Sri Nrusimha Giri Ashtothara Shatanama Stotram 2 Lyrics in Telugu:
శ్రీనృసింహాష్టోత్తరశతనామస్తోత్రమ్ ౨
॥ శ్రీః ॥
। రుద్రాద్యా ఊచుః ।
ఓం నమో నారసింహాయ తీక్ష్ణ-దంష్ట్రాయ తే నమః ।
నమో వజ్ర-నఖాయైవ విష్ణవే జిష్ణవే నమః ॥ ౧ ॥
సర్వబీజాయ సత్యాయ సర్వచైతన్య-రూపిణే ।
సర్వాధారాయ సర్వస్మై సర్వగాయ నమో నమః ॥ ౨ ॥
విశ్వస్మై విశ్వవన్ద్యాయ విరిఞ్చి-జనకాయ చ ।
వాగీశ్వరాయ వేద్యాయ వేధసే వేదమౌలయే ॥ ౩ ॥
నమో రుద్రాయ భద్రాయ మఙ్గలాయ మహాత్మనే ।
కరుణాయ తురీయాయ శివాయ పరమాత్మనే ॥ ౪ ॥
హిరణ్యకశిపు-ప్రాణ-హరణాయ నమో నమః ।
ప్ర్హ్లాద-ధ్యాయమానాయ ప్రహ్లాదార్తి-హరాయ చ ॥ ౫ ॥
ప్రహ్లాద-స్థిరసామ్రాజ్య-దాయకాయ నమో నమః ।
దైత్య-వక్షోవిదలన-వ్యగ్ర-వజ్రనఖాయ చ ॥ ౬ ॥
ఆన్త్రమాలా-విభూషాయ మహారౌద్రాయ తే నమః ।
నమ ఉగ్రాయ వీరాయ జ్వలతే భీషణాయ చ ॥ ౭ ॥
సర్వతోముఖ-దుర్వార-తేజో-విక్రమశాలినే ।
నరసింహాయ రౌద్రాయ నమస్తే మృత్యుమృత్యవే ॥ ౮ ॥
మత్స్యాద్యనన్త-కల్యాణ-లీలా-వైభవకారిణే ।
నమో వ్యూహచతుష్కాయ దివ్యార్చా-రూపధారిణే ॥ ౯ ॥
పరస్మై పాఞ్చజన్యాది-పఞ్చ-దివ్యాయుధాయ చ ।
త్రిసామ్నే చ త్రిధామ్నే చ త్రిగుణాతీత-మూర్తయే ॥ ౧౦ ॥
యోగారూఢాయ లక్ష్యాయ మాయాతీతాయ మాయినే ।
మన్త్రరాజాయ దుర్దోష-శమనాయేష్టదాయ చ ॥ ౧౧ ॥
నమః కిరీట-హారాది-దివ్యాభరణ-ధారిణే ।
సర్వాలఙ్కార-యుక్తాయ లక్ష్మీలోలాయ తే నమః ॥ ౧౨ ॥
ఆకణ్ఠ-హరిరూపాయ చాకణ్ఠ-నరరూపిణే ।
చిత్రాయ చిత్రరూపాయ జగచ్చిత్రతరాయ చ ॥ ౧౩ ॥
సర్వ-వేదాన్త-సిద్ధాన్త-సారసత్తమయాయ చ ।
సర్వ-మన్త్రాధిదేవాయ స్తమ్భ-డిమ్భాయ శంభవే ॥ ౧౪ ॥
నమోఽస్త్వనన్త-కల్యాణగుణ-రత్నాకరాయ చ ।
భగవచ్ఛబ్ద-వాచ్యాయ వాగతీతాయ తే నమః ॥ ౧౫ ॥
కాలరూపాయ కల్యాయ సర్వజ్ఞాయాఘహారిణే ।
గురవే సర్వసత్కర్మ-ఫలదాయ నమో నమః ॥ ౧౬ ॥
అశేష-దోషదూరాయ సువర్ణాయాత్మదర్శినే ।
వైకుణ్ఠపద-నాథాయ నమో నారాయణాయ చ ॥ ౧౭ ॥
కేశవాది-చతుర్వింశత్యవతార-స్వరూపిణే ।
జీవేశాయ స్వతన్త్రాయ మృగేన్ద్రాయ నమో నమః ॥ ౧౮ ॥
బర్హ్మరాక్షస-భూతాది-నానాభయ-వినాశినే ।
అఖణ్డానన్ద-రూపాయ నమస్తే మన్త్రమూర్తయే ॥ ౧౯ ॥
సిద్ధయే సిద్ధిబీజాయ సర్వదేవాత్మకాయ చ ।
సర్వ-ప్రపఞ్చ-జన్మాది-నిమిత్తాయ నమో నమః ॥ ౨౦ ॥
శఙ్కరాయ శరణ్యాయ నమస్తే శాస్త్రయోనయే ।
జ్యోతిషే జీవరూపాయ నిర్భేదాయ నమో నమః ॥ ౨౧ ॥
నిత్యభాగవతారాధ్య సత్యలీలా-విభూతయే ।
నరకేసరితావ్యక్త-సదసన్మయ-మూర్తయే ॥ ౨౨ ॥
సత్తామాత్ర-స్వరూపాయ స్వాధిష్ఠానాత్మకాయ చ ।
సంశయగ్రన్థి-భేదాయ సమ్యగ్జ్ఞాన-స్వరూపిణే ॥ ౨౩ ॥
సర్వోత్తమోత్తమేశాయ పురాణ-పురుషాయ చ ।
పురుషోత్తమరూపాయ సాష్టాఙ్గం ప్రణతోఽస్మ్యహమ్ ॥ ౨౪ ॥
నామ్నామష్టోత్తరశతం శ్రీనృసింహస్య యః పటేత్ ।
సర్వపాప-వినిర్ముక్తః సర్వేష్టార్థానవాప్నుయాత్ ॥ ౨౫ ॥
॥ ఇతి శ్రీబ్రహ్మాణ్డపురాణే నృసింహాష్టోత్తర-శతనామ-స్తోత్రం సంపూర్ణమ్ ॥
Also Read:
Shri Nrisinha Ashtottara Shatanama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
