Shataka

Shri Vishakhanandabhidha Stotram Lyrics in Bengali | Hindu Shataka

Sri Vishakhanandabhidhastotram Lyrics in Bengali:

শ্রীবিশাখানন্দাভিধস্তোত্রম্
ভাবনামগুণাদীনামৈক্যাত্শ্রীরাধিকৈব য়া ।
কৃষ্ণেন্দোঃ প্রেয়সী সা মে শ্রীবিশাখা প্রসীদতু ॥ ১ ॥

জয়তি শ্রীমতী কাচিদ্বৃন্দারণ্যবিহারিণী ।
বিধাতুস্তরুণীসৃষ্টিকৌশলশ্রীঋ ইহোজ্জ্বলা ॥ ২ ॥

ছিন্নস্বর্ণসদৃক্ষাঙ্গী রক্তবস্ত্রাবগুণ্ঠিনী ।
নির্বন্ধবদ্ধবেণীকা চারুকাশ্মীরচর্চিতা ॥ ৩ ॥

দ্বিকালেন্দুললাটোদ্যত্কস্তূরীতিলকোজ্জ্বলা ।
স্ফুটকোকনদদ্বন্দ্ব বন্ধুরীকৃতকর্ণিকা ॥ ৪ ॥

বিচিত্রবর্ণবিন্যাস চিত্রিতীকৃতবিগ্রহা
কৃষ্ণচোরভয়াচ্চোলী গুম্ফীকৃতমণিস্তনী ॥ ৫ ॥

হারমঞ্জীরকেয়ূর চূডানাসাগ্রমৌক্তিকৈঃ ।
মুদ্রিকাদিভিরন্যৈশ্চ ভূষিতা ভূষণোত্তমৈঃ ॥ ৬ ॥

সুদীপ্তকজ্জলোদ্দীপ্ত নয়নেন্দীবরদ্বয় ।
সৌরভোজ্জ্বলতাম্বূল মঞ্জুলা শ্রীমুখাম্বুজা ॥ ৭ ॥

স্মিতলেশলসত্পক্ব চারুবিম্বফলাধরা ।
মধুরালাপপীয়ূষ সঞ্জীবিতসখীকুলা ॥ ৮ ॥

বৃষভানুকুলোত্কীর্তি বর্ধিকা ভানুসেবিকা ।
কীর্তিদাখণিরত্নশ্রীঃ শ্রীজিতশ্রীঃ শ্রিয়োজ্জ্বলা ॥ ৯ ॥

অনঙ্গমঞ্জরীজ্যেষ্ঠা শ্রীদামানন্দদানুজা ।
মুখরাদৃষ্টিপীয়ূষ বর্তিনপ্ত্রী তদাশ্রিতা ॥ ১০ ॥

পৌর্ণমাসীবহিঃখেলত্প্রাণপঞ্জরসারিকা ।
সুবলপ্রণয়োল্লাসা তত্র বিন্যস্তভারকা ॥ ১১ ॥

ব্রজেশ্যাঃ কৃষ্ণবত্প্রেম পাত্রী তত্রাতি ভক্তিকা ।
অম্বাবাত্সল্যসংসিক্তা রোহিণীঘ্রাতমস্তকা ॥ ১২ ॥

ব্রজেন্দ্রচরণাম্ভোজে ঽর্পিতভক্তিপরম্পরা ।
তস্যাপি প্রেমপাত্রীয়ং পিতুর্ভানোরিব স্ফুটম্ ॥ ১৩ ॥

গুরুবুদ্ধ্যা প্রলম্বারৌ নতিং দূরে বিতন্বতী ।
বধূবুদ্ধ্যৈব তস্যাপি প্রেমভূমীহ হ্রীয়ুতা ॥ ১৪ ॥

ললিতাললিতা স্বীয় প্রাণোরুললিতাবৃতা ।
ললিতাপ্রাণরক্ষৈকরক্ষিতা তদ্বশাত্মিকা ॥ ১৫ ॥

বৃন্দাপ্রসাধিতোত্তুঙ্গ কুডুঙ্গানঙ্গবেশ্মনি ।
কৃষ্ণখণ্ডিতমানত্বাল্ ললিতাভীতিকম্পিনী ॥ ১৬ ॥

বিশাখনর্মসখ্যেন সুখিতা তদ্গতাত্মিকা ।
বিশাখাপ্রাণদীপালি নির্মঞ্ছ্যনখচন্দ্রিকা ॥ ১৭ ॥

সখীবর্গৈকজীবাতুস্মিতকৈরবকোরকা ।
স্নেহফুল্লীকৃতস্বীয়গণা গোবিন্দবল্লভা ॥ ১৮ ॥

বৃন্দারণ্যমহারাজ্যমহাসেকমহোজ্জ্বলা ।
গোষ্ঠসর্বজনাজীব্যবদনা রদনোত্তমা ॥ ১৯ ॥

জ্ঞাতবৃন্দাটবীসর্বলতাতরুমৃগদ্বিজা ।
তদীয়সখ্যসৌরভ্যসুরভীকৃতমানসা ॥ ২০ ॥

সর্বত্র কুর্বতি স্নেহং স্নিগ্ধপ্রকৃতিরাভবম্ ।
নামমাত্রজগাচিত্তদ্রাবিকা দীনপালিকা ॥ ২১ ॥

গোকুলে কৃষ্ণচন্দ্রস্য সর্বাপচ্ছান্তিপূর্বকম্ ।
ধীরলালিত্যবৃদ্ধ্যর্থং ক্রিয়মাণব্রতাধিকা ॥ ২২ ॥

গুরুগোবিপ্রসত্কাররতা বিনয়সন্নতা ।
তদাশীঃশতবর্ধিষ্ণুসৌভাগ্যাদিগুণাঞ্চিতা ॥ ২৩ ॥

আয়ুর্গোশ্রীয়শোদায়িপাকো দুর্বাসসো বরাত্ ।
অতঃ কুন্দলতানীয়মানা রাজ্ঞ্যাঃ সমাজ্ঞয়া ॥ ২৪ ॥

গোষ্ঠজীবাতুগোবিন্দজীবাতুলপিতামৃতা ।
নিজপ্রানার্বুদশ্রেণিরক্ষ্যতত্পাদরেণুকা ॥ ২৫ ॥

কৃষ্ণপদারবিন্দোদ্যন্মকরন্দময়ে মুদা ।
অরিষ্টমর্দি কাসারে স্নাত্রী নির্বন্ধতোঽন্বহম্ ॥ ২৬ ॥

নিজকুন্দপুরস্তীরে রত্নস্থল্যামহর্নিশম্ ।
প্রেষ্ঠনর্মালিভির্ভঙ্গ্যা সমং নর্ম বিতন্বতী ॥ ২৭ ॥

গোবর্ধনগুহালক্ষ্মীর্গোবর্ধনবিহারিণী ।
ধৃতগোবর্ধনপ্রেমা ধৃতগোবর্ধনপ্রিয়া ॥ ২৮ ॥

গান্ধর্বাদ্ভুতগান্ধর্বা রাধা বাধাপহারিণী ।
চন্দ্রকান্তিশ্চলাপঙ্গী রাধিকা ভানুরাধিকা ॥ ২৯ ॥

গান্ধর্বিকা স্বগন্ধাতিসুগন্ধীকৃতগোকুলা ।
ইতি পঞ্চভিরাহূতা নামভির্গোকুলে জনৈঃ ॥ ৩০ ॥

হরিণী হরিণীনেত্রা রঙ্গিণী রঙ্গিণীপ্রিয়া ।
রঙ্গিণীধ্বনিনাগচ্ছত্সুরঙ্গধ্বনিহাসিনী ॥ ৩১ ॥

বদ্ধনন্দীশ্বরোত্কণ্ঠা কান্তকৃষ্ণৈককঙ্ক্ষয়া ।
নবানুরাগসম্বন্ধমদিরোন্মত্তমানসা ॥ ৩২ ॥

মদনোন্মাদিগোবিন্দমকস্মাত্প্রেক্ষ্য হাসিনী ।
লপন্তী রুদতী কম্প্রা রুষ্টা দষ্টাধরাতুরা ॥ ৩৩ ॥

বিলোকয়তি গোবিন্দে স্মিত্বা চারুমুখাম্বুজম্ ।
পুষ্পাকৃষ্টিমিষাদূর্ধ্বে ধৃতদোর্মুলচালনা ॥ ৩৪ ॥

সমক্ষমপি গোবিন্দমবিলোক্যেব ভাবতঃ ।
দলে বিলিখ্য তন্মূর্তিং পশ্যন্তী তদ্বিলোকিতাম্ ॥ ৩৫ ॥

লীলয়া য়াচকং কৃষ্ণমবধীর্যেব ভামিনী ।
গিরীন্দ্রগাহ্বরং ভঙ্গ্যা পশ্যন্তী বিকসদ্দৃশা ॥ ৩৬ ॥

সুবলস্কন্ধবিন্যস্তবাহৌ পশ্যতি মাধবে ।
স্মেরা স্মেরারবিন্দেন তমালং তডয়ন্ত্যথ ॥ ৩৭ ॥

লীলয়া কেলিপাথোজং স্মিত্বা চুম্বিতমাধবে ।
স্মিত্বা ভালাত্তকস্তূরীরসং ঘৃতবতী ক্বচিত্ ॥ ৩৮ ॥

মহাভাবোজ্জ্বলাচিন্তারত্নোদ্ভবিতবিগ্রহাম্ ।
সখীপ্রণয়সদ্গন্ধবরোদ্বর্তনসুপ্রভাম্ ॥ ৩৯ ॥

কারুণ্যামৃতবীচিভিস্তারুণ্যামৃতধারয়া ।
লাবণ্যামৃতবন্যাভিঃ স্নপিতাং গ্লপিতেন্দিরাম্ ॥ ৪০ ॥

হ্রীপট্টবস্ত্রগুপ্তাঙ্গীং সৌন্দর্যঘুসৃণাঞ্চিতাম্ ।
শ্যামলোজ্জ্বলকস্তূরীবিচিত্রিতকলেবরাম্ ॥ ৪১ ॥

কম্পাশ্রুপুলকস্তম্ভস্বেদগদ্গদরক্ততা ।
উন্মদো জাড্যমিত্যেতৈ রত্নৈর্নবভিরুত্তমৈঃ ॥ ৪২ ॥

ক্ল্প্তালঙ্কৃতিসংশ্লিষ্টাং গুণালিপুষ্পমালিনীম্ ।
ধীরাধিরত্বসদ্বষপটবাসৈঃ পরিষ্কৃতাম্ ॥ ৪৩ ॥

প্রচ্ছন্নমানধম্মিল্লাং সৌভাগ্যতিলকোজ্জ্বলাম্ ।
কৃষ্ণনাময়শঃশ্রাবাবতংসোল্লাসিকর্ণিকাম্ ॥ ৪৪ ॥

রাগতম্বূলরক্তোষ্ঠীং প্রেমকৌটিল্যকজ্জলাম্ ।
নর্মভাষিতনিঃস্যন্দস্মিতকর্পূরবাসিতাম্ ॥ ৪৫ ॥

সৌরভান্তঃপুরে গর্বপর্যঙ্কোপরি লীলয়া ।
নিবিষ্টাং প্রেমবৈচিত্ত্যবিচলত্তরলাঞ্চিতাম্ ॥ ৪৬ ॥

প্রণয়ক্রোধসাচোলীবন্ধগুপ্তিকৃতস্তনাম্ ।
সপত্নীবক্ত্রহৃচ্ছোশিয়শঃশ্রীকচ্ছপীরবাম্ ॥ ৪৭ ॥

মধ্যতাত্মসখীস্কন্ধলীলান্যস্তকরাম্বুজাম্ ।
শ্যামাং শ্যামস্মরামোদমধুলীপরিবেশিকাম্ ॥ ৪৮ ॥

সুভগবল্গুবিঞ্ছোলীমৌলীভূষণমঞ্জরী ।
আবৈকুণ্ঠমজাণ্ডালিবতংসীকৃতসদ্যশঃ ॥ ৪৯ ॥

বৈদগ্ধ্যৈকসুধাসিন্ধুশ্চাটুর্যৈকসুধাপুরী ।
মাধুর্যৈকসুধাবল্লী গুণরত্নৈকপেটিকা ॥ ৫০ ॥

গোবিন্দানঙ্গরাজীবে ভানুশ্রীর্বার্ষভানবী ।
কৃষ্ণহৃত্কুমুদোল্লাসে সুধাকারকরস্থিতিঃ ॥ ৫১ ॥

কৃষ্ণমানসহংসস্য মানসী সরসী বরা ।
কৃষ্ণচাতকজীবাতুনবাম্ভোদপয়ঃশ্রুতিঃ ॥ ৫২ ॥

সিদ্ধাঞ্জনসুধাবার্তিঃ কৃষ্ণলোচনয়োর্দ্বয়োঃ ।
বিলাসশ্রান্তকৃষ্ণাঙ্গে বাতলী মাধবী মতা ॥ ৫৩ ॥

মুকুন্দমত্তমাতঙ্গবিহারাপরদীর্ঘিকা ।
কৃষ্ণপ্রাণমহামীনখেলনানন্দবারিধিঃ ॥ ৫৪ ॥

গিরীন্দ্রধারিরোলম্বরসালনবমঞ্জরী ।
কৃষ্ণকোকিলসম্মোদিমন্দরোদ্যানবিস্তৃতিঃ ॥ ৫৫ ॥

কৃষ্ণকেলিবরারামবিহারাদ্ভুতকোকিলা ।
নাদাকৃষ্টবকদ্বেষিবীরধীরমনোমৃগা ॥ ৫৬ ॥

প্রণয়োদ্রেকসিদ্ধ্যেকবশিকৃতধৃতাচলা ।
মাধবাতিবশা লোকে মাধবী মাধবপ্রিয়া ॥ ৫৭ ॥

কৃষ্ণমঞ্জুলতাপিঞ্ছে বিলসত্স্বর্ণয়ূথিকা ।
গোবিন্দনব্যপাথোদে স্থিরবিদ্যুল্লতাদ্ভুতা ॥ ৫৮ ॥

গ্রীষ্মে গোবিন্দসর্বাঙ্গে চন্দ্রচন্দনচন্দ্রিকা ।
শীতে শ্যামশুভাঙ্গেষু পীতপট্টলসত্পটী ॥ ৫৯ ॥

মধৌ কৃষ্ণতরূল্লাসে মধুশ্রীর্মধুরাকৃতিঃ ।
মঞ্জুমল্লাররাগশ্রীঃ প্রাবৃষী শ্যামহর্ষিণী ॥ ৬০ ॥

ঋতৌ শরদি রাসৈকরসিকেন্দ্রমিহ স্ফুটম্ ।
বরিতুং হন্ত রাসশ্রীর্বিহরন্তী সখীশ্রিতা ॥ ৬১ ॥

হেমান্তে স্মরয়ুদ্ধার্থমটন্তং রাজনন্দনম্ ।
পৌরুষেণ পরাজেতুং জয়শ্রীর্মূর্তিধারিণী ॥ ৬২ ॥

সর্বতঃ সকলস্তব্যবস্তুতো য়ত্নতশ্চিরাত্ ।
সারণাকৃষ্য তৈর্যুক্ত্যা নির্মায়াদ্ভুতশোভয়া ॥ ৬৩ ॥

স্বশ্লাঘং কুর্বতা ফুল্লবিধিনা শ্লাঘিতা মুহুঃ ।
গৌরীশ্রীমৃগ্যসৌন্দর্যবন্দিতশ্রীনখপ্রভা ॥ ৬৪ ॥

শরত্সরোজশুভ্রাংশুমণিদর্পনমালয়া ।
নির্মঞ্ছিতমুখাম্ভোজবিলসত্সুষমকণা ॥ ৬৫ ॥

স্থায়ীসঞ্চারিসূদ্দীপ্তসত্ত্বিকৈরনুভাবকৈঃ ।
বিভাবাদ্যৈর্বিভাবোঽপি স্বয়ং শ্রীরসতাং গতা ॥ ৬৬ ॥

সৌভাগ্যদুন্দুভিপ্রোদ্যদ্ধ্বনিকোলাহলৈঃ সদা ।
বিত্রস্তীকৃতগর্বিষ্ঠবিপক্ষাখিলগোপিকা ॥ ৬৭ ॥

বিপক্ষলক্ষাহৃত্কম্পাসম্পাদকমুখশ্রিয়া ।
বশীকৃতবকারাতিমানসা মদনালসা ॥ ৬৮ ॥

কন্দর্পকোটিরম্যশ্রীজয়িশ্রীগিরিধারিণা ।
চঞ্চলাপঙ্গভঙ্গেন বিস্মারিতসতীব্রতা ॥ ৬৯ ॥

কৃষ্ণেতিবর্ণয়ুগ্মোরুমোহমন্ত্রেণ মোহিতা ।
কৃষ্ণদেহবরামোদহৃদ্যমাদনমাদিতা ॥ ৭০ ॥

কুটিলভ্রূচলাচণ্ডকন্দর্পোদ্দণ্ডকর্মুকা ।
ন্যস্তাপঙ্গশরক্ষেপৈর্বিহ্বলীকৃতমাধবা ॥ ৭১ ॥

নিজাঙ্গসৌরভোদ্গারমদকৌষধিবাত্যয়া ।
উন্মদীকৃতসর্বৈকমদকপ্রবরাচ্যুতা ॥ ৭২ ॥

দৈবাচ্ছ্রুতিপথায়াতনামনীহারবায়ুনা ।
প্রোদ্যদ্রোমাঞ্চশীত্কারকম্পিকৃষ্ণমনোহরা ॥ ৭৩ ॥

কৃষ্ণনেত্রলসঞ্জিহ্বালেহ্যবক্ত্রপ্রভামৃতা ।
কৃষ্ণান্যতৃষ্ণাসংহারী সুধাসারৈকঝর্ঝরী ॥ ৭৪ ॥

রাসলাস্যরসোল্লাসবশীকৃতবলানুজা ।
গানফুল্লীকৃতোপেন্দ্রা পিকোরুমধুরস্বরা ॥ ৭৫ ॥

কৃষ্ণকেলিসুধাসিন্ধুমকরী মকরধ্বজম্ ।
বর্ধয়ন্তী স্ফুটং তস্য নর্মাস্ফলনখেলয়া ॥ ৭৬ ॥

গতির্মত্তগজঃ কুম্ভৌ কুচৌ গন্ধমদোদ্ধুরৌ ।
মধ্যমুদ্দামসিংহোঽয়ং ত্রিবল্যো দুর্গভিত্তয়ঃ ॥ ৭৭ ॥

রোমালী নাগপাশশ্রীর্নিতম্বো রথ উল্বনঃ ।
দান্তা দুর্দন্তসামান্তাঃ পাদাঙ্গুল্যঃ পদাতয়ঃ ॥ ৭৮ ॥

পাদৌ পদতিকাধ্যক্ষৌ পুলকঃ পৃথুকঙ্কতঃ ।
ঊরূ জয়মণিস্তম্ভৌ বাহূ পাশবরৌ দৃঢৌ ॥ ৭৯ ॥

ভ্রূদ্বন্দ্বং কর্মুকং ক্রূরং কটাক্ষাঃ শনিতাঃ শরাঃ ।
ভালমর্ধেন্দুদিব্যাস্ত্রমঙ্কুশাণি নখাঙ্কুরাঃ ॥ ৮০ ॥

স্বর্ণেন্দুফলকং বক্ত্রং কৃপণী করয়োর্দ্যুতিঃ ।
ভল্লভারঃ করাঙ্গুল্যো গণ্ডৌ কনকদর্পনৌ ॥ ৮১ ॥

কেশপাশঃ কটুক্রোধঃ কর্ণৌ মৌর্বগুণোত্তমৌ ।
বন্ধুকাধররাগোঽতিপ্রতাপঃ করকম্পকঃ ॥ ৮২ ॥

দুন্দুভ্যাদিরবশ্চূডাকিঙ্কিনীনূপুরস্বনঃ ।
চিবুকং স্বস্তিকং শাস্তং কণ্ঠঃ শঙ্খো জয়প্রদঃ ॥ ৮৩ ॥

পরিষ্বঙ্গো হি বিদ্ধ্যস্ত্রং সৌরভং মদকৌষদম্ ।
বাণী মোহনমন্ত্রশ্রীর্দেহবুদ্ধিবিমোহিনী ॥ ৮৪ ॥

নাভী রত্নাদিভাণ্ডারং নাসাশ্রীঃ সকলোন্নতা ।
স্মিতলেশোঽপ্যচিন্ত্যাদি বশীকরণতন্ত্রকঃ ॥ ৮৫ ॥

অলকানাং কুলং ভীষ্মং ভৃঙ্গাস্ত্রং ভঙ্গদায়কম্ ।
মূর্তিঃ কন্দর্পয়ুদ্ধশ্রীর্বেণী সঞ্জয়িনী ধ্বজা ॥ ৮৬ ॥

ইতি তে কামসঙ্গ্রামসামগ্যো দুর্ঘটাঃ পরৈঃ ।
ঈদৃশ্যো ললিতাদীনাং সেনানীনাং চ রাধিকে ॥ ৮৭ ॥

অতো দর্পমদাদ্যূতং দানীন্দ্রমবধীর্য মাম্ ।
মহামারমহারাজনিয়ুক্তং প্রথিতং ব্রজে ॥ ৮৮ ॥

সুষ্ঠু সীমান্তসিন্দূর তিলকানাং বরত্বিষাম্ ।
হারাঙ্গদাদিচোলীনাং নাসামৌক্তিকবাসসাম্ ॥ ৮৯ ॥

কেয়ূরমুদ্রিকাদীনাং কজ্জলোদ্যদ্বতংসয়োঃ ।
এতাবদ্যুদ্ধবস্তূনাং পরার্ধ্যানাং পরর্ধ্যতঃ ॥ ৯০ ॥

তথা দধ্যাদিগব্যানআমমূল্যানানাং ব্রজোদ্ভবাত্ ।
অদত্ত্বা মে করং ন্যায়্যং খেলন্ত্যো ভ্রমতেহ য়ত্ ॥ ৯১ ॥

ততো ময়া সমং য়ুদ্ধং কর্তুমিচ্ছত বুধ্যতে ।
কিং চৈকোঽহং শতং য়ূয়ং কুরুধ্বং ক্রমশস্ততঃ ॥ ৯২ ॥

প্রথমং ললিতোচ্চণ্ডা চরতাচ্চণ্ডসঙ্গরম্ ।
ততস্ত্বং তদনু প্রেষ্ঠসঙ্গরাঃ সকলাঃ ক্রমাত্ ॥ ৯৩ ॥

অথ চেন্মিলিতাঃ কর্তুং কাময়ধ্বে রণং মদাত্ ।
অগ্রে সরত তদ্দোর্ভ্যাং পিনষ্মি সকলাঃ ক্ষণাত্ ॥ ৯৪ ॥

ইতি কৃষ্ণবচঃ শ্রুত্বা সাটোপং নর্মনির্মিতম্ ।
সানন্দং মদনাক্রান্তমানসালিকুলান্বিতা ॥ ৯৫ ॥

স্মিত্বা নেত্রান্তবাণৈস্তং স্তব্ধীকৃত্য মদোদ্ধতম্ ।
গচ্ছন্তী হংসবদ্ভঙ্গ্যা স্মিত্বা তেন ধৃতাঞ্চলা ॥ ৯৬ ॥

লীলয়াঞ্চলমাকৃষ্য চলন্তী চারুহেলয়া ।
পুরো রুদ্ধপথং তং তু পশ্যন্তী রুষ্টয়া দৃশা ॥ ৯৭ ॥

মানসস্বর্ধুনীং তূর্ণমুত্তরীতুং তরীং শ্রিতা ।
কম্পিতায়াং তরৌ ভীত্যা স্তুবন্তী কৃষ্ণনাবিকম্ ॥ ৯৮ ॥

নিজকুণ্ডপয়ঃকেলিলীলানির্জিতমচ্যুতম্ ।
হসিতুং য়ুঞ্জতী ভঙ্গ্যা স্মেরা স্মেরমুখীঃ সখীঃ ॥ ৯৯ ॥

মকন্দমকুলস্যন্দিমরন্দস্যন্দিমন্দিরে ।
কেলিতল্পে মুকুন্দেন কুন্দবৃন্দেন মণ্ডিতা ॥ ১০০ ॥

নানাপুষ্পমণিব্রাতপিঞ্ছাগুঞ্জাফলাদিভিঃ ।
কৃষ্ণগুম্ফিতধম্মিল্লোত্ফুল্লরোমস্মরঙ্কুরা ॥ ১০১ ॥

মঞ্জুকুঞ্জে মুকুন্দস্য কুচৌ চিত্রয়তঃ করম্ ।
ক্ষপয়ন্তী কুচক্ষেপৈঃ সুসখ্যমধুনোন্মদা ॥ ১০২ ॥

বিলাসে য়ত্নতঃ কৃষ্ণদত্তং তাম্বূলচর্বিতম্ ।
স্মিত্বা বাম্যাদগৃহ্ণানা তত্রারোপিতদূষণম্ ॥ ১০৩ ॥

দ্যূতে পাণিকৃতাং বংশীং জিত্বা কৃষ্ণসুগোপিতাম্ ।
হসিত্বাচ্ছিদ্য গৃহ্ণানা স্তুতা স্মেরালিসঞ্চয়ৈঃ ॥ ১০৪ ॥

বিশাখাগূঢনর্মোক্তিজিতকৃষ্ণার্পিতস্মিতা ।
নর্মাধ্যায়বরাচার্যা ভারতীজয়বাগ্মিতা ॥ ১০৫ ॥

বিশাখাগ্রে রহঃকেলিকথোদ্ঘাটকমাধবম্ ।
তাডয়ন্তী দ্বিরব্জেন সভ্রূভঙ্গেন লীলয়া ॥ ১০৬ ॥

ললিতাদিপুরঃ সাক্ষাত্কৃষ্ণসম্ভোগলঞ্ছনে ।
সূচ্যমানে দৃশা দূত্যা স্মিত্বা হুঙ্কুর্বতী রুষা ॥ ১০৭ ॥

ক্বচিত্প্রণয়মানেন স্মিতমাবৃত্য মৌনিনী ।
ভীত্যা স্মরশরৈর্ভঙ্গ্যলিঙ্গন্তী সস্মিতং হরিম্ ॥ ১০৮ ॥

কুপিতং কৌতুকৈঃ ক্র্ষ্ণং বিহারে বাঢমৌনিনম্ ।
কতরা পরিরভ্যাশু মানয়ন্তী স্মিতাননম্ ॥ ১০৯ ॥

মিথঃ প্রণয়মানেন মৌনিনী মৌনিনং হরিম্ ।
নির্মৌনা স্মরমিত্রেণ নির্মৌনং বীক্ষ্য সস্মিতা ॥ ১১০ ॥

ক্বচিত্পথি মিলাচন্দ্রাবলীসম্ভোগদূষণম্ ।
শ্রুত্বা ক্রূরসখীবক্ত্রান্মুকুন্দে মানিনী রুষা ॥ ১১১ ॥

পাদলক্ষারসোল্লাসিশিরস্কং কংসবিদ্বিষম্ ।
কৃতকাকুশতং সাস্রা পশ্যন্তীষাচলদ্দৃশা ॥ ১১২ ॥

ক্বচিত্কলিন্দজাতীরে পুষ্পত্রোটনখেলয়া ।
বিহরন্তী মুকুন্দেন সার্ধমালীকুলাবৃতা ॥ ১১৩ ॥

তত্র পুষ্পকৃতে কোপাদ্ব্রজন্তী প্রেমকারিতাত্ ।
ব্যাঘোতিতা মুকুন্দেন স্মিত্বা ধৃত্বা পটাঞ্চলম্ ॥ ১১৪ ॥

বিহারশ্রান্তিতঃ কান্তং ললিতান্যস্তমস্তকম্ ।
বীজয়ন্তী স্বয়ং প্রেম্ণা কৃষ্ণং রক্তপটাঞ্চলৈঃ ॥ ১১৫ ॥

পুষ্পকল্পিতদোলায়াং কলগানকুতূহলৈঃ ।
প্রেম্ণা প্রেষ্ঠসখীবর্গৈর্দোলিতা হরিভূষিতা ॥ ১১৬ ॥

কুণ্ডকুঞ্জাঙ্গনে বল্গু গায়দালীগণান্বিতা ।
বীণানন্দিতগোবিন্দদত্তচুম্বেন লজ্জিতা ॥ ১১৭ ॥

গোবিন্দবদনাম্ভোজে স্মিত্বা তাম্বূলবীটিকাম্ ।
য়ুঞ্জতীহ মিথো নর্মকেলিকর্পূরবাসিতাম্ ॥ ১১৮ ॥

গিরীন্দ্রগাহ্বরে তল্পে গোবিন্দোরসি সালসম্ ।
শয়না ললিতাবীজ্যমানা স্বীয়পটাঞ্চলৈঃ ॥ ১১৯ ॥

অপূর্ববন্ধগান্ধর্বাকলয়োন্মদ্য মাধবম্ ।
স্মিত্বা হরিততদ্বেণুহারা স্মেরবিশাখয়া ॥ ১২০ ॥

বীণাধ্বনিধুতোপেন্দ্রহস্তাচ্চ্যোতিতবংশিকা ।
চূডাস্বনহৃতশ্যামদেহগেহপথস্মৃতিঃ ॥ ১২১ ॥

মুরলীগিলিতোত্তুঙ্গগৃহধর্মকুলস্থিতিঃ ।
শৃঙ্গতো দত্ততত্সর্বসতিলাপোঽঞ্জলিত্রয়া ॥ ১২২ ॥

কৃষ্ণপুষ্টিকরামোদিসুধাসারাধিকাধরা ।
স্বমধুরিত্বসম্পাদিকৃষ্ণপাদাম্বুজামৃতা ॥ ১২৩ ॥

রাধেতি নিজনাম্নৈব জগত্খ্যাপিতমাধবা ।
মাধবস্যৈব রাধেতি জ্ঞাপিতাত্মা জগত্ত্রয়ে ॥ ১২৪ ॥

মৃগনাভেঃ সুগন্ধশ্রীরিবেন্দোরিব চন্দ্রিকা ।
তরোঃ সুমঞ্জরীবেহ কৃষ্ণস্যাভিন্নতাং গতা ॥ ১২৫ ॥

রঙ্গিনা সঙ্গরঙ্গেন সানঙ্গরঙিনীকৃতা ।
সানঙ্গরঙ্গভঙ্গেন সুরঙ্গীকৃতরঙ্গদা ॥ ১২৬ ॥

ইত্যেতন্নামলীলাক্তপদ্যৈঃ পীয়ূষবর্ষকৈঃ ।
তদ্রসাস্বাদনিষ্ণাতবসনাবাসিতান্তরৈঃ ॥ ১২৭ ॥

গীয়মানং জনৈর্ধন্যৈঃ স্নেহবিক্লিন্নমানসৈঃ ।
নত্বা তাং কৃপয়াবিষ্টাং দুষ্টোঽপি নিষ্ঠুরঃ শঠঃ ॥ ১২৮ ॥

জনোঽয়ং য়াচতে দুঃখী রুদন্নুচ্চৈরিদং মুহুঃ ।
তত্পদাম্ভোজয়ুগ্মৈকগতিঃ কাতরতাং গতঃ ॥ ১২৯ ॥

কৃত্বা নিজগণস্যান্তঃ কারুণ্যান্নিজসেবনে ।
নিয়িজয়তু মাং সাক্ষাত্সেয়ং বৃন্দাবনেশ্বরী ॥ ১৩০ ॥

ভজামি রাধামরবিন্দনেত্রাং
স্মরামি রাধাং মধুরস্মিতাস্যাম্ ।
বদামি রাধাং করুণভরার্দ্রাং
ততো মমান্যাস্তি গতির্ন কাপি ॥ ১৩১ ॥

লীলানামাঙ্কিতস্তোত্রং বিশাখানন্দদাভিধম্ ।
য়ঃ পঠেন্নিয়তং গোষ্ঠে বসেন্নির্ভরদীনধীঃ ॥ ১৩২ ॥

আত্মালঙ্কৃতিরাধায়াং প্রীতিমুত্পদ্য মোদভাক্
নিয়োজয়তি তাং কৃষ্ণঃ সাক্ষাত্তত্প্রিয়সেবনে ॥ ১৩৩ ॥

শ্রীমদ্রূপপদাম্ভোজধূলীমাত্রৈকসেবিনা
কেনচিদ্গ্রথিতা পদ্যৈর্মালাঘ্রেয়া তদাশ্রয়ৈঃ ॥ ১৩৪ ॥

ইতি শ্রীরঘুনাথদাসগোস্বামিবিরচিতস্তবাবল্যাং
শ্রীবিশাখানন্দাভিধস্তোত্রং সম্পূর্ণম্ ।

Add Comment

Click here to post a comment