Shruti Geetaa 2 in Malayalam:
॥ ശ്രുതിഗീതാ 2 ॥
പ്രാകൃതാഃ ശ്രുതയഃ സർവാ ഭഗവന്തമധോക്ഷജം ।
സ്തുവന്തി ദോഷനാശായ തത്രാവിഷ്ടോ ഭവേദ്യഥാ ॥ 1 ॥
സത്യോ ഹരിഃ സമസ്തേഷു ഭ്രമഭാതേഷ്വപി സ്ഥിരഃ ।
അതഃ സന്തഃ സമസ്താർഥേ കൃഷ്ണമേവ വിജാനതേ ॥ 2 ॥
കഥാനന്ത്യോക്തിഹൃദയാഃ സാധനാനി ന കുർവതേ ।
സാക്ഷാത്തേ പാദസംശ്ലിഷ്ടാസ്തേ കിം വാച്യാ മഹാശയാഃ ॥ 3 ॥
കൃഷ്ണ ഏവ സദാ സേവ്യോ നിർണീതഃ പഞ്ചധാ ബുധൈഃ ।
ശരീരദഃ പ്രേരകശ്ച സുഖദഃ ശേഷസത്പദഃ ॥ 4 ॥
കർമരൂപം ഹരിം കേചിത്സേവന്തേ യോഗരൂപിണം ।
തേഭ്യോഽപ്യക്ഷരരൂപസ്യ സേവകാഃ സമ്മതാഃ സതാം ॥ 5 ॥
സർവത്ര ഭഗവാംസ്തുത്യഃ സർവദോഷവിവർജിതഃ ।
ക്രീഡാർഥമനുകുർവൻഹി സർവത്രൈവ വിരാജതേ ॥ 6 ॥
ഗുപ്താനന്ദാ യതോ ജീവാ നിരാനന്ദം ജഗദ്യതഃ ।
പൂർണാനന്ദോ ഹരിസ്തസ്മാഞ്ജീവൈഃ സേവ്യഃ സുഖാർഥിഭിഃ ॥ 7 ॥
കൃഷ്ണേ ഹരൗ ഭഗവതി പരമാനന്ദസാഗരഃ ।
വർതതേ നാത്ര സന്ദേഹഃ കഥാ തത്ര നിയാമികാ ॥ 8 ॥
അസത്സംഗോ ന കർതവ്യോ ഭക്തിമാർഗസ്യ ബാധകഃ ।
ദേഹേ ഹ്യനുഗുണേ കൃഷ്ണേ നേന്ദ്രിയാണാം പ്രിയം ചരേത് ॥ 9 ॥
സർവ ഏവ ഹരേർഭക്താസ്തുല്യാ യാന്മന്യതേ ഹരിഃ ।
അതഃ കൃഷ്ണോ യഥാത്മീയാന്മന്യതേ ഭജനം തഥാ ॥ 10 ॥
ജ്ഞാനമാർഗോ ഭ്രാന്തിമൂലമതഃ കൃഷ്ണം ഭജേദ്ബുധഃ ।
പ്രവർതകം ജ്ഞാനകാണ്ഡം ചിത്തശുദ്ധ്യൈ യതോ ഭവേത് ॥ 11 ॥
ഭ്രാന്തിമൂലതയാ സർവസമയാനാമയുക്തിതഃ ।
ന തദ്വിരോധാത്കൃഷ്ണാഖ്യം പരം ബ്രഹ്മ ത്യജേദ്ബുധഃ ॥ 12 ॥
ജീവാനാം ബ്രഹ്മരൂപത്വാദ്ദോഷാ അപി ച മാനസാഃ ।
ജഗച്ച സകലം ബ്രഹ്യ തതോ ദോഷഃ കഥം ഹരൗ ॥ 13 ॥
സർവഥാ സർവതഃ ശുദ്ധാ ഭക്താ ഏവ ന ചാപരേ ।
അതഃ ശുദ്ധിമഭീപ്സദ്ഭിസ്സേവ്യാ ഭക്താ ന ചാപരേ ॥ 14 ॥
സുവർണപ്രതിമാവാസൗ സർവാനന്ദമയോഽധിരാട് ।
സർവസേവ്യോ നിയന്താ ച നിർദുഷ്ടഃ സർവഥൈവ ഹി ॥ 15 ॥
സർവഭാവവിനിർമുക്തഃ പൂർണഃ ക്രോഡാർഥമുദ്ഗതഃ ।
നിമിത്തം തം സമാശ്രിത്യ ജായന്തേ ജീവരാശയഃ ॥ 16 ॥
നിയന്താ ജീവസംഘസ്യ ഹരിസ്തേനാണവോ മതാഃ ।
ജീവാ ന വ്യാപകാഃ ക്വാപി ചിന്മയാ ജ്ഞാനിനോ മതാഃ ॥ 17 ॥
നാമരൂപപ്രപഞ്ചം ഹി ദേവതിര്യങ്നരാത്മകം ।
കൃഷ്ണാദേവ സമുദ്ഭൂതം ലീനം തത്രൈവ തന്മയം ॥ 18 ॥
നൄണാം ദുർഗതിമാലോക്യ യേ സേവന്തേ ദൃഢവ്രതാഃ ।
കൃഷ്ണം തദ്ഭ്രുകുടിഃ കാലോ ന താൻഹന്തി കദാചന ॥ 19 ॥
അദാന്തേ മനസി ജ്ഞാനയോഗാർഥം ന യതേദ്ബുധഃ ।
ഗുരുസേവാപരോ ഭൂത്വാ ഭക്തിമേവ സദാഭ്യസേത് ॥ 20 ॥
സർവലോകോപകാരാർഥം കൃഷ്ണേന സഹിതാസ്തു തേ ।
പരിഭ്രമന്തി ലോകാനാം നിസ്താരായ മഹാശയാഃ ॥ 21 ॥
പുത്രാദീൻസമ്പരിത്യജ്യ കൃഷ്ണഃ സേവ്യോ ന തൈഃ സഹ ।
തത്സുഖം ഭഗവാന്ദാതാ തേ തു ക്ലിഷ്ടേഽതിദുഃഖദാഃ ॥ 22 ॥
പരിഭ്രമംസ്തീർഥനിഷ്ഠോ ഗുരുലബ്ധഹരിസ്മൃതിഃ ।
ന സേവേത ഗൃഹാൻ ദുഷ്ടാൻ സദ്ധർമാത്യന്തനാശകാൻ ॥ 23 ॥
സദ്ബുദ്ധ്യാ സർവഥാ സദ്ഭിർന സേവ്യമഖിലം ജഗത് ।
ഭ്രാന്ത്യാ സദ്ബുദ്ധിരത്രേതി സന്തം കൃഷ്ണം ഭജേദ്ബുധഃ ॥ 24 ॥
ഖപുഷ്പാദിസമത്വാദ്ധി മിഥ്യാഭൂതം ജഗദ്യതഃ ।
അധിഷ്ഠാനാച്ച സദ്ഭാനം തം കൃഷ്ണം നിയതം ഭജേത് ॥ 25 ॥
കാലാദിതൃണപര്യന്താ ന സേവ്യാ മുക്തിമിച്ഛതാ ।
ദോഷത്യാജനശക്തോ ഹി സേവ്യോ ദാതാ ഗണസ്യ ച ॥ 26 ॥
ജീവേഷു ഭഗവാനാത്മാ സഞ്ച്ഛന്നസ്തേന തത്ര ന ।
ഭജനം സർവഥാ കാര്യം തതോഽന്യത്രൈവ പൂജയേത് ॥ 27 ॥
സുഖസേവാപരോ യസ്തു സദാനന്ദം ഹരിം ഭജേത് ।
അന്യഥാ സുഖമപ്രേപ്സുഃ സർവഥാ ദുഃഖമാപ്നുയാത് ॥ 28 ॥
കൃഷ്ണാനന്ദഃ പരാനന്ദോ നാന്യാനന്ദസ്തഥാവിധഃ ।
വേദാ അപി ന തച്ഛക്താഃ പ്രതിപാദയിതും സ്വതഃ ॥ 29 ॥
ഇത്യേവ ശ്രുതിഗീതായാഃ സങ്ക്ഷേപേണ നിരൂപിതഃ ।
അർഥരാശിസമുദ്രോ ഹി യഥാംഗുല്യാ നിരൂപ്യതേ ॥ 30 ॥
ഇതി ശ്രീവല്ലഭാചാര്യവിരചിതാ ശ്രുതിഗീതാ സമ്പൂർണാ ।
Also Read:
Shruti Gita 2 Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
