Svasva Yugala Ashtakam Lyrics in Kannada:
ಸ್ವಸ್ವಾಮಿಯುಗಲಾಷ್ಟಕಮ್
ಆಸಾತಾಮೇಕಶರಣೇ ವಿಹಿತಾಕರಣೇ ಹೃದಿ ।
ಸ್ವಾಮಿನೌ ವಲ್ಲಭಾಧೀಶವಿಠ್ಠಲೇಶಾಭಿಧೌ ಸದಾ ॥ 1 ॥
ಕೃಪಾಂ ಪ್ರಕುರುತಾಂ ದೀನೇ ಸ್ವತ ಏಕ ಕೃಪಾಕರೌ ।
ಸ್ವಾಮಿನೌ ವಲ್ಲಭಾಧೀಶವಿಠ್ಠಲೇಶಾಭಿಧೌ ಸದಾ ॥ 2 ॥
ಪ್ರಸೀದೇತಾಂ ಮಯಿ ಶ್ರೀಮದ್ವ್ರಜೇಶಚರಣಾಶ್ರಯೇ ।
ಸ್ವಾಮಿನೌ ವಲ್ಲಭಾಧೀಶವಿಠ್ಠಲೇಶಾಭಿಧೌ ಸದಾ ॥ 3 ॥
ದಾಸ್ಯಂ ಪ್ರಯಚ್ಛತಾಂ ಮಹ್ಯಂ ಸಮಸ್ತಫಲಮೂರ್ಧಗಮ್ ।
ಸ್ವಾಮಿನೌ ವಲ್ಲಭಾಧೀಶವಿಠ್ಠಲೇಶಾಭಿಧೌ ಸದಾ ॥ 4 ॥
ಕದಾಽಪಿ ಮಾಮನನ್ಯಂ ಮಾ ತ್ಯಜೇತಾಂ ನಿಜಸೇವಕಮ್ ।
ಸ್ವಾಮಿನೌ ವಲ್ಲಭಾಧೀಶವಿಠ್ಠಲೇಶಾಭಿಧೌ ಸದಾ ॥ 5 ॥
ಪ್ರಮೇಯಬಲಮಾತ್ರೇಣ ಗೃಹ್ಣೀತಾಂ ಮತ್ಕರಂ ದೃಢಮ್ ।
ಸ್ವಾಮಿನೌ ವಲ್ಲಭಾಧೀಶವಿಠ್ಠಲೇಶಾಭಿಧೌ ಸದಾ ॥ 6 ॥
ಆರ್ತಿಂ ನಿವಾರಯೇತಾಂ ಮೇ ಮಸ್ತಕೇ ಹಸ್ತಧಾರಣೈಃ ।
ಸ್ವಾಮಿನೌ ವಲ್ಲಭಾಧೀಶವಿಠ್ಠಲೇಶಾಭಿಧೌ ಸದಾ ॥ 7 ॥
ಮನ್ಮೂರ್ಧನಿ ವಿರಾಜೇತಾಂ ಪ್ರಭೂ ಲೋಕವಿಲಕ್ಷಣೌ ।
ಸ್ವಾಮಿನೌ ವಲ್ಲಭಾಧೀಶಾವಿಠ್ಠಲೇಶಾಭಿಧೌ ಮಮ ॥ 8 ॥
ಇತಿ ಶ್ರೀಮದ್ಧರಿದಾಸೋದಿತಂ ಸ್ವಸ್ವಾಮಿಯುಗಲಾಷ್ಟಕಂ ಸಮ್ಪೂರ್ಣಮ್ ।
Svasvamiyugala Ashtakam Lyrics in Kannada