Shri Kamakala Kali Sahasranama Stotram Lyrics in Bengali:
॥ শ্রীকামকলাকালীসহস্রনামস্তোত্রম্ ॥
দেব্যুবাচ ।
ত্বত্তঃ শ্রুতং ময়া নাথ দেব দেব জগত্পতে ।
দেব্যাঃ কামকলাকাল্যা বিধানং সিদ্ধিদায়কম্ ॥ ১ ॥
ত্রৈলোক্যবিজয়স্যাপি বিশেষেণ শ্রুতো ময়া ।
তত্প্রসঙ্গেন চান্যাসাং মন্ত্রধ্যানে তথা শ্রুতে ॥ ২ ॥
ইদানীং জায়তে নাথ শুশ্রুষা মম ভূয়সী ।
নাম্নাং সহস্রে ত্রিবিধমহাপাপৌঘহারিণি ॥ ৩ ॥
শ্রুতেন য়েন দেবেশ ধন্যা স্যাং ভাগ্যবত্যপি ।
শ্রীমহাকাল উবাচ ।
ভাগ্যবত্যসি ধন্যাসি সন্দেহো নাত্র ভাবিনি ॥ ৪ ॥
সহস্রনামশ্রবণে য়স্মাত্তে নিশ্চিতং মনঃ ।
তস্যা নাম্নান্তু লক্ষাণি বিদ্যন্তে চাথ কোটয়ঃ ॥ ৫ ॥
তান্যল্পায়ুর্মতিত্বেন নৃভির্দ্ধারয়িতুং সদা ।
অশক্যানি বরারোহে পঠিতুং চ দিনে দিনে ॥ ৬ ॥
তেভ্যো নামসহস্রাণি সারাণ্যুদ্ধৃত্য শম্ভুনা ।
অমৃতানীব দুগ্ধাব্ধের্ভূদেবেভ্যঃ সমর্পিতং ॥ ৭ ॥
কানিচিত্তত্র গৌণানি গদিতানি শুচিস্মিতে ।
রূঢাণ্যাকারহীনত্বাদ্ গৌণানি গুণয়োগতঃ ॥ ৮ ॥
রাহিত্যাদ্রূঢিগুণয়োস্তানি সাঙ্কেতকান্যপি ।
ত্রিবিধান্যপি নামানি পঠিতানি দিনে দিনে ॥ ৯ ॥
রাধয়ন্নীক্ষিতানর্থান্দদত্যমৃতমত্যয়ং ।
ক্ষপয়ত্যপমৃত্যুং চ মারয়ন্তি দ্বিপোঽখিলান্ ॥ ১০ ॥
ঘ্নন্তি রোগানথোত্পাতান্মঙ্গলং কুর্বতেন্বহং ।
কিমুতান্যত্ সদা সন্নিধাপয়ত্যঽর্থিকামপি ॥ ১১ ॥
ত্রিপুরঘ্নোঽপ্যদোনামসহস্রং পঠতি প্রিয়ে ।
তদাজ্ঞয়াপ্যহমপি কীর্তয়ামি দিনেদিনে । ১২ ॥
ভবত্যপীদমস্মত্তঃ শিক্ষিত্বা তু পঠিষ্যতি ।
ভবিষ্যতি চ নির্ণীতং চতুর্বর্গস্য ভাজনং ॥ ১৩ ॥
মনোন্যতো নিরাকৃত্য সাবধানা নিশাময় ।
নাম্নাং কামকলাকাল্যাঃ সহস্রং মুক্তিদায়কং ॥ ১৪ ॥
ওঁ অস্য কামকলাকালীসহস্রনামস্তোত্রস্য শ্রীত্রিপুরঘ্নঋষিঃ ।
অনুষ্টুপ্ ছন্দঃ । ত্রিজগন্ময়রূপিণী ভগবতী শ্রীকামকলাকালী দেবতা ।
ক্লীং বীজং । স্ফ্রোং শক্তিঃ । হুং কীলকং । ক্ষ্রৌং তত্ত্বং ।
শ্রীকামকলাকালীসহস্রনামস্তোত্রপাঠে জপে বিনিয়োগঃ । ওঁ তত্সত্ ॥
ওঁ ক্লীং কামকলাকালী কালরাত্রিঃ কপালিনী ।
কাত্যায়নী চ কল্যাণী কালাকারা করালিনী ॥ ১৫ ॥
উগ্রমূর্তির্মহাভীমা ঘোররাবা ভয়ঙ্করা ।
ভূতিদাময়হন্ত্রী চ ভববন্ধবিমোচনী ॥ ১৬ ॥
ভব্যা ভবানী ভোগাদ্যা ভুজঙ্গপতিভূষণা ।
মহামায়া জগদ্ধাত্রী পাবনী পরমেশ্বরী ॥ ১৭ ॥
য়োগমাতা য়োগগম্যা য়োগিনী য়োগিপূজিতা ।
গৌরী দুর্গা কালিকা চ মহাকল্পান্তনর্তকী ॥ ১৮ ॥
অব্যয়া জগদাদিশ্চ বিধাত্রী কালমর্দ্দিনী ।
নিত্যা বরেণ্যা বিমলা দেবারাধ্যামিতপ্রভা ॥ ১৯ ॥
ভারুণ্ডা কোটরী শুদ্ধা চঞ্চলা চারুহাসিনী ।
অগ্রাহ্যাতীন্দ্রিয়াগোত্রা চর্চরোর্দ্ধশিরোরুহা ॥ ২০ ॥
কামুকী কমনীয়া চ শ্রীকণ্ঠমহিপী শিবা ।
মনোহরা মাননীয়া মতিদা মণিভূষণা ॥ ২১ ॥
শ্মশাননিলয়া রৌদ্রা মুক্তকেশ্যট্টহাসিনী ।
চামুণ্ডা চণ্ডিকা চণ্ডী চার্বঙ্গী চরিতোজ্জ্বলা ॥ ২২ ॥
ঘোরাননা ধূম্রশিখা কংপনা কংপিতাননা ।
বেপমানতনুর্ভীদা নির্ভয়া বাহুশালিনী ॥ ২৩ ॥
উল্মুকাক্ষী সর্পকর্ণী বিশোকা গিরিনন্দিনী ।
জ্যোত্স্নামুখী হাস্যপরা লিঙ্গালিঙ্গধরা সতী ॥ ২৪ ॥
অবিকারা মহাচিত্রা চন্দ্রবক্ত্রা মনোজবা ।
অদর্শনা পাপহরা শ্যামলা মুণ্ডমেখলা ॥ ২৫ ॥
মুণ্ডাবতংসিনী নীলা প্রপন্নানন্দদায়িনী ।
লঘুস্তনী লম্বকুচা ধূর্ণমানা হরাঙ্গনা ॥ ২৬ ॥
বিশ্বাবাসা শান্তিকরী দীর্ঘকেশ্যরিখণ্ডিনী ।
রুচিরা সুন্দরী কম্রা মদোন্মত্তা মদোত্কটা ॥ ২৭ ॥
অয়োমুখী বহ্নিমুখী ক্রোধনাঽভয়দেশ্বরী ।
কুডম্বিকা সাহসিনী খঙ্গকী রক্তলেহিনী ॥ ২৮ ॥
বিদারিণী পানরতা রুদ্রাণী মুণ্ডমালিনী ।
অনাদিনিধনা দেবী দুর্ন্নিরীক্ষ্যা দিগম্বরা ॥ ২৯ ॥
বিদ্যুজ্জিহ্বা মহাদংষ্ট্রা বজ্রতীক্ষ্ণা মহাস্বনা ।
উদয়ার্কসমানাক্ষী বিন্ধ্যশৈলসমাকৃতিঃ ॥ ৩০ ॥
নীলোত্পলদলশ্যামা নাগেন্দ্রাষ্টকভূষিতা ।
অগ্নিজ্বালকৃতাবাসা ফেত্কারিণ্যহিকুণ্ডলা ॥ ৩১ ॥
পাপঘ্নী পালিনী পদ্মা পূণ্যা পুণ্যপ্রদা পরা ।
কল্পান্তাম্ভোদনির্ঘোষা সহস্রার্কসমপ্রভা ॥ ৩২ ॥
সহস্রপ্রেতরাট্ ক্রোধা সহস্রেশপরাক্রমা ।
সহস্রধনদৈশ্বর্যা সহস্রাঙ্ঘ্রিকরাম্বিকা ॥ ৩৩ ॥
সহস্রকালদুষ্প্রেক্ষ্যা সহস্রেন্দ্রিয়সঞ্চয়া ।
সহস্রভূমিসদনা সহস্রাকাশবিগ্রহা ॥ ৩৪ ॥
সহস্রচন্দ্রপ্রতিমা সহস্রগ্রহচারিণী ।
সহস্ররুদ্রতেজস্কা সহস্রব্রহ্মসৃষ্টিকৃত্ ॥ ৩৫ ॥
সহস্রবায়ুবেগা চ সহস্রফণকুণ্ডলা ।
সহস্রয়ত্রমথিনী সহস্রোদধিসুস্থিরা ॥ ৩৬ ॥
সহস্রবুদ্ধকরুণা মহাভাগা তপস্বিনী ।
ত্রৈলোক্যমোহিনী সর্বভূতদেববশঙ্করী ॥ ৩৭ ॥
সুস্নিগ্ধহৃদয়া ঘণ্টাকর্ণা চ ব্যোমচারিণী ।
শঙ্খিনী চিত্রিণীশানী কালসংকর্পিণী জয়া ॥ ৩৮ ॥
অপরাজিতা চ বিজয়া কমলা কমলাপ্রদা ।
জনয়িত্রী জগদ্যোনির্হেতুরূপা চিদাত্মিকা ॥ ৩৯ ॥
অপ্রমেয়া দুরাধর্ষা ধ্যেয়া স্বচ্ছন্দচারিণী ।
শাতোদরী শাম্ভবিনী পূজ্যা মানোন্নতাঽমলা ॥ ৪০ ॥
ওংকাররূপিণী তাম্রা বালার্কসমতারকা ।
চলজ্জিহ্বা চ ভীমাক্ষী মহাভৈরবনাদিনী ॥ ৪১ ॥
সাত্বিকী রাজসী চৈব তামসী ঘর্ঘরাঽচলা ।
মাহেশ্বরী তথা ব্রাহ্মী কৌমারী মানিনীশ্বরা ॥ ৪২ ॥
সৌপর্ণী বায়বী চৈন্দ্রী সাবিত্রী নৈরৃতী কলা ।
বারুণী শিবদূতী চ সৌরী সৌম্যা প্রভাবতী ॥ ৪৩ ॥
বারাহী নারসিংহী চ বৈষ্ণবী ললিতা স্বরা ।
মৈত্র্যার্যম্নী চ পৌষ্ণী চ ত্বাষ্ট্রীবাসব্যুমারতিঃ ॥ ৪৪ ॥
রাক্ষসী পাবনী রৌদ্রী দাস্রী রোদস্যুদুম্বরী ।
সুভগা দুর্ভগা দীনা চঞ্চুরীকা য়শস্বিনী ॥ ৪৫ ॥
মহানন্দা ভগানন্দা পিছিলা ভগমালিনী ।
অরুণা রেবতী রক্তা শকুনী শ্যেনতুণ্ডিকা ॥ ৪৬ ॥
সুরভী নন্দিনী ভদ্রা বলা চাতিবলামলা ।
উলুপী লম্বিকা খেটা লেলিহানান্ত্রমালিনী ॥ ৪৭ ॥
বৈনায়িকী চ বেতালী ত্রিজটা ভৃকুটী মতী ।
কুমারী য়ুবতী প্রৌঢা বিদগ্ধা ঘস্মরা তথা ॥ ৪৮ ॥
জরতী রোচনা ভীমা দোলমালা পিচিণ্ডিলা ।
অলম্বাক্ষী কুম্ভকর্ণী কালকর্ণী মহাসুরী ॥ ৪৯ ॥
ঘণ্টারবাথ গোকর্ণা কাকজঙ্ঘা চ মূষিকা ।
মহাহনুর্মহাগ্রীবা লোহিতা লোহিতাশনী ॥ ৫০।
কীর্তিঃ সরস্বতী লক্ষ্মীঃ শ্রদ্ধা বুদ্ধিঃ ক্রিয়া স্থিতিঃ ।
চেতনা বিষ্ণুমায়া চ গুণাতীতা নিরঞ্জনা ॥ ৫১ ॥
নিদ্রা তন্দ্রা স্মিতা ছায়া জৃম্ভা ক্ষুদশনায়িতা ।
তৃষ্ণা ক্ষুধা পিপাসা চ লালসা ক্ষান্তিরেব চ ॥ ৫২ ॥
বিদ্যা প্রজা স্মৃতি কান্তিরিচ্ছা মেধা প্রভা চিতিঃ ।
ধরিত্রী ধরণী ধন্যা ধোরণী ধর্মসন্ততিঃ ॥ ৫৩ ॥
হালাপ্রিয়া হাররতির্হারিণী হরিণেক্ষণা ।
চণ্ডয়োগেশ্বরী সিদ্ধি করালী পরিডামরী ॥ ৫৪ ॥
জগদান্যা জনানন্দা নিত্যানন্দময়ী স্থিরা ।
হিরণ্যগর্ভা কুণ্ডলিনী জ্ঞানং ধৈর্যঞ্চ খেচরী ॥ ৫৫ ॥
নগাত্মজা নাগহারা জটাভারায়তর্দ্দিনী ।
খঙ্গিনী শূলিনী চক্রবতী বাণবতী ক্ষিতিঃ ॥ ৫৬ ॥
ঘৃণিধর্ত্রী নালিকা চ কর্ত্ত্রী মত্যক্ষমালিনী ।
পাশিনী পশুহস্তা চ নাগহস্তা ধনুর্ধরা ॥ ৫৭ ॥
মহামুদ্গরহস্তা চ শিবাপোতধরাপি চ ।
নারখপ্পর্রিণী লম্বত্কচমুণ্ডপ্রধারিণী ॥ ৫৮ ॥
পদ্মাবত্যন্নপূর্ণাচ মহালক্ষ্মীঃ সরস্বতী ।
দুর্গা চ বিজয়া ঘোরা তথা মহিষমর্দ্দিনী ॥ ৫৯ ॥
ধনলক্ষ্মী জয়প্রদাশ্চাশ্বারূঢা জয়ভৈরবী ।
শূলিনী রাজমাতগী রাজরাজেশ্বরী তথা ॥ ৬০ ॥
ত্রিপুটোচ্ছিষ্টচাণ্ডালী অঘোরা ত্বরিতাপি চ ।
রাজ্যলক্ষ্মীর্জয়মহাচণ্ডয়োগেশ্বরী তথা ॥ ৬১ ॥
গুহ্যা মহাভৈরবী চ বিশ্বলক্ষ্মীররুন্ধতী ।
য়ন্ত্রপ্রমথিনী চণ্ডয়োগেশ্বর্যপ্যলম্বুষা ॥ ৬২ ॥
কিরাতী মহাচণ্ডভৈরবী কল্পবল্লরী ।
ত্রৈলোক্যবিজয়া সংপত্প্রদা মন্থানভৈরবী ॥ ৬৩ ॥
মহামন্ত্রেশ্বরী বজ্রপ্রস্তারিণ্যঙ্গচর্পটা ।
জয়লক্ষ্মীশ্চণ্ডরূপা জলেশ্বরী কামদায়িনী ॥ ৬৪ ॥
স্বর্ণকূটেশ্বরী রুণ্ডা মর্মরী বুদ্ধিবর্দ্ধিনী ।
বার্ত্তালী চণ্ডবার্ত্তালী জয়বার্ত্তালিকা তথা ॥ ৬৫ ॥
উগ্রচণ্ডা স্মশানোগ্রা চণ্ডা বৈ রুদ্রচণ্ডিকা ।
অতিচণ্ডা চণ্ডবতী প্রচণ্ডা চণ্ডনায়িকা ॥ ৬৬ ॥
চৈতন্যভৈরবী কৃষ্ণা মণ্ডলী তুম্বুরেশ্বরী ।
বাগ্বাদিনী মুণ্ডমধ্যমত্যনর্ধ্যা পিশাচিনী ॥ ৬৭ ॥
মঞ্জীরা রোহিণী কুল্যা তুঙ্গা পূর্ণেশ্বরী বরা ।
বিশালা রক্তচামুণ্ডা অঘোরা চণ্ডবারুণী ॥ ৬৮ ॥
ধনদা ত্রিপুরা বাগীশ্বরী জয়মঙ্গলা ।
দৈগম্বরী কুঞ্জিকা চ কুডুক্কা কালভৈরবী ॥ ৬৯ ॥
কুক্কুটী সঙ্কটা বীরা কর্পটা ভ্রমরাম্বিকা ।
মহার্ণবেশ্বরী ভোগবতী সঙ্কেশ্বরী তথা ॥ ৭০ ॥
পুলিন্দী শবরী ম্লেচ্ছী পিঙ্গলা শবরেশ্বরী ।
মোহিনী সিদ্ধিলক্ষ্মীশ্চ বালা ত্রিপুরসুন্দরী ॥ ৭১ ॥
উগ্রতারা চৈকজটা মহানীলসরস্বতী ।
ত্রিকণ্টকী ছিন্নমস্তা মহিষঘ্নী জয়াবহা ॥ ৭২ ॥
হরসিদ্ধানঙ্গমালা ফেত্কারী লবণেশ্বরী ।
চণ্ডেশ্বরী নাকুলীচ হয়গ্রীবেশ্বরী তথা ॥ ৭৩ ॥
কালিন্দী বজ্রবারাহী মহানীলপতাকিকা ।
হংসেশ্বরী মোক্ষলক্ষ্মীর্ভূতিনী জাতরেতসা ॥ ৭৪ ॥
শাতকর্ণা মহানীলা বামা গুহ্যেশ্বরী ভ্রমিঃ ।
একানংশাঽভয়া তার্ক্ষী বাভ্রবী ডামরী তথা ॥ ৭৫ ॥
কোরঙ্গী চর্চিকা বিন্না সংসিকা ব্রহ্মবাদিনী ।
ত্রিকালবেদিনী নীললোহিতা রক্তদন্তিকা ॥ ৭৬ ॥
ক্ষেমঙ্করী বিশ্বরূপা কামাখ্যা কুলকুট্টনী ।
কামাঙ্কুশা বেশিনী চ মায়ূরী চ কুলেশ্বরী ॥ ৭৭ ॥
ইভ্রাক্ষী দ্যোনকী শার্ঙ্গী ভীমা দেবী বরপ্রদা ।
ধূমাবতী মহামারী মঙ্গলা হাটকেশ্বরী ॥ ৭৮ ॥
কিরাতী শক্তিসৌপর্ণী বান্ধবী চণ্ডখেচরী ।
নিস্তন্দ্রা ভবভূতিশ্চ জ্বালাঘণ্টাগ্নিমর্দ্দিনী ॥ ৭৯ ॥
সুরঙ্গা কৌলিনী রম্যা নটী চারায়ণী ধৃতিঃ ।
অনন্তা পুঞ্জিকা জিহ্বা ধর্মাধর্মপ্রবর্তিকা ॥ ৮০ ॥
বন্দিনী বন্দনীয়া চ বেলাঽহস্করিণী সুধা ।
অরণী মাধবী গোত্রা পতাকা বাগ্ময়ী শ্রুতিঃ ॥ ৮১ ॥
গূঢা ত্রিগূঢা বিস্পষ্টা মৃগাঙ্কা চ নিরিন্দ্রিয়া ।
মেনানন্দকরী বোধ্রী ত্রিনেত্রা বেদবাহনা ॥ ৮২ ॥
কলস্বনা তারিণী চ সত্যামত্যপ্রিয়াঽজডা ।
একবক্ত্রা মহাবক্ত্রা বহুবক্ত্রা ঘনাননা ॥ ৮৩ ॥
ইন্দিরা কাশ্যপী জ্যোত্স্না শবারূঢা তনূদরী ।
মহাশঙ্খধরা নাগোপবীতিন্যক্ষতাশয়া ॥ ৮৪ ॥
নিরিন্ধনা ধরাধারা ব্যাধিঘ্নী কল্পকারিণী ।
বিশ্বেশ্বরী বিশ্বধাত্রী বিশ্বেশী বিশ্ববন্দিতা ॥ ৮৫ ॥
বিশ্বা বিশ্বাত্মিকা বিশ্বব্যাপিকা বিশ্বতারিণী ।
বিশ্বসংহারিণী বিশ্বহস্তা বিশ্বোপকারিকা ॥ ৮৬ ॥
বিশ্বমাতা বিশ্বগতা বিশ্বাতীতা বিরোধিতা ।
ত্রৈলোক্যত্রাণকর্ত্রী চ কূটাকারা কটঙ্কটা ॥ ৮৭ ॥
ক্ষামোদরী চ ক্ষেত্রজ্ঞা ক্ষয়হীনা ক্ষরবর্জিতা ।
ক্ষপা ক্ষোভকরী ক্ষেম্যাঽক্ষোভ্যা ক্ষেমদুঘা ক্ষিয়া ॥ ৮৮ ॥
সুখদা সুমুখী সৌম্যা স্বঙ্গা সুরপরা সুধীঃ ।
সর্বান্তর্যামিনী সর্বা সর্বারাধ্যা সমাহিতা ॥ ৮৯ ॥
তপিনী তাপিনী তীব্রা তপনীয়া তু নাভিগা ।
হৈমী হৈমবতী ঋদ্ধির্বৃদ্ধির্জ্ঞানপ্রদা নরা ॥ ৯০ ॥
মহাজটা মহাপাদা মহাহস্তা মহাহনুঃ ।
মহাবলা মহারোপা মহাধৈর্যা মহাঘৃণা ॥ ৯১ ॥
মহাক্ষমা পুণ্যপাপধ্বজিনী ঘুর্ঘুরারবা ।
ডাকিনী শাকিনী রম্যা শক্তিঃ শক্তিস্বরূপিণী ॥ ৯২ ॥
তমিস্রা গন্ধরাশান্তা দান্তা ক্ষান্তা জিতেন্দ্রিয়া ।
মহোদয়া জ্ঞানিনীচ্ছা বিরাগা সুখিতাকৃতিঃ ॥ ৯৩ ॥
বাসনা বাসনাহীনা নিবৃত্তির্ন্নির্বৃতিঃ কৃতিঃ ।
অচলা হেতুরুন্মুক্তা জয়িনী সংস্মৃতিঃ চ্যুতা ॥ ৯৪ ॥
কপর্দ্দিনী মুকুটিনী মত্তা প্রকৃতিরূর্জিতা ।
সদসত্সাক্ষিণী স্ফীতা মুদিতা করুণাময়ী ॥ ৯৫ ॥
পূর্বোত্তরা পশ্চিমা চ দক্ষিণাবিদিগূ হতা ।
আত্মারামা শিবারামা রমণী শঙ্করপ্রিয়া ॥ ৯৬ ॥
বরেণ্যা বরদা বেণী স্তম্ভিণ্যাকর্পিণী তথা ।
উচ্চাটনী মারণী চ দ্বেষিণী বশিনী মহী ॥ ৯৭ ॥
ভ্রমণী ভারতী ভামা বিশোকা শোকহারিণী ।
সিনীবালী কুহূ রাকানুমতি পদ্মিনীতিহৃত্ ॥ ৯৮ ॥
সাবিত্রী বেদজননী গায়ত্র্যাহুতিসাধিকা ।
চণ্ডাট্টহাসা তরুণী ভূর্ভুবঃস্বঃকলেবরা ॥ ৯৯ ॥
অতনুরতনুপ্রাণদাত্রী মাতঙ্গগামিনী ।
নিগমাদ্ধিমণিঃ পৃথ্বী জন্মমৃত্যুজরৌষধী ॥ ১০০ ॥
প্রতারিণী কলালাপা বেদ্যাছেদ্যা বসুন্ধরা ।
প্রক্ষুন্না বাসিতা কামধেনুর্বাঞ্ছিতদায়িনী ॥ ১০১ ॥
সৌদামিনী মেঘমালা শর্বরী সর্বগোচরা ।
ডমরুর্ডমরুকা চ নিঃস্বরা পরিনাদিনী ॥ ১০২ ॥
আহতাত্মা হতা চাপি নাদাতীতা বিলেশয়া ।
পরাঽপারা চ পশ্যন্তী মধ্যমা বৈখরী তথা ॥ ১০৩ ॥
প্রথমা চ জঘন্যা চ মধ্যস্থান্তবিকাশিনী ।
পৃষ্ঠস্থা চ পুরঃস্থা চ পার্শ্বস্থোর্ধ্বতলস্থিতা ॥ ১০৪ ॥
নেদিষ্ঠা চ দবিষ্ঠা চ বর্হিষ্ঠা চ গুহাশয়া ।
অপ্রাপ্যা বৃংহিতা পূর্ণা পুণ্যৈর্নবিদনাময়া ॥ ১০৫ ॥ var পুণ্যৈর্বেদ্যাহ্য
সুদর্শনা চ ত্রিশিখা বৃহতী সন্ততির্বিনা ।
ফেত্কারিণী দীর্ঘস্রুক্কা ভাবনা ভববল্লভা ॥ ১০৬ ॥
ভাগীরথী জাহ্নবী চ কাবেরী য়মুনা স্ময়া ।
সিপ্রা গোদাবরী বেণ্যা বিপাশা নর্মদা ধুনী ॥ ১০৭ ॥
ত্রেতা স্বাহা সামিধেনী স্রুক্স্রুবা চ ক্রবাবসুঃ ।
গর্বিতা মানিনী মেনা নন্দিতা নন্দনন্দিনী ॥ ১০৮ ॥
নারায়ণী নারকঘ্নী রুচিরা রণশালিনী ।
আধারণাধারতমা ধর্মা ধ্বন্যা ধনপ্রদা ॥ ১০৯ ॥
অভিজ্ঞা পণ্ডিতা মূকা বালিশা বাগবাদিনী ।
ব্রহ্মবল্লী মুক্তিবল্লী সিদ্ধিবল্লী বিপহ্নবী ॥ ১১০ ॥
আহ্লাদিনী জিতামিত্রা সাক্ষিণী পুনরাকৃতি ।
কির্মরী সর্বতোভদ্রা স্বর্বেদী মুক্তিপদ্ধতিঃ ॥ ১১১ ॥
সুষমা চন্দ্রিকা বন্যা কৌমুদী কুমুদাকরা ।
ত্রিসন্ধ্যাম্নায়সেতুশ্চ চর্চাঽছায়ারি নৈষ্ঠিকী ॥ ১১২ ॥
কলা কাষ্ঠা তিথিস্তারা সংক্রাতির্বিষুবত্তথা ।
মঞ্জুনাদা মহাবল্গু ভগ্নভেরীস্বনাঽরটা ॥ ১১৩ ॥
চিত্রা সুপ্তিঃ সুষুপ্তিশ্চ তুরীয়া তত্ত্বধারণা ।
মৃত্যুঞ্জয়া মৃত্যুহরী মৃত্যুমৃত্যুবিধায়িনী ॥ ১১৪ ॥
হংসী পরমহংসী চ বিন্দুনাদান্তবাসিনী ।
বৈহায়সী ত্রৈদশী চ ভৈমীবাসাতনী তথা ॥ ১১৫ ॥
দীক্ষা শিক্ষা অনূঢা চ কঙ্কালী তৈজসী তথা ।
সুরী দৈত্যা দানবী চ নরো নাথা সুরী ত্বরী ॥ ১১৬ ॥
মাধ্বী খনা খরা রেখা নিষ্কলা নির্মমা মৃতিঃ ।
মহতী বিপুলা স্বল্পা ক্রূরা ক্রূরাশয়াপি চ ॥ ১১৭ ॥
উন্মাথিনী ধৃতিমতী বামনী কল্পচারিণী ।
বাডবী বডবা খোঢা কোলা পিতৃবলায়না ॥ ১১৮ ॥
প্রসারিণী বিশারা চ দর্পিতা দর্পণপ্রিয়া ।
উত্তানাধোমুখী সুপ্তা বঞ্চন্যাকুঞ্চনী ত্রুটিঃ ॥ ১১৯ ॥
ক্রাদিনী য়াতনাদাত্রী দুর্গা দুর্গর্তিনাশিনী ।
ধরাধরসুতা ধীরা ধরাধরকৃতালয়া ॥ ১২০ ॥
সুচরিত্রী তথাত্রী চ পূতনা প্রেতমালিনী ।
রম্ভোর্বশী মেনকা চ কলিহৃত্কালকৃদ্দশা ॥ ১২১ ॥
হরীষ্টদেবী হেরম্বমাতা হর্যক্ষবাহনা ।
শিখণ্ডিনী কোণ্ডয়িনী বেতুণ্ডী মন্ত্রময়পি ॥ ১২২ ॥
বজ্রেশ্বরী লোহদণ্ডা দুর্বিজ্ঞেয়া দুরাসদা ।
জালিনী জালপা য়াজ্যা ভগিনী ভগবত্যপি ॥ ১২৩ ॥
ভৌজঙ্গী তুর্বরা বভ্রু মহনীয়া চ মানবী ।
শ্রীমতী শ্রীকরী গাদ্ধী সদানন্দা গণেশ্বরী ॥ ১২৪ ॥
অসন্দিগ্ধা শাশ্বতা চ সিদ্ধা সিদ্ধেশ্বরীডিতা ।
জ্যেষ্ঠা শ্রেষ্ঠা বরিষ্ঠা চ কৌশাম্বী ভক্তবত্সলা ॥ ১২৫ ॥
ইন্দ্রনীলনিভা নেত্রী নায়িকা চ ত্রিলোচনা ।
বার্হস্পত্যা ভার্গবী চ আত্রেয়াঙ্গিরসী তথা ॥ ১২৬ ॥
ধুর্যাধিহর্ত্রী ধারিত্রী বিকটা জন্মমোচিনী ।
আপদুত্তারিণী দৃপ্তা প্রমিতা মিতিবর্জিতা ॥ ১২৭ ॥
চিত্ররেখা চিদাকারা চঞ্চলাক্ষী চলত্পদা ।
বলাহকী পিঙ্গসটা মূলভূতা বনেচরী ॥ ১২৮ ॥
খগী করন্ধমা ধ্মাক্ষ্যী সংহিতা কেররীন্ধনা । var ধ্মাক্ষী
অপুনর্ভবিনী বান্তরিণী চ য়মগঞ্জিনী ॥ ১২৯ ॥
বর্ণাতীতাশ্রমাতীতা মৃডানী মৃডবল্লভা ।
দয়াকরী দমপরা দংভহীনা দৃতিপ্রিয়া ॥ ১৩০ ॥
নির্বাণদা চ নির্বন্ধা ভাবাভাববিধায়িনী ।
নৈঃশ্রেয়সী নির্বিকল্পা নির্বীজা সর্ববীজিকা ॥ ১৩১ ॥
অনাদ্যন্তা ভেদহীনা বন্ধোন্মূলিন্যবাধিতা ।
নিরাভাসা মনোগম্যা সায়ুজ্যামৃতদায়িনী ॥ ১৩২ ॥
ইতীদং নামসাহস্রং নামকোটিশতাধিকং ।
দেব্যাঃ কামকলাকাল্যা ময়াতে প্রতিপাদিতম্ ॥ ১৩৩ ॥
নানেন সদৃশং স্তোত্রং ত্রিষু লোকেষু বিদ্যতে ।
য়দ্যপ্যমুষ্য মহিমা বর্ণিতুং নৈব শক্যতে ॥ ১৩৪ ॥
প্ররোচনাতয়া কশ্চিত্তথাপি বিনিগদ্যতে ।
প্রত্যহং য় ইদং দেবি কীর্ত্তয়েদ্বা শৃণোতি বা ॥ ১৩৫ ॥
গুণাধিক্যমৃতে কোঽপি দোষো নৈবোপজায়তে ।
অশুভানি ক্ষয়ং য়ান্তি জায়ন্তে মঙ্গলান্যথা ॥ ১৩৬ ॥
পারত্রিকামুষ্মিকৌ দ্বৌ লোকৌ তেন প্রসাধিতৌ ।
ব্রাহ্মণো জায়তে বাগ্মী বেদবেদাঙ্গপারগঃ ॥ ১৩৭ ॥
খ্যাতঃ সর্বাসু বিদ্যাসু ধনবান্ কবিপণ্ডিতঃ ।
য়ুদ্ধে জয়ী ক্ষত্রিয়ঃ স্যাদ্দাতা ভোক্তা রিপুঞ্জয়ঃ ॥ ১৩৮ ॥
আহর্তা চাশ্বমেধস্য ভাজনং পরমায়ুষাম্ ।
সমৃদ্ধো ধন ধান্যেন বৈশ্যো ভবতি তত্ক্ষণাত্ ॥ ১৩৯ ॥
নানাবিধপশূনাং হি সমৃদ্ধ্যা স সমৃদ্ধতে ।
শূদ্রঃ সমস্তকল্যাণমাপ্নোতি শ্রুতিকীর্তনাত্ ॥ ১৪০ ॥
ভুঙ্ক্তে সুখানি সুচিরং রোগশোকৌ পরিত্যজন্ ।
এব নার্যপি সৌভাগ্যং ভর্তৃং হার্দ্দং সুতানপি ॥ ১৪১ ॥
প্রাপ্নোতি শ্রবণাদস্য কীর্তনাদপি পার্বতি ।
স্বস্বাভীষ্টমথান্যেঽপি লভন্তেঽস্য প্রসাদতঃ ॥ ১৪২ ॥
আপ্নোতি ধার্মিকো ধর্মানর্থানাপ্নোতি দুর্গতঃ ।
মোক্ষার্থিনস্তথা মোক্ষং কামুকা কামিনীং বরাম্ ॥ ১৪৩ ॥
য়ুদ্ধে জয়ং নৃপাঃ ক্ষীণাঃ কুমার্যঃ সত্পতিং তথা ।
আরোগ্য রোগিণশ্চাপি তথা বংশার্থিনঃ সুতান্ ॥ ১৪৪ ॥
জয়ং বিবাদে কলিকৃত্সিদ্ধীঃ সিদ্ধীছুরুত্তমাঃ ।
নিয়ুক্তা বন্ধুভিঃ সঙ্গং গতায়ুশ্চায়ুষাঞ্চয়ম্ ॥ ১৪৫ ॥
সদা য় এতত্পঠতি নিশীথে ভক্তিভাবিতঃ ।
তস্যা সাধ্যমথাপ্রাপ্যন্ত্রৈলোক্যে নৈব বিদ্যতে ॥ ১৪৬ ॥
কীর্তিং ভোগান্ স্ত্রিয়ঃ পুত্রান্ধনং ধান্যং হয়ান্গজান্ ।
জ্ঞাতিশ্রৈষ্ঠ্যং পশূন্ভূমিং রাজবশ্যঞ্চ মান্যতাম্ ॥ ১৪৭ ॥
লভতে প্রেয়সি ক্ষুদ্রজাতিরপ্যস্য কীর্তনাত্ ।
নাস্য ভীতির্ন্ন দৌর্ভাগ্যং নাল্পায়ুষ্যন্নরোগিতা ॥ ১৪৮ ॥
ন প্রেতভূতাভিভবো ন দোষো গ্রহজস্তথা ।
জায়তে পতিতো নৈব ক্বচিদপ্যেষ সঙ্কটে ॥ ১৪৯ ॥
য়দীচ্ছসি পরং শ্রেয়স্তর্ত্তুং সঙ্কটমেব চ ।
পঠান্বহমিদং স্তোত্রং সত্যং সত্যং সুরেশ্বরি ॥ ১৫০ ॥
ন সাস্তি ভূতলে সিদ্ধিঃ কীর্তনাদ্যা ন জায়তে ।
শৃণু চান্যদ্বরারোহে কীর্ত্যমানং বচো মম ॥ ১৫১ ॥
মহাভূতানি পঞ্চাপি খান্যেকাদশ য়ানি চ ।
তন্মাত্রাণি চ জীবাত্মা পরমাত্মা তথৈব চ ॥ ১৫২ ॥
সপ্তার্ণবাঃ সপ্তলোকা ভুবনানি চতুর্দ্দশ ।
নক্ষত্রাণি দিশঃ সর্বাঃ গ্রহাঃ পাতালসপ্তকম্ ॥ ১৫৩ ॥
সপ্তদ্বীপবতী পৃথ্বী জঙ্গমাজঙ্গমং জগত্ ।
চরাচরং ত্রিভুবনং বিদ্যাশ্চাপি চতুর্দৃশ ॥ ১৫৪ ॥
সাংখ্যয়োগস্তথা জ্ঞানং চেতনা কর্মবাসনা ।
ভগবত্যাং স্থিতং সর্বং সূক্ষ্মরূপেণ বীজবত্ ॥ ১৫৫ ॥
সা চাস্মিন্ স্তোত্রসাহস্রে স্তোত্রে তিষ্ঠতি বদ্ধবত্ ।
পঠনীয়ং বিদিত্বৈবং স্তোত্রমেতত্সুদুর্লভম্ ॥ ১৫৬ ॥
দেবীং কামকলাকালীং ভজন্তঃ সিদ্ধিদায়িনীম্ ।
স্তোত্রং চাদঃ পঠন্তো হি সাধয়ন্তীপ্সিতান্ স্বকান্ ॥ ১৫৭ ॥
॥ ইতি মহাকালসংহিতায়াং কামকলাখণ্ডে দ্বাদশপটলে
শ্রীকামকলাকালীসহস্রনামস্তোত্রং সংপূর্ণম্ ॥
Also Read 1000 Names of Sri Kamakalakali:
1000 Names of Sri Kamakalakali | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
