Shri Raghavashtakam Text in Oriya:
॥ ରାଘଵାଷ୍ଟକମ୍ ॥
ରାଘଵଂ କରୁଣାକରଂ ମୁନି-ସେଵିତଂ ସୁର-ଵନ୍ଦିତଂ
ଜାନକୀଵଦନାରଵିନ୍ଦ-ଦିଵାକରଂ ଗୁଣଭାଜନମ୍ ।
ଵାଲିସୂନୁ-ହିତୈଷିଣଂ ହନୁମତ୍ପ୍ରିୟଂ କମଲେକ୍ଷଣଂ
ୟାତୁଧାନ-ଭୟଂକରଂ ପ୍ରଣମାମି ରାଘଵକୁଞ୍ଜରମ୍ ॥ ୧॥
ମୈଥିଲୀକୁଚ-ଭୂଷଣାମଲ-ନୀଲମୌକ୍ତିକମୀଶ୍ଵରଂ
ରାଵଣାନୁଜପାଲନଂ ରଘୁପୁଙ୍ଗଵଂ ମମ ଦୈଵତମ୍ ।
ନାଗରୀ-ଵନିତାନନାଂବୁଜ-ବୋଧନୀୟ-କଲେଵରଂ
ସୂର୍ୟଵଂଶଵିଵର୍ଧନଂ ପ୍ରଣମାମି ରାଘଵକୁଞ୍ଜରମ୍ ॥ ୨॥
ହେମକୁଣ୍ଡଲ-ମଣ୍ଡିତାମଲ-କଣ୍ଠଦେଶମରିନ୍ଦମଂ
ଶାତକୁଂଭ-ମୟୂରନେତ୍ର-ଵିଭୂଷଣେନ-ଵିଭୂଷିତମ୍ ।
ଚାରୁନୂପୁର-ହାର-କୌସ୍ତୁଭ-କର୍ଣଭୂଷଣ-ଭୂଷିତଂ
ଭାନୁଵଂଶ-ଵିଵର୍ଧନଂ ପ୍ରଣମାମି ରାଘଵକୁଞ୍ଜରମ୍ ॥ ୩॥
ଦଣ୍ଡକାଖ୍ୟଵନେ ରତାମର-ସିଦ୍ଧୟୋଗି-ଗଣାଶ୍ରୟଂ
ଶିଷ୍ଟପାଲନ-ତତ୍ପରଂ ଧୃତିଶାଲିପାର୍ଥ-କୃତସ୍ତୁତିମ୍ ।
କୁଂଭକର୍ଣ-ଭୁଜାଭୁଜଂଗଵିକର୍ତନେ ସୁଵିଶାରଦଂ
ଲକ୍ଷ୍ମଣାନୁଜଵତ୍ସଲଂ ପ୍ରଣମାମି ରାଘଵକୁଞ୍ଜରମ୍ ॥ ୪॥
କେତକୀ-କରଵୀର-ଜାତି-ସୁଗନ୍ଧିମାଲ୍ୟ-ସୁଶୋଭିତଂ
ଶ୍ରୀଧରଂ ମିଥିଲାତ୍ମଜାକୁଚ-କୁଂକୁମାରୁଣ-ଵକ୍ଷସମ୍ ।
ଦେଵଦେଵମଶେଷଭୂତ-ମନୋହରଂ ଜଗତାଂ ପତିଂ
ଦାସଭୂତଭୟାପହଂ ପ୍ରଣମାମି ରାଘଵକୁଞ୍ଜରମ୍ ॥ ୫॥
ୟାଗଦାନ-ସମାଧି-ହୋମ-ଜପାଦିକର୍ମକରୈର୍ଦ୍ଵିଜୈଃ
ଵେଦପାରଗତୈରହର୍ନିଶମାଦରେଣ ସୁପୂଜିତମ୍ ।
ତାଟକାଵଧହେତୁମଂଗଦତାତ-ଵାଲି-ନିଷୂଦନଂ
ପୈତୃକୋଦିତପାଲକଂ ପ୍ରଣମାମି ରାଘଵକୁଞ୍ଜରମ୍ ॥ ୬॥
ଲୀଲୟା ଖରଦୂଷଣାଦି-ନିଶାଚରାଶୁ-ଵିନାଶନଂ
ରାଵଣାନ୍ତକମଚ୍ୟୁତଂ ହରିୟୂଥକୋଟି-ଗଣାଶ୍ରୟମ୍ ।
ନୀରଜାନନମଂବୁଜାଂଘ୍ରିୟୁଗଂ ହରିଂ ଭୁଵନାଶ୍ରୟଂ
ଦେଵକାର୍ୟ-ଵିଚକ୍ଷଣଂ ପ୍ରଣମାମି ରାଘଵକୁଞ୍ଜରମ୍ ॥ ୭॥
କୌଶିକେନ ସୁଶିକ୍ଷିତାସ୍ତ୍ର-କଲାପମାୟତ-ଲୋଚନଂ
ଚାରୁହାସମନାଥ-ବନ୍ଧୁମଶେଷଲୋକ-ନିଵାସିନମ୍ ।
ଵାସଵାଦି-ସୁରାରି-ରାଵଣଶାସନଂ ଚ ପରାଂଗତିଂ
ନୀଲମେଘ-ନିଭାକୃତିଂ ପ୍ରଣମାମି ରାଘଵକୁଞ୍ଜରମ୍ ॥ ୮॥
ରାଘଵାଷ୍ଟକମିଷ୍ଟସିଦ୍ଧିଦମଚ୍ୟୁତାଶ୍ରୟ-ସାଧକଂ
ମୁକ୍ତି-ଭୁକ୍ତିଫଲପ୍ରଦଂ ଧନ-ଧାନ୍ୟ-ସିଦ୍ଧି-ଵିଵର୍ଧନମ୍ ।
ରାମଚନ୍ଦ୍ର-କୃପାକଟାକ୍ଷଦମାଦରେଣ ସଦା ଜପେତ୍
ରାମଚନ୍ଦ୍ର-ପଦାଂବୁଜଦ୍ଵୟ-ସନ୍ତତାର୍ପିତ-ମାନସଃ ॥ ୯॥
ରାମ ରାମ ନମୋଽସ୍ତୁ ତେ ଜୟ ରାମଭଦ୍ର ନମୋଽସ୍ତୁ ତେ
ରାମଚନ୍ଦ୍ର ନମୋଽସ୍ତୁ ତେ ଜୟ ରାଘଵାୟ ନମୋଽସ୍ତୁ ତେ ।
ଦେଵଦେଵ ନମୋଽସ୍ତୁ ତେ ଜୟ ଦେଵରାଜ ନମୋଽସ୍ତୁ ତେ
ଵାସୁଦେଵ ନମୋଽସ୍ତୁ ତେ ଜୟ ଵୀରରାଜ ନମୋଽସ୍ତୁ ତେ ॥ ୧୦॥
॥ ଇତି ଶ୍ରୀରାଘଵାଷ୍ଟକଂ ସଂପୂର୍ଣମ୍ ॥