Saubhagya Ashtottara Shatanama Stotram was recited by Dattatreya in Parashurama. It is a very reserved and powerful text, obligatory for shrvidyopasakas (verse 30, line 1). The rishi for this stotram is Lord Shiva, it is in the Anushtup counter and the deity is Shri Lalitambika. The text is in 26th Adhyaya gauryupakhyana of mahatmyakandam in tripura rahasya.
Saubhagya Ashtottarashatanama Stotram Lyrics in Oriya:
ସୌଭାଗ୍ୟାଷ୍ଟୋତ୍ତରଶତନାମସ୍ତୋତ୍ରମ୍
ଦତ୍ତାତ୍ରେୟେଣ କୃତଂ ସୌଭାଗ୍ୟାଷ୍ଟୋତ୍ତରଶତନାମସ୍ତୋତ୍ରୋପଦେଶଵର୍ଣନମ୍
ନିଶମ୍ୟୈତଜ୍ଜାମଦଗ୍ନ୍ୟୋ ମାହାତ୍ମ୍ୟଂ ସର୍ଵତୋଽଧିକମ୍ ।
ସ୍ତୋତ୍ରସ୍ୟ ଭୂୟଃ ପପ୍ରଚ୍ଛ ଦତ୍ତାତ୍ରେୟଂ ଗୁରୂତ୍ତମମ୍ ॥ ୧ ॥
ଭଗଵନ୍ ତ୍ଵନ୍ମୁଖାମ୍ଭୋଜନିର୍ଗମଦ୍ଵାକ୍ସୁଧାରସମ୍ ।
ପିବତଃ ଶ୍ରୋତମୁଖତୋ ଵର୍ଧତେଽନୁକ୍ଷଣଂ ତୃଷା ॥ ୨ ॥
ଅଷ୍ଟୋତ୍ତରଶତଂ ନାମ୍ନାଂ ଶ୍ରୀଦେଵ୍ୟା ୟତ୍ପ୍ରସାଦତଃ ।
କାମଃ ସମ୍ପ୍ରାପ୍ତଵାନ୍ ଲୋକେ ସୌଭାଗ୍ୟଂ ସର୍ଵମୋହନମ୍ ॥ ୩ ॥
ସୌଭାଗ୍ୟଵିଦ୍ୟାଵର୍ଣାନାମୁଦ୍ଧାରୋ ୟତ୍ର ସଂସ୍ଥିତଃ ।
ତତ୍ସମାଚକ୍ଷ୍ଵ ଭଗଵନ୍ କୃପୟା ମୟି ସେଵକେ ॥ ୪ ॥
ନିଶମ୍ୟୈଵଂ ଭାର୍ଗଵୋକ୍ତିଂ ଦତ୍ତାତ୍ରେୟୋ ଦୟାନିଧିଃ ।
ପ୍ରୋଵାଚ ଭାର୍ଗଵଂ ରାମଂ ମଧୁରାଽକ୍ଷରପୂର୍ଵକମ୍ ॥ ୫ ॥
ଶୃଣୁ ଭାର୍ଗଵ ! ୟତ୍ ପୃଷ୍ଟଂ ନାମ୍ନାମଷ୍ଟୋତ୍ତରଂ ଶତମ୍ ।
ଶ୍ରୀଵିଦ୍ୟାଵର୍ଣରତ୍ନାନାଂ ନିଧାନମିଵ ସଂସ୍ଥିତମ୍ ॥ ୬ ॥
ଶ୍ରୀଦେଵ୍ୟା ବହୁଧା ସନ୍ତି ନାମାନି ଶୃଣୁ ଭାର୍ଗଵ ।
ସହସ୍ରଶତସଂଖ୍ୟାନି ପୁରାଣେଷ୍ଵାଗମେଷୁ ଚ ॥ ୭ ॥
ତେଷୁ ସାରତମଂ ହ୍ୟେତତ୍ସୌଭାଗ୍ୟାଽଷ୍ଟୋତ୍ତରାଽଽତ୍ମକମ୍ ।
ୟଦୁଵାଚ ଶିଵଃ ପୂର୍ଵଂ ଭଵାନ୍ୟୈ ବହୁଧାଽର୍ଥିତଃ ॥ ୮ ॥
ସୌଭାଗ୍ୟାଽଷ୍ଟୋତ୍ତରଶତନାମସ୍ତୋତ୍ରସ୍ୟ ଭାର୍ଗଵ ।
ଋଷିରୁକ୍ତଃ ଶିଵଶ୍ଛନ୍ଦୋଽନୁଷ୍ଟୁପ୍ ଶ୍ରୀଲଲିତାଽମ୍ବିକା ॥ ୯ ॥
ଦେଵତା ଵିନ୍ୟସେତ୍କୂଟତ୍ରୟେଣାଽଽଵର୍ତ୍ୟ ସର୍ଵତଃ ।
ଧ୍ୟାତ୍ଵା ସମ୍ପୂଜ୍ୟ ମନସା ସ୍ତୋତ୍ରମେତଦୁଦୀରୟେତ୍ ॥ ୧୦ ॥
॥ ତ୍ରିପୁରାମ୍ବିକାୟୈ ନମଃ ॥
କାମେଶ୍ଵରୀ କାମଶକ୍ତିଃ କାମସୌଭାଗ୍ୟଦାୟିନୀ।
କାମରୂପା କାମକଲା କାମିନୀ କମଲାଽଽସନା ॥ ୧୧ ॥
କମଲା କଲ୍ପନାହୀନା କମନୀୟକଲାଵତୀ ।
କମଲା ଭାରତୀସେଵ୍ୟା କଲ୍ପିତାଽଶେଷସଂସୃତିଃ ॥ ୧୨ ॥
ଅନୁତ୍ତରାଽନଘାଽନନ୍ତାଽଦ୍ଭୁତରୂପାଽନଲୋଦ୍ଭଵା ।
ଅତିଲୋକଚରିତ୍ରାଽତିସୁନ୍ଦର୍ୟତିଶୁଭପ୍ରଦା ॥ ୧୩ ॥
ଅଘହନ୍ତ୍ର୍ୟତିଵିସ୍ତାରାଽର୍ଚନତୁଷ୍ଟାଽମିତପ୍ରଭା ।
ଏକରୂପୈକଵୀରୈକନାଥୈକାନ୍ତାଽର୍ଚନପ୍ରିୟା ॥ ୧୪ ॥
ଏକୈକଭାଵତୁଷ୍ଟୈକରସୈକାନ୍ତଜନପ୍ରିୟା ।
ଏଧମାନପ୍ରଭାଵୈଧଦ୍ଭକ୍ତପାତକନାଶିନୀ ॥ ୧୫ ॥
ଏଲାମୋଦମୁଖୈନୋଽଦ୍ରିଶକ୍ରାୟୁଧସମସ୍ଥିତିଃ ।
ଈହାଶୂନ୍ୟେପ୍ସିତେଶାଦିସେଵ୍ୟେଶାନଵରାଙ୍ଗନା ॥ ୧୬ ॥
ଈଶ୍ଵରାଽଽଜ୍ଞାପିକେକାରଭାଵ୍ୟେପ୍ସିତଫଲପ୍ରଦା ।
ଈଶାନେତିହରେକ୍ଷେଷଦରୁଣାକ୍ଷୀଶ୍ଵରେଶ୍ଵରୀ ॥ ୧୭ ॥
ଲଲିତା ଲଲନାରୂପା ଲୟହୀନା ଲସତ୍ତନୁଃ ।
ଲୟସର୍ଵା ଲୟକ୍ଷୋଣିର୍ଲୟକର୍ଣୀ ଲୟାତ୍ମିକା ॥ ୧୮ ॥
ଲଘିମା ଲଘୁମଧ୍ୟାଽଽଢ୍ୟା ଲଲମାନା ଲଘୁଦ୍ରୁତା ।
ହୟାଽଽରୂଢା ହତାଽମିତ୍ରା ହରକାନ୍ତା ହରିସ୍ତୁତା ॥ ୧୯ ॥
ହୟଗ୍ରୀଵେଷ୍ଟଦା ହାଲାପ୍ରିୟା ହର୍ଷସମୁଦ୍ଧତା ।
ହର୍ଷଣା ହଲ୍ଲକାଭାଙ୍ଗୀ ହସ୍ତ୍ୟନ୍ତୈଶ୍ଵର୍ୟଦାୟିନୀ ॥ ୨୦ ॥
ହଲହସ୍ତାଽର୍ଚିତପଦା ହଵିର୍ଦାନପ୍ରସାଦିନୀ ।
ରାମରାମାଽର୍ଚିତା ରାଜ୍ଞୀ ରମ୍ୟା ରଵମୟୀ ରତିଃ ॥ ୨୧ ॥
ରକ୍ଷିଣୀରମଣୀରାକା ରମଣୀମଣ୍ଡଲପ୍ରିୟା ।
ରକ୍ଷିତାଽଖିଲଲୋକେଶା ରକ୍ଷୋଗଣନିଷୂଦିନୀ ॥ ୨୨ ॥
ଅମ୍ବାନ୍ତକାରିଣ୍ୟମ୍ଭୋଜପ୍ରିୟାଽନ୍ତକଭୟଙ୍କରୀ ।
ଅମ୍ବୁରୂପାଽମ୍ବୁଜକରାଽମ୍ବୁଜଜାତଵରପ୍ରଦା ॥ ୨୩ ॥
ଅନ୍ତଃପୂଜାପ୍ରିୟାଽନ୍ତଃସ୍ଵରୂପିଣ୍ୟନ୍ତର୍ଵଚୋମୟୀ ।
ଅନ୍ତକାଽରାତିଵାମାଙ୍କସ୍ଥିତାଽନ୍ତଃସୁଖରୂପିଣୀ ॥ ୨୪ ॥
ସର୍ଵଜ୍ଞା ସର୍ଵଗା ସାରା ସମା ସମସୁଖା ସତୀ ।
ସନ୍ତତିଃ ସନ୍ତତା ସୋମା ସର୍ଵା ସାଙ୍ଖ୍ୟା ସନାତନୀ ॥ ୨୫ ॥
॥ ଫଲଶ୍ରୁତିଃ ॥
ଏତତ୍ତେ କଥିତଂ ରାମ ନାମ୍ନାମଷ୍ଟୋତ୍ତରଂ ଶତମ୍ ।
ଅତିଗୋପ୍ୟମିଦଂ ନାମ୍ନଃ ସର୍ଵତଃ ସାରମୁଦ୍ଧୃତମ୍ ॥ ୨୬ ॥
ଏତସ୍ୟ ସଦୃଶଂ ସ୍ତୋତ୍ରଂ ତ୍ରିଷୁ ଲୋକେଷୁ ଦୁର୍ଲଭମ୍ ।
ଅପ୍ରାକଶ୍ୟମଭକ୍ତାନାଂ ପୁରତୋ ଦେଵତାଦ୍ଵିଷାମ୍ ॥ ୨୭ ॥
ଏତତ୍ ସଦାଶିଵୋ ନିତ୍ୟଂ ପଠନ୍ତ୍ୟନ୍ୟେ ହରାଦୟଃ ।
ଏତତ୍ପ୍ରଭାଵାତ୍କନ୍ଦର୍ପସ୍ତ୍ରୈଲୋକ୍ୟଂ ଜୟତି କ୍ଷଣାତ୍ ॥ ୨୮ ॥
ସୌଭାଗ୍ୟାଽଷ୍ଟୋତ୍ତରଶତନାମସ୍ତୋତ୍ରଂ ମନୋହରମ୍ ।
ୟସ୍ତ୍ରିସନ୍ଧ୍ୟଂ ପଠେନ୍ନିତ୍ୟଂ ନ ତସ୍ୟ ଭୁଵି ଦୁର୍ଲଭମ୍ ॥ ୨୯ ॥
ଶ୍ରୀଵିଦ୍ୟୋପାସନଵତାମେତଦାଵଶ୍ୟକଂ ମତମ୍ ।
ସକୃଦେତତ୍ପ୍ରପଠତାଂ ନାଽନ୍ୟତ୍କର୍ମ ଵିଲୁପ୍ୟତେ ॥ ୩୦ ॥
ଅପଠିତ୍ଵା ସ୍ତୋତ୍ରମିଦଂ ନିତ୍ୟଂ ନୈମିତ୍ତିକଂ କୃତମ୍ ।
ଵ୍ୟର୍ଥୀଭଵତି ନଗ୍ନେନ କୃତଂ କର୍ମ ୟଥା ତଥା ॥ ୩୧ ॥
ସହସ୍ରନାମପାଠାଦାଵଶକ୍ତସ୍ତ୍ଵେତଦୀରୟେତ୍ ।
ସହସ୍ରନାମପାଠସ୍ୟ ଫଲଂ ଶତଗୁଣଂ ଭଵେତ୍ ॥ ୩୨ ॥
ସହସ୍ରଧା ପଠିତ୍ଵା ତୁ ଵୀକ୍ଷଣାନ୍ନାଶୟେଦ୍ରିପୂନ୍ ।
କରଵୀରରକ୍ତପୁଷ୍ପୈର୍ହୁତ୍ଵା ଲୋକାନ୍ ଵଶଂ ନୟେତ୍ ॥ ୩୩ ॥
ସ୍ତମ୍ଭେୟତ୍ ଶ୍ଵେତକୁସୁମୈର୍ନୀଲୈରୁଚ୍ଚାଟୟେଦ୍ରିପୂନ୍ ।
ମରିଚୈର୍ଵିଦ୍ଵେଷେଣାୟ ଲଵଙ୍ଗୈର୍ଵ୍ୟାଧିନାଶନେ ॥ ୩୪ ॥
ସୁଵାସିନୀର୍ବ୍ରାହ୍ମଣାନ୍ ଵା ଭୋଜୟେଦ୍ୟସ୍ତୁ ନାମଭିଃ ।
ୟଶ୍ଚ ପୁଷ୍ପୈଃ ଫଲୈର୍ଵାପି ପୂଜୟେତ୍ ପ୍ରତିନାମଭିଃ ॥ ୩୫ ॥
ଚକ୍ରରାଜେଽଥଵାଽନ୍ୟତ୍ର ସ ଵସେଚ୍ଛ୍ରୀପୁରେ ଚିରମ୍ ।
ୟଃ ସଦା ଵର୍ତୟନ୍ନାସ୍ତେ ନାମାଽଷ୍ଟଶତମୁତ୍ତମମ୍ ॥ ୩୬ ॥
ତସ୍ୟ ଶ୍ରୀଲଲିତା ରାଜ୍ଞୀ ପ୍ରସନ୍ନା ଵାଞ୍ଛିତପ୍ରଦା ॥
Also Read:
Shri Saubhagya Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
