্মণোঽন্যন্ন কিঞ্চন ॥ ৩৩.৩৩॥

ব্রহ্মৈব সচ্চিদানন্দং ন শুক্লং ন চ কৃষ্ণকম্ ।
ব্রহ্মৈব সচ্চিদানন্দং সর্বাধিষ্ঠানমব্যযম্ ॥ ৩৩.৩৪॥

ব্রহ্মৈব সচ্চিদানন্দং ন তূষ্ণীং ন বিভাষণম্ ।
ব্রহ্মৈব সচ্চিদানন্দং সত্ত্বং নাহং ন কিঞ্চন ॥ ৩৩.৩৫॥

ব্রহ্মৈব সচ্চিদানন্দং পরাৎপরমনুদ্ভবম্ ।
ব্রহ্মৈব সচ্চিদানন্দং তত্ত্বাতীতং মহোৎসবম্ ॥ ৩৩.৩৬॥

ব্রহ্মৈব সচ্চিদানন্দং পরমাকাশমাততম্ ।
ব্রহ্মৈব সচ্চিদানন্দং সর্বদা গুরুরূপকম্ ॥ ৩৩.৩৭॥

ব্রহ্মৈব সচ্চিদানন্দং সদা নির্মলবিগ্রহম্ ।
ব্রহ্মৈব সচ্চিদানন্দং শুদ্ধচৈতন্যমাততম্ ॥ ৩৩.৩৮॥

ব্রহ্মৈব সচ্চিদানন্দং স্বপ্রকাশাত্মরূপকম্ ।
ব্রহ্মৈব সচ্চিদানন্দং নিশ্চয়ং চাত্মকারণম্ ॥ ৩৩.৩৯॥

ব্রহ্মৈব সচ্চিদানন্দং স্বয়মেব প্রকাশতে ।
ব্রহ্মৈব সচ্চিদানন্দং নানাকার ইতি স্থিতম্ ॥ ৩৩.৪০॥

ব্রহ্মৈব সচ্চিদাকারং ভ্রান্তাধিষ্ঠানরূপকম্ ।
ব্রহ্মৈব সচ্চিদানন্দং সর্বং নাস্তি ন মে স্থিতম্ ॥ ৩৩.৪১॥

বাচামগোচরং ব্রহ্ম সচ্চিদানদবিগ্রহম্ ।
সচ্চিদানন্দরূপোঽহমনুৎপন্নমিদম্ জগৎ ॥ ৩৩.৪২॥

ব্রহ্মৈবেদং সদা সত্যং নিত্যমুক্তং নিরঞ্জনম্ ।
সচ্চিদানন্দং ব্রহ্মৈব একমেব সদা সুখম্ ॥ ৩৩.৪৩॥

সচ্চিদানন্দং ব্রহ্মৈব পূর্ণাৎ পূর্ণতরং মহৎ ।
সচ্চিদানন্দং ব্রহ্মৈব সর্বব্যাপকমীশ্বরম্ ॥ ৩৩.৪৪॥

সচ্চিদানন্দং ব্রহ্মৈব নামরূপপ্রভাস্বরম্ ।
সচ্চিদানন্দং ব্রহ্মৈব অনন্তানন্দনির্মলম্ ॥ ৩৩.৪৫॥

সচ্চিদানন্দং ব্রহ্মৈব পরমানন্দদায়কম্ ।
সচ্চিদানন্দং ব্রহ্মৈব সন্মাত্রং সদসৎপরম্ ॥ ৩৩.৪৬॥

সচ্চিদানন্দং ব্রহ্মৈব সর্বেষাং পরমব্যযম্ ।
সচ্চিদানন্দং ব্রহ্মৈব মোক্ষরূপং শুভাশুভম্ ॥ ৩৩.৪৭॥

সচ্চিদানন্দং ব্রহ্মৈব পরিচ্ছিন্নং ন হি ক্বচিৎ ।
ব্রহ্মৈব সর্বমেবেদং শুদ্ধবুদ্ধমলেপকম্ ॥ ৩৩.৪৮॥

সচ্চিদানন্দরূপোঽহমনুৎপন্নমিদং জগৎ ।
এতৎ প্রকরণং সত্যং সদ্যোমুক্তিপ্রদায়কম্ ॥ ৩৩.৪৯॥

সর্বদুঃখক্ষয়করং সর্ববিজ্ঞানদায়কম্ ।
নিত্যানন্দকরং সত্যং শান্তিদান্তিপ্রদায়কম্ ॥ ৩৩.৫০॥

যস্ত্বন্তকান্তকমহেশ্বরপাদপদ্ম-
লোলম্বসপ্রভহৃদা পরিশীলকশ্চ ।
বৃন্দারবৃন্দবিনতামলদিব্যপাদো
ভাবো ভবোদ্ভবকৃপাবশতো ভবেচ্চ ॥ ৩৩.৫১॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
সচ্চিদানন্দরূপতাপ্রকরণং নাম ত্রয়স্ত্রিংশোঽধ্যায়ঃ ॥

৩৪ ॥ চতুস্ত্রিংশোঽধ্যায়ঃ ॥

ঋভুঃ –
শৃণুষ্ব ব্রহ্ম বিজ্ঞানমদ্ভুতং ৎবতিদুর্লভম্ ।
একৈকশ্রবণেনৈব কৈবল্যং পরমশ্নুতে ॥ ৩৪.১॥

সত্যং সত্যং জগন্নাস্তি সংকল্পকলনাদিকম্ ।
নিত্যানন্দময়ং ব্রহ্মবিজ্ঞানং সর্বদা স্বয়ম্ ॥ ৩৪.২॥

আনন্দমব্যযং শান্তমেকরূপমনাময়ম্ ।
চিত্তপ্রপঞ্চং নৈবাস্তি নাস্তি কার্যং চ তত্ত্বতঃ ॥ ৩৪.৩॥

প্রপঞ্চভাবনা নাস্তি দৃশ্যরূপং ন কিঞ্চন ।
অসত্যরূপং সঙ্কল্পং তৎকার্যং চ জগন্ন হি ॥ ৩৪.৪॥

সর্বমিত্যেব নাস্ত্যেব কালমিত্যেবমীশ্বরঃ ।
বন্ধ্যাকুমারে ভীতিশ্চ তদধীনমিদং জগৎ ॥ ৩৪.৫॥

গন্ধর্বনগরে শৃঙ্গে মদগ্রে দৃশ্যতে জগৎ ।
মৃগতৃষ্ণাজলং পীৎবা তৃপ্তিশ্চেদস্ত্বিদং জগৎ ॥ ৩৪.৬॥

নগে শৃঙ্গে ন বাণেন নষ্টং পুরুষমস্ত্বিদম্ ।
গন্ধর্বনগরে সত্যে জগদ্ভবতু সর্বদা ॥ ৩৪.৭॥

গগনে নীলমাসিন্ধৌ জগৎ সত্যং ভবিষ্যতি ।
শুক্তিকারজতং সত্যং ভূষণং চিজ্জগদ্ভবেৎ ॥ ৩৪.৮॥

রজ্জুসর্পেণ নষ্টশ্চেৎ নরো ভবতি সংসৃতিঃ ।
জাতিরূপেণ বাণেন জ্বালাগ্নৌ নাশিতে সতি ॥ ৩৪.৯॥

রংভাস্তম্ভেন কাষ্ঠেন পাকসিদ্ধির্জগদ্ভবেৎ ।
নিত্যানন্দময়ং ব্রহ্ম কেবলং সর্বদা স্বয়ম্ ॥ ৩৪.১০॥

সদ্যঃ কুমারিকারূপৈঃ পাকে সিদ্ধে জগদ্ভবেৎ ।
নিত্যানন্দময়ং ব্রহ্ম কেবলং সর্বদা স্বয়ম্ ॥ ৩৪.১১॥

মিত্যাটব্যাং বায়সান্নং অস্তি চেজ্জগদুদ্ভবম্ ।
মূলারোপণমন্ত্রস্য প্রীতিশ্চেদ্ভাষণং জগৎ ॥ ৩৪.১২॥

মাসাৎ পূর্বং মৃতো মর্ত্য আগতশ্চেজ্জগদ্ ভবেৎ ।
তক্রং ক্ষীরস্বরূপং চেৎ কিঞ্চিৎ কিঞ্চিজ্জগদ্ভবেৎ ॥ ৩৪.১৩॥

গোস্তনাদুদ্ভবং ক্ষীরং পুনরারোহণং জগৎ ।
ভূরজস্যাঅব্দমুৎপন্নং জগদ্ভবতু সর্বদা ॥ ৩৪.১৪॥

কূর্মরোম্ণা গজে বদ্ধে জগদস্তু মদোৎকটে ।
মৃণালতন্তুনা মেরুশ্চলিতশ্চেজ্জগদ্ ভবেৎ ॥ ৩৪.১৫॥

তরঙ্গমালয়া সিন্ধুঃ বদ্ধশ্চেদস্ত্বিদং জগৎ ।
জ্বালাগ্নিমণ্ডলে পদ্মং বৃদ্ধং চেৎ তজ্জগদ্ভবেৎ ॥ ৩৪.১৬॥

মহচ্ছৈলেন্দ্রনিলয়ং সংভবশ্চেদিদং ভবেৎ ।
নিত্যানন্দময়ং ব্রহ্ম কেবলং সর্বদা স্বয়ম্ ॥ ৩৪.১৭॥

মীন আগত্য পদ্মাক্ষে স্থিতশ্চেদস্ত্বিদং জগৎ ।
নিগীর্ণশ্চেদ্ভঙ্গসূনুঃ মেরুপুচ্ছবদস্ত্বিদম্ ॥ ৩৪.১৮॥

মশকেনাশিতে সিংহে হতে ভবতু কল্পনম্ ।
অণুকোটরবিস্তীর্ণে ত্রৈলোক্যে চেজ্জগদ্ভবেৎ ॥ ৩৪.১৯॥

স্বপ্নে তিষ্ঠতি যদ্বস্তু জাগরে চেজ্জগদ্ভবেৎ ।
নদীবেগো নিশ্চলশ্চেৎ জগদ্ভবতু সর্বদা ॥ ৩৪.২০॥

জাত্যন্ধৈ রত্নবিষয়ঃ সুজ্ঞাতশ্চেজ্জগদ্ভবেৎ ।
চন্দ্রসূর্যাদিকং ত্যক্ত্বা রাহুশ্চেৎ দৃশ্যতে জগৎ ॥ ৩৪.২১॥

ভ্রষ্টবীজেন উৎপন্নে বৃদ্ধিশ্চেচ্চিত্তসংভবঃ ।
মহাদরিদ্রৈরাঢ্যানাং সুখে জ্ঞাতে জগদ্ভবেৎ ॥ ৩৪.২২॥

দুগ্ধং দুগ্ধগতক্ষীরং পুনরারোহণং পুনঃ ।
কেবলং দর্পণে নাস্তি প্রতিবিম্বং তদা জগৎ ॥ ৩৪.২৩॥

যথা শূন্যগতং ব্যোম প্রতিবিম্বেন বৈ জগৎ ।
অজকুক্ষৌ গজো নাস্তি আত্মকুক্ষৌ জগন্ন হি ॥ ৩৪.২৪॥

যথা তান্ত্রে সমুৎপন্নে তথা ব্রহ্মময়ং জগৎ ।
কার্পাসকেঽগ্নিদগ্ধেন ভস্ম নাস্তি তথা জগৎ ॥ ৩৪.২৫॥

পরং ব্রহ্ম পরং জ্যোতিঃ পরস্তাৎ পরতঃ পরঃ ।
সর্বদা ভেদকলনং দ্বৈতাদ্বৈতং ন বিদ্যতে ॥ ৩৪.২৬॥

চিত্তবৃত্তির্জগদ্দুঃখং অস্তি চেৎ কিল নাশনম্ ।
মনঃসংকল্পকং বন্ধ অস্তি চেদ্ব্রহ্মভাবনা ॥ ৩৪.২৭॥

অবিদ্যা কার্যদেহাদি অস্তি চেদ্দ্বৈতভাবনম্ ।
চিত্তমেব মহারোগো ব্যাপ্তশ্চেদ্ব্রহ্মভেষজম্ ॥ ৩৪.২৮॥

অহং শত্রুর্যদি ভবেদহং ব্রহ্মৈব ভাবনম্ ।
দেহোঽহমিতি দুখং চেদ্ব্রহ্মাহমিতি নিশ্চিনু ॥ ৩৪.২৯॥

সংশয়শ্চ পিশাচশ্চেদ্ব্রহ্মমাত্রেণ নাশয় ।
দ্বৈতভূতাবিষ্টরেণ অদ্বৈতং ভস্ম আশ্রয় ॥ ৩৪.৩০॥

অনাত্মৎবপিশাচশ্চেদাত্মমন্ত্রেণ বন্ধয় ।
নিত্যানন্দময়ং ব্রহ্ম কেবলং সর্বদা স্বয়ম্ ॥ ৩৪.৩১॥

চতুঃষষ্টিকদৃষ্টান্তৈরেবং ব্রহ্মৈব সাধিতম্ ।
যঃ শৃণোতি নরো নিত্যং স মুক্তো নাত্র সংশয়ঃ ॥ ৩৪.৩২॥

কৃতার্থ এব সততং নাত্র কার্যা বিচারণা ॥ ৩৪.৩৩॥

মনোবচোবিদূরগং ৎবরূপগন্ধবর্জিতং
হৃদর্ভকোকসন্ততং বিজানতাং মুদে সদা ।
সদাপ্রকাশদুজ্বলপ্রভাবিকাসসদ্যুতি
প্রকাশদং মহেশ্বর ৎবদীয়পাদপঙ্কজম্ ॥ ৩৪.৩৪॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
দৃষ্টান্তৈর্ব্রহ্মসাধনপ্রকরণং নাম চতুস্ত্রিংশোঽধ্যায়ঃ ॥

৩৫ ॥ পঞ্চত্রিংশোঽধ্যায়ঃ ॥

ঋভুঃ –
নিদাঘ শৃণু গুহ্যং মে সদ্যো মুক্তিপ্রদং নৃণাম্ ।
আত্মৈব নান্যদেবেদং পরমাত্মাহমক্ষতঃ ॥ ৩৫.১॥

অহমেব পরং ব্রহ্ম সচ্চিদানন্দবিগ্রহঃ ।
অহমস্মি মহানস্মি শিবোঽস্মি পরমোঽস্ম্যহম্ ॥ ৩৫.২॥

অদৃশ্যং পরমং ব্রহ্ম নান্যদস্তি স্বভাবতঃ ।
সর্বং নাস্ত্যেব নাস্ত্যেব অহং ব্রহ্মৈব কেবলম্ ॥ ৩৫.৩॥

শান্তং ব্রহ্ম পরং চাস্মি সর্বদা নিত্যনির্মলঃ ।
সর্বং নাস্ত্যেব নাস্ত্যেব অহং ব্রহ্মৈব কেবলম্ ॥ ৩৫.৪॥

সর্বসঙ্কল্পমুক্তোঽস্মি সর্বসন্তোষবর্জিতঃ ।
কালকর্মজগদ্দ্বৈতদ্রষ্টৃদর্শনবিগ্রহঃ ॥ ৩৫.৫॥

আনন্দোঽস্মি সদানন্দকেবলো জগতাং প্রিয়ম্ ।
সমরূপোঽস্মি নিত্যোঽস্মি ভূতভব্যমজো জয়ঃ ॥ ৩৫.৬॥

চিন্মাত্রোঽস্মি সদা ভুক্তো জীবো বন্ধো ন বিদ্যতে ।var was মুক্তঃ
শ্রবণং ষড্বিধং লিঙ্গং নৈবাস্তি জগদীদৃশম্ ॥ ৩৫.৭॥

চিত্তসংসারহীনোঽস্মি চিন্মাত্রৎবং জগৎ সদা ।
চিত্তমেব হিতং দেহ অবিচারঃ পরো রিপুঃ ॥ ৩৫.৮॥

অবিচারো জগদ্দুঃখমবিচারো মহদ্ভয়ম্ ।
সদ্যোঽস্মি সর্বদা তৃপ্তঃ পরিপূর্ণঃ পরো মহান্ ॥ ৩৫.৯॥

নিত্যশুদ্ধোঽস্মি বুদ্ধোঽস্মি চিদাকাশোঽস্মি চেতনঃ ।
আত্মৈব নান্যদেবেদং পরমাত্মাঽহমক্ষতঃ ॥ ৩৫.১০॥

সর্বদোষবিহীনোঽস্মি সর্বত্র বিততোঽস্ম্যহম্ ।
বাচাতীতস্বরূপোঽস্মি পরমাত্মাঽহমক্ষতঃ ॥ ৩৫.১১॥

চিত্রাতীতং পরং দ্বন্দ্বং সন্তোষঃ সমভাবনম্ ।
অন্তর্বহিরনাদ্যন্তং সর্বভেদবিনির্ণয়ম্ ॥ ৩৫.১২॥

অহংকারং বলং সর্বং কামং ক্রোধং পরিগ্রহম্ ।
ব্রহ্মেন্দ্রোবিষ্ণুর্বরুণো ভাবাভাববিনিশ্চয়ঃ ॥ ৩৫.১৩॥

জীবসত্তা জগৎসত্তা মায়াসত্তা ন কিঞ্চন ।
গুরুশিষ্যাদিভেদং চ কার্যাকার্যবিনিশ্চয়ঃ ॥ ৩৫.১৪॥

ৎবং ব্রহ্মাসীতি বক্তা চ অহং ব্রহ্মাস্মি সংভবঃ ।
সর্ববেদান্তবিজ্ঞানং সর্বাম্নায়বিচারণম্ ॥ ৩৫.১৫॥

ইদং পদার্থসদ্ভাবমহং রূপেণ সংভবম্ ।
বেদবেদান্তসিদ্ধান্তজগদ্ভেদং ন বিদ্যতে ॥ ৩৫.১৬॥

সর্বং ব্রহ্ম ন সন্দেহঃ সর্বমিত্যেব নাস্তি হি ।
কেবলং ব্রহ্মশান্তাত্মা অহমেব নিরন্তরম্ ॥ ৩৫.১৭॥

শুভাশুভবিভেদং চ দোষাদোষং চ মে ন হি ।
চিত্তসত্তা জগৎসত্তা বুদ্ধিবৃত্তিবিজৃম্ভণম্ ॥ ৩৫.১৮॥

ব্রহ্মৈব সর্বদা নান্যৎ সত্যং সত্যং নিজং পদম্ ।
আত্মাকারমিদং দ্বৈতং মিথ্যৈব ন পরঃ পুমান্ ॥ ৩৫.১৯॥

সচ্চিদানন্দমাত্রোঽহং সর্বং কেবলমব্যযম্ ।
ব্রহ্মা বিষ্ণুশ্চ রুদ্রশ্চ ঈশ্বরশ্চ সদাশিবঃ ॥ ৩৫.২০॥

মনো জগদহং ভেদং চিত্তবৃত্তিজগদ্ভয়ম্ ।
সর্বানন্দমহানন্দমাত্মানন্দমনন্তকম্ ॥ ৩৫.২১॥

অত্যন্তস্বল্পমল্পং বা প্রপঞ্চং নাস্তি কিঞ্চন ।
প্রপঞ্চমিতি শব্দো বা স্মরণং বা ন বিদ্যতে ॥ ৩৫.২২॥

অন্তরস্থপ্রপঞ্চং বা ক্বচিন্নাস্তি ক্বচিদ্বহিঃ ।
যৎ কিঞ্চিদেবং তূষ্ণীং বা যচ্চ কিঞ্চিৎ সদা ক্ব বা ॥ ৩৫.২৩॥

যেন কেন যদা কিঞ্চিদ্যস্য কস্য ন কিঞ্চন ।
শুদ্ধং মলিনরূপং বা ব্রহ্মবাক্যমবোধকম্ ॥ ৩৫.২৪॥

ঈদৃষং তাদৃষং বেতি ন কিঞ্চিৎ বক্তুমর্হতি ।
ব্রহ্মৈব সর্বং সততং ব্রহ্মৈব সকলং মনঃ ॥ ৩৫.২৫॥

আনন্দং পরমানদং নিত্যানন্দং সদাঽদ্বয়ম্ ।
চিন্মাত্রমেব সততং নাস্তি নাস্তি পরোঽস্ম্যহম্ ॥ ৩৫.২৬॥

প্রপঞ্চং সর্বদা নাস্তি প্রপঞ্চং চিত্রমেব চ ।
চিত্তমেব হি সংসারং নান্যৎ সংসারমেব হি ॥ ৩৫.২৭॥

মন এব হি সংসারো দেহোঽহমিতি রূপকম্ ।
সঙ্কল্পমেব সংসারং তন্নাশেঽসৌ বিনশ্যতি ॥ ৩৫.২৮॥

সঙ্কল্পমেব জননং তন্নাশেঽসৌ বিনশ্যতি ।
সঙ্কল্পমেব দারিদ্র্যং তন্নাশেঽসৌ বিনশ্যতি ॥ ৩৫.২৯॥

সঙ্কল্পমেব মননং তন্নাশেঽসৌ বিনশ্যতি ।
আত্মৈব নান্যদেবেদং পরমাত্মাঽহমক্ষতঃ ॥ ৩৫.৩০॥

নিত্যমাত্মময়ং বোধমহমেব সদা মহান্ ।
আত্মৈব নান্যদেবেদং পরমাত্মাঽহমক্ষতঃ ॥ ৩৫.৩১॥

ইত্যেবং ভাবয়েন্নিত্যং ক্ষিপ্রং মুক্তো ভবিষ্যতি ।
ৎবমেব ব্রহ্মরূপোঽসি ৎবমেব ব্রহ্মবিগ্রহঃ ॥ ৩৫.৩২॥

এবং চ পরমানন্দং ধ্যাৎবা ধ্যাৎবা সুখীভব ।
সুখমাত্রং জগৎ সর্বং প্রিয়মাত্রং প্রপঞ্চকম্ ॥ ৩৫.৩৩॥

জডমাত্রময়ং লোকং ব্রহ্মমাত্রময়ং সদা ।
ব্রহ্মৈব নান্যদেবেদং পরমাত্মাঽহমব্যযঃ ॥ ৩৫.৩৪॥

এক এব সদা এষ এক এব নিরন্তরম্ ।
এক এব পরং ব্রহ্ম এক এব চিদব্যযঃ ॥ ৩৫.৩৫॥

এক এব গুণাতীত এক এব সুখাবহঃ ।
এক এব মহানাত্মা এক এব নিরন্তরম্ ॥ ৩৫.৩৬॥

এক এব চিদাকার এক এবাত্মনির্ণয়ঃ ।
ব্রহ্মৈব নান্যদেবেদং পরমাত্মাঽহমক্ষতঃ ॥ ৩৫.৩৭॥

পরমাত্মাহমন্যন্ন পরমানন্দমন্দিরম্ ।
ইত্যেবং ভাবয়ন্নিত্যং সদা চিন্ময় এব হি ॥ ৩৫.৩৮॥

সূতঃ –
বিরিঞ্চিবঞ্চনাততপ্রপঞ্চপঞ্চবাণভিৎ
সুকাঞ্চনাদ্রিধারিণং কুলুঞ্চনাং পতিং ভজে ।
অকিঞ্চনেঽপি সিঞ্চকে জলেন লিঙ্গমস্তকে
বিমুঞ্চতি ক্ষণাদঘং ন কিঞ্চিদত্র শিষ্যতে ॥ ৩৫.৩৯॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ব্রহ্মভাবনোপদেশপ্রকরণং নাম পঞ্চত্রিংশোঽধ্যায়ঃ ॥

৩৬ ॥ ষট্ত্রিংশোঽধ্যায়ঃ ॥

ঋভুঃ –
শৃণু বক্ষ্যামি বিপ্রেন্দ্র সর্বং ব্রহ্মৈব নির্ণয়ম্ ।
যস্য শ্রবণমাত্রেণ সদ্যো মুক্তিমবাপ্নুয়াৎ ॥ ৩৬.১॥

ইদমেব সদা নাস্তি হ্যহমেব হি কেবলম্ ।
আত্মৈব সর্বদা নাস্তি আত্মৈব সুখলক্ষণম্ ॥ ৩৬.২॥

আত্মৈব পরমং তত্ত্বমাত্মৈব জগতাং গণঃ ।
আত্মৈব গগনাকারমাত্মৈব চ নিরন্তরম্ ॥ ৩৬.৩॥

আত্মৈব সত্যং ব্রহ্মৈব আত্মৈব গুরুলক্ষণম্ ।
আত্মৈব চিন্ময়ং নিত্যমাত্মৈবাক্ষরমব্যযম্ ॥ ৩৬.৪॥

আত্মৈব সিদ্ধরূপং বা আত্মৈবাত্মা ন সংশয়ঃ ।
আত্মৈবজগদাকারং আত্মৈবাত্মা স্বয়ং স্বয়ম্ ॥ ৩৬.৫॥

আত্মৈব শান্তিকলনমাত্মৈব মনসা বিয়ৎ ।
আত্মৈব সর্বং যৎ কিঞ্চিদাত্মৈব পরমং পদম্ ॥ ৩৬.৬॥

আত্মৈব ভুবনাকারমাত্মৈব প্রিয়মব্যযম্ ।
আত্মৈবান্যন্ন চ ক্বাপি আত্মৈবান্যং মনোময়ম্ ॥ ৩৬.৭॥

আত্মৈব সর্ববিজ্ঞানমাত্মৈব পরমং ধনম্ ।
আত্মৈব ভূতরূপং বা আত্মৈব ভ্রমণং মহৎ ॥ ৩৬.৮॥

আত্মৈব নিত্যশুদ্ধং বা আত্মৈব গুরুরাত্মনঃ ।
আত্মৈব হ্যাত্মনঃ শিষ্য আত্মৈব লয়মাত্মনি ॥ ৩৬.৯॥

আত্মৈব হ্যাত্মনো ধ্যানমাত্মৈব গতিরাত্মনঃ ।
আত্মৈব হ্যাত্মনো হোম আত্মৈব হ্যাত্মনো জপঃ ॥ ৩৬.১০॥

আত্মৈব তৃপ্তিরাত্মৈব আত্মনোঽন্যন্ন কিঞ্চন ।
আত্মৈব হ্যাত্মনো মূলমাত্মৈব হ্যাত্মনো ব্রতম্ ॥ ৩৬.১১॥

আত্মজ্ঞানং ব্রতং নিত্যমাত্মজ্ঞানং পরং সুখম্ ।
আত্মজ্ঞানং পরানন্দমাত্মজ্ঞানং পরায়ণম্ ॥ ৩৬.১২॥

আত্মজ্ঞানং পরং ব্রহ্ম আত্মজ্ঞানং মহাব্রতম্ ।
আত্মজ্ঞানং স্বয়ং বেদ্যমাত্মজ্ঞানং মহাধনম্ ॥ ৩৬.১৩॥

আত্মজ্ঞানং পরং ব্রহ্ম আত্মজ্ঞানং মহৎ সুখম্ ।
আত্মজ্ঞানং মহানাত্মা আত্মজ্ঞানং জনাস্পদম্ ॥ ৩৬.১৪॥

আত্মজ্ঞানং মহাতীর্থমাত্মজ্ঞানং জয়প্রদম্ ।
আত্মজ্ঞানং পরং ব্রহ্ম আত্মজ্ঞানং চরাচরম্ ॥ ৩৬.১৫॥

আত্মজ্ঞানং পরং শাস্ত্রমাত্মজ্ঞানমনূপমম্ ।
আত্মজ্ঞানং পরো যোগ আত্মজ্ঞানং পরা গতিঃ ॥ ৩৬.১৬॥

আত্মজ্ঞানং পরং ব্রহ্ম ইত্যেবং দৃঢনিশ্চয়ঃ ।
আত্মজ্ঞানং মনোনাশঃ আত্মজ্ঞানং পরো গুরুঃ ॥ ৩৬.১৭॥

আত্মজ্ঞানং চিত্তনাশঃ আত্মজ্ঞানং বিমুক্তিদম্ ।
আত্মজ্ঞানং ভয়নাশমাত্মজ্ঞানং সুখাবহম্ ॥ ৩৬.১৮॥

আত্মজ্ঞানং মহাতেজ আত্মজ্ঞানং মহাশুভম্ ।
আত্মজ্ঞানং সতাং রূপমাত্মজ্ঞানং সতাং প্রিয়ম্ ॥ ৩৬.১৯॥

আত্মজ্ঞানং সতাং মোক্ষমাত্মজ্ঞানং বিবেকজম্ ।
আত্মজ্ঞানং পরো ধর্ম আত্মজ্ঞানং সদা জপঃ ॥ ৩৬.২০॥

আত্মজ্ঞানস্য সদৃশমাত্মবিজ্ঞানমেব হি ।
আত্মজ্ঞানেন সদৃশং ন ভূতং ন ভবিষ্যতি ॥ ৩৬.২১॥

আত্মজ্ঞানং পরো মন্ত্র আত্মজ্ঞানং পরং তপঃ ।
আত্মজ্ঞানং হরিঃ সাক্ষাদাত্মজ্ঞানং শিবঃ পরঃ ॥ ৩৬.২২॥

আত্মজ্ঞানং পরো ধাতা আত্মজ্ঞানং স্বসংমতম্ ।
আত্মজ্ঞানং স্বয়ং পুণ্যমাত্মজ্ঞানং বিশোধনম্ ॥ ৩৬.২৩॥

আত্মজ্ঞানং মহাতীর্থমাত্মজ্ঞানং শমাদিকম্ ।
আত্মজ্ঞানং প্রিয়ং মন্ত্রমাত্মজ্ঞানং স্বপাবনম্ ॥ ৩৬.২৪॥

আত্মজ্ঞানং চ কিন্নাম অহং ব্রহ্মেতি নিশ্চয়ঃ ।
অহং ব্রহ্মেতি বিশ্বাসমাত্মজ্ঞানং মহোদয়ম্ ॥ ৩৬.২৫॥

অহং ব্রহ্মাস্মি নিত্যোঽস্মি সিদ্ধোঽস্মীতি বিভাবনম্ ।
আনন্দোঽহং পরানন্দং শুদ্ধোঽহং নিত্যমব্যযঃ ॥ ৩৬.২৬॥

চিদাকাশস্বরূপোঽস্মি সচ্চিদানন্দশাশ্বতম্ ।
নির্বিকারোঽস্মি শান্তোঽহং সর্বতোঽহং নিরন্তরঃ ॥ ৩৬.২৭॥

সর্বদা সুখরূপোঽস্মি সর্বদোষবিবর্জিতঃ ।
সর্বসঙ্কল্পহীনোঽস্মি সর্বদা স্বয়মস্ম্যহম্ ॥ ৩৬.২৮॥

সর্বং ব্রহ্মেত্যনুভবং বিনা শব্দং পঠ স্বয়ম্ ।
কোট্যশ্বমেধে যৎ পুণ্যং ক্ষণাৎ তৎপুণ্যমাপ্নুয়াৎ ॥ ৩৬.২৯॥

অহং ব্রহ্মেতি নিশ্চিত্য মেরুদানফলং লভেৎ ।
ব্রহ্মৈবাহমিতি স্থিৎবা সর্বভূদানমপ্যণু ॥ ৩৬.৩০॥

ব্রহ্মৈবাহমিতি স্থিৎবা কোটিশো দানমপ্যণু ।
ব্রহ্মৈবাহমিতি স্থিৎবা সর্বানন্দং তৃণায়তে ॥ ৩৬.৩১॥

ব্রহ্মৈব সর্বমিত্যেব ভাবিতস্য ফলং স্বয়ম্ ।
ব্রহ্মৈবাহমিতি স্থিৎবা সমানং ব্রহ্ম এব হি ॥ ৩৬.৩২॥

তস্মাৎ স্বপ্নেঽপি নিত্যং চ সর্বং সন্ত্যজ্য যত্নতঃ ।
অহং ব্রহ্ম ন সন্দেহঃ অহমেব গতির্মম ॥ ৩৬.৩৩॥

অহমেব সদা নান্যদহমেব সদা গুরুঃ ।
অহমেব পরো হ্যাত্মা অহমেব ন চাপরঃ ॥ ৩৬.৩৪॥

অহমেব গুরুঃ শিষ্যঃ অহমেবেতি নিশ্চিনু ।
ইদমিত্যেব নির্দেশঃ পরিচ্ছিন্নো জগন্ন হি ॥ ৩৬.৩৫॥

ন ভূমির্ন জলং নাগ্নির্ন বায়ুর্ন চ খং তথা ।
সর্বং চৈতন্যমাত্রৎবাৎ নান্যৎ কিঞ্চন বিদ্যতে ॥ ৩৬.৩৬॥

ইত্যেবং ভাবনপরো দেহমুক্তঃ সুখীভব ।
অহমাত্মা ইদং নাস্তি সর্বং চৈতন্যমাত্রতঃ ॥ ৩৬.৩৭॥

অহমেব হি পূর্ণাত্মা আনন্দাব্ধিরনাময়ঃ ।
ইদমেব সদা নাস্তি জডৎবাদসদেব হি ।
ইদং ব্রহ্ম সদা ব্রহ্ম ইদং নেতি সুখী ভব ॥ ৩৬.৩৮॥

তুরঙ্গশৃঙ্গসন্নিভা শ্রুতিপরোচনা ???
বিশেষকামবাসনা বিনিশ্চিতাত্মবৃত্তিতঃ ।
নরাঃ সুরা মুনীশ্বরা অসঙ্গসঙ্গমপ্যুমা-
পতিং ??? ন তে ভজন্তি কেচন ??? ॥ ৩৬.৩৯॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ব্রহ্মভাবনোপদেশপ্রকরণং নাম ষট্ত্রিংশোঽধ্যায়ঃ ॥

৩৭ ॥ সপ্তত্রিংশোঽধ্যায়ঃ ॥

ঋভুঃ –
নিদাঘ শৃণু বক্ষ্যামি রহস্যং পরমদ্ভুতম্ ।
শ্লোকৈকশ্রবণেনৈব সদ্যো মোক্ষমবাপ্নুয়াৎ ॥ ৩৭.১॥

ইদং দৃষ্টং পরং ব্রহ্ম দৃশ্যবদ্ভাতি চিত্ততঃ ।
সর্বং চৈতন্যমাত্রৎবাৎ নান্যৎ কিঞ্চিন্ন বিদ্যতে ॥ ৩৭.২॥

ইদমেব হি নাস্ত্যেব অয়মিত্যপি নাস্তি হি ।
এক এবাপ্যণুর্বাপি নাস্তি নাস্তি ন সংশয়ঃ ॥ ৩৭.৩॥

ব্যবহারমিদং ক্বাপি বার্তামাত্রমপি ক্ব বা ।
বন্ধরূপং বন্ধবার্তা বন্ধকার্যং পরং চ বা ॥ ৩৭.৪॥

সন্মাত্রকার্যং সন্মাত্রমহং ব্রহ্মেতি নিশ্চয়ম্ ।
দুঃখং সুখং বা বোধো বা সাধকং সাধ্যনির্ণয়ঃ ॥ ৩৭.৫॥

আত্মেতি পরমাত্মেতি জীবাত্মেতি পৃথঙ্ ন হি ।
দেহোঽহমিতি মূর্তোঽহং জ্ঞানবিজ্ঞানবানহম্ ॥ ৩৭.৬॥

কার্যকারণরূপোঽহমন্তঃকরণকার্যকম্ ।
একমিত্যেকমাত্রং বা নাস্তি নাস্তীতি ভাবয় ॥ ৩৭.৭॥

সর্বসঙ্কল্পমাত্রেতি সর্বং ব্রহ্মেতি বা জগৎ ।
তত্ত্বজ্ঞানং পরং ব্রহ্ম ওঙ্কারার্থং সুখং জপম্ ॥ ৩৭.৮॥

দ্বৈতাদ্বৈতং সদাদ্বৈতং তথা মানাবমানকম্ ।
সর্বং চৈতন্যমাত্রৎবাৎ নান্যৎ কিঞ্চিন্ন বিদ্যতে ॥ ৩৭.৯॥

আত্মানন্দমহং ব্রহ্ম প্রজ্ঞানং ব্রহ্ম এব হি ।
ইদং রূপমহং রূপং প্রিয়াপ্রিয়বিচারণম্ ॥ ৩৭.১০॥

যদ্যৎ সংভাব্যতে লোকে যদ্যৎ সাধনকল্পনম্ ।
যদ্যন্তরহিতং ব্রহ্মভাবনং চিত্তনির্মিতম্ ॥ ৩৭.১১॥

স্থূলদেহোঽহমেবাত্র সূক্ষ্মদেহোঽহমেব হি ।
বুদ্ধের্ভেদং মনোভেদং অহংকারং জডং চ তৎ ॥ ৩৭.১২॥

সর্বং চৈতন্যমাত্রৎবাৎ নান্যৎ কিঞ্চিন্ন বিদ্যতে ।
শ্রবণং মননং চৈব সাক্ষাৎকারবিচারণম্ ॥ ৩৭.১৩॥

আত্মৈবাহং পরং চৈব নাহং মোহময়ং স্বয়ম্ ।
ব্রহ্মৈব সর্বমেবেদং ব্রহ্মৈব পরমং পদম্ ॥ ৩৭.১৪॥

ব্রহ্মৈব কারণং কার্যং ব্রহ্মৈব জগতাং জয়ঃ ।
ব্রহ্মৈব সর্বং চৈতন্যং ব্রহ্মৈব মনসায়তে ॥ ৩৭.১৫॥

ব্রহ্মৈব জীববদ্ভাতি ব্রহ্মৈব চ হরীয়তে ।
ব্রহ্মৈব শিববদ্ভাতি ব্রহ্মৈব প্রিয়মাত্মনঃ ॥ ৩৭.১৬॥

ব্রহ্মৈব শান্তিবদ্ভাতি ব্রহ্মণোঽন্যন্ন কিঞ্চন ।
নাহং ন চায়ং নৈবান্যন্নোৎপন্নং ন পরাৎ পরম্ ॥ ৩৭.১৭॥

ন চেদং ন চ শাস্ত্রার্থং ন মীমাংসং ন চোদ্ভবম্ ।
ন লক্ষণং ন বেদাদি নাপি চিত্তং ন মে মনঃ ॥ ৩৭.১৮॥

ন মে নায়ং নেদমিদং ন বুদ্ধিনিশ্চয়ং সদা ।
কদাচিদপি নাস্ত্যেব সত্যং সত্যং ন কিঞ্চন ॥ ৩৭.১৯॥

নৈকমাত্রং ন চায়ং বা নান্তরং ন বহির্ন হি ।
ঈষণ্মাত্রং চ ন দ্বৈতং ন জন্যং ন চ দৃশ্যকম্ ॥ ৩৭.২০॥

ন ভাবনং ন স্মরণং ন বিস্মরণমণ্বপি ।
ন কালদেশকলনং ন সঙ্কল্পং ন বেদনম্ ॥ ৩৭.২১॥

ন বিজ্ঞানং ন দেহান্যং ন বেদোঽহং ন সংসৃতিঃ ।
ন মে দুঃখং ন মে মোক্ষং ন গতির্ন চ দুর্গতিঃ ॥ ৩৭.২২॥

নাত্মা নাহং ন জীবোঽহং ন কূটস্থো ন জায়তে ।
ন দেহোঽহং ন চ শ্রোত্রং ন ৎবগিন্দ্রিয়দেবতা ॥ ৩৭.২৩॥

সর্বং চৈতন্যমাত্রৎবাৎ সর্বং নাস্ত্যেব সর্বদা ।
অখণ্ডাকাররূপৎবাৎ সর্বং নাস্ত্যেব সর্বদা ॥ ৩৭.২৪॥

হুংকারস্যাবকাশো বা হুংকারজননং চ বা ।
নাস্ত্যেব নাস্তি নাস্ত্যেব নাস্তি নাস্তি কদাচন ॥ ৩৭.২৫॥

অন্যৎ পদার্থমল্পং বা অন্যদেবান্যভাষণম্ ।
আত্মনোঽন্যদসত্যং বা সত্যং বা ভ্রান্তিরেব চ ॥ ৩৭.২৬॥

নাস্ত্যেব নাস্তি নাস্ত্যেব নাস্তি শব্দোঽপি নাস্তি হি ।
সর্বং চৈতন্যমাত্রৎবাৎ সর্বং নাস্ত্যেব সর্বদা ॥ ৩৭.২৭॥

সর্বং ব্রহ্ম ন সন্দেহো ব্রহ্মৈবাহং ন সংশয়ঃ ।
বাক্যং চ বাচকং সর্বং বক্তা চ ত্রিপুটীদ্বয়ম্ ॥ ৩৭.২৮॥

জ্ঞাতা জ্ঞানং জ্ঞেয়ভেদং মাতৃমানমিতি প্রিয়ম্ ।
যদ্যচ্ছাস্ত্রেষু নির্ণীতং যদ্যদ্বেদেষু নিশ্চিতম্ ॥ ৩৭.২৯॥

পরাপরমতীতং চ অতীতোঽহমবেদনম্ ।
গুরুর্গুরূপদেশশ্চ গুরুং বক্ষ্যে ন কস্যচিৎ ॥ ৩৭.৩০॥

গুরুরূপা গুরুশ্রদ্ধা সদা নাস্তি গুরুঃ স্বয়ম্ ।
আত্মৈব গুরুরাত্মৈব অন্যাভাবান্ন সংশয়ঃ ॥ ৩৭.৩১॥

আত্মনঃ শুভমাত্মৈব অন্যাভাবান্ন সংশয়ঃ ।
আত্মনো মোহমাত্মৈব আত্মনোঽস্তি ন কিঞ্চন ॥ ৩৭.৩২॥

আত্মনঃ সুখমাত্মৈব অন্যন্নাস্তি ন সংশয়ঃ ।
আত্মন্যেবাত্মনঃ শক্তিঃ আত্মন্যেবাত্মনঃ প্রিয়ম্ ॥ ৩৭.৩৩॥

আত্মন্যেবাত্মনঃ স্নানং আত্মন্যেবাত্মনো রতিঃ ।
আত্মজ্ঞানং পরং শ্রেয়ঃ আত্মজ্ঞানং সুদুর্লভম্ ॥ ৩৭.৩৪॥

আত্মজ্ঞানং পরং ব্রহ্ম আত্মজ্ঞানং সুখাৎ সুখম্ ।
আত্মজ্ঞানাৎ পরং নাস্তি আত্মজ্ঞানাৎ স্মৃতির্ন হি ॥ ৩৭.৩৫॥

ব্রহ্মৈবাত্মা ন সন্দেহ আত্মৈব ব্রহ্মণঃ স্বয়ম্ ।
স্বয়মেব হি সর্বত্র স্বয়মেব হি চিন্ময়ঃ ॥ ৩৭.৩৬॥

স্বয়মেব চিদাকাশঃ স্বয়মেব নিরন্তরম্ ।
স্বয়মেব চ নানাত্মা স্বয়মেব চ নাপরঃ ॥ ৩৭.৩৭॥

স্বয়মেব গুণাতীতঃ স্বয়মেব মহৎ সুখম্ ।
স্বয়মেব হি শান্তাত্মা স্বয়মেব হি নিষ্কলঃ ॥ ৩৭.৩৮॥

স্বয়মেব চিদানন্দঃ স্বয়মেব মহৎপ্রভুঃ ।
স্বয়মেব সদা সাক্ষী স্বয়মেব সদাশিবঃ ॥ ৩৭.৩৯॥

স্বয়মেব হরিঃ সাক্ষাৎ স্বয়মেব প্রজাপতিঃ ।
স্বয়মেব পরং ব্রহ্ম ব্রহ্ম এব স্বয়ং সদা ॥ ৩৭.৪০॥

সর্বং ব্রহ্ম স্বয়ং ব্রহ্ম স্বয়ং ব্রহ্ম ন সংশয়ঃ ।
দৃঢনিশ্চয়মেব ৎবং সর্বথা কুরু সর্বদা ॥ ৩৭.৪১॥

বিচারয়ন্ স্বয়ং ব্রহ্ম ব্রহ্মমাত্রং স্বয়ং ভবেৎ ।
এতদেব পরং ব্রহ্ম অহং ব্রহ্মেতি নিশ্চয়ঃ ॥ ৩৭.৪২॥

এষ এব পরো মোক্ষ অহং ব্রহ্মেতি নিশ্চয়ঃ ।
এষ এব কৃতার্থো হি এষ এব সুখং সদা ॥ ৩৭.৪৩॥

এতদেব সদা জ্ঞানং স্বয়ং ব্রহ্ম স্বয়ং মহৎ ।
অহং ব্রহ্ম এতদেব সদা জ্ঞানং স্বয়ং মহৎ ॥ ৩৭.৪৪॥

অহং ব্রহ্ম এতদেব স্বভাবং সততং নিজম্ ।
অহং ব্রহ্ম এতদেব সদা নিত্যং স্বয়ং সদা ॥ ৩৭.৪৫॥

অহং ব্রহ্ম এতদেব বন্ধনাশং ন সংশয়ঃ ।
অহং ব্রহ্ম এতদেব সর্বসিদ্ধান্তনিশ্চয়ম্ ॥ ৩৭.৪৬॥

এষ বেদান্তসিদ্ধান্ত অহং ব্রহ্ম ন সংশয়ঃ ।
সর্বোপনিষদামর্থঃ সর্বানন্দময়ং জগৎ ॥ ৩৭.৪৭॥

মহাবাক্যস্য সিদ্ধান্ত অহং ব্রহ্মেতি নিশ্চয়ঃ ।
সাক্ষাচ্ছিবস্য সিদ্ধান্ত অহং ব্রহ্মেতি নিশ্চয়ঃ ॥ ৩৭.৪৮॥

নারায়ণস্য সিদ্ধান্ত অহং ব্রহ্মেতি নিশ্চয়ঃ ।
চতুর্মুখস্য সিদ্ধান্ত অহং ব্রহ্মেতি নিশ্চয়ঃ ॥ ৩৭.৪৯॥

ঋষীণাং হৃদয়ং হ্যেতৎ দেবানামুপদেশকম্ ।
সর্বদেশিকসিদ্ধান্ত অহং ব্রহ্মেতি নিশ্চয়ঃ ॥ ৩৭.৫০॥

যচ্চ যাবচ্চ ভূতানাং মহোপদেশ এব তৎ ।
অহং ব্রহ্ম মহামোক্ষং পরং চৈতদহং স্বয়ম্ ॥ ৩৭.৫১॥

অহং চানুভবং চৈতন্মহাগোপ্যমিদং চ তৎ ।
অহং ব্রহ্ম এতদেব সদা জ্ঞানং স্বয়ং মহৎ ॥ ৩৭.৫২॥

মহাপ্রকাশমেবৈতৎ অহং ব্রহ্ম এব তৎ ।
এতদেব মহামন্ত্রং এতদেব মহাজপঃ ॥ ৩৭.৫৩॥

এতদেব মহাস্নানমহং ব্রহ্মেতি নিশ্চয়ঃ ।
এতদেব মহাতীর্থমহং ব্রহ্মেতি নিশ্চয়ঃ ॥ ৩৭.৫৪॥

এতদেব মহাগঙ্গা অহং ব্রহ্মেতি নিশ্চয়ঃ ।
এষ এব পরো ধর্ম অহং ব্রহ্মেতি নিশ্চয়ঃ ॥ ৩৭.৫৫॥

এষ এব মহাকাশ অহং ব্রহ্মেতি নিশ্চয়ঃ ।
এতদেব হি বিজ্ঞানমহং ব্রহ্মাস্মি কেবলম্ ।
সর্বসিদ্ধান্তমেবৈতদহং ব্রহ্মেতি নিশ্চয়ঃ ॥ ৩৭.৫৬॥

সব্যাসব্যতয়াদ্যবজ্ঞহৃদয়া গোপোদহার্যঃ স্রিয়ঃ
পশ্যন্ত্যম্বুজমিত্রমণ্ডলগতং শংভুং হিরণ্যাত্মকম্ ।
সর্বত্র প্রসৃতৈঃ করৈর্জগদিদং পুষ্ণাতি মুষ্ণন্ ধনৈঃ
ঘৃষ্টং চৌষধিজালমম্বুনিকরৈর্বিশ্বোত্থধূতং হরঃ ॥ ৩৭.৫৭॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
সর্বসিদ্ধান্তপ্রকরণং নাম সপ্তত্রিংশোঽধ্যায়ঃ ॥

৩৮ ॥ অষ্টত্রিংশোঽধ্যায়ঃ ॥

ঋভুঃ –
বক্ষ্যে অত্যদ্ভুতং ব্যক্তং সচ্চিদানন্দমাত্রকম্ ।
সর্বপ্রপঞ্চশূন্যৎবং সর্বমাত্মেতি নিশ্চিতম্ ॥ ৩৮.১॥

আত্মরূপপ্রপঞ্চং বা আত্মরূপপ্রপঞ্চকম্ ।
সর্বপ্রপঞ্চং নাস্ত্যেব সর্বং ব্রহ্মেতি নিশ্চিতম্ ॥ ৩৮.২॥

নিত্যানুভবমানন্দং নিত্যং ব্রহ্মেতি ভাবনম্ ।
চিত্তরূপপ্রপঞ্চং বা চিত্তসংসারমেব বা ॥ ৩৮.৩॥

ইদমস্তীতি সত্তাৎবমহমস্তীতি বা জগৎ ।
স্বান্তঃকরণদোষং বা স্বান্তঃকরণকার্যকম্ ॥ ৩৮.৪॥

স্বস্য জীবভ্রমঃ কশ্চিৎ স্বস্য নাশং স্বজন্মনা ।
ঈশ্বরঃ কশ্চিদস্তীতি জীবোঽহমিতি বৈ জগৎ ॥ ৩৮.৫॥

মায়া সত্তা মহা সত্তা চিত্তসত্তা জগন্ময়ম্ ।
যদ্যচ্চ দৃশ্যতে শাস্ত্রৈর্যদ্যদ্বেদে চ ভাষণম্ ॥ ৩৮.৬॥

একমিত্যেব নির্দেশং দ্বৈতমিত্যেব ভাষণম্ ।
শিবোঽস্মীতি ভ্রমঃ কশ্চিৎ ব্রহ্মাস্মীতি বিভ্রমঃ ॥ ৩৮.৭॥

বিষ্ণুরস্মীতি বিভ্রান্তির্জগদস্তীতি বিভ্রমঃ ।var was জগদস্মীতি
ঈষদস্তীতি বা ভেদং ঈষদস্তীতি বা দ্বয়ম্ ॥ ৩৮.৮॥

সর্বমস্তীতি নাস্তীতি সর্বং ব্রহ্মেতি নিশ্চয়ম্ ।
আত্মধ্যানপ্রপঞ্চং বা স্মরণাদিপ্রপঞ্চকম্ ॥ ৩৮.৯॥

দুঃখরূপপ্রপঞ্চং বা সুখরূপপ্রপঞ্চকম্ ।
দ্বৈতাদ্বৈতপ্রপঞ্চং বা সত্যাসত্যপ্রপঞ্চকম্ ॥ ৩৮.১০॥

জাগ্রৎপ্রপঞ্চমেবাপি তথা স্বপ্নপ্রপঞ্চকম্ ।
সুপ্তিজ্ঞানপ্রপঞ্চং বা তুর্যজ্ঞানপ্রপঞ্চকম্ ॥ ৩৮.১১॥

বেদজ্ঞানপ্রপঞ্চং বা শাস্ত্রজ্ঞানপ্রপঞ্চকম্ ।
পাপবুদ্ধিপ্রপঞ্চং বা পুণ্যভেদপ্রপঞ্চকম্ ॥ ৩৮.১২॥

জ্ঞানরূপপ্রপঞ্চং বা নির্গুণজ্ঞানপ্রপঞ্চকম্ ।
গুণাগুণপ্রপঞ্চং বা দোষাদোষবিনির্ণয়ম্ ॥ ৩৮.১৩॥

সত্যাসত্যবিচারং বা চরাচরবিচারণম্ ।
এক আত্মেতি সদ্ভাবং মুখ্য আত্মেতি ভাবনম্ ॥ ৩৮.১৪॥

সর্বপ্রপঞ্চং নাস্ত্যেব সর্বং ব্রহ্মেতি নিশ্চয়ম্ ।
দ্বৈতাদ্বৈতসমুদ্ভেদং নাস্তি নাস্তীতি ভাষণম্ ॥ ৩৮.১৫॥

অসত্যং জগদেবেতি সত্যং ব্রহ্মেতি নিশ্চয়ম্ ।
কার্যরূপং কারণং চ নানাভেদবিজৃম্ভণম্ ॥ ৩৮.১৬॥

সর্বমন্ত্রপ্রদাতারং দূরে দূরং তথা তথা ।
সর্বং সন্ত্যজ্য সততং স্বাত্মন্যেব স্থিরো ভব ॥ ৩৮.১৭॥

মৌনভাবং মৌনকার্যং মৌনয়োগং মনঃপ্রিয়ম্ ।
পঞ্চাক্ষরোপদেষ্টারং তথা চাষ্টাক্ষরপ্রদম্ ॥ ৩৮.১৮॥

যদ্যদ্যদ্যদ্বেদশাস্ত্রং যদ্যদ্ভেদো গুরোঽপি বা ।
সর্বদা সর্বলোকেষু সর্বসঙ্কল্পকল্পনম্ ॥ ৩৮.১৯॥

সর্ববাক্যপ্রপঞ্চং হি সর্বচিত্তপ্রপঞ্চকম্ ।
সর্বাকারবিকল্পং চ সর্বকারণকল্পনম্ ॥ ৩৮.২০॥

সর্বদোষপ্রপঞ্চং চ সুখদুঃখপ্রপঞ্চকম্ ।
সহাদেয়মুপাদেয়ং গ্রাহ্যং ত্যাজ্যং চ ভাষণম্ ॥ ৩৮.২১॥

বিচার্য জন্মমরণং বাসনাচিত্তরূপকম্ ।
কামক্রোধং লোভমোহং সর্বডম্ভং চ হুংকৃতিম্ ॥ ৩৮.২২॥

ত্রৈলোক্যসংভবং দ্বৈতং ব্রহ্মেন্দ্রবরুণাদিকম্ ।
জ্ঞানেন্দ্রিয়ং চ শব্দাদি দিগ্বায়্বর্কাদিদৈবতম্ ॥ ৩৮.২৩॥

কর্মেন্দ্রিয়াদিসদ্ভাবং বিষয়ং দেবতাগণম্ ।
অন্তঃকরণবৃত্তিং চ বিষয়ং চাধিদৈবতম্ ॥ ৩৮.২৪॥

চিত্তবৃত্তিং বিভেদং চ বুদ্ধিবৃত্তিনিরূপণম্ ।
মায়ামাত্রমিদং দ্বৈতং সদসত্তাদিনির্ণয়ম্ ॥ ৩৮.২৫॥

কিঞ্চিদ্ দ্বৈতং বহুদ্বৈতং জীবদ্বৈতং সদা হ্যসৎ ।
জগদুৎপত্তিমোহং চ গুরুশিষ্যৎবনির্ণয়ম্ ॥ ৩৮.২৬॥

গোপনং তৎপদার্থস্য ৎবংপদার্থস্য মেলনম্ ।
তথা চাসিপদার্থস্য ঐক্যবুদ্ধ্যানুভাবনম্ ॥ ৩৮.২৭॥

ভেদেষু ভেদাভেদং চ নান্যৎ কিঞ্চিচ্চ বিদ্যতে ।
এতৎ প্রপঞ্চং নাস্ত্যেব সর্বং ব্রহ্মেতি নিশ্চয়ঃ ॥ ৩৮.২৮॥

সর্বং চৈতন্যমাত্রৎবাৎ কেবলং ব্রহ্ম এব সঃ ।
আত্মাকারমিদং সর্বমাত্মনোঽন্যন্ন কিঞ্চন ॥ ৩৮.২৯॥

তুর্যাতীতং ব্রহ্মণোঽন্যৎ সত্যাসত্যং ন বিদ্যতে ।
সর্বং ত্যক্ত্বা তু সততং স্বাত্মন্যেব স্থিরো ভব ॥ ৩৮.৩০॥

চিত্তং কালং বস্তুভেদং সঙ্কল্পং ভাবনং স্বয়ম্ ।
সর্বং সংত্যজ্য সততং সর্বং ব্রহ্মৈব ভাবয় ॥ ৩৮.৩১॥

যদ্যদ্ভেদপরং শাস্ত্রং যদ্যদ্ ভেদপরং মনঃ ।
সর্বং সংত্যজ্য সততং স্বাত্মন্যেব স্থিরো ভব ॥ ৩৮.৩২॥

মনঃ কল্পিতকল্পং বা আত্মাকল্পনবিভ্রমম্ ।
অহংকারপরিচ্ছেদং দেহোঽহং দেহভাবনা ॥ ৩৮.৩৩॥

সর্বং সংত্যজ্য সততমাত্মন্যেব স্থিরো ভব ।
প্রপঞ্চস্য চ সদ্ভাবং প্রপঞ্চোদ্ভবমন্যকম্ ॥ ৩৮.৩৪॥

বন্ধসদ্ভাবকলনং মোক্ষসদ্ভাবভাষণম্ ।
দেবতাভাবসদ্ভাবং দেবপূজাবিনির্ণয়ম্ ॥ ৩৮.৩৫॥

পঞ্চাক্ষরেতি যদ্দ্বৈতমষ্টাক্ষরস্য দৈবতম্ ।
প্রাণাদিপঞ্চকাস্তিৎবমুপপ্রাণাদিপঞ্চকম্ ॥ ৩৮.৩৬॥

পৃথিবীভূতভেদং চ গুণা যৎ কুণ্ঠনাদিকম্ ।
বেদান্তশাস্ত্রসিদ্ধান্তং শৈবাগমনমেব চ ॥ ৩৮.৩৭॥

লৌকিকং বাস্তবং দোষং প্রবৃত্তিং চ নিবৃত্তিকম্ ।
সর্বং সংত্যজ্য সততমাত্মন্যেব স্থিরো ভব ॥ ৩৮.৩৮॥

আত্মজ্ঞানসুখং ব্রহ্ম অনাত্মজ্ঞানদূষণম্ ।
রেচকং পূরকং কুম্ভং ষডাধারবিশোধনম্ ॥ ৩৮.৩৯॥

দ্বৈতবৃত্তিশ্চ দেহোঽহং সাক্ষিবৃত্তিশ্চিদংশকম্ ।
অখণ্ডাকারবৃত্তিশ্চ অখণ্ডাকারসংমতম্ ॥ ৩৮.৪০॥

অনন্তানুভবং চাপি অহং ব্রহ্মেতি নিশ্চয়ম্ ।
উত্তমং মধ্যমং চাপি তথা চৈবাধমাধমম্ ॥ ৩৮.৪১॥

দূষণং ভূষণং চৈব সর্ববস্তুবিনিন্দনম্ ।
অহং ব্রহ্ম ইদং ব্রহ্ম সর্বং ব্রহ্মৈব তত্ত্বতঃ ॥ ৩৮.৪২॥

অহং ব্রহ্মাস্মি মুগ্ধোঽস্মি বৃদ্ধোঽস্মি সদসৎপরঃ ।
বৈশ্বানরো বিরাট্ স্থূলপ্রপঞ্চমিতি ভাবনম্ ॥ ৩৮.৪৩॥

আনন্দস্ফারণেনাহং পরাপরবিবর্জিতঃ ।
নিত্যানন্দময়ং ব্রহ্ম সচ্চিদানন্দবিগ্রহঃ ॥ ৩৮.৪৪॥

দৃগ্রূপং দৃশ্যরূপং চ মহাসত্তাস্বরূপকম্ ।
কৈবল্যং সর্বনিধনং সর্বভূতান্তরং গতম্ ॥ ৩৮.৪৫॥

ভূতভব্যং ভবিষ্যচ্চ বর্তমানমসৎ সদা ।
কালভাবং দেহভাবং সত্যাসত্যবিনির্ণয়ম্ ॥ ৩৮.৪৬॥

প্রজ্ঞানঘন এবাহং শান্তাশান্তং নিরঞ্জনম্ ।
প্রপঞ্চবার্তাস্মরণং দ্বৈতাদ্বৈতবিভাবনম্ ॥ ৩৮.৪৭॥

শিবাগমসমাচারং বেদান্তশ্রবণং পদম্ ।
অহং ব্রহ্মাস্মি শুদ্ধোঽস্মি চিন্মাত্রোঽস্মি সদাশিবঃ ॥ ৩৮.৪৮॥

সর্বং ব্রহ্মেতি সন্ত্যজ্য স্বাত্মন্যেব স্থিরো ভব ।
অহং ব্রহ্ম ন সন্দেহ ইদং ব্রহ্ম ন সংশয়ঃ ॥ ৩৮.৪৯॥

স্থূলদেহং সূক্ষ্মদেহং কারণং দেহমেব চ ।
এবং জ্ঞাতুং চ সততং ব্রহ্মৈবেদং ক্ষণে ক্ষণে ॥ ৩৮.৫০॥

শিবো হ্যাত্মা শিবো জীবঃ শিবো ব্রহ্ম ন সংশয়ঃ ।
এতৎ প্রকরণং যস্তু সকৃদ্বা সর্বদাপি বা ॥ ৩৮.৫১॥

পঠেদ্বা শৃণুয়াদ্বাপি স চ মুক্তো ন সংশয়ঃ ।
নিমিষং নিমিষার্ধং বা শ্রুৎবৈতব্রহ্মভাগ্ভবেৎ ॥ ৩৮.৫২॥

লোকালোকজগৎস্থিতিপ্রবিলয়প্রোদ্ভাবসত্তাত্মিকা
ভীতিঃ শঙ্করনামরূপমস্কৃদ্ব্যাকুর্বতে কেবলম্ ।
সত্যাসত্যনিরঙ্কুশশ্রুতিবচোবীচীভিরামৃশ্যতে
যস্ত্বেতৎ সদিতীব তত্ত্ববচনৈর্মীমাংস্যতেঽয়ং শিবঃ ॥ ৩৮.৫৩॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
প্রপঞ্চশূন্যৎবপ্রকরণং নাম অষ্টত্রিংশোঽধ্যায়ঃ ॥

৩৯ ॥ একোনচৎবারিংশোঽধ্যায়ঃ ॥

ঋভুঃ –
পরং ব্রহ্ম প্রবক্ষ্যামি নির্বিকল্পং নিরাময়ম্ ।
তদেবাহং ন সন্দেহঃ সর্বং ব্রহ্মৈব কেবলম্ ॥ ৩৯.১॥

চিন্মাত্রমমলং শান্তং সচ্চিদানন্দবিগ্রহম্ ।
আনন্দং পরমানন্দং নির্বিকল্পং নিরঞ্জনম্ ॥ ৩৯.২॥

গুণাতীতং জনাতীতমবস্থাতীতমব্যযম্ ।
এবং ভাবয় চৈতন্যমহং ব্রহ্মাস্মি সোঽস্ম্যহম্ ॥ ৩৯.৩॥

সর্বাতীতস্বরূপোঽস্মি সর্বশব্দার্থবর্জিতঃ ।
সত্যোঽহং সর্বহন্তাহং শুদ্ধোঽহং পরমোঽস্ম্যহম্ ॥ ৩৯.৪॥

অজোঽহং শান্তরূপোঽহং অশরীরোঽহমান্তরঃ ।
সর্বহীনোঽহমেবাহং স্বয়মেব স্বয়ং মহঃ ॥ ৩৯.৫॥

আত্মৈবাহং পরাত্মাহং ব্রহ্মৈবাহং শিবোঽস্ম্যহম্ ।
চিত্তহীনস্বরূপোঽহং বুদ্ধিহীনোঽহমস্ম্যহম্ ॥ ৩৯.৬॥

ব্যাপকোঽহমহং সাক্ষী ব্রহ্মাহমিতি নিশ্চয়ঃ ।
নিষ্প্রপঞ্চগজারূঢো নিষ্প্রপঞ্চাশ্ববাহনঃ ॥ ৩৯.৭॥

নিষ্প্রপঞ্চমহারাজ্যো নিষ্প্রপঞ্চায়ুধাদিমান্ ।
নিষ্প্রপঞ্চমহাবেদো নিষ্প্রপঞ্চাত্মভাবনঃ ॥ ৩৯.৮॥

নিষ্প্রপঞ্চমহানিদ্রো নিষ্প্রপঞ্চস্বভাবকঃ ।
নিষ্প্রপঞ্চস্তু জীবাত্মা নিষ্প্রপঞ্চকলেবরঃ ॥ ৩৯.৯॥

নিষ্প্রপঞ্চপরীবারো নিষ্প্রপঞ্চোৎসবো ভবঃ ।
নিষ্প্রপঞ্চস্তু কল্যাণো নিষ্প্রপঞ্চস্তু দর্পণঃ ॥ ৩৯.১০॥

নিষ্প্রপঞ্চরথারূঢো নিষ্প্রপঞ্চবিচারণম্ ।
নিষ্প্রপঞ্চগুহান্তস্থো নিষ্প্রপঞ্চপ্রদীপকম্ ॥ ৩৯.১১॥

নিষ্প্রপঞ্চপ্রপূর্ণাত্মা নিষ্প্রপঞ্চোঽরিমর্দনঃ ।
চিত্তমেব প্রপঞ্চো হি চিত্তমেব জগত্ত্রয়ম্ ॥ ৩৯.১২॥

চিত্তমেব মহামোহশ্চিত্তমেব হি সংসৃতিঃ ।
চিত্তমেব মহাপাপং চিত্তমেব হি পুণ্যকম্ ॥ ৩৯.১৩॥

চিত্তমেব মহাবন্ধশ্চিত্তমেব বিমোক্ষদম্ ।
ব্রহ্মভাবনয়া চিত্তং নাশমেতি ন সংশয়ঃ ॥ ৩৯.১৪॥

ব্রহ্মভাবনয়া দুঃখং নাশমেতি ন সংশয়ঃ ।
ব্রহ্মভাবনয়া দ্বৈতং নাশমেতি ন সংশয়ঃ ॥ ৩৯.১৫॥

ব্রহ্মভাবনয়া কামঃ নাশমেতি ন সংশয়ঃ ।
ব্রহ্মভাবনয়া ক্রোধঃ নাশমেতি ন সংশয়ঃ ॥ ৩৯.১৬॥

ব্রহ্মভাবনয়া লোভঃ নাশমেতি ন সংশয়ঃ ।
ব্রহ্মভাবনয়া গ্রন্থিঃ নাশমেতি ন সংশয়ঃ ॥ ৩৯.১৭॥

ব্রহ্মভাবনয়া সর্বং ব্রহ্মভাবনয়া মদঃ ।
ব্রহ্মভাবনয়া পূজা নাশমেতি ন সংশয়ঃ ॥ ৩৯.১৮॥

ব্রহ্মভাবনয়া ধ্যানং নাশমেতি ন সংশয়ঃ ।
ব্রহ্মভাবনয়া স্নানং নাশমেতি ন সংশয়ঃ ॥ ৩৯.১৯॥

ব্রহ্মভাবনয়া মন্ত্রো নাশমেতি ন সংশয়ঃ ।
ব্রহ্মভাবনয়া পাপং নাশমেতি ন সংশয়ঃ ॥ ৩৯.২০॥

ব্রহ্মভাবনয়া পুণ্যং নাশমেতি ন সংশয়ঃ ।
ব্রহ্মভাবনয়া দোষো নাশমেতি ন সংশয়ঃ ॥ ৩৯.২১॥

ব্রহ্মভাবনয়া ভ্রান্তিঃ নাশমেতি ন সংশয়ঃ ।
ব্রহ্মভাবনয়া দৃশ্যং নাশমেতি ন সংশয়ঃ ॥ ৩৯.২২॥

ব্রহ্মভাবনয়া সঙ্গো নাশমেতি ন সংশয়ঃ ।
ব্রহ্মভাবনয়া তেজো নাশমেতি ন সংশয়ঃ ॥ ৩৯.২৩॥

ব্রহ্মভাবনয়া প্রজ্ঞা নাশমেতি ন সংশয়ঃ ।
ব্রহ্মভাবনয়া সত্তা নাশমেতি ন সংশয়ঃ ॥ ৩৯.২৪॥

ব্রহ্মভাবনয়া ভীতিঃ নাশমেতি ন সংশয়ঃ ।
ব্রহ্মভাবনয়া বেদঃ নাশমেতি ন সংশয়ঃ ॥ ৩৯.২৫॥

ব্রহ্মভাবনয়া শাস্ত্রং নাশমেতি ন সংশয়ঃ ।
ব্রহ্মভাবনয়া নিদ্রা নাশমেতি ন সংশয়ঃ ॥ ৩৯.২৬॥

ব্রহ্মভাবনয়া কর্ম নাশমেতি ন সংশয়ঃ ।
ব্রহ্মভাবনয়া তুর্যং নাশমেতি ন সংশয়ঃ ॥ ৩৯.২৭॥

ব্রহ্মভাবনয়া দ্বন্দ্বং নাশমেতি ন সংশয়ঃ ।
ব্রহ্মভাবনয়া পৃচ্ছেদহং ব্রহ্মেতি নিশ্চয়ম্ ॥ ৩৯.২৮॥

নিশ্চয়ং চাপি সন্ত্যজ্য স্বস্বরূপান্তরাসনম্ ।
অহং ব্রহ্ম পরং ব্রহ্ম চিদ্ব্রহ্ম ব্রহ্মমাত্রকম্ ॥ ৩৯.২৯॥

জ্ঞানমেব পরং ব্রহ্ম জ্ঞানমেব পরং পদম্ ।
দিবি ব্রহ্ম দিশো ব্রহ্ম মনো ব্রহ্ম অহং স্বয়ম্ ॥ ৩৯.৩০॥

কিঞ্চিদ্ব্রহ্ম ব্রহ্ম তত্ত্বং তত্ত্বং ব্রহ্ম তদেব হি ।
অজো ব্রহ্ম শুভং ব্রহ্ম আদিব্রহ্ম ব্রবীমি তম্ ॥ ৩৯.৩১॥

অহং ব্রহ্ম হবির্ব্রহ্ম কার্যব্রহ্ম ৎবহং সদা ।
নাদো ব্রহ্ম নদং ব্রহ্ম তত্ত্বং ব্রহ্ম চ নিত্যশঃ ॥ ৩৯.৩২॥

এতদ্ব্রহ্ম শিখা ব্রহ্ম তদ্ব্রহ্ম ব্রহ্ম শাশ্বতম্ ।
নিজং ব্রহ্ম স্বতো ব্রহ্ম নিত্যং ব্রহ্ম ৎবমেব হি ॥ ৩৯.৩৩॥

সুখং ব্রহ্ম প্রিয়ং ব্রহ্ম মিত্রং ব্রহ্ম সদামৃতম্ ।
গুহ্যং ব্রহ্ম গুরুর্ব্রহ্ম ঋতং ব্রহ্ম প্রকাশকম্ ॥ ৩৯.৩৪॥

সত্যং ব্রহ্ম সমং ব্রহ্ম সারং ব্রহ্ম নিরঞ্জনম্ ।
একং ব্রহ্ম হরির্ব্রহ্ম শিবো ব্রহ্ম ন সংশয়ঃ ॥ ৩৯.৩৫॥

ইদং ব্রহ্ম স্বয়ং ব্রহ্ম লোকং ব্রহ্ম সদা পরঃ ।
আত্মব্রহ্ম পরং ব্রহ্ম আত্মব্রহ্ম নিরন্তরঃ ॥ ৩৯.৩৬॥

একং ব্রহ্ম চিরং ব্রহ্ম সর্বং ব্রহ্মাত্মকং জগৎ ।
ব্রহ্মৈব ব্রহ্ম সদ্ব্রহ্ম তৎপরং ব্রহ্ম এব হি ॥ ৩৯.৩৭॥

চিদ্ব্রহ্ম শাশ্বতং ব্রহ্ম জ্ঞেয়ং ব্রহ্ম ন চাপরঃ ।
অহমেব হি সদ্ব্রহ্ম অহমেব হি নির্গুণম্ ॥ ৩৯.৩৮॥

অহমেব হি নিত্যাত্মা এবং ভাবয় সুব্রত ।
অহমেব হি শাস্ত্রার্থ ইতি নিশ্চিত্য সর্বদা ॥ ৩৯.৩৯॥

আত্মৈব নান্যদ্ভেদোঽস্তি সর্বং মিথ্যেতি নিশ্চিনু ।
আত্মৈবাহমহং চাত্মা অনাত্মা নাস্তি নাস্তি হি ॥ ৩৯.৪০॥

বিশ্বং বস্তুতয়া বিভাতি হৃদয়ে মূঢাত্মনাং বোধতো-
ঽপ্যজ্ঞানং ন নিবর্ততে শ্রুতিশিরোবার্তানুবৃত্ত্যাঽপি চ ।
বিশ্বেশস্য সমর্চনেন সুমহালিঙ্গার্চনাদ্ভস্মধৃক্
রুদ্রাক্ষামলধারণেন ভগবদ্ধ্যানেন ভাত্যাত্মবৎ ॥ ৩৯.৪১॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
সর্বলয়প্রকরণং নাম একোনচৎবারিংশোঽধ্যায়ঃ ॥

৪০ ॥ চৎবারিংশোঽধ্যায়ঃ ॥

ঋভুঃ –
সর্বসারাৎ সারতরং ততঃ সারতরান্তরম্ ।
ইদমন্তিমত্যন্তং শৃণু প্রকরণং মুদা ॥ ৪০.১॥

ব্রহ্মৈব সর্বমেবেদং ব্রহ্মৈবান্যন্ন কিঞ্চন ।
নিশ্চয়ং দৃঢমাশ্রিত্য সর্বত্র সুখমাস্ব হ ॥ ৪০.২॥

ব্রহ্মৈব সর্বভুবনং ভুবনং নাম সন্ত্যজ ।
অহং ব্রহ্মেতি নিশ্চিত্য অহং ভাবং পরিত্যজ ॥ ৪০.৩॥

সর্বমেবং লয়ং যাতি স্বয়মেব পতত্রিবৎ ।
স্বয়মেব লয়ং যাতি সুপ্তহস্তস্থপদ্মবৎ ॥ ৪০.৪॥

ন ৎবং নাহং ন প্রপঞ্চঃ সর্বং ব্রহ্মৈব কেবলম্ ।
ন ভূতং ন চ কার্যং চ সর্বং ব্রহ্মৈব কেবলম্ ॥ ৪০.৫॥

ন দৈবং ন চ কার্যাণি ন দেহং নেন্দ্রিয়াণি চ ।
ন জাগ্রন্ন চ বা স্বপ্নো ন সুষুপ্তির্ন তুর্যকম্ ॥ ৪০.৬॥

ইদং প্রপঞ্চং নাস্ত্যেব সর্বং ব্রহ্মেতি নিশ্চিনু ।
সর্বং মিথ্যা সদা মিথ্যা সর্বং ব্রহ্মেতি নিশ্চিনু ॥ ৪০.৭॥

সদা ব্রহ্ম বিচারং চ সর্বং ব্রহ্মেতি নিশ্চিনু ।
তথা দ্বৈতপ্রতীতিশ্চ সর্বং ব্রহ্মেতি নিশ্চিনু ॥ ৪০.৮॥

সদাহং ভাবরূপং চ সর্বং ব্রহ্মেতি নিশ্চিনু ।
নিত্যানিত্যবিবেকং চ সর্বং ব্রহ্মেতি নিশ্চিনু ॥ ৪০.৯॥

ভাবাভাবপ্রতীতিং চ সর্বং ব্রহ্মেতি নিশ্চিনু ।
গুণদোষবিভাগং চ সর্বং ব্রহ্মেতি নিশ্চিনু ॥ ৪০.১০॥

কালাকালবিভাগং চ সর্বং ব্রহ্মেতি নিশ্চিনু ।
অহং জীবেত্যনুভবং সর্বং ব্রহ্মেতি নিশ্চিনু ॥ ৪০.১১॥

অহং মুক্তোঽস্ম্যনুভবং সর্বং ব্রহ্মেতি নিশ্চিনু ।
সর্বং ব্রহ্মেতি কলনং সর্বং ব্রহ্মেতি নিশ্চিনু ॥ ৪০.১২॥

সর্বং নাস্তীতি বার্তা চ সর্বং ব্রহ্মেতি নিশ্চিনু ।
দেবতান্তরসত্তাকং সর্বং ব্রহ্মেতি নিশ্চিনু ॥ ৪০.১৩॥

দেবতান্তরপূজা চ সর্বং ব্রহ্মেতি নিশ্চিনু ।
দেহোঽহমিতি সঙ্কল্পং সর্বং ব্রহ্মেতি নিশ্চিনু ॥ ৪০.১৪॥

ব্রহ্মাহমিতি সঙ্কল্পং সর্বং ব্রহ্মেতি নিশ্চিনু ।
গুরুশিষ্যাদি সঙ্কল্পং সর্বং ব্রহ্মেতি নিশ্চিনু ॥ ৪০.১৫॥

তুল্যাতুল্যাদি সঙ্কল্পং সর্বং ব্রহ্মেতি নিশ্চিনু ।
বেদশাস্ত্রাদি সঙ্কল্পং সর্বং ব্রহ্মেতি নিশ্চিনু ॥ ৪০.১৬॥

চিত্তসত্তাদি সঙ্কল্পং সর্বং ব্রহ্মেতি নিশ্চিনু ।
বুদ্ধিনিশ্চয়সঙ্কল্পং সর্বং ব্রহ্মেতি নিশ্চিনু ॥ ৪০.১৭॥

মনোবিকল্পসঙ্কল্পং সর্বং ব্রহ্মেতি নিশ্চিনু ।
অহংকারাদি সঙ্কল্পং সর্বং ব্রহ্মেতি নিশ্চিনু ॥ ৪০.১৮॥

পঞ্চভূতাদিসঙ্কল্পং সর্বং ব্রহ্মেতি নিশ্চিনু ।
শব্দাদিসত্তাসঙ্কল্পং সর্বং ব্রহ্মেতি নিশ্চিনু ॥ ৪০.১৯॥

দৃগ্বার্তাদিকসঙ্কল্পং সর্বং ব্রহ্মেতি নিশ্চিনু ।
কর্মেন্দ্রিয়াদিসঙ্কল্পং সর্বং ব্রহ্মেতি নিশ্চিনু ॥ ৪০.২০॥

বচনাদানসঙ্কল্পং সর্বং ব্রহ্মেতি নিশ্চিনু ।
মুনীন্দ্রোপেন্দ্রসঙ্কল্পং সর্বং ব্রহ্মেতি নিশ্চিনু ॥ ৪০.২১॥

মনোবুদ্ধ্যাদিসঙ্কল্পং সর্বং ব্রহ্মেতি নিশ্চিনু ।
সঙ্কল্পাধ্যাস ইত্যাদি সর্বং ব্রহ্মেতি নিশ্চিনু ॥ ৪০.২২॥

রুদ্রক্ষেত্রাদি সঙ্কল্পং সর্বং ব্রহ্মেতি নিশ্চিনু ।
প্রাণাদিদশসঙ্কল্পং সর্বং ব্রহ্মেতি নিশ্চিনু ॥ ৪০.২৩॥

মায়া বিদ্যা দেহজীবাঃ সর্বং ব্রহ্মেতি নিশ্চিনু ।
স্থূলব্যষ্টাদিসঙ্কল্পং সর্বং ব্রহ্মেতি নিশ্চিনু ॥ ৪০.২৪॥

সূক্ষ্মব্যষ্টিসমষ্ট্যাদি সর্বং ব্রহ্মেতি নিশ্চিনু ।
ব্যষ্ট্যজ্ঞানাদি সঙ্কল্পং সর্বং ব্রহ্মেতি নিশ্চিনু ॥ ৪০.২৫॥

বিশ্ববৈশ্বানরৎবং চ সর্বং ব্রহ্মেতি নিশ্চিনু ।
তৈজসপ্রাজ্ঞভেদং চ সর্বং ব্রহ্মেতি নিশ্চিনু ॥ ৪০.২৬॥

বাচ্যার্থং চাপি লক্ষ্যার্থং সর্বং ব্রহ্মেতি নিশ্চিনু ।
জহল্লক্ষণয়ানৈক্যং অজহল্লক্ষণা ধ্রুবম্ ॥ ৪০.২৭॥

ভাগত্যাগেন নিত্যৈক্যং সর্বং ব্রহ্ম উপাধিকম্ ।
লক্ষ্যং চ নিরুপাধ্যৈক্যং সর্বং ব্রহ্মেতি নিশ্চিনু ॥ ৪০.২৮॥

এবমাহুর্মহাত্মানঃ সর্বং ব্রহ্মেতি কেবলম্ ।
সর্বমন্তঃ পরিত্যজ্য অহং ব্রহ্মেতি ভাবয় ॥ ৪০.২৯॥

অসঙ্কলিতকাপিলৈর্মধুহরাক্ষিপূজ্যাম্বুজ-
প্রভাঙ্ঘ্রিজনিমোত্তমো পরিষিচেদ্যদিন্দুপ্রভম্ ।
তং ডিণ্ডীরনিভোত্তমোত্তম মহাখণ্ডাজ্যদধ্না পরং
ক্ষীরাদ্যৈরভিষিচ্য মুক্তিপরমানন্দং লভে শাম্ভবম্ ॥ ৪০.৩০॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
চিত্তবৃত্তিনিরোধপ্রকরণং নাম চৎবারিংশোঽধ্যায়ঃ ॥

৪১ ॥ একচৎবারিংশোঽধ্যায়ঃ ॥

ঋভুঃ –
অহং ব্রহ্ম ন সন্দেহঃ অহং ব্রহ্ম ন সংশয়ঃ ।
অহং ব্রহ্মৈব নিত্যাত্মা অহমেব পরাৎপরঃ ॥ ৪১.১॥

চিন্মাত্রোঽহং ন সন্দেহ ইতি নিশ্চিত্য তং ত্যজ ।
সত্যং সত্যং পুনঃ সত্যমাত্মনোঽন্যন্ন কিঞ্চন ॥ ৪১.২॥

শিবপাদদ্বয়ং স্পৃষ্ট্বা বদামীদং ন কিঞ্চন ।
গুরুপাদদ্বয়ং স্পৃষ্ট্বা বদামীদং ন কিঞ্চন ॥ ৪১.৩॥

জিহ্বয়া পরশুং তপ্তং ধারয়ামি ন সংশয়ঃ ।
বেদশাস্ত্রাদিকং স্পৃষ্ট্বা বদামীদং বিনিশ্চিতম্ ॥ ৪১.৪॥

নিশ্চয়াত্মন্ নিশ্চয়স্ত্বং নিশ্চয়েন সুখী ভব ।
চিন্ময়স্ত্বং চিন্ময়ৎবং চিন্ময়ানন্দ এব হি ॥ ৪১.৫॥

ব্রহ্মৈব ব্রহ্মভূতাত্মা ব্রহ্মৈব ৎবং ন সংশয়ঃ ।
সর্বমুক্তং ভগবতা যোগিনামপি দুর্লভম্ ॥ ৪১.৬॥

দেবানাং চ ঋষীণাং চ অত্যন্তং দুর্লভং সদা ।
ঐশ্বরং পরমং জ্ঞানমুপদিষ্টং শিবেন হি ॥ ৪১.৭॥

এতৎ জ্ঞানং সমানীতং কৈলাসাচ্ছঙ্করান্তিকাৎ ।
দেবানাং দক্ষিণামূর্তির্দশসাহস্রবৎসরান্ ॥ ৪১.৮॥

বিঘ্নেশো বহুসাহস্রং বৎসরং চোপদিষ্টবান্ ।
সাক্ষাচ্ছিবোঽপি পার্বত্যৈ বৎসরং চোপদিষ্টবান্ ॥ ৪১.৯॥

ক্ষীরাব্ধৌ চ মহাবিষ্ণুর্ব্রহ্মণে চোপদিষ্টবান্ ।
কদাচিত্ব্রহ্মলোকে তু মৎপিতুশ্চোক্তবানহম্ ॥ ৪১.১০॥

নারদাদি ঋষীণাং চ উপদিষ্টং মহদ্বহু ।
অয়াতয়ামং বিস্তারং গৃহীৎবাঽহমিহাগতঃ ॥ ৪১.১১॥

ন সমং পাদমেকং চ তীর্থকোটিফলং লভেৎ ।
ন সমং গ্রন্থমেতস্য ভূমিদানফলং লভেৎ ॥ ৪১.১২॥

একানুভবমাত্রস্য ন সর্বং সর্বদানকম্ ।
শ্লোকার্ধশ্রবণস্যাপি ন সমং কিঞ্চিদেব হি ॥ ৪১.১৩॥

তাৎপর্যশ্রবণাভাবে পঠংস্তূষ্ণীং স মুচ্যতে ।
সর্বং সন্ত্যজ্য সততমেতদ্গ্রন্থং সমভ্যসেৎ ॥ ৪১.১৪॥

সর্বমন্ত্রং চ সন্ত্যজ্য এতদ্গ্রন্থং সমভ্যসেৎ ।
সর্বদেবাংশ্চ সন্ত্যজ্য এতদ্গ্রন্থং সমভ্যসেৎ ॥ ৪১.১৫॥

সর্বস্নানং চ সন্ত্যজ্য এতদ্গ্রন্থং সমভ্যসেৎ ।
সর্বভাবং চ সন্ত্যজ্য এতদ্গ্রন্থং সমভ্যসেৎ ॥ ৪১.১৬॥

সর্বহোমং চ সন্ত্যজ্য এতদ্গ্রন্থং সমভ্যসেৎ ।
সর্বদানং চ সন্ত্যজ্য এতদ্গ্রন্থং সমভ্যসেৎ ॥ ৪১.১৭॥

সর্বপূজাং চ সন্ত্যজ্য এতদ্গ্রন্থং সমভ্যসেৎ ।
সর্বগুহ্যং চ সন্ত্যজ্য এতদ্গ্রন্থং সমভ্যসেৎ ॥ ৪১.১৮॥

সর্বসেবাং চ সন্ত্যজ্য এতদ্গ্রন্থং সমভ্যসেৎ ।
সর্বাস্তিৎবং চ সন্ত্যজ্য এতদ্গ্রন্থং সমভ্যসেৎ ॥ ৪১.১৯॥

সর্বপাঠং চ সন্ত্যজ্য এতদ্গ্রন্থং সমভ্যসেৎ ।
সর্বাভ্যাসং চ সন্ত্যজ্য এতদ্গ্রন্থং সমভ্যসেৎ ॥ ৪১.২০॥

দেশিকং চ পরিত্যজ্য এতদ্গ্রন্থং সমভ্যসেৎ ।
গুরুং বাপি পরিত্যজ্য এতদ্গ্রন্থং সমভ্যসেৎ ॥ ৪১.২১॥

সর্বলোকং চ সন্ত্যজ্য এতদ্গ্রন্থং সমভ্যসেৎ ।
সর্বৈশ্বর্যং চ সন্ত্যজ্য এতদ্গ্রন্থং সমভ্যসেৎ ॥ ৪১.২২॥

সর্বসঙ্কল্পকং ত্যজ্য এতদ্গ্রন্থং সমভ্যসেৎ ।
সর্বপুণ্যং চ সন্ত্যজ্য এতদ্গ্রন্থং সমভ্যসেৎ ॥ ৪১.২৩॥

এতদ্গ্রন্থং পরং ব্রহ্ম এতদ্গ্রন্থং সমভ্যসেৎ ।
অত্রৈব সর্ববিজ্ঞানং অত্রৈব পরমং পদম্ ॥ ৪১.২৪॥

অত্রৈব পরমো মোক্ষ অত্রৈব পরমং সুখম্ ।
অত্রৈব চিত্তবিশ্রান্তিরত্রৈব গ্রন্থিভেদনম্ ॥ ৪১.২৫॥

অত্রৈব জীবন্মুক্তিশ্চ অত্রৈব সকলো জপঃ ।
এতদ্গ্রন্থং পঠংস্তূষ্ণীং সদ্যো মুক্তিমবাপ্নুয়াৎ ॥ ৪১.২৬॥

সর্বশাস্ত্রং চ সন্ত্যজ্য এতন্মাত্রং সদাভ্যসেৎ ।
দিনে দিনে চৈকবারং পঠেচ্চেন্মুক্ত এব সঃ ॥ ৪১.২৭॥

জন্মমধ্যে সকৃদ্বাপি শ্রুতং চেৎ সোঽপি মুচ্যতে ।
সর্বশাস্ত্রস্য সিদ্ধান্তং সর্ববেদস্য সংগ্রহম্ ॥ ৪১.২৮॥

সারাৎ সারতরং সারং সারাৎ সারতরং মহৎ ।
এতদ্গ্রন্থস্য ন সমং ত্রৈলোক্যেঽপি ভবিষ্যতি ॥ ৪১.২৯ ॥

ন প্রসিদ্ধিং গতে লোকে ন স্বর্গেঽপি চ দুর্লভম্ ।
ব্রহ্মলোকেষু সর্বেষু শাস্ত্রেষ্বপি চ দুর্লভম্ ॥ ৪১.৩০॥

এতদ্গ্রন্থং কদাচিত্তু চৌর্যং কৃৎবা পিতামহঃ ।
ক্ষীরাব্ধৌ চ পরিত্যজ্য সর্বে মুঞ্চন্তু নো ইতি ॥ ৪১.৩১॥

জ্ঞাৎবা ক্ষীরসমুদ্রস্য তীরে প্রাপ্তং গৃহীতবান্ ।
গৃহীতং চাপ্যসৌ দৃষ্ট্বা শপথং চ প্রদত্তবান্ ॥ ৪১.৩২॥

তৎ আরভ্য তল্লোকং ত্যক্ত্বাহমিমমাগতঃ ।
অত্যদ্ভুতমিদং জ্ঞানং গ্রন্থং চৈব মহাদ্ভুতম্ ॥ ৪১.৩৩॥

তদ্ জ্ঞো বক্তা চ নাস্ত্যেব গ্রন্থশ্রোতা চ দুর্লভঃ ।
আত্মনিষ্ঠৈকলভ্যোঽসৌ সদ্গুরুর্নৈষ লভ্যতে ॥ ৪১.৩৪॥

গ্রন্থবন্তো ন লভ্যন্তে তেন ন খ্যাতিরাগতা ।
ভবতে দর্শিতং হ্যেতদ্গমিষ্যামি যথাগতম্ ॥ ৪১.৩৫॥

এতাবদুক্তমাত্রেণ নিদাঘ ঋষিসত্তমঃ ।
পতিৎবা পাদয়োস্তস্য আনন্দাশ্রুপরিপ্লুতঃ ॥ ৪১.৩৬॥

উবাচ বাক্যং সানন্দং সাষ্টাঙ্গং প্রণিপত্য চ ।

নিদাঘঃ –
অহো ব্রহ্মন্ কৃতার্থোঽস্মি কৃতার্থোঽস্মি ন সংশয়ঃ ।
ভবতাং দর্শনেনৈব মজ্জন্ম সফলং কৃতম্ ॥ ৪১.৩৭॥

একবাক্যস্য মননে মুক্তোঽহং নাত্র সংশয়ঃ ।
নমস্করোমি তে পাদৌ সোপচারং ন বাস্তবৌ ॥ ৪১.৩৮॥

তস্যাপি নাবকাশোঽস্তি অহমেব ন বাস্তবম্ ।
ৎবমেব নাস্তি মে নাস্তি ব্রহ্মেতি বচনং ন চ ॥ ৪১.৩৯॥

ব্রহ্মেতি বচনং নাস্তি ব্রহ্মভাবং ন কিঞ্চন ।
এতদ্গ্রন্থং ন মে নাস্তি সর্বং ব্রহ্মেতি বিদ্যতে ॥ ৪১.৪০॥

সর্বং ব্রহ্মেতি বাক্যং ন সর্বং ব্রহ্মেতি তং ন হি ।
তদিতি দ্বৈতভিন্নং তু ৎবমিতি দ্বৈতমপ্যলম্ ॥ ৪১.৪১॥

এবং কিঞ্চিৎ ক্বচিন্নাস্তি সর্বং শান্তং নিরাময়ম্ ।
একমেব দ্বয়ং নাস্তি একৎবমপি নাস্তি হি ॥ ৪১.৪২॥

ভিন্নদ্বন্দ্বং জগদ্দোষং সংসারদ্বৈতবৃত্তিকম্ ।
সাক্ষিবৃত্তিপ্রপঞ্চং বা অখণ্ডাকারবৃত্তিকম্ ॥ ৪১.৪৩॥

অখণ্ডৈকরসো নাস্তি গুরুর্বা শিষ্য এব বা ।
ভবদ্দর্শনমাত্রেণ সর্বমেবং ন সংশয়ঃ ॥ ৪১.৪৪॥

ব্রহ্মজ্যোতিরহং প্রাপ্তো জ্যোতিষাং জ্যোতিরস্ম্যহম্ ।
নমস্তে সুগুরো ব্রহ্মন্ নমস্তে গুরুনন্দন ।
এবং কৃত্য নমস্কারং তূষ্ণীমাস্তে সুখী স্বয়ম্ ॥ ৪১.৪৫॥

কিং চণ্ডভানুকরমণ্ডলদণ্ডিতানি
কাষ্ঠামুখেষু গলিতানি নমস্ততীতি ।
যাদৃক্চ তাদৃগথ শঙ্করলিঙ্গসঙ্গ-
ভঙ্গীনি পাপকলশৈলকুলানি সদ্যঃ ।
শ্রীমৃত্যুঞ্জয় রঞ্জয় ত্রিভুবনাধ্যক্ষ প্রভো পাহি নঃ ॥ ৪১.৪৬॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
গ্রন্থপ্রশস্তিনিরূপণং নাম একচৎবারিংশোঽধ্যায়ঃ ॥

৪২ ॥ দ্বিচৎবারিংশোঽধ্যায়ঃ ॥

ঋভুঃ –
শ্রুতং কিঞ্চিন্ময়া প্রোক্তং ব্রহ্মজ্ঞানং সুদুর্লভম্ ।
মনসা ধারিতং ব্রহ্ম চিত্তং কীদৃক্ স্থিতং বদ ॥ ৪২.১॥

নিদাঘঃ –
শৃণু ৎবং সুগুরো ব্রহ্মংস্ত্বৎপ্রসাদাদ্বদাম্যহম্ ।
মমাজ্ঞানং মহাদোষং মহাজ্ঞাননিরোধকম্ ॥ ৪২.২॥

সদা কর্মণি বিশ্বাসং প্রপঞ্চে সত্যভাবনম্ ।
নষ্টং সর্বং ক্ষণাদেব ৎবৎপ্রসাদান্মহদ্ভয়ম্ ॥ ৪২.৩॥

এতাবন্তমিমং কালমজ্ঞানরিপুণা হৃতম্ ।
মহদ্ভয়ং চ নষ্টং মে কর্মতত্ত্বং চ নাশিতম্ ॥ ৪২.৪॥

অজ্ঞানং মনসা পূর্বমিদানীং ব্রহ্মতাং গতম্ ।
পুরাহং চিত্তবদ্ভূতঃ ইদানীং সন্ময়োঽভবম্ ॥ ৪২.৫॥

পূর্বমজ্ঞানবদ্ভাবং ইদানীং সন্ময়ং গতম্ ।
অজ্ঞানবৎ স্থিতোঽহং বৈ ব্রহ্মৈবাহং পরং গতঃ ॥ ৪২.৬॥

পুরাঽহং চিত্তবদ্ভ্রান্তো ব্রহ্মৈবাহং পরং গতঃ ।
সর্বো বিগলিতো দোষঃ সর্বো ভেদো লয়ং গতঃ ॥ ৪২.৭॥

সর্বঃ প্রপঞ্চো গলিতশ্চিত্তমেব হি সর্বগম্ ।
সর্বান্তঃকরণং লীনং ব্রহ্মসদ্ভাবভাবনাৎ ॥ ৪২.৮॥

অহমেব চিদাকাশ অহমেব হি চিন্ময়ঃ ।
অহমেব হি পূর্ণাত্মা অহমেব হি নির্মলঃ ॥ ৪২.৯॥

অহমেবাহমেবেতি ভাবনাপি বিনির্গতা ।
অহমেব চিদাকাশো ব্রাহ্মণৎবং ন কিঞ্চন ॥ ৪২.১০॥

শূদ্রোঽহং শ্বপচোঽহং বৈ বর্ণী চাপি গৃহস্থকঃ ।
বানপ্রস্থো যতিরহমিত্যযং চিত্তবিভ্রমঃ ॥ ৪২.১১॥

তত্তদাশ্রমকর্মাণি চিত্তেন পরিকল্পিতম্ ।
অহমেব হি লক্ষ্যাত্মা অহমেব হি পূর্ণকঃ ॥ ৪২.১২॥

অহমেবান্তরাত্মা হি অহমেব পরায়ণম্ ।
অহমেব সদাধার অহমেব সুখাত্মকঃ ॥ ৪২.১৩॥

ৎবৎপ্রসাদাদহং ব্রহ্মা ৎবৎপ্রসাদাজ্জনার্দনঃ ।
ৎবৎপ্রসাদাচ্চিদাকাশঃ শিবোঽহং নাত্র সংশয়ঃ ॥ ৪২.১৪॥

ৎবৎপ্রসাদাদহং চিদ্বৈ ৎবৎপ্রসাদান্ন মে জগৎ ।
ৎবৎপ্রসাদাদ্বিমুক্তোঽস্মি ৎবৎপ্রসাদাৎ পরং গতঃ ॥ ৪২.১৫॥

ৎবৎপ্রসাদাদ্ব্যাপকোঽহং ৎবৎপ্রসাদান্নিরঙ্কুশঃ ।
ৎবৎপ্রসাদেন তীর্ণোঽহং ৎবৎপ্রসাদান্মহৎসুখম্ ॥ ৪২.১৬॥

ৎবৎপ্রসাদাদহং ব্রহ্ম ৎবৎপ্রসাদাৎ ৎবমেব ন ।
ৎবৎপ্রসাদাদিদং নাস্তি ৎবৎপ্রসাদান্ন কিঞ্চন ॥ ৪২.১৭॥

ৎবৎপ্রসাদান্ন মে কিঞ্চিৎ ৎবৎপ্রসাদান্ন মে বিপৎ ।
ৎবৎপ্রসাদান্ন মে ভেদস্ত্বৎপ্রসাদান্ন মে ভয়ম্ ॥ ৪২.১৮॥

ৎবৎপ্রসাদান্নমে রোগস্ত্বৎপ্রসাদান্ন মে ক্ষতিঃ ।
যৎপাদাম্বুজপূজয়া হরিরভূদর্চ্যো যদংঘ্র্যর্চনা-
দর্চ্যাঽভূৎ কমলা বিধিপ্রভৃতয়ো হ্যর্চ্যা যদাজ্ঞাবশাৎ ।
তং কালান্তকমন্তকান্তকমুমাকান্তং মুহুঃ সন্ততং
সন্তঃ স্বান্তসরোজরাজচরণাম্ভোজং ভজন্ত্যাদরাৎ ॥ ৪২.১৯॥

কিং বা ধর্মশতায়ুতার্জিতমহাসৌখ্যৈকসীমায়ুতং
নাকং পাতমহোগ্রদুঃখনিকরং দেবেষু তুষ্টিপ্রদম্ ।
তস্মাচ্ছঙ্করলিঙ্গপূজনমুমাকান্তপ্রিয়ং মুক্তিদং
ভূমানন্দঘনৈকমুক্তিপরমানন্দৈকমোদং মহঃ ॥ ৪২.২০॥

যে শাংভবাঃ শিবরতাঃ শিবনামমাত্র-
শব্দাক্ষরজ্ঞহৃদয়া ভসিতত্রিপুণ্ড্রাঃ ।
যাং প্রাপ্নুবন্তি গতিমীশপদাংবুজোদ্যদ্-
ধ্যানানুরক্তহৃদয়া ন হি যোগসাংখ্যৈঃ ॥ ৪২.২১॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
নিদাঘানুভববর্ণনপ্রকরণং নাম দ্বিচৎবারিংশোঽধ্যায়ঃ ॥

৪৩ ॥ ত্রিচৎবারিংশোঽধ্যায়ঃ ॥

নিদাঘঃ –
ন পশ্যামি শরীরং বা লিঙ্গং করণমেব বা ।
ন পশ্যামি মনো বাপি ন পশ্যামি জডং ততঃ ॥ ৪৩.১॥

ন পশ্যামি চিদাকাশং ন পশ্যামি জগৎ ক্বচিৎ ।
ন পশ্যামি হরিং বাপি ন পশ্যামি শিবং চ বা ॥ ৪৩.২॥

আনন্দস্যান্তরে লগ্নং তন্ময়ৎবান্ন চোত্থিতঃ ।
ন পশ্যামি সদা ভেদং ন জডং ন জগৎ ক্বচিৎ ॥ ৪৩.৩॥

ন দ্বৈতং ন সুখং দুঃখং ন গুরুর্ন পরাপরম্ ।
ন গুণং বা ন তুর্যং বা ন বুদ্ধির্ন চ সংশয়ঃ ॥ ৪৩.৪॥

ন চ কালং ন চ ভয়ং ন চ শোকং শুভাশুভম্ ।
ন পশ্যামি সন্দীনং ন বন্ধং ন চ সংভবম্ ॥ ৪৩.৫॥

ন দেহেন্দ্রিয়সদ্ভাবো ন চ সদ্বস্তু সন্মনঃ ।
ন পশ্যামি সদা স্থূলং ন কৃশং ন চ কুব্জকম্ ॥ ৪৩.৬॥

ন ভূমির্ন জলং নাগ্নির্ন মোহো ন চ মন্ত্রকম্ ।
ন গুরুর্ন চ বাক্যং বা ন দৃঢং ন চ সর্বকম্ ॥ ৪৩.৭॥

ন জগচ্ছ্রবণং চৈব নিদিধ্যাসং ন চাপরঃ ।
আনন্দসাগরে মগ্নস্তন্ময়ৎবান্ন চোত্থিতঃ ॥ ৪৩.৮॥

আনন্দোঽহমশেষোঽহমজোঽহমমৃতোস্ম্যহম্ ।
নিত্যোঽহমিতি নিশ্চিত্য সদা পূর্ণোঽস্মি নিত্যধীঃ ॥ ৪৩.৯॥

পূর্ণোঽহং পূর্ণচিত্তোঽহং পুণ্যোঽহং জ্ঞানবানহম্ ।
শুদ্ধোঽহং সর্বমুক্তোঽহং সর্বাকারোঽহমব্যযঃ ॥ ৪৩.১০॥

চিন্মাত্রোঽহং স্বয়ং সোঽহং তত্ত্বরূপোঽহমীশ্বরঃ ।
পরাপরোঽহং তুর্যোঽহং প্রসন্নোঽহং রসোঽস্ম্যহম্ ॥ ৪৩.১১॥

ব্রহ্মাঽহং সর্বলক্ষ্যোঽহং সদা পূর্ণোঽহমক্ষরঃ ।
মমানুভবরূপং যৎ সর্বমুক্তং চ সদ্গুরো ॥ ৪৩.১২॥

নমস্করোমি তে নাহং সর্বং চ গুরুদক্ষিণা ।
মদ্দেহং ৎবৎপদে দত্তং ৎবয়া ভস্মীকৃতং ক্ষণাৎ ॥ ৪৩.১৩॥

মমাত্মা চ ময়া দত্তঃ স্বয়মাত্মনি পূরিতঃ ।
ৎবমেবাহমহং চ ৎবমহমেব ৎবমেব হি ॥ ৪৩.১৪॥

ঐক্যার্ণবনিমগ্নোঽস্মি ঐক্যজ্ঞানং ৎবমেব হি ।
একং চৈতন্যমেবাহং ৎবয়া গন্তুং ন শক্যতে ॥ ৪৩.১৫॥

গন্তব্যদেশো নাস্ত্যেব একাকারং ন চান্যতঃ ।
ৎবয়া গন্তব্যদেশো ন ময়া গন্তব্যমস্তি ন ॥ ৪৩.১৬॥

একং কারণমেকং চ একমেব দ্বয়ং ন হি ।
ৎবয়া বক্তব্যকং নাস্তি ময়া শ্রোতব্যমপ্যলম্ ॥ ৪৩.১৭॥

ৎবমেব সদ্গুরুর্নাসি অহং নাস্মি সশিষ্যকঃ ।
ব্রহ্মমাত্রমিদং সর্বমস্মিন্মানোঽস্মি তন্ময়ঃ ॥ ৪৩.১৮॥

ভেদাভেদং ন পশ্যামি কার্যাকার্যং ন কিঞ্চন ।
মমৈব চেন্নমস্কারো নিষ্প্রয়োজন এব হি ॥ ৪৩.১৯॥

তবৈব চেন্নমস্কারো ভিন্নৎবান্ন ফলং ভবেৎ ।
তব চেন্মম চেদ্ভেদঃ ফলাভাবো ন সংশয়ঃ ॥ ৪৩.২০॥

নমস্কৃতোঽহং যুষ্মাকং ভবানজ্ঞীতি বক্ষ্যতি ।
মমৈবাপকরিষ্যামি পরিচ্ছিন্নো ভবাম্যহম্ ॥ ৪৩.২১॥

মমৈব চেন্নমস্কারঃ ফলং নাস্তি স্বতঃ স্থিতে ।
কস্যাপি চ নমস্কারঃ কদাচিদপি নাস্তি হি ॥ ৪৩.২২॥

সদা চৈতন্যমাত্রৎবাৎ নাহং ন ৎবং ন হি দ্বয়ম্ ।
ন বন্ধং ন পরো নান্যে নাহং নেদং ন কিঞ্চন ॥ ৪৩.২৩॥

ন দ্বয়ং নৈকমদ্বৈতং নিশ্চিতং ন মনো ন তৎ ।
ন বীজং ন সুখং দুঃখং নাশং নিষ্ঠা ন সৎসদা ॥ ৪৩.২৪॥

নাস্তি নাস্তি ন সন্দেহঃ কেবলাৎ পরমাত্মনি ।
ন জীবো নেশ্বরো নৈকো ন চন্দ্রো নাগ্নিলক্ষণঃ ॥ ৪৩.২৫॥

ন বার্তা নেন্দ্রিয়ো নাহং ন মহত্ত্বং গুণান্তরম্ ।
ন কালো ন জগন্নান্যো ন বা কারণমদ্বয়ম্ ॥ ৪৩.২৬॥

নোন্নতোঽত্যন্তহীনোঽহং ন মুক্তস্ত্বৎপ্রসাদতঃ ।
সর্বং নাস্ত্যেব নাস্ত্যেব সর্বং ব্রহ্মৈব কেবলম্ ॥ ৪৩.২৭॥

অহং ব্রহ্ম ইদং ব্রহ্ম আত্ম ব্রহ্মাহমেব হি ।
সর্বং ব্রহ্ম ন সন্দেহস্ত্বৎপ্রসাদান্মহেশ্বরঃ ॥ ৪৩.২৮॥

ৎবমেব সদ্গুরুর্ব্রহ্ম ন হি সদ্গুরুরন্যতঃ ।
আত্মৈব সদ্গুরুর্ব্রহ্ম শিষ্যো হ্যাত্মৈব সদ্গুরুঃ ॥ ৪৩.২৯॥

গুরুঃ প্রকল্পতে শিষ্যো গুরুহীনো ন শিষ্যকঃ ।
শিষ্যে সতি গুরুঃ কল্প্যঃ শিষ্যাভাবে গুরুর্ন হি ॥ ৪৩.৩০॥

গুরুশিষ্যবিহীনাত্মা সর্বত্র স্বয়মেব হি ।
চিন্মাত্রাত্মনি কল্প্যোঽহং চিন্মাত্রাত্মা ন চাপরঃ ॥ ৪৩.৩১॥

চিন্মাত্রাত্মাহমেবৈকো নান্যৎ কিঞ্চিন্ন বিদ্যতে ।
সর্বস্থিতোঽহং সততং নান্যং পশ্যামি সদ্গুরোঃ ॥ ৪৩.৩২॥

নান্যৎ পশ্যামি চিত্তেন নান্যৎ পশ্যামি কিঞ্চন ।
সর্বাভাবান্ন পশ্যামি সর্বং চেদ্ দৃশ্যতাং পৃথক্ ॥ ৪৩.৩৩॥

এবং ব্রহ্ম প্রপশ্যামি নান্যদস্তীতি সর্বদা ।
অহো ভেদং প্রকুপিতং অহো মায়া ন বিদ্যতে ॥ ৪৩.৩৪॥

অহো সদ্গুরুমাহাত্ম্যমহো ব্রহ্মসুখং মহৎ ।
অহো বিজ্ঞানমাহাত্ম্যমহো সজ্জনবৈভবঃ ॥ ৪৩.৩৫॥

অহো মোহবিনাশশ্চ অহো পশ্যামি সৎসুখম্ ।
অহো চিত্তং ন পশ্যামি অহো সর্বং ন কিঞ্চন ॥ ৪৩.৩৬॥

অহমেব হি নান্যত্র অহমানন্দ এব হি ।
মমান্তঃকরণে যদ্যন্নিশ্চিতং ভবদীরিতম্ ॥ ৪৩.৩৭॥

সর্বং ব্রহ্ম পরং ব্রহ্ম ন কিঞ্চিদন্যদৈবতম্ ।
এবং পশ্যামি সততং নান্যৎ পশ্যামি সদ্গুরো ॥ ৪৩.৩৮॥

এবং নিশ্চিত্য তিষ্ঠামি স্বস্বরূপে মমাত্মনি ॥ ৪৩.৩৯॥

অগাধবেদবাক্যতো ন চাধিভেষজং ভবে-
দুমাধবাঙ্ঘ্রিপঙ্কজস্মৃতিঃ প্রবোধমোক্ষদা ।
প্রবুদ্ধভেদবাসনানিরুদ্ধহৃত্তমোভিদে
মহারুজাঘবৈদ্যমীশ্বরং হৃদম্বুজে ভজে ॥ ৪৩.৪০॥

দ্যতৎপ্রদগ্ধকামদেহ দুগ্ধসন্নিভং প্রমুগ্ধসামি ।
সোমধারিণং শ্রুতীড্যগদ্যসংস্তুতং ৎবভেদ্যমেকশঙ্করম্ ॥ ৪৩.৪১॥

বরঃ কঙ্কঃ কাকো ভবদুভয়জাতেষু নিয়তং
মহাশঙ্কাতঙ্কৈর্বিধিবিহিতশান্তেন মনসা ।
যদি স্বৈরং ধ্যায়ন্নগপতিসুতানায়কপদং
স এবায়ং ধুর্যো ভবতি মুনিজাতেষু নিয়তম্ ॥ ৪৩.৪২॥

কঃ কালান্তকপাদপদ্মভজনাদন্যদ্ধৃদা কষ্টদাং
ধর্মাভাসপরংপরাং প্রথয়তে মূর্খো খরীং তৌরগীম্ ।
কর্তুং যত্নশতৈরশক্যকরণৈর্বিন্দেত দুঃখাদিকংvar was দুঃখাধিকম্
তদ্বৎ সাংবপদাংবুজার্চনরতিং ত্যক্ত্বা বৃথা দুঃখভাক্ ॥ ৪৩.৪৩॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
নিদাঘানুভববর্ণনপ্রকরণং নাম ত্রিচৎবারিংশোঽধ্যায়ঃ ॥

৪৪ ॥ চতুশ্চৎবারিংশোঽধ্যায়ঃ ॥

নিদাঘঃ –
শৃণুশ্ব সদ্গুরো ব্রহ্মন্ ৎবৎপ্রসাদান্বিনিশ্চিতম্ ।
অহমেব হি তদ্ব্রহ্ম অহমেব হি কেবলম্ ॥ ৪৪.১॥

অহমেব হি নিত্যাত্মা অহমেব সদাঽজরঃ ।
অহমেব হি শান্তাত্মা অহমেব হি নিষ্কলঃ ॥ ৪৪.২॥

অহমেব হি নিশ্চিন্তঃ অহমেব সুখাত্মকঃ ।
অহমেব গুরুস্ত্বং হি অহং শিষ্যোঽস্মি কেবলম্ ॥ ৪৪.৩॥

অহমানন্দ এবাত্মা অহমেব নিরঞ্জনঃ ।
অহং তুর্যাতিগো হ্যাত্মা অহমেব গুণোজ্ঝিতঃ ॥ ৪৪.৪॥

অহং বিদেহ এবাত্মা অহমেব হি শঙ্করঃ ।
অহং বৈ পরিপূর্ণাত্মা অহমেবেশ্বরঃ পরঃ ॥ ৪৪.৫॥

অহমেব হি লক্ষ্যাত্মা অহমেব মনোময়ঃ ।
অহমেব হি সর্বাত্মা অহমেব সদাশিবঃ ॥ ৪৪.৬॥

অহং বিষ্ণুরহং ব্রহ্মা অহমিন্দ্রস্ত্বহং সুরাঃ ।
অহং বৈ যক্ষরক্ষাংসি পিশাচা গুহ্যকাস্তথা ॥ ৪৪.৭॥

অহং সমুদ্রাঃ সরিত অহমেব হি পর্বতাঃ ।
অহং বনানি ভুবনং অহমেবেদমেব হি ॥ ৪৪.৮॥

নিত্যতৃপ্তো হ্যহং শুদ্ধবুদ্ধোঽহং প্রকৃতেঃ পরঃ ।
অহমেব হি সর্বত্র অহমেব হি সর্বগঃ ॥ ৪৪.৯॥

অহমেব মহানাত্মা সর্বমঙ্গলবিগ্রহঃ ।
অহমেব হি মুক্তোঽস্মি শুদ্ধোঽস্মি পরমঃ শিবঃ ॥ ৪৪.১০॥

অহং ভূমিরহং বায়ুরহং তেজো হ্যহং নভঃ ।
অহং জলমহং সূর্যশ্চন্দ্রমা ভগণা হ্যহম্ ॥ ৪৪.১১॥

অহং লোকা অলোকাশ্চ অহং লোক্যা অহং সদা ।
অহমাত্মা পারদৃশ্য অহং প্রজ্ঞানবিগ্রহঃ ॥ ৪৪.১২॥

অহং শূন্যো অশূন্যোঽহং সর্বানন্দময়োঽস্ম্যহম্ ।
শুভাশুভফলাতীতো হ্যহমেব হি কেবলম্ ॥ ৪৪.১৩॥

অহমেব ঋতং সত্যমহং সচ্চিৎসুখাত্মকঃ ।
অহমানন্দ এবাত্মা বহুধা চৈকধা স্থিতঃ ॥ ৪৪.১৪॥

অহং ভূতভবিষ্যং চ বর্তমানমহং সদা ।
অহমেকো দ্বিধাহং চ বহুধা চাহমেব হি ॥ ৪৪.১৫॥

অহমেব পরং ব্রহ্ম অহমেব প্রজাপতিঃ ।
স্বরাট্ সম্রাড্ জগদ্যোনিরহমেব হি সর্বদা ॥ ৪৪.১৬॥

অহং বিশ্বস্তৈজসশ্চ প্রাজ্ঞোঽহং তুর্য এব হি ।
অহং প্রাণো মনশ্চাহমহমিদ্রিয়বর্গকঃ ॥ ৪৪.১৭॥

অহং বিশ্বং হি ভুবনং গগনাত্মাহমেব হি ।
অনুপাধি উপাধ্যং যত্তৎসর্বমহমেব হি ॥ ৪৪.১৮॥

উপাধিরহিতশ্চাহং নিত্যানন্দোঽহমেব হি ।
এবং নিশ্চয়বানন্তঃ সর্বদা সুখমশ্নুতে ।
এবং যঃ শৃণুয়ান্নিত্যং সর্বপাপৈঃ প্রমুচ্যতে ॥ ৪৪.১৯॥

নিত্যোঽহং নির্বিকল্পো জনবনভুবনে পাবনোঽহং মনীষী
বিশ্বো বিশ্বাতিগোঽহং প্রকৃতিবিনিকৃতো একধা সংস্থিতোঽহম্ ।
নানাকারবিনাশজন্মরহিতস্বজ্ঞানকার্যোজ্ঝিতৈঃ
ভূমানন্দঘনোঽস্ম্যহং পরশিবঃ সত্যস্বরূপোঽস্ম্যহম্ ॥ ৪৪.২০॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
নিদাঘানুভববর্ণনং নাম চতুশ্চৎবারিংশোঽধ্যায়ঃ ॥

৪৫ ॥ পঞ্চচৎবারিংশোঽধ্যায়ঃ ॥

নিদাঘঃ –
পুণ্যে শিবরহস্যেঽস্মিন্নিতিহাসে শিবোদিতে ।
দেব্যৈ শিবেন কথিতে দেব্যা স্কন্দায় মোদতঃ ॥ ৪৫.১॥

তদেতস্মিন্ হি ষষ্ঠাংশে ষডাস্যকমলোদিতে ।
পারমেশ্বরবিজ্ঞানং শ্রুতমেতন্মহাঘভিৎ ॥ ৪৫.২॥

মহামায়াতমস্তোমবিনিবারণভাস্করম্ ।
অস্যাধ্যায়ৈককথনাদ্ বিজ্ঞানং মহদশ্নুতে ॥ ৪৫.৩॥

শ্লোকস্য শ্রবণেনাপি জীবন্মুক্তো ন সংশয়ঃ ।
এতদ্গ্রন্থপ্রবক্তা হি ষণ্মুখঃ শিব এব হি ॥ ৪৫.৪॥

জৈগীষব্যো মহায়োগী স এব শ্রবণেঽর্হতি ।
ভস্মরুদ্রাক্ষধৃঙ্ নিত্যং সদা হ্যত্যাশ্রমী মুনিঃ ॥ ৪৫.৫॥

এতদ্গ্রন্থপ্রবক্তা হি স গুরুর্নাত্র সংশয়ঃ ।
এতদ্গ্রন্থপ্রবক্তা হি পরং ব্রহ্ম ন সংশয়ঃ ॥ ৪৫.৬॥

এতদ্গ্রন্থপ্রবক্তা হি শিব এব ন চাপরঃ ।
এতদ্গ্রন্থপ্রবক্তা হি সাক্ষাদ্দেবী ন সংশয়ঃ ॥ ৪৫.৭॥

এতদ্গ্রন্থপ্রবক্তা হি গণেশো নাত্র সংশয়ঃ ।
এতদ্গ্রন্থপ্রবক্তা হি স্কন্দঃ স্কন্দিততারকঃ ॥ ৪৫.৮॥

এতদ্গ্রন্থপ্রবক্তা হি নন্দিকেশো ন সংশয়ঃ ।
এতদ্গ্রন্থপ্রবক্তা হি দত্তাত্রেয়ো মুনিঃ স্বয়ম্ ॥ ৪৫.৯॥

এতদ্গ্রন্থপ্রবক্তা হি দক্ষিণামূর্তিরেব হি ।
এতদ্গ্রন্থার্থকথনে ভাবনে মুনয়ঃ সুরাঃ ॥ ৪৫.১০॥

ন শক্তা মুনিশার্দূল ৎবদৃতেঽহং শিবং শপে ।
এতদ্গ্রন্থার্থবক্তারং গুরুং সর্বাত্মনা যজেৎ ॥ ৪৫.১১॥

এতদ্গ্রন্থপ্রবক্তা তু শিবো বিঘ্নেশ্বরঃ স্বয়ম্ ।
পিতা হি জন্মদো দাতা গুরুর্জন্মবিনাশকঃ ॥ ৪৫.১২॥

এতদ্গ্রন্থং সমভ্যস্য গুরোর্বাক্যাদ্বিশেষতঃ ।
ন দুহ্যেত গুরুং শিষ্যো মনসা কিঞ্চ কায়তঃ ॥ ৪৫.১৩॥

গুরুরেব শিবঃ সাক্ষাৎ গুরুরেব শিবঃ স্বয়ম্ ।
শিবে রুষ্টে গুরুস্ত্রাতা গুরৌ রুষ্টে ন কশ্চন ॥ ৪৫.১৪॥

এতদ্গ্রন্থপদাভ্যাসে শ্রদ্ধা বৈ কারণং পরম্ ।
অশ্রদ্ধধানঃ পুরুষো নৈতল্লেশমিহার্হতি ॥ ৪৫.১৫॥

শ্রদ্ধৈব পরমং শ্রেয়ো জীবব্রহ্মৈক্যকারণম্ ।
অস্তি ব্রহ্মেতি চ শ্রুৎবা ভাবয়ন্ সন্ত এব হি ॥ ৪৫.১৬॥

শিবপ্রসাদহীনো যো নৈতদ্গ্রন্থার্থবিদ্ভবেৎ ।
ভাবগ্রাহ্যোঽয়মাত্মায়ং পর একঃ শিবো ধ্রুবঃ ॥ ৪৫.১৭॥

সর্বমন্যৎ পরিত্যজ্য ধ্যায়ীতেশানমব্যযম্ ।
শিবজ্ঞানমিদং শুদ্ধং দ্বৈতাদ্বৈতবিনাশনম্ ॥ ৪৫.১৮॥

অন্যেষু চ পুরাণেষু ইতিহাসেষু ন ক্বচিৎ ।
এতাদৃশং শিবজ্ঞানং শ্রুতিসারমহোদয়ম্ ॥ ৪৫.১৯॥

উক্তং সাক্ষাচ্ছিবেনৈতদ্ যোগসাংখ্যবিবর্জিতম্ ।
ভাবনামাত্রসুলভং ভক্তিগম্যমনাময়ম্ ॥ ৪৫.২০॥

মহানন্দপ্রদং সাক্ষাৎ প্রসাদেনৈব লভ্যতে ।
তস্যৈতে কথিতা হ্যর্থাঃ প্রকাশন্তে মহাত্মনঃ ॥ ৪৫.২১॥

এতদ্গ্রন্থং গুরোঃ শ্রুৎবা ন পূজাং কুরুতে যদি ।
শ্বানয়োনিশতং প্রাপ্য চণ্ডালঃ কোটিজন্মসু ॥ ৪৫.২২॥

এতদ্গ্রন্থস্য মাহাত্ম্যং ন যজন্তীশ্বরং হৃদা ।
স সূকরো ভবত্যেব সহস্রপরিবৎসরান্ ॥ ৪৫.২৩॥

এতদ্গ্রন্থার্থবক্তারমভ্যসূয়েত যো দ্বিজঃ ।
অনেকব্রহ্মকল্পং চ বিষ্ঠায়াং জায়তে ক্রিমিঃ ॥ ৪৫.২৪॥

এতদ্গ্রন্থার্থবিদ্ব্রহ্মা স ব্রহ্ম ভবতি স্বয়ম্ ।
কিং পুনর্বহুনোক্তেন জ্ঞানমেতদ্বিমুক্তিদম্ ॥ ৪৫.২৫॥

যস্ত্বেতচ্ছৃণুয়াচ্ছিবোদিমহাবেদান্তাংবুধি (?)
বীচিজাতপুণ্যং নাপেক্ষত্যনিশং ন চাব্দকল্পৈঃ ।
শব্দানাং নিখিলো রসো হি স শিবঃ কিং বা তুষাদ্রি
পরিখংডনতো ভবেৎ স্যাৎ তণ্ডুলোঽপি স মৃষা ভবমোহজালম্ ॥ ৪৫.২৬॥

তদ্বৎ সর্বমশাস্ত্রমিত্যেব হি সত্যং
দ্বৈতোত্থং পরিহায় বাক্যজালম্ ।
এবং ৎবং ৎবনিশং ভজস্ব নিত্যং
শান্তোদ্যখিলবাক্ সমূহভাবনা ॥ ৪৫.২৭॥

সত্যৎবাভাবভাবিতোঽনুরূপশীলঃ ।
সম্পশ্যন্ জগদিদমাসমঞ্জসং সদা হি ॥ ৪৫.২৮॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
নিদাঘকৃতগুরুস্তুতিবর্ণনং নাম পঞ্চচৎবারিংশোঽধ্যায়ঃ ॥

৪৬ ॥ ষট্চৎবারিংশোঽধ্যায়ঃ ॥

নিদাঘঃ –
এতদ্গ্রন্থং সদা শ্রুৎবা চিত্তজাড্যমকুর্বতঃ ।
যাবদ্দেহং সদা বিত্তৈঃ শুশ্রূষেৎ পূজয়েদ্গুরুম্ ॥ ৪৬.১॥

তৎপূজয়ৈব সততং অহং ব্রহ্মেতি নিশ্চিনু ।
নিত্যং পূর্ণোঽস্মি নিত্যোঽস্মি সর্বদা শান্তবিগ্রহঃ ॥ ৪৬.২॥

এতদেবাত্মবিজ্ঞানং অহং ব্রহ্মেতি নির্ণয়ঃ ।
নিরঙ্কুশস্বরূপোঽস্মি অতিবর্ণাশ্রমী ভব ॥ ৪৬.৩॥

অগ্নিরিত্যাদিভির্মন্ত্রৈঃ সর্বদা ভস্মধারণম্ ।
ত্রিয়ায়ুষৈস্ত্র্যংবকৈশ্চ কুর্বন্তি চ ত্রিপুণ্ড্রকম্ ॥ ৪৬.৪॥

ত্রিপুণ্ড্রধারিণামেব সর্বদা ভস্মধারণম্ ।
শিবপ্রসাদসম্পত্তির্ভবিষ্যতি ন সংশয়ঃ ॥ ৪৬.৫॥

শিবপ্রসাদাদেতদ্বৈ জ্ঞানং সম্প্রাপ্যতে ধ্রুবম্ ।
শিরোব্রতমিদং প্রোক্তং কেবলং ভস্মধারণম্ ॥ ৪৬.৬॥

ভস্মধারণমাত্রেণ জ্ঞানমেতদ্ভবিষ্যতি ।
অহং বৎসরপর্যন্তং কৃৎবা বৈ ভস্মধারণম্ ॥ ৪৬.৭॥

ৎবৎপাদাব্জং প্রপন্নোঽস্মি ৎবত্তো লব্ধাত্ম নির্বৃতিঃ ।
সর্বাধারস্বরূপোঽহং সচ্চিদানন্দমাত্রকম্ ॥ ৪৬.৮॥

ব্রহ্মাত্মাহং সুলক্ষণ্যো ব্রহ্মলক্ষণপূর্বকম্ ।
আনন্দানুভবং প্রাপ্তঃ সচ্চিদানন্দবিগ্রহঃ ॥ ৪৬.৯॥

গুণরূপাদিমুক্তোঽস্মি জীবন্মুক্তো ন সংশয়ঃ ।
মৈত্র্যাদিগুণসম্পন্নো ব্রহ্মৈবাহং পরো মহান্ ॥ ৪৬.১০॥

সমাধিমানহং নিত্যং জীবন্মুক্তেষু সত্তমঃ ।
অহং ব্রহ্মাস্মি নিত্যোঽস্মি সমাধিরিতি কথ্যতে ॥ ৪৬.১১॥

প্রারব্ধপ্রতিবন্ধশ্চ জীবন্মুক্তেষু বিদ্যতে ।
প্রারব্ধবশতো যদ্যৎ প্রাপ্যং ভুঞ্জে সুখং বস ॥ ৪৬.১২॥

দূষণং ভূষণং চৈব সদা সর্বত্র সংভবেৎ ।
স্বস্বনিশ্চয়তো বুদ্ধ্যা মুক্তোঽহমিতি মন্যতে ॥ ৪৬.১৩॥

অহমেব পরং ব্রহ্ম অহমেব পরা গতিঃ ।
এবং নিশ্চয়বান্ নিত্যং জীবন্মুক্তেতি কথ্যতে ॥ ৪৬.১৪॥

এতদ্ভেদং চ সন্ত্যজ্য স্বরূপে তিষ্ঠতি প্রভুঃ ।
ইন্দ্রিয়ার্থবিহীনোঽহমিন্দ্রিয়ার্থবিবর্জিতঃ ॥ ৪৬.১৫॥

সর্বেন্দ্রিয়গুণাতীতঃ সর্বেন্দ্রিয়বিবর্জিতঃ ।
সর্বস্য প্রভুরেবাহং সর্বং ময়্যেব তিষ্ঠতি ॥ ৪৬.১৬॥

অহং চিন্মাত্র এবাস্মি সচ্চিদান্দবিগ্রহঃ ।
সর্বং ভেদং সদা ত্যক্ত্বা ব্রহ্মভেদমপি ত্যজেৎ ॥ ৪৬.১৭॥

অজস্রং ভাবয়ন্ নিত্যং বিদেহো মুক্ত এব সঃ ।
অহং ব্রহ্ম পরং ব্রহ্ম অহং ব্রহ্ম জগৎপ্রভুঃ ॥ ৪৬.১৮॥

অহমেব গুণাতীতঃ অহমেব মনোময়ঃ ।
অহং ময়্যো মনোমেয়ঃ প্রাণমেয়ঃ সদাময়ঃ ॥ ৪৬.১৯॥

সদৃঙ্ময়ো ব্রহ্মময়োঽমৃতময়ঃ সভূতোমৃতমেব হি ।
অহং সদানন্দধনোঽব্যযঃ সদা ।
স বেদময়্যো প্রণবোঽহমীশঃ ॥ ৪৬.২০॥

অপাণিপাদো জবনো গৃহীতা
অপশ্যঃ পশ্যাম্যাত্মবৎ সর্বমেব ।
যত্তদ্ভূতং যচ্চ ভব্যোঽহমাত্মা
সর্বাতীতো বর্তমানোঽহমেব ॥ ৪৬.২২॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
জ্ঞানোপায়ভূতশিবব্রতনিরূপণং নাম ষট্চৎবারিংশোঽধ্যায়ঃ ॥

৪৭ ॥ সপ্তচৎবারিংশোঽধ্যায়ঃ ॥

ঋভুঃ –
নিদাঘ শৃণু বক্ষ্যামি দৃঢীকরণমস্তু তে ।
শিবপ্রসাদপর্যন্তমেবং ভাবয় নিত্যশঃ ॥ ৪৭.১॥

অহমেব পরং ব্রহ্ম অহমেব সদাশিবঃ ।
অহমেব হি চিন্মাত্রমহমেব হি নির্গুণঃ ॥ ৪৭.২॥

অহমেব হি চৈতন্যমহমেব হি নিষ্কলঃ ।
অহমেব হি শূন্যাত্মা অহমেব হি শাশ্বতঃ ॥ ৪৭.৩॥

অহমেব হি সর্বাত্মা অহমেব হি চিন্ময়ঃ ।
অহমেব পরং ব্রহ্ম অহমেব মহেশ্বরঃ ॥ ৪৭.৪॥

অহমেব জগৎসাক্ষী অহমেব হি সদ্গুরুঃ ।
অহমেব হি মুক্তাত্মা অহমেব হি নির্মলঃ ॥ ৪৭.৫॥

অহমেবাহমেবোক্তঃ অহমেব হি শঙ্করঃ ।
অহমেব হি মহাবিষ্ণুরহমেব চতুর্মুখঃ ॥ ৪৭.৬॥

অহমেব হি শুদ্ধাত্মা হ্যহমেব হ্যহং সদা ।
অহমেব হি নিত্যাত্মা অহমেব হি মৎপরঃ ॥ ৪৭.৭॥

অহমেব মনোরূপং অহমেব হি শীতলঃ ।
অহমেবান্তর্যামী চ অহমেব পরেশ্বরঃ ॥ ৪৭.৮॥

এবমুক্তপ্রকারেণ ভাবয়িৎবা সদা স্বয়ম্ ।
দ্রব্যোঽস্তি চেন্ন কুর্যাত্তু বংচকেন গুরুং পরম্ ॥ ৪৭.৯॥

কুম্ভীপাকে সুঘোরে তু তিষ্ঠত্যেব হি কল্পকান্ ।
শ্রুৎবা নিদাঘশ্চোথায় পুত্রদারান্ প্রদত্তবান্ ॥ ৪৭.১০॥

স্বশরীরং চ পুত্রৎবে দৎবা সাদরপূর্বকম্ ।
ধনধান্যং চ বস্ত্রাদীন্ দৎবাঽতিষ্ঠৎ সমীপতঃ ॥ ৪৭.১১॥

গুরোস্তু দক্ষিণাং দৎবা নিদাঘস্তুষ্টবানৃভুম্ ।
সন্তুষ্টোঽস্মি মহাভাগ তব শুশ্রূষয়া সদা ॥ ৪৭.১২॥

ব্রহ্মবিজ্ঞানমাপ্তোঽসি সুকৃতার্থো ন সংশয়ঃ ।
ব্রহ্মরূপমিদং চেতি নিশ্চয়ং কুরু সর্বদা ॥ ৪৭.১৩॥

নিশ্চয়াদপরো মোক্ষো নাস্তি নাস্তীতি নিশ্চিনু ।
নিশ্চয়ং কারণং মোক্ষো নান্যৎ কারণমস্তি বৈ ॥ ৪৭.১৪॥

সকলভুবনসারং সর্ববেদান্তসারং
সমরসগুরুসারং সর্ববেদার্থসারম্ ।
সকলভুবনসারং সচ্চিদানন্দসারং
সমরসজয়সারং সর্বদা মোক্ষসারম্ ॥ ৪৭.১৫॥

সকলজননমোক্ষং সর্বদা তুর্যমোক্ষং
সকলসুলভমোক্ষং সর্বসাম্রাজ্যমোক্ষম্ ।
বিষয়রহিতমোক্ষং বিত্তসংশোষমোক্ষং
শ্রবণমননমাত্রাদেতদত্যন্তমোক্ষম্ ॥ ৪৭.১৬॥

তচ্ছুশ্রূষা চ ভবতঃ তচ্ছ্রুৎবা চ প্রপেদিরে ।
এবং সর্ববচঃ শ্রুৎবা নিদাঘঋষিদর্শিতম্ ।
শুকাদয়ো মহান্তস্তে পরং ব্রহ্মমবাপ্নুবন্ ॥ ৪৭.১৭॥

শ্রুৎবা শিবজ্ঞানমিদং ঋভুস্তদা
নিদাঘমাহেত্থং মুনীন্দ্রমধ্যে ।
মুদা হি তেঽপি শ্রুতিশব্দসারং
শ্রুৎবা প্রণম্যাহুরতীব হর্ষাৎ ॥ ৪৭.১৮॥

মুনয়ঃ –
পিতা মাতা ভ্রাতা গুরুরসি বয়স্যোঽথ হিতকৃৎ
অবিদ্যাব্ধেঃ পারং গময়সি ভবানেব শরণম্ ।
বলেনাস্মান্ নীৎবা মম বচনবলেনৈব সুগমং
পথং প্রাপ্ত্যৈবার্থৈঃ শিববচনতোঽস্মান্ সুখয়সি ॥ ৪৭.১৯॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
ঋভুকৃতসংগ্রহোপদেশবর্ণনং নাম সপ্তচৎবারিংশোঽধ্যায়ঃ ॥

৪৮ ॥ অষ্টচৎবারিংশোঽধ্যায়ঃ ॥

স্কন্দঃ –
জ্ঞানাঙ্গসাধনং বক্ষ্যে শৃণু বক্ষ্যামি তে হিতম্ ।
যৎ কৃৎবা জ্ঞানমাপ্নোতি তৎ প্রাদাৎ পরমেষ্ঠিনঃ ॥ ৪৮.১॥

জৈগীষব্য শৃণুষ্বৈতৎ সাবধানেন চেতসা ।
প্রথমং বেদসম্প্রোক্তং কর্মাচরণমিষ্যতে ॥ ৪৮.২॥

উপনীতো দ্বিজো বাপি বৈশ্যঃ ক্ষত্রিয় এব বা ।
অগ্নিরিত্যাদিভির্মন্ত্রৈর্ভস্মধৃক্ পূয়তে ৎবঘৈঃ ॥ ৪৮.৩॥

ত্রিয়ায়ুষৈস্ত্র্যম্বকৈশ্চ ত্রিপুণ্ড্রং ভস্মনাঽঽচরেৎ ।
লিঙ্গার্চনপরো নিত্যং রুদ্রাক্ষান্ ধারয়ন্ ক্রমৈঃ ॥ ৪৮.৪॥

কণ্ঠে বাহ্বোর্বক্ষসী চ মালাভিঃ শিরসা তথা ।
ত্রিপুণ্ড্রবদ্ধারয়েত রুদ্রাক্ষান্ ক্রমশো মুনে ॥ ৪৮.৫॥

একাননং দ্বিবক্ত্রং বা ত্রিবক্ত্রং চতুরাস্যকম্ ।
পঞ্চবক্ত্রং চ ষট্ সপ্ত তথাষ্টদশকং নব ॥ ৪৮.৬॥

একাদশং দ্বাদশং বা তথোর্ধ্বং ধারয়েৎ ক্রমাৎ ।
ভস্মধারণমাত্রেণ প্রসীদতি মহেশ্বরঃ ॥ ৪৮.৭॥

রুদ্রাক্ষধারণাদেব নরো রুদ্রৎবমাপ্নুয়াৎ ।
ভস্মরুদ্রাক্ষধৃঙ্মর্ত্যো জ্ঞানাঙ্গী ভবতি প্রিয়ঃ ॥ ৪৮.৮॥

রুদ্রাধ্যায়ী ভস্মনিষ্ঠঃ পঞ্চাক্ষরজপাধরঃ ।
ভস্মোদ্ধূলিতদেহোঽয়ং শ্রীরুদ্রং প্রজপন্ দ্বিজঃ ॥ ৪৮.৯॥

সর্বপাপৈর্বিমুক্তশ্চ জ্ঞাননিষ্ঠো ভবেন্মুনে ।
ভস্মসংছন্নসর্বাঙ্গো ভস্মফালত্রিপুণ্ড্রকঃ ॥ ৪৮.১০॥

বেদমৌলিজবাক্যেষু বিচারাধিকৃতো ভবেৎ ।
নান্যপুণ্ড্রধরো বিপ্রো যতির্বা বিপ্রসত্তম ॥ ৪৮.১১॥

শমাদিনিয়মোপেতঃ ক্ষমায়ুক্তোঽপ্যসংস্কৃতঃ ।
শিরোব্রতমিদং প্রোক্তং ভস্মধারণমেব হি ॥ ৪৮.১২॥

শিরোব্রতং চ বিধিবদ্যৈশ্চীর্ণং মুনিসত্তম ।
তেষামেব ব্রহ্মবিদ্যাং বদেত গুরুরাস্তিকঃ ॥ ৪৮.১৩॥

শাংভবা এব বেদেষু নিষ্ঠা নষ্টাশুভাঃ পরম্ ।
শিবপ্রসাদসম্পন্নো ভস্মরুদ্রাক্ষধারকঃ ॥ ৪৮.১৪॥

রুদ্রাধ্যায়জপাসক্তঃ পঞ্চাক্ষরপরায়ণঃ ।
স এব বেদবেদান্তশ্রবণেঽধিকৃতো ভবেৎ ॥ ৪৮.১৫॥

নান্যপুণ্ড্রধরো বিপ্রঃ কৃৎবাপি শ্রবণং বহু ।
নৈব লভ্যেত তদ্জ্ঞানং প্রসাদেন বিনেশিতুঃ ॥ ৪৮.১৬॥

প্রসাদজনকং শম্ভোর্ভস্মধারণমেব হি ।
শিবপ্রসাদহীনানাং জ্ঞানং নৈবোপজায়তে ॥ ৪৮.১৭॥

প্রসাদে সতি দেবস্য বিজ্ঞানস্ফুরণং ভবেৎ ।
রুদ্রাধ্যায়জাপিনাং তু ভস্মধারণপূর্বকম্ ॥ ৪৮.১৮॥

প্রসাদো জায়তে শম্ভোঃ পুনরাবৃত্তিবর্জিতঃ ।
প্রসাদে সতি দেবস্য বেদান্তস্ফুরণং ভবেৎ ॥ ৪৮.১৯॥

তস্যৈবাকথিতা হ্যর্থাঃ প্রকাশন্তে মহাত্মনঃ ।
পঞ্চাক্ষরজপাদেব পঞ্চাস্যধ্যানপূর্বকম্ ॥ ৪৮.২০॥

তস্যৈব ভবতি জ্ঞানং শিবপ্রোক্তমিদং ধ্রুবম্ ।
সর্বং শিবাত্মকং ভাতি জগদেতৎ চরাচরম্ ॥ ৪৮.২১॥

স প্রসাদো মহেশস্য বিজ্ঞেয়ঃ শাংভবোত্তমৈঃ ।
শিবলিঙ্গার্চনাদেব প্রসাদঃ শাংভবোত্তমে ॥ ৪৮.২২॥

নিয়মাদ্বিল্বপত্রৈশ্চ ভস্মধারণপূর্বকম্ ।
প্রসাদো জায়তে শম্ভোঃ সাক্ষাদ্জ্ঞানপ্রকাশকঃ ॥ ৪৮.২৩॥

শিবক্ষেত্রনিবাসেন জ্ঞানং সম্যক্ দৃঢং ভবেৎ ।
শিবক্ষেত্রনিবাসে তু ভস্মধার্যধিকারবান্ ॥ ৪৮.২৪॥

নক্তাশনার্চনাদেব প্রীয়েত ভগবান্ ভবঃ ।
প্রদোষপূজনং শংভোঃ প্রসাদজনকং পরম্ ॥ ৪৮.২৫॥

সোমবারে নিশীথেষু পূজনং প্রিয়মীশিতুঃ ।
ভূতায়াং ভূতনাথস্য পূজনং পরমং প্রিয়ম্ ॥ ৪৮.২৬॥

শিবশব্দোচ্চারণং চ প্রসাদজনকং মহৎ ।
জ্ঞানাঙ্গসাধনেষ্বেবং শিবভক্তার্চনং মহৎ ॥ ৪৮.২৭॥

ভক্তানামর্চনাদেব শিবঃ প্রীতো ভবিষ্যতি ।
ইত্যেতত্তং সমাসেন জ্ঞানাঙ্গং কথিতং ময়া ।
অকৈতবেন ভাবেন শ্রবণীয়ো মহেশ্বরঃ ॥ ৪৮.২৮॥

সূতঃ –
যঃ কোঽপি প্রসভং প্রদোষসময়ে বিল্বীদলালঙ্কৃতং
লিঙ্গং তুঙ্গমপারপুণ্যবিভবৈঃ পশ্যেদথার্চেত বা ।
প্রাপ্তং রাজ্যমবাপ্য কামহৃদয়স্তুষ্যেদকামো যদি
মুক্তিদ্বারমপাবৃতং স তু লভেৎ শম্ভোঃ কটাক্ষাঙ্কুরৈঃ ॥ ৪৮.২৯॥

অচলাতুলরাজকন্যকাকুচলীলামলবাহুজালমীশম্ ।
ভজতামনলাক্ষিপাদপদ্মং ভবলীলং ন ভবেত চিত্তবালম্ ॥ ৪৮.৩০॥

ভস্মত্রিপুণ্ড্ররচিতাঙ্গকবাহুফাল-
রুদ্রাক্ষজালকবচাঃ শ্রুতিসূক্তিমালাঃ ।
বেদোরুরত্নপদকাঙ্কিতশম্ভুনাম-
লোলা হি শাংভববরাঃ পরিশীলয়ন্তি ॥ ৪৮.৩১॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে
স্কন্দকৃতশিবব্রতোপদেশবর্ণনং নাম অষ্টচৎবারিংশোঽধ্যায়ঃ ॥

৪৯ ॥ একোনপঞ্চাশোঽধ্যায়ঃ ॥

স্কন্দঃ –
পুরা মগধদেশীয়ো ব্রাহ্মণো বেদপারগঃ ।
উচথ্যতনয়ো বাগ্মী বেদার্থপ্রবণে ধৃতঃ ॥ ৪৯.১॥

নাম্না সুদর্শনো বিপ্রান্ পাঠয়ন্ শাস্ত্রমুত্তমম্ ।
বেদান্তপরয়া ভক্ত্যা বর্ণাশ্রমরতঃ সদা ॥ ৪৯.২॥

মোক্ষমিচ্ছেদপি সদা বিপ্রোঽপি চ জনার্দনাৎ ।
বিষ্ণুপূজাপরো নিত্যং বিষ্ণুক্ষেত্রেষু সংবসন্ ॥ ৪৯.৩॥

গোপীচন্দনফালোসৌ তুলস্যৈবার্চয়দ্ধরিম্ ।
উবাস নিয়তং বিপ্রো বিষ্ণুধ্যানপরায়ণঃ ॥ ৪৯.৪॥

দশবর্ষমিদং তস্য কৃত্যং দৃষ্ট্বা জনার্দনঃ ।
মোক্ষেচ্ছোরাজুহাবৈনং পুরতোদ্ভূয় তং দ্বিজম্ ॥ ৪৯.৫॥

বিষ্ণুঃ –
ঔচথ্য মুনিশার্দূল তপস্যভিরতঃ সদা ।
বৃণু কামং দদাম্যেব বিনা জ্ঞানং দ্বিজোত্তম ॥ ৪৯.৬॥

সূতঃ –
ইতি বিষ্ণোর্গিরং শ্রুৎবা বিপ্রঃ কিঞ্চিদ্ভয়ান্বিতঃ ।
প্রণিপত্যাহ তং বিষ্ণুং স্তুবন্নারায়ণেতি তম্ ॥ ৪৯.৭॥

সুদর্শনঃ –
বিষ্ণো জিষ্ণো নমস্তেঽস্তু শঙ্খচক্রগদাধর ।
ৎবৎপাদনলিনং প্রাপ্তো জ্ঞানায়ানর্হণঃ কিমু ॥ ৪৯.৮॥

কিমন্যৈর্ধর্মকামার্থৈর্নশ্বরৈরিহ শঙ্খভৃৎ ।
ইত্যুক্তং তদ্বচঃ শ্রুৎবা বিষ্ণু প্রাহ সুদর্শনম্ ॥ ৪৯.৯॥

বিষ্ণুঃ –
সুদর্শন শৃণুষ্বৈতন্মত্তো নান্যমনা দ্বিজ ।
বদামি তে হিতং সত্যং ময়া প্রাপ্তং যথা তব ॥ ৪৯.১০॥

মদর্চনেন ধ্যানেন মোক্ষেচ্ছা জায়তে নৃণাম্ ।
মোক্ষদাতা মহাদেবো জ্ঞানবিজ্ঞানদায়কঃ ॥ ৪৯.১১॥

তদর্চনেন সম্প্রাপ্তং ময়া পূর্বং সুদর্শনম্ ।
সহস্রারং দৈত্যহন্তৃ সাক্ষাৎ ত্র্যক্ষপ্রপূজয়া ॥ ৪৯.১২॥

তমারাধয় যত্নেন ভস্মধারণপূর্বকম্ ।
অগ্নিরিত্যাদিভির্মন্ত্রৈস্ত্রিয়ায়ুষত্রিপুণ্ড্রকৈঃ ॥ ৪৯.১৩॥

রুদ্রাক্ষধারকো নিত্যং রুদ্রপঞ্চাক্ষরাদরঃ ।
শিবলিঙ্গং বিল্বপত্রৈঃ পূজয়ন্ জ্ঞানবান্ ভব ॥ ৪৯.১৪॥

বসন্ ক্ষেত্রে মহেশস্য স্নাহি তীর্থে চ শাঙ্করে ।
অহং ব্রহ্মাদয়ো দেবাঃ পূজয়ৈব পিনাকিনঃ ॥ ৪৯.১৫॥

বলিনঃ শিবলিঙ্গস্য পূজয়া বিপ্রসত্তম ।
যস্য ফালতলং মেঽদ্য ত্রিপুণ্ড্রপরিচিন্হিতম্ ॥ ৪৯.১৬॥

ব্রহ্মেন্দ্রদেবমুনিভিস্ত্রিপুণ্ড্রং ভস্মনা ধৃতম্ ।
পশ্য বক্ষসি বাহ্বোর্মে রুদ্রাক্ষাণাং স্রজং শুভাম্ ॥ ৪৯.১৭॥

পঞ্চাক্ষরজপাসক্তো রুদ্রাধ্যায়পরায়ণঃ ।
ত্রিকালমর্চয়ামীশং বিল্বপত্রৈরহং শিবম্ ॥ ৪৯.১৮॥

কমলা বিমলা নিত্যং কোমলৈর্বিল্বপল্লবৈঃ ।
পূজয়ত্যনিশং লিঙ্গে তথা ব্রহ্মাদয়ঃ সুরাঃ ॥ ৪৯.১৯॥

মুনয়ো মনবোঽপ্যেবং তথান্যে দ্বিজসত্তমাঃ ।
নৃপাসুরাস্তথা দৈত্যা বলিনঃ শিবপূজয়া ॥ ৪৯.২০॥

জ্ঞানং মোক্ষস্তথা ভাগ্যং লভ্যতে শঙ্করার্চনাৎ ।
তস্মাৎ ৎবমপি ভক্ত্যৈব সমারাধয় শঙ্করম্ ॥ ৪৯.২১॥

পশবো বিষ্ণুবিধয়স্তথান্যে মুনয়ঃ সুরাঃ ।
সর্বেষাং পতিরীশানস্তৎপ্রসাদাদ্বিমুক্তিভাক্ ॥ ৪৯.২২॥

প্রসাদজনকং তস্য ভস্মধারণমেব হি ।
প্রসাদজনকং তস্য মুনে রুদ্রাক্ষধারণম্ ॥ ৪৯.২৩॥

প্রসাদজনকস্তস্য রুদ্রাধ্যায়জপঃ সদা ।
প্রসাদজনকস্তস্য পঞ্চাক্ষরজপো দ্বিজ ॥ ৪৯.২৪॥

প্রসাদজনকং তস্য শিবলিঙ্গৈকপূজনম্ ।
প্রসাদে শাংভবে জাতে ভুক্তিমুক্তী করে স্থিতে ॥ ৪৯.২৫॥

তস্য ভক্ত্যৈব সর্বেষাং মোচনং ভবপাশতঃ ।
তস্য প্রীতিকরং সাক্ষাদ্বিল্বৈর্লিঙ্গস্য পূজনম্ ॥ ৪৯.২৬॥

তস্য প্রীতিকরং সাক্ষাচ্ছিবক্ষেত্রেষু বর্তনম্ ।
তস্য প্রীতিকরং সাক্ষাৎ শিবতীর্থনিষেবণম্ ॥ ৪৯.২৭॥

তস্য প্রীতিকরং সাক্ষাৎ ভস্মরুদ্রাক্ষধারণম্ ।
তস্য প্রীতিকরং সাক্ষাৎ প্রদোষে শিবপূজনম্ ॥ ৪৯.২৮॥

তস্য প্রীতিকরং সাক্ষাদ্ রুদ্রপঞ্চাক্ষরাবৃতিঃ ।
তস্য প্রীতিকরং সাক্ষাচ্ছিবভক্তজনার্চনম্ ॥ ৪৯.২৯॥

তস্য প্রীতিকরং সাক্ষাৎ সোমে সায়ন্তনার্চনম্ ।
তস্য প্রীতিকরং সাক্ষাৎ তন্নির্মাল্যৈকভোজনম্ ॥ ৪৯.৩০॥

তস্য প্রীতিকরং সাক্ষাদ্ অষ্টমীষ্বর্চনং নিশি ।
তস্য প্রীতিকরং সাক্ষাৎ চতুর্দশ্যর্চনং নিশি ॥ ৪৯.৩১॥

তস্য প্রীতিকরং সাক্ষাৎ তন্নাম্নাং স্মৃতিরেব হি ।
এতাবানেন ধর্মো হি শম্ভোঃ প্রিয়করো মহান্ ॥ ৪৯.৩২॥

অন্যদভ্যুদয়ং বিপ্র শ্রুতিস্মৃতিষু কীর্তিতম্ ।
ধর্মো বর্ণাশ্রমপ্রোক্তো মুনিভিঃ কথিতো মুনে ॥ ৪৯.৩৩॥

অবিমুক্তে বিশেষেণ শিবো নিত্যং প্রকাশতে ।
তস্মাৎ কাশীতি তৎ প্রোক্তং যতো হীশঃ প্রকাশতে ॥ ৪৯.৩৪॥

তত্রৈবামরণং তিষ্ঠেদিতি জাবালিকী শ্রুতিঃ ।
তত্র বিশ্বেশ্বরে লিঙ্গে নিত্যং ব্রহ্ম প্রকাশতে ॥ ৪৯.৩৫॥

তত্রান্নপূর্ণা সর্বেষাং ভুক্ত্যন্নং সম্প্রয়চ্ছতি ।
তত্রাস্তি মণিকর্ণাখ্যং মণিকুণ্ডং বিনির্মিতম্ ॥ ৪৯.৩৬॥

জ্ঞানোদয়োঽপি তত্রাস্তি সর্বেষাং জ্ঞানদায়কঃ ।
তত্র যাহি ময়া সার্ধং তত্রৈব বস বৈ মুনে ॥ ৪৯.৩৭॥

তত্রান্তে মোক্ষদং জ্ঞানং দদাতীশ্বর এব হি ।
ইত্যুক্ত্বা তেন বিপ্রেণ যয়ৌ কাশীং হরিঃ স্বয়ম্ ॥ ৪৯.৩৮॥

স্নাৎবা তীর্থে চক্রসংজ্ঞে জ্ঞানবাপ্যাং হরিদ্বিজঃ ।
তং দ্বিজং স্নাপয়ামাস ভস্মনাপাদমস্তকম্ ॥ ৪৯.৩৯॥

ধৃতত্রিপুণ্ড্ররুদ্রাক্ষং কৃৎবা তং চ সুদর্শনম্ ।
পূজয়চ্চাথ বিশ্বেশং পূজয়ামাস চ দ্বিজান্ ॥ ৪৯.৪০॥

বিল্বৈর্গন্ধাক্ষতৈর্দীপৈর্নৈবেদ্যৈশ্চ মনোহরৈঃ ।
তুষ্টাব প্রণিপত্যৈবং স দ্বিজো মধুসূদনঃ ॥ ৪৯.৪১॥

সুদর্শনবিষ্ণূ –
ভজ ভজ ভসিতানলোজ্বলাক্ষং
ভুজগাভোগভুজঙ্গসঙ্গহস্তম্ ।
ভবভীমমহোগ্ররুদ্রমীড্যং
ভবভর্জকতর্জকং মহৈনসাম্ ॥ ৪৯.৪২॥

বেদঘোষভটকাটকাবধৃক্ দেহদাহদহনামল কাল ।
জূটকোটিসুজটাতটিদুদ্যদ্রাগরঞ্জিতটিনীশশিমৌলে ॥ ৪৯.৪৩॥

শংবরাঙ্কবরভূষ পাহি মামম্বরান্তরচরস্ফুটবাহ ।
বারিজাদ্যঘনঘোষ শঙ্কর ত্রাহি বারিজভবেড্য মহেশ ॥ ৪৯.৪৪॥

মদগজবরকৃত্তিবাস শংভো
মধুমদনাক্ষিসরোরুহার্চ্যপাদ ।
যমমদদমনান্ধশিক্ষ শংভো
পুরহর পাহি দয়াকটাক্ষসারৈঃ ॥ ৪৯.৪৫॥

অপাং পুষ্পং মৌলৌ হিমভয়হরঃ ফালনয়নঃ
জটাজূটে গঙ্গাঽম্বুজবিকসনঃ সব্যনয়নঃ ।
গরং কণ্ঠে যস্য ত্রিভুবনগুরোঃ শংবরহর
মতঙ্গোদ্যৎকৃত্তের্ভবহরণপাদাব্জভজনম্ ॥ ৪৯.৪৬॥

শ্রীবিল্বমূলশিতিকণ্ঠমহেশলিঙ্গং
বিল্বাম্বুজোত্তমবরৈঃ পরিপূজ্য ভক্ত্যা ।
স্তম্বেরমাঙ্গবদনোত্তমসঙ্গভঙ্গ
রাজদ্বিষাঙ্গপরিসঙ্গমহেশশাঙ্গম্ ॥ ৪৯.৪৭॥

যো গৌরীরমণার্চনোদ্যতমতির্ভূয়ো ভবেচ্ছাংভবো
ভক্তো জন্মপরংপরাসু তু ভবেন্মুক্তোঽথ মুক্ত্যঙ্গনা-
কান্তস্বান্তনিতান্তশান্তহৃদয়ে কার্তান্তবার্তোজ্ঝিতঃ ।
বিষ্ণুব্রহ্মসুরেন্দ্ররঞ্জিতমুমাকান্তাংঘ্রিপঙ্কেরুহ-
ধ্যানানন্দনিমগ্নসর্বহৃদয়ঃ কিঞ্চিন্ন জানাত্যপি ॥ ৪৯.৪৮॥

কামারাতিপদাম্বুজার্চনরতঃ পাপানুতাপাধিক-
ব্যাপারপ্রবণপ্রকীর্ণমনসা পুণ্যৈরগণ্যৈরপি ।
নো দূয়েত বিশেষসন্ততিমহাসারানুকারাদরা-
দারাগ্রাহকুমারমারসুশরাদ্যাঘাতভীতৈরপি ॥ ৪৯.৪৯॥

॥ ইতি শ্রীশিবরহস্যে শঙ্করাখ্যে ষষ্ঠাংশে বিষ্ণূচথ্যসংবাদে
শিবস্য জ্ঞানদাতৃৎবনিরূপণং নাম একোনপঞ্চাশোঽধ্যায়ঃ ॥

৫০ ॥ পঞ্চাশোঽধ্যায়ঃ ॥

স্কন্দঃ –
বিষ্ণুস্তবান্তে বিপ্রোঽসৌ সুদর্শনসমাহ্বয়ঃ ।
স্নাৎবাঽথ মণিকর্ণ্যাং স ভস্মরুদ্রাক্ষভূষণঃ ॥ ৫০.১॥

সঞ্জপন্ শতরুদ্রীয়ং পঞ্চাক্ষরপরায়ণঃ ।
সম্পাদ্য বিল্বপত্রাণি কমলান্যমলান্যপি ॥ ৫০.২॥

গন্ধাক্ষতৈর্ধূপদীপৈর্নৈবেদ্যৈর্বিবিধৈরপি ।
বিষ্ণূপদিষ্টমার্গেণ নিত্যমন্তর্গৃহস্য হি ॥ ৫০.৩॥

প্রদক্ষিণং চকারাসৌ লিঙ্গান্যভ্যর্চয়ংস্তথা ।
বিশ্বেশ্বরাবিমুক্তেশৌ বীরেশং চ ত্রিলোচনম্ ॥ ৫০.৪॥

কৃত্তিবাসং বৃদ্ধকালে কেদারং শূলটঙ্ককম্ ।
রত্নেশং ভারভূতেশং চন্দ্রেশং সিদ্ধকেশ্বরম্ ॥ ৫০.৫॥

ঘণ্টাকর্ণেশ্বরং চৈব নারদেশং যমেশ্বরম্ ।
পুলস্তিপুলহেশং চ বিকর্ণেশং ফলেশ্বরম্ ॥ ৫০.৬॥

কদ্রুদ্রেশমখণ্ডেশং কেতুমালিং গভস্তিকম্ ।
যমুনেশং বর্ণকেশং ভদ্রেশং জ্যেষ্ঠশঙ্করম্ ॥ ৫০.৭॥

নন্দিকেশং চ রামেশং করমর্দেশ্বরং তথা ।
আবর্দেশং মতঙ্গেশং বাসুকীশং দ্রুতীশ্বরম্ ॥ ৫০.৮॥

সূর্যেশমর্যমেশং চ তূণীশং গালবেশ্বরম্ ।
কণ্বকাত্যায়নেশং চ চন্দ্রচূডেশ্বরং তথা ॥ ৫০.৯॥

উদাবর্তেশ্বরং চৈব তৃণজ্যোতীশ্বরং সদা ।
কঙ্কণেশং তঙ্কণেশং স্কন্দেশং তারকেশ্বরম্ ॥ ৫০.১০॥

জম্বুকেশং চ জ্ঞানেশং নন্দীশং গণপেশ্বরম্ ।
এতান্যন্তর্গৃহে বিপ্রঃ পূজয়ন্ পরয়া মুদা ॥ ৫০.১১॥

ঢুণ্ঢ্যাদিগণপাংশ্চৈব ভৈরবং চাপি নিত্যশঃ ।
অন্নপূর্ণামন্নদাত্রীং সাক্ষাল্লোকৈকমাতরম্ ॥ ৫০.১২॥

দণ্ডপাণিং ক্ষেত্রপালং সম্যগভ্যর্চ্য তস্থিবান্ ।
তীর্থান্যন্যান্যপি মুনির্মণিকর্ণ্যাদি সত্তম ॥ ৫০.১৩॥

জ্ঞানোদং সিদ্ধকূপং চ বৃদ্ধকূপং পিশাচকম্ ।
ঋণমোচনতীর্থং চ গর্গতীর্থং মহত্তরম্ ॥ ৫০.১৪॥

স্নাৎবা সনিয়মং বিপ্রো নিত্যং পঞ্চনদে হৃদে ।
কিরণাং ধূতপাপাং চ পঞ্চগঙ্গামপি দ্বিজঃ ॥ ৫০.১৫॥

গঙ্গাং মনোরমাং তুঙ্গাং সর্বপাপপ্রণাশিনীম্ ।
মুক্তিমণ্টপমাস্থায় স জপন্ শতরুদ্রিয়ম্ ॥ ৫০.১৬॥

অষ্টোত্তরসহস্রং বৈ জপন্ পঞ্চাক্ষরং দ্বিজঃ ।
পক্ষে পক্ষে তথা কুর্বন্ পঞ্চক্রোশপ্রদক্ষিণম্ ॥ ৫০.১৭॥

অন্তর্গৃহাদ্বহির্দেশে চকারাবসথং তদা ।
এবং সংবসতস্তস্য কালো ভূয়ানবর্তত ॥ ৫০.১৮॥

তত্র দৃষ্ট্বা তপোনিষ্ঠং সুদর্শনসমাহ্বয়ম্ ।
বিষ্ণুস্তদা বৈ তং বিপ্রং সমাহূয় শিবার্চকম্ ॥ ৫০.১৯॥

পুনঃ প্রাহ প্রসন্নেন চেতসা মুনিসত্তমম্ ।

বিষ্ণুঃ –
ভোঃ সুদর্শনবিপ্রেন্দ্র শিবার্চনপরায়ণ ।
জ্ঞানপাত্রং ভবানেব বিশ্বেশকৃপয়াঽধুনা ॥ ৫০.২০॥

ৎবয়া তপাংসি তপ্তানি ইষ্টা যজ্ঞাস্ত্বয়ৈব হি ।
অধীতাশ্চ ৎবয়া বেদাঃ কাশ্যাং বাসো যতস্তব ॥ ৫০.২১॥

বহুভির্জন্মভির্যেন কৃতং ক্ষেত্রে মহত্তপঃ ।
তস্যৈব সিদ্ধ্যত্যমলা কাশীয়ং মুক্তিকাশিকা ॥ ৫০.২২॥

তব ভাগ্যস্য নান্তোঽস্তি মুনে ৎবং ভাগ্যবানসি ।
কিঞ্চৈকং তব বক্ষ্যামি হিতমাত্যন্তিকং শৃণু ॥ ৫০.২৩॥

বিশ্বেশকৃপয়া তেঽদ্য মুক্তিরন্তে ভবিষ্যতি ।
রুদ্রাক্ষনামপুণ্যং যৎ নাম্নাং সাহস্রমুত্তমম্ ॥ ৫০.২৪॥

উপদেক্ষ্যামি তে বিপ্র নামসাহস্রমীশিতুঃ ।
তেনার্চয়েশং বিশ্বেশং বিল্বপত্রৈর্মনোহরৈঃ ॥ ৫০.২৫॥

বর্ষমেকং নিরাহারো বিশ্বেশং পূজয়ন্ সদা ।
সংবৎসরান্তে মুক্তস্ত্বং ভবিষ্যতি ন সংশয়ঃ ॥ ৫০.২৬॥

ৎবদ্দেহাপগমে মন্ত্রং পঞ্চাক্ষরমনুত্তমম্ ।
দদাতি দেবো বিশ্বেশস্তেন মুক্তো ভবিষ্যতি ॥ ৫০.২৭॥

শৈবেভ্যঃ সন্নজীবেভ্যো দদাতীমং মহামনুম্ ।

স্কন্দঃ –
ইতি বিষ্ণুবচঃ শ্রুৎবা প্রণম্যাহ হরিং তদা ।
সুদর্শনো যয়াচেত্থং নাম্নাং সাহস্রমুত্তমম্ ॥ ৫০.২৮॥

ভগবন্ দৈত্যবৃন্দঘ্ন বিষ্ণো জিষ্ণো নমোঽস্তু তে ।
সহস্রনাম্নাং যদ্দিব্যং বিশ্বেশস্যাশু তদ্বদ ॥ ৫০.২৯॥

যেন জপ্তেন দেবেশঃ পূজিতো বিল্বপত্রকৈঃ ।
দদাতি মোক্ষসাম্রাজ্যং দেহান্তে তদ্বদাশু মে ॥ ৫০.৩০॥

তদা বিপ্রবচঃ শ্রুৎবা তস্মৈ চোপাদিশৎ স্বয়ম্ ।
সহস্রনাম্নাং দেবস্য হিরণ্যস্যেত্যাদি সত্তম ॥ ৫০.৩১॥

তেন সম্পূজ্য বিশ্বেশং বর্ষমেকমতন্দ্রিতঃ ।
কোমলারক্তবিল্বৈশ্চ স্তোত্রেণানেন তুষ্টুবে ॥ ৫০.৩২॥

সুদর্শনঃ –
আশীবিষাঙ্গপরিমণ্ডলকণ্ঠভাগ-
রাজৎসুসাগরভবোগ্রবিষোরুশোভ ।
ফালস্ফুরজ্জ্বলনদীপ্তিবিদীপিতাশা-
শোকাবকাশ তপনাক্ষ মৃগাঙ্কমৌলে ॥ ৫০.৩৩॥

ক্রুদ্ধোডুজায়াপতিধৃতার্ধশরীরশোভ
পাহ্যাশু শাসিতমখান্ধকদক্ষশত্রো ।
সুত্রামবজ্রকরদণ্ডবিখণ্ডিতোরু-
পক্ষাদ্যঘক্ষিতিধরোর্ধ্বশয়াব শংভো ॥ ৫০.৩৪॥

উৎফুল্লহল্লকলসৎকরবীরমালা-
ভ্রাজৎসুকন্ধরশরীর পিনাকপাণে ।
চঞ্চৎসুচন্দ্রকলিকোত্তমচারুমৌলিং
লিঙ্গে কুলুঞ্চপতিমম্বিকয়া সমেতম্ ॥ ৫০.৩৫॥

ছায়াধবানুজলসচ্ছদনৈঃ পরিপূজ্য ভক্ত্যা
মুক্তেন স্বস্য চ বিরাজিতবংশকোট্যা ।
সায়ং সঙ্গবপুঙ্গবোরুবহনং শ্রীতুঙ্গলিঙ্গার্চকঃ
শাঙ্গঃ পাতকসঙ্গভঙ্গচতুরশ্চাসঙ্গনিত্যান্তরঃ ॥ ৫০.৩৬॥

ফালাক্ষস্ফুরদক্ষিজস্ফুরদুরুস্ফূলিঙ্গদগ্ধাঙ্গকা-
নঙ্গোত্তুঙ্গমতঙ্গকৃত্তিবসনং লিঙ্গং ভজে শাঙ্করম্ ।
অচ্ছাচ্ছাগবহাং সুরতামীক্ষাশিনান্তে বিভো
বৃষ্যং শাঙ্করবাহনামনিরতাঃ সোমং তথা বাজিনম্ ॥ ৫০.৩৭॥

ত্যক্ত্বা জন্মবিনাশনং ৎবিতি মুহুস্তে জিহ্বয়া সত্তমাঃ
যে শংভোঃ সকৃদেব নামনিরতাঃ শাঙ্গাঃ স্বতঃ পাবনাঃ ॥ ৫০.৩৮॥

মৃগাঙ্ক মৌলিমীশ্বরং মৃগেন্দ্রশত্রুজৎবচম্ ।
বসানমিন্দুসপ্রভং মৃগাদ্যবালসৎকরম্ ।
ভজে মৃগেন্দ্রসপ্রভং ??? ??? ॥ ৫০.৩৯॥

স্কন্দঃ –
এবং স্তুবন্তং বিশ্বেশং সুদর্শনমতন্দ্রিতম্ ।
প্রাহেত্থং শৌরিমাভাষ্য শংভোর্ভক্তিবিবর্ধনম্ ॥ ৫০.৪০॥

বিষ্ণুঃ –
অত্রৈবামরণং বিপ্র বস ৎবং নিয়তাশনঃ ।
নাম্নাং সহস্রং প্রজপন্ শতরুদ্রীয়মেব চ ॥ ৫০.৪১॥

অন্তর্গৃহাৎ বহিঃ স্থিৎবা পূজয়াশু মহেশ্বরম্ ।
তবান্তে ভূরিকরুণো মোক্ষং দাস্যত্যসংশয়ম্ ॥ ৫০.৪২॥

স প্রণম্যাহ বিশ্বেশং দৃষ্ট্বা প্রাহ সুদর্শনম্ ।
ধন্যস্ত্বং লিঙ্গেঽপ্যনুদিনগলিতস্বান্তরঙ্গাঘসঙ্ঘঃ
পুংসাং বর্যাদ্যভক্ত্যা যমনিয়মবরৈর্বিশ্ববন্দ্যং প্রভাতে ।
দৎবা বিল্ববরং সদংবুজদলং কিঞ্চিজ্জলং বা মুহুঃ
প্রাপ্নোতীশ্বরপাদপঙ্কজমুমানাথাদ্য মুক্তিপ্রদম্ ॥ ৫০.৪৩॥

কো বা ৎবৎসদৃশো ভবেদগপতিপ্রেমৈকলিঙ্গার্চকো
মুক্তানাং প্রবরোর্ধ্বকেশবিলসচ্ছ্রীভক্তিবীজাঙ্কুরৈঃ ।
দেবা বাপ্যসুরাঃ সুরা মুনিবরা ভারা ভুবঃ কেবলং
বীরা বা করবীরপুষ্পবিলসন্মালাপ্রদে নো সমঃ ॥ ৫০.৪৪॥

বনে বা রাজ্যে বাপ্যগপতিসুতানায়কমহো
স্ফুরল্লিঙ্গার্চায়াং নিয়মমতভাবেন মনসা ।
হরং ভক্ত্যা সাধ্য ত্রিভুবনতৃণাডম্বরবর-
প্ররূঢৈর্ভাগ্যৈর্বা ন হি খলু স সজ্জেত ভুবনে ॥ ৫০.৪৫॥

ন দানৈর্যোগৈর্বা বিধিবিহিতবর্ণাশ্রমভরৈঃ
অপারৈর্বেদান্তপ্রতিবচনবাক্যানুসরণৈঃ ।
ন মন্যেঽহং স্বান্তে ভবভজনভাবেন মনসা
মুহুর্লিঙ্গং শাঙ্গং ভজতি পরমানন্দকুহরঃ ॥ ৫০.৪৬॥

শর্বং পরবতনন্দিনীপতিমহানন্দাম্বুধেঃ পারগা
রাগত্যাগহৃদা বিরাগপরমা ভস্মাঙ্গরাগাদরাঃ ।
মারাপারশরাভিঘাতরহিতা ধীরোরুধারারসৈঃ
পারাবারমহাঘসংসৃতিভরং তীর্ণাঃ শিবাভ্যর্চনাৎ ॥ ৫০.৪৭॥

মার্কণ্ডেয়সুতং পুরাঽন্তকভয়াদ্যোঽরক্ষদীশো হরঃ
তৎপাদাম্বুজরাগরঞ্জিতমনা নাপ্নোতি কিং বা ফলম্ ।
তং মৃত্যুঞ্জয়মঞ্জসা প্রণমতামোজোজিমধ্যে জয়ং
জেতারোতপরাজয়ো জনিজরারোগৈর্বিমুক্তিং লভেৎ ॥ ৫০.৪৮॥

ভূতায়াং ভূতনাথং ৎবঘমতিতিলকাকারভিল্লোত্থশল্যৈঃ
ধাবন্ ভল্লূকপৃষ্ঠে নিশি কিল সুমহদ্ব্যাঘ্রভীত্যাঽরুরোহ ।
বিল্বং নল্বপ্রভং তচ্ছদঘনমসকৃৎ পাতয়ামাস মূলে
নিদ্রাতন্দ্রোজ্ঝিতোঽসৌ মৃগগণকলনে মূললিঙ্গেঽথ শাঙ্গে ॥ ৫০.৪৯॥

তেনাভূদ্ভগবান্ গণোত্তমবরো মুক্তাঘসঙ্ঘস্তদা
চণ্ডাংশোস্তনয়েন পূজিতপদঃ সারূপ্যমাপেশিতুঃ ।
গঙ্গাচন্দ্রকলাকপর্দবিলসৎফালস্ফুলিঙ্গোজ্জ্বলদ্
বালন্যঙ্কুকরাগ্রসংগতমহাশূলাহি টংকোদ্যতঃ ॥ ৫০.৫০॥

চৈত্রে চিত্রৈঃ পাতকৈর্বিপ্রমুক্তো বৈশাখে বৈ দুঃখশাখাবিমুক্তঃ ।
জ্যেষ্ঠে শ্রেষ্ঠো ভবতেষাঢমাসি পুত্রপ্রাপ্তিঃ শ্রাবণে শ্রান্তিনাশঃ ॥ ৫০.৫১॥

ভাদ্রে ভদ্রো ভবতে চাশ্বিনে বৈ অশ্বপ্রাপ্তিঃ কার্তিকে কীর্তিলাভঃ ।
মার্গে মুক্তের্মার্গমেতল্লভেত পুষ্যে পুণ্যং মাঘকে চাঘনাশঃ ॥ ৫০.৫২॥

ফল্গু ৎবংহো ফাল্গুনে মাসি
নশ্যেদীশার্চাতো বিল্বপত্রৈশ্চলিঙ্গে ।
এবং তত্তন্মাসি পূজ্যেশলিঙ্গং
চিত্রৈঃ পাপৈর্বিপ্রমুক্তো দ্বিজেন্দ্রঃ ॥ ৫০.৫৩॥

দূর্বাঙ্কুরৈরভিনবৈঃ শশিধামচূড-
লিঙ্গার্চনেন পরিশেষয়দঙ্কুরাণি ।
সংসারঘোরতররূপকরাণি সদ্যঃ
মুক্ত্যঙ্কুরাণি পরিবর্ধয়তীহ ধন্যঃ ॥ ৫০.৫৪॥

গোক্ষীরেক্ষুক্ষৌদ্রখণ্ডাজ্যদধ্না
সন্নারেলৈঃ পানসাম্রাদিসারৈঃ ।
বিশ্বেশানং সৎসিতারত্নতোয়ৈঃ
গন্ধোদৈর্বা সিঞ্চ্য দোষৈর্বিমুক্তঃ ॥ ৫০.৫৫॥

লিঙ্গং চন্দনলেপসঙ্গতমুমাকান্তস্য পশ্যন্তি যে
তে সংসারভুজঙ্গভঙ্গপতনানঙ্গাঙ্গসঙ্গোজ্ঝিতাঃ ।
ব্যঙ্গং সর্বসমর্চনং ভগবতঃ সাঙ্গং ভবেচ্ছাঙ্করং
শঙ্গাপাঙ্গকৃপাকটাক্ষলহরী তস্মিংশ্চিরং তিষ্ঠতি ॥ ৫০.৫৬॥

মুরলিসরলিরাগৈর্মর্দলৈস্তালশঙ্খৈঃ
পটুপটহনিনাদধ্বান্তসন্ধানঘোষৈঃ ।
দুন্দুভ্যাঘাতবাদৈর্বরয়ুবতিমহানৃত্তসংরংভরঙ্গৈঃ
দর্শেষ্বাদর্শদর্শো ভগবতি গিরিজানায়কে মুক্তিহেতুঃ ॥ ৫০.৫৭॥

স্বচ্ছচ্ছত্রছবীনাং বিবিধজিতমহাচ্ছায়যা ছন্নমৈশং
শীর্ষং বিচ্ছিন্নপাপো ভবতি ভবহরঃ পূজকঃ শম্ভুভক্ত্যা ।
চঞ্চচ্চন্দ্রাভকাণ্ডপ্রবিলসদমলস্বর্ণরত্নাগ্রভাভি-
র্দীপ্যচ্চামরকোটিভিঃ স্ফুটপটঘটিতৈশ্চাকচক্যৈঃ পতাকৈঃ ॥ ৫০.৫৮॥

সম্পশ্যারুণভূরুহোত্তমশিখাসংলেঢিতারাগণং
তারানাথকলাধরোরুসুমহালিঙ্গৌঘসংসেবিতম্ ।
বিল্বানাং কুলমেতদত্র সুমহাপাপৌঘসংহারকৃৎ
বারাণাং নিখিলপ্রমোদজনকং শম্ভোঃ প্রিয়ং কেবলম্ ॥ ৫০.৫৯॥

অন্নং পোত্রিমলায়তে ধনরসং কৌলেয়মূত্রায়তে
সংবেশো নিগলায়তে মম সদানন্দো কন্দায়তে ।
শম্ভো তে স্মরণান্তরায়ভরিত প্রাণঃ কৃপাণায়তে ॥ ৫০.৬০॥

কঃ কল্পদ্রুমুপেক্ষ্য চিত্তফলদং তূলাদিদানক্ষয়ং
বব্বূলং পরিসেবতে ক্ষুদধিকো বাতূলদানক্ষমম্ ।
তদ্বচ্ছঙ্করকিঙ্করো বিধিহরিব্রহ্মেন্দ্রচন্দ্রানলান্
সেবেদ্যো বিধিবঞ্চিতঃ কলিবলপ্রাচুর্যতো মূঢধীঃ ॥ ৫০.৬১॥

সুবর্ণাণ্ডোদ্ভূতস্তুতিগতিসমর্চ্যাণ্ডজবর-
প্রপাদং ৎবাং কশ্চিদ্ ভজতি ভুবনে ভক্তিপরমঃ ।
মহাচণ্ডোদ্দণ্ডপ্রকটিতভুবং তাণ্ডবপরং
বিভুং সন্তং নিত্যং ভজ ভগণনাথামলজটম্ ॥ ৫০.৬২॥

অজগবকর বিষ্ণুবাণ শম্ভো
দুরিতহরান্তকনাশ পাহি মামনাথম্ ।
ভবদভয়পদাব্জবর্যমেত
মম চিত্তসরস্তটান্নয়াতু চাদ্য ॥ ৫০.৬৩॥

ইত্থং বিষ্ণুশ্চ কাশ্যাং প্রমথপতিমগাৎ পূজ্য বিশ্বেশ্বরং তং
ক্ষিতিসুরবরবর্যং চানুশাস্যেত্থমিষ্টম্ ।
স চ মুনিগণমধ্যে প্রাপ্য মুক্তিং তথান্তে
প্রমথপতিপদাব্জে লীনহীনাঙ্গসঙ্গঃ ॥ ৫০.৬৪॥

সূতঃ –
ইত্থং শ্রুৎবা মুনীন্দ্রোঽসৌ জৈগীষব্যোঽবদদ্বিভুম্ ।
প্রণিপত্য প্রহৃষ্টাত্মা ষষ্ঠাংশং বৈ ষডাস্যতঃ ॥ ৫০.৬৫॥

জৈগীষব্যঃ –
মারমারকজানন্দবসতের্মহিমা কথম্ ।
নাম্নাং সহস্রমেতচ্চ বদ মে করুণানিধে ॥ ৫০.৬৬॥

ক্ষেত্রাণাং চাপ্যথান্যানাং মহিমাং বদ সদ্গুরো ।
শূরতারকসংহর্তস্ত্বত্তো নান্যো গুরুর্মম ॥ ৫০.৬৭॥

তচ্ছ্রুৎবা তু মুনের্বাক্যং স্কন্দঃ প্রাহাথ তং মুনিম্ ।

স্কন্দঃ –
আগামিন্যংশকেঽস্মিংস্তব হৃদয়মহানন্দসিন্ধৌ বিধূত্থ-
প্রাচুর্যপ্রকটৈঃ করোপমমহাসপ্তমাংশে বিশেষে ।
নাম্নাং চাপি সহস্রকং ভগবতঃ শম্ভোঃ প্রিয়ং কেবলং
অস্যানন্দবনস্য চৈব মহিমা ৎবং বৈ শৃণুষ্বাদরাৎ ॥ ৫০.৬৮॥

উগ্রোংঽশঃ শশিশেখরেণ কথিতো বেদান্তসারাত্মকঃ
ষষ্ঠঃ ষণ্মুখসত্তমায় স দদৌ তদ্ব্রহ্মণে সোঽপ্যদাৎ ।
পুত্রায়াত্মভবায় তদ্ভবহরং শ্রুৎবা ভবেদ্ জ্ঞানবিৎ
চোক্ত্বা জন্মশতায়ুতার্জিতমহাপাপৈর্বিমুক্তো ভবেৎ ॥ ৫০.৬৯॥

শ্রুৎবাংশমেতদ্ ভবতাপপাপহং শিবাস্পদজ্ঞানদমুত্তমং মহৎ ।
ধ্যানেন বিজ্ঞানদমাত্মদর্শনং দদাতি শম্ভোঃ পদভক্তিভাবতঃ ॥ ৫০.৭০॥

সূতঃ –
অধ্যায়পাদাধ্যযনেঽপি বিদ্যা বুদ্ধ্যা হৃদি ধ্যায়তি বন্ধমুক্ত্যৈ ।
স্বাধ্যায়তান্তায় শমান্বিতায় দদ্যাদ্যদদ্যান্ন বিভেদ্যমেতৎ ॥ ৫০.৭১॥

ইত্থং সূতবচোদ্যতমহানন্দৈকমোদপ্রভা
ভাস্বদ্ভাস্করসপ্রভা মুনিবরাঃ সংতুষ্টুবুস্তং তদা ।
বেদোদ্যদ্বচনাশিষা প্রহৃষিতাঃ সূতং জয়েত্যুচ্চরন্
প্যাহো জগ্মুরতীব হর্ষিতহৃদা বিশ্বেশ্বরং বীক্ষিতুম্ ॥ ৫০.৭২॥

॥ ইতি শ্রীশিবরহস্যে শঙ্করাখ্যে ষষ্ঠাংশে সুদর্শনস্য
মুক্তিলাভবর্ণনং অংশশ্রবণফলনিরূপণং চ নাম পঞ্চাশোঽধ্যায়ঃ ॥

॥ শঙ্করাখ্যঃ ষষ্ঠাংশঃ সমাপ্তঃ॥

॥ সর্বং শ্রীরমণার্পণমস্তু ॥

Also Read:

Ribhu Gita from Shiva Rahasya in Hindi | English | Bengali | Gujarati | Kannada | Malayalam | Oriya | Telugu | Tamil