Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtottara Shatanama / Shri Saubhagya Ashtottara Shatanama Stotram Lyrics in Bengali

Shri Saubhagya Ashtottara Shatanama Stotram Lyrics in Bengali

42 Views

Saubhagya Ashtottara Shatanama Stotram was recited by Dattatreya in Parashurama. It is a very reserved and powerful text, obligatory for shrvidyopasakas (verse 30, line 1). The rishi for this stotram is Lord Shiva, it is in the Anushtup counter and the deity is Shri Lalitambika. The text is in 26th Adhyaya gauryupakhyana of mahatmyakandam in tripura rahasya.

Saubhagya Ashtottarashatanama Stotram Lyrics in Bengali:

সৌভাগ্যাষ্টোত্তরশতনামস্তোত্রম্
দত্তাত্রেয়েণ কৃতং সৌভাগ্যাষ্টোত্তরশতনামস্তোত্রোপদেশবর্ণনম্
নিশম্যৈতজ্জামদগ্ন্যো মাহাত্ম্যং সর্বতোঽধিকম্ ।
স্তোত্রস্য ভূয়ঃ পপ্রচ্ছ দত্তাত্রেয়ং গুরূত্তমম্ ॥ ১ ॥

ভগবন্ ত্বন্মুখাম্ভোজনির্গমদ্বাক্সুধারসম্ ।
পিবতঃ শ্রোতমুখতো বর্ধতেঽনুক্ষণং তৃষা ॥ ২ ॥

অষ্টোত্তরশতং নাম্নাং শ্রীদেব্যা য়ত্প্রসাদতঃ ।
কামঃ সম্প্রাপ্তবান্ লোকে সৌভাগ্যং সর্বমোহনম্ ॥ ৩ ॥

সৌভাগ্যবিদ্যাবর্ণানামুদ্ধারো য়ত্র সংস্থিতঃ ।
তত্সমাচক্ষ্ব ভগবন্ কৃপয়া ময়ি সেবকে ॥ ৪ ॥

নিশম্যৈবং ভার্গবোক্তিং দত্তাত্রেয়ো দয়ানিধিঃ ।
প্রোবাচ ভার্গবং রামং মধুরাঽক্ষরপূর্বকম্ ॥ ৫ ॥

শৃণু ভার্গব ! য়ত্ পৃষ্টং নাম্নামষ্টোত্তরং শতম্ ।
শ্রীবিদ্যাবর্ণরত্নানাং নিধানমিব সংস্থিতম্ ॥ ৬ ॥

শ্রীদেব্যা বহুধা সন্তি নামানি শৃণু ভার্গব ।
সহস্রশতসংখ্যানি পুরাণেষ্বাগমেষু চ ॥ ৭ ॥

তেষু সারতমং হ্যেতত্সৌভাগ্যাঽষ্টোত্তরাঽঽত্মকম্ ।
য়দুবাচ শিবঃ পূর্বং ভবান্যৈ বহুধাঽর্থিতঃ ॥ ৮ ॥

সৌভাগ্যাঽষ্টোত্তরশতনামস্তোত্রস্য ভার্গব ।
ঋষিরুক্তঃ শিবশ্ছন্দোঽনুষ্টুপ্ শ্রীললিতাঽম্বিকা ॥ ৯ ॥

দেবতা বিন্যসেত্কূটত্রয়েণাঽঽবর্ত্য সর্বতঃ ।
ধ্যাত্বা সম্পূজ্য মনসা স্তোত্রমেতদুদীরয়েত্ ॥ ১০ ॥

॥ ত্রিপুরাম্বিকায়ৈ নমঃ ॥

কামেশ্বরী কামশক্তিঃ কামসৌভাগ্যদায়িনী।
কামরূপা কামকলা কামিনী কমলাঽঽসনা ॥ ১১ ॥

কমলা কল্পনাহীনা কমনীয়কলাবতী ।
কমলা ভারতীসেব্যা কল্পিতাঽশেষসংসৃতিঃ ॥ ১২ ॥

অনুত্তরাঽনঘাঽনন্তাঽদ্ভুতরূপাঽনলোদ্ভবা ।
অতিলোকচরিত্রাঽতিসুন্দর্যতিশুভপ্রদা ॥ ১৩ ॥

অঘহন্ত্র্যতিবিস্তারাঽর্চনতুষ্টাঽমিতপ্রভা ।
একরূপৈকবীরৈকনাথৈকান্তাঽর্চনপ্রিয়া ॥ ১৪ ॥

একৈকভাবতুষ্টৈকরসৈকান্তজনপ্রিয়া ।
এধমানপ্রভাবৈধদ্ভক্তপাতকনাশিনী ॥ ১৫ ॥

এলামোদমুখৈনোঽদ্রিশক্রায়ুধসমস্থিতিঃ ।
ঈহাশূন্যেপ্সিতেশাদিসেব্যেশানবরাঙ্গনা ॥ ১৬ ॥

ঈশ্বরাঽঽজ্ঞাপিকেকারভাব্যেপ্সিতফলপ্রদা ।
ঈশানেতিহরেক্ষেষদরুণাক্ষীশ্বরেশ্বরী ॥ ১৭ ॥

ললিতা ললনারূপা লয়হীনা লসত্তনুঃ ।
লয়সর্বা লয়ক্ষোণির্লয়কর্ণী লয়াত্মিকা ॥ ১৮ ॥

লঘিমা লঘুমধ্যাঽঽঢ্যা ললমানা লঘুদ্রুতা ।
হয়াঽঽরূঢা হতাঽমিত্রা হরকান্তা হরিস্তুতা ॥ ১৯ ॥

হয়গ্রীবেষ্টদা হালাপ্রিয়া হর্ষসমুদ্ধতা ।
হর্ষণা হল্লকাভাঙ্গী হস্ত্যন্তৈশ্বর্যদায়িনী ॥ ২০ ॥

হলহস্তাঽর্চিতপদা হবির্দানপ্রসাদিনী ।
রামরামাঽর্চিতা রাজ্ঞী রম্যা রবময়ী রতিঃ ॥ ২১ ॥

রক্ষিণীরমণীরাকা রমণীমণ্ডলপ্রিয়া ।
রক্ষিতাঽখিললোকেশা রক্ষোগণনিষূদিনী ॥ ২২ ॥

অম্বান্তকারিণ্যম্ভোজপ্রিয়াঽন্তকভয়ঙ্করী ।
অম্বুরূপাঽম্বুজকরাঽম্বুজজাতবরপ্রদা ॥ ২৩ ॥

অন্তঃপূজাপ্রিয়াঽন্তঃস্বরূপিণ্যন্তর্বচোময়ী ।
অন্তকাঽরাতিবামাঙ্কস্থিতাঽন্তঃসুখরূপিণী ॥ ২৪ ॥

সর্বজ্ঞা সর্বগা সারা সমা সমসুখা সতী ।
সন্ততিঃ সন্ততা সোমা সর্বা সাঙ্খ্যা সনাতনী ॥ ২৫ ॥

॥ ফলশ্রুতিঃ ॥

এতত্তে কথিতং রাম নাম্নামষ্টোত্তরং শতম্ ।
অতিগোপ্যমিদং নাম্নঃ সর্বতঃ সারমুদ্ধৃতম্ ॥ ২৬ ॥

এতস্য সদৃশং স্তোত্রং ত্রিষু লোকেষু দুর্লভম্ ।
অপ্রাকশ্যমভক্তানাং পুরতো দেবতাদ্বিষাম্ ॥ ২৭ ॥

এতত্ সদাশিবো নিত্যং পঠন্ত্যন্যে হরাদয়ঃ ।
এতত্প্রভাবাত্কন্দর্পস্ত্রৈলোক্যং জয়তি ক্ষণাত্ ॥ ২৮ ॥

সৌভাগ্যাঽষ্টোত্তরশতনামস্তোত্রং মনোহরম্ ।
য়স্ত্রিসন্ধ্যং পঠেন্নিত্যং ন তস্য ভুবি দুর্লভম্ ॥ ২৯ ॥

শ্রীবিদ্যোপাসনবতামেতদাবশ্যকং মতম্ ।
সকৃদেতত্প্রপঠতাং নাঽন্যত্কর্ম বিলুপ্যতে ॥ ৩০ ॥

অপঠিত্বা স্তোত্রমিদং নিত্যং নৈমিত্তিকং কৃতম্ ।
ব্যর্থীভবতি নগ্নেন কৃতং কর্ম য়থা তথা ॥ ৩১ ॥

সহস্রনামপাঠাদাবশক্তস্ত্বেতদীরয়েত্ ।
সহস্রনামপাঠস্য ফলং শতগুণং ভবেত্ ॥ ৩২ ॥

সহস্রধা পঠিত্বা তু বীক্ষণান্নাশয়েদ্রিপূন্ ।
করবীররক্তপুষ্পৈর্হুত্বা লোকান্ বশং নয়েত্ ॥ ৩৩ ॥

স্তম্ভেয়ত্ শ্বেতকুসুমৈর্নীলৈরুচ্চাটয়েদ্রিপূন্ ।
মরিচৈর্বিদ্বেষেণায় লবঙ্গৈর্ব্যাধিনাশনে ॥ ৩৪ ॥

সুবাসিনীর্ব্রাহ্মণান্ বা ভোজয়েদ্যস্তু নামভিঃ ।
য়শ্চ পুষ্পৈঃ ফলৈর্বাপি পূজয়েত্ প্রতিনামভিঃ ॥ ৩৫ ॥

চক্ররাজেঽথবাঽন্যত্র স বসেচ্ছ্রীপুরে চিরম্ ।
য়ঃ সদা বর্তয়ন্নাস্তে নামাঽষ্টশতমুত্তমম্ ॥ ৩৬ ॥

তস্য শ্রীললিতা রাজ্ঞী প্রসন্না বাঞ্ছিতপ্রদা ॥

Also Read:

Shri Saubhagya Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *