Shri Gopala Sahasranama Stotram Lyrics in Bengali:
॥ শ্রীগোপালসহস্রনামস্তোত্রম্ ॥
পার্বত্যুবাচ-
কৈলাসশিখরে রম্যে গৌরী পৃচ্ছতি শঙ্করম্ ।
ব্রহ্মাণ্ডাখিলনাথস্ত্বং সৃষ্টিসংহারকারকঃ ॥ ১ ॥
ত্বমেব পূজ্যসে লোকৈর্ব্রহ্মবিষ্ণুসুরাদিভিঃ ।
নিত্যং পঠসি দেবেশ কস্য স্তোত্রং মহেশ্বর ॥ ২ ॥
আশ্চর্যমিদমাখ্যানং জায়তে ময়ি শঙ্কর ।
তত্প্রাণেশ মহাপ্রাজ্ঞ সংশয়ং ছিন্ধি মে প্রভো ॥ ৩ ॥
শ্রীমহাদেব উবাচ-
ধন্যাসি কৃতপুণ্যাসি পার্বতি প্রাণবল্লভে ।
রহস্যাতিরহস্যং চ য়ত্পৃচ্ছসি বরাননে ॥ ৪ ॥
স্ত্রীস্বভাবান্মহাদেবি পুনস্ত্বং পরিপৃচ্ছসি ।
গোপনীয়ং গোপনীয়ং গোপনীয়ং প্রয়ত্নতঃ ॥ ৫ ॥
দত্তে চ সিদ্ধিহানিঃ স্যাত্তস্মাদ্যত্নেন গোপয়েত্ ।
ইদং রহস্যং পরমং পুরুষার্থপ্রদায়কম্ ॥ ৬ ॥
ধনরত্নৌঘমাণিক্যং তুরঙ্গং চ গজাদিকম্ ।
দদাতি স্মরণাদেব মহামোক্ষপ্রদায়কম্ ॥ ৭ ॥
তত্তেঽহং সম্প্রবক্ষ্যামি শৃণুষ্বাবহিতা প্রিয়ে ।
য়োঽসৌ নিরঞ্জনো দেবঃ চিত্স্বরূপী জনার্দনঃ ॥ ৮ ॥
সংসারসাগরোত্তারকারণায় নৃণাম্ সদা ।
শ্রীরঙ্গাদিকরূপেণ ত্রৈলোক্যং ব্যাপ্য তিষ্ঠতি ॥ ৯ ॥
ততো লোকা মহামূঢা বিষ্ণুভক্তিবিবর্জিতাঃ ।
নিশ্চয়ং নাধিগচ্ছন্তি পুনর্নারায়ণো হরিঃ ॥ ১০ ॥
নিরঞ্জনো নিরাকারো ভক্তানাং প্রীতিকামদঃ ।
বৃন্দাবনবিহারায় গোপালং রূপমুদ্বহন্ ॥ ১১ ॥
মুরলীবাদনাধারী রাধায়ৈ প্রীতিমাবহন্ ।
অংশাংশেভ্যঃ সমুন্মীল্য পূর্ণরূপকলায়ুতঃ ॥ ১২ ॥
শ্রীকৃষ্ণচন্দ্রো ভগবান্ নন্দগোপবরোদ্যতঃ ।
ধরণীরূপিণীমাতৃয়শোদানন্দদায়কঃ ॥ ১৩ ॥
দ্বাভ্যাং প্রয়াচিতো নাথো দেবক্যাং বসুদেবতঃ ।
ব্রহ্মণাঽভ্যর্থিতো দেবো দেবৈরপি সুরেশ্বরি ॥ ১৪ ॥
জাতোঽবন্যাং মুকুন্দোঽপি মুরলোবেদরেচিকা ।
তয়া সার্দ্ধং বচঃ কৃত্বা ততো জাতো মহীতলে ॥ ১৫ ॥
সংসারসারসর্বস্বং শ্যামলং মহদুজ্জ্বলম্ ।
এতজ্জ্যোতিরহং বেদ্যং চিন্তয়ামি সনাতনম্ ॥ ১৬ ॥
গৌরতেজো বিনা য়স্তু শ্যামতেজস্সমর্চয়েত্ ।
জপেদ্বা ধ্যায়তে বাপি স ভবেত্ পাতকী শিবে ॥ ১৭ ॥
স ব্রহ্মহা সুরাপী চ স্বর্ণস্তেয়ী চ পঞ্চমঃ ।
এতৈর্দোষৈর্বিলিপ্যেত তেজোভেদান্মহীশ্বরি ॥ ১৮ ॥
তস্মাজ্জ্যোতিরভূদ্ দ্বেধা রাধামাধবরূপকম্ ।
তস্মাদিদং মহাদেবি গোপালেনৈব ভাষিতম্ ॥ ১৯ ॥
দুর্বাসসো মুনের্মোহে কার্তিক্যাং রাসমণ্ডলে ।
ততঃ পৃষ্টবতী রাধা সন্দেহভেদমাত্মনঃ ॥ ২০ ॥
নিরঞ্জনাত্সমুত্পন্নং ময়াঽধীতং জগন্ময়ি ।
শ্রীকৃষ্ণেন ততঃ প্রোক্তং রাধায়ৈ নারদায় চ ॥ ২১ ॥
ততো নারদতস্সর্বে বিরলা বৈষ্ণবা জনাঃ ।
কলৌ জানন্তি দেবেশি গোপনীয়ং প্রয়ত্নতঃ ॥ ২২ ॥
শঠায় কৃপণায়াথ দাম্ভিকায় সুরেশ্বরি ।
ব্রহ্মহত্যামবাপ্নোতি তস্মাদ্যত্নেন গোপয়েত্ ॥ ২৩ ॥
পাঠ করনে কী বিধি
ওঁ অস্য শ্রীগোপালসহস্রনামস্তোত্রমহামন্ত্রস্য শ্রীনারদ ঋষিঃ ।
অনুষ্টুপ্ ছন্দঃ । শ্রীগোপালো দেবতা । কামো বীজম্ । মায়া শক্তিঃ ।
চন্দ্রঃ কীলকম্ শ্রীকৃষ্ণচন্দ্র ভক্তিরূপফলপ্রাপ্তয়ে
শ্রীগোপালসহস্রনামস্তোত্রজপে বিনিয়োগঃ ।
য়া ইসতরহ করেং পাঠ
ওঁ ঐং ক্লীং বীজম্ । শ্রীং হ্রীং শক্তিঃ ।
শ্রীবৃন্দাবননিবাসঃ কীলকম্ ।
শ্রীরাধাপ্রিয়পরব্রহ্মেতি মন্ত্রঃ ।
ধর্মাদিচতুর্বিধপুরুষার্থসিদ্ধ্যর্থে জপে বিনিয়োগঃ ॥
অথ করাদিন্যাসঃ
ওঁ ক্লাং অঙ্গুষ্ঠাভ্যাং নমঃ ।
ওঁ ক্লীং তর্জনীভ্যাং নমঃ ॥
ওঁ ক্লূং মধ্যমাভ্যাং নমঃ ॥
ওঁ ক্লৈং অনামিকাভ্যাং নমঃ ॥
ওঁ ক্লৌং কনিষ্টিকাভ্যাং নমঃ ॥
ওঁ ক্লঃ করতলকরপৃষ্ঠাভ্যাং নমঃ ॥
অথ হৃদয়াদিন্যাসঃ
ওঁ ক্লাং হৃদয়ায় নমঃ ।
ওঁ ক্লীং শিরসে স্বাহা ॥
ওঁ ক্লূং শিখায়ৈ বষট্ ॥
ওঁ ক্লৈং কবচায় হুং ॥
ওঁ ক্লৌং নেত্রত্রয়ায় বৌষট্ ॥
ওঁ ক্লঃ অস্ত্রায় ফট্ ॥
অথ ধ্যানম্
কস্তূরীতিলকং ললাটপটলে বক্ষঃস্থলে কৌস্তুভং
নাসাগ্রেবরমৌক্তিকং করতলে বেণুং করে কঙ্কণম্ ॥
সর্বাঙ্গে হরিচন্দনং সুললিতং কণ্ঠে চ মুক্তাবলিম্
গোপস্ত্রীপরিবেষ্টিতো বিজয়তে গোপালচূড़ামণিঃ ॥ ১ ॥
ফুল্লেন্দীবরকান্তিমিন্দুবদনং বর্হাবতংসপ্রিয়ং
শ্রীবত্সাঙ্কমুদারকৌস্তুভধরং পীতাম্বরং সুন্দরম্ ॥
গোপীনাং নয়নোত্পলার্চিততনুং গোগোপসঙ্ঘাবৃতং
গোবিন্দং কলবেণুবাদনপরং দিব্যাঙ্গভূষং ভজে ॥ ২ ॥
সহস্রনাম স্তোত্র আরম্ভ-
ওঁ ক্লীং দেবঃ কামদেবঃ কামবীজশিরোমণিঃ ।
শ্রীগোপালো মহীপালো সর্ববেদান্তপারগঃ ॥ ১ ॥ var সর্ববেদাঙ্গপারগঃ
কৃষ্ণঃ কমলপত্রাক্ষঃ পুণ্ডরীকঃ সনাতনঃ । var ধরণীপালকোধন্যঃ
গোপতির্ভূপতিঃ শাস্তা প্রহর্তা বিশ্বতোমুখঃ ॥ ২ ॥
আদিকর্তা মহাকর্তা মহাকালঃ প্রতাপবান্ ।
জগজ্জীবো জগদ্ধাতা জগদ্ভর্তা জগদ্বসুঃ ॥ ৩ ॥
মত্স্যো ভীমঃ কুহূভর্তা হর্তা বারাহমূর্তিমান্ ।
নারায়ণো হৃষীকেশো গোবিন্দো গরুডধ্বজঃ ॥ ৪ ॥
গোকুলেন্দ্রো মহীচন্দ্রঃ শর্বরীপ্রিয়কারকঃ ।
কমলামুখলোলাক্ষঃ পুণ্ডরীকঃ শুভাবহঃ ॥ ৫ ॥
দুর্বাসাঃ কপিলো ভৌমঃ সিন্ধুসাগরসঙ্গমঃ ।
গোবিন্দো গোপতির্গোপঃ কালিন্দীপ্রেমপূরকঃ ॥ ৬ ॥
গোপস্বামী গোকুলেন্দ্রো গোবর্ধনবরপ্রদঃ ।
নন্দাদিগোকুলত্রাতা দাতা দারিদ্র্যভঞ্জনঃ ॥ ৭ ॥
সর্বমঙ্গলদাতা চ সর্বকামপ্রদায়কঃ ।
আদিকর্তা মহীভর্তা সর্বসাগরসিন্ধুজঃ ॥ ৮ ॥
গজগামী গজোদ্ধারী কামী কামকলানিধিঃ ।
কলঙ্করহিতশ্চন্দ্রো বিম্বাস্যো বিম্বসত্তমঃ ॥ ৯ ॥
মালাকারঃ কৃপাকারঃ কোকিলস্বরভূষণঃ ।
রামো নীলাম্বরো দেবো হলী দুর্দমমর্দনঃ ॥ ১০ ॥
সহস্রাক্ষপুরীভেত্তা মহামারীবিনাশনঃ ।
শিবঃ শিবতমো ভেত্তা বলারাতিপ্রপূজকঃ ॥ ১১ ॥
কুমারীবরদায়ী চ বরেণ্যো মীনকেতনঃ ।
নরো নারায়ণো ধীরো রাধাপতিরুদারধীঃ ॥ ১২ ॥
শ্রীপতিঃ শ্রীনিধিঃ শ্রীমান্ মাপতিঃ প্রতিরাজহা ।
বৃন্দাপতিঃ কুলগ্রামী ধামী ব্রহ্ম সনাতনঃ ॥ ১৩ ॥
রেবতীরমণো রামঃ প্রিয়শ্চঞ্চললোচনঃ ।
রামায়ণশরীরোঽয়ং রামো রামঃ শ্রিয়ঃপতিঃ ॥ ১৪ ॥
শর্বরঃ শর্বরী শর্বঃ সর্বত্র শুভদায়কঃ ।
রাধারাধয়িতারাধী রাধাচিত্তপ্রমোদকঃ ॥ ১৫ ॥
রাধারতিসুখোপেতঃ রাধামোহনতত্পরঃ ।
রাধাবশীকরো রাধাহৃদয়াম্ভোজষট্পদঃ ॥ ১৬ ॥
রাধালিঙ্গনসম্মোহঃ রাধানর্তনকৌতুকঃ ।
রাধাসঞ্জাতসম্প্রীতো রাধাকাম্যফলপ্রদঃ ॥ ১৭ ॥
বৃন্দাপতিঃ কোশনিধিঃ কোকশোকবিনাশনঃ ।
চন্দ্রাপতিঃ চন্দ্রপতিঃ চণ্ডকোদণ্ডভঞ্জনঃ ॥ ১৮ ॥
রামো দাশরথী রামঃ ভৃগুবংশসমুদ্ভবঃ ।
আত্মারামো জিতক্রোধো মোহো মোহান্ধভঞ্জনঃ ॥ ১৯ ॥
বৃষভানুভবো ভাবঃ কাশ্যপিঃ করুণানিধিঃ ।
কোলাহলো হলী হালী হেলী হলধরপ্রিয়ঃ ॥ ২০ ॥
রাধামুখাব্জমার্তাণ্ডঃ ভাস্করো রবিজা বিধুঃ ।
বিধির্বিধাতা বরুণো বারুণো বারুণীপ্রিয়ঃ ॥ ২১ ॥
রোহিণীহৃদয়ানন্দো বসুদেবাত্মজো বলী ।
নীলাম্বরো রৌহিণেয়ো জরাসন্ধবধোঽমলঃ ॥ ২২ ॥
নাগো নবাম্ভো বিরুদো বীরহা বরদো বলী ।
গোপথো বিজয়ী বিদ্বান্ শিপিবিষ্টঃ সনাতনঃ ॥ ২৩ ॥
পরশুরামবচোগ্রাহী বরগ্রাহী শৃগালহা ।
দমঘোষোপদেষ্টা চ রথগ্রাহী সুদর্শনঃ ॥ ২৪ ॥
বীরপত্নীয়শস্ত্রাতা জরাব্যাধিবিঘাতকঃ ।
দ্বারকাবাসতত্ত্বজ্ঞঃ হুতাশনবরপ্রদঃ ॥ ২৫ ॥
য়মুনাবেগসংহারী নীলাম্বরধরঃ প্রভুঃ ।
বিভুঃ শরাসনো ধন্বী গণেশো গণনায়কঃ ॥ ২৬ ॥
লক্ষ্মণো লক্ষণো লক্ষ্যো রক্ষোবংশবিনাশনঃ ।
বামনো বামনীভূতোঽবামনো বামনারুহঃ ॥ ২৭ ॥
য়শোদানন্দনঃ কর্ত্তা য়মলার্জুনমুক্তিদঃ ।
উলূখলী মহামানী দামবদ্ধাহ্বয়ী শমী ॥ ২৮ ॥
ভক্তানুকারী ভগবান্ কেশবো বলধারকঃ ।
কেশিহা মধুহা মোহী বৃষাসুরবিঘাতকঃ ॥ ২৯ ॥
অঘাসুরবিনাশী চ পূতনামোক্ষদায়কঃ ।
কুব্জাবিনোদী ভগবান্ কংসমৃত্যুর্মহামখী ॥ ৩০।
অশ্বমেধো বাজপেয়ো গোমেধো নরমেধবান্ ।
কন্দর্পকোটিলাবণ্যশ্চন্দ্রকোটিসুশীতলঃ ॥ ৩১ ॥
রবিকোটিপ্রতীকাশো বায়ুকোটিমহাবলঃ ।
ব্রহ্মা ব্রহ্মাণ্ডকর্তা চ কমলাবাঞ্ছিতপ্রদঃ ॥ ৩২ ॥
কমলা কমলাক্ষশ্চ কমলামুখলোলুপঃ ।
কমলাব্রতধারী চ কমলাভঃ পুরন্দরঃ ॥ ৩৩ ॥
সৌভাগ্যাধিকচিত্তোঽয়ং মহামায়ী মদোত্কটঃ ।
তারকারিঃ সুরত্রাতা মারীচক্ষোভকারকঃ ॥ ৩৪ ॥
বিশ্বামিত্রপ্রিয়ো দান্তো রামো রাজীবলোচনঃ ।
লঙ্কাধিপকুলধ্বংসী বিভীষণবরপ্রদঃ ॥ ৩৫ ॥
সীতানন্দকরো রামো বীরো বারিধিবন্ধনঃ ।
খরদূষণসংহারী সাকেতপুরবাসবান্ ॥ ৩৬ ॥
চন্দ্রাবলীপতিঃ কূলঃ কেশিকংসবধোঽমলঃ ।
মাধবো মধুহা মাধ্বী মাধ্বীকো মাধবো বিধুঃ ॥ ৩৭ ॥
মুঞ্জাটবীগাহমানঃ ধেনুকারির্ধরাত্মজঃ ।
বংশীবটবিহারী চ গোবর্ধনবনাশ্রয়ঃ ॥ ৩৮ ॥
তথা তালবনোদ্দেশী ভাণ্ডীরবনশঙ্খহা ।
তৃণাবর্তকৃপাকারী বৃষভানুসুতাপতিঃ ॥ ৩৯ ॥
রাধাপ্রাণসমো রাধাবদনাব্জমধুব্রতঃ ।
গোপীরঞ্জনদৈবজ্ঞঃ লীলাকমলপূজিতঃ ॥ ৪০ ॥
ক্রীডাকমলসন্দোহঃ গোপিকাপ্রীতিরঞ্জনঃ ।
রঞ্জকো রঞ্জনো রঙ্গো রঙ্গী রঙ্গমহীরুহঃ ॥ ৪১ ॥
কামঃ কামারিভক্তোঽয়ং পুরাণপুরুষঃ কবিঃ ।
নারদো দেবলো ভীমো বালো বালমুখাম্বুজঃ ॥ ৪২ ॥
অম্বুজো ব্রহ্মসাক্ষী চ য়োগী দত্তবরো মুনিঃ ।
ঋষভঃ পর্বতো গ্রামো নদীপবনবল্লভঃ ॥ ৪৩ ॥
পদ্মনাভঃ সুরজ্যেষ্ঠী ব্রহ্মা রুদ্রোঽহিভূষিতঃ ।
গণানাং ত্রাণকর্তা চ গণেশো গ্রহিলো গ্রহী ॥ ৪৪ ॥
গণাশ্রয়ো গণাধ্যক্ষঃ ক্রোডীকৃতজগত্ত্রয়ঃ ।
য়াদবেন্দ্রো দ্বারকেন্দ্রো মথুরাবল্লভো ধুরী ॥ ৪৫ ॥
ভ্রমরঃ কুন্তলী কুন্তীসুতরক্ষো মহামখী ।
য়মুনাবরদাতা চ কাশ্যপস্য বরপ্রদঃ ॥ ৪৬ ॥
শঙ্খচূডবধোদ্দামো গোপীরক্ষণতত্পরঃ ।
পাঞ্চজন্যকরো রামী ত্রিরামী বনজো জয়ঃ ॥ ৪৭ ॥
ফাল্গুনঃ ফাল্গুনসখো বিরাধবধকারকঃ ।
রুক্মিণীপ্রাণনাথশ্চ সত্যভামাপ্রিয়ঙ্করঃ ॥ ৪৮ ॥
কল্পবৃক্ষো মহাবৃক্ষঃ দানবৃক্ষো মহাফলঃ ।
অঙ্কুশো ভূসুরো ভাবো ভ্রামকো ভামকো হরিঃ ॥ ৪৯ ॥
সরলঃ শাশ্বতো বীরো য়দুবংশী শিবাত্মকঃ ।
প্রদ্যুম্নো বলকর্তা চ প্রহর্তা দৈত্যহা প্রভুঃ ॥ ৫০ ॥
মহাধনী মহাবীরো বনমালাবিভূষণঃ ।
তুলসীদামশোভাঢ্যো জালন্ধরবিনাশনঃ ॥ ৫১ ॥
শূরঃ সূর্যো মৃতণ্ডশ্চ ভাস্করো বিশ্বপূজিতঃ ।
রবিস্তমোহা বহ্নিশ্চ বাডবো বডবানলঃ ॥ ৫২ ॥
দৈত্যদর্পবিনাশী চ গরুডো গরুডাগ্রজঃ ।
গোপীনাথো মহানাথো বৃন্দানাথোঽবিরোধকঃ ॥ ৫৩ ॥
প্রপঞ্চী পঞ্চরূপশ্চ লতাগুল্মশ্চ গোপতিঃ ।
গঙ্গা চ য়মুনারূপো গোদা বেত্রবতী তথা ॥ ৫৪ ॥
কাবেরী নর্মদা তাপ্তী গণ্ডকী সরয়ূস্তথা ।
রাজসস্তামসস্সত্ত্বী সর্বাঙ্গী সর্বলোচনঃ ॥ ৫৫ ॥
সুধাময়োঽমৃতময়ো য়োগিনীবল্লভঃ শিবঃ ।
বুদ্ধো বুদ্ধিমতাং শ্রেষ্ঠো বিষ্ণুর্জিষ্ণুঃ শচীপতিঃ ॥ ৫৬ ॥
বংশী বংশধরো লোকঃ বিলোকো মোহনাশনঃ ।
রবরাবো রবো রাবো বলো বালবলাহকঃ ॥ ৫৭ ॥
শিবো রুদ্রো নলো নীলো লাঙ্গলী লাঙ্গলাশ্রয়ঃ ।
পারদঃ পাবনো হংসো হংসারূঢো জগত্পতিঃ ॥ ৫৮ ॥
মোহিনীমোহনো মায়ী মহামায়ো মহামখী ।
বৃষো বৃষাকপিঃ কালঃ কালীদমনকারকঃ ॥ ৫৯ ॥
কুব্জাভাগ্যপ্রদো বীরঃ রজকক্ষয়কারকঃ ।
কোমলো বারুণো রাজা জলজো জলধারকঃ ॥ ৬০ ॥
হারকঃ সর্বপাপঘ্নঃ পরমেষ্ঠী পিতামহঃ ।
খড্গধারী কৃপাকারী রাধারমণসুন্দরঃ ॥ ৬১ ॥
দ্বাদশারণ্যসম্ভোগী শেষনাগফণালয়ঃ ।
কামঃ শ্যামঃ সুখশ্রীদঃ শ্রীপতিঃ শ্রীনিধিঃ কৃতী ॥ ৬২ ॥
হরির্নারায়ণো নারো নরোত্তম ইষুপ্রিয়ঃ ।
গোপালীচিত্তহর্তা চ কর্ত্তা সংসারতারকঃ ॥ ৬৩ ॥
আদিদেবো মহাদেবো গৌরীগুরুরনাশ্রয়ঃ ।
সাধুর্মধুর্বিধুর্ধাতা ত্রাতাঽক্রূরপরায়ণঃ ॥ ৬৪ ॥
রোলম্বী চ হয়গ্রীবো বানরারির্বনাশ্রয়ঃ ।
বনং বনী বনাধ্যক্ষঃ মহাবন্দ্যো মহামুনিঃ ॥ ৬৫ ॥
স্যামন্তকমণিপ্রাজ্ঞো বিজ্ঞো বিঘ্নবিঘাতকঃ ।
গোবর্দ্ধনো বর্দ্ধনীয়ঃ বর্দ্ধনো বর্দ্ধনপ্রিয়ঃ ॥ ৬৬ ॥
বর্দ্ধন্যো বর্দ্ধনো বর্দ্ধী বার্দ্ধিষ্ণুঃ সুমুখপ্রিয়ঃ ।
বর্দ্ধিতো বৃদ্ধকো বৃদ্ধো বৃন্দারকজনপ্রিয়ঃ ॥ ৬৭ ॥
গোপালরমণীভর্তা সাম্বকুষ্ঠবিনাশকঃ ।
রুক্মিণীহরণঃ প্রেমপ্রেমী চন্দ্রাবলীপতিঃ ॥ ৬৮ ॥
শ্রীকর্তা বিশ্বভর্তা চ নরো নারায়ণো বলী ।
গণো গণপতিশ্চৈব দত্তাত্রেয়ো মহামুনিঃ ॥ ৬৯ ॥
ব্যাসো নারায়ণো দিব্যো ভব্যো ভাবুকধারকঃ ।
শ্বঃশ্রেয়সং শিবং ভদ্রং ভাবুকং ভাবিকং শুভম্ ॥ ৭০ ॥
শুভাত্মকঃ শুভঃ শাস্তা প্রশাস্তা মেঘানাদহা ।
ব্রহ্মণ্যদেবো দীনানামুদ্ধারকরণক্ষমঃ ॥ ৭১ ॥
কৃষ্ণঃ কমলপত্রাক্ষঃ কৃষ্ণঃ কমললোচনঃ ।
কৃষ্ণঃ কামী সদা কৃষ্ণঃ সমস্তপ্রিয়কারকঃ ॥ ৭২ ॥
নন্দো নন্দী মহানন্দী মাদী মাদনকঃ কিলী ।
মিলী হিলী গিলী গোলী গোলো গোলালয়ো গুলী ॥ ৭৩ ॥
গুগ্গুলী মারকী শাখী বটঃ পিপ্পলকঃ কৃতী ।
ম্লেচ্ছহা কালহর্ত্তা চ য়শোদায়শ এব চ ॥ ৭৪ ॥
অচ্যুতঃ কেশবো বিষ্ণুঃ হরিঃ সত্যো জনার্দনঃ ।
হংসো নারায়ণো লীলো নীলো ভক্তিপরায়ণঃ ॥ ৭৫ ॥
জানকীবল্লভো রামঃ বিরামো বিঘ্ননাশনঃ ।
সহভানুর্মহাভানুঃ বীরবাহুর্মহোদধিঃ ॥ ৭৬ ॥
সমুদ্রোঽব্ধিরকূপারঃ পারাবারঃ সরিত্পতিঃ ।
গোকুলানন্দকারী চ প্রতিজ্ঞাপরিপালকঃ ॥ ৭৭ ॥
সদারামঃ কৃপারামঃ মহারামো ধনুর্ধরঃ ।
পর্বতঃ পর্বতাকারো গয়ো গেয়ো দ্বিজপ্রিয়ঃ ॥ ৭৮ ॥
কম্বলাশ্বতরো রামো রামায়ণপ্রবর্তকঃ ।
দ্যৌর্দিবো দিবসো দিব্যো ভব্যো ভাবি ভয়াপহঃ ॥ ৭৯ ॥
পার্বতীভাগ্যসহিতো ভর্তা লক্ষ্মীবিলাসবান্ ।
বিলাসী সাহসী সর্বী গর্বী গর্বিতলোচনঃ ॥ ৮০ ॥
মুরারির্লোকধর্মজ্ঞঃ জীবনো জীবনান্তকঃ ।
য়মো য়মাদিয়মনো য়ামী য়ামবিধায়কঃ ॥ ৮১ ॥
বসুলী পাংসুলী পাংসুঃ পাণ্ডুরর্জুনবল্লভঃ ।
ললিতা চন্দ্রিকামালী মালী মালাম্বুজাশ্রয়ঃ ॥ ৮২ ॥
অম্বুজাক্ষো মহায়জ্ঞঃ দক্ষঃ চিন্তামণিঃ প্রভুঃ ।
মণির্দিনমণিশ্চৈব কেদারো বদরীশ্রয়ঃ ॥ ৮৩ ॥
বদরীবনসম্প্রীতঃ ব্যাসঃ সত্যবতীসুতঃ ।
অমরারিনিহন্তা চ সুধাসিন্ধুবিধূদয়ঃ ॥ ৮৪ ॥
চন্দ্রো রবিঃ শিবঃ শূলী চক্রী চৈব গদাধরঃ ।
শ্রীকর্তা শ্রীপতিঃ শ্রীদঃ শ্রীদেবো দেবকীসুতঃ ॥ ৮৫ ॥
শ্রীপতিঃ পুণ্ডরীকাক্ষঃ পদ্মনাভো জগত্পতিঃ ।
বাসুদেবোঽপ্রমেয়াত্মা কেশবো গরুডধ্বজঃ ॥ ৮৬ ॥
নারায়ণঃ পরং ধাম দেবদেবো মহেশ্বরঃ ।
চক্রপাণিঃ কলাপূর্ণো বেদবেদ্যো দয়ানিধিঃ ॥ ৮৭ ॥
ভগবান্ সর্বভূতেশো গোপালঃ সর্বপালকঃ ।
অনন্তো নির্গুণো নিত্যো নির্বিকল্পো নিরঞ্জনঃ ॥ ৮৮ ॥
নিরাধারো নিরাকারঃ নিরাভাসো নিরাশ্রয়ঃ ।
পুরুষঃ প্রণবাতীতো মুকুন্দঃ পরমেশ্বরঃ ॥ ৮৯ ॥
ক্ষণাবনিঃ সার্বভৌমো বৈকুণ্ঠো ভক্তবত্সলঃ ।
বিষ্ণুর্দামোদরঃ কৃষ্ণো মাধবো মথুরাপতিঃ ॥ ৯০ ॥
দেবকীগর্ভসম্ভূতো য়শোদাবত্সলো হরিঃ ।
শিবঃ সঙ্কর্ষণঃ শম্ভুর্ভূতনাথো দিবস্পতিঃ ॥ ৯১ ॥
অব্যয়ঃ সর্বধর্মজ্ঞঃ নির্মলো নিরুপদ্রবঃ ।
নির্বাণনায়কো নিত্যো নীলজীমূতসন্নিভঃ ॥ ৯২ ॥
কলাক্ষয়শ্চ সর্বজ্ঞঃ কমলারূপতত্পরঃ ।
হৃষীকেশঃ পীতবাসা বসুদেবপ্রিয়াত্মজঃ ॥ ৯৩ ॥
নন্দগোপকুমারার্যঃ নবনীতাশনো বিভুঃ ।
পুরাণপুরুষঃ শ্রেষ্ঠঃ শঙ্খপাণিঃ সুবিক্রমঃ ॥ ৯৪ ॥
অনিরুদ্ধশ্চক্ররথঃ শার্ঙ্গপাণিশ্চতুর্ভুজঃ ।
গদাধরঃ সুরার্তিঘ্নো গোবিন্দো নন্দকায়ুধঃ ॥ ৯৫ ॥
বৃন্দাবনচরঃ শৌরির্বেণুবাদ্যবিশারদঃ ।
তৃণাবর্তান্তকো ভীমসাহসী বহুবিক্রমঃ ॥ ৯৬ ॥
শকটাসুরসংহারী বকাসুরবিনাশনঃ ।
ধেনুকাসুরসংহারী পূতনারির্নৃকেসরী ॥ ৯৭ ॥
পিতামহো গুরুস্সাক্ষাত্ প্রত্যগাত্মা সদাশিবঃ ।
অপ্রমেয়ঃ প্রভুঃ প্রাজ্ঞোঽপ্রতর্ক্যঃ স্বপ্নবর্দ্ধনঃ ॥ ৯৮ ॥
ধন্যো মান্যো ভবো ভাবো ধীরঃ শান্তো জগদ্গুরুঃ ।
অন্তর্যামীশ্বরো দিব্যো দৈবজ্ঞো দেবসংস্তুতঃ ॥ ৯৯ ॥
ক্ষীরাব্ধিশয়নো ধাতা লক্ষ্মীবাংল্লক্ষ্মণাগ্রজঃ ।
ধাত্রীপতিরমেয়াত্মা চন্দ্রশেখরপূজিতঃ ॥ ১০০ ॥
লোকসাক্ষী জগচ্চক্ষুঃ পুণ্যচারিত্রকীর্তনঃ ।
কোটিমন্মথসৌন্দর্যঃ জগন্মোহনবিগ্রহঃ ॥ ১০১ ॥
মন্দস্মিতাননো গোপো গোপিকাপরিবেষ্টিতঃ ।
ফুল্লারবিন্দনয়নঃ চাণূরান্ধ্রনিষূদনঃ ॥ ১০২ ॥
ইন্দীবরদলশ্যামো বর্হিবর্হাবতংসকঃ ।
মুরলীনিনদাহ্লাদঃ দিব্যমাল্যাম্বরাবৃতঃ ॥ ১০৩ ॥
সুকপোলয়ুগঃ সুভ্রূয়ুগলঃ সুললাটকঃ ।
কম্বুগ্রীবো বিশালাক্ষো লক্ষ্মীবাঞ্ছুভলক্ষণঃ ॥ ১০৪ ॥
পীনবক্ষাশ্চতুর্বাহুশ্চতুর্মূর্তিস্ত্রিবিক্রমঃ ।
কলঙ্করহিতঃ শুদ্ধঃ দুষ্টশত্রুনিবর্হণঃ ॥ ১০৫ ॥
কিরীটকুণ্ডলধরঃ কটকাঙ্গদমণ্ডিতঃ ।
মুদ্রিকাভরণোপেতঃ কটিসূত্রবিরাজিতঃ ॥ ১০৬ ॥
মঞ্জীররঞ্জিতপদঃ সর্বাভরণভূষিতঃ ।
বিন্যস্তপাদয়ুগলো দিব্যমঙ্গলবিগ্রহঃ ॥ ১০৭ ॥
গোপিকানয়নানন্দঃ পূর্ণচন্দ্রনিভাননঃ ।
সমস্তজগদানন্দঃ সুন্দরো লোকনন্দনঃ ॥ ১০৮ ॥
য়মুনাতীরসঞ্চারী রাধামন্মথবৈভবঃ ।
গোপনারীপ্রিয়ো দান্তো গোপীবস্ত্রাপহারকঃ ॥ ১০৯ ॥
শৃঙ্গারমূর্তিঃ শ্রীধামা তারকো মূলকারণম্ ।
সৃষ্টিসংরক্ষণোপায়ঃ ক্রূরাসুরবিভঞ্জনঃ ॥ ১১০ ॥
নরকাসুরসংহারী মুরারিররিমর্দনঃ ।
আদিতেয়প্রিয়ো দৈত্যভীকরো য়দুশেখরঃ ॥ ১১১ ॥
জরাসন্ধকুলধ্বংসী কংসারাতিঃ সুবিক্রমঃ ।
পুণ্যশ্লোকঃ কীর্তনীয়ঃ য়াদবেন্দ্রো জগন্নুতঃ ॥ ১১২ ॥
রুক্মিণীরমণঃ সত্যভামাজাম্ববতীপ্রিয়ঃ ।
মিত্রবিন্দানাগ্নজিতীলক্ষ্মণাসমুপাসিতঃ ॥ ১১৩ ॥
সুধাকরকুলে জাতোঽনন্তপ্রবলবিক্রমঃ ।
সর্বসৌভাগ্যসম্পন্নো দ্বারকাপত্তনে স্থিতঃ ॥ ১১৪ ॥
ভদ্রাসূর্যসুতানাথো লীলামানুষবিগ্রহঃ ।
সহস্রষোডশস্ত্রীশো ভোগমোক্ষৈকদায়কঃ ॥ ১১৫ ॥
বেদান্তবেদ্যঃ সংবেদ্যো বৈদ্যো ব্রহ্মাণ্ডনায়কঃ ।
গোবর্দ্ধনধরো নাথঃ সর্বজীবদয়াপরঃ ॥ ১১৬ ॥
মূর্তিমান্ সর্বভূতাত্মা আর্তত্রাণপরায়ণঃ ।
সর্বজ্ঞঃ সর্বসুলভঃ সর্বশাস্ত্রবিশারদঃ ॥ ১১৭ ॥
ষড্গুণৈশ্বর্যসম্পন্নঃ পূর্ণকামো ধুরন্ধরঃ ।
মহানুভাবঃ কৈবল্যদায়কো লোকনায়কঃ ॥ ১১৮ ॥
আদিমধ্যান্তরহিতঃ শুদ্ধসাত্ত্বিকবিগ্রহঃ ।
অসমানঃ সমস্তাত্মা শরণাগতবত্সলঃ ॥ ১১৯ ॥
উত্পত্তিস্থিতিসংহারকারণং সর্বকারণম্ ।
গম্ভীরঃ সর্বভাবজ্ঞঃ সচ্চিদানন্দবিগ্রহঃ ॥ ১২০ ॥
বিষ্বক্সেনঃ সত্যসন্ধঃ সত্যবাক্ সত্যবিক্রমঃ ।
সত্যব্রতঃ সত্যরতঃ সর্বধর্মপরায়ণঃ ॥ ১২১ ॥
আপন্নার্তিপ্রশমনঃ দ্রৌপদীমানরক্ষকঃ ।
কন্দর্পজনকঃ প্রাজ্ঞো জগন্নাটকবৈভবঃ ॥ ১২২ ॥
ভক্তিবশ্যো গুণাতীতঃ সর্বৈশ্বর্যপ্রদায়কঃ ।
দমঘোষসুতদ্বেষী বাণবাহুবিখণ্ডনঃ ॥ ১২৩ ॥
ভীষ্মভক্তিপ্রদো দিব্যঃ কৌরবান্বয়নাশনঃ ।
কৌন্তেয়প্রিয়বন্ধুশ্চ পার্থস্যন্দনসারথিঃ ॥ ১২৪ ॥
নারসিংহো মহাবীরঃ স্তম্ভজাতো মহাবলঃ ।
প্রহ্লাদবরদঃ সত্যো দেবপূজ্যোঽভয়ঙ্করঃ ॥ ১২৫ ॥
উপেন্দ্র ইন্দ্রাবরজো বামনো বলিবন্ধনঃ ।
গজেন্দ্রবরদঃ স্বামী সর্বদেবনমস্কৃতঃ ॥ ১২৬ ॥
শেষপর্যঙ্কশয়নঃ বৈনতেয়রথো জয়ী ।
অব্যাহতবলৈশ্বর্যসম্পন্নঃ পূর্ণমানসঃ ॥ ১২৭ ॥
য়োগেশ্বরেশ্বরঃ সাক্ষী ক্ষেত্রজ্ঞো জ্ঞানদায়কঃ ।
য়োগিহৃত্পঙ্কজাবাসো য়োগমায়াসমন্বিতঃ ॥ ১২৮ ॥
নাদবিন্দুকলাতীতশ্চতুর্বর্গফলপ্রদঃ ।
সুষুম্নামার্গসঞ্চারী দেহস্যান্তরসংস্থিতঃ ॥ ১২৯ ॥
দেহেন্দ্রিয়মনঃপ্রাণসাক্ষী চেতঃপ্রসাদকঃ ।
সূক্ষ্মঃ সর্বগতো দেহী জ্ঞানদর্পণগোচরঃ ॥ ১৩০ ॥
তত্ত্বত্রয়াত্মকোঽব্যক্তঃ কুণ্ডলী সমুপাশ্রিতঃ ।
ব্রহ্মণ্যঃ সর্বধর্মজ্ঞঃ শান্তো দান্তো গতক্লমঃ ॥ ১৩১ ॥
শ্রীনিবাসঃ সদানন্দঃ বিশ্বমূর্তির্মহাপ্রভুঃ ।
সহস্রশীর্ষা পুরুষঃ সহস্রাক্ষঃ সহস্রপাত্ ॥ ১৩২ ॥
সমস্তভুবনাধারঃ সমস্তপ্রাণরক্ষকঃ ।
সমস্তসর্বভাবজ্ঞো গোপিকাপ্রাণবল্লভঃ ॥ ১৩৩ ॥
নিত্যোত্সবো নিত্যসৌখ্যো নিত্যশ্রীর্নিত্যমঙ্গলঃ ।
ব্যূহার্চিতো জগন্নাথঃ শ্রীবৈকুণ্ঠপুরাধিপঃ ॥ ১৩৪ ॥
পূর্ণানন্দঘনীভূতঃ গোপবেষধরো হরিঃ ।
কলাপকুসুমশ্যামঃ কোমলঃ শান্তবিগ্রহঃ ॥ ১৩৫ ॥
গোপাঙ্গনাবৃতোঽনন্তো বৃন্দাবনসমাশ্রয়ঃ ।
বেণুবাদরতঃ শ্রেষ্ঠো দেবানাং হিতকারকঃ ॥ ১৩৬ ॥
বালক্রীডাসমাসক্তো নবনীতস্য তস্করঃ ।
গোপালকামিনীজারশ্চৌরজারশিখামণিঃ ॥ ১৩৭ ॥
পরঞ্জ্যোতিঃ পরাকাশঃ পরাবাসঃ পরিস্ফুটঃ ।
অষ্টাদশাক্ষরো মন্ত্রো ব্যাপকো লোকপাবনঃ ॥ ১৩৮ ॥
সপ্তকোটিমহামন্ত্রশেখরো দেবশেখরঃ ।
বিজ্ঞানজ্ঞানসন্ধানস্তেজোরাশির্জগত্পতিঃ ॥ ১৩৯ ॥
ভক্তলোকপ্রসন্নাত্মা ভক্তমন্দারবিগ্রহঃ ।
ভক্তদারিদ্র্যদমনো ভক্তানাং প্রীতিদায়কঃ ॥ ১৪০ ॥
ভক্তাধীনমনাঃ পূজ্যঃ ভক্তলোকশিবঙ্করঃ ।
ভক্তাভীষ্টপ্রদঃ সর্বভক্তাঘৌঘনিকৃন্তনঃ ॥ ১৪১ ॥
অপারকরুণাসিন্ধুর্ভগবান্ ভক্ততত্পরঃ ॥ ১৪২ ॥
॥ ইতি গোপাল সহস্রনামস্তোত্রম্ সম্পূর্ণম্ ॥
ফলশ্রুতিঃ
( ॥ গোপালসহস্রনাম মাহাত্ম্যম্ ॥)
স্মরণাত্ পাপরাশীনাং খণ্ডনং মৃত্যুনাশনম্ ॥ ১ ॥
বৈষ্ণবানাং প্রিয়করং মহারোগনিবারণম্ ।
ব্রহ্মহত্যাসুরাপানং পরস্ত্রীগমনং তথা ॥ ২ ॥
পরদ্রব্যাপহরণং পরদ্বেষসমন্বিতম্ ।
মানসং বাচিকং কায়ং য়ত্পাপং পাপসম্ভবম্ ॥ ৩ ॥
সহস্রনামপঠনাত্ সর্বং নশ্যতি তত্ক্ষণাত্ ।
মহাদারিদ্র্যয়ুক্তো য়ো বৈষ্ণবো বিষ্ণুভক্তিমান্ ॥ ৪ ॥
কার্তিক্যাং সম্পঠেদ্রাত্রৌ শতমষ্টোত্তরং ক্রমাত্ ।
পীতাম্বরধরো ধীমান্ সুগন্ধৈঃ পুষ্পচন্দনৈঃ ॥ ৫ ॥
পুস্তকং পূজয়িত্বা তু নৈবেদ্যাদিভিরেব চ ।
রাধাধ্যানাঙ্কিতো ধীরো বনমালাবিভূষিতঃ ॥ ৬ ॥
শতমষ্টোত্তরং দেবি পঠেন্নামসহস্রকম্ ।
চৈত্রশুক্লে চ কৃষ্ণে চ কুহূসঙ্ক্রান্তিবাসরে ॥ ৭ ॥
পঠিতব্যং প্রয়ত্নেন ত্রৈলোক্যং মোহয়েত্ ক্ষণাত্ ।
তুলসীমালয়া য়ুক্তো বৈষ্ণবো ভক্তিতত্পরঃ ॥ ৮ ॥
রবিবারে চ শুক্রে চ দ্বাদশ্যাং শ্রাদ্ধবাসরে ।
ব্রাহ্মণং পূজয়িত্বা চ ভোজয়িত্বা বিধানতঃ ॥ ৯ ॥
পঠেন্নামসহস্রং চ ততঃ সিদ্ধিঃ প্রজায়তে ।
মহানিশায়াং সততং বৈষ্ণবো য়ঃ পঠেত্ সদা ॥ ১০ ॥
দেশান্তরগতা লক্ষ্মীঃ সমায়াতি ন সংশয়ঃ ।
ত্রৈলোক্যে চ মহাদেবি সুন্দর্যঃ কামমোহিতাঃ ॥ ১১ ॥
মুগ্ধাঃ স্বয়ং সমায়ান্তি বৈষ্ণবং চ ভজন্তি তাঃ ।
রোগী রোগাত্ প্রমুচ্যেত বদ্ধো মুচ্যেত বন্ধনাত্ ॥ ১২ ॥
গুর্বিণী জনয়েত্পুত্রং কন্যা বিন্দতি সত্পতিম্ । var গর্ভিণী
রাজানো বশ্যতাং য়ান্তি কিং পুনঃ ক্ষুদ্রমানবাঃ ॥ ১৩ ॥
সহস্রনামশ্রবণাত্ পঠনাত্ পূজনাত্ প্রিয়ে ।
ধারণাত্ সর্বমাপ্নোতি বৈষ্ণবো নাত্র সংশয়ঃ ॥ ১৪ ॥
বংশীবটে চান্যবটে তথা পিপ্পলকেঽথ বা ।
কদম্বপাদপতলে গোপালমূর্তিসংনিধৌ ॥ ১৫।
য়ঃ পঠেদ্বৈষ্ণবো নিত্যং স য়াতি হরিমন্দিরম্ ।
কৃষ্ণেনোক্তং রাধিকায়ৈ ময়া প্রোক্তং তথা শিবে ॥ ১৬ ॥
নারদায় ময়া প্রোক্তং নারদেন প্রকাশিতম্ ।
ময়া তুভ্যং বরারোহে প্রোক্তমেতত্সুদুর্লভম্ ॥ ১৭ ॥
গোপনীয়ং প্রয়ত্নেন ন প্রকাশ্যং কথংচন ।
শঠায় পাপিনে চৈব লম্পটায় বিশেষতঃ ॥ ১৮ ॥
ন দাতব্যং ন দাতব্যং ন দাতব্যং কদাচন ।
দেয়ং শিষ্যায় শান্তায় বিষ্ণুভক্তিরতায় চ ॥ ১৯ ॥
গোদানব্রহ্ময়জ্ঞাদের্বাজপেয়শতস্য চ ।
অশ্বমেধসহস্রস্য ফলং পাঠে ভবেত্ ধ্রুবম্ ॥ ২০ ॥
মোহনং স্তম্ভনং চৈব মারণোচ্চাটনাদিকম্ ।
য়দ্যদ্বাঞ্ছতি চিত্তেন তত্তত্প্রাপ্নোতি বৈষ্ণবঃ ॥ ২১ ॥
একাদশ্যাং নরঃ স্নাত্বা সুগন্ধিদ্রব্যতৈলকৈঃ ।
আহারং ব্রাহ্মণে দত্ত্বা দক্ষিণাং স্বর্ণভূষণম্ ॥ ২২ ॥
তত আরম্ভকর্তাস্য সর্বং প্রাপ্নোতি মানবঃ ।
শতাবৃত্তং সহস্রং চ য়ঃ পঠেদ্বৈষ্ণবো জনঃ ॥ ২৩ ॥
শ্রীবৃন্দাবনচন্দ্রস্য প্রসাদাত্সর্বমাপ্নুয়াত্ ।
য়দ্গৃহে পুস্তকং দেবি পূজিতং চৈব তিষ্ঠতি ॥ ২৪ ॥
ন মারী ন চ দুর্ভিক্ষং নোপসর্গভয়ং ক্বচিত্ ।
সর্পাদ্যা ভূতয়ক্ষাদ্যা নশ্যন্তে নাত্র সংশয়ঃ ॥ ২৫ ॥
শ্রীগোপালো মহাদেবি বসেত্তস্য গৃহে সদা ।
গৃহে য়ত্র সহস্রং চ নাম্নাং তিষ্ঠতি পূজিতম্ ॥ ২৬ ॥
॥ ওঁ তত্সদিতি শ্রীসম্মোহনতন্ত্রে পার্বতীশ্বরসংবাদে
গোপালসহস্রনামস্তোত্রং সম্পূর্ণম্ ॥
শ্রীরাধারমণঃ কৃষ্ণঃ গুণরত্নৈস্সুগুম্ফিতাম্ ।
স্বীকৃত্যেমাং মিতাং মালাং স নো বিষ্ণুঃ প্রসীদতু ॥
Addendum for prayers
শ্রী গোপালসহস্রনাম শাপবিমোচনমহামন্ত্রম্
ওঁ অস্য শ্রীগোপালসহস্রনাম শাপবিমোচনমহামন্ত্রস্য বামদেবঋষিঃ ।
শ্রীগোপালো দেবতা পঙ্ক্তিঃ ছন্দঃ ।
শ্রী সদাশিববাক্য শাপবিমোচনার্থং জপে বিনিয়োগঃ ।
ঋষ্যাদিন্যাসঃ
বামদেব ঋষয়ে নমঃ শিরসি ।
গোপাল দেবতায়ৈ নমঃ হৃদয়ে ।
পঙ্ক্তি ছন্দসে নমঃ মুখে ।
সদাশিববাক্য শাপবিমুক্ত্যর্থং নমঃ সর্বাঙ্গে ॥
অথ করাদিন্যাসঃ
ওঁ ঐং অঙ্গুষ্ঠাভ্যাং নমঃ ॥
ওঁ ক্লীং তর্জনীভ্যাং নমঃ ॥
ওঁ হ্রীং মধ্যমাভ্যাং নমঃ ॥
ওঁ শ্রীং অনামিকাভ্যাং নমঃ ॥
ওঁ বামদেবায় কনিষ্ঠিকাভ্যাং নমঃ ॥
ওঁ নমঃ স্বাহা করতলকরপৃষ্ঠাভ্যাং নমঃ ॥
অথ হৃদয়াদিন্যাসঃ
ওঁ ঐং হৃদয়ায় নমঃ ॥
ওঁ ক্লীং শিরসি স্বাহা ॥
ওঁ হ্রীং শিখায়ৈ বষট্ ॥
ওঁ শ্রীং কবচায় হুম্ ॥
ওঁ বামদেবায় নেত্রস্ত্রয়ায় বৌষট্ ॥
ওঁ নমঃ স্বাহা অস্ত্রায় ফট্ ॥
অথ ধ্যানম্
ওঁ ধ্যায়েদ্দেবং গুণাতীতং পীতকৌশেয়বাসসম্ ।
প্রসন্নং চারুবদনং চ নির্গুণং শ্রীপতিং প্রভুম্ ॥
মন্ত্রঃ
ওঁ ঐং ক্লীং হ্রীং শ্রীং বামদেবায় নমঃ (স্বাহা)।
Also Read 1000 Names of Sri Krishna:
1000 Names of Sri Gopala | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil