ଶ୍ରୀପୀତାମ୍ବରାଷ୍ଟକମ୍ Lyrics in Oriya:
ଜ୍ଞେୟଂ ନିତ୍ୟଂ ଵିଶୁଦ୍ଧଂ ୟଦପି ନୁତିଶତୈର୍ବୋଧିତଂ ଵେଦଵାକ୍ୟୈଃ
ସଚ୍ଚିଦ୍ରୂପଂ ପ୍ରସନ୍ନଂ ଵିଲସିତମଖିଲଂ ଶକ୍ତିରୂପେଣ ଜ୍ଞାତୁମ୍ ।
ଶକ୍ୟଂ ଚୈତାଂ ପ୍ରଜୁଷ୍ଟାଂ ଭଵଵିଲୟକରୀଂ ଶୁଦ୍ଧସଂଵିତ୍ସ୍ଵରୂପାଂ
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୧॥
ଗୌରାଭାଂ ଶୁଭ୍ରଦେହାଂ ଦନୁଜକୁଲହରାଂ ବ୍ରହ୍ମରୂପାଂ ତୁରୀୟାଂ
ଵଜ୍ରଂ ପାଶଂ ଚ ଜିହ୍ଵାମସୁରଭୟକରୀଂ ଲୌହବଦ୍ଧାଂ ଗଦାଖ୍ୟାମ୍ ।
ହସ୍ତୈର୍ନିତ୍ୟଂ ଵହନ୍ତୀଂ ଦ୍ଵିଜଵରମୁକୁଟାଂ ସ୍ଵର୍ଣସିଂହାସନସ୍ଥାଂ
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୨॥
କୌର୍ମରୂପଂ ଵିଧାତ୍ରୀଂ କୃତୟୁଗସମୟେ ସ୍ତବ୍ଧରୂପାଂ ସ୍ଥିରାଖ୍ୟାଂ
ହାରିଦ୍ରେ ଦିଵ୍ୟଦେହାଂ ଵିବୁଧଗଣନୁତାଂ ଵିଷ୍ଣୁନା ଵନ୍ଦିତାଂ ତାମ୍ ।
ଆନର୍ଚୁଃ ସ୍କନ୍ଦମୁଖ୍ୟାଃ ସ୍ମରହରମହିଲାଂ ତାରକେ ସଂଵିଵୃଦ୍ଧେ
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୩॥
ଆଧାରେ ତତ୍ଵରୂପାଂ ତ୍ରିବଲୟସହିତାଂ ୟୋଗିଵୃନ୍ଦୈଃ ସୁଧ୍ୟେୟାଂ
ପୀତାଂ ରୁଦ୍ରେଣ ସାର୍ଧ ରତିରସନିରତାଂ ଚିନ୍ତୟିତ୍ଵା ମନୋଜ୍ଞାମ୍ ।
ଗଦ୍ୟଂ ପଦ୍ୟଂ ଲଭନ୍ତେ ନଵରସଭରିତଂ ସାନ୍ଦ୍ରଚନ୍ଦ୍ରାଂଶୁଵର୍ଣା
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୪॥
ମାୟାବୀଜଂ ମହୋଗ୍ରଂ ପଶୁଜଭୟହରଂ ଭୂମିୟୁକ୍ତଂ ଜପନ୍ତି
ପୁତ୍ରୈଃ ପୌତ୍ରୈଃ ସମେତାଃ ପ୍ରଣିହିତମନସଃ ପ୍ରାପ୍ୟ ଭୋଗାନ୍ ସମସ୍ତାନ୍ ।
ଲବ୍ଧ୍ଵା ଚାନ୍ତେ ଵିମୋକ୍ଷଂ ଵିଗତଭଵଭୟା ମୋଦମାନା ଭଵନ୍ତି
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୫॥
ଧ୍ୟାନଂ ମାତସ୍ତ୍ଵଦୀୟଂ ଜପମନୁସତତଂ ମନ୍ତ୍ରରାଜସ୍ୟ ନିତ୍ୟଂ ଦୁଷ୍ଟୈଃ
କୃତ୍ୟା ସ୍ଵରୂପା ବଲଗ ଇତି କୃତା ଆଶୁ ଶାନ୍ତିଂ ପ୍ରୟାନ୍ତି ।
ତସ୍ମାଦାଖ୍ୟାଂ ତ୍ଵଦୀୟାଂ ଦ୍ଵିଭୁଜପରିଣତାମୁଗ୍ରଵେଷାଂ ସୁଭୀମାଂ
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୬॥
ଜପ୍ତ୍ଵା ବୀଜଂ ତ୍ଵଦୀୟଂ ୟଦି ତଵ ସୁଜନୋ ୟାତି ଵିଦ୍ଵେଷିମଧ୍ୟେ
ରୂପଂ ଦୃଷ୍ଟ୍ଵା ତଦୀୟଂ ରିପୁଜନସକଲଃ ସ୍ତମ୍ଭନଂ ୟାତି ଶୀଘ୍ରମ୍ ।
ଗର୍ଵୀ ସର୍ଵତ୍ଵମେତି ଶ୍ରଵଣପଥଗତେ ନାମଵର୍ଣେ ତ୍ଵଦୀୟେ
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୭॥
ବ୍ରହ୍ମା ଵିଷ୍ଣୁର୍ମହେଶୋ ଜପତି ତଵ ମନୁଂ ଭାଵୟୁକ୍ତଂ ମହେଶି!
ଲବ୍ଧ୍ଵା କାମଂ ସ୍ଵରୂପଂ ସମରସନିରତା ଦିଵ୍ୟଭାଵଂ ଭଜନ୍ତେ ।
ତାମେଵାହଂ ଭଵାନୀଂ ଭଵସୁଖଵିରତୋ ଭାଵୟୁକ୍ତଂ ସ୍ମରାମି
ନାମ୍ନା ପୀତାମ୍ବରାଢ୍ୟାଂ ସତତସୁଖକରୀଂ ନୌମି ନିତ୍ୟଂ ପ୍ରସନ୍ନାମ୍ ॥ ୮॥
ଧନ୍ୟାସ୍ତେ ଭକ୍ତିୟୁକ୍ତାଃ ସତତଜପପରା ହୀନଵର୍ଣେଽପି ଜାତା
ଵୈମୁଖ୍ୟେ ଲଗ୍ନଚିତ୍ତା ୟଦପି କୁଲପରା ନୋ ପ୍ରଶସ୍ୟାଃ କଦାଚିତ୍ ।
ଇତ୍ଥଂ ସଞ୍ଚିନ୍ତ୍ୟ ମାତଃ । ପ୍ରତିଦିନମମଲଂ ନାମରୂପଂ ତ୍ଵଦୀୟଂ
ସର୍ଵ ସନ୍ତ୍ୟଜ୍ୟ ନିତ୍ୟଂ ସତତଭୟହରେ! କୀର୍ତୟେ ସର୍ଵଦାଽହମ୍ ॥ ୯॥
ସ୍ତୋତ୍ରେଣାଽନେନ ଦେଵେଶି! କୃପାଂ କୃତ୍ଵା ମମୋପରି ।
ବଗଲାମୁଖି! ମେ ଚିତ୍ତେ ଵାସଂ କୁରୁ ସଦାଶିଵେ! ॥ ୧୦॥
ୟଃ କଶ୍ଚିତ୍ ପ୍ରପଠେନ୍ନିତ୍ୟଂ ପ୍ରାତରୁତ୍ଥାୟ ଭକ୍ତିତଃ ।
ତସ୍ୟ ପୀତାମ୍ବରା ଦେଵୀ ଶୀଘ୍ରଂ ତୁଷ୍ଟିଂ ସମେଷ୍ୟତି ॥ ୧୧॥
ପ୍ରୟତୋ ଧ୍ୟାନସଂୟୁକ୍ତୋ ଜପାନ୍ତେ ୟଃ ପଠେତ୍ ସୁଧୀଃ ।
ଧନଧାନ୍ୟାଦିସମ୍ପନ୍ନଃ ସାନ୍ନିଧ୍ୟଂ ପ୍ରାପ୍ନୁୟାଦ୍ ଦ୍ରୁତମ୍ ॥ ୧୨॥
ଓଂ ଇତି ଶ୍ରୀପୀତାମ୍ବରାଷ୍ଟକଂ ସମାପ୍ତମ ।
ଇଦଂ ଶ୍ରୀପୀତାମ୍ବରାଷ୍ଟକଂ ଶ୍ରୀପରମହଂସପରିଵ୍ରାଜକାଚାର୍ୟଵର୍ୟୈଃ
ଶ୍ରୀସ୍ଵାମି ପାଦୈରକାରି ତେଷାଂ ଶୁଭପ୍ରେରଣୟା ଦତିୟାନଗରସ୍ୟ
ଶ୍ରୀଵନଖଣ୍ଡେଶ୍ଵରସ୍ୟ ସନ୍ନିଧୌ ଶ୍ରୀପୀତାମ୍ବରଭଗଵତ୍ୟାଃ
ସ୍ଥାପନଂ ଜ୍ୟେଷ୍ଠକୃଷ୍ଣସ୍ୟ ପଞ୍ଚଭ୍ୟାଂ ତିଥୌ ସମ୍ଵତ୍ ୧୯୯୨
ଵୈକ୍ରମେ ଗୁରୁଵାସରେ ମହତା ସମାରୋହଣ ଜାତମ୍ । ଅସ୍ମିନ୍ ଵର୍ଷେ ୧୯୯୭
ଵୈଶାଖମାସସ୍ୟ ଶୁକ୍ଲଷଷ୍ଠ୍ୟାଂ ପଞ୍ଚମକଵି ନାମନି ପର୍ଵତଶିଖରେ
ଶ୍ରୀତାରାଭଗଵତ୍ୟାଃ ପୀଠସ୍ଥାନମପି ତେଷାମେଵାନୁଗ୍ରହେଣ ସ୍ଥାପିତମଭୂତ୍,
ତଦଵସରେ ଶ୍ରୀତାରାକର୍ପୂରସ୍ତୋତ୍ରସ୍ୟ ଵ୍ୟାଖ୍ୟାଂ କର୍ତୁଂ ତୈରେଵ ପରମାନୁଗ୍ରହଃ
ପ୍ରାଦର୍ଶି । ପୀଠଦ୍ଵୟସ୍ୟାଽୟମେଵ ପୁସ୍ତକରୂପଃ ସଙ୍କ୍ଷିପ୍ତପରିଚୟଃ ।