Shadja Geetaa in Bengali:
॥ ষড্জগীতা ॥
অধ্যায়ঃ ১৬১
ব্
ইত্যুক্তবতি ভীষ্মে তু তূষ্ণী ভূতে যুধিষ্ঠিরঃ ।
পপ্রচ্ছাবসরং গৎবা ভ্রাতৄন্বিদুর পঞ্চমান্ ॥ ১ ॥
ধর্মে চার্থে চ কামে চ লোকবৃত্তিঃ সমাহিতা ।
তেষাং গরীয়ান্কতমো মধ্যমঃ কো লঘুশ্চ কঃ ॥ ২ ॥
কস্মিংশ্চাত্মা নিয়ন্তব্যস্ত্রিবর্গবিজয়ায় বৈ ।
সন্তুষ্টা নৈষ্ঠিকং বাক্যং যথাবদ্বক্তুমর্হথ ॥ ৩ ॥
ততোঽর্থগতিতত্ত্বজ্ঞঃ প্রথমং প্রতিভানবান্ ।
জগাদ বিরুদো বাক্যং ধর্মশাস্ত্রমনুস্মরন্ ॥ ৪ ॥
বাহুশ্রুত্যং তপস্ত্যাগঃ শ্রদ্ধা যজ্ঞক্রিয়া ক্ষমা ।
ভাবশুদ্ধির্দয়া সত্যং সংয়মশ্চাত্মসম্পদঃ ॥ ৫ ॥
এতদেবাভিপদ্যস্ব মা তে ভূচ্চলিতং মনঃ ।
এতন্মূলৌ হি ধর্মার্থাবেতদেকপদং হিতম্ ॥ ৬ ॥
ধর্মেণৈবর্ষয়স্তীর্ণা ধর্মে লোকাঃ প্রতিষ্ঠিতাঃ ।
ধর্মেণ দেবা দিবিগা ধর্মে চার্থঃ সমাহিতঃ ॥ ৭ ॥
ধর্মো রাজন্গুণশ্রেষ্ঠো মধ্যমো হ্যর্থ উচ্যতে ।
কামো যবীয়ানিতি চ প্রবদন্তি মনীষিণঃ ।
তস্মাদ্ধর্মপ্রধানেন ভবিতব্যং যতাত্মনা ॥ ৮ ॥
সমাপ্তবচনে তস্মিন্নর্থশাস্ত্রবিশারদঃ ।
পার্থো বাক্যার্থতত্ত্বজ্ঞো জগৌ বাক্যমতন্দ্রিতঃ ॥ ৯ ॥
কর্মভূমিরিয়ং রাজন্নিহ বার্তা প্রশস্যতে ।
কৃষিবাণিজ্য গোরক্ষ্যং শিল্পানি বিবিধানি চ ॥ ১০ ॥
অর্থ ইত্যেব সর্বেষাং কর্মণামব্যতিক্রমঃ ।
ন ঋতেঽর্থেন বর্তেতে ধর্মকামাবিতি শ্রুতিঃ ॥ ১১ ॥
বিজয়ী হ্যর্থবান্ধর্মমারাধয়িতুমুত্তমম্ ।
কামং চ চরিতুং শক্তো দুষ্প্রাপমকৃতাত্মভিঃ ॥ ১২ ॥
অর্থস্যাবয়বাবেতৌ ধর্মকামাবিতি শ্রুতিঃ ।
অর্থসিদ্ধ্যা হি নির্বৃত্তাবুভাবেতৌ ভবিষ্যতঃ ॥ ১৩ ॥
উদ্ভূতার্থং হি পুরুষং বিশিষ্টতর যোনয়ঃ ।
ব্রহ্মাণমিব ভূতানি সততং পর্যুপাসতে ॥ ১৪ ॥
জটাজিনধরা দান্তাঃ পঙ্কদিগ্ধা জিতেন্দ্রিয়াঃ ।
মুণ্ডা নিস্তন্তবশ্চাপি বসন্ত্যর্থার্থিনঃ পৃথক্ ॥ ১৫ ॥
কাষায়বসনাশ্চান্যে শ্মশ্রুলা হ্রীসুসংবৃতাঃ ।
বিদ্বাংসশ্চৈব শান্তাশ্চ মুক্তাঃ সর্বপরিগ্রহৈঃ ॥ ১৬ ॥
অর্থার্থিনঃ সন্তি কে চিদপরে স্বর্গকাঙ্ক্ষিণঃ ।
কুলপ্রত্যাগমাশ্চৈকে স্বং স্বং মার্গমনুষ্ঠিতাঃ ॥ ১৭ ॥
আস্তিকা নাস্তিকাশ্চৈব নিয়তাঃ সংয়মে পরে ।
অপ্রজ্ঞানং তমো ভূতং প্রজ্ঞানং তু প্রকাশতা ॥ ১৮ ॥
ভৃত্যান্ভোগৈর্দ্বিষো দণ্ডৈর্যো যোজয়তি সোঽর্থবান্ ।
এতন্মতিমতাং শ্রেষ্ঠ মতং মম যথাতথম্ ।
অনয়োস্তু নিবোধ ৎবং বচনং বাক্যকণ্ঠয়োঃ ॥ ১৯ ॥
ততো ধর্মার্থকুশলৌ মাদ্রীপুত্রাবনন্তরম্ ।
নকুলঃ সহদেবশ্চ বাক্যং জগদতুঃ পরম্ ॥ ২০ ॥
আসীনশ্চ শয়ানশ্চ বিচরন্নপি চ স্থিতঃ ।
অর্থয়োগং দৃঢং কুর্যাদ্যোগৈরুচ্চাবচৈরপি ॥ ২১ ॥
অস্মিংস্তু বৈ সুসংবৃত্তে দুর্লভে পরমপ্রিয় ।
ইহ কামানবাপ্নোতি প্রত্যক্ষং নাত্র সংশয়ঃ ॥ ২২ ॥
যোঽর্থো ধর্মেণ সংয়ুক্তো ধর্মো যশ্চার্থসংয়ুতঃ ।
মধ্বিবামৃত সংয়ুক্তং তস্মাদেতৌ মতাবিহ ॥ ২৩ ॥
অনর্থস্য ন কামোঽস্তি তথার্থোঽধর্মিণঃ কুতঃ ।
তস্মাদুদ্বিজতে লোকো ধর্মার্থাদ্যো বহিষ্কৃতঃ ॥ ২৪ ॥
তস্মাদ্ধর্মপ্রধানেন সাধ্যোঽর্থঃ সংয়তাত্মনা ।
বিশ্বস্তেষু চ ভূতেষু কল্পতে সর্ব এব হি ॥ ২৫ ॥
ধর্মং সমাচরেৎপূর্বং তথার্থং ধর্মসংয়ুতম্ ।
ততঃ কামং চরেৎপশ্চাৎসিদ্ধার্থস্য হি তৎফলম্ ॥ ২৬ ॥
বিরেমতুস্তু তদ্বাক্যমুক্ত্বা তাবশ্বিনোঃ সুতৌ ।
ভীমসেনস্তদা বাক্যমিদং বক্তুং প্রচক্রমে ॥ ২৭ ॥
নাকামঃ কাময়ত্যর্থং নাকামো ধর্মমিচ্ছতি ।
নাকামঃ কাময়ানোঽস্তি তস্মাৎকামো বিশিষ্যতে ॥ ২৮ ॥
কামেন যুক্তা ঋষয়স্তপস্যেব সমাহিতাঃ ।
পলাশফলমূলাশা বায়ুভক্ষাঃ সুসংয়তাঃ ॥ ২৯ ॥
বেদোপবাদেষ্বপরে যুক্তাঃ স্বাধ্যায়পারগাঃ ।
শ্রাদ্ধয়জ্ঞক্রিয়ায়াং চ তথা দানপ্রতিগ্রহে ॥ ৩০ ॥
বণিজঃ কর্ষকা গোপাঃ কারবঃ শিল্পিনস্তথা ।
দৈবকর্ম কৃতশ্চৈব যুক্তাঃ কামেন কর্মসু ॥ ৩১ ॥
সমুদ্রং চাবিশন্ত্যন্যে নরাঃ কামেন সংয়ুতাঃ ।
কামো হি বিবিধাকারঃ সর্বং কামেন সন্ততম্ ॥ ৩২ ॥
নাস্তি নাসীন্নাভবিষ্যদ্ভূতং কামাত্মকাৎপরম্ ।
এতৎসারং মহারাজ ধর্মার্থাবত্র সংশ্রিতৌ ॥ ৩৩ ॥
নব নীতং যথা দধ্নস্তথা কামোঽর্থধর্মতঃ ।
শ্রেয়স্তৈলং চ পিণ্যাকাদ্ধৃতং শ্রেয় উদশ্বিতঃ ॥ ৩৪ ॥
শ্রেয়ঃ পুষ্পফলং কাষ্ঠাৎকামো ধর্মার্থয়োর্বরঃ ।
পুষ্পিতো মধ্বিব রসঃ কামাৎসঞ্জায়তে সুখম্ ॥ ৩৫ ॥
সুচারু বেষাভিরলঙ্কৃতাভির্
মদোৎকটাভিঃ প্রিয়বাদিনীভিঃ ।
রমস্ব যোষাভিরুপেত্য কামং
কামো হি রাজংস্তরসাভিপাতী ॥ ৩৬ ॥
বুদ্ধির্মমৈষা পরিষৎস্থিতস্য
মা ভূদ্বিচারস্তব ধর্মপুত্র ।
স্যাৎসংহিতং সদ্ভিরফল্গুসারং
সমেত্য বাক্যং পরমানৃশংস্যম্ ॥ ৩৭ ॥
ধর্মার্থকামাঃ সমমেব সেব্যা
যস্ত্বেকসেবী স নরো জঘন্যঃ ।
দ্বয়োস্তু দক্ষং প্রবদন্তি মধ্যং
স উত্তমো যো নিরতিস্ত্রিবর্গে ॥ ৩৮ ॥
প্রাজ্ঞঃ সুহৃচ্চন্দনসারলিপ্তো
বিচিত্রমাল্যাভরণৈরুপেতঃ ।
ততো বচঃ সঙ্গ্রহবিগ্রহেণ
প্রোক্ত্বা যবীয়ান্বিররাম ভীমঃ ॥ ৩৯ ॥
ততো মুহূর্তাদথ ধর্মরাজো
বাক্যানি তেষাম্ অনুচিন্ত্য সম্যক্ ।
উবাচ বাচাবিতথং স্ময়ন্বৈ
বহুশ্রুতো ধর্মভৃতাং বরিষ্ঠঃ ॥ ৪০ ॥
নিঃসংশয়ং নিশ্চিত ধর্মশাস্ত্রাঃ
সর্বে ভবন্তো বিদিতপ্রমাণাঃ ।
বিজ্ঞাতু কামস্য মমেহ বাক্যম্
উক্তং যদ্বৈ নৈষ্ঠিকং তচ্ছ্রুতং মে ।
ইহ ৎববশ্যং গদতো মমাপি
বাক্যং নিবোধধ্বমনন্যভাবাঃ ॥ ৪১ ॥
যো বৈ ন পাপে নিরতো ন পুণ্যে
নার্থে ন ধর্মে মনুজো ন কামে ।
বিমুক্তদোষঃ সমলোষ্ট কাঞ্চনঃ
স মুচ্যতে দুঃখসুখার্থ সিদ্ধেঃ ॥ ৪২ ॥
ভূতানি জাতী মরণান্বিতানি
জরা বিকারৈশ্চ সমন্বিতানি ।
ভূয়শ্চ তৈস্তৈঃ প্রতিবোধিতানি
মোক্ষং প্রশংসন্তি ন তং চ বিদ্মঃ ॥ ৪৩ ॥
স্নেহে ন বুদ্ধস্য ন সন্তি তানীত্য্
এবং স্বয়ম্ভূর্ভগবানুবাচ ।
বুধাশ্চ নির্বাণপরা বদন্তি
তস্মান্ন কুর্যাৎপ্রিয়মপ্রিয়ং চ ॥ ৪৪ ॥
এতৎপ্রধানং ন তু কামকারো
যথা নিয়ুক্তোঽস্মি তথা চরামি ।
ভূতানি সর্বাণি বিধির্নিয়ুঙ্ক্তে
বিধির্বলীয়ানিতি বিত্তসর্বে ॥ ৪৫ ॥
ন কর্মণাপ্নোত্যনবাপ্যমর্থং
যদ্ভাবি সর্বং ভবতীতি বিত্ত ।
ত্রিবর্গহীনোঽপি হি বিন্দতেঽর্থং
তস্মাদিদং লোকহিতায় গুহ্যম্ ॥ ৪৬ ॥
ততস্তদগ্র্যং বচনং মনোঽনুগং
সমস্তমাজ্ঞায় ততোঽতিহেতুমৎ ।
তদা প্রণেদুশ্চ জহর্ষিরে চ তে
কুরুপ্রবীরায় চ চক্রুরঞ্জলীন্ ॥ ৪৭ ॥
সুচারু বর্ণাক্ষর শব্দভূষিতাং
মনোঽনুগাং নির্ধুত বাক্যকণ্টকাম্ ।
নিশম্য তাং পার্থিব পার্থ ভাষিতাং
গিরং নরেন্দ্রাঃ প্রশশংসুরেব তে ।
পুনশ্চ পপ্রচ্ছ সরিদ্বরাসুতং
ততঃ পরং ধর্মমহীন সত্ত্বঃ ॥ ৪৮ ॥
॥ ইতি ষড্জগীতা সমাপ্তা ॥
Also Read:
Shadja Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
