ଶ୍ରୀଗୋଵର୍ଧନାଷ୍ଟକମ୍ Lyrics in Oriya:
କୃଷ୍ଣପ୍ରସାଦେନ ସମସ୍ତଶୈଲ
ସାମ୍ରାଜ୍ୟମାପ୍ନୋତି ଚ ଵୈରିଣୋଽପି ।
ଶକ୍ରସ୍ୟ ୟଃ ପ୍ରାପ ବଲିଂ ସ ସାକ୍ଷା-
ଦ୍ଗୋଵର୍ଧନୋ ମେ ଦିଶତାମଭୀଷ୍ଟମ୍ ॥ ୧॥
ସ୍ଵପ୍ରେଷ୍ଠହସ୍ତାମ୍ବୁଜସୌକୁମାର୍ୟ
ସୁଖାନୁଭୂତେରତିଭୂମି ଵୃତ୍ତେଃ ।
ମହେନ୍ଦ୍ରଵଜ୍ରାହତିମପ୍ୟଜାନନ୍
ଗୋଵର୍ଧନୋ ମେ ଦିଷତାମଭୀଷ୍ଟମ୍ ॥ ୨॥
ୟତ୍ରୈଵ କୃଷ୍ଣୋ ଵୃଷଭାନୁପୁତ୍ର୍ୟା
ଦାନଂ ଗୃହୀତୁଂ କଲହଂ ଵିତେନେ ।
ଶ୍ରୁତେଃ ସ୍ପୃହା ୟତ୍ର ମହତ୍ୟତଃ ଶ୍ରୀ
ଗୋଵର୍ଧନୋ ମେ ଦିଷତାମଭିଷ୍ଟମ୍ ॥ ୩॥
ସ୍ନାତ୍ଵା ସରଃ ସ୍ଵଶୁ ସମୀର ହସ୍ତୀ
ୟତ୍ରୈଵ ନୀପାଦିପରାଗ ଧୂଲିଃ ।
ଆଲୋଲୟନ୍ ଖେଲତି ଚାରୁ ସ ଶ୍ରୀ
ଗୋଵର୍ଧନୋ ମେ ଦିଷତାମଭୀଷ୍ଟମ୍ ॥ ୪॥
କସ୍ତୂରିକାଭିଃ ଶୟିତଂ କିମତ୍ରେ-
ତ୍ୟୂହଂ ପ୍ରଭୋଃ ସ୍ଵସ୍ୟ ମୁହୁର୍ଵିତନ୍ଵନ୍ ।
ନୈସର୍ଗିକସ୍ଵୀୟଶିଲାସୁଗନ୍ଧୈ-
ର୍ଗୋଵର୍ଧନୋ ମେ ଦିଷତାମଭୀଷ୍ଟମ୍ ॥ ୫॥
ଵଂଶପ୍ରତିଧ୍ଵନ୍ୟନୁସାରଵର୍ତ୍ମ
ଦିଦୃକ୍ଷଵୋ ୟତ୍ର ହରିଂ ହରିଣ୍ୟାଃ ।
ୟାନ୍ତ୍ୟୋ ଲଭନ୍ତେ ନ ହି ଵିସ୍ମିତାଃ ସ
ଗୋଵର୍ଧନୋ ମେ ଦିଷତାମଭୀଷ୍ଟମ୍ ॥ ୬॥
ୟତ୍ରୈଵ ଗଙ୍ଗାମନୁ ନାଵି ରାଧାଂ
ଆରୋହ୍ୟ ମଧ୍ୟେ ତୁ ନିମଗ୍ନନୌକଃ ।
କୃଷ୍ଣୋ ହି ରାଧାନୁଗଲୋ ବଭୌ ସ
ଗୋଵର୍ଧନୋ ମେ ଦିଷତାମଭୀଷ୍ଟମ୍ ॥ ୭॥
ଵିନା ଭଵେତ୍କିଂ ହରିଦାସଵର୍ୟ
ପଦାଶ୍ରୟଂ ଭକ୍ତିରତଃ ଶ୍ରୟାମି ।
ୟମେଵ ସପ୍ରେମ ନିଜେଶୟୋଃ ଶ୍ରୀ
ଗୋଵର୍ଧନୋ ମେ ଦିଷତାମଭୀଷ୍ଟମ୍ ॥ ୮॥
ଏତତ୍ପଠେଦ୍ୟୋ ହରିଦାସଵର୍ୟ
ମହାନୁଭାଵାଷ୍ଟକମାର୍ଦ୍ରଚେତାଃ ।
ଶ୍ରୀରାଧିକାମାଧଵୟୋଃ ପଦାବ୍ଜ
ଦାସ୍ୟଂ ସ ଵିନ୍ଦେଦଚିରେଣ ସାକ୍ଷାତ୍ ॥ ୯॥
ଇତି ମହାମହୋପାଧ୍ୟାୟଶ୍ରୀଵିଶ୍ଵନାଥଚକ୍ରଵର୍ତିଵିରଚିତଂ
ଶ୍ରୀଗୋଵର୍ଧନାଷ୍ଟକଂ ସମାପ୍ତମ୍ ।