Ashtottara Shatanama

Shri Nrisinha Ashtottara Shatanama Stotram 2 Lyrics in Oriya | Narasimha Slokas

Sri Nrusimha Giri Ashtothara Shatanama Stotram 2 Lyrics in Oriya:

ଶ୍ରୀନୃସିଂହାଷ୍ଟୋତ୍ତରଶତନାମସ୍ତୋତ୍ରମ୍ ୨

॥ ଶ୍ରୀଃ ॥

। ରୁଦ୍ରାଦ୍ୟା ଊଚୁଃ ।
ଓଂ ନମୋ ନାରସିଂହାୟ ତୀକ୍ଷ୍ଣ-ଦଂଷ୍ଟ୍ରାୟ ତେ ନମଃ ।
ନମୋ ଵଜ୍ର-ନଖାୟୈଵ ଵିଷ୍ଣଵେ ଜିଷ୍ଣଵେ ନମଃ ॥ ୧ ॥

ସର୍ଵବୀଜାୟ ସତ୍ୟାୟ ସର୍ଵଚୈତନ୍ୟ-ରୂପିଣେ ।
ସର୍ଵାଧାରାୟ ସର୍ଵସ୍ମୈ ସର୍ଵଗାୟ ନମୋ ନମଃ ॥ ୨ ॥

ଵିଶ୍ଵସ୍ମୈ ଵିଶ୍ଵଵନ୍ଦ୍ୟାୟ ଵିରିଞ୍ଚି-ଜନକାୟ ଚ ।
ଵାଗୀଶ୍ଵରାୟ ଵେଦ୍ୟାୟ ଵେଧସେ ଵେଦମୌଲୟେ ॥ ୩ ॥

ନମୋ ରୁଦ୍ରାୟ ଭଦ୍ରାୟ ମଙ୍ଗଲାୟ ମହାତ୍ମନେ ।
କରୁଣାୟ ତୁରୀୟାୟ ଶିଵାୟ ପରମାତ୍ମନେ ॥ ୪ ॥

ହିରଣ୍ୟକଶିପୁ-ପ୍ରାଣ-ହରଣାୟ ନମୋ ନମଃ ।
ପ୍ର୍ହ୍ଲାଦ-ଧ୍ୟାୟମାନାୟ ପ୍ରହ୍ଲାଦାର୍ତି-ହରାୟ ଚ ॥ ୫ ॥

ପ୍ରହ୍ଲାଦ-ସ୍ଥିରସାମ୍ରାଜ୍ୟ-ଦାୟକାୟ ନମୋ ନମଃ ।
ଦୈତ୍ୟ-ଵକ୍ଷୋଵିଦଲନ-ଵ୍ୟଗ୍ର-ଵଜ୍ରନଖାୟ ଚ ॥ ୬ ॥

ଆନ୍ତ୍ରମାଲା-ଵିଭୂଷାୟ ମହାରୌଦ୍ରାୟ ତେ ନମଃ ।
ନମ ଉଗ୍ରାୟ ଵୀରାୟ ଜ୍ଵଲତେ ଭୀଷଣାୟ ଚ ॥ ୭ ॥

ସର୍ଵତୋମୁଖ-ଦୁର୍ଵାର-ତେଜୋ-ଵିକ୍ରମଶାଲିନେ ।
ନରସିଂହାୟ ରୌଦ୍ରାୟ ନମସ୍ତେ ମୃତ୍ୟୁମୃତ୍ୟଵେ ॥ ୮ ॥

ମତ୍ସ୍ୟାଦ୍ୟନନ୍ତ-କଲ୍ୟାଣ-ଲୀଲା-ଵୈଭଵକାରିଣେ ।
ନମୋ ଵ୍ୟୂହଚତୁଷ୍କାୟ ଦିଵ୍ୟାର୍ଚା-ରୂପଧାରିଣେ ॥ ୯ ॥

ପରସ୍ମୈ ପାଞ୍ଚଜନ୍ୟାଦି-ପଞ୍ଚ-ଦିଵ୍ୟାୟୁଧାୟ ଚ ।
ତ୍ରିସାମ୍ନେ ଚ ତ୍ରିଧାମ୍ନେ ଚ ତ୍ରିଗୁଣାତୀତ-ମୂର୍ତୟେ ॥ ୧୦ ॥

ୟୋଗାରୂଢାୟ ଲକ୍ଷ୍ୟାୟ ମାୟାତୀତାୟ ମାୟିନେ ।
ମନ୍ତ୍ରରାଜାୟ ଦୁର୍ଦୋଷ-ଶମନାୟେଷ୍ଟଦାୟ ଚ ॥ ୧୧ ॥

ନମଃ କିରୀଟ-ହାରାଦି-ଦିଵ୍ୟାଭରଣ-ଧାରିଣେ ।
ସର୍ଵାଲଙ୍କାର-ୟୁକ୍ତାୟ ଲକ୍ଷ୍ମୀଲୋଲାୟ ତେ ନମଃ ॥ ୧୨ ॥

ଆକଣ୍ଠ-ହରିରୂପାୟ ଚାକଣ୍ଠ-ନରରୂପିଣେ ।
ଚିତ୍ରାୟ ଚିତ୍ରରୂପାୟ ଜଗଚ୍ଚିତ୍ରତରାୟ ଚ ॥ ୧୩ ॥

ସର୍ଵ-ଵେଦାନ୍ତ-ସିଦ୍ଧାନ୍ତ-ସାରସତ୍ତମୟାୟ ଚ ।
ସର୍ଵ-ମନ୍ତ୍ରାଧିଦେଵାୟ ସ୍ତମ୍ଭ-ଡିମ୍ଭାୟ ଶଂଭଵେ ॥ ୧୪ ॥

ନମୋଽସ୍ତ୍ଵନନ୍ତ-କଲ୍ୟାଣଗୁଣ-ରତ୍ନାକରାୟ ଚ ।
ଭଗଵଚ୍ଛବ୍ଦ-ଵାଚ୍ୟାୟ ଵାଗତୀତାୟ ତେ ନମଃ ॥ ୧୫ ॥

କାଲରୂପାୟ କଲ୍ୟାୟ ସର୍ଵଜ୍ଞାୟାଘହାରିଣେ ।
ଗୁରଵେ ସର୍ଵସତ୍କର୍ମ-ଫଲଦାୟ ନମୋ ନମଃ ॥ ୧୬ ॥

ଅଶେଷ-ଦୋଷଦୂରାୟ ସୁଵର୍ଣାୟାତ୍ମଦର୍ଶିନେ ।
ଵୈକୁଣ୍ଠପଦ-ନାଥାୟ ନମୋ ନାରାୟଣାୟ ଚ ॥ ୧୭ ॥

କେଶଵାଦି-ଚତୁର୍ଵିଂଶତ୍ୟଵତାର-ସ୍ଵରୂପିଣେ ।
ଜୀଵେଶାୟ ସ୍ଵତନ୍ତ୍ରାୟ ମୃଗେନ୍ଦ୍ରାୟ ନମୋ ନମଃ ॥ ୧୮ ॥

ବର୍ହ୍ମରାକ୍ଷସ-ଭୂତାଦି-ନାନାଭୟ-ଵିନାଶିନେ ।
ଅଖଣ୍ଡାନନ୍ଦ-ରୂପାୟ ନମସ୍ତେ ମନ୍ତ୍ରମୂର୍ତୟେ ॥ ୧୯ ॥

ସିଦ୍ଧୟେ ସିଦ୍ଧିବୀଜାୟ ସର୍ଵଦେଵାତ୍ମକାୟ ଚ ।
ସର୍ଵ-ପ୍ରପଞ୍ଚ-ଜନ୍ମାଦି-ନିମିତ୍ତାୟ ନମୋ ନମଃ ॥ ୨୦ ॥

ଶଙ୍କରାୟ ଶରଣ୍ୟାୟ ନମସ୍ତେ ଶାସ୍ତ୍ରୟୋନୟେ ।
ଜ୍ୟୋତିଷେ ଜୀଵରୂପାୟ ନିର୍ଭେଦାୟ ନମୋ ନମଃ ॥ ୨୧ ॥

ନିତ୍ୟଭାଗଵତାରାଧ୍ୟ ସତ୍ୟଲୀଲା-ଵିଭୂତୟେ ।
ନରକେସରିତାଵ୍ୟକ୍ତ-ସଦସନ୍ମୟ-ମୂର୍ତୟେ ॥ ୨୨ ॥

ସତ୍ତାମାତ୍ର-ସ୍ଵରୂପାୟ ସ୍ଵାଧିଷ୍ଠାନାତ୍ମକାୟ ଚ ।
ସଂଶୟଗ୍ରନ୍ଥି-ଭେଦାୟ ସମ୍ୟଗ୍ଜ୍ଞାନ-ସ୍ଵରୂପିଣେ ॥ ୨୩ ॥

ସର୍ଵୋତ୍ତମୋତ୍ତମେଶାୟ ପୁରାଣ-ପୁରୁଷାୟ ଚ ।
ପୁରୁଷୋତ୍ତମରୂପାୟ ସାଷ୍ଟାଙ୍ଗଂ ପ୍ରଣତୋଽସ୍ମ୍ୟହମ୍ ॥ ୨୪ ॥

ନାମ୍ନାମଷ୍ଟୋତ୍ତରଶତଂ ଶ୍ରୀନୃସିଂହସ୍ୟ ୟଃ ପଟେତ୍ ।
ସର୍ଵପାପ-ଵିନିର୍ମୁକ୍ତଃ ସର୍ଵେଷ୍ଟାର୍ଥାନଵାପ୍ନୁୟାତ୍ ॥ ୨୫ ॥

॥ ଇତି ଶ୍ରୀବ୍ରହ୍ମାଣ୍ଡପୁରାଣେ ନୃସିଂହାଷ୍ଟୋତ୍ତର-ଶତନାମ-ସ୍ତୋତ୍ରଂ ସଂପୂର୍ଣମ୍ ॥

Also Read:

Shri Nrisinha Ashtottara Shatanama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil