1008 - Sahasranamavali Shiva Stotram

1000 Names of Devi Bhagavata Sri Shiva Lyrics in Oriya

Shiva Sahasranama Stotram from Devi Bhagavata in Oriya:

॥ ଶ୍ରୀଶିଵସହସ୍ରନାମସ୍ତୋତ୍ରମ୍ ଦେଵୀଭାଗଵତାନ୍ତର୍ଗତମ୍ ॥
ଭଗୀରଥକୃତଂ ଶ୍ରୀମହାଦେଵୀଭାଗଵତ ଉପପୁରାଣେ
ଭଗୀରଥ ଉଵାଚ-
ଓଂ ନମସ୍ତେ ପାର୍ଵତୀନାଥ ଦେଵଦେଵ ପରାତ୍ପର ।
ଅଚ୍ୟୁତାନଘ ପଞ୍ଚାସ୍ୟ ଭୀମାସ୍ୟ ରୁଚିରାନନ ॥ ୧ ॥

ଵ୍ୟାଘ୍ରାଜିନଧରାନନ୍ତ ପାରାଵାରଵିଵର୍ଜିତ ।
ପଞ୍ଚାନନ ମହାସତ୍ତ୍ଵ ମହାଜ୍ଞାନମୟ ପ୍ରଭୋ ॥ ୨ ॥

ଅଜିତାମିତଦୁର୍ଧର୍ଷ ଵିଶ୍ଵେଶ ପରମେଶ୍ଵର ।
ଵିଶ୍ଵାତ୍ମନ୍ଵିଶ୍ଵଭୂତେଶ ଵିଶ୍ଵାଶ୍ରୟ ଜଗତ୍ପତେ ॥ ୩ ॥

ଵିଶ୍ଵୋପକାରିନ୍ଵିଶ୍ଵୈକଧାମ ଵିଶ୍ଵାଶ୍ରୟାଶ୍ରୟ ।
ଵିଶ୍ଵାଧାର ସଦାନନ୍ଦ ଵିଶ୍ଵାନନ୍ଦ ନମୋଽସ୍ତୁ ତେ ॥ ୪ ॥

ଶର୍ଵ ସର୍ଵଵିଦଜ୍ଞାନଵିଵର୍ଜିତ ସୁରୋତ୍ତମ ।
ସୁରଵନ୍ଦ୍ୟ ସୁରସ୍ତୁତ୍ୟ ସୁରରାଜ ସୁରୋତ୍ତମ ॥ ୫ ॥

ସୁରପୂଜ୍ୟ ସୁରଧ୍ୟେୟ ସୁରେଶ୍ଵର ସୁରାନ୍ତକ ।
ସୁରାରିମର୍ଦକ ସୁରଶ୍ରେଷ୍ଠ ତେଽସ୍ତୁ ନମୋ ନମଃ ॥ ୬ ॥

ତ୍ଵଂ ଶୁଦ୍ଧଃ ଶୁଦ୍ଧବୋଧଶ୍ଚ ଶୁଦ୍ଧାତ୍ମା ଜଗତାଂ ପତିଃ ।
ଶମ୍ଭୁଃ ସ୍ଵୟମ୍ଭୂରତ୍ୟୁଗ୍ର ଉଗ୍ରକର୍ମୋଗ୍ରଲୋଚନଃ ॥ ୭ ॥

ଉଗ୍ରପ୍ରଭାଵଶ୍ଚାତ୍ୟୁଗ୍ରମର୍ଦକୋଽତ୍ୟୁଗ୍ରରୂପଵାନ୍ ।
ଉଗ୍ରକଣ୍ଠଃ ଶିଵଃ ଶାନ୍ତଃ ସର୍ଵଶାନ୍ତିଵିଧାୟକଃ ॥ ୮ ॥

ସର୍ଵାର୍ଥଦଃ ଶିଵାଧାରଃ ଶିଵାୟନିରମିତ୍ରଜିତ୍ ।
ଶିଵଦଃ ଶିଵକର୍ତା ଚ ଶିଵହନ୍ତା ଶିଵେଶ୍ଵରଃ ॥ ୯ ॥

ଶିଶୁଃ ଶୈଶଵୟୁକ୍ତସ୍ଚ ପିଙ୍ଗକେଶୋ ଜଟାଧରଃ ।
ଗଙ୍ଗାଧରକପର୍ଦୀ ଚ ଜଟାଜୂଟଵିରାଜିତଃ ॥ ୧୦ ॥

ଜଟିଲୋ ଜଟିଲାରାଧ୍ୟଃ ସର୍ଵଦୋନ୍ମତ୍ତମାନସଃ ।
ଉନ୍ମତ୍ତକେଶ ଉନ୍ମତ୍ତ ଉନ୍ମତ୍ତାନାମଧୀଶ୍ଵରଃ ॥ ୧୧ ॥

ଉନ୍ମତ୍ତଲୋଚନୋ ଭୀମସ୍ତ୍ରିନେତ୍ରୋ ଭୀମଲୋଚନଃ ।
ବହୁନେତ୍ରୋ ଦ୍ଵିନେତ୍ରୀ ଚ ରକ୍ତନେତ୍ରଃ ସୁନେତ୍ରକଃ ॥ ୧୨ ॥

ଦୀର୍ଘନେତ୍ରସ୍ଚ ପିଙ୍ଗାକ୍ଷଃ ସୁପ୍ରଭାଖ୍ୟଃ ସୁଲୋଚନଃ ।
ସୋମନେତ୍ରୋଽଗ୍ନିନେତ୍ରାଖ୍ୟଃ ସୂର୍ୟନେତ୍ରଃ ସୁଵୀର୍ୟଵାନ୍ ॥ ୧୩ ॥

ପଦ୍ମାକ୍ଷଃ କମଲାକ୍ଷଶ୍ଚ ନୀଲୋତ୍ପଲଦଲେକ୍ଷଣଃ ।
ସୁଲକ୍ଷଣଃ ଶୂଲପାଣିଃ କପାଲୀ କପିଲେକ୍ଷଣଃ ॥ ୧୪ ॥

ଵ୍ୟାଘୂର୍ଣନୟନୋ ଧୂର୍ତୋ ଵ୍ୟାଘ୍ରଚର୍ମାମ୍ବରାଵୃତଃ ।
ଶ୍ରୀକଣ୍ଠୋ ନୀଲକଣ୍ଠାଖ୍ୟଃ ଶିତିକଣ୍ଠଃ ସୁକଣ୍ଠକଃ ॥ ୧୫ ॥

ଚନ୍ଦ୍ରଚୂଡଶ୍ଚନ୍ଦ୍ରଧରଶ୍ଚନ୍ଦ୍ରମୌଲିଃ ଶଶାଙ୍କଭୃତ୍ ।
ଶଶିକାନ୍ତଃ ଶଶାଙ୍କାଭଃ ଶଶାଙ୍କାଙ୍କିତମୂର୍ଧଜଃ ॥ ୧୬ ॥

ଶଶାଙ୍କଵଦନୋ ଵୀରୋ ଵରଦୋ ଵରଲୋଚନଃ ।
ଶରଚ୍ଚନ୍ଦ୍ରସମାଭାସଃ ଶରଦିନ୍ଦୁସମପ୍ରଭଃ ॥ ୧୭ ॥

କୋଟିସୂର୍ୟପ୍ରତୀକାଶଶ୍ଚନ୍ଦ୍ରାସ୍ୟଶ୍ଚନ୍ଦ୍ରଶେଖରଃ ।
ଅଷ୍ଟମୂର୍ତିର୍ମହାମୂତିର୍ଭୀମମୂର୍ତିର୍ଭୟାନକଃ ॥ ୧୮ ॥

ଭୟଦାତା ଭୟତ୍ରାତା ଭୟହର୍ତା ଭୟୋଜ୍ଝିତଃ ।
ନିର୍ଭୂତୋ ଭୂତଵନ୍ଦ୍ୟଶ୍ଚ ଭୂତାତ୍ମା ଭୂତଭାଵନଃ ॥ ୧୯ ॥

କୌପୀନଵାସା ଦୁର୍ଵାସା ଵିଵାସାଃ କାମିନୀପତିଃ ।
କରାଲଃ କୀର୍ତିଦୋ ଵୈଦ୍ୟଃ କିଶୋରଃ କାମନାଶନଃ ॥ ୨୦ ॥

କୀର୍ତିରୂପଃ କୁନ୍ତଧାରୀ କାଲକୂଟକୃତାଶନଃ ।
କାଲକୂଟଃ ସୁରୂପୀ ଚ କୁଲମନ୍ତ୍ରପ୍ରଦୀପକଃ ॥ ୨୧ ॥

କଲାକାଷ୍ଠାତ୍ମକଃ କାଶୀଵିହାରୀ କୁଟିଲାନନଃ ।
ମହାକାନନସଂଵାସୀ କାଲୀପ୍ରତିଵିଵର୍ଧନଃ ॥ ୨୨ ॥

କାଲୀଧରଃ କାମଚାରି କୁଲକୀର୍ତିଵିଵର୍ଧନଃ ।
କାମାଦ୍ରିଃ କାମୁକଵରଃ କାର୍ମୁକୀ କାମମୋହିତଃ ॥ ୨୩
କଟାକ୍ଷଃ କନକାଭାସଃ କନକୋଜ୍ଜ୍ଵଲଗାତ୍ରକଃ ।
କାମାତୁରଃ କ୍ଵଣତ୍ପାଦଃ କୁଟିଲଭ୍ରୁକୁଟୀଧରଃ ॥ ୨୪ ॥

କାର୍ତିକେୟପିତା କୋକନଦଭୂଷଣଭୂଷିତଃ ।
ଖଟ୍ଵାଙ୍ଗୟୋଦ୍ଧା ଖଡ୍ଗୀ ଚ ଗିରୀଶୋ ଗଗନେଶ୍ଵରଃ ॥ ୨୫
ଗଣାଧ୍ୟକ୍ଷଃ ଖେଟକଧୃକ୍ ଖର୍ଵଃ ଖର୍ଵତରଃ ଖଗଃ ।
ଖଗାରୂଢଃ ଖଗାରାଧ୍ୟଃ ଖେଚରଃ ଖେଚରେଶ୍ଵରଃ ॥ ୨୬ ॥

ଖେଚରତ୍ଵପ୍ରଦଃ କ୍ଷୋଣୀପତିଃ ଖେଚରମର୍ଦକଃ ।
ଗଣେଶ୍ଵରୋ ଗଣପିତା ଗରିଷ୍ଠୋ ଗଣଭୂପତିଃ ॥ ୨୭ ॥

ଗୁରୁର୍ଗୁରୁତରୋ ଜ୍ଞେୟୋ ଗଙ୍ଗାପତିରମର୍ଷଣଃ ।
ଗୀତପ୍ରିୟୋ ଗୀତରତଃ ସୁଗୋପ୍ୟୋ ଗୋପଵୃନ୍ଦପଃ ॥ ୨୮ ॥

ଗଵାରୂଢୋ ଜଗଦ୍ଭର୍ତା ଗୋସ୍ଵାମୀ ଗୋସ୍ଵରୂପକଃ ।
ଗୋପ୍ରଦୋ ଗୋଧରୋ ଗୃଧ୍ରୋ ଗରୁତ୍ମାନ୍ ଗୋକୃତାସନଃ ॥ ୨୯।
ଗୋପୀଶୋ ଗୁରୁତାତଶ୍ଚ ଗୁହାଵାସୀ ସୁଗୋପିତଃ ।
ଗଜାରୂଢୋ ଗଜାସ୍ୟଶ୍ଚ ଗଜାଜିନଧରୋଽଗ୍ରଜଃ ॥ ୩୦ ॥

ଗ୍ରହାଧ୍ୟକ୍ଷୋ ଗ୍ରହଗଣୋ ଦୁଷ୍ଟଗ୍ରହଵିମର୍ଦକଃ ।
ମାନରୂପୀ ଗାନରତଃ ପ୍ରଚଣ୍ଡୋ ଗାନଵିହ୍ଵଲଃ ॥ ୩୧ ॥

ଗାନମତ୍ତୋ ଗୁଣୀ ଗୁହ୍ୟୋ ଗୁଣଗ୍ରମାଶୟୋ ଗୁଣଃ ।
ଗୂଢବୁଦ୍ଧିର୍ଗୂଢମୂର୍ତିର୍ଗୂଢପାଦଵିଭୂଷିତଃ ॥ ୩୨ ॥

ଗୋପ୍ତା ଗୋଲୋକଵାସୀ ଚ ଗୁଣଵାନ୍ଗୁଣିନାଂ ଵରଃ ।
ହରୋ ହରିତଵର୍ଣାକ୍ଷୋ ମୃତ୍ୟୁର୍ମୃତ୍ୟୁଞ୍ଜୟୋ ହରିଃ ॥ ୩୩ ॥

ହଵ୍ୟଭୁଘରିସମ୍ପୂଜ୍ୟୋ ହଵିର୍ହଵିର୍ଭୁଜାଂ ଵରଃ ।
ଅନାଦିରାଦିଃ ସର୍ଵାଦ୍ୟ ଆଦିତେୟଵରପ୍ରଦଃ ॥ ୩୪ ॥

ଅନନ୍ତଵିକ୍ରମୋ ଲୋକୋ ଲୋକାନାଂ ପାପହାରକଃ ।
ଗୀଷ୍ପତିଃ ସଦ୍ଗୁଣୋପେତଃ ସଗୁଣୋ ନିର୍ଗୁଣୋ ଗୁଣୀ ॥ ୩୫ ॥

ଗୁଣପ୍ରୀତୋ ଗୁଣଵରୋ ଗିରିଜାନାୟକୋ ଗିରିଃ ।
ଗୌରୀଭର୍ତା ଗୁଣାଢୟଶ୍ଚ ଗୋଶ୍ରେଷ୍ଠାସନସଂସ୍ଥିତଃ ॥ ୩୬ ॥

ପଦ୍ମାସନଃ ପଦ୍ମନେତ୍ରଃ ପଦ୍ମତୁଷ୍ଟଃ ସୁପଦ୍ମକଃ ।
ପଦ୍ମଵକ୍ତ୍ରଃ ପଦ୍ମକରଃ ପଦ୍ମାରୂଢପଦାମ୍ବୁଜଃ ॥ ୩୭ ॥

ପଦ୍ମପ୍ରିୟତମଃ ପଦ୍ମାଲୟଃ ପଦ୍ମପ୍ରକାଶକଃ ।
ପଦ୍ମକାନନସଂଵାସଃ ପଦ୍ମକାନନଭଞ୍ଜକଃ ॥ ୩୮ ॥

ପଦ୍ମକାନନସଂଵାସୀ ପଦ୍ମାରଣ୍ୟକୃତାଲୟଃ ।
ପ୍ରଫୁଲ୍ଲଵଦନଃ ଫୁଲ୍ଲକମଲାକ୍ଷଃ ପ୍ରଫୁଲ୍ଲକୃତ୍ ॥ ୩୯ ॥

ଫୁଲ୍ଲେନ୍ଦୀଵରସନ୍ତୁଷ୍ଟଃ ପ୍ରଫୁଲ୍ଲକମଲାସନଃ ।
ଫୁଲ୍ଲାମ୍ଭୋଜକରଃ ଫୁଲ୍ଲମାନସଃ ପାପହାରକଃ ॥ ୪୦ ॥

ପାପାପହାରୀ ପୁଣ୍ୟାତ୍ମା ପୁଣ୍ୟକୀର୍ତିଃ ସୁପୁଣ୍ୟଵାନ୍ ।
ପୁଣ୍ୟଃ ପୁଣ୍ୟତମୋ ଧନ୍ୟଃ ସୁପୂତାତ୍ମା ପରାତ୍ମକଃ ॥ ୪୧ ॥

ପୁଣ୍ୟେଶଃ ପୁଣ୍ୟଦଃ ପୁଣ୍ୟନିରତଃ ପୁଣ୍ୟଭାଜନଃ ।
ପରୋପକାରୀ ପାପିଷ୍ଠନାଶକଃ ପାପହାରକଃ ॥ ୪୨ ॥

ପୁରାତନଃ ପୂର୍ଵହୀନଃ ପରଦ୍ରୋହଵିଵର୍ଜିତଃ ।
ପୀଵରଃ ପୀଵରମୁଖଃ ପୀନକାୟଃ ପୁରାନ୍ତକଃ ॥ ୪୩ ॥

ପାଶୀ ପଶୁପତିଃ ପାଶହସ୍ତଃ ପାଷାଣଵିତ୍ପତିଃ ।
ପଲାତ୍ମକଃ ପରୋ ଵେତ୍ତା ପାଶବଦ୍ଧଵିମୋଚକଃ ॥ ୪୪ ॥

ପଶୂନାମଧିପଃ ପାଶଚ୍ଛେତ୍ତା ପାଶଵିଭେଦକଃ ।
ପାଷାଣଧାରୀ ପାଷାଣଶୟାନଃ ପାଶିପୂଜିତଃ ॥ ୪୫ ॥

ପଶ୍ଵାରୂଢଃ ପୁଷ୍ପଧନୁଃ ପୁଷ୍ପଵୃନ୍ଦସୁପୂଜିତଃ ।
ପୁଣ୍ଡରୀକଃ ପୀତଵାସା ପୁଣ୍ଡରୀକାକ୍ଷଵଲ୍ଲଭଃ ॥ ୪୬ ॥

ପାନପାତ୍ରକରଃ ପାନମତ୍ତଃ ପାନାତିଭୂତକଃ ।
ପୋଷ୍ଟା ପୋଷ୍ଟ୍ଟ୍ଵରଃ ପୂତଃ ପରିତ୍ରାତାଽଖିଲେଶ୍ଵରଃ ॥ ୪୭ ॥

ପୁଣ୍ଡରୀକାକ୍ଷକର୍ତା ଚ ପୁଣ୍ଡରୀକାକ୍ଷସେଵିତଃ ।
ପଲ୍ଲଵସ୍ଥଃ ପ୍ରପୀଠସ୍ଥଃ ପୀଠଭୂମିନିଵାସକଃ ॥ ୪୮ ॥

ପିତା ପିତାମହଃ ପାର୍ଥପ୍ରସନ୍ନୋଽଭୀଷ୍ଟଦାୟକଃ ।
ପିତୄଣାଂ ପ୍ରୀତିକର୍ତା ଚ ପ୍ରୀତିଦଃ ପ୍ରୀତିଭାଜନଃ ॥ ୪୯ ॥

ପ୍ରୀତ୍ୟାତ୍ମକଃ ପ୍ରୀତିଵଶୀ ସୁପ୍ରୀତଃ ପ୍ରୀତିକାରକଃ ।
ପ୍ରୀତିହୃତ୍ପ୍ରୀତିରୂପାତ୍ମନ୍ ପ୍ରୀତିୟୁକ୍ତସ୍ତ୍ଵମେଵ ହି ॥ ୫୦ ॥

ପ୍ରଣତାର୍ତିହରଃ ପ୍ରାଣଵଲ୍ଲଭଃ ପ୍ରାଣଦାୟକଃ ।
ପ୍ରାଣୀ ପ୍ରାଣସ୍ଵରୂପଶ୍ଚ ପ୍ରାଣଗ୍ରାହୀ ମୁନିର୍ଦୟଃ ॥ ୫୧ ॥

ପ୍ରାଣନାଥଃ ପ୍ରୀତମନାଃ ସର୍ଵେଷାଂ ପ୍ରପିତାମହଃ ।
ଵୃଦ୍ଧଃ ପ୍ରଵୃଦ୍ଧରୂପଶ୍ଚ ପ୍ରେତଃ ପ୍ରଣୟିନାଂ ଵରଃ ॥ ୫୨ ॥

ପରାଧୀଶଃ ପରଂ ଜ୍ୟୋତିଃ ପରନେତ୍ରଃ ପରାତ୍ମକଃ ।
ପାରୁଷ୍ୟରହିତଃ ପୁତ୍ରୀ ପୁତ୍ରଦଃ ପୁତ୍ରରକ୍ଷକଃ ॥ ୫୩ ॥

ପୁତ୍ରପ୍ରିୟଃ ପୁତ୍ରଵଶ୍ୟଃ ପୁତ୍ରଵତ୍ପରିପାଲକଃ ।
ପରିତ୍ରାତା ପରାଵାସଃ ପରଚେତାଃ ପରେଶ୍ଵରଃ ॥ ୫୪ ॥

ପତିଃ ସର୍ଵସ୍ୟ ସମ୍ପାଲ୍ୟଃ ପଵମାନଃ ପରୋଽନ୍ତକଃ ।
ପୁରହା ପୁରୁହୂତଶ୍ଚ ତ୍ରିପୁରାରିଃ ପୁରାନ୍ତକଃ ॥ ୫୫ ॥

ପୁରନ୍ଦରୋଽତିସମ୍ପୂଜ୍ୟଃ ପ୍ରଧର୍ଷୋ ଦୁଷ୍ପ୍ରଧର୍ଷଣଃ ।
ପଟୁଃ ପଟୁତରଃ ପ୍ରୌଢଃ ପ୍ରପୂଜ୍ୟଃ ପର୍ଵତାଲୟଃ ॥ ୫୬ ॥

ପୁଲିନସ୍ଥଃ ପୁଲସ୍ତ୍ୟାଖ୍ୟଃ ପିଙ୍ଗଚକ୍ଷୁଃ ପ୍ରପନ୍ନଗଃ ।
ଅଭୀରୁରସିତାଙ୍ଗଶ୍ଚ ଚଣ୍ଡରୂପଃ ସିତାଙ୍ଗକଃ ॥ ୫୭ ॥

ସର୍ଵଵିଦ୍ୟାଵିନୋଦଶ୍ଚ ସର୍ଵସୌଖ୍ୟୟୁତଃ ସଦା ।
ସୁଖହର୍ତା ସର୍ଵସୁଖୀ ସର୍ଵଲୋକୈକପାଵନଃ ॥ ୫୮ ॥

ସଦାଵନଃ ସାରଦଶ୍ଚ ସୁସିଦ୍ଧଃ ଶୁଦ୍ଧରୂପକଃ ।
ସାରଃ ସାରତରଃ ସୂର୍ୟଃ ସୋମଃ ସର୍ଵପ୍ରକାଶକଃ ॥ ୫୯ ॥

ସୋମମଣ୍ଡଲଧାରୀ ଚ ସମୁଦ୍ର ସିନ୍ଧୁରୂପଵାନ୍ ।
ସୁରଜ୍ୟେଷ୍ଠଃ ସୁରଶ୍ରେଷ୍ଠଃ ସୁରାସୁରନିଷେଵିତଃ ॥ ୬୦ ॥

ସର୍ଵଧର୍ମଵିନିର୍ମୁକ୍ତଃ ସର୍ଵଲୋକନମସ୍କୃତଃ ।
ସର୍ଵାଚାରୟୁତଃ ସୌରଃ ଶାକ୍ତଃ ପରମଵୈଷ୍ଣଵଃ ॥ ୬୧ ॥

ସର୍ଵଧର୍ମଵିଧାନଜ୍ଞଃ ସର୍ଵାଚାରପରାୟଣଃ ।
ସର୍ଵରୋଗପ୍ରଶମନଃ ସର୍ଵରୋଗାପହାରକଃ ॥ ୬୨ ॥

ପ୍ରକୃଷ୍ଟାତ୍ମା ମହାତ୍ମା ଚ ସର୍ଵଧର୍ମପ୍ରଦର୍ଶକଃ ।
ସର୍ଵସମ୍ପଦ୍ୟୁତଃ ସର୍ଵସମ୍ପଦ୍ଦାନସମେକ୍ଷଣଃ ॥ ୬୩ ॥

ସହାସ୍ୟଵଦନୋ ହାସ୍ୟୟୁକ୍ତଃ ପ୍ରହସିତାନନଃ ।
ସାକ୍ଷୀ ସମକ୍ଷଵକ୍ତା ଚ ସର୍ଵଦର୍ଶୀ ସମସ୍ତଵିତ୍ ॥ ୬୪ ॥

ସକଲଜ୍ଞଃ ସମର୍ଥଜ୍ଞଃ ସୁମନାଃ ଶୈଵପୂଜିତଃ ।
ଶୋକପ୍ରଶମନଃ ଶୋକହନ୍ତାଽଶୋଚ୍ୟଃ ଶୁଭାନ୍ଵିତଃ ॥ ୬୫ ॥

ଶୈଲଜ୍ଞଃ ଶୈଲଜାନାଥଃ ଶୈଲନାଥଃ ଶନୈଶ୍ଚରଃ ।
ଶଶାଙ୍କସଦୃଶଜ୍ୟୋତିଃ ଶଶାଙ୍କାର୍ଧଵିରାଜିତଃ ॥ ୬୬ ॥

ସାଧୁପ୍ରିୟଃ ସାଧୁତମଃ ସାଧ୍ଵୀପତିରଲୌକିକଃ ।
ଶୂନ୍ୟରୂପଃ ଶୂନ୍ୟଦେହଃ ଶୂନ୍ୟସ୍ଥଃ ଶୂନ୍ୟଭାଵନଃ ॥ ୬୭ ॥

ଶୂନ୍ୟଗାମୀ ଶ୍ମଶାନସ୍ଥଃ ଶ୍ମଶାନାଧିପତିଃ ସୁଵାକ୍ ।
ଶତସୂର୍ୟପ୍ରଭଃ ସୂର୍ୟଃ ସୂର୍ୟଦୀପ୍ତଃ ସୁରାରିହା ।
ଶୁଭାନ୍ଵିତଃ ଶୁଭତନୁଃ ଶୁଭବୁଦ୍ଧିଃ ଶୁଭାତ୍ମକଃ ॥ ୬୮ ॥

ଶୁଭାନ୍ଵିତତନୁଃ ଶୁକ୍ଲତନୁଃ ଶୁକ୍ଲପ୍ରଭାନ୍ଵିତଃ ।
ସୁଶୌକ୍ଲଃ ଶୁକ୍ଲଦଶନଃ ଶୁକ୍ଲାଭଃ ଶୁକ୍ଲମାଲ୍ୟଧୃତ୍ ॥ ୬୯ ॥

ଶୁକ୍ଲପୁଷ୍ପପ୍ରିୟଃ ଶୁକ୍ଲଵସନଃ ଶୁକ୍ଲକେତନଃ ।
ଶେଷାଲଙ୍କରଣଃ ଶେଷରହିତଃ ଶେଷଵେଷ୍ଟିତଃ ॥ ୭୦ ॥

ଶେଷାରୂଢଃ ଶେଷଶାୟୀ ଶେଷାଙ୍ଗଦଵିରାଜିତଃ ।
ସତୀପ୍ରିୟଃ ସାଶଙ୍କଶ୍ଚ ସମଦର୍ଶୀ ସମାଧିମାନ୍ ॥ ୭୧ ॥

ସତ୍ସଙ୍ଗୀ ସତ୍ପ୍ରିୟଃ ସଙ୍ଗୀ ନିଃସଙ୍ଗୀ ସଙ୍ଗଵର୍ଜିତଃ ।
ସହିଷ୍ଣୁଃ ଶାଶ୍ଵତୈଶ୍ଵର୍ୟଃ ସାମଗାନରତଃ ସଦା ॥ ୭୨ ॥

ସାମଵେତ୍ତା ସାମ୍ୟତରଃ ଶ୍ୟାମାପତିରଶେଷଭୁକ୍ ।
ତାରିଣୀପତିରାତାମ୍ରନୟନସ୍ତ୍ଵରିତାପ୍ରିୟଃ ॥ ୭୩ ॥

ତାରାତ୍ମକସ୍ତ୍ଵଗ୍ଵସନସ୍ତରୁଣୀରମଣୋ ରତଃ ।
ତୃପ୍ତିରୂପସ୍ତୃପ୍ତିକର୍ତା ତାରକାରିନିଷେଵିତଃ ॥ ୭୪ ॥

ଵାୟୁକେଶୋ ଭୈରଵେଶୋ ଭଵାନୀଶୋ ଭଵାନ୍ତକଃ ।
ଭଵବନ୍ଧୁର୍ଭଵହରୋ ଭଵବନ୍ଧନମୋଚକଃ ॥ ୭୫ ॥

ଅଭିଭୂତୋଽଭିଭୂତାତ୍ମା ସର୍ଵଭୂତପ୍ରମୋହକଃ ।
ଭୁଵନେଶୋ ଭୂତପୂଜ୍ୟୋ ଭୋଗମୋକ୍ଷଫଲପ୍ରଦଃ ॥ ୭୬ ॥

ଦୟାଲୁର୍ଦୀନନାଥଶ୍ଚ ଦୁଃସହୋ ଦୈତ୍ୟମର୍ଦକଃ ।
ଦକ୍ଷକନ୍ୟାପତିର୍ଦୁଃଖନାଶକୋ ଧନଧାନ୍ୟଦଃ ॥ ୭୭ ॥

ଦୟାଵାନ୍ ଦୈଵତଶ୍ରେଷ୍ଠୋ ଦେଵଗନ୍ଧର୍ଵସେଵିତଃ ।
ନାନାୟୁଧଧରୋ ନାନାପୁଷ୍ପଗୁଚ୍ଛଵିରାଜିତଃ ॥ ୭୮ ॥

ନାନାସୁଖପ୍ରଦୋ ନାନାମୂର୍ତିଧାରୀ ଚ ନର୍ତକଃ ।
ନିତ୍ୟଵିଜ୍ଞାନସଂୟୁକ୍ତୋ ନିତ୍ୟରୂପୋଽନିଲୋଽନଲଃ ॥ ୭୯ ॥

ଲବ୍ଧଵର୍ଣୋ ଲଘୁତରୋ ଲଘୁତ୍ଵପରିଵର୍ଜିତଃ ।
ଲୋଲାକ୍ଷୋ ଲୋକସମ୍ପୂଜ୍ୟୋ ଲାଵଣ୍ୟ ପରିସଂୟୁତଃ ॥ ୮୦ ॥

ନପୁରୀନ୍ୟାସସଂସ୍ଥଶ୍ଚ ନାଗେଶୋ ନଗପୂଜିତଃ ।
ନାରାୟଣୋ ନାରଦଶ୍ଚ ନାନାଭରଣଭୂଷିତଃ ॥ ୮୧ ॥

ନଗଭୂତୋ ନଗ୍ନଦେଶୋ ନଗ୍ନଃ ସାନନ୍ଦମାନସଃ ।
ନମସ୍ୟୋ ନତନାଭିଶ୍ଚ ନମ୍ରମୂର୍ଧାଭିଵନ୍ଦିତଃ ॥ ୮୨ ॥

ନନ୍ଦିକେଶୋ ନନ୍ଦିପୂଜ୍ୟୋ ନାନାନୀରଜମଧ୍ୟଗଃ ।
ନଵୀନବିଲ୍ଵପତ୍ରୌଘତୁଷ୍ଟୋ ନଵଘନଦ୍ୟୁତିଃ ॥ ୮୩ ॥

ନନ୍ଦଃ ସାନନ୍ଦ ଆନନ୍ଦମୟଶ୍ଚାନନ୍ଦଵିହ୍ଵଲଃ ।
ନାଲସଂସ୍ଥଃ ଶୋଭନସ୍ଥଃ ସୁସ୍ଥଃ ସୁସ୍ଥମତିସ୍ତଥା ॥ ୮୪ ॥

ସ୍ଵଲ୍ପାସନୋ ଭୀମରୁଚିର୍ଭୁଵନାନ୍ତକରାମ୍ବୁଦଃ ।
ଆସନ୍ନଃ ସିକତାଲୀନୋ ଵୃଷାସୀନୋ ଵୃଷାସନଃ ॥ ୮୫ ॥

ଵୈରସ୍ୟରହିତୋ ଵାର୍ୟୋ ଵ୍ରତୀ ଵ୍ରତପରାୟଣଃ ।
ବ୍ରାହ୍ମ୍ୟୋ ଵିଦ୍ୟାମୟୋ ଵିଦ୍ୟାଭ୍ୟାସୀ ଵିଦ୍ୟାପତିସ୍ତଥା ॥ ୮୬ ॥

ଘଣ୍ଟାକାରୋ ଘୋଟକସ୍ଥୋ ଘୋରରାଵୋ ଘନସ୍ଵନଃ ।
ଘୂର୍ଣଚକ୍ଷୁରଘୂର୍ଣାତ୍ମା ଘୋରହାସୋ ଗଭୀରଧୀଃ ॥ ୮୭ ॥

ଚଣ୍ଡୀପତିଶ୍ଚଣ୍ଡମୂର୍ତିଶ୍ଚଣ୍ଡୋ ମୁଣ୍ଡୀ ପ୍ରଚଣ୍ଡଵାକ୍ ।
ଚିତାସଂସ୍ଥଶ୍ଚିତାଵାସଶ୍ଚିତିର୍ଦଣ୍ଡକରଃ ସଦା ॥ ୮୮ ॥

ଚିତାଭସ୍ମାଭିସଂଲିପ୍ତଶ୍ଚିତାନୃତ୍ୟପରାୟଣଃ ।
ଚିତାପ୍ରମୋଦୀ ଚିତ୍ସାକ୍ଷୀ ଚିନ୍ତାମଣିରଚିନ୍ତକଃ ॥ ୮୯ ॥

ଚତୁର୍ଵେଦମୟଶ୍ଚକ୍ଷୁଶ୍ଚତୁରାନନପୂଜିତଃ ।
ଚୀରଵାସାଶ୍ଚକୋରାକ୍ଷଶ୍ଚଲନ୍ମୂର୍ତିଶ୍ଚଲେକ୍ଷଣଃ ॥ ୯୦ ॥

ଚଲତ୍କୁଣ୍ଡଲଭୂଷାଢୟଶ୍ଚଲଦ୍ଭୂଷଣଭୂଷିତଃ ।
ଚଲନ୍ନେତ୍ରଶ୍ଚଲତ୍ପାଦଶ୍ଚଲନ୍ନୂପୁରରାଜିତଃ ॥ ୯୧ ॥

ସ୍ଥାଵରଃ ସ୍ଥିରମୂର୍ତିଶ୍ଚ ସ୍ଥାଵରେଶଃ ସ୍ଥିରାସନଃ ।
ସ୍ଥାପକଃ ସ୍ଥୈର୍ୟନିରତଃ ସ୍ଥୂଲରୂପୀ ସ୍ଥଲାଲୟଃ ॥ ୯୨ ॥

ସ୍ଥୈର୍ୟାତିଗଃ ସ୍ଥିତିପରଃ ସ୍ଥାଣୁରୂପୀ ସ୍ଥଲାଧିପଃ ।
ଐହିକୋ ମଦନାର୍ତଶ୍ଚ ମହୀମଣ୍ଡଲପୂଜିତଃ ॥ ୯୩ ॥

ମହୀପ୍ରିୟୋ ମତ୍ତରଵୋ ମୀନକେତୁଵିମର୍ଦକଃ ।
ମୀନରୂପୋ ମନିସଂସ୍ଥୋ ମୃଗହସ୍ତୋ ମୃଗାସନଃ ॥ ୯୪ ॥

ମାର୍ଗସ୍ଥୋ ମେଖଲାୟୁକ୍ତୋ ମୈଥିଲୀଶ୍ଵରପୂଜିତଃ ।
ମିଥ୍ୟାହୀନୋ ମଙ୍ଗଲଦୋ ମାଙ୍ଗଲ୍ୟୋ ମକରାସନଃ ॥ ୯୫ ॥

ମତ୍ସ୍ୟପ୍ରିୟୋ ମଥୁରଗୀର୍ମଧୁପାନପରାୟଣଃ ।
ମୃଦୁଵାକ୍ୟପରଃ ସୌରପ୍ରିୟୋ ମୋଦାନ୍ଵିତସ୍ତଥା ॥ ୯୬ ॥

ମୁଣ୍ଡାଲିର୍ଭୂଷଣୋ ଦଣ୍ଡୀ ଉଦ୍ଦଣ୍ଡୋ ଜ୍ଵଲଲୋଚନଃ ।
ଅସାଧ୍ୟସାଧକଃ ଶୂରସେଵ୍ୟଃ ଶୋକାପନୋଦନଃ ॥ ୯୭ ॥

ଶ୍ରୀପତିଃ ଶ୍ରୀସୁସେଵ୍ୟଶ୍ଚ ଶ୍ରୀଧରଃ ଶ୍ରୀନିକେତନଃ ।
ଶ୍ରୀମତାଂ ଶ୍ରୀସ୍ଵରୂପଶ୍ଚ ଶ୍ରୀମାନ୍ଶ୍ରୀନିଲୟସ୍ତଥା ॥ ୯୮ ॥

ଶ୍ରମାଦିକ୍ଲେଶରହିତଃ ଶ୍ରୀନିଵାସଃ ଶ୍ରିୟାନ୍ଵିତଃ ।
ଶ୍ରଦ୍ଧାଲୁଃ ଶ୍ରାଦ୍ଧଦେଵଶ୍ଚ ଶ୍ରାଦ୍ଧୋ ମଧୁରଵାକ୍ ତଥା ॥ ୯୯ ॥

ପ୍ରଲୟାଗ୍ନ୍ୟର୍କସଙ୍କାଶଃ ପ୍ରମତ୍ତନୟନୋଜ୍ଜ୍ଵଲଃ ।
ଅସାଧ୍ୟସାଧକଃ ଶୂରସେଵ୍ୟଃ ଶୋକାପନୋଦନଃ ॥ ୧୦୦ ॥

ଵିଶ୍ଵଭୂତମୟୋ ଵୈଶ୍ଵାନରନେତ୍ରୋଽଧିମୋହକୃତ୍ ।
ଲୋକତ୍ରାଣପରୋଽପାରଗୁଣଃ ପାରଵିଵର୍ଜିତଃ ॥ ୧୦୧ ॥

ଅଗ୍ନିଜିହ୍ଵୋ ଦ୍ଵିଜାସ୍ୟଶ୍ଚ ଵିଶ୍ଵାସ୍ୟଃ ସର୍ଵଭୂତଧୃକ୍ ।
ଖେଚରଃ ଖେଚରାଧୀଶଃ ସର୍ଵଗଃ ସାର୍ଵଲୌକିକଃ ॥ ୧୦୨ ॥

ସେନାନୀଜନକଃ କ୍ଷୁବ୍ଧାବ୍ଧିର୍ଵାରିକ୍ଷୋଭଵିନାଶକଃ ।
କପାଲଵିଲସଦ୍ଧସ୍ତଃ କମଣ୍ଡଲୁଭୃଦର୍ଚିତଃ ॥ ୧୦୩ ॥

କେଵଲାତ୍ମସ୍ଵରୂପଶ୍ଚ କେଵଲଜ୍ଞାନରୂପକଃ ।
ଵ୍ୟୋମାଲୟନିଵାସୀ ଚ ବୃହଦ୍ଵ୍ୟୋମସ୍ଵରୂପକଃ ॥ ୧୦୪ ॥

ଅମ୍ଭୋଜନୟନୋଽମ୍ଭୋଧିଶୟାନଃ ପୁରୁଷାତିଗଃ ।
ନିରାଲମ୍ବୋଽଵଲମ୍ବଶ୍ଚ ସମ୍ଭୋଗାନନ୍ଦରୂପକଃ ॥ ୧୦୫ ॥

ୟୋଗନିଦ୍ରାମୟୋ ଲୋକପ୍ରମୋହାପହରାତ୍ମକଃ ।
ବୃହଦ୍ଵକ୍ତ୍ରୋ ବୃହନ୍ନେତ୍ରୋ ବୃହଦ୍ଵାହୁର୍ବୃହଦ୍ଵଲଃ ॥ ୧୦୬ ॥

ବୃହତ୍ସର୍ପାଙ୍ଗଦୋ ଦୁଷ୍ଟବୃହଦ୍ଵାଲଵିମର୍ଦକଃ ।
ବୃହଦ୍ଭୁଜବଲୋନ୍ମତ୍ତୋ ବୃହତ୍ତୁଣ୍ଡୋ ବୃହଦ୍ଵପୁଃ ॥ ୧୦୭ ॥

ବୃହଦୈଶ୍ଵର୍ୟୟୁକ୍ତସ୍ଚ ବୃହଦୈଶ୍ଵର୍ୟଦଃ ସ୍ଵୟମ୍।
ବୃହତ୍ସମ୍ଭୋଗସନୁଷ୍ଟୋ ବୃହଦାନନ୍ଦଦାୟକଃ ॥ ୧୦୮ ॥

ବୃହଜ୍ଜଟାଜୂଟଧରୋ ବୃହନ୍ମାଲୀ ବୃହଦ୍ଧନୁଃ ।
ଇନ୍ଦ୍ରିୟାଧିଷ୍ଠିତଃ ସର୍ଵଲୋକେନ୍ଦ୍ରିୟଵିମୋହକୃତ୍ ॥ ୧୦୯ ॥

ସର୍ଵେନ୍ଦ୍ରିୟପ୍ରଵୃତ୍ତିକୃତ୍ ସର୍ଵେନ୍ଦ୍ରିୟନିଵୃତ୍ତିକୃତ୍।
ପ୍ରଵୃତ୍ତିନାୟକଃ ସର୍ଵଵିପତ୍ତିପରିନାଶକଃ ॥ ୧୧୦ ॥

ପ୍ରଵୃତ୍ତିମାର୍ଗନେତା ତ୍ଵଂ ସ୍ଵତନ୍ତ୍ରେଚ୍ଛାମୟଃ ସ୍ଵୟମ୍ ।
ସତ୍ପ୍ରଵୃତ୍ତିରତୋ ନିତ୍ୟଂ ଦୟାନନ୍ଦଶିଵାଧରଃ ॥ ୧୧୧ ॥

କ୍ଷିତିରୂପସ୍ତୋୟରୂପୀ ଵିଶ୍ଵତୃପ୍ତିକରସ୍ତଥା ।
ତର୍ପସ୍ତର୍ପଣସମ୍ପ୍ରୀତସ୍ତର୍ପକସ୍ତର୍ପଣାତ୍ମକଃ ॥ ୧୧୨ ॥

ତୃପ୍ତିକାରଣଭୂତଶ୍ଚ ସର୍ଵତୃପ୍ତିପ୍ରସାଧକଃ ।
ଅଭେଦୋ ଭେଦକୋଽଚ୍ଛିଦ୍ୟଚ୍ଛେଦକୋଽଚ୍ଛେଦ୍ୟ ଏଵ ହି ॥ ୧୧୩ ॥

ଅଚ୍ଛିନ୍ନଧନ୍ଵାଽଚ୍ଛିନ୍ନେଷୁରଚ୍ଛିନ୍ନଧ୍ଵଜଵାହନଃ ।
ଅଦୃଷ୍ଟଃ ସମଧୃଷ୍ଟାସ୍ତ୍ରଃ ସମଧୃଷ୍ଟୋ ବଲୋନ୍ନତଃ ॥ ୧୧୪ ॥

ଚିତ୍ରୟୋଧୀ ଚିତ୍ରକର୍ମା ଵିଶ୍ଵସଙ୍କର୍ଷକଃ ସ୍ଵୟମ୍ ।
ଭକ୍ତାନାମୀପ୍ସିତକରଃ ସର୍ଵେପ୍ସିତଫଲପ୍ରଦଃ ॥ ୧୧୫ ॥

ଵାଞ୍ଛିତାଭୀଷ୍ଟଫଲଦୋଽଭିନ୍ନଜ୍ଞାନପ୍ରଵର୍ତକଃ ।
ବୋଧନାତ୍ମା ବୋଧନାର୍ଥାତିଗଃ ସର୍ଵପ୍ରବୋଧକୃତ୍ ॥ ୧୧୬ ॥

ତ୍ରିଜଟଶ୍ଚୈକଜଟିଲଶ୍ଚଲଜ୍ଜୂଟୋ ଭୟାନକଃ ।
ଜଟାଟୀନୋ ଜଟାଜୂଟସ୍ପୃଷ୍ଟାଵରଵଚଃ ସ୍ଵୟମ୍ ॥ ୧୧୭ ॥

ଷାଣ୍ମାତୁରସ୍ୟ ଜନକଃ ଶକ୍ତିଃ ପ୍ରହରତାଂ ଵରଃ ।
ଅନର୍ଘାସ୍ତ୍ରପ୍ରହାରୀ ଚାନର୍ଘଧନ୍ଵା ମହାର୍ଘ୍ୟପାତ୍ ॥ ୧୧୮ ॥

ୟୋନିମଣ୍ଡଲମଧ୍ୟସ୍ଥୋ ମୁଖୟୋନିରଜୃମ୍ଭଣଃ ।
ମହାଦ୍ରିସଦୃଶଃ ଶ୍ଵେତଃ ଶ୍ଵେତପୁଷ୍ପସ୍ରଗନ୍ଵିତଃ ॥ ୧୧୯ ॥

ମକରନ୍ଦପ୍ରିୟୋ ନିତ୍ୟଂ ମାସର୍ତୁହାୟନାତ୍ମକଃ ।
ନାନାପୁଷ୍ପପ୍ରସୂର୍ନାନାପୁଷ୍ପୈରର୍ଚିତଗାତ୍ରକଃ ॥ ୧୨୦ ॥

ଷଡଙ୍ଗୟୋଗନିରତଃ ସଦାୟୋଗାର୍ଦ୍ରମାନସଃ ।
ସୁରାସୁରନିଷେଵ୍ୟାଙ୍ଘ୍ରିର୍ଵିଲସତ୍ପାଦପଙ୍କଜଃ ॥ ୧୨୧ ॥

ସୁପ୍ରକାଶିତଵକ୍ତ୍ରାବ୍ଜଃ ସିତେତରଗଲୋଜ୍ଜ୍ଵଲଃ ।
ଵୈନତେୟସମାରୂଢଃ ଶରଦିନ୍ଦୁସହସ୍ରଵତ୍ ॥ ୧୨୨ ॥

ଜାଜ୍ଵଲ୍ୟମାନସ୍ତେଜୋଭିର୍ଜ୍ଵାଲପୁଞ୍ଜୋ ୟମଃ ସ୍ଵୟମ୍ ।
ପ୍ରଜ୍ଵଲଦ୍ଵିଦ୍ୟୁଦାଭଶ୍ଚ ସାଟ୍ଟହାସଭୟଙ୍କରଃ ॥ ୧୨୩ ॥

ପ୍ରଲୟାନଲରୂପୀ ଚ ପ୍ରଲୟାଗ୍ନିରୁଚିଃ ସ୍ଵୟମ୍ ।
ଜଗତାମେକପୁରୁଷୋ ଜଗତାଂ ପ୍ରଲୟାତ୍ମକଃ ॥ ୧୨୪ ॥

ପ୍ରସୀଦ ତ୍ଵଂ ଜଗନ୍ନାଥ ଜଗଦ୍ୟୋନେ ନମୋଽସ୍ତୁ ତେ ॥ ୧୨୫ ॥

ଶ୍ରୀମହାଦେଵ ଉଵାଚ-
ଏଵଂ ନାମସହସ୍ରେଣ ରାଜ୍ଞା ଵୈ ସଂସ୍ତୁତୋ ହରଃ ।
ପ୍ରତ୍ୟକ୍ଷମଗମତ୍ତସ୍ୟ ସୁପ୍ରସନ୍ନମୁଖାମ୍ବୁଜଃ ॥ ୧୨୬ ॥

ସ ତଂ ଵିଲୋକ୍ୟ ତ୍ରିଦଶୈକନାଥଂ
ପଞ୍ଚାନନଂ ଶ୍ଵେତରୁଚିଂ ପ୍ରସନ୍ନମ୍ ।
ଵୃଷାଧିରୂଢଂ ଭୁଜଗାଙ୍ଗଦୈର୍ୟୁତଂ
ନନର୍ତ ରାଜା ଧରଣୀଭୁଜାଂ ଵରଃ ॥ ୧୨୭ ॥

ପ୍ରୋଵାଚ ଚେଦଂ ପରମେଶ୍ଵରାଦ୍ୟ ମେ
ଏତାନି ସର୍ଵାଣି ସୁଖାର୍ଥକାନି ।
ତପଶ୍ଚ ହୋମଶ୍ଚ ମନୁଷ୍ୟଜନ୍ମ
ୟତ୍ତ୍ଵାଂ ପ୍ରପଶ୍ୟାମି ଦୃଶା ପରେଶମ୍ ॥ ୧୨୮ ॥

ମତ୍ତୋ ନ ଧନ୍ୟୋସ୍ତି ମହୀତଲେ ଵା
ସ୍ଵର୍ଗେ ୟତସ୍ତ୍ଵଂ ମମ ନେତ୍ରଗୋଚରଃ ।
ସୁରାସୁରାଣାମପି ଦୁର୍ଲଭେକ୍ଷଣଃ
ପରାତ୍ପରଃ ପୂର୍ଣମୟୋ ନିରାମୟଃ ॥ ୧୨୯ ॥

ତତସ୍ତମେଵଂ ପ୍ରତିଭାଷମାଣଂ
ପ୍ରାହ ପ୍ରପନାର୍ତିହରୋ ମହେଶ୍ଵରଃ ।
କିଂ ତେ ମନୋଵାଞ୍ଛିତମେଵ ଵିଦ୍ୟତେ
ଵୃଣୁଷ୍ଵ ତତ୍ପୁତ୍ର ଦଦାମି ତୁଭ୍ୟମ୍ ॥ ୧୩୦ ॥

ସଚାହ ପୂର୍ଵଂ କପିଲସ୍ୟ ଶାପତଃ
ପାତାଲରନ୍ଧ୍ରେ ମମ ପୂର୍ଵଵଂଶଜାଃ ।
ଭସ୍ମୀବଭୂଵୁଃ ସଗରସ୍ୟ ପୁତ୍ରା
ମହାବଲା ଦେଵସମାନଵିକ୍ରମାଃ ॥ ୧୩୧ ॥

ତେଷାଂ ତୁ ନିସ୍ତାରଣକାମ୍ୟୟା ହ୍ୟହଂ
ଗଙ୍ଗାଂ ଧରଣ୍ୟାମଭିନେତୁମୀହେ ।
ସା ତୁ ତ୍ଵଦୀୟା ପରମା ହି ଶକ୍ତିଃ
ଵିନାଜ୍ଞୟା ତେ ନ ହି ୟାତି ପୃଥ୍ଵୀମ୍ ॥ ୧୩୨ ॥

ତଦେତଦିଚ୍ଛାମି ସମେତ୍ୟ ଗଙ୍ଗା
କ୍ଷିତୌ ମହାଵେଗଵତୀ ମହାନଦୀ ।
ପ୍ରଵିଶ୍ୟ ତସ୍ମିନ୍ଵିଵରେ ମହେଶ୍ଵରୀ
ପୁନାତୁ ସର୍ଵାନ୍ସଗରସ୍ୟ ପୁତ୍ରାନ୍ ॥ ୧୩୩ ॥

ଇତ୍ୟେଵମାକର୍ଣ୍ୟ ଵଚଃ ପରେଶ୍ଵରଃ
ପ୍ରୋଵାଚ ଵାକ୍ୟଂ କ୍ଷିତିପାଲପୁଙ୍ଗଵମ୍ ।
ମନୋରଥସ୍ତେଽୟମଵେହି ପୂର୍ଣୋ
ମମ ପ୍ରସାଦାଦଚିରାଦ୍ଭଵିଷ୍ୟତି ॥ ୧୩୪ ॥

ୟେ ଚାପି ମାଂ ଭକ୍ତିତ ଏଵ ମର୍ତ୍ୟାଃ
ସ୍ତୋତ୍ରେଣ ଚାନେନ ନୃପ ସ୍ତୁଵନ୍ତି ।
ତେଷାଂ ତୁ ପୂର୍ଣାଃ ସକଲା ମନୋରଥା
ଧ୍ରୁଵଂ ଭଵିଷ୍ୟନ୍ତି ମମ ପ୍ରସାଦାତ୍ ॥ ୧୩୫ ॥

ଶ୍ରୀମହାଦେଵ ଉଵାଚ-
ଇତ୍ୟେଵଂ ସ ଵରଂ ଲବ୍ଧ୍ଵା ରାଜା ହୃଷ୍ଟମନାସ୍ତତଃ ।
ଦଣ୍ଡଵତ୍ପ୍ରଣିପତ୍ୟାହ ଧନ୍ୟୋଽହଂ ତ୍ଵତ୍ପ୍ରସାଦତଃ ॥ ୧୩୬ ॥

ତତଶ୍ଚାନ୍ତର୍ଦଧେ ଦେଵଃ କ୍ଷଣାଦେଵ ମହାମତେ ।
ରାଜା ନିର୍ଵୃତ୍ତଚେତାଃ ସ ବଭୂଵ ମୁନିସତ୍ତମ ॥ ୧୩୭ ॥

ରାଜ୍ଞା କୃତମିଦଂ ସ୍ତୋତ୍ରଂ ସହସ୍ରନାମସଂଜ୍ଞକମ୍ ।
ୟଃ ପଠେତ୍ପରୟା ଭକ୍ତ୍ୟା ସ କୈଵଲ୍ୟମଵାପ୍ନୁୟାତ୍ ॥ ୧୩୮ ॥

ନ ଚେହ ଦୁଃଖଂ କୁତ୍ରାପି ଜାୟତେ ତସ୍ୟ ନାରଦ ।
ଜାୟତେ ପରମୈଶ୍ଵର୍ୟଂ ପ୍ରସାଦାଚ୍ଚ ମହେଶିତୁଃ ॥ ୧୩୯ ॥

ମହାପଦି ଭୟେ ଘୋରେ ୟଃ ପଠେତ୍ସ୍ତୋତ୍ରମୁତ୍ତମମ୍ ।
ଶମ୍ଭୋର୍ନାମସହସ୍ରାଖ୍ୟଂ ସର୍ଵମଙ୍ଗଲଵର୍ଧନମ୍ ॥ ୧୪୦ ॥

ମହାଭୟହରଂ ସର୍ଵସୁଖସମ୍ପତ୍ତିଦାୟକମ୍ ।
ସ ମୁଚ୍ୟତେ ମହାଦେଵପ୍ରସାଦେନ ମହାଭୟାତ୍ ॥ ୧୪୧ ॥

ଦୁର୍ଭିକ୍ଷ୍ୟେ ଲୋକପୀଡାୟାଂ ଦେଶୋପଦ୍ରଵ ଏଵ ଵା ।
ସମ୍ପୂଜ୍ୟ ପରମେଶାନଂ ଧୂପଦୀପାଦିଭିର୍ମୁନେ ॥ ୧୪୨ ॥

ୟଃ ପଠେତ୍ପରୟା ଭକ୍ତ୍ୟା ସ୍ତୋତ୍ରଂ ନାମସହସ୍ରକମ୍ ।
ନ ତସ୍ୟ ଦେଶେ ଦୁର୍ଭିକ୍ଷଂ ନ ଚ ଲୋକାଦିପୀଡନମ୍ ॥ ୧୪୩ ॥

ନ ଚାନ୍ୟୋପଦ୍ରଵୋ ଵାପି ଭଵେଦେତତ୍ସୁନିଶ୍ଚିତମ୍ ।
ପର୍ଜନ୍ୟୋଽପି ୟଥାକାଲେ ଵୃଷ୍ଟିଂ ତତ୍ର କରୋତି ହି ॥ ୧୪୪ ॥

ୟତ୍ରେଦଂ ପଠ୍ୟତେ ସ୍ତୋତ୍ରଂ ସର୍ଵପାପପ୍ରଣାଶନମ୍ ।
ସର୍ଵସସ୍ୟୟୁତା ପୃଥ୍ଵୀ ତସ୍ମିନ୍ଦେଶେ ଭଵେଦ୍ଧ୍ରୁଵମ୍ ॥ ୧୪୫ ॥

ନ ଦୁଷ୍ଟବୁଦ୍ଧିର୍ଲୋକାନାଂ ତତ୍ରସ୍ଥାନାଂ ଭଵେଦପି ।
ନାକାଲେ ମରଣଂ ତତ୍ର ପ୍ରାଣିନାଂ ଜାୟତେ ମୁନେ ॥ ୧୪୬ ॥

ନ ହିଂସ୍ରାସ୍ତତ୍ର ହିଂସନ୍ତି ଦେଵଦେଵପ୍ରସାଦତଃ ।
ଧନ୍ୟା ଦେଶାଃ ପ୍ରଜା ଧନ୍ୟା ୟତ୍ର ଦେଶେ ମହେଶ୍ଵରମ୍ ॥ ୧୪୭ ॥

ସମ୍ପୂଜ୍ୟ ପାର୍ଥିଵଂ ଲିଙ୍ଗଂ ପଠେଦ୍ୟତ୍ରେଦମୁତ୍ତମମ୍ ।
ଚତୁର୍ଦଶ୍ୟାଂ ତୁ କୃଷ୍ଣାୟାଂ ଫାଲ୍ଗୁନେ ମାସି ଭକ୍ତିତଃ ॥ ୧୪୮ ॥

ୟଃ ପଠେତ୍ପରମେଶସ୍ୟ ନାମ୍ନାଂ ଦଶଶତାଖ୍ୟକମ୍ ।
ସ୍ତୋତ୍ରମତ୍ୟନ୍ତସୁଖଦଂ ନ ପୁନର୍ଜନ୍ମଭାଗ୍ଭଵେତ୍ ॥ ୧୪୯ ॥

ଵାୟୁତୁଲ୍ୟବଲୋ ନୂନଂ ଵିହରେଦ୍ଧରଣୀତଲେ ।
ଧନେଶତୁଲ୍ୟୋ ଧନଵାନ୍କନ୍ଦର୍ପସମରୂପଵାନ୍ ॥ ୧୫୦ ॥

ଵିହରେଦ୍ଦେଵତାତୁଲ୍ୟୋ ନିଗ୍ରହାନୁଗ୍ରହେ କ୍ଷମଃ ।
ଗଙ୍ଗାୟାଂ ଵା କୁରୁକ୍ଷେତ୍ରେ ପ୍ରୟାଗେ ଵା ମହେଶ୍ଵରମ୍ ।
ପରିପୂଜ୍ୟ ପଠେଦ୍ୟସ୍ତୁ ସ କୈଵଲ୍ୟମଵାପ୍ନୁୟାତ୍ ॥ ୧୫୧ ॥

କାଶ୍ୟାଂ ୟସ୍ତୁ ପଠେଦେତତ୍ସ୍ତୋତ୍ରଂ ପରମମଙ୍ଗଲମ୍ ।
ତସ୍ୟ ପୁଣ୍ୟଂ ମୁନିଶ୍ରେଷ୍ଠ କିମହଂ କଥୟାମି ତେ ॥ ୧୫୨ ॥

ଏତତ୍ସ୍ତୋତ୍ରପ୍ରସାଦେନ ସ ଜୀଵନ୍ନେଵ ମାନଵଃ ।
ସାକ୍ଷାନ୍ମହେଶତାମେତି ମୁକ୍ତିରନ୍ତେ କରସ୍ଥିତା ॥ ୧୫୩ ॥

ପ୍ରତ୍ୟହଂ ପ୍ରପଠେଦେତଦ୍ବିଲ୍ଵମୂଲେ ନରୋତ୍ତମଃ ।
ସ ସାଲୋକ୍ୟମଵାପ୍ନୋତି ଦେଵଦେଵପ୍ରସାଦତଃ ॥ ୧୫୪ ॥

ୟୋ ହ୍ୟେତତ୍ପାଠୟେତ୍ସ୍ତୋତ୍ରଂ ସର୍ଵପାପନିବର୍ହଣମ୍ ।
ସ ମୁଚ୍ୟତେ ମହାପାପାତ୍ସତ୍ୟଂ ସତ୍ୟଂ ଵଦାମି ତେ ॥ ୧୫୫ ॥

ନ ତସ୍ୟ ଗ୍ରହପୀଡା ସ୍ୟାନ୍ନାପମୃତ୍ୟୁଭୟଂ ତଥା ।
ନ ତଂ ଦ୍ଵିଷନ୍ତି ରାଜାନୋ ନ ଵା ଵ୍ୟାଧିଭୟଂ ଭଵେତ୍ ॥ ୧୫୬ ॥

ପଠେଦେତଦ୍ଧୃଦି ଧ୍ୟାତ୍ଵା ଦେଵଦେଵଂ ସନାତନମ୍ ।
ସର୍ଵଦେଵମୟଂ ପୂର୍ଣଂ ରଜତାଦ୍ରିସମପ୍ରଭମ୍ ॥ ୧୫୭ ॥

ପ୍ରଫୁଲ୍ଲପଙ୍କଜାସ୍ୟଂ ଚ ଚାରୁରୂପଂ ଵୃଷଧ୍ଵଜମ୍।
ଜଟାଜୂଟଜ୍ଵଲତ୍କାଲକୂଟଶୋଭିତଵିଗ୍ରହମ୍ ॥ ୧୫୮ ॥

ତ୍ରିଶୂଲଂ ଡମରୁ ଚୈଵ ଦଧାନଂ ଦକ୍ଷଵାମୟୋଃ ।
ଦ୍ଵୀପିଚର୍ମାମ୍ବରଧରଂ ଶାନ୍ତଂ ତ୍ରୈଲୋକ୍ୟମୋହନମ୍ ॥ ୧୫୯ ॥

ଏଵଂ ହୃଦି ନରୋ ଭକ୍ତ୍ୟା ଵିଭାଵ୍ୟୈତତ୍ପଠେଦ୍ୟଦି ।
ଇହ ଭୁକ୍ତ୍ଵା ପରଂ ଭୋଗଂ ପରତ୍ର ଚ ମହାମତେ ॥ ୧୬୦ ॥

ଶମ୍ଭୋଃ ସ୍ଵରୂପତାଂ ୟାତି କିମନ୍ୟତ୍କଥୟାମି ତେ ॥ ୧୬୧ ॥

ତତ୍ରୈଵ ସଦ୍ଭକ୍ତିୟୁତଃ ପଠେଦିଦଂ
ସ୍ତୋତ୍ରଂ ମମ ପ୍ରୀତିକରଂ ପରଂ ମୁନେ ।
ମର୍ତ୍ୟୋ ହି ୟୋଽନ୍ୟଃ ଖଲୁ ସୋଽପି କୃଚ୍ଛ୍ରଂ
ଜଗତ୍ପଵିତ୍ରାୟତ ଏଵ ପାପତଃ ॥ ୧୬୨ ॥

॥ ଶ୍ରୀମହାଭାଗଵତେ ଉପପୁରାଣେ ଭଗୀରଥପ୍ରୋକ୍ତଂ
ଶିଵସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥

Also Read:

1000 Names of Devi Bhagavata Sri Shiva Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil