Templesinindiainfo

Best Spiritual Website

Shri Bala Ashtottara Shatanama Stotram 2 Lyrics in Telugu | Shakthi Slokas

Sri Bala Ashtottarashatanama Stotram 2 Lyrics in Telugu:

శ్రీబాలాష్టోత్తరశతనామస్తోత్రమ్ ౨
శ్రీబాలా శ్రీమహాదేవీ శ్రీమత్పఞ్చాసనేశ్వరీ ।
శివవామాఙ్గసమ్భూతా శివమానసహంసినీ ॥ ౧ ॥

త్రిస్థా త్రినేత్రా త్రిగుణా త్రిమూర్తివశవర్తినీ ।
త్రిజన్మపాపసంహర్త్రీ త్రియమ్బకకుటమ్బినీ ॥ ౨ ॥

బాలార్కకోటిసఙ్కాశా నీలాలకలసత్కచా ।
ఫాలస్థహేమతిలకా లోలమౌక్తికనాసికా ॥ ౩ ॥

పూర్ణచన్ద్రాననా చైవ స్వర్ణతాటఙ్కశోభితా ।
హరిణీనేత్రసాకారకరుణాపూర్ణలోచనా ॥ ౪ ॥

దాడిమీబీజరదనా బిమ్బోష్ఠీ మన్దహాసినీ ।
శఙ్ఖఃగ్రీవా చతుర్హస్తా కుచపఙ్కజకుడ్మలా ॥ ౫ ॥

గ్రైవేయాఙ్గదమాఙ్గల్యసూత్రశోభితకన్ధరా ।
వటపత్రోదరా చైవ నిర్మలా ఘనమణ్డితా ॥ ౬ ॥

మన్దావలోకినీ మధ్యా కుసుమ్భవదనోజ్జ్వలా ।
తప్తకాఞ్చనకాన్త్యాఢ్యా హేమభూషితవిగ్రహా ॥ ౭ ॥

మాణిక్యముకురాదర్శజానుద్వయవిరాజితా ।
కామతూణీరజఘనా కామప్రేష్ఠగతల్పగా ॥ ౮ ॥

రక్తాబ్జపాదయుగలా క్వణన్మాణిక్యనూపురా ।
వాసవాదిదిశానాథపూజితాఙ్ఘ్రిసరోరుహా ॥ ౯ ॥

వరాభయస్ఫాటికాక్షమాలాపుస్తకధారిణీ ।
స్వర్ణకఙ్కణజాలాభకరాఙ్గుష్ఠవిరాజితా ॥ ౧౦ ॥

సర్వాభరణభూషాఢ్యా సర్వావయవసున్దరీ ।
ఐఙ్కారరూపా ఐఙ్కారీ ఐశ్వర్యఫలదాయినీ ॥ ౧౧ ॥

క్లీంఙ్కారరూపా క్లీఙ్కారీ క్లృప్తబ్రహ్మాణ్డమణ్డలా ।
సౌఃకారరూపా సౌః కారీ సౌన్దర్యగుణసంయుతా ॥ ౧౨ ॥

సచామరరతీన్ద్రాణీ సవ్యదక్షిణసేవితా ।
బిన్దుత్రికోణషట్కోణవృత్తాష్టదలసంయుతా ॥ ౧౩ ॥

సత్యాదిలోకపాలాన్తదేవ్యావరణసంవృతా ।
ఓడ్యాణపీఠనిలయా ఓజస్తేజఃస్వరూపిణీ ॥ ౧౪ ॥

అనఙ్గపీఠనిలయా కామితార్థఫలప్రదా ।
జాలన్ధరమహాపీఠా జానకీనాథసోదరీ ॥ ౧౫ ॥

పూర్ణాగిరిపీఠగతా పూర్ణాయుః సుప్రదాయినీ ।
మన్త్రమూర్తిర్మహాయోగా మహావేగా మహాబలా ॥ ౧౬ ॥

మహాబుద్ధిర్మహాసిద్ధిర్మహాదేవమనోహరీ ।
కీర్తియుక్తా కీర్తిధరా కీర్తిదా కీర్తివైభవా ॥ ౧౭ ॥

వ్యాధిశైలవ్యూహవజ్రా యమవృక్షకుఠారికా ।
వరమూర్తిగృహావాసా పరమార్థస్వరూపిణీ ॥ ౧౮ ॥

కృపానిధిః కృపాపూరా కృతార్థఫలదాయినీ ।
అష్టాత్రింశత్కలామూర్తిః చతుఃషష్టికలాత్మికా ॥ ౧౯ ॥

చతురఙ్గబలాదాత్రీ బిన్దునాదస్వరూపిణీ ।
దశాబ్దవయసోపేతా దివిపూజ్యా శివాభిధా ॥ ౨౦ ॥

ఆగమారణ్యమాయూరీ ఆదిమధ్యాన్తవర్జితా ।
కదమ్బవనసమ్పన్నా సర్వదోషవినాశినీ ॥ ౨౧ ॥

సామగానప్రియా ధ్యేయా ధ్యానసిద్ధాభివన్దితా ।
జ్ఞానమూర్తిర్జ్ఞానరూపా జ్ఞానదా భయసంహరా ॥ ౨౨ ॥

తత్త్వజ్ఞానా తత్త్వరూపా తత్త్వమయ్యాశ్రితావనీ ।
దీర్ఘాయుర్విజయారోగ్యపుత్రపౌత్రప్రదాయినీ ॥ ౨౩ ॥

మన్దస్మితముఖామ్భోజా మఙ్గలప్రదమఙ్గలా ।
వరదాభయముద్రాఢ్యా బాలాత్రిపురసున్దరీ ॥ ౨౪ ॥

బాలాత్రిపురసున్దర్యా నామ్నామష్టోత్తరం శతమ్ ।
పఠనాన్మననాద్‍ధ్యానాత్సర్వమఙ్గలకారకమ్ ॥ ౨౫ ॥

ఇతి శ్రీబాలాష్టోత్తరశతనామస్తోత్రం (౨) సమ్పూర్ణమ్ ।

Also Read:

Shri Bala Ashtottara Shatanama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Shri Bala Ashtottara Shatanama Stotram 2 Lyrics in Telugu | Shakthi Slokas

Leave a Reply

Your email address will not be published. Required fields are marked *

Scroll to top