Templesinindiainfo

Best Spiritual Website

Shri Radha Ashtakam 4 Lyrics in Oriya | Sri Radha Stotram

Sri Radhashtakam 4 Lyrics in Oriya:

ଶ୍ରୀରାଧାଷ୍ଟକମ୍ ୪
ଶ୍ରୀଶ୍ରୀଵୃନ୍ଦାଵନେଶ୍ଵର୍ୟୈ ନମଃ ।
ଦିଶି ଦିଶି ରଚୟନ୍ତୀ ସଞ୍ଚରନ୍ନେତ୍ରଲକ୍ଷ୍ମୀ
ଵିଲସିତଖୁରଲୀଭିଃ ଖଞ୍ଜରୀଟସ୍ୟ ଖେଲାମ୍ ।
ହୃଦୟମଧୁପମଲ୍ଲୀଂ ଵଲ୍ଲଵାଧୀଶସୂନୋ-
ରଖିଲଗୁଣଗଭୀରାଂ ରାଧିକାମର୍ଚୟାମି ॥ ୧॥

ପିତୁରିହ ଵୃଷଭାନୋରନ୍ଵଵାୟପ୍ରଶସ୍ତିଂ
ଜଗତି କିଲ ସମସ୍ତେ ସୁଷ୍ଠୁ ଵିସ୍ତାରୟନ୍ତୀମ୍ ।
ଵ୍ରଜପତିକୁମାରଂ ଖେଲୟନ୍ତୀଂ ସଖୀଭିଃ
ସୁରଭିଣି ନିଜକୁଣ୍ଡେ ରାଧିକାମର୍ଚୟାମି ॥ ୨॥

ଶରଦୁପଚିତରାକାକୌମୁଦୀନାଥକୀର୍ତି
ପ୍ରକରଦମନଦୀକ୍ଷାଦକ୍ଷିଣସ୍ମେରଵକ୍ତ୍ରାମ୍ ।
ନଟଦଘଭିଦପାଙ୍ଗୋତ୍ତୁଙ୍ଗିତାନଙ୍ଗରଙ୍ଗାଂ
କଲିତରୁଚିତରଙ୍ଗାଂ ରାଧିକାମର୍ଚୟାମି ॥ ୩॥

ଵିଵିଧକୁସୁମଵୃନ୍ଦୋତ୍ଫୁଲ୍ଲଧମ୍ମିଲ୍ଲଘାଟୀ
ଵିଘଟିତମଦଘୂର୍ଣତ୍କେକିପିଚ୍ଛପ୍ରଶସ୍ତିମ୍ ।
ମଧୁରିପୁମୁଖବିମ୍ବୋଦ୍ଗୀର୍ଣତାମ୍ବୂଲରାଗ
ସ୍ଫୁରଦମଲକପୋଲାଂ ରାଧିକାମର୍ଚୟାମି ॥ ୪॥

ଅମଲିନଲଲିତାନ୍ତଃସ୍ନେହସିକ୍ତାନ୍ତରାଙ୍ଗାଂ
ଅଖିଲଵିଧଵିଶାଖାସଖ୍ୟଵିଖ୍ୟାତଶୀଲାମ୍ ।
ସ୍ଫୁରଦଘଭିଦନର୍ଘପ୍ରେମମାଣିକ୍ୟପେଟୀଂ
ଧୃତମଧୁରଵିନୋଦାଂ ରାଧିକାମର୍ଚୟାମି ॥ ୫॥

ଅତୁଲମହସି ଵୃନ୍ଦାରଣ୍ୟରାଜ୍ୟେଽଭିଷିକ୍ତାଂ
ନିଖିଲସମୟଭର୍ତୁଃ କାର୍ତିକସ୍ୟାଧିଦେଵୀମ୍ ।
ଅପରିମିତମୁକୁନ୍ଦପ୍ରେୟସୀଵୃନ୍ଦମୁଖ୍ୟାଂ
ଜଗଦଘହରକୀର୍ତିଂ ରାଧିକାମର୍ଚୟାମି ॥ ୬॥

ହରିପଦନଖକୋଟୀପୃଷ୍ଠପର୍ୟନ୍ତସୀମା
ତଟମପି କଲୟନ୍ତୀଂ ପ୍ରାଣକୋଟେରଭୀଷ୍ଟାମ୍ ।
ପ୍ରମୁଦିତମଦିରାକ୍ଷୀଵୃନ୍ଦଵୈଦଗ୍ଧ୍ୟଦୀକ୍ଷା
ଗୁରୁମତିଗୁରୁକୀର୍ତିଂ ରାଧିକାମର୍ଚୟାମି ॥ ୭॥

ଅମଲକନକପଟ୍ଟୋଦ୍ଘୃଷ୍ଟକାଶ୍ମୀରଗୌରୀଂ
ମଧୁରିମଲହରୀଭିଃ ସମ୍ପରୀତାଂ କିଶୋରୀମ୍ ।
ହରିଭୁଜପରିରବ୍ଧାଂ ଲବ୍ଧରୋମାଞ୍ଚପାଲିଂ
ସ୍ଫୁରଦରୁଣଦୁକୂଲାଂ ରାଧିକାମର୍ଚୟାମି ॥ ୮॥

ତଦମଲମଧୁରିମ୍ଣାଂ କାମମାଧାରରୂପଂ
ପରିପଠତି ଵରିଷ୍ଠଂ ସୁଷ୍ଠୁ ରାଧାଷ୍ଟକଂ ୟଃ ।
ଅହିମକିରଣପୁତ୍ରୀକୂଲକଲ୍ୟାଣଚନ୍ଦ୍ରଃ
ସ୍ଫୁଟମଖିଲମଭୀଷ୍ଟଂ ତସ୍ୟ ତୁଷ୍ଟସ୍ତନୋତି ॥ ୯॥

ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀରାଧାଷ୍ଟକଂ ସମ୍ପୂର୍ଣମ୍ ।

Shri Radha Ashtakam 4 Lyrics in Oriya | Sri Radha Stotram

Leave a Reply

Your email address will not be published. Required fields are marked *

Scroll to top