Shri Navanita Priya Ashtakam Lyrics in Kannada | ಶ್ರೀನವನೀತಪ್ರಿಯಾಷ್ಟಕಮ್

ಶ್ರೀನವನೀತಪ್ರಿಯಾಷ್ಟಕಮ್ Lyrics in Kannada:

ಅಲಕಾವೃತಲಸದಲಿಕೇ ವಿರಚಿತಕಸ್ತೂರಿಕಾತಿಲಕೇ ।
ಚಪಲಯಶೋದಾಬಾಲೇ ಶೋಭಿತಭಾಲೇ ಮತಿರ್ಮೇಽಸ್ತು ॥ 1॥

ಮುಖರಿತನೂಪುರಚರಣೇ ಕಟಿಬದ್ಧಕ್ಷುದ್ರಘಂಟಿಕಾವರಣೇ ।
ದ್ವೀಪಿಕರಜಕೃತಭೂಷಣಭೂಷಿತಹೃದಯೇ ಮತಿರ್ಮೇಽಸ್ತು ॥ 2॥

ಕರಧೃತನವನವನೀತೇ ಹಿತಕೃತಜನನೀವಿಭೀಷಿಕಾಭಿತೇ ।
ರತಿಮುದ್ವಹತಾಚ್ಚೇತೋ ಗೋಪೀಭಿರ್ವಶ್ಯತಾಂ ನೀತೇ ॥ 3॥

ಬಾಲದಶಾಮತಿಮುಗ್ಧೇ ಚೋರಿತದುಗ್ಧೇ ವ್ರಜಾಂಗನಾಭವನಾತ್ ।
ತದುಪಾಲಮ್ಭವಚೋಭಯವಿಭ್ರಮನಯನೇ ಮತಿರ್ಮೇಽಸ್ತು ॥ 4॥

ವ್ರಜಕರ್ದಮಲಿಪ್ತಾಂಗೇ ಸ್ವರೂಪಸುಷಮಾಜಿತಾನಂಗೇ ।
ಕೃತನನ್ದಾಂಗಣರಿಂಗಣ ವಿವಿಧವಿಹಾರೇ ಮತಿರ್ಮೇಽಸ್ತು ॥ 5॥

ಕರವರಧೃತಲಘುಲಕುಟೇ ವಿಚಿತ್ರಮಾಯೂರಚನ್ದ್ರಿಕಾಮುಕುಟೇ ।
ನಾಸಾಗತಮುಕ್ತಾಮಣಿಜಟಿತವಿಭೂಷೇ ಮತಿರ್ಮೇಽಸ್ತು ॥ 6॥

ಅಭಿನನ್ದನಕೃತನೃತ್ಯೇ ವಿರಚಿತನಿಜಗೋಪಿಕಾಕೃತ್ಯೇ ।
ಆನನ್ದಿತನಿಜಭೃತ್ಯೇ ಪ್ರಹಸನಮುದಿತೇ ಮತಿರ್ಮೇಽಸ್ತು ॥ 7॥

ಕಾಮಾದಪಿ ಕಮನೀಯೇ ನಮನೀಯೇ ಬ್ರಹ್ಮರುದ್ರಾದ್ಯೈಃ ।
ನಿಃಸಾಧವಭಜನೀಯೇ ಭಾವತನೌ ಮೇ ಮತಿರ್ಭೂಯಾತ್ ॥ 8॥

ಇತಿ ಶ್ರೀಹರಿದಾಸವಿರಚಿತಂ ಶ್ರೀನವನೀತಪ್ರಿಯಾಷ್ಟಕಂ ಸಮ್ಪೂರ್ಣಮ್ ॥