Templesinindiainfo

Best Spiritual Website

Shri Bala Ashtottara Shatanama Stotram 2 Lyrics in Oriya | Shakthi Slokas

Sri Bala Ashtottarashatanama Stotram 2 Lyrics in Oriya:

ଶ୍ରୀବାଲାଷ୍ଟୋତ୍ତରଶତନାମସ୍ତୋତ୍ରମ୍ ୨
ଶ୍ରୀବାଲା ଶ୍ରୀମହାଦେଵୀ ଶ୍ରୀମତ୍ପଞ୍ଚାସନେଶ୍ଵରୀ ।
ଶିଵଵାମାଙ୍ଗସମ୍ଭୂତା ଶିଵମାନସହଂସିନୀ ॥ ୧ ॥

ତ୍ରିସ୍ଥା ତ୍ରିନେତ୍ରା ତ୍ରିଗୁଣା ତ୍ରିମୂର୍ତିଵଶଵର୍ତିନୀ ।
ତ୍ରିଜନ୍ମପାପସଂହର୍ତ୍ରୀ ତ୍ରିୟମ୍ବକକୁଟମ୍ବିନୀ ॥ ୨ ॥

ବାଲାର୍କକୋଟିସଙ୍କାଶା ନୀଲାଲକଲସତ୍କଚା ।
ଫାଲସ୍ଥହେମତିଲକା ଲୋଲମୌକ୍ତିକନାସିକା ॥ ୩ ॥

ପୂର୍ଣଚନ୍ଦ୍ରାନନା ଚୈଵ ସ୍ଵର୍ଣତାଟଙ୍କଶୋଭିତା ।
ହରିଣୀନେତ୍ରସାକାରକରୁଣାପୂର୍ଣଲୋଚନା ॥ ୪ ॥

ଦାଡିମୀବୀଜରଦନା ବିମ୍ବୋଷ୍ଠୀ ମନ୍ଦହାସିନୀ ।
ଶଙ୍ଖଃଗ୍ରୀଵା ଚତୁର୍ହସ୍ତା କୁଚପଙ୍କଜକୁଡ୍ମଲା ॥ ୫ ॥

ଗ୍ରୈଵେୟାଙ୍ଗଦମାଙ୍ଗଲ୍ୟସୂତ୍ରଶୋଭିତକନ୍ଧରା ।
ଵଟପତ୍ରୋଦରା ଚୈଵ ନିର୍ମଲା ଘନମଣ୍ଡିତା ॥ ୬ ॥

ମନ୍ଦାଵଲୋକିନୀ ମଧ୍ୟା କୁସୁମ୍ଭଵଦନୋଜ୍ଜ୍ଵଲା ।
ତପ୍ତକାଞ୍ଚନକାନ୍ତ୍ୟାଢ୍ୟା ହେମଭୂଷିତଵିଗ୍ରହା ॥ ୭ ॥

ମାଣିକ୍ୟମୁକୁରାଦର୍ଶଜାନୁଦ୍ଵୟଵିରାଜିତା ।
କାମତୂଣୀରଜଘନା କାମପ୍ରେଷ୍ଠଗତଲ୍ପଗା ॥ ୮ ॥

ରକ୍ତାବ୍ଜପାଦୟୁଗଲା କ୍ଵଣନ୍ମାଣିକ୍ୟନୂପୁରା ।
ଵାସଵାଦିଦିଶାନାଥପୂଜିତାଙ୍ଘ୍ରିସରୋରୁହା ॥ ୯ ॥

ଵରାଭୟସ୍ଫାଟିକାକ୍ଷମାଲାପୁସ୍ତକଧାରିଣୀ ।
ସ୍ଵର୍ଣକଙ୍କଣଜାଲାଭକରାଙ୍ଗୁଷ୍ଠଵିରାଜିତା ॥ ୧୦ ॥

ସର୍ଵାଭରଣଭୂଷାଢ୍ୟା ସର୍ଵାଵୟଵସୁନ୍ଦରୀ ।
ଐଙ୍କାରରୂପା ଐଙ୍କାରୀ ଐଶ୍ଵର୍ୟଫଲଦାୟିନୀ ॥ ୧୧ ॥

କ୍ଲୀଂଙ୍କାରରୂପା କ୍ଲୀଙ୍କାରୀ କ୍ଲୃପ୍ତବ୍ରହ୍ମାଣ୍ଡମଣ୍ଡଲା ।
ସୌଃକାରରୂପା ସୌଃ କାରୀ ସୌନ୍ଦର୍ୟଗୁଣସଂୟୁତା ॥ ୧୨ ॥

ସଚାମରରତୀନ୍ଦ୍ରାଣୀ ସଵ୍ୟଦକ୍ଷିଣସେଵିତା ।
ବିନ୍ଦୁତ୍ରିକୋଣଷଟ୍କୋଣଵୃତ୍ତାଷ୍ଟଦଲସଂୟୁତା ॥ ୧୩ ॥

ସତ୍ୟାଦିଲୋକପାଲାନ୍ତଦେଵ୍ୟାଵରଣସଂଵୃତା ।
ଓଡ୍ୟାଣପୀଠନିଲୟା ଓଜସ୍ତେଜଃସ୍ଵରୂପିଣୀ ॥ ୧୪ ॥

ଅନଙ୍ଗପୀଠନିଲୟା କାମିତାର୍ଥଫଲପ୍ରଦା ।
ଜାଲନ୍ଧରମହାପୀଠା ଜାନକୀନାଥସୋଦରୀ ॥ ୧୫ ॥

ପୂର୍ଣାଗିରିପୀଠଗତା ପୂର୍ଣାୟୁଃ ସୁପ୍ରଦାୟିନୀ ।
ମନ୍ତ୍ରମୂର୍ତିର୍ମହାୟୋଗା ମହାଵେଗା ମହାବଲା ॥ ୧୬ ॥

ମହାବୁଦ୍ଧିର୍ମହାସିଦ୍ଧିର୍ମହାଦେଵମନୋହରୀ ।
କୀର୍ତିୟୁକ୍ତା କୀର୍ତିଧରା କୀର୍ତିଦା କୀର୍ତିଵୈଭଵା ॥ ୧୭ ॥

ଵ୍ୟାଧିଶୈଲଵ୍ୟୂହଵଜ୍ରା ୟମଵୃକ୍ଷକୁଠାରିକା ।
ଵରମୂର୍ତିଗୃହାଵାସା ପରମାର୍ଥସ୍ଵରୂପିଣୀ ॥ ୧୮ ॥

କୃପାନିଧିଃ କୃପାପୂରା କୃତାର୍ଥଫଲଦାୟିନୀ ।
ଅଷ୍ଟାତ୍ରିଂଶତ୍କଲାମୂର୍ତିଃ ଚତୁଃଷଷ୍ଟିକଲାତ୍ମିକା ॥ ୧୯ ॥

ଚତୁରଙ୍ଗବଲାଦାତ୍ରୀ ବିନ୍ଦୁନାଦସ୍ଵରୂପିଣୀ ।
ଦଶାବ୍ଦଵୟସୋପେତା ଦିଵିପୂଜ୍ୟା ଶିଵାଭିଧା ॥ ୨୦ ॥

ଆଗମାରଣ୍ୟମାୟୂରୀ ଆଦିମଧ୍ୟାନ୍ତଵର୍ଜିତା ।
କଦମ୍ବଵନସମ୍ପନ୍ନା ସର୍ଵଦୋଷଵିନାଶିନୀ ॥ ୨୧ ॥

ସାମଗାନପ୍ରିୟା ଧ୍ୟେୟା ଧ୍ୟାନସିଦ୍ଧାଭିଵନ୍ଦିତା ।
ଜ୍ଞାନମୂର୍ତିର୍ଜ୍ଞାନରୂପା ଜ୍ଞାନଦା ଭୟସଂହରା ॥ ୨୨ ॥

ତତ୍ତ୍ଵଜ୍ଞାନା ତତ୍ତ୍ଵରୂପା ତତ୍ତ୍ଵମୟ୍ୟାଶ୍ରିତାଵନୀ ।
ଦୀର୍ଘାୟୁର୍ଵିଜୟାରୋଗ୍ୟପୁତ୍ରପୌତ୍ରପ୍ରଦାୟିନୀ ॥ ୨୩ ॥

ମନ୍ଦସ୍ମିତମୁଖାମ୍ଭୋଜା ମଙ୍ଗଲପ୍ରଦମଙ୍ଗଲା ।
ଵରଦାଭୟମୁଦ୍ରାଢ୍ୟା ବାଲାତ୍ରିପୁରସୁନ୍ଦରୀ ॥ ୨୪ ॥

ବାଲାତ୍ରିପୁରସୁନ୍ଦର୍ୟା ନାମ୍ନାମଷ୍ଟୋତ୍ତରଂ ଶତମ୍ ।
ପଠନାନ୍ମନନାଦ୍‍ଧ୍ୟାନାତ୍ସର୍ଵମଙ୍ଗଲକାରକମ୍ ॥ ୨୫ ॥

ଇତି ଶ୍ରୀବାଲାଷ୍ଟୋତ୍ତରଶତନାମସ୍ତୋତ୍ରଂ (୨) ସମ୍ପୂର୍ଣମ୍ ।

Also Read:

Shri Bala Ashtottara Shatanama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Shri Bala Ashtottara Shatanama Stotram 2 Lyrics in Oriya | Shakthi Slokas

Leave a Reply

Your email address will not be published. Required fields are marked *

Scroll to top