River Shri Yamuna Ashtakam 4 Lyrics in Telugu:
యయా తమీశవంశజః సమాపితో బృహద్ధనం
మరుచ్చలఞ్జలప్రభూతవీచివిప్లుషాం మిషాత్ ।
తదఙ్ఘ్రికఞ్జభక్తియుక్తయా సుదత్తమార్గయా
కలౌ కలిన్దనన్దినీ కృపాకులం కరోతు నః ॥ ౧॥
యదమ్బుపానమాత్రతోఽతిభక్తియుక్తచేతసాం
కృతైనసామహో నిజస్వభావతః కృపాయుతా ।
ప్రధావ్య ధర్మరాజతో మహద్భయం నివర్త్య సా
కలౌ కలిన్దనన్దినీ కృపాకులం కరోతు నః ॥ ౨॥
యదీయనీరకేలితో దధార నన్దనన్దనః
సమస్తసున్దరీజనే స్వభావమద్భుతం ముదా ।
పరస్పరావలోకనం వివర్ధయన్ సుదృష్టితః
కలౌ కలిన్దనన్దినీ కృపాకులం కరోతు నః ॥ ౩॥
యదఙ్ఘ్రిఫుల్లపఙ్కజేఽవనప్రభావతః సదా
సమస్తభక్తసఙ్గ్రహం పునాతి సా జగత్త్రయమ్ ।
గిరీశధారిసఙ్గమప్రబోధసత్సుఖాసదం
కలౌ కలిన్దనన్దినీ కృపాకులం కరోతు నః ॥ ౪॥
యథాఽఽపదశ్చ దూరతో జ్వలన్తి సమ్పదః సదా
వసన్తి నన్దనన్దనే దృఢా రతిశ్చ జాయతే ।
మహాష్టసిద్ధిదాఽప్యశేషఘోరపాపసఙ్క్షయః
కలౌ కలిన్దనన్దినీ కృపాకులం కరోతు నః ॥ ౫॥
యదఙ్కతో వినిఃసృతస్య పాపినోఽపి శోభయా
జగత్త్రయం విమోహితం తదీయకాన్తియుక్తయా ।
ప్రఫుల్లసారసా ప్రభూతరుద్రదేవసంస్తుతా
కలౌ కలిన్దనన్దినీ కృపాకులం కరోతు నః ॥ ౬॥
యదీయభక్తసేవనే కృతే హరిః ప్రసన్నతా-
మవాప గోపికాపతిః సమస్తకామదాయినీ ।
తదమ్బుమధ్యఖేలనప్రభూతభావలజ్జితః
కలౌ కలిన్దనన్దినీ కృపాకులం కరోతు నః ॥ ౭॥
యదన్తికస్థవాలుకాః ప్రయాన్తి యత్ర భూతలే
గృహే గృహే వసన్త్యసౌ హరిస్తదన్వగశ్చ సా ।
యదా తదా సదైవ తత్ర భక్తవృన్దవన్దితా
కలౌ కలిన్దనన్దినీ కృపాకులం కరోతు నః ॥ ౭॥
హరిప్రియే తవాఽష్టకం సదా పఠేత్స శుద్ధధీ-
ర్య ఏవ గోకులాధిపస్య లేఢి సఙ్గమం శుభమ్ ।
పునః ప్రయాతి తత్సుఖం తటస్థరాసమణ్డల-
స్థితాస్త్రిభఙ్గిమోహనం దధాతి తద్విచేష్టితమ్ ॥ ౮॥
ఇతి శ్రీరఘునాథజీకృతం యమునాష్టకం సమాప్తమ్ ।
