Sri Shachisunva Ashtakam in Oriya:
ଶଚୀସୂନ୍ଵଷ୍ଟକମ୍
ହରିର୍ଦୃଷ୍ଟ୍ଵା ଗୋଷ୍ଠେ ମୁକୁରଗତମାତ୍ମାନମତୁଲଂ
ସ୍ଵମାଧୁର୍ୟଂ ରାଧପ୍ରିୟତରସଖୀଵାପ୍ତୁମଭିତଃ ।
ଅହୋ ଗୌଡେ ଜାତଃ ପ୍ରଭୁରପରଗୌରୈକତନୁଭାକ୍
ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୧॥
ପୁରୀଦେଵୟାନ୍ତଃପ୍ରଣୟମଧୁନା ସ୍ନାନମଧୁରୋ
ମୁହୁର୍ଗୋଵିନ୍ଦୋଦ୍ୟଦ୍ଵିଶଦପରିଚର୍ୟାର୍ଚିତପଦଃ ।
ସ୍ଵରୂପସ୍ୟ ପ୍ରାଣାର୍ବୁଦପରିଚର୍ୟାର୍ଚିତପଦଃ
ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୨॥
ଦଧାନଃ କୌପୀନଂ ତଦୁପରି ବହିର୍ଵସ୍ତ୍ରମରୁଣଂ
ପ୍ରକାଣ୍ଡୋ ହେମାଦ୍ରିଦ୍ୟୁତିଭିରଭିତଃ ସେଵିତତନୁଃ ।
ମୁଦା ଗାୟନ୍ନୁଚ୍ଚୈର୍ନିଜମଧୁରନାମାଵଲିମସୌ
ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୩॥
ଅନାଵେଦ୍ୟାଂ ପୂର୍ଵୈରପି ମୁନିଗଣୈର୍ଭକ୍ତିନିପୁଣୈଃ
ଶ୍ରୁତେର୍ଗୂଢାଂ ପ୍ରେମୋଜ୍ଜ୍ଵଲରସଫଲାଂ ଭକ୍ତିଲତିକାମ୍ ।
କୃପାଲୁସ୍ତାଂ ଗୌଡେ ପ୍ରଭୁ ଅତିକୃପାଭିଃ ପ୍ରକଟୟ-
ନ୍ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୪॥
ନିଜତ୍ଵେ ଗୌଡୀୟାନ୍ଜଗତି ପରିଗୃହ୍ୟ ପ୍ରଭୁରିମା-
ନ୍ହରେ କୃଷ୍ଣେତ୍ୟେଵଂ ଗଣନଵିଧିନା କୀର୍ତୟତ ଭୋଃ ।
ଇତି ପ୍ରାୟାଂ ଶିକ୍ଷାଂ ଚରଣମଧୁପେଭ୍ୟଃ ପରିଦିଶ-
ନ୍ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୫॥
ପୁରଃ ପଶ୍ୟନ୍ନୀଲାଚଲପତିମୁରୁପ୍ରେମନିଵହୈଃ
କ୍ଷରନ୍ନେତ୍ରାମ୍ଭୋଭିଃ ସ୍ନପିତନିଜଦୀର୍ଘୋଜ୍ଜ୍ଵଲତନୁଃ ।
ସଦା ତିଷ୍ଠନ୍ଦେଶେ ପ୍ରଣୟିଗରୁଡସ୍ତମ୍ଭଚରମେ
ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୬॥
ମୁଦା ଦନ୍ତରି ଦୃଷ୍ଟ୍ଵା ଦ୍ୟୁତିଵିଜିତବନ୍ଧୂକମଧରଂ
କରଂ କୃତ୍ଵା ଵାମଂ କଟିନିହିତମନ୍ୟଂ ପରିଲସନ୍।
ସମୁତ୍ଥାପ୍ୟ ପ୍ରେମ୍ଣାଗଣିତପୁଲକୋ ନୃତ୍ୟକୁତୁକୀ
ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୭॥
ସରୋତ୍ତୀରାରାମେ ଵିରହଵିଧୁରୋ ଗୋକୁଲଵିଧୋ-
ର୍ନଦୀମନ୍ୟାଂ କୁର୍ଵନ୍ନୟନଜଲଧାରାଵିତତିଭିଃ ।
ମୁହୁର୍ମୂର୍ଚ୍ଛାଂ ଗଚ୍ଛନ୍ମୃତକମିଵ ଵିଶ୍ଵଂ ଵିରଚୟ-
ନ୍ଶଚୀସୂନୁଃ କିଂ ମେ ନୟନସରଣୀଂ ୟାସ୍ୟତି ପଦମ୍ ॥ ୮॥
ଶଚୀସୂନୋରସ୍ୟାଷ୍ଟକମିଦମଭୀଷ୍ଟଂ ଵିରଚୟ-
ନ୍ସଦା ଦୈନ୍ୟୋଦ୍ରେକାଦତିଵିଶଦବୁଦ୍ଧିଃ ପଠତି ୟଃ ।
ପ୍ରକାମଂ ଚୈତନ୍ୟଃ ପ୍ରଭୁରତିକୃପାଵେଶଵିଵଶଃ
ପୃଥୁପ୍ରେମାମ୍ଭୋଧୌ ପ୍ରଥିତରସଦେ ମଜ୍ଜୟତି ତମ୍ ॥ ୯॥
ଇତି ଶ୍ରୀରଘୁନାଥଦାସଗୋସ୍ଵାମିଵିରଚିତସ୍ତଵାଵଲ୍ୟାଂ
ଶ୍ରୀଶଚୀସୂନ୍ଵଷ୍ଟକଂ ସମ୍ପୂର୍ଣମ୍ ।
