Templesinindiainfo

Best Spiritual Website

Surya Shatakam Lyrics in Bengali | Sun God Shatakam

Suryashatakam in Bengali:

॥ সূর্যশতকম্ ॥
মহাকবিশ্রীময়ূরপ্রণীতম্

॥ শ্রী গণেশায় নমঃ ॥

জম্ভারাতীভকুম্ভোদ্ভবমিব দধতঃ সান্দ্রসিন্দূররেণুং
রক্তাঃ সিক্তা ইবৌঘৈরুদয়গিরিতটীধাতুধারাদ্রবস্য । var সক্তৈঃ
আয়ান্ত্যা তুল্যকালং কমলবনরুচেবারুণা বো বিভূত্যৈ
ভূয়াসুর্ভাসয়ন্তো ভুবনমভিনবা ভানবো ভানবীয়াঃ ॥ ১ ॥

ভক্তিপ্রহ্বায় দাতুং মুকুলপুটকুটীকোটরক্রোডলীনাং
লক্ষ্মীমাক্রষ্টুকামা ইব কমলবনোদ্ধাটনং কুর্বতে য়ে ।
কালাকারান্ধকারাননপতিতজগত্সাধ্বসধ্বংসকল্যাঃ
কল্যাণং বঃ ক্রিয়াসুঃ কিসলয়রুচয়স্তে করা ভাস্করস্য ॥ ২ ॥

গর্ভেষ্বম্ভোরুহাণাং শিখরিষু চ শিতাগ্রেষু তুল্যং পতন্তঃ
প্রারম্ভে বাসরস্য ব্যুপরতিসময়ে চৈকরূপাস্তথৈব ।
নিষ্পর্যায়ং প্রবৃত্তাস্ত্রিভুবনভবনপ্রাঙ্গণে পান্তু য়ুষ্মা-
নূষ্মাণং সংততাধ্বশ্রমজমিব ভৃশং বিভ্রতো ব্রধ্নপাদাঃ ॥ ৩ ॥

প্রভ্রশ্যত্যুত্তরীয়ত্বিষি তমসি সমুদ্দীক্ষ্য বীতাবৃতীন্প্রা-
গ্জন্তূংস্তন্তূন্যথা য়ানতনু বিতনুতে তিগ্মরোচির্মরীচীন্ ।
তে সান্দ্রীভূয় সদ্যঃ ক্রমবিশদদশাশাদশালীবিশালং
শশ্বত্সম্পাদয়ন্তোঽম্বরমমলমলং মঙ্গলং বো দিশন্তু ॥ ৪ ॥

ন্যক্কুর্বন্নোষধীশে মুষিতরুচি শুচেবৌষধীঃ প্রোষিতাভা
ভাস্বদ্গ্রাবোদ্গতেন প্রথমমিব কৃতাভ্যুদ্গতিঃ পাবকেন ।
পক্ষচ্ছেদব্রণাসৃক্স্রুত ইব দৃষদো দর্শয়ন্প্রাতরদ্রে-
রাতাম্রস্তীব্রভানোরনভিমতনুদে স্তাদ্গভস্ত্যুদ্গমো বঃ ॥ ৫ ॥

শীর্ণঘ্রাণাঙ্ঘ্রিপাণীন্ব্রণিভিরপঘনৈর্ঘর্ঘরাব্যক্তঘোষান্
দীর্ঘাঘ্রাতানঘৌঘৈ পুনরপি ঘটয়ত্যেক উল্লাঘয়ন্ য়ঃ ।
ঘর্মাংশোস্তস্য বোঽন্তর্দ্বিগুণঘনঘৃণানিঘ্ননির্বিঘ্নবৃত্তে-
র্দত্তার্ঘাঃ সিদ্ধসংঘৈর্বিদধতু ঘৃণয়ঃ শীঘ্রমংহোবিধাতম্ ॥ ৬ ॥

বিভ্রাণা বামনত্বং প্রথমমথ তথৈবাংশবঃ প্রাংশবো বঃ
ক্রান্তাকাশান্তরালাস্তদনু দশদিশঃ পূরয়ন্তস্ততোঽপি ।
ধ্বান্তাদাচ্ছিদ্য দেবদ্বিষ ইব বলিতো বিশ্বমাশ্বশ্নুবানাঃ var দেবদ্রুহ
কৃচ্ছ্রাণ্যুচ্ছ্রায়হেলোপহসিতহরয়ো হারিদশ্বা হরন্তু ॥ ৭ ॥

উদ্গাঢেনারুণিম্না বিদধতি বহুলং য়েঽরুণস্যারুণত্বং
মূর্ধোদ্ধূতৌ খলীনক্ষতরুধিররুচো য়ে রথাশ্বাননেষু ।
শৈলানাং শেখরত্বং শ্রিতশিখরিশিখাস্তন্বতে য়ে দিশন্তু var শিখরশিখাঃ
প্রেঙ্খন্তঃ খে খরাংশোঃ খচিতদিনমুখাস্তে ময়ূখাঃ সুখং বঃ ॥ ৮ ॥

দত্তানন্দাঃ প্রজানাং সমুচিতসময়াকৃষ্টসৃষ্টৈঃ পয়োভিঃ var অক্লিষ্টসৃষ্টৈঃ
পূর্বাহ্ণে বিপ্রকীর্ণা দিশি দিশি বিরমত্যহ্নি সংহারভাজঃ ।
দীপ্তাংশোর্দীর্ঘদুঃখপ্রভবভবভয়োদন্বদুত্তারনাবো
গাবো বঃ পাবনানাং পরমপরিমিতাং প্রীতিমুত্পাদয়ন্তু ॥ ৯ ॥

বন্ধধ্বংসৈকহেতুং শিরসি নতিরসাবদ্ধসংধ্যাঞ্জলীনাং
লোকানাং য়ে প্রবোধং বিদধতি বিপুলাম্ভোজখণ্ডাশয়েব ।
য়ুষ্মাকং তে স্বচিত্তপ্রথিতপৃথুতরপ্রার্থনাকল্পবৃক্ষাঃ var প্রথিম
কল্পন্তাং নির্বিকল্পং দিনকরকিরণাঃ কেতবঃ কল্মষস্য ॥ ১০ ॥

ধারা রায়ো ধনায়াপদি সপদি করালম্বভূতাঃ প্রপাতে
তত্ত্বালোকৈকদীপাস্ত্রিদশপতিপুরপ্রস্থিতৌ বীথ্য এব ।
নির্বাণোদ্যোগিয়োগিপ্রগমনিজতনুদ্বারি বেত্রায়মাণা-
স্ত্রায়ন্তাং তীব্রভানোর্দিবসমুখসুখা রশ্ময়ঃ কল্মষাদ্বঃ ॥ ১১ ॥

var তীব্রভাসঃ var কশ্মলাদ্বঃ

প্রাচি প্রাগাচরন্ত্যোঽনতিচিরমচলে চারুচূডামণিত্বং
মুঞ্চন্ত্যো রোচনাম্ভঃ প্রচুরমিব দিশামুচ্চকৈশ্চর্চনায় ।
চাটূত্কৈশ্চক্রনাম্নাং চতুরমবিচলৈর্লোচনৈরর্চ্যমানা- var সুচিরং
শ্চেষ্টন্তাং চিন্তিতানামুচিতমচরমাশ্চণ্ডরোচীরুচো বঃ ॥ ১২ ॥

একং জ্যোতির্দৃশৌ দ্বে ত্রিজগতি গদিতান্যব্জজাস্যৈশ্চতুর্ভি-
র্ভূতানাং পঞ্চমং য়ান্যলমৃতুষু তথা ষট্সু নানাবিধানি ।
য়ুষ্মাকং তানি সপ্তত্রিদশমুনিনুতান্যষ্টদিগ্ভাঞ্জি ভানো-
র্যান্তি প্রাহ্ণে নবত্বং দশ দধতু শিবং দীধিতীনাং শতানি ॥ ১৩ ॥ var দদতু

আবৃত্তিভ্রান্তবিশ্বাঃ শ্রমমিব দধতঃ শোষিণঃ স্বোষ্মণেব
গ্রীষ্মে দাবাগ্নিতপ্তা ইব রসমসকৃদ্যে ধরিত্র্যা ধয়ন্তি ।
তে প্রাবৃষ্যাত্তপানাতিশয়রুজ ইবোদ্বান্ততোয়া হিমর্তৌ
মার্তণ্ডস্যাপ্রচণ্ডাশ্চিরমশুভভিদেঽভীষবো বো ভবন্তু ॥ ১৪ ॥

তন্বানা দিগ্বধূনাং সমধিকমধুরালোকরম্যামবস্থা-
মারুঢপ্রৌঢিলেশোত্কলিতকপিলিমালংকৃতিঃ কেবলৈব ।
উজ্জৃম্ভাম্ভোজনেত্রদ্যুতিনি দিনমুখে কিংচিদুদ্ভিদ্যমানা
শ্মশ্রুশ্রেণীব ভাসাং দিশতু দশশতী শর্ম ঘর্মত্বিষো বঃ ॥ ১৫ ॥

মৌলীন্দোর্মৈষ মোষীদ্দ্যুতিমিতি বৃষভাঙ্কেন য়ঃ শঙ্কিনেব
প্রত্যগ্রোদ্ঘাটিতাম্ভোরুহকুহরগুহাসুস্থিতেনেব ধাত্রা ।
কৃষ্ণেন ধ্বান্তকৃষ্ণস্বতনুপরিভবত্রস্নুনেব স্তুতোঽলং
ত্রাণায় স্তাত্তনীয়ানপি তিমিররিপোঃ স ত্বিষামুদ্গমো বঃ ॥ ১৬ ॥

বিস্তীর্ণং ব্যোম দীর্ঘাঃ সপদি দশ দিশো ব্যস্তবেলাম্ভসোঽব্ধীন্
কুর্বদ্ভির্দৃশ্যনানানগনগরনগাভোগপৃথ্বীং চ পৃথ্বীম্ ।
পদ্মিন্যুচ্ছ্বাস্যতে য়ৈরুষসি জগদপি ধ্বংসয়িত্বা তমিস্রা-
মুস্রা বিস্রংসয়ন্তু দ্রুতমনভিমতং তে সহস্রত্বিষো বঃ ॥ ১৭ ॥ var বিস্রাবয়ন্তু

অস্তব্যস্তত্বশূন্যো নিজরুচিরনিশানশ্বরঃ কর্তুমীশো
বিশ্বং বেশ্মেব দীপঃ প্রতিহততিমিরং য়ঃ প্রদেশস্থিতোঽপি ।
দিক্কালাপেক্ষয়াসৌ ত্রিভুবনমটতস্তিগ্মভানোর্নবাখ্যাং
য়াতঃ শাতক্রতব্যাং দিশি দিশতু শিবং সোঽর্চিষামুদ্গমো বঃ ॥ ১৮ ॥

মাগান্ম্লানিং মৃণালী মৃদুরিতি দয়য়েবাপ্রবিষ্টোঽহিলোকং
লোকালোকস্য পার্শ্বং প্রতপতি ন পরং য়স্তদাখ্যার্থমেব ।
ঊর্ধ্বং ব্রহ্মাণ্ডখণ্ডস্ফুটনভয়পরিত্যক্তদৈর্ঘ্যো দ্যুসীম্নি
স্বেছাবশ্যাবকাশাবধিরবতু স বস্তাপনো রোচিরোঘঃ ॥ ১৯ ॥

অশ্যামঃ কাল একো ন ভবতি ভুবনান্তোঽপি বীতেঽন্ধকারে var বীতান্ধকারঃ
সদ্যঃ প্রালেয়পাদো ন বিলয়মচলশ্চন্দ্রমা অপ্যুপৈতি ।
বন্ধঃ সিদ্ধাঞ্জলীনাং ন হি কুমুদবনস্যাপি য়ত্রোজ্জিহানে
তত্প্রাতঃ প্রেক্ষণীয়ং দিশতু দিনপতের্ধাম কামাধিকং বঃ ॥ ২০ ॥

য়ত্কান্তিং পঙ্কজানাং ন হরতি কুরুতে প্রত্যুতাধিক্যরম্যাং var প্রত্যুতাতীব রম্যাং
নো ধত্তে তারকাভাং তিরয়তি নিতরামাশু য়ন্নিত্যমেব । var নাধত্তে
কর্তুং নালং নিমেষং দিবসমপি পরং য়ত্তদেকং ত্রিলোক্যা-
শ্চক্ষুঃ সামান্যচক্ষুর্বিসদৃশমঘভিদ্ভাস্বতস্তান্মহো বঃ ॥ ২১ ॥

ক্ষ্মাং ক্ষেপীয়ঃ ক্ষপাম্ভঃশিশিরতরজলস্পর্শতর্ষাদৃতেব
দ্রাগাশা নেতুমাশাদ্বিরদকরসরঃপুষ্করাণীব বোধম্ ।
প্রাতঃ প্রোল্লঙ্ঘ্য বিষ্ণোঃ পদমপি ঘৃণয়েবাতিবেগাদ্দবীয়-
স্যুদ্দাম দ্যোতমানা দহতু দিনপতের্দুর্নিমিত্তং দ্যুতির্বঃ ॥ ২২ ॥

নো কল্পাপায়বায়োরদয়রয়দলত্ক্ষ্মাধরস্যাপি গম্যা var শম্যা
গাঢোদ্গীর্ণোজ্জ্বলশ্রীরহনি ন রহিতা নো তমঃকজ্জলেন ।
প্রাপ্তোত্পত্তিঃ পতঙ্গান্ন পুনরুপগতা মোষমুষ্ণত্বিষো বো
বর্তিঃ সৈবান্যরূপা সুখয়তু নিখিলদ্বীপদীপস্য দীপ্তিঃ ॥ ২৩ ॥

নিঃশেষাশাবপূরপ্রবণগুরুগুণশ্লাঘনীয়স্বরূপা
পর্যাপ্তং নোদয়াদৌ দিনগমসময়োপপ্লবেঽপ্যুন্নতৈব ।
অত্যন্তং য়ানভিজ্ঞা ক্ষণমপি তমসা সাকমেকত্র বস্তুং
ব্রধ্নস্যেদ্ধা রুচির্বো রুচিরিব রুচিতস্যাপ্তয়ে বস্তুনোস্তু ॥ ২৪ ॥ var চিরুরস্য, রুচিরস্য

বিভ্রাণঃ শক্তিমাশু প্রশমিতবলবত্তারকৌর্জিত্যগুর্বীং
কুর্বাণো লীলয়াধঃ শিখিনমপি লসচ্চন্দ্রকান্তাবভাসম্ ।
আদধ্যাদন্ধকারে রতিমতিশয়িনীমাবহন্বীক্ষণানাং var আদেয়াদীক্ষণানাং
বালো লক্ষ্মীমপারামপর ইব গুহোঽহর্পতেরাতপো বঃ ॥ ২৫ ॥

জ্যোত্স্নাংশাকর্ষপাণ্ডুদ্যুতি তিমিরমষীশেষকল্মাষমীষ-
জ্জৃম্ভোদ্ভূতেন পিঙ্গং সরসিজরজসা সংধ্যয়া শোণশোচিঃ ।
প্রাতঃপ্রারম্ভকালে সকলমপি জগচ্চিত্রমুন্মীলয়ন্তী
কান্তিস্তীক্ষ্ণত্বিষোঽক্ষ্ণাং মুদমুপনয়তাত্তূলিকেবাতুলাং বঃ ॥ ২৬ ॥

আয়ান্তী কিং সুমেরোঃ সরণিররুণিতা পাদ্মরাগৈঃ পরাগৈ-
রাহোস্বিত্স্বস্য মাহারজনবিরচিতা বৈজয়ন্তী রথস্য ।
মাঞ্জিষ্ঠী প্রষ্ঠবাহাবলিবিধুতশিরশ্চামরালী নু লোকৈ- var চামরালীব
রাশঙ্ক্যালোকিতৈবং সবিতুরঘনুদে স্তাত্প্রভাতপ্রভা বঃ ॥ ২৭ ॥

ধ্বান্তধ্বংসং বিধত্তে ন তপতি রুচিমন্নাতিরূপং ব্যনক্তি
ন্যক্ত্বং নীত্বাপি নক্তং ন বিতরতিতরাং তাবদহ্নস্ত্বিষং য়ঃ । var ন্যক্তামহ্নি
স প্রাতর্মা বিরংসীদসকলপটিমা পূরয়ন্যুষ্মদাশা-
মাশাকাশাবকাশাবতরণতরুণপ্রক্রমোঽর্কপ্রকাশঃ ॥ ২৮ ॥

তীব্রং নির্বাণহেতুর্যদপি চ বিপুলং য়ত্প্রকর্ষেণ চাণু
প্রত্যক্ষং য়ত্পরোক্ষং য়দিহ য়দপরং নশ্বরং শাশ্বতং চ ।
য়ত্সর্বস্য প্রসিদ্ধং জগতি কতিপয়ে য়োগিনো য়দ্বিদন্তি
জ্যোতিস্তদ্দ্বিপ্রকারং সবিতুরবতু বো বাহ্যমাভ্যন্তরং চ ॥ ২৯ ॥

রত্নানাং মণ্ডনায় প্রভবতি নিয়তোদ্দেশলব্ধাবকাশং
বহ্নের্দার্বাদি দগ্ধুং নিজজডিমতয়া কর্তুমানন্দমিন্দোঃ ।
য়চ্চ ত্রৈলোক্যভূষাবিধিরঘদহনং হ্লাদি বৃষ্ট্যাশু তদ্বো var য়ত্তু
বাহুল্যোত্পাদ্যকার্যাধিকতরমবতাদেকমেবার্কতেজঃ ॥ ৩০ ॥

মীলচ্চক্ষুর্বিজিহ্মশ্রুতি জডরসনং নিঘ্নিতঘ্রাণবৃত্তি
স্বব্যাপারাক্ষমত্বক্পরিমুষিতমনঃ শ্বাসমাত্রাবশেষম্ ।
বিস্রস্তাঙ্গং পতিত্বা স্বপদপহরতাদশ্রিয়ং বোঽর্কজন্মা var অপ্রিয়ং
কালব্যালাবলীঢং জগদগদ ইবোত্থাপয়ন্প্রাক্প্রতাপঃ ॥ ৩১ ॥

নিঃশেষং নৈশমম্ভঃ প্রসভমপনুদন্নশ্রুলেশানুকারি
স্তোকস্তোকাপনীতারুণরুচিরচিরাদস্তদোষানুষঙ্গঃ ।
দাতা দৃষ্টিং প্রসন্নাং ত্রিভুবননয়নস্যাশু য়ুষ্মদ্বিরুদ্ধং
বধ্যাদ্ব্রধ্নস্য সিদ্ধাঞ্জনবিধিরপরঃ প্রাক্তনোঽর্চিঃপ্রচারঃ ॥ ৩২ ॥

ভূত্বা জম্ভস্য ভেত্তুঃ ককুভি পরিভবারম্ভভূঃ শুভ্রভানো- var স্থিত্বা
র্বিভ্রাণা বভ্রুভাবং প্রসভমভিনবাম্ভোজজৃম্ভাপ্রগল্ভা ।
ভূষা ভূয়িষ্ঠশোভা ত্রিভুবনভবনস্যাস্য বৈভাকরী প্রাগ্-
বিভ্রান্তা ভ্রাজমানা বিভবতু বিভবোদ্ভূতয়ে সা বিভা বঃ ॥ ৩৩ ॥ var নির্ভান্তি, বিভ্রান্তি

সংসক্তং সিক্তমূলাদভিনবভুবনোদ্যানকৌতূহলিন্যা
য়ামিন্যা কন্যয়েবামৃতকরকলশাবর্জিতেনামৃতেন ।
অর্কালোকঃ ক্রিয়াদ্বো মুদমুদয়শিরশ্চক্রবালালবালা-
দুদ্যন্বালপ্রবালপ্রতিমরুচিরহঃপাদপপ্রাক্প্ররোহঃ ॥ ৩৪ ॥

ভিন্নং ভাসারুণস্য ক্বচিদভিনবয়া বিদ্রুমাণাং ত্বিষেব
ত্বঙ্ন্নক্ষত্ররত্নদ্যুতিনিকরকরালান্তরালং ক্বচিচ্চ ।
নান্তর্নিঃশেষকৃষ্ণশ্রিয়মুদধিমিব ধ্বান্তরাশিং পিবন্স্তা-
দৌর্বঃ পূর্বোঽপ্যপূর্বোঽগ্নিরিব ভবদঘপ্লুষ্টয়েঽর্কাবভাসঃ ॥ ৩৫ ॥

গন্ধর্বৈর্গদ্যপদ্যব্যতিকরিতবচোহৃদ্যমাতোদ্যবাদ্যৈ-
রাদ্যৈর্যো নারদাদ্যৈর্মুনিভিরভিনুতো বেদবেদ্যৈর্বিভিদ্য ।
var বীতবেদ্যৈর্বিবিদ্য, বেদবিদ্ভির্বিভিদ্য
আসাদ্যাপদ্যতে য়ং পুনরপি চ জগদ্যৌবনং সদ্য উদ্য-
ন্নুদ্দ্যোতো দ্যোতিতদ্যৌর্দ্যতু দিবসকৃতোঽসাববদ্যানি বোঽদ্য ॥ ৩৬ ॥

আবানৈশ্চন্দ্রকান্তৈশ্চ্যুততিমিরতয়া তানবাত্তারকাণা- var আবান্তৈঃ
মেণাঙ্কালোকলোপাদুপহতমহসামোষধীনাং লয়েন ।
আরাদুত্প্রেক্ষ্যমাণা ক্ষণমুদয়তটান্তর্হিতস্যাহিমাংশো-
রাভা প্রাভাতিকী বোঽবতু ন তু নিতরাং তাবদাবির্ভবন্তী ॥ ৩৭ ॥

সানৌ সা নৌদয়ে নারুণিতদলপুনর্যৌবনানাং বনানা- var লসদ্যৌবনানাং
মালীমালীঢপূর্বা পরিহৃতকুহরোপান্তনিম্না তনিম্না ।
ভা বোঽভাবোপশান্তিং দিশতু দিনপতের্ভাসমানা সমানা-
রাজী রাজীবরেণোঃ সমসময়মুদেতীব য়স্যা বয়স্যা ॥ ৩৮ ॥

উজ্জৃম্ভাম্ভোরুহাণাং প্রভবতি পয়সাং য়া শ্রিয়ে নোষ্ণতায়ৈ
পুষ্ণাত্যালোকমাত্রং ন তু দিশতি দৃশাং দৃশ্যমানা বিধাতম্ ।
পূর্বাদ্রেরেব পূর্বং দিবমনু চ পুনঃ পাবনী দিঙ্মুখানা- var ততঃ
মেনাংস্যৈনী বিভাসৌ নুদতু নুতিপদৈকাস্পদং প্রাক্তনী বঃ ॥ ৩৯ ॥

বাচাং বাচস্পতেরপ্যচলভিদুচিতাচার্যকাণাং প্রপঞ্চৈ-
র্বৈরঞ্চানাং তথোচ্চারিতচতুরঋচাং চাননানাং চতুর্ণাম্ । var রুচির
উচ্যেতার্চাসু বাচ্যচ্যুতিশুচিচরিতং য়স্য নোচ্চৈর্বিবিচ্য var অর্চাস্ববাচ্য
প্রাচ্যং বর্চশ্চকাসচ্চিরমুপচিনুতাত্তস্য চণ্ডার্চিষো বঃ ॥ ৪০ ॥ var শ্রিয়ং

মূর্ধ্ন্যদ্রের্ধাতুরাগস্তরুষু কিসলয়ো বিদ্রুমৌঘঃ সমুদ্রে
var – কিসলয়াদ্বিদ্রুমৌঘাত্সমুদ্রে
দিঙ্মাতঙ্গোত্তমাঙ্গেষ্বভিনবনিহিতঃ সান্দ্রসিন্দূররেণুঃ ।
var বিহিতঃ, নিহিতাত্সন্দ্রসিন্দূরর্Eণোঃ
সীম্নি ব্যোম্নশ্চ হেম্নঃ সুরশিখরিভুবো জায়তে য়ঃ প্রকাশঃ
শোণিম্নাসৌ খরাংশোরুষসি দিশতু বঃ শর্ম শোভৈকদেশঃ ॥ ৪১ ॥

অস্তাদ্রীশোত্তমাঙ্গে শ্রিতশশিনি তমঃকালকূটে নিপীতে
য়াতি ব্যক্তিং পুরস্তাদরুণকিসলয়ে প্রত্যুষঃপারিজাতে ।
উদ্যন্ত্যারক্তপীতাম্বরবিশদতরোদ্বীক্ষিতা তীক্ষ্ণভানো-
var রুচিরতরোদ্বীক্ষিতা var তীব্রভাসঃ
র্লক্ষ্মীর্লক্ষ্মীরিবাস্তু স্ফুটকমলপুটাপাশ্রয়া শ্রেয়সে বঃ ॥ ৪২ ॥ var পুটোপাশ্রয়

নোদন্বাঞ্জন্মভূমির্ন তদুদরভুবো বান্ধবাঃ কৌস্তুভাদ্যা
য়স্যাঃ পদ্মং ন পাণৌ ন চ নরকরিপূরঃস্থলী বাসবেশ্ম ।
তেজোরূপাপরৈব ত্রিষু ভুবনতলেষ্বাদধানা ব্যবস্থাং var ত্রিভুবনভবনে
সা শ্রীঃ শ্রেয়াংসি দিশ্যাদশিশিরমহসো মণ্ডলাগ্রোদ্গতা বঃ ॥ ৪৩ ॥

॥ ইতি দ্যুতিবর্ণনম্ ॥ var তেজোবর্ণনম্

॥ অথ অশ্ববর্ণনম্ ॥

রক্ষন্ত্বক্ষুণ্ণহেমোপলপটলমলং লাঘবাদুত্পতন্তঃ
পাতঙ্গাঃ পঙ্গ্ববজ্ঞাজিতপবনজবা বাজিনস্তে জগন্তি ।
য়েষাং বীতান্যচিহ্নোন্নয়মপি বহতাং মার্গমাখ্যাতি মেরা-
বুদ্যন্নুদ্দামদীপ্তির্দ্যুমণিমণিশিলাবেদিকাজাতবেদাঃ ॥ ৪৪ ॥

প্লুষ্টাঃ পৃষ্ঠেংঽশুপাতৈরতিনিকটতয়া দত্তদাহাতিরেকৈ-
রেকাহাক্রান্তকৃত্স্নত্রিদিবপথপৃথুশ্বাসশোষাঃ শ্রমেণ ।
তীব্রোদন্যাস্ত্বরন্তামহিতবিহতয়ে সপ্তয়ঃ সপ্তসপ্তে-
রভ্যাশাকাশগঙ্গাজলসরলগলাবাঙ্নতাগ্রাননা বঃ ॥ ৪৫ ॥ var গলবর্জিতাগ্রাননাঃ

মত্বান্যান্পার্শ্বতোঽশ্বান্ স্ফটিকতটদৃষদ্দৃষ্টদেহা দ্রবন্তী
ব্যস্তেঽহন্যস্তসংধ্যেয়মিতি মৃদুপদা পদ্মরাগোপলেষু ।
সাদৃশ্যাদৃশ্যমূর্তির্মরকতকটকে ক্লিষ্টসূতা সুমেরো-
র্মূর্ধন্যাবৃত্তিলব্ধধ্রুবগতিরবতু ব্রধ্নবাহাবলির্বঃ ॥ ৪৬ ॥ var দ্রুত

হেলালোলং বহন্তী বিষধরদমনস্যাগ্রজেনাবকৃষ্টা
স্বর্বাহিন্যাঃ সুদূরং জনিতজবজয়া স্যন্দনস্য স্যদেন ।
নির্ব্যাজং তায়মানে হরিতিমনি নিজে স্ফীতফেনাহিতশ্রী- var স্ফীতফেনাস্মিতশ্রীঃ
রশ্রেয়াংস্যশ্বপঙ্ক্তিঃ শময়তু য়মুনেবাপরা তাপনী বঃ ॥ ৪৭ ॥

মার্গোপান্তে সুমেরোর্নুবতি কৃতনতৌ নাকধাম্নাং নিকায়ে
বীক্ষ্য ব্রীডানতানাং প্রতিকুহরমুখং কিংনরীণাং মুখানি ।
সূতেঽসূয়ত্যপীষজ্জডগতি বহতাং কংধরার্ধৈর্বলদ্ভি- var কংধরাগ্রৈঃ
র্বাহানাং ব্যস্যতাদ্বঃ সমমসমহরের্হেষিতং কল্মষাণি ॥ ৪৮ ॥

ধুন্বন্তো নীরদালীর্নিজরুচিহরিতাঃ পার্শ্বয়োঃ পক্ষতুল্যা-
স্তালূত্তানৈঃ খলীনৈঃ খচিতমুখরুচশ্চ্যোততা লোহিতেন ।
উড্ডীয়েব ব্রজন্তো বিয়তি গতিবশাদর্কবাহাঃ ক্রিয়াসুঃ
ক্ষেমং হেমাদ্রিহৃদ্যদ্রুমশিখরশিরঃশ্রেণিশাখাশুকা বঃ ॥ ৪৯ ॥

॥ ইত্যশ্ববর্ণনম্ ॥

॥ অথ অরুণবর্ণনম্ ॥

প্রাতঃ শৈলাগ্ররঙ্গে রজনিজবনিকাপায়সংলক্ষ্যলক্ষ্মী-
র্বিক্ষিপ্তাপূর্বপুষ্পাঞ্জলিমুডুনিকরং সূত্রধারায়মাণঃ ।
য়ামেষ্বঙ্কেষ্বিবাহ্নঃ কৃতরুচিষু চতুর্ষ্বেব জাতপ্রতিষ্ঠা- var য়াতঃ প্রতিষ্ঠাং
মব্যাত্প্রস্তাবয়ন্বো জগদটনমহানাটিকাং সূর্যসূতঃ ॥ ৫০ ॥

আক্রান্ত্যা বাহ্যমানং পশুমিব হরিণা বাহকোঽগ্র্যো হরীণাং
ভ্রাম্যন্তং পক্ষপাতাজ্জগতি সমরুচিঃ সর্বকর্মৈকসাক্ষী ।
শত্রুং নেত্রশ্রুতীনামবজয়তি বয়োজ্যেষ্ঠভাবে সমেঽপি
স্থাম্নাং ধাম্নাং নিধির্যঃ স ভবদঘনুদে নূতনঃ স্তাদনূরুঃ ॥ ৫১ ॥

দত্তার্ঘৈর্দূরনম্রৈর্বিয়তি বিনয়তো বীক্ষিতঃ সিদ্ধসার্থৈঃ var সিদ্ধসাধ্যৈঃ
সানাথ্যং সারথির্বঃ স দশশতরুচেঃ সাতিরেকং করোতু ।
আপীয় প্রাতরেব প্রততহিমপয়ঃস্যন্দিনীরিন্দুভাসো
য়ঃ কাষ্ঠাদীপনোঽগ্রে জডিত ইব ভৃশং সেবতে পৃষ্ঠতোঽর্কম্ ॥ ৫২ ॥

মুঞ্চন্রশ্মীন্দিনাদৌ দিনগমসময়ে সংহরংশ্চ স্বতন্ত্র-
স্তোত্রপ্রখ্যাতবীর্যোঽবিরতহরিপদাক্রান্তিবদ্ধাভিয়োগঃ । var বিতত
কালোত্কর্ষাল্লঘুত্বং প্রসভমধিপতৌ য়োজয়ন্যো দ্বিজানাং
সেবাপ্রীতেন পূষ্ণাত্মসম ইব কৃতস্ত্রায়তাং সোঽরুণো বঃ ॥ ৫৩ ॥ var স্বসম

শাতঃ শ্যামালতায়াঃ পরশুরিব তমোঽরণ্যবহ্নেরিবার্চিঃ var দাহে দবাভঃ
প্রাচ্যেবাগ্রে গ্রহীতুং গ্রহকুমুদবনং প্রাগুদস্তোঽগ্রহস্তঃ ।
var প্রাচীবাগ্রে, গ্রহকুমুদরুচিং
ঐক্যং ভিন্দন্দ্যুভূম্যোরবধিরিব বিধাতেব বিশ্বপ্রবোধে
বাহানাং বো বিনেতা ব্যপনয়তু বিপন্নাম ধামাধিপস্য ॥ ৫৪ ॥

পৌরস্ত্যস্তোয়দর্তোঃ পবন ইব পতত্পাবকস্যেব ধূমো var পতন্
বিশ্বস্যেবাদিসর্গঃ প্রণব ইব পরং পাবনো বেদরাশেঃ
সংধ্যানৃত্যোত্সবেচ্ছোরিব মদনরিপোর্নন্দিনান্দীনিনাদঃ
সৌরস্যাগ্রে সুখং বো বিতরতু বিনতানন্দনঃ স্যন্দনস্য ॥ ৫৫ ॥ var স্যন্দনো বঃ

পর্যাপ্তং তপ্তচামীকরকটকতটে শ্লিষ্টশীতেতরাংশা-
বাসীদত্স্যন্দনাশ্বানুকৃতিমরকতে পদ্মরাগায়মাণঃ । var অশ্বানুকৃতমরকতে
য়ঃ সোত্কর্ষাং বিভূষাং কুরুত ইব কুলক্ষ্মাভৃদীশস্য মেরো-
রেনাংস্যহ্নায় দূরং গময়তু স গুরুঃ কাদ্রবেয়দ্বিষো বঃ ॥ ৫৬ ॥

নীত্বাশ্বান্সপ্ত কক্ষা ইব নিয়মবশং বেত্রকল্পপ্রতোদ- var কক্ষ্যা
স্তূর্ণং ধ্বান্তস্য রাশাবিতরজন ইবোত্সারিতে দূরভাজি ।
পূর্বং প্রষ্ঠো রথস্য ক্ষিতিভৃদধিপতীন্দর্শয়ংস্ত্রায়তাং ব-
স্ত্রৈলোক্যাস্থানদানোদ্যতদিবসপতেঃ প্রাক্প্রতীহারপালঃ ॥ ৫৭ ॥

বজ্রিঞ্জাতং বিকাসীক্ষণকমলবনং ভাসি নাভাসি বহ্নে! var নো ভাসি
তাতং নত্বাশ্বপার্শ্বান্নয় য়ম! মহিষং রাক্ষসা বীক্ষিতাঃ স্থ ।
সপ্তীন্সিঞ্চ প্রচেতঃ! পবন! ভজ জবং বিত্তপাবেদিতস্ত্বং
বন্দে শর্বেতি জল্পন্প্রতিদিশমধিপান্পাতু পূষ্ণোঽগ্রণীর্বঃ ॥ ৫৮ ॥

পাশানাশান্তপালাদরুণ বরুণতো মা গ্রহীঃ প্রগ্রহার্থং
তৃষ্ণাং কৃষ্ণস্য চক্রে জহিহি নহি রথো য়াতি মে নৈকচক্রঃ ।
য়োক্তুং য়ুগ্যং কিমুচ্চৈঃশ্রবসমভিলষস্যষ্টমং বৃত্রশত্রো- var ত্বাষ্ট্রশত্রোঃ
স্ত্যক্তান্যাপেক্ষবিশ্বোপকৃতিরিব রবিঃ শাস্তি য়ং সোঽবতাদ্বঃ ॥ ৫৯ ॥

নো মূর্চ্ছাচ্ছিন্নবাঞ্ছঃ শ্রমবিবশবপুর্নৈব নাপ্যাস্যশোষী
পান্থঃ পথ্যেতরাণি ক্ষপয়তু ভবতাং ভাস্বতোঽগ্রেসরঃ সঃ ।
য়ঃ সংশ্রিত্য ত্রিলোকীমটতি পটুতরৈস্তাপ্যমানো ময়ূখৈ-
রারাদারামলেখামিব হরিতমণিশ্যামলামশ্বপঙ্ক্তিম্ ॥ ৬০ ॥ var হরিততৃণ

সীদন্তোঽন্তর্নিমজ্জজ্জডখুরমুসলাঃ সৈকতে নাকনদ্যাঃ
স্কন্দন্তঃ কন্দরালীঃ কনকশিখরিণো মেখলাসু স্খলন্তঃ ।
দূরং দূর্বাস্থলোত্কা মরকতদৃষদি স্থাস্নবো য়ন্ন য়াতাঃ
পূষ্ণোঽশ্বাঃ পূরয়ংস্তৈস্তদবতু জবনৈর্হুংকৃতেনাগ্রগো বঃ ॥ ৬১ ॥ var প্রেরয়ন্ হুংকৃতৈরগ্রণীঃ

॥ ইত্যরুণবর্ণনম্ ॥ var সূতবর্ণনম্

॥ অথ রথবর্ণনম্ ॥

পীনোরঃপ্রেরিতাভ্রৈশ্চরমখুরপুটাগ্রস্থিতৈঃ প্রাতরদ্রা-
বাদীর্ঘাঙ্গৈরুদস্তো হরিভিরপগতাসঙ্গনিঃশব্দচক্রঃ ।
উত্তানানূরুমূর্ধাবনতিহঠভবদ্বিপ্রতীপপ্রণামঃ
প্রাহ্ণে শ্রেয়ো বিধত্তাং সবিতুরবতরন্ব্যোমবীথীং রথো বঃ ॥ ৬২ ॥ var প্রেয়ো

ধ্বান্তৌঘধ্বংসদীক্ষাবিধিপটু বহতা প্রাক্সহস্রং করাণা- var বিধিগুরু দ্রাক্সহস্রং
মর্যম্ণা য়ো গরিম্ণঃ পদমতুলমুপানীয়তাধ্যাসনেন ।
স শ্রান্তানাং নিতান্তং ভরমিব মরুতামক্ষমাণাং বিসোঢুং
স্কন্ধাত্স্কন্ধং ব্রজন্বো বৃজিনবিজিতয়ে ভাস্বতঃ স্যন্দনোঽস্তু ॥ ৬৩ ॥

য়োক্ত্রীভূতান্যুগস্য গ্রসিতুমিব পুরো দন্দশূকান্দধানো
দ্বেধাব্যস্তাম্বুবাহাবলিবিহিতবৃহত্পক্ষবিক্ষেপশোভঃ ।
সাবিত্রঃ স্যন্দনোঽসৌ নিরতিশয়রয়প্রীণিতানূরুরেনঃ-
ক্ষেপীয়ো বো গরুত্মানিব হরতু হরীচ্ছাবিধেয়প্রচারঃ ॥ ৬৪ ॥

একাহেনৈব দীর্ঘাং ত্রিভুবনপদবীং লঙ্ঘয়ন্ য়ো লঘিষ্ঠঃ var কৃস্ত্নাং
পৃষ্ঠে মেরোর্গরীয়ান্ দলিতমণিদৃষত্ত্বিংষি পিংষঞ্শিরাংসি ।
সর্বস্যৈবোপরিষ্টাদথ চ পুনরধস্তাদিবাস্তাদ্রিমূর্ন্ধি
ব্রধ্নস্যাব্যাত্স এবং দুরধিগমপরিস্পন্দনঃ স্যন্দনো বঃ ॥ ৬৫ ॥

ধূর্ধ্বস্তাগ্র্যগ্রহাণি ধ্বজপটপবনান্দোলিতেন্দূনি দূরং var দূরাত্
রাহৌ গ্রাসাভিলাষাদনুসরতি পুনর্দত্তচক্রব্যথানি ।
শ্রান্তাশ্বশ্বাসহেলাধুতবিবুধধুনীনির্ঝরাম্ভাংসি ভদ্রং
দেয়াসুর্বো দবীয়ো দিবি দিবসপতেঃ স্যন্দনপ্রস্থিতানি ॥ ৬৬ ॥

অক্ষে রক্ষাং নিবধ্য প্রতিসরবলয়ৈর্যোজয়ন্ত্যো য়ুগাগ্রং
ধূঃস্তম্ভে দগ্ধধূপাঃ প্রহিতসুমনসো গোচরে কূবরস্য ।
চর্চাশ্চক্রে চরন্ত্যো মলয়জপয়সা সিদ্ধবধ্বস্ত্রিসংধ্যং var চর্চাং
বন্দন্তে য়ং দ্যুমার্গে স নুদতু দুরিতান্যংশুমত্স্যন্দনো বঃ ॥ ৬৭ ॥

উত্কীর্ণস্বর্ণরেণুদ্রুতখুরদলিতা পার্শ্বয়োঃ শশ্বদশ্বৈ- var রেণুর্দ্রুত
রশ্রান্তভ্রান্তচক্রক্রমনিখিলমিলন্নেমিনিম্না ভরেণ ।
মেরোর্মূর্ধন্যঘং বো বিঘটয়তু রবেরেকবীথী রথস্য
স্বোষ্মোদক্তাম্বুরিক্তপ্রকটিতপুলিনোদ্ধূসরা স্বর্ধুনীব ॥ ৬৮ ॥ var স্বোষ্মোদস্তাম্বু

নন্তুং নাকালয়ানামনিশমনুয়তাং পদ্ধতিঃ পঙ্ক্তিরেব var উপয়তাং
ক্ষোদো নক্ষত্ররাশেরদয়রয়মিলচ্চক্রপিষ্টস্য ধূলিঃ ।
হেষহ্লাদো হরীণাং সুরশিখরিদরীঃ পূরয়ন্নেমিনাদো var নাদো
য়স্যাব্যাত্তীব্রভানোঃ স দিবি ভুবি য়থা ব্যক্তচিহ্নো রথো বঃ ॥ ৬৯ ॥

নিঃস্পন্দানাং বিমানাবলিবিততদিবাং দেববৃন্দারকাণাং var বলিতদিশা
বৃন্দৈরানন্দসান্দ্রোদ্যমমপি বহতাং বিন্দতাং বন্দিতুং নো ।
মন্দাকিন্যামমন্দঃ পুলিনভৃতি মৃদুর্মন্দরে মন্দিরাভে var মন্দরাভে
মন্দারৈর্মণ্ডিতারং দধদরি দিনকৃত্স্যন্দনঃ স্তান্মুদে বঃ ॥ ৭০ ॥

চক্রী চক্রারপঙ্ক্তিং হরিরপি চ হরীন্ ধূর্জটির্ধূর্ধ্বজান্তা-
নক্ষং নক্ষত্রনাথোঽরুণমপি বরুণঃ কূবরাগ্রং কুবেরঃ ।
রংহঃ সংঘঃ সুরাণাং জগদুপকৃতয়ে নিত্যয়ুক্তস্য য়স্য
স্তৌতি প্রীতিপ্রসন্নোঽন্বহমহিমরুচেঃ সোঽবতাত্স্যন্দনো বঃ ॥ ৭১ ॥ var রুচ

নেত্রাহীনেন মূলে বিহিতপরিকরঃ সিদ্ধসাধ্যৈর্মরুদ্ভিঃ
পাদোপান্তে স্তুতোঽলং বলিহরিরভসাকর্ষণাবদ্ধবেগঃ ।
ভ্রাম্যন্ব্যোমাম্বুরাশাবশিশিরকিরণস্যন্দনঃ সংততং বো
দিশ্যাল্লক্ষ্মীমপারামতুলিতমহিমেবাপরো মন্দরাদ্রিঃ ॥ ৭২ ॥ var অতুল্যাং

॥ ইতি রথবর্ণনম্ ॥

॥ অথ মণ্ডলবর্ণনম্ ॥

য়জ্জ্যায়ো বীজমহ্নামপহততিমিরং চক্ষুষামঞ্জনং য়- var জ্যায়ো য়দ্বীজমহ্নামপহৃত
দ্দ্বারং য়ন্মুক্তিভাজাং য়দখিলভুবনজ্যোতিষামেকমোকঃ ।
য়দ্বৃষ্ট্যম্ভোনিধানং ধরণিরসসুধাপানপাত্রং মহদ্য-
দ্দিশ্যাদীশস্য ভাসাং তদধীকলমলং মঙ্গলং মণ্ডলং বঃ ॥ ৭৩ ॥ var দেবস্য
ভানোঃ তদধিকমমলং মণ্ডলং মঙ্গলং

বেলাবর্ধিষ্ণু সিন্ধোঃ পয় ইব খমিবার্ধোদ্গতাগ্য্রগ্রহোডু
স্তোকোদ্ভিন্নস্বচিহ্নপ্রসবমিব মধোরাস্যমস্যন্মনাংসি । var মহাংসি
প্রাতঃ পূষ্ণোঽশুভানি প্রশময়তু শিরঃশেখরীভূতমদ্রেঃ
পৌরস্ত্যস্যোদ্গভস্তিস্তিমিততমতমঃখণ্ডনং মণ্ডলং বঃ ॥ ৭৪ ॥

প্রত্যুপ্তস্তপ্তহেমোজ্জ্বলরুচিরচলঃ পদ্মরাগেণ য়েন
জ্যায়ঃ কিংজল্কপুঞ্জো য়দলিকুলশিতেরম্বরেন্দীবরস্য ।
কালব্যালস্য চিহ্নং মহিততমমহোমূর্ন্ধি রত্নং মহদ্য-
দ্দীপ্তাংশোঃ প্রাতরব্যাত্তদবিকলজগন্মণ্ডনং মণ্ডলং বঃ ॥ ৭৫ ॥

কস্ত্রাতা তারকাণাং পততি তনুরবশ্যায়বিন্দুর্যথেন্দু-
র্বিদ্রাণা দৃক্স্মরারেরুরসি মুররিপোঃ কৌস্তুভো নোদ্গভস্তিঃ ।
বহ্নেঃ সাপহ্নবেব দ্যুতিরুদয়গতে য়ত্র তন্মণ্ডলং বো
মার্তণ্ডীয়ং পুনীতাদ্দিবি ভুবি চ তমাংসীব মৃষ্ণন্মহাংসি ॥ ৭৬ ॥

য়ত্প্রাচ্যাং প্রাক্চকাস্তি প্রভবতি চ য়তঃ প্রাচ্যসাবুজ্জিহানা-
দিদ্ধং মধ্যে য়দহ্নো ভবতি ততরুচা য়েন চোত্পাদ্যতেঽহঃ ।
য়ত্পর্যায়েণ লোকানবতি চ জগতাং জীবিতং য়চ্চ তদ্বো
বিশ্বানুগ্রাহি বিশ্বং সৃজদপি চ রবের্মণ্ডলং মুক্তয়েঽস্তু ॥ ৭৭ ॥

শুষ্যন্ত্যূঢানুকারা মকরবসতয়ো মারবীণাং স্থলীনাং
য়েনোত্তপ্তাঃ স্ফুটন্তস্তডিতি তিলতুলাং য়ান্ত্যগেন্দ্রা য়ুগান্তে । var চটিতি
তচ্চণ্ডাংশোরকাণ্ডত্রিভুবনদহনাশঙ্কয়া ধাম কৃচ্ছাত্ var কৃত্স্নং
সংহৃত্যালোকমাত্রং প্রলঘু বিদধতঃ স্তান্মুদে মণ্ডলং বঃ ॥ ৭৮ ॥ var আহৃত্যালোকমাত্রং প্রতনু

উদ্যদ্দ্যূদ্যানবাপ্যাং বহুলতমতমঃপঙ্কপূরং বিদার্য var বহল
প্রোদ্ভিন্নং পত্রপার্শ্বেষ্ববিরলমরুণচ্ছায়য়া বিস্ফুরন্ত্যা ।
কল্যাণানি ক্রিয়াদ্বঃ কমলমিব মহন্মণ্ডলং চণ্ডভানো- var চণ্ডরশ্মেঃ
রন্বীতং তৃপ্তিহেতোরসকৃদলিকুলাকারিণা রাহুণা য়ত্ ॥ ৭৯ ॥

চক্ষুর্দক্ষদ্বিষো য়ন্ন তু দহতি পুরঃ পূরয়ত্যেব কামং var ন দহতি নিতরাং পুনঃ
নাস্তং জুষ্টং মরুদ্ভির্যদিহ নিয়মিনাং য়ানপাত্রং ভবাব্ধৌ ।
য়দ্বীতশ্রান্তি শশ্বদ্ভ্রমদপি জগতাং ভ্রান্তিমভ্রান্তি হন্তি
ব্রধ্নস্যাখ্যাদ্বিরুদ্ধক্রিয়মথ চ হিতাধায়ি তন্মণ্ডলং বঃ ॥ ৮০ ॥

॥ ইতি মণ্ডলবর্ণনম্ ॥

॥ অথ সূর্যবর্ণনম্ ।

সিদ্ধৈঃ সিদ্ধান্তমিশ্রং শ্রিতবিধি বিবুধৈশ্চারণৈশ্চাটুগর্ভং
গীত্যা গন্ধর্বমুখ্যৈর্মুহুরহিপতিভির্যাতুধানৈর্যতাত্ম ।
সার্ধং সাধ্যৈর্মুনীন্দ্রৈর্মুদিতমতমনো মোক্ষিভিঃ পক্ষপাতা- var মোক্ষুভিঃ
ত্প্রাতঃ প্রারভ্যমাণস্তুতিরবতু রবির্বিশ্ববন্দ্যোদয়ো বঃ ॥ ৮১ ॥

ভাসামাসন্নভাবাদধিকতরপটোশ্চক্রবালস্য তাপা-
চ্ছেদাদচ্ছিন্নগচ্ছত্তুরগখুরপুটন্যাসনিঃশঙ্কটঙ্কৈঃ । var ন্যস্ত
নিঃসঙ্গস্যন্দনাঙ্গভ্রমণনিকষণাত্পাতু বস্ত্রিপ্রকারং var ত্রিপ্রকারৈঃ
তপ্তাংশুস্তত্পরীক্ষাপর ইব পরিতঃ পর্যটন্হাটকাদ্রিম্ ॥ ৮২ ॥

নো শুষ্কং নাকনদ্যা বিকসিতকনকাম্ভোজয়া ভ্রাজিতং তু var কনকাম্ভোরুহা
প্লুষ্টা নৈবোপভোগ্যা ভবতি ভৃশতরং নন্দনোদ্যানলক্ষ্মীঃ ।
নো শৃঙ্গাণি দ্রুতানি দ্রুতমমরগিরেঃ কালধৌতানি ধৌতা-
নীদ্ধং ধাম দ্যুমার্গে ম্রদয়তি দয়য়া য়ত্র সোঽর্কোঽবতাদ্বঃ ॥ ৮৩ ॥

ধ্বান্তস্যৈবান্তহেতুর্ন ভবতি মলিনৈকাত্মনঃ পাপ্মনোঽপি
প্রাক্পাদোপান্তভাজাং জনয়তি ন পরং পঙ্কজানাং প্রবোধম্ ।
কর্তা নিঃশ্রেয়সানামপি ন তু খলু য়ঃ কেবলং বাসরাণাং
সোঽব্যাদেকোদ্যমেচ্ছাবিহিতবহুবৃহদ্বিশ্বকার্যোঽর্যমা বঃ ॥ ৮৪ ॥

লোটঁল্লোষ্টাবিচেষ্টঃ শ্রিতশয়নতলো নিঃসহীভূতদেহঃ
সংদেহী প্রাণিতব্যে সপদি দশ দিশঃ প্রেক্ষমাণোঽন্ধকারাঃ ।
নিঃশ্বাসায়াসনিষ্ঠঃ পরমপরবশো জায়তে জীবলোকঃ var চিরতরবশো
শোকেনেবান্যলোকানুদয়কৃতি গতে য়ত্র সোঽর্কোঽবতাদ্বঃ ॥ ৮৫ ॥ var লোকাভ্যুদয়

ক্রামঁল্লোলোঽপি লোকাঁস্তদুপকৃতিকৃতাবাশ্রিতঃ স্থৈর্যকোটিং
নৄণাং দৃষ্টিং বিজিহ্মাং বিদধদপি করোত্যন্তরত্যন্তভদ্রাম্ ।
য়স্তাপস্যাপি হেতুর্ভবতি নিয়মিনামেকনির্বাণদায়ী
ভূয়াত্স প্রাগবস্থাধিকতরপরিণামোদয়োঽর্কঃ শ্রিয়ে বঃ ॥ ৮৬ ॥

ব্যাপন্নর্তুর্ন কালো ব্যভিচরতি ফলং নৌষধীর্বৃষ্টিরিষ্টা
নৈষ্টৈস্তৃপ্যন্তি দেবা ন হি বহতি মরুন্নির্মলাভানি ভানি ।
আশাঃ শান্তা ন ভিন্দন্ত্যবধিমুদধয়ো বিভ্রতি ক্ষ্মাভৃতঃ ক্ষ্মাং
য়স্মিংস্ত্রৈলোক্যমেবং ন চলতি তপতি স্তাত্স সূর্যঃ শ্রিয়ে বঃ ॥ ৮৭ ॥

কৈলাসে কৃত্তিবাসা বিহরতি বিরহত্রাসদেহোঢকান্তঃ
শ্রান্তঃ শেতে মহাহাবধিজলধি বিনা ছদ্মনা পদ্মনাভঃ ।
য়োগোদ্যোগৈকতানো গময়তি সকলং বাসরং স্বং স্বয়ম্ভূ-
র্ভূরিত্রৈলোক্যাচিন্তাভৃতি ভুবনবিভৌ য়ত্র ভাস্বান্স বোঽব্যাত্ ॥ ৮৮ ॥

এতদ্যন্মণ্ডলং খে তপতি দিনকৃতস্তা ঋচোঽর্চীংষি য়ানি
দ্যোতন্তে তানি সামান্যয়মপি পুরুষো মণ্ডলেঽণুর্যজূংষি ।
এবং য়ং বেদ বেদত্রিতয়ময়ময়ং বেদবেদী সমগ্রো
বর্গঃ স্বর্গাপবর্গপ্রকৃতিরবিকৃতিঃ সোঽস্তু সূর্যঃ শ্রিয়ে বঃ ॥ ৮৯ ॥

নাকৌকঃপ্রত্যনীকক্ষতিপটুমহসাং বাসবাগ্রেসরাণাং
সর্বেষাং সাধু পাতাং জগদিদমদিতেরাত্মজত্বে সমেঽপি ।
য়েনাদিত্যাভিধানং নিরতিশয়গুণৈরাত্মনি ন্যস্তমস্তু var গুণেনাত্মনি
স্তুত্যস্ত্রৈলোক্যবন্দ্যৈস্ত্রিদশমুনিগণৈঃ সোংঽশুমান্ শ্রেয়সে বঃ ॥ ৯০ ॥

ভূমিং ধাম্নোঽভিবৃষ্ট্যা জগতি জলময়ীং পাবনীং সংস্মৃতাব- var ধাম্নোঽথ
প্যাগ্নেয়ীং দাহশক্ত্যা মুহুরপি য়জমানাং য়থাপ্রার্থিতার্থৈঃ । var য়জমানাত্মিকাং
লীনামাকাশ এবামৃতকরঘটিতাং ধ্বান্তপক্ষস্য পর্ব-
ণ্বেবং সূর্যোঽষ্টভেদাং ভব ইব ভবতঃ পাতু বিভ্রত্স্বমূর্তিম্ ॥ ৯১ ॥

প্রাক্কালোন্নিদ্রপদ্মাকরপরিমলনাবির্ভবত্পাদশোভো
ভক্ত্যা ত্যক্তোরুখেদোদ্গতি দিবি বিনতাসূনুনা নীয়মানঃ ।
সপ্তাশ্বাপ্তাপরান্তান্যধিকমধরয়ন্যো জগন্তি স্তুতোঽলং
দেবৈর্দেবঃ স পায়াদপর ইব মুরারাতিরহ্নাং পতির্বঃ ॥ ৯২ ॥

য়ঃ স্রষ্টাঽপাং পুরস্তাদচলবরসমভ্যুন্নতের্হেতুরেকো
লোকানাং য়স্ত্রয়াণাং স্থিত উপরি পরং দুর্বিলঙ্ঘ্যেন ধাম্না । var চ ত্রয়াণাং
সদ্যঃ সিদ্ধ্যৈ প্রসন্নদ্যুতিশুভচতুরাশামুখঃ স্তাদ্বিভক্তো var শুচি
দ্বেধা বেধা ইবাবিষ্কৃতকমলরুচিঃ সোঽর্চিষামাকরো বঃ ॥ ৯৩ ॥

সাদ্রিদ্যূর্বীনদীশা দিশতি দশ দিশো দর্শয়ন্প্রাগ্দৃশো য়ঃ var দ্রাক্ দৃশো
সাদৃশ্যং দৃশ্যতে নো সদশশতদৃশি ত্রৈদশে য়স্য দেশে ।
দীপ্তাংশুর্বঃ স দিশ্যাদশিবয়ুগদশাদর্শিতদ্বাদশাত্মা
শং শাস্ত্যশ্বাংশ্চ য়স্যাশয়বিদতিশয়াদ্দন্দশূকাশনাদ্যঃ ॥ ৯৪ ॥

তীর্থানি ব্যর্থকানি হৃদনদসরসীনির্ঝরাম্ভোজিনীনাং
নোদন্বন্তো নুদন্তি প্রতিভয়মশুভশ্বভ্রপাতানুবন্ধি ।
আপো নাকাপগায়া অপি কলুষমুষো মজ্জতাং নৈব য়ত্র var স্বর্গাপগায়াঃ
ত্রাতুং য়াতেঽন্যলোকান্ স দিশতু দিবসস্যৈকহেতুর্হিতং বঃ ॥ ৯৫ ॥ var লোকং

এতত্পাতালপঙ্কপ্লুতমিব তমসৈবৈকমুদ্গাঢমাসী-
দপ্রজ্ঞাতাপ্রতর্ক্যং নিরবগতি তথালক্ষণং সুপ্তমন্তঃ ।
য়াদৃক্সৃষ্টেঃ পুরস্তান্নিশি নিশি সকলং জায়তে তাদৃগেব
ত্রৈলোক্যং য়দ্বিয়োগাদবতু রবিরসৌ সর্গতুল্যোদয়ো বঃ ॥ ৯৬ ॥

দ্বীপে য়োঽস্তাচলোঽস্মিন্ভবতি খলু স এবাপরত্রোদয়াদ্রি-
র্যা য়ামিন্যুজ্জ্বলেন্দুদ্যুতিরিহ দিবসোঽন্যত্র তীব্রাতপঃ সা ।
য়দ্বশ্যৌ দেশকালাবিতি নিয়ময়তো নো তু য়ং দেশকালা- var নু
বব্যাত্স স্বপ্রভুত্বাহিতভুবনহিতো হেতুরহ্নামিনো বঃ ॥ ৯৭ ॥

ব্যগ্রৈরগ্র্যগ্রহেন্দুগ্রসনগুরু ভরৈর্নো সমগ্রৈরুদগ্রৈঃ var গুরুতরৈঃ
প্রত্যগ্রৈরীষদুগ্রৈরুদয়গিরিগতো গোগণৈর্গৌরয়ন্ গাম্ ।
উদ্গাঢার্চির্বিলীনামরনগরনগগ্রাবগর্ভামিবাহ্না-
মগ্রে শ্রেয়ো বিধত্তে গ্লপয়তু গহনং স গ্রহগ্রামণীর্বঃ ॥ ৯৮ ॥

য়োনিঃ সাম্নাং বিধাতা মধুরিপুরজিতো ধূর্জটিঃ শংকরোঽসৌ
মৃত্যুঃ কালোঽলকায়াঃ পতিরপি ধনদঃ পাবকো জাতবেদাঃ ।
ইত্থং সংজ্ঞা ডবিত্থাদিবদমৃতভুজাং য়া য়দৃচ্ছাপ্রবৃত্তা-
স্তাসামেকোঽভিধেয়স্তদনুগুণগুণৈর্যঃ স সূর্যোঽবতাদ্বঃ ॥ ৯৯ ॥ var গণৈঃ

দেবঃ কিং বান্ধবঃ স্যাত্প্রিয়সুহৃদথবাঽঽচার্য আহোস্বিদর্যো var আর্যঃ
রক্ষা চক্ষুর্নু দীপো গুরুরুত জনকো জীবিতং বীজমোজঃ ।
এবং নির্ণীয়তে য়ঃ ক ইব ন জগতাং সর্বথা সর্বদাঽসৌ var সর্বদাঃ
সর্বাকারোপকারী দিশতু দশশতাভীষুরভ্যর্থিতং বঃ ॥ ১০০ ॥

শ্লোকা লোকস্য ভূত্যৈ শতমিতি রচিতাঃ শ্রীময়ূরেণ ভক্ত্যা
য়ুক্তশ্চৈতান্পঠেদ্যঃ সকৃদপি পুরুষঃ সর্বপাপৈর্বিমুক্তঃ ।
আরোগ্যং সত্কবিত্বং মতিমতুলবলং কান্তিমায়ুঃপ্রকর্ষং
বিদ্যামৈশ্বর্যমর্থং সুতমপি লভতে সোঽত্র সূর্যপ্রসাদাত্ ॥ ১০১ ॥

ইতি শ্রীময়ূরকবিপ্রণীতং সূর্যশতকং সমাপ্তম্ ।

Surya Shatakam Lyrics in Bengali | Sun God Shatakam

Leave a Reply

Your email address will not be published. Required fields are marked *

Scroll to top