Shruti Geetaa 2 in Oriya:
॥ ଶ୍ରୁତିଗୀତା ୨ ॥
ପ୍ରାକୃତାଃ ଶ୍ରୁତୟଃ ସର୍ୱା ଭଗବନ୍ତମଧୋକ୍ଷଜମ୍ ।
ସ୍ତୁବନ୍ତି ଦୋଷନାଶାୟ ତତ୍ରାବିଷ୍ଟୋ ଭବେଦ୍ୟଥା ॥ ୧ ॥
ସତ୍ୟୋ ହରିଃ ସମସ୍ତେଷୁ ଭ୍ରମଭାତେଷ୍ୱପି ସ୍ଥିରଃ ।
ଅତଃ ସନ୍ତଃ ସମସ୍ତାର୍ଥେ କୃଷ୍ଣମେବ ବିଜାନତେ ॥ ୨ ॥
କଥାନନ୍ତ୍ୟୋକ୍ତିହୃଦୟାଃ ସାଧନାନି ନ କୁର୍ୱତେ ।
ସାକ୍ଷାତ୍ତେ ପାଦସଂଶ୍ଲିଷ୍ଟାସ୍ତେ କିଂ ବାଚ୍ୟା ମହାଶୟାଃ ॥ ୩ ॥
କୃଷ୍ଣ ଏବ ସଦା ସେବ୍ୟୋ ନିର୍ଣୀତଃ ପଞ୍ଚଧା ବୁଧୈଃ ।
ଶରୀରଦଃ ପ୍ରେରକଶ୍ଚ ସୁଖଦଃ ଶେଷସତ୍ପଦଃ ॥ ୪ ॥
କର୍ମରୂପଂ ହରିଂ କେଚିତ୍ସେବନ୍ତେ ଯୋଗରୂପିଣମ୍ ।
ତେଭ୍ୟୋଽପ୍ୟକ୍ଷରରୂପସ୍ୟ ସେବକାଃ ସମ୍ମତାଃ ସତାମ୍ ॥ ୫ ॥
ସର୍ୱତ୍ର ଭଗବାଂସ୍ତୁତ୍ୟଃ ସର୍ୱଦୋଷବିବର୍ଜିତଃ ।
କ୍ରୀଡାର୍ଥମନୁକୁର୍ୱନ୍ହି ସର୍ୱତ୍ରୈବ ବିରାଜତେ ॥ ୬ ॥
ଗୁପ୍ତାନନ୍ଦା ଯତୋ ଜୀବା ନିରାନନ୍ଦଂ ଜଗଦ୍ୟତଃ ।
ପୂର୍ଣାନନ୍ଦୋ ହରିସ୍ତସ୍ମାଞ୍ଜୀବୈଃ ସେବ୍ୟଃ ସୁଖାର୍ଥିଭିଃ ॥ ୭ ॥
କୃଷ୍ଣେ ହରୌ ଭଗବତି ପରମାନନ୍ଦସାଗରଃ ।
ବର୍ତତେ ନାତ୍ର ସନ୍ଦେହଃ କଥା ତତ୍ର ନିୟାମିକା ॥ ୮ ॥
ଅସତ୍ସଙ୍ଗୋ ନ କର୍ତବ୍ୟୋ ଭକ୍ତିମାର୍ଗସ୍ୟ ବାଧକଃ ।
ଦେହେ ହ୍ୟନୁଗୁଣେ କୃଷ୍ଣେ ନେନ୍ଦ୍ରିୟାଣାଂ ପ୍ରିୟଂ ଚରେତ୍ ॥ ୯ ॥
ସର୍ୱ ଏବ ହରେର୍ଭକ୍ତାସ୍ତୁଲ୍ୟା ଯାନ୍ମନ୍ୟତେ ହରିଃ ।
ଅତଃ କୃଷ୍ଣୋ ଯଥାତ୍ମୀୟାନ୍ମନ୍ୟତେ ଭଜନଂ ତଥା ॥ ୧୦ ॥
ଜ୍ଞାନମାର୍ଗୋ ଭ୍ରାନ୍ତିମୂଲମତଃ କୃଷ୍ଣଂ ଭଜେଦ୍ବୁଧଃ ।
ପ୍ରବର୍ତକଂ ଜ୍ଞାନକାଣ୍ଡଂ ଚିତ୍ତଶୁଦ୍ଧ୍ୟୈ ଯତୋ ଭବେତ୍ ॥ ୧୧ ॥
ଭ୍ରାନ୍ତିମୂଲତୟା ସର୍ୱସମୟାନାମୟୁକ୍ତିତଃ ।
ନ ତଦ୍ୱିରୋଧାତ୍କୃଷ୍ଣାଖ୍ୟଂ ପରଂ ବ୍ରହ୍ମ ତ୍ୟଜେଦ୍ବୁଧଃ ॥ ୧୨ ॥
ଜୀବାନାଂ ବ୍ରହ୍ମରୂପତ୍ୱାଦ୍ଦୋଷା ଅପି ଚ ମାନସାଃ ।
ଜଗଚ୍ଚ ସକଲଂ ବ୍ରହ୍ୟ ତତୋ ଦୋଷଃ କଥଂ ହରୌ ॥ ୧୩ ॥
ସର୍ୱଥା ସର୍ୱତଃ ଶୁଦ୍ଧା ଭକ୍ତା ଏବ ନ ଚାପରେ ।
ଅତଃ ଶୁଦ୍ଧିମଭୀପ୍ସଦ୍ଭିସ୍ସେବ୍ୟା ଭକ୍ତା ନ ଚାପରେ ॥ ୧୪ ॥
ସୁବର୍ଣପ୍ରତିମାବାସୌ ସର୍ୱାନନ୍ଦମୟୋଽଧିରାଟ୍ ।
ସର୍ୱସେବ୍ୟୋ ନିୟନ୍ତା ଚ ନିର୍ଦୁଷ୍ଟଃ ସର୍ୱଥୈବ ହି ॥ ୧୫ ॥
ସର୍ୱଭାବବିନିର୍ମୁକ୍ତଃ ପୂର୍ଣଃ କ୍ରୋଡାର୍ଥମୁଦ୍ଗତଃ ।
ନିମିତ୍ତଂ ତଂ ସମାଶ୍ରିତ୍ୟ ଜାୟନ୍ତେ ଜୀବରାଶୟଃ ॥ ୧୬ ॥
ନିୟନ୍ତା ଜୀବସଙ୍ଘସ୍ୟ ହରିସ୍ତେନାଣବୋ ମତାଃ ।
ଜୀବା ନ ବ୍ୟାପକାଃ କ୍ୱାପି ଚିନ୍ମୟା ଜ୍ଞାନିନୋ ମତାଃ ॥ ୧୭ ॥
ନାମରୂପପ୍ରପଞ୍ଚଂ ହି ଦେବତିର୍ୟଙ୍ନରାତ୍ମକମ୍ ।
କୃଷ୍ଣାଦେବ ସମୁଦ୍ଭୂତଂ ଲୀନଂ ତତ୍ରୈବ ତନ୍ମୟମ୍ ॥ ୧୮ ॥
ନୄଣାଂ ଦୁର୍ଗତିମାଲୋକ୍ୟ ଯେ ସେବନ୍ତେ ଦୃଢବ୍ରତାଃ ।
କୃଷ୍ଣଂ ତଦ୍ଭ୍ରୁକୁଟିଃ କାଲୋ ନ ତାନ୍ହନ୍ତି କଦାଚନ ॥ ୧୯ ॥
ଅଦାନ୍ତେ ମନସି ଜ୍ଞାନୟୋଗାର୍ଥଂ ନ ଯତେଦ୍ବୁଧଃ ।
ଗୁରୁସେବାପରୋ ଭୂତ୍ୱା ଭକ୍ତିମେବ ସଦାଭ୍ୟସେତ୍ ॥ ୨୦ ॥
ସର୍ୱଲୋକୋପକାରାର୍ଥଂ କୃଷ୍ଣେନ ସହିତାସ୍ତୁ ତେ ।
ପରିଭ୍ରମନ୍ତି ଲୋକାନାଂ ନିସ୍ତାରାୟ ମହାଶୟାଃ ॥ ୨୧ ॥
ପୁତ୍ରାଦୀନ୍ସମ୍ପରିତ୍ୟଜ୍ୟ କୃଷ୍ଣଃ ସେବ୍ୟୋ ନ ତୈଃ ସହ ।
ତତ୍ସୁଖଂ ଭଗବାନ୍ଦାତା ତେ ତୁ କ୍ଲିଷ୍ଟେଽତିଦୁଃଖଦାଃ ॥ ୨୨ ॥
ପରିଭ୍ରମଂସ୍ତୀର୍ଥନିଷ୍ଠୋ ଗୁରୁଲବ୍ଧହରିସ୍ମୃତିଃ ।
ନ ସେବେତ ଗୃହାନ୍ ଦୁଷ୍ଟାନ୍ ସଦ୍ଧର୍ମାତ୍ୟନ୍ତନାଶକାନ୍ ॥ ୨୩ ॥
ସଦ୍ବୁଦ୍ଧ୍ୟା ସର୍ୱଥା ସଦ୍ଭିର୍ନ ସେବ୍ୟମଖିଲଂ ଜଗତ୍ ।
ଭ୍ରାନ୍ତ୍ୟା ସଦ୍ବୁଦ୍ଧିରତ୍ରେତି ସନ୍ତଂ କୃଷ୍ଣଂ ଭଜେଦ୍ବୁଧଃ ॥ ୨୪ ॥
ଖପୁଷ୍ପାଦିସମତ୍ୱାଦ୍ଧି ମିଥ୍ୟାଭୂତଂ ଜଗଦ୍ୟତଃ ।
ଅଧିଷ୍ଠାନାଚ୍ଚ ସଦ୍ଭାନଂ ତଂ କୃଷ୍ଣଂ ନିୟତଂ ଭଜେତ୍ ॥ ୨୫ ॥
କାଲାଦିତୃଣପର୍ୟନ୍ତା ନ ସେବ୍ୟା ମୁକ୍ତିମିଚ୍ଛତା ।
ଦୋଷତ୍ୟାଜନଶକ୍ତୋ ହି ସେବ୍ୟୋ ଦାତା ଗଣସ୍ୟ ଚ ॥ ୨୬ ॥
ଜୀବେଷୁ ଭଗବାନାତ୍ମା ସଞ୍ଚ୍ଛନ୍ନସ୍ତେନ ତତ୍ର ନ ।
ଭଜନଂ ସର୍ୱଥା କାର୍ୟଂ ତତୋଽନ୍ୟତ୍ରୈବ ପୂଜୟେତ୍ ॥ ୨୭ ॥
ସୁଖସେବାପରୋ ଯସ୍ତୁ ସଦାନନ୍ଦଂ ହରିଂ ଭଜେତ୍ ।
ଅନ୍ୟଥା ସୁଖମପ୍ରେପ୍ସୁଃ ସର୍ୱଥା ଦୁଃଖମାପ୍ନୁୟାତ୍ ॥ ୨୮ ॥
କୃଷ୍ଣାନନ୍ଦଃ ପରାନନ୍ଦୋ ନାନ୍ୟାନନ୍ଦସ୍ତଥାବିଧଃ ।
ବେଦା ଅପି ନ ତଚ୍ଛକ୍ତାଃ ପ୍ରତିପାଦୟିତୁଂ ସ୍ୱତଃ ॥ ୨୯ ॥
ଇତ୍ୟେବ ଶ୍ରୁତିଗୀତାୟାଃ ସଙ୍କ୍ଷେପେଣ ନିରୂପିତଃ ।
ଅର୍ଥରାଶିସମୁଦ୍ରୋ ହି ଯଥାଙ୍ଗୁଲ୍ୟା ନିରୂପ୍ୟତେ ॥ ୩୦ ॥
ଇତି ଶ୍ରୀବଲ୍ଲଭାଚାର୍ୟବିରଚିତା ଶ୍ରୁତିଗୀତା ସମ୍ପୂର୍ଣା ।
Also Read:
Shruti Gita 2 Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
