શ્રીકૃષ્ણાષ્ટક બ્રહ્માનન્દવિરચિતં Lyrics in Gujarati:
શ્રી ગણેશાય નમઃ ।
ચતુર્મુખાદિસંસ્તુતં સમસ્તસાત્વતાનુતમ્ ।
હલાયુધાદિસંયુતં નમામિ રાધિકાધિપમ્ ॥ ૧॥
બકાદિદૈત્યકાલકં સગોપગોપિપાલકમ્ ।
મનોહરાસિતાલકં નમામિ રાધિકાધિપમ્ ॥ ૨॥
સુરેન્દ્રગર્વગઞ્જનં વિરઞ્ચિમોહભઞ્જનમ્ ।
વ્રજાઙ્ગનાનુરઞ્જનં નમામિ રાધિકાધિપમ્ ॥ ૩॥
મયૂરપિચ્છમણ્ડનં ગજેન્દ્રદન્તખણ્ડનમ્ ।
નૃશંસકંસદણ્ડનં નમામિ રાધિકાધિપમ્ ॥ ૪॥
પ્રદત્તવિપ્રદારકં સુદામધામકારકમ્ ।
સુરદ્રુમાપહારકં નમામિ રાધિકાધિપમ્ ॥ ૫॥
ધનઞ્જયાજયાવહં મહાચમૂક્ષયાવહમ્ ।
પિતામહવ્યથાપહં નમામિ રાધિકાધિપમ્ ॥ ૬॥
મુનીન્દ્રશાપકારણં યદુપ્રજાપહારણમ્ ।
ધરાભરાવતારણં નમામિ રાધિકાધિપમ્ ॥ ૭॥
સુવૃક્ષમૂલશાયિનં મૃગારિમોક્ષદાયિનમ્ ।
સ્વકીયધામમાયિનં નમામિ રાધિકાધિપમ્ ॥ ૮॥
ઇદં સમાહિતો હિતં વરાષ્ટકં સદા મુદા ।
જપઞ્જનો જનુર્જરાદિતો દ્રુતં પ્રમુચ્યતે ॥ ૯॥
॥ ઇતિ શ્રીપરમહંસબ્રહ્માનન્દવિરચિતં શ્રીકૃષ્ણાષ્ટકં સમ્પૂર્ણમ્ ॥