Templesinindiainfo

Best Spiritual Website

Shri Radha Ashtakam 2 Lyrics in Gujarati

Sri Madradhashtakam 2 Lyrics in Gujarati:

શ્રીમદ્રાધાષ્ટકમ્ ૨

નિકુઞ્જે મઞ્જૂષદ્વિવિધમૃદુપુષ્પૈકનિચયૈઃ
સમાકીર્ણં દાન્તં સુમણિજટિતં કેલિશયનમ્ ।
હૃદિ પ્રાદુર્ભૂતોદ્ભટવિરહભાવૈઃ સપદિ યત્
કરે કૃત્વા પત્રવ્યજનમુપવિશન્તીં હૃદિ ભજે ॥ ૧॥

વિદિત્વા ગોપીશં શ્રમવિહિતનિદ્રં હૃદિ ભિયા
રણત્કારૈર્ભૂયાન્ન ખલુ ગતનિદ્રઃ પરમિતિ ।
દ્વિતીયેન સ્તબ્ધાચલનચપલં કઙ્કણચયં
વિતન્વન્તીં મન્દં વ્યજનમથ રાધાં હૃદિ ભજે ॥ ૨॥

વિધાયાચ્છૈઃ પુષ્પૈર્વિવિધરચનાં ચારુમૃદુલાં
પદપ્રાન્તાલમ્બાં સ્વકરકમલાભ્યાં પુનરસૌ ।
સ્થિતં સ્વપ્રાણાનાં પ્રિયતમમનન્યં નિજપુરો-
ઽવગત્યાતન્વન્તીમુરસિ વનમાલાં હૃદિ ભજે ॥ ૩॥

પુરા રાસારમ્ભે શરદમલરાત્રિષ્વપિ હરિ-
પ્રભાવાદ્યુલ્લીઢસ્મરણકૃતચિન્તાશતયુતામ્ ।
હૃદિ પ્રાદુર્ભૂતં બહિરપિ સમુદ્વીક્ષિતુમિવ
સ્વતો વારં વારં વિકસિતદૃગબ્જાં હૃદિ ભજે ॥ ૪॥

વિચિન્વન્તીં નાથં નિરતિશયલીલાકૃતિરતં
પ્રપશ્યન્તીં ચિહ્નં ચરણયુગસમ્ભૂતમતુલમ્ ।
પ્રકુર્વન્તીં મૂર્ધન્યહહ પદરેણૂત્કરમપિ
પ્રિયાં ગોપીશસ્ય પ્રણતનિજનાથાં હૃદિ ભજે ॥ ૫॥

નિજપ્રાણાધીશપ્રસભમિલનાનન્દવિકસ-
ત્સમસ્તાઙ્ગપ્રેમોદ્ગતમતનુરોમાવલિમપિ ।
સ્ફુરત્સીત્કારાન્તઃસ્થિતસભયભાવૈકનયનાં
પુનઃ પશ્ચાત્તપ્તામતુલરસપાત્રં હૃદિ ભજે ॥ ૬॥

લસદ્ગોપીનાથાનનકમલસંયોજિતમુખાં
મુખામ્ભોધિપ્રાદુર્ભવદમૃતપાનૈકચતુરામ્ ।
પરીરમ્ભપ્રાપ્તપ્રિયતમશરીરૈક્યરસિકાં
તૃતીયાર્થપ્રાપ્તિપ્રકટહરિસિદ્ધિં હૃદિ ભજે ॥ ૭॥

ન મે વાઞ્છ્યો મોક્ષઃ શ્રુતિષુ ચતુરાત્મા નિગદિતો
ન શાસ્ત્રીયા ભક્તિર્ન પુનરપિ વિજ્ઞાનમપિ મે ।
કદાચિન્માં સ્વામિન્યહહ મયિ દાસે કૃપયતુ
સ્વતઃ સ્વાચાર્યાણાં ચરણશરણે દીનકરુણા ॥ ૮॥

ઇતિ શ્રીમદ્રાધાષ્ટકં સમ્પૂર્ણમ્ ।

Shri Radha Ashtakam 2 Lyrics in Gujarati

Leave a Reply

Your email address will not be published. Required fields are marked *

Scroll to top