ശ്രീജഗന്‍മോഹനാഷ്ടകം Lyrics in Malayalam:
ശ്രീവിശ്വനാഥചക്രവര്‍തിവിരചിതം
ഗുഞ്ജാവലീവേഷ്ടിതചിത്രപുഷ്പചൂഡാവലന്‍മഞ്ജുലനവ്യപിച്ഛം ।
ഗോരോചനാചാരുതമാലപത്രം വന്ദേ ജഗന്‍മോഹനമിഷ്ടദേവം ॥ 1॥
ഭ്രൂവല്‍ഗനോന്‍മാദിതഗോപനാരീകടാക്ഷബാണാവലിവിദ്ധനേത്രം ।
നാസാഗ്രരാജന്‍മണിചാരുമുക്തം വന്ദേ ജഗന്‍മോഹനമിഷ്ടദേവം ॥ 2॥
ആലോലവക്രാലകകാന്തിചുംബിഗണ്ഡസ്ഥലപ്രോന്നതചാരഹാസ്യം ।
വാമപ്രഗണ്ഡോച്ചലകുണ്ഡലാന്തം വന്ദേ ജഗന്‍മോഹനഭിഷ്ടദേവം ॥ 3॥
ബന്ധൂകബിംബദ്യുതിനിന്ദികുഞ്ചത്പ്രാന്താധരഭ്രാജിതവേണുവക്ത്രം ।
കിഞ്ചിത്തിരശ്ചീനശിരോധിഭാതം വന്ദേ ജഗന്‍മോഹനമിഷ്ടദേവം ॥ 4॥
അകുണ്ഠരേഖാത്രയരാജികണ്ഠഖേലത്സ്വരാലിശ്രുതിരാഗരാജിം ।
വക്ഷഃസ്ഫുരത്കൌസ്തുഭമുന്നതാംസം വന്ദേ ജഗന്‍മോഹനമിഷ്ടദേവം ॥ 5॥
ആജാനുരാജദ്വലയാങ്ഗദാഞ്ചിസ്മരാര്‍ഗലാകാരസുവൃത്തബാഹും ।
അനര്‍ഘമുക്താമണിപുഷ്പമാലം വന്ദേ ജഗന്‍മോഹനമിഷ്ടദേവം ॥ 6॥
ശ്വാസൈജദശ്വത്ഥദലാഭതുന്ദമധ്യസ്ഥരോമാവലിരംയരേഖം ।
പീതാംബരം മഞ്ജുലകിങ്കിണീകം വന്ദേ ജഗന്‍മോഹനമിഷ്ടദേവം ॥ 7॥
വ്യത്യസ്തപാദം മണിനൂപുരാഢ്യം ശ്യാമം ത്രിഭങ്ഗം സുരശാഖിമൂലേ ।
ശ്രീരാധയാ സാര്‍ധമുദാരലീലം വന്ദേ ജഗന്‍മോഹനമിഷ്ടദേവം ॥ 8॥
ശ്രീമജ്ജഗന്‍മോഹനദേവമേതത്പദ്യാഷ്ടകേന സ്മരതോ ജനസ്യ ।
പ്രേമാ ഭവേദ്യേന തദങ്ഘ്രിസാക്ഷാത്സേവാമൃതേനൈവ നിമജ്ജനം സ്യാത് ॥ 9॥
ഇതി ശ്രീവിശ്വനാഥചക്രവര്‍തിവിരചിതം ശ്രീജഗന്‍മോഹനാഷ്ടകം സമ്പൂര്‍ണം ।