Shrimad Geeta Saar from Agni Purana 381 in Bengali:
॥ শ্রীমদ্ গীতাসারঃ অগ্নিপুরাণান্তর্গতঃ ॥
অগ্নিরুবাচ —
গীতাসারং প্রবক্ষ্যামি সর্বগীতোত্তমোত্তমম্ ।
কৃষ্ণোঽর্জুনায় যমাহ পুরা বৈ ভুক্তিমুক্তিদম্ ॥ ৩৮১.১ ॥
শ্রীভগবানুবাচ —
গতাসুরগতাসুর্বা ন শোচ্যো দেহবানজঃ ।
আত্মাঽজরোঽমরোঽভেদ্যস্তস্মাচ্ছোকাদিকং ত্যজেৎ ॥ ৩৮১.২ ॥
ধ্যায়তো বিষয়ান্ পুংসঃ সঙ্গস্তেষূপজায়তে ।
সঙ্গাৎ কামস্ততঃ ক্রোধঃ ক্রোধাৎসম্মোহ এব চ ॥ ৩৮১.৩ ॥
সম্মোহাৎ স্মৃতিবিভ্রংশো বুদ্ধিনাশাৎ প্রণশ্যতি ।
দুঃসঙ্গহানিঃ সৎসঙ্গান্মোক্ষকামী চ কামনুৎ ॥ ৩৮১.৪ ॥
কামত্যাগাদাত্মনিষ্ঠঃ স্থিরপ্রজ্ঞস্তদোচ্যতে ।
যা নিশা সর্বভূতানাং তস্যাং জাগর্তি সংয়মী ॥ ৩৮১.৫ ॥
যস্যাং জাগ্রতি ভূতানি সা নিশা পশ্যতো মুনেঃ ।
আত্মন্যেব চ সন্তুষ্টস্তস্য কার্যং ন বিদ্যতে ॥ ৩৮১.৬ ॥
নৈব তস্য কৃতেনার্থো নাকৃতেনেহ কশ্চন ।
তত্ত্ববিত্তু মহাবাহো গুণকর্মবিভাগয়োঃ ॥ ৩৮১.৭ ॥
গুণা গুণেষু বর্তন্তে ইতি মৎবা ন সজ্জতে ।
সর্বং জ্ঞানপ্লবেনৈব বৃজিনং সন্তরিষ্যতি ॥ ৩৮১.৮ ॥
জ্ঞানাগ্নিঃ সর্বকর্মাণি ভস্মসাৎ কুরুতেঽর্জুন ।
ব্রহ্মণ্যাধায় কর্মাণি সঙ্গং ত্যক্ত্বা করোতি যঃ ॥ ৩৮১.৯ ॥
লিপ্যতে ন স পাপেন পদ্মপত্রমিবাম্ভসা ।
সর্বভূতেষু চাত্মানাং সর্বভূতানি চাত্মনি ॥ ৩৮১.১১ ॥
ঈক্ষতে যোগয়ুক্তাত্মা সর্বত্র সমদর্শনঃ ।
শুচীনাং শ্রীমতাং গেহে যোগভ্রষ্টোঽভিজায়তে ॥ ৩৮১.১১ ॥
ন হি কল্যাণকৃৎ কশ্চিদ্দুর্গতিং তাত গচ্ছতি ।
দৈবী হ্যেষা গুণময়ী মম মায়া দুরত্যযা ॥ ৩৮১.১২ ॥
মামেব যে প্রপদ্যন্তে মায়ামেতাং তরন্তি তে ।
আর্তো জিজ্ঞাসুরর্থার্থী জ্ঞানী চ ভরতর্ষভ ॥ ৩৮১.১৩ ॥
চতুর্বিধা ভজন্তে মাং জ্ঞানী চৈকৎবমাস্থিতঃ ।
অক্ষরং ব্রহ্ম পরমং স্বভাবোঽধ্যাত্মমুচ্যতে ॥ ৩৮১.১৪ ॥
ভূতভাবোদ্ভবকরো বিসর্গঃ কর্মসংজ্ঞিতঃ ।
অধিভূতং ক্ষরো ভাবঃ পুরুষশ্চাধিদৈবতম্ ॥ ৩৮১.১৫ ॥
অধিয়জ্ঞোঽহমেবাত্র দেহে দেহভৃতাং বর ।
অন্তকালে স্মরন্মাঞ্চ মদ্ভাবং যাত্যসংশয়ঃ ॥ ৩৮১.১৬ ॥
যং যং ভাবং স্মরন্নন্তে ত্যজেদ্দেহং তমাপ্নুয়াৎ ।
প্রাণং ন্যস্য ভ্রুবোর্মধ্যে অন্তে প্রাপ্নোতি মৎপরম্ ॥ ৩৮১.১৭ ॥
ওমিত্যেকাক্ষরং ব্রহ্ম বদন্ দেহং ত্যজন্ তথা ।
ব্রহ্মাদিস্তম্ভপর্যন্তাঃ সর্বে মম বিভূতয়ঃ ॥ ৩৮১.১৮ ॥
শ্রীমন্তশ্চোর্জিতাঃ সর্বে মমাংশাঃ প্রাণিনঃ স্মৃতাঃ ।
অহমেকো বিশ্বরুপ ইতি জ্ঞাৎবা বিমুচ্যতে ॥ ৩৮১.১৯ ॥
ক্ষেত্রং শরীরং যো বেত্তি ক্ষেত্রজ্ঞঃ স প্রকীর্তিতঃ ।
ক্ষেত্রক্ষেত্রজ্ঞয়োর্জ্ঞানং যত্তজ্জ্ঞানং মতং মম ॥ ৩৮১.২১ ॥
মহাভূতান্যহঙ্গারো বুদ্ধিরব্যক্তমেব চ ।
ইন্দ্রিয়াণি দশৌকঞ্চ পঞ্চ চেন্দ্রিয়গোচরাঃ ॥ ৩৮১.২১ ॥
ইচ্ছা দ্বেষঃ সুখং দুঃখং সঙ্ঘাতশ্চেতনা ধৃতিঃ ।
এতৎক্ষেত্রং সমাসেন সবিকারমুদাহৃতম্ ॥ ৩৮১.২২ ॥
অমানিৎবমদম্ভিৎবমহিসা ক্ষান্তিরার্জবম্ ।
আচার্যোপাসনং শৌচং স্থৈর্যমাত্মবিনিগ্রহঃ ॥ ৩৮১.২৩ ॥
ইন্দ্রিয়ার্থেষু বৈরাগ্যমনহঙ্কার এব চ ।
জন্মমৃত্যুজরাব্যাধিদুঃখদোষানুদর্শনম্ ॥ ৩৮১.২৪ ॥
আসক্তিরনভিষ্বঙ্গঃ পুত্রদারগৃহাদিষু ।
নিত্যঞ্চ সমচিত্তত্ত্বমিষ্টানিষ্টোপপত্তিষু ॥ ৩৮১.২৫ ॥
ময়ি চানন্যযোগেন ভক্তিরব্যভিচারিণী ।
বিবিক্তদেশসেবিৎবমরতির্জনসংসদি ॥ ৩৮১.২৬ ॥
অধ্যাত্মজ্ঞাননিষ্ঠৎবন্ তত্ত্বজ্ঞানানুদর্শনম্ ।
এতজ্জ্ঞানমিতি প্রোক্তমজ্ঞানং যদতোঽন্যথা ॥ ৩৮১.২৭ ॥
জ্ঞেয়ং যত্তৎ প্রবক্ষ্যামি যৎ জ্ঞাৎবাঽমৃতমশ্নুতে ।
অনাদি পরমং ব্রহ্ম সত্ত্বং নাম তদুচ্যতে ॥ ৩৮১.২৮ ॥
সর্বতঃ পাণিপাদাং তৎ সর্বতোঽক্ষিশিরোমুখম্ ।
সর্বতঃ শ্রুতিমল্লোকে সর্বমাবৃত্য তিষ্ঠতি ॥ ৩৮১.২৯ ॥
সর্বেন্দ্রিয়গুণাভাসং সর্বেন্দিয়বিবর্জিতম্ ।
অসক্তং সর্বভৃচ্চৈব নির্গুণং গুণভোক্তৃ চ ॥ ৩৮১.৩১ ॥
বহিরন্তশ্চ ভূতানামচরঞ্চরমেব চ ।
সূক্ষমৎবাত্তদবিজ্ঞেয়ং দূরস্থঞ্চান্তিকেঽপি যৎ ॥ ৩৮১.৩১ ॥
অবিভক্তঞ্চ ভূতেষু বিভক্তমিব চ স্থিতম্ ।
ভূতভর্তৃ চ বিজ্ঞেয়ং গ্রসিষ্ণু প্রভবিষ্ণু চ ॥ ৩৮১.৩২ ॥
জ্যোতিষামপি তজ্জয়োতিস্তমসঃ পরমুচ্যতে ।
জ্ঞানং জ্ঞেয়ং জ্ঞানগম্যং হৃদি সর্বস্য ঘিষ্ঠিতম্ ॥ ৩৮১.৩৩ ॥
ধ্যানেনাত্মনি পশ্যন্তি কেচিদাত্মানমাত্মনা ।
অন্যে সাঙ্খ্যেন যোগেন কর্ময়োগেন চাপরে ॥ ৩৮১.৩৪ ॥
অন্যে ৎবেবমজানন্তো শ্রুৎবান্যেভ্য উপাসতে ।
তেঽপি চাশু তরন্ত্যেব মৃত্যুং শ্রুতিপরায়ণাঃ ॥ ৩৮১.৩৫ ॥ BG 13.25 চাতিতর
সত্ত্বাৎসঞ্জায়তে জ্ঞানং রজসো লোভ এব চ ।
প্রমাদমোহৌ তমসো ভবতোঽজ্ঞানমেব চ ॥ ৩৮১.৩৬ ॥
গুণা বর্তন্ত ইত্যেব যোঽবতিষ্ঠতি নেঙ্গতে ।
মানাবমানমিত্রারিতুল্যস্ত্যাগী স নির্গুণঃ ॥ ৩৮১.৩৭ ॥
ঊর্ধ্বমূলমধঃশাখমশ্বত্থং প্রাহুরব্যযম্ ।
ছন্দাংসি যস্য পর্ণানি যস্তং বেদ স বেদবিৎ ॥ ৩৮১.৩৮ ॥
দ্বৌ ভূতসর্গৌ লোকেঽস্মিন্ দৈব আসুর এব চ ।
অহিংসাদিঃ ক্ষমা চৈব দৈবীসম্পত্তিতো নৃণাম্ ॥ ৩৮১.৩৯ ॥
ন শৌচং নাপি বাচারো হ্যাসুরীসম্পদোদ্ভবঃ ।
নরকৎবাৎ ক্রোধলোভকামস্তস্মাত্ত্রয়ং ত্যজেৎ ॥ ৩৮১.৪১ ॥
যজ্ঞস্তপস্তথা দানং সত্ত্বাদ্যৈস্ত্রিবিধং স্মৃতম্ ।
আয়ুঃ সত্ত্ববলারোগ্যসুখায়ান্নন্তু সাত্ত্বিকম্ ॥ ৩৮১.৪১ ॥
দুঃখশোকাময়ায়ান্নং তীক্ষ্ণরূক্ষন্তু রাজসম্ ।
অমেধ্যোচ্ছিষ্টপূত্যন্নং তামসং নীরসাদিকম্ ॥ ৩৮১.৪২ ॥
যষ্টব্যো বিধিনা যজ্ঞো নিষ্কামায় স সাত্ত্বিকঃ ।
যজ্ঞঃ ফলায় দম্ভাত্মী রাজসস্তামসঃ ক্রতুঃ ॥ ৩৮১.৪৩ ॥ var দম্ভার্থং
শ্রদ্ধামন্ত্রাদিবিধ্যুক্তং তপঃ শারীরমুচ্যতে ।
দেবাদিপূজাঽহিংসাদি বাঙ্ময়ং তপ উচ্যতে ॥ ৩৮১.৪৪ ॥
অনুদ্বেগকরং বাক্যং সত্যং স্বাধ্যায়সজ্জপঃ ।
মানসং চিত্তসংশুদ্ধের্মৌনমাত্মবিনিগ্রহঃ ॥ ৩৮১.৪৫ ॥
সাত্ত্বিকঞ্চ তপোঽকামং ফলাদ্যর্থন্তু রাজসম্ ।
তামসং পরপীডায়ৈ সাত্ত্বিকং দানমুচ্যতে ॥ ৩৮১.৪৬ ॥
দেশাদৌ চৈব দাতব্যমুপকারায় রাজসম্ ।
অদেশাদাববজ্ঞাতং তামসং দানমীরিতম্ ॥ ৩৮১.৪৭ ॥
ওংতৎসদিতি নির্দেশো ব্রহ্মণস্ত্রিবিধঃ স্মৃতঃ ।
যজ্ঞদানাদিকং কর্ম ভুক্তিমুক্তিপ্রদং নৃণাম্ ॥ ৩৮১.৪৮ ॥
অনিষ্টমিষ্টং মিশ্রঞ্চ ত্রিবিংধং কর্মণঃ ফলম্ ।
ভবত্যত্যাগিনাং প্রেত্য ন তু সন্ন্যাসিনাং ক্বচিৎ ॥ ৩৮১.৪৯ ॥
তামসঃ কর্মসংয়োগাৎ মোহাৎক্লেশভয়াদিকাৎ ।
রাজসঃ সাত্ত্বিকোঽকামাৎ পঞ্চৈতে কর্মহেতবঃ ॥ ৩৮১.৫১ ॥
অধিষ্ঠানং তথা কর্তা করণঞ্চ পৃথগ্বিধম্ ।
ত্রিবিধাশ্চ পৃথক্ চেষ্টা দৈবঞ্চৈবাত্র পঞ্চমম্ ॥ ৩৮১.৫১ ॥
একং জ্ঞানং সাত্ত্বিকং স্যাৎ পৃথগ্ জ্ঞানন্তু রাজসম্ ।
অতত্ত্বার্থন্তামসং স্যাৎ কর্মাকামায় সাত্ত্বিকম্ ॥ ৩৮১.৫২ ॥
কামায় রাজসং কর্ম মোহাৎ কর্ম তু তামসম্ ।
সিদ্ধ্যসিদ্ধ্যোঃ সমঃ কর্তা সাত্ত্বিকো রাজসোঽত্যপি ॥ ৩৮১.৫৩ ॥
শঠোঽলসস্তামসঃ স্যাৎ কার্যাদিধীশ্চ সাত্ত্বিকী ।
কার্যার্থং সা রাজসী স্যাদ্বিপরীতা তু তামসী ॥ ৩৮১.৫৪ ॥
মনোধৃতিঃ সাত্ত্বিকী স্যাৎ প্রীতিকামেতি রাজসী ।
তামসী তু প্রশোকাদৌ সুখং সত্ত্বাত্তদন্তগম্ ॥ ৩৮১.৫৫ ॥
সুখং তদ্রাজসঞ্চাগ্রে অন্তে দুঃখন্তু তামসম্ ।
অতঃ প্রবৃত্তির্ভূতানাং যেন সর্বমিদন্ততম্ ॥ ৩৮১.৫৬ ॥
স্বকর্মণা তমভ্যর্চ্য বিষ্ণুং সিদ্ধিঞ্চ বিন্দতি ।
কর্মণা মনসা বাচা সর্বাবস্থাসু সর্বদা ॥ ৩৮১.৫৭ ॥
ব্রহ্মাদিস্তম্ভপর্যন্তং জগদ্বিষ্ণুঞ্চ বেত্তি যঃ ।
সিদ্ধিমাপ্নোতি ভগবদ্ভক্তো ভাগবতো ধ্রুবম্ ॥ ৩৮১.৫৮ ॥
ইত্যাদিমহাপুরাণে আগ্নেয়ে গীতাসারো নামৈকাশীত্যধিকত্রিশততমোঽধ্যায়ঃ ॥
Also Read:
Shrimad Gitasara from Agni Purana 381 Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
