1008 - Sahasranamavali Shiva Stotram

1000 Names of Sri Nataraja Kunchithapadam Lyrics in Oriya

 Nataraja Kunchita Paada Sahasranama Stotram in Oriya:

॥ ଶ୍ରୀନଟରାଜକୁଞ୍ଚିତପାଦସହସ୍ରନାମସ୍ତୋତ୍ରମ୍ ॥
॥ ଶ୍ରୀଗୁରୁଭ୍ୟୋ ନମଃ ॥

॥ ଶ୍ରୀଶିଵକାମସୁନ୍ଦରୀସମେତ ଶ୍ରୀନଟରାଜଃ ଶରଣମ୍ ॥

ୟସ୍ମାତ୍ସର୍ଵଂ ସମୁତ୍ପନ୍ନଂ ଚରାଚରମିଦଂ ଜଗତ୍ ।
ଇଦଂ ନମୋନଟେଶାୟ ତସ୍ମୈ କାରୁପୟର୍ଦ୍ଧ୍ଵୟେ ॥ ୧ ॥

କୈଲାସଶିଖରେ ରମ୍ୟେ ରତ୍ନସିଂହାସନେ ସ୍ଥିତମ୍ ।
ଶଙ୍କରଂ କରୁଣାମୂର୍ତିଂ ପ୍ରଣମ୍ୟ ପରୟା ମୁଦା ॥ ୨ ॥

ଵିନୟାଵନତା ଭୂତ୍ଵା ପପ୍ରଚ୍ଛ ପରମେଶ୍ଵରୀ ।
ଭଗଵନ୍! ଭଵ! ସର୍ଵଜ୍ଞ! ଭଵତାପହରାଵ୍ୟୟ ॥ ୩ ॥

ତ୍ଵତ୍ତଃ ଶ୍ରୁତଂ ମୟା ଦେଵ! ସର୍ଵଂ ନାମସହସ୍ରକମ୍ ।
ନଟେଶସ୍ୟାପି ନାମାନି ସୁଶ୍ରୁତାନି ମୟା ପ୍ରଭୋ! ॥ ୪ ॥

ତ୍ଵତ୍ତଃ ଶ୍ରେଷ୍ଠତମଃ ପାଦଃ କୁଞ୍ଚିତଃ ପଦ୍ମସନ୍ନିଭଃ ।
ତସ୍ମାତ୍ତନ୍ନାମ ସାହସ୍ରଂ ଶ୍ରୋତୁମିଚ୍ଛାମି ଶଙ୍କର! ॥ ୫ ॥

ଅସକୃତ୍ପ୍ରାର୍ଥିତୋଽପି ତ୍ଵଂ ନ ତତ୍କଥିତଵାନସି ।
ଇଦାନୀଂ କୃପୟା ଶମ୍ଭୋ! ଵଦ ଵାଞ୍ଛାଭିପୂର୍ତୟେ ॥ ୬ ॥

ଶ୍ରୀଶିଵ ଉଵାଚ
ସାଧୁ ସାଧୁ ମହାଦେଵି! ପୃଷ୍ଟଂ ସର୍ଵଜଗଦ୍ଧିତମ୍ ।
ପୁରା ନାରାୟଣଃ ଶ୍ରୀମାନ୍ ଲୋକରକ୍ଷାପରାୟଣଃ ॥ ୭ ॥

କ୍ଷୀରାବ୍ଧୌ ସୁଚିରଂ କାଲଂ ସାମ୍ବମୂର୍ତିଧରଂ ଶିଵମ୍ ।
ମାମେକାଗ୍ରେଣ ଚିତ୍ତେନ ଧ୍ୟାୟନ୍ ନ୍ୟଵସଦଚ୍ୟୁତଃ ॥ ୮ ॥

ତପସା ତସ୍ୟ ସନ୍ତୁଷ୍ଟଃ ପ୍ରସନ୍ନୋଽହଂ କୃପାଵଶାତ୍ ।
ଧ୍ୟାନାତ୍ସମୁତ୍ଥିତୋ ଵିଷ୍ଣୁର୍ଲକ୍ଷ୍ମ୍ୟା ମାଂ ପର୍ୟପୂଜୟତ୍ ॥ ୯ ॥

ତୁଷ୍ଟାଵ ଵିଵିଧୈସ୍ତ୍ଵତୋତ୍ରୈର୍ଵେଦଵେଦାନ୍ତସମ୍ମିତୈଃ ।
ଵରଂ ଵରୟ ହେ ଵତ୍ସ! ୟଦିଷ୍ଟଂ ମନସି ସ୍ଥିତମ୍ ॥ ୧୦ ॥

ତତ୍ତେ ଦାସ୍ୟାମି ନ ଚିରାଦିତ୍ୟୁକ୍ତଃ କମଲେକ୍ଷଣଃ ।
ପ୍ରାହ ମାଂ ପରୟା ଭକ୍ତ୍ୟା ଵରଂ ଦାସ୍ୟସି ଚେତ୍ପ୍ରଭୋ ॥ ୧୧ ॥

ରକ୍ଷାର୍ଥଂ ସର୍ଵଜଗତାମସୁରାଣା କ୍ଷୟାୟ ଚ ।
ସାର୍ଵାତ୍ମ୍ୟୟୋଗସିଦ୍ଧ୍ୟର୍ଥଂ ମନ୍ତ୍ରମେକଂ ମମାଦିଶ ॥ ୧୨ ॥

ଇତି ସମ୍ପ୍ରାର୍ଥିତସ୍ତେନ ମାଧଵେନାହମମ୍ବିକେ ।
ସଞ୍ଚିନ୍ତ୍ୟାନୁତ୍ତମ ସ୍ତୋତ୍ରଂ ସର୍ଵେଷାଂ ସର୍ଵସିଦ୍ଧିଦମ୍ ॥ ୧୩ ॥

ନଟେଶକୁଞ୍ଚିତାଙ୍ଘ୍ରେସ୍ତୁ ନାମସାହସ୍ରମୁତ୍ତମମ୍ ।
ଲକ୍ଷମୀକାନ୍ତାୟ ଭକ୍ତାୟ ଉକ୍ତଵାନସ୍ମି ଶଙ୍କରି! ॥ ୧୪ ॥

ତେନ ଜିତ୍ଵାଽସୁରାନ୍ ସର୍ଵାନ୍ ରରକ୍ଷ ସକଲଂ ଜଗତ୍ ।
ସାର୍ଵାତ୍ମ୍ୟୟୋଗସିଦ୍ଧିଂ ଚ ପ୍ରାପ୍ତଵାନମ୍ବୁଜେକ୍ଷଣଃ ॥ ୧୫ ॥

ତଦେଵ ପ୍ରାର୍ଥୟସ୍ୟଦ୍ୟ ନାମସାହସ୍ରମମ୍ବିକେ ।
ପଠନାନ୍ମନନାଦ୍ୟସ୍ୟ ନୃତ୍ତଂ ଦର୍ଶୟତି ପ୍ରଭୁଃ ॥ ୧୬ ॥

ସର୍ଵପାପହରଂ ପୁଣ୍ୟଂ ସର୍ଵରକ୍ଷାକରଂ ନୃଣାମ୍ ।
ସର୍ଵୈଶ୍ଵର୍ୟପ୍ରଦଂ ସର୍ଵସିଦ୍ଧିଦଂ ମୁକ୍ତିଦଂ ପରମ୍ ॥ ୧୭ ॥

ଵକ୍ଷ୍ୟାମି ଶୃଣୁ ହେ ଦେଵି! ନାମସାହସ୍ରମୁତ୍ତମମ୍ ।

ଅସ୍ୟ ଶ୍ରୀ ଶିଵକାମସୁନ୍ଦରୀସମେତ ଶ୍ରୀ ନଟରାଜରାଜକୁଞ୍ଚିତପାଦସହସ୍ରନାମସ୍ତୋତ୍ର
ମହାମନ୍ତ୍ରସ୍ୟ ସଦାଶିଵ ଋଷିଃ, ମହାଵିରାଟ୍ ଛନ୍ଦଃ,
ଶ୍ରୀଶିଵକାମସୁନ୍ଦରୀସମେତଶ୍ରୀନଟରାଜରାଜୋ ଦେଵତା । ବୀଜଂ, ଶକ୍ତିଃ,କଲିକଂ,
ଅଙ୍ଗନ୍ୟାସକରନ୍ୟାସୌ ଚ ଚିନ୍ତାମଣି ମନ୍ତ୍ରଵତ୍ ॥

ଓଂ ଶ୍ରୀଶିଵାୟ ନମଃ ଇତି ବୀଜମ୍ । ଓଂ ଅନନ୍ତଶକ୍ତୟେ ନମଃ ଇତି ଶକ୍ତିଃ ।
ମହେଶ୍ଵରାୟ ନମଃ ଇତି କୀଲକମ୍ । ଶ୍ରୀନଟେଶ୍ଵରପ୍ରସାଦସିଦ୍ଧ୍ୟର୍ଥେ ନାମପରାୟଣେ
ଅର୍ଚନେ ଵିନିୟୋଗଃ ।
ଓଂ ନମ୍ୟାୟ ନମଃ ଅଙ୍ଗୁଷ୍ଠାଭ୍ୟାଂ ନମଃ । ସ୍ଵାହା ନମଃ -ତର୍ଜନୀଭ୍ୟାଂ ସ୍ଵାହା
(ନମଃ) ଓଂ ଵଷଟ୍କାରାୟ ନମଃ -ମଧ୍ୟମାଭ୍ୟାଂ ଵଷଟ୍ (ନମଃ) । ଓଂ ହୁଙ୍କାରାୟ
ନମଃ -ଅନାମିକାଭ୍ୟାଂ ହୁଂ (ନମଃ) ଓଂ ଵୌଷଟ୍କାରାୟ ନମଃ । କନିଷ୍ଠିକଷ୍ଠୟା
ଵୌଷଟ୍ (ନମଃ) ଓଂ ଫଟ୍କାରାୟ ନମଃ – କରତଲକରପୃଷ୍ଠାଭ୍ୟାଂ ଫଟ୍ (ନମଃ)
। ଓଂ ନମ୍ୟାୟ ନମଃ – ହୃଦୟାୟ ନମଃ । ଓଂ ସ୍ଵାହା ନମଃ ଶିରସେ ସ୍ଵାହା ।
ଓଂ ଵଷଟ୍କାରାୟ ନମଃ – ଶିଖାୟୈ ଵଷଟ୍ । ଓଂ ହୁଙ୍କାରାୟ ନମଃ – କଵଚାୟ
ହୁମ୍ । ଓଂ ଵୌଷଟ୍କାରାୟ ନମଃ – ନେତ୍ରତ୍ରୟାୟ ଵୌଷଟ୍ । ଓଂ ଫଟ୍କରାୟ ନମଃ –
ଅସ୍ତ୍ରାୟ ଫଟ୍ । ଓଂ ଭୃର୍ଭୁଵସ୍ସୁଵରୋଂ ଇତି ଦିଗ୍ବନ୍ଧଃ ।

ଧ୍ୟାନମ୍
ଧ୍ୟାୟେତ୍କୋଟିରଵିପ୍ରଭଂ ତ୍ରିନୟନଂ ଶୀତାଂଶୁଗଙ୍ଗାଧରଂ
ଦକ୍ଷାଙ୍ଘ୍ରିସ୍ଥିତଵାମକୁଞ୍ଚିତପଦଂ ଶାର୍ଦୂଲଚର୍ମାମ୍ବରମ୍ ।
ଵହ୍ନିଂ ଡୋଲକରାଭୟଂ ଡମରୁକଂ ଵାମେ ଶିଵାଂ ଶ୍ୟାମଲାଂ
କଲ୍ହାରାଂ ଜପସ୍ରକ୍ଷୁକାଂ କଟିକରାଂ ଦେଵୀଂ ସଭେଶଂ ଭଣେ ॥ ୧ ॥

ଫାଲେ ରତ୍ନତ୍ରିପୁଣ୍ଡ୍ରଂ ଫଣିନମପି ଗଲେ ପାଦପୀଠେ ଚ ଭୂତଂ
ବାହ୍ଵୋର୍ଵହ୍ନିଂ ଚ ଢକ୍କଂ ଵଦନସରସିଜେ ସୂର୍ୟଚନ୍ଦ୍ରୌ ଶିଖୀନ୍ଦ୍ରମ୍ ।
ଓଙ୍କାରାଖ୍ୟପ୍ରଭାୟାଂ ସୁରଭୁଵନଗଣଂ ପାର୍ଶ୍ଵୟୋର୍ଵାଦ୍ୟକାରୌ ୟଃ
କୃତ୍ଵାଽଽନନ୍ଦନୃତ୍ତଂ ସ୍ଵସଦସି କୁରୁତେ କୁଞ୍ଚିତାଙ୍ଘ୍ରିଂ ଭଜେଽହମ୍ ॥ ୨ ॥

ଊରୁନ୍ୟାସସୁଡୋଲ – ଵହ୍ରି – ଶୁକଭୃଦ୍ଵାମଂ କରାମ୍ଭୋରୁହଂ
ଢକ୍କାଚ୍ଛାକ୍ଷସ୍ରଗୁତ୍ପଲାଭୟକରଂ ଵାମଂ ପଦଂ କୁଞ୍ଚିତମ୍ ।
ଉଦ୍ଧୃତ୍ୟାଧରଭୂତ ପୃଷ୍ଠଵିଲସଦ୍ଦକ୍ଷାଙ୍ଘ୍ରିମର୍ଧାମ୍ବିକଂ
ସାମୀଵସ୍ତ୍ରସୁଵେଣିଦୃକ୍କୁଚଭରଂ ଧ୍ୟାୟେନ୍ନଟଂ ମେଲନମ୍ ॥ ୩ ॥

ଧ୍ୟାୟେଦାତ୍ମଵିମୋହସଂସ୍ଥିତପଦଂ ରକ୍ତାଂଶୁକଂ ଶଙ୍କରଂ
କିଞ୍ଚିତ୍କୁଞ୍ଚିତଵାମପାଦମତୁଲଂ ଵ୍ୟାଲମ୍ବବାହୁଂ ତ୍ରିଭିଃ ।
ଵାମେ ପୌଣ୍ଡ୍ର ଧନୁଶ୍ଚ ପାଶଦହନୌ ଦକ୍ଷେ କରେ ଚାଭୟଂ
ପୌଷ୍ପଂ ମାର୍ଗଣମଙ୍କୁଶଂ ଡମରୁକଂ ବିଭ୍ରାଣମଚ୍ଛଚ୍ଛଵିମ୍ ॥ ୪ ॥

॥ ଅଥ ସହସ୍ରନାମସ୍ତୋତ୍ରମ୍ ॥

ଅଖଣ୍ଡବୋଧୋଽଖଣ୍ଡାତ୍ମା ଘଣ୍ଟାମଣ୍ଡଲମଣ୍ଡିତଃ ।
ଅଖଣ୍ଡାନନ୍ଦଚିଦ୍ରୂପଃ ପରମାନନ୍ଦତାଣ୍ଡଵଃ ॥ ୧ ॥

ଅଗମ୍ୟମହିମାମ୍ଭୋଧିଃ ଅନୌପମ୍ୟୟଶୋନିଧିଃ ।
ଅଗ୍ରେଵଧୋଽଗ୍ରେସମ୍ପୂଜ୍ୟୋ ହନ୍ତା ତାରୋ ମୟୋଭଵଃ ॥ ୨ ॥

ଅଘୋରୋଽଦ୍ବୁତଚାରିତ୍ର ଆନନ୍ଦଵପୁରଗ୍ରଣୀଃ ।
ଅଜୀର୍ଣସ୍ସୁକୁମାରୋଽନ୍ୟଃ ପାରଦର୍ଶୀ ପୁରନ୍ଦରଃ ॥ ୩ ॥

ଅତର୍କ୍ୟସ୍ସୁକରସ୍ସାରଃ ସତ୍ତାମାତ୍ରସ୍ସଦାଶିଵଃ ।
ଅନନ୍ତରୂପ ଏକାତ୍ମା ସ୍ଵସ୍ତରୁର୍ଵ୍ୟାହୃତିଃ ସ୍ଵଧା ॥

ଅନନ୍ତଶକ୍ତିରାଚାର୍ୟଃ ପୁଷ୍କଲସ୍ସର୍ଵପୂରଣଃ ।
ଅନର୍ଘରତ୍ନଖଚିତକିରୀଟୋ ନିକଟେସ୍ଥିତଃ ॥ ୫ ॥

ଅନହଙ୍କୃତିରଚ୍ଛେଦ୍ୟସ୍ସ୍ଵାନନ୍ଦୈକଘନାକୃତିଃ ।
ଅନାଵରଣଵିଜ୍ଞାନୋ ନିର୍ଵିଭାଗୋ ଵିଭାଵସୁଃ ॥ ୬ ॥

ଅନିର୍ଦେଶ୍ୟୋଽନିଲୋଽଗମ୍ୟୋଽଵିକ୍ରିୟୋଽମୋଘଵୈଭଵଃ ।
ଅନୁତ୍ତମଃ ପରୋଦାସୋ ମୁକ୍ତିଦୋ ମୁଦିତାନନଃ ॥ ୭ ॥

ଅନ୍ନାନାଂ ପତିରତ୍ୟୁଗ୍ରୋ ହରିଧ୍ୟେୟୋଽଦ୍ଵୟାକୃତିଃ ।
ଅପରୋକ୍ଷୋଽଵ୍ରଣୋଽଲିଙ୍ଗୋଽପ୍ୟଦ୍ଵେଷ୍ଟା ପ୍ରେମସାଗରଃ ॥ ୮ ॥

ଅପର୍ୟନ୍ତୋଽପରିଚ୍ଛେଦ୍ୟୋଽଗୋଚରୋ ରୁଗ୍ଵିମୋଚକଃ ।
ଅପସ୍ମୃତିନ୍ୟସ୍ତପାଦଃ କୃତ୍ତିଵାସାଃ କୃପାକରଃ ॥ ୯ ॥

ଅପ୍ରମେୟୋଽପ୍ରତିରଥଃ ପ୍ରଦ୍ୟୁମ୍ନଃ ପ୍ରମଥେଶ୍ଵରଃ ।
ଅମାନୀ ମଦନୋଽମନ୍ୟୁରମାନୋ ମାନଦୋ ମନୁଃ ॥ ୧୦ ॥

ଅମୂଲ୍ୟମଣିସଭାସ୍ଵତ୍ଫଣୀନ୍ଦ୍ରକରକଙ୍କଣଃ ।
ଅରୁଣଃ ଶରଣଃ ଶର୍ଵଃ ଶରଣ୍ୟ ଶର୍ମଦଃ ଶିଵଃ ॥ ୧୧ ॥

ଅଵଶସ୍ସ୍ଵଵଶସ୍ସ୍ଥାସ୍ନୁରନ୍ତର୍ୟାମୀ ଶତକ୍ରତୁଃ ।
ଅଶୁଭକ୍ଷୟକୃଜ୍ଜ୍ୟୋତିରନାକାଶସ୍ତ୍ଵଲେପକଃ ॥ ୧୨ ॥

ଅସ୍ନେହସ୍ସଙ୍ଗନିର୍ମୁକ୍ତୋଽହ୍ରସ୍ଵୋଽଦୀର୍ଘୋଽଵିଶେଷକଃ
ଅକ୍ଷରସ୍ତ୍ର୍ୟକ୍ଷରସ୍ତ୍ରୟକ୍ଷଃ ପକ୍ଷପାତଵିଵର୍ଜିତଃ ॥ ୧୩ ॥

ଆତତାଵୀ ମହାରୁଦ୍ରଃ କ୍ଷେତ୍ରାଣାମଧିପୋଽକ୍ଷଦଃ ।
ଆତନ୍ଵାନଶ୍ଶତାନନ୍ଦୋ ଗୃତ୍ସୋ ଗୃତ୍ସପତିସ୍ମୃରଃ ॥ ୧୪ ॥

ଆଦିତ୍ୟଵର୍ଣସ୍ସଞ୍ଜ୍ୟୋତିସ୍ସମ୍ୟଗ୍ଦର୍ଶନତତ୍ପରଃ ।
ଆଦିଭୂତୋ ମହାଭୂତସ୍ସ୍ଵେଚ୍ଛାକଲିତଵିଗ୍ରହଃ ॥ ୧୫ ॥

ଆପ୍ତକାମୋଽନୁମନ୍ତାଽଽତ୍ମକାମୋଽଭିନ୍ନୋଽନଣୁର୍ହରଃ ।
ଆଭାସ୍ଵରଃ ପରନ୍ତତ୍ଵମାଦିମଃ ପେଶଲଃ ପଵିଃ ॥ ୧୬ ॥

ଆଵ୍ୟାଧିପତିରାଦିତ୍ୟଃ କକୁଭଃ କାଲକୋଵିଦଃ ।
ଇଚ୍ଛାନିଚ୍ଛାଵିରହିତୋ ଵିହାରୀ ଵୀର୍ୟଵର୍ଧନଃ ॥ ୧୭ ॥

ଉଦ୍ଦଣ୍ଡତାଣ୍ଡଵଶ୍ଚଣ୍ଡ ଊର୍ଧ୍ଵତାଣ୍ଡଵପଣ୍ଡିତଃ ।
ଉଦାସୀନୌପଦ୍ରଷ୍ଟା ମୌନଗମ୍ୟୋ ମୁନୀଶ୍ଵରଃ ॥ ୧୮ ॥

ଊର୍ଧ୍ଵପାଦୂର୍ଧ୍ଵରେତାଶ୍ଚ ପ୍ରୌଢନର୍ତନଲମ୍ପଟଃ ।
ଓଷଧୀଶସ୍ସତାମୀଶୌଚ୍ଚୈର୍ଘୋଷୋ ଵିଭୀଷଣଃ ॥ ୧୯ ॥

କନ୍ଦର୍ପ କୋଟିସଦୃଶଃ କପର୍ଦୀ କମଲାନନଃ ।
କପାଲମାଲାଭରଣାଃ କଙ୍କାଲଃ କଲିନାଶନଃ ॥ ୨୦ ॥

କପାଲମାଲାଲଙ୍କାରଃ କାଲାନ୍ତକଵପୁର୍ଧରଃ ।
କମନୀୟଃ କଲାନାଥଶେଖରଃ କମ୍ବୁକନ୍ଧରଃ ॥ ୨୧ ॥

କମନୀୟନିଜାନନ୍ଦମୁଦ୍ରାଞ୍ଚିତକରାମ୍ବୁଜଃ ।
କରାବ୍ଜଧୃତକାଲାଗ୍ନିଃ କଦମ୍ବକୁସୁମାରୁଣଃ ॥ ୨୨ ॥

କରିଚର୍ମାମ୍ବରଧରଃ କପାଲୀ କଲୁଷାପହଃ ।
କଲ୍ୟାଣମୂର୍ତିଃ କଲ୍ୟାଣୀରମଣଃ କମଲେକ୍ଷଣଃ ॥ ୨୩ ॥

କକ୍ଷପଶ୍ଚ ଭୁଵନ୍ତିଶ୍ଚ ଭଵାଖ୍ୟୋ ଵାରିଵସ୍କୃତଃ ।
କାଲକଣ୍ଠଃ କାଲକାଲଃ କାଲକୂଟଵିଷାଶନଃ ॥ ୨୪ ॥

କାଲନେତା କାଲହନ୍ତା କାଲଚକ୍ରପ୍ରଵର୍ତକଃ ।
କାଲଜ୍ଞଃ କାମଦଃ କାନ୍ତଃ କାମାରିଃ କାମପାଲକଃ ॥ ୨୫ ॥

କାଲାତ୍ମା କାଲିକାନାଥଃ କାର୍କୋଟକଵିଭୂଷଣଃ ।
କାଲିକାନାଟ୍ୟରସିକୋ ନିଶାନଟନନିଶ୍ଚଲଃ ॥ ୨୬ ॥

କାଲୀଵାଦପ୍ରିୟଃ କାଲଃ କାଲାତୀତଃ କଲାଧରଃ ।
କୁଠାରଭୃତ୍କୁଲାଦ୍ରୀଶଃ କୁଞ୍ଚିତୈକପଦାମ୍ବୁଜଃ ॥ ୨୭ ॥

କୁଲୁଞ୍ଚାନାଂ ପତିଃ କୂପ୍ୟୋ ଧନ୍ଵାଵୀ ଧନଦାଧିପଃ ।
କୂଟସ୍ଥଃ କୂର୍ମପୀଠସ୍ଥଃ କୂଶ୍ମାଣ୍ଡଗ୍ରହମୋଚକଃ ॥ ୨୮ ॥

କୂଲଙ୍କଷକୃପାସିନ୍ଧୁଃ କୁଶଲୀ କୁଙ୍କୁମେଶ୍ଵରଃ ।
କୃତଜ୍ଞଃ କୃତିସାରଜ୍ଞଃ କୃଶାନୁଃ କୃଷ୍ଣପିଙ୍ଗଲଃ ॥ ୨୯ ॥

କୃତାକୃତଃ କୃଶଃ କୃଷ୍ଣାଃ ଶାନ୍ତିଦଃ ଶରଭାକୃତିଃ ।
କୃତାନ୍ତକୃତ୍କ୍ରିୟାଧାରଃ କୃତୀ କୃପଣରକ୍ଷକଃ ॥ ୩୦ ॥

କେଵଲଃ କେଶଵଃ କେଲୀକରଃ କେଵଲନାୟକଃ ।
କୈଲାସଵାସୀ କାମେଶଃ କଵିଃ କପଟଵର୍ଜିତଃ ॥ ୩୧ ॥

କୋଟିକନ୍ଦର୍ପସୌଭାଗ୍ୟସୁନ୍ଦରୋ ମଧୁରସ୍ମିତଃ ।
ଗଦାଧରୋ ଗଣସ୍ଵାମୀ ଗରିଷ୍ଠସ୍ତୋମରାୟୁଧଃ ॥ ୩୨ ॥

ଗର୍ଵିତୋ ଗଗନାଵାସୋ ଗ୍ରନ୍ଥିତ୍ରୟ ଵିଭେଦନଃ ।
ଗହ୍ଵରେଷ୍ଠୋ ଗଣାଧୀଶୋ ଗଣେଶୋ ଗତିଵର୍ଜିତଃ ॥ ୩୩ ॥

ଗାୟକୋ ଗରୁଡାରୂଢୋ ଗଜାସୁରଵିମର୍ଦନଃ ।
ଗାୟତ୍ରୀଵଲ୍ଲଭୋ ଗାର୍ଗ୍ୟୋ ଗାୟକାନୁଗ୍ରହୋନ୍ମୁଖଃ ॥ ୩୪ ॥

ଗୁହାଶୟୋ ଗୁଣାତୀତୋ ଗୁରୁମୂର୍ତିର୍ଗୁହପ୍ରିୟଃ ।
ଗୂଢୋ ଗୁହ୍ୟତରୋ ଗୋପ୍ୟୋ ଗୋରକ୍ଷୀ ଗଣସେଵିତଃ ॥ ୩୫ ॥

ଚତୁର୍ଭୁଜଶ୍ଶତତନୁଃ ଶମିତାଖିଲ କୌତୁକଃ ।
ଚତୁର୍ଵକ୍ତ୍ରଶ୍ଚକ୍ରଧରଃ ପଞ୍ଚଵକ୍ତ୍ରଃ ପରନ୍ତପ ॥ ୩୬ ॥

ଚିଚ୍ଛକ୍ତିଲୋଚନାନନ୍ଦକନ୍ଦଲଃ କୁନ୍ଦପାଣ୍ଡରଃ ।
ଚିଦାନନ୍ଦନଟାଧୀଶଃ ଚିତ୍କେଵଲଵପୁର୍ଧରଃ ॥ ୩୭ ॥

ଚିଦେକରସସମ୍ପୂର୍ଣଃ ହ୍ରୀଂ ଶିଵଶ୍ଶ୍ରୀମହେଶ୍ଵରଃ ।
ଚୈତନ୍ୟଂ ଚିଚ୍ଛିଦ୍ଵୈତଶ୍ଚିନ୍ମାତ୍ରଶ୍ଚିତ୍ସଭାଧିପଃ ॥ ୩୮ ॥

ଜଟାଧରୋଽମୃତାଧାରୋଽମୃତାଂଶୁରମୃତୋଦ୍ଭଵଃ ।
ଜଟିଲଶ୍ଚଟୁଲାପାଙ୍ଗୋ ମହାନଟନଲମ୍ପଟଃ ॥ ୩୯ ॥

ଜନାର୍ଦନୋ ଜଗତ୍ସ୍ଵାମୀ ଜନ୍ମକର୍ମନିଵାରକଃ ।
ଜଵନୋ ଜଗଦାଧାରୋ ଜମଦଗ୍ନିର୍ଜରାହରଃ ॥ ୪୦ ॥

ଜହ୍ନୁକନ୍ୟାଧରୋ ଜନ୍ମଜରାମୃତ୍ୟୁନିଵାରକଃ ।
ଣାନ୍ତନାଦିନାମୟୁକ୍ତଵିଷ୍ଣୁନମ୍ୟପଦାମ୍ବୁଜଃ ॥ ୪୧ ॥

ତତ୍ଵାଵବୋଧସ୍ତତ୍ଵେଶସ୍ତତ୍ଵଭାଵସ୍ତପୋନିଧିଃ ॥

ତରୁଣସ୍ତାରକସ୍ତାମ୍ରସ୍ତରିଷ୍ଣୁସ୍ତତ୍ଵବୋଧକଃ ।
ତ୍ରିଧାମା ତ୍ରିଜ୍ଜଗଦ୍ଧେତୁଃ ତ୍ରିମୂର୍ତିସ୍ତିର୍ୟଗୂର୍ଧ୍ଵଗଃ ॥ ୪୨ ॥

ତ୍ରିମାତୃକସ୍ତ୍ରିଵୃଦ୍ରୂପଃ ତୃତୀୟସ୍ତ୍ରିଗୁଣାଧିକଃ ।
ଦକ୍ଷାଧ୍ଵରହରୋ ଦକ୍ଷୋ ଦହରସ୍ଥୋ ଦୟାନିଧିଃ ॥ ୪୩ ॥

ଦକ୍ଷିଣାଗ୍ନିର୍ଗାର୍ହପତ୍ୟୋ ଦମନୋ ଦାନଵାନ୍ତକଃ ।
ଦୀର୍ଘପିଙ୍ଗଜଟାଜୂଟୋ ଦୀର୍ଘବାହୁର୍ଦିଗମ୍ବରଃ ॥ ୪୪ ॥

ଦୁରାରାଧ୍ୟୋ ଦୁରାଧର୍ଷୋ ଦୁଷ୍ଟଦୂରୋ ଦୁରାସଦଃ ।
ଦୁର୍ଵିଜ୍ଞେୟୋ ଦୁରାଚାରନାଶନୋ ଦୁର୍ମଦାନ୍ତକଃ ॥ ୪୫ ॥

ଦୈଵ୍ୟୋ ଭିଷକ୍ ପ୍ରମାଣଜ୍ଞୋ ବ୍ରହ୍ମଣ୍ୟୋ ବ୍ରାହ୍ମଣାତ୍ମକଃ ।
ଦ୍ରଷ୍ଟା ଦର୍ଶୟିତା ଦାନ୍ତୋ ଦକ୍ଷିଣାମୂର୍ତିରୂପଭୃତ୍ ॥ ୪୬ ॥

ଧନ୍ଵୀ ଧନାଧିପୋ ଧନ୍ୟୋ ଧର୍ମଗୋପ୍ତା ଧରାଧିପଃ ।
ଧୂଷ୍ଣୁର୍ଦୂତସ୍ତୀକ୍ଷ୍ଣଦମ୍ଷ୍ଟ୍ରସ୍ସୁଧନ୍ଵା ସୁତଦଃ ସୁଖୀ ॥ ୪୭ ॥

ଧ୍ୟାନଗମ୍ୟୋ ଧ୍ୟାତୃରୂପୋ ଧ୍ୟେୟୋ ଧର୍ମଵିଦାଂ ଵରଃ ।
ନକ୍ତଞ୍ଚରଃ ପ୍ରକୃନ୍ତାନାଂ ପତିର୍ଗିରିଚରୋ ଗୁରୁଃ ॥ ୪୮ ॥

ନନ୍ଦିନାଟ୍ୟପ୍ରିୟୋ ନନ୍ଦୀ ନଟେଶୋ ନଟଵେଷଭୃତ୍ ।
ନମଦାନନ୍ଦଦୋ ନମ୍ୟୋ ନଗରାଜନିକେତନଃ ॥ ୪୯ ॥

ନାରସିଂହୋ ନଗାଧ୍ୟକ୍ଷୋ ନାଦାନ୍ତୋ ନାଦଵର୍ଜିତଃ ।
ନିଚେରୁକଃ ପରିଚରୋଽରଣ୍ୟାନାଂ ପତିରଦ୍ଭୁତଃ ॥ ୫୦ ॥

ନିରଙ୍କୁଶୋ ନିରାଧାରୋ ନିରପାୟୋ ନିରତ୍ୟୟଃ ।
ନିରଞ୍ଜନୋ ନିତ୍ୟଶୁଦ୍ଧୋ ନିତ୍ୟବୁଦ୍ଧୋ ନିରାଶ୍ରୟଃ ॥ ୫୧ ॥

ନିରଂଶୋ ନିଗମାନନ୍ଦୋ ନିରାନନ୍ଦୋ ନିଦାନଭୂଃ ।
ନିର୍ଵାଣଦୋ ନିର୍ଵୃତିସ୍ଥୋ ନିର୍ଵୈରୋ ନିରୁପାଧିକଃ ॥ ୫୨ ॥

ନିର୍ଵିକଲ୍ପୋ ନିରାଲମ୍ବୋ ନିର୍ଵିକାରୋ ନିରାମୟଃ ।
ନିଷଙ୍ଗୀଷୁଧିମାନିନ୍ଦ୍ରସ୍ତସ୍କରାଣାମଧୀଶ୍ଵରଃ ॥ ୫୩ ॥

ନିସ୍ପନ୍ଦଃ ପ୍ରତ୍ୟୟାନନ୍ଦୋ ନିର୍ନିମେଷୋ ନିରନ୍ତରଃ ।
ନୈଷ୍କର୍ମ୍ୟଦୋ ନଵରସଃ ତ୍ରିସ୍ଥସ୍ତ୍ରିପୁରଭୈରଵଃ ॥ ୫୪ ॥

ପଞ୍ଚଭୂତପ୍ରଭୁଃ ପଞ୍ଚପୂଜାସନ୍ତୁଷ୍ଟମାନସଃ ।
ପଞ୍ଚୟଜ୍ଞପ୍ରିୟଃ ପଞ୍ଚପ୍ରାଣାଧିପତିରଵ୍ୟୟଃ ॥ ୫୫ ॥

ପତଞ୍ଜଲିପ୍ରାଣନାଶ୍ଚ ପରାପରଵିଵର୍ଜିତଃ ।
ପତିଃ ପଞ୍ଚତ୍ଵନିର୍ମୁକ୍ତଃ ପଞ୍ଚକୃତ୍ୟପରାୟଣଃ ॥ ୫୬ ॥

ପତ୍ତୀନାମଧିପଃ କୃତ୍ସ୍ନଵୀତୋ ଧାଵଂଶ୍ଚ ସତ୍ତ୍ଵପଃ ।
ପରମାତ୍ମା ପରଂ ଜ୍ୟୋତିଃ ପରମେଷ୍ଠୀ ପରାତ୍ପରଃ ॥ ୫୭ ॥

ପର୍ଣଶଦ୍ୟଃ ପ୍ରତ୍ୟଗାତ୍ମା ପ୍ରସନ୍ନଃ ପରମୋନ୍ନତଃ ।
ପଵିତ୍ରଃ ପାର୍ଵତୀଦାରଃ ପରମାପନ୍ନିଵାରକଃ ॥ ୫୮ ॥

ପାଟଲାମ୍ଶୁଃ ପଟୁତରଃ ପାରିଜାତଦ୍ରୁମୂଲଗଃ ।
ପାପାଟଵୀବୃହଦ୍ଭାନୁଃ ଭାନୁମତ୍କୋଟିକୋଟିଭଃ ॥ ୫୯ ॥

ପାଶୀ ପାତକସଂହର୍ତା ତୀକ୍ଷ୍ଣେଷୁସ୍ତିମିରାପହଃ ।
ପୁଣ୍ୟଃ ପୁମାନ୍ପୁରିଶୟଃ ପୂଷା ପୂର୍ଣଃ ପୁରାତନଃ ॥ ୬୦ ॥

ପୁରଜିତ୍ପୂର୍ଵଜଃ ପୁଷ୍ପହାସଃ ପୁଣ୍ୟଫଲପ୍ରଦଃ ।
ପୁରୁହୂତଃ ପୁରଦ୍ଵେଷୀ ପୁରତ୍ରୟଵିହାରଵାନ୍ ॥ ୬୧ ॥

ପୁଲସ୍ତ୍ୟଃ କ୍ଷୟଣୋ ଗୃହ୍ୟୋ ଗୋଷ୍ଠ୍ୟୋ ଗୋପରିପାଲକଃ ।
ପୁଷ୍ଟାନାଂ ପତିରଵ୍ୟଗ୍ରୋ ଭଵହେତିର୍ଜଗତ୍ପତିଃ ॥ ୬୨ ॥

ପ୍ରକୃତୀଶଃ ପ୍ରତିଷ୍ଠାତା ପ୍ରଭଵଃ ପ୍ରମଥଃ ପ୍ରଥୀ ।
ପ୍ରପଞ୍ଚୋପଶମୋ ନାମରୂପଦ୍ଵୟଵିଵର୍ଜିତଃ ॥ ୬୩ ॥

ପ୍ରପଞ୍ଚୋଲ୍ଲାସନିର୍ମୁକ୍ତଃ ପ୍ରତ୍ୟକ୍ଷଃ ପ୍ରତିଭାତ୍ମକଃ
ପ୍ରବୁଦ୍ଧଃ ପରମୋଦାରଃ ପରମାନନ୍ଦସାଗରଃ ॥ ୬୪ ॥

ପ୍ରମାଣଃ ପ୍ରଣଵଃ ପ୍ରାଜ୍ଞଃ ପ୍ରାଣଦଃ ପ୍ରାଣନାୟକଃ ।
ପ୍ରଵେଗଃ ପ୍ରମଦାର୍ଧାଙ୍ଗଃ ପ୍ରନର୍ତନପରାୟଣଃ ॥ ୬୫ ॥

ବଭ୍ରୁର୍ବହୁଵିଧାକାରୋ ବଲପ୍ରମଥନୋ ବଲୀ ।
ବଭ୍ରୁଶୋ ଭଗଵାନ୍ଭାଵ୍ୟୋ ଵିଵ୍ୟାଧୀ ଵିଗତଜ୍ଵରଃ ॥ ୬୬ ॥

ବିଲ୍ମୀ ଵରୂଥୀ ଦୁନ୍ଦୁଭ୍ୟାହନନ୍ୟୌ ପ୍ରମୃଶାଭିଧଃ ।
ବ୍ରହ୍ମଵିଦ୍ୟାଗୁରୁର୍ଗୁହ୍ୟୋ ଗୁହ୍ୟକୈସ୍ସମଭିଷ୍ଟୁତଃ ॥ ୬୭ ॥

ବ୍ରହ୍ମଵିଦ୍ୟାପ୍ରଦୋ ବ୍ରହ୍ମ ବୃହଦ୍ଗର୍ଭୋ ବୃହସ୍ପତିଃ ।
ବ୍ରହ୍ମାଣ୍ଡକାଣ୍ଡଵିସ୍ଫୋଟମହାପ୍ରଲୟତାଣ୍ଡଵଃ ॥ ୬୮ ॥

ବ୍ରହ୍ମିଷ୍ଠୋ ବ୍ରହ୍ମସୂତ୍ରାର୍ଥୋ ବ୍ରହ୍ମଣ୍ୟୋ ବ୍ରହ୍ମଚେତନଃ ।
ଭଗନେତ୍ରହରୋ ଭର୍ଗୋ ଭଵଘ୍ନୋ ଭକ୍ତିମନ୍ନିଧିଃ ॥ ୬୯ ॥

ଭଦ୍ରୋ ଭଦ୍ରପ୍ରଦୋ ଭଦ୍ରଵାହନୋ ଭକ୍ତଵତ୍ସଲଃ ।
ଭାଵଜ୍ଞୋ ବନ୍ଧଵିଚ୍ଛେତ୍ତା ଭାଵାତୀତୋଽଭୟଙ୍କରଃ ॥ ୭୦ ॥

ଭାଵାଭାଵଵିନିର୍ମୁକ୍ତୋ ଭାରୂପୋ ଭାଵିତୋ ଭରଃ ।
ଭୂତମୁକ୍ତାଵଲୀତନ୍ତୁଃ ଭୂତପୂର୍ଵୋ ଭୁଜଙ୍ଗଭୃତ୍ ॥ ୭୧ ॥

ଭୂମା ଭୂତପତିର୍ଭଵ୍ୟୋ ଭୂର୍ଭୁଵୋଵ୍ୟାହୃତିପ୍ରିୟଃ ।
ଭୃଙ୍ଗିନାଟ୍ୟପ୍ରମାଣଜ୍ଞୋ ଭ୍ରମରାୟିତନାଟ୍ୟକୃତ୍ ॥ ୭୨ ॥

ଭ୍ରାଜିଷ୍ଣୁର୍ଭାଵନାଗମ୍ୟୋ ଭ୍ରାନ୍ତିଜ୍ଞାନଵିନାଶନଃ ।
ମନୀଷୀ ମନୁଜାଧୀଶୋ ମିଥ୍ୟାପ୍ରତ୍ୟୟନାଶନଃ ॥ ୭୩ ॥

ମନୋଭର୍ତା ମନୋଗମ୍ୟୋ ମନନୈକପରାୟଣଃ ।
ମନୋଵଚୋଭିରଗ୍ରାହ୍ୟୋ ମହାବିଲକୃତାଲୟଃ ॥ ୭୪ ॥

ମୟସ୍କରୋ ମହାତିର୍ଥ୍ୟଃ କୂଲ୍ୟଃ ପାର୍ୟଃ ପଦାତ୍ମକଃ ।
ମହର୍ଦ୍ଧିର୍ମହିମାଧାରୋ ମହାସେନଗୁରୁର୍ମହଃ ॥ ୭୫ ॥

ମହାକର୍ତା ମହାଭୋକ୍ତା ମହାସଂଵିନ୍ମୟୋ ମଧୁଃ ।
ମହାତାତ୍ପର୍ୟନିଲୟଃ ପ୍ରତ୍ୟଗ୍ବ୍ରହ୍ମୈକ୍ୟନିଶ୍ଚୟଃ ॥ ୭୬ ॥

ମହାନନ୍ଦୋ ମହାସ୍କନ୍ଦୋ ମହେନ୍ଦ୍ରୋ ମହସାନ୍ନିଧିଃ ।
ମହାମାୟୋ ମହାଗ୍ରାସୋ ମହାଵୀର୍ୟୋ ମହାଭୁଜଃ ॥ ୭୭ ॥

ମହୋଗ୍ରତାଣ୍ଡଵାଭିଜ୍ଞଃ ପରିଭ୍ରମଣତାଣ୍ଡଵଃ ।
ମାଣିଭଦ୍ରାର୍ଚିତୋ ମାନ୍ୟୋ ମାୟାଵୀ ମାନ୍ତ୍ରିକୋ ମହାନ୍ ॥ ୭୮ ॥

ମାୟାନାଟକକୃନ୍ମାୟୀ ମାୟାୟନ୍ତ୍ରଵିମୋଚକଃ ।
ମାୟାନାଟ୍ୟଵିନୋଦଜ୍ଞୋ ମାୟାନଟନଶିକ୍ଷକଃ ॥ ୭୯ ॥

ମୀଢୁଷ୍ଟମୋ ମୃଗଧରୋ ମୃକଣ୍ଡୁତନୟପ୍ରିୟଃ ।
ମୁନିରାତାର୍ୟ ଆଲାଦ୍ୟଃ ସିକତ୍ୟଶ୍ଚ କିଁଶିଲଃ ॥ ୮୦ ॥

ମୋଚକୋ ମୋହଵିଚ୍ଛେତ୍ତା ମୋଦନୀୟୋ ମହାପ୍ରଭୁଃ ।
ୟଶସ୍ଵୀ ୟଜମାନାତ୍ମା ୟଜ୍ଞଭୁଗ୍ୟଜନପ୍ରିୟଃ ॥ ୮୧ ॥

ୟକ୍ଷରାଡ୍ୟଜ୍ଞଫଲଦୋ ୟଜ୍ଞମୂର୍ତିର୍ୟଶସ୍କରଃ ।
ୟୋଗଗମ୍ୟୋ ୟୋଗନିଷ୍ଠୋ ୟୋଗାନନ୍ଦୋ ୟୁଧିଷ୍ଠିରଃ ॥ ୮୨ ॥

ୟୋଗୟୋନିର୍ୟଥାଭୂତୋ ୟକ୍ଷଗନ୍ଧର୍ଵଵନ୍ଦିତଃ ।
ରଵିମଣ୍ଡଲମଧ୍ୟସ୍ଥୋ ରଜୋଗୁଣଵିଵର୍ଜିତଃ ॥ ୮୩ ॥

ରାଜରାଜେଶ୍ଵରୋ ରମ୍ୟୋ ରାତ୍ରିଞ୍ଚର ଵିନାଶନଃ ।
ରାତିର୍ଦାତିଶ୍ଚତୁଷ୍ପାଦଃ ସ୍ଵାତ୍ମବନ୍ଧହରଃ ସ୍ଵଭୂଃ ॥ ୮୪ ॥

ରୁଦ୍ରାକ୍ଷସ୍ରଙ୍ମୟାକଲ୍ପଃ କହ୍ଲାରକିରଣଦ୍ୟୁତିଃ ।
ରୋହିତସ୍ସ୍ଥପତିର୍ଵୃକ୍ଷପତିର୍ମନ୍ତ୍ରୀ ଚ ଵାଣିଜଃ ॥ ୮୫ ॥

ଲାସ୍ୟାମୃତାବ୍ଧିଲହରୀପୂର୍ଣେନ୍ଦୁଃ ପୁଣ୍ୟଗୋଚରଃ ।
ଵରଦୋ ଵାମନୋ ଵନ୍ଦ୍ୟୋ ଵରିଷ୍ଠୋ ଵଜ୍ରଵର୍ମଭୃତ୍ ॥ ୮୬ ॥

ଵରାଭୟପ୍ରଦୋ ବ୍ରହ୍ମପୁଚ୍ଛୋ ବ୍ରହ୍ମଵିଦାଂ ଵରଃ ।
ଵଶୀ ଵରେଣ୍ୟୋ ଵିତତୋ ଵଜ୍ରଭୃଦ୍ଵରୁଣାତ୍ମକଃ ॥ ୮୭ ॥

ଵହ୍ନିମଣ୍ଡଲମଧ୍ୟସ୍ଥୋ ଵର୍ଷୀୟାନ୍ ଵରୁଣେଶ୍ଵରଃ ।
ଵାଚ୍ୟଵାଚକନିର୍ମୁକ୍ତୋ ଵାଗୀଶୋ ଵାଗଗୋଚରଃ ॥ ୮୮ ॥

ଵିକାରରହିତୋ ଵିଷ୍ଣୁର୍ଵିରାଡୀଶୋ ଵିରାଣ୍ମୟଃ ।
ଵିଘ୍ନେଶ୍ଵରୋ ଵିଘ୍ନନେତା ଶକ୍ତିପାଣିଃ ଶରୋଦ୍ଭଵଃ ॥ ୮୯ ॥

ଵିଜିଘତ୍ସୋ ଵିଗତଭୀର୍ଵିପିପାସୋ ଵିଭାଵନା ।
ଵିଦଗ୍ଧମୁଗ୍ଧଵେଷାଡ୍ୟୋ ଵିଶ୍ଵାତୀତୋ ଵିଶୋକଦଃ ॥ ୯୦ ॥

ଵିଦ୍ୟାନିଧିର୍ଵିରୂପାକ୍ଷୋ ଵିଶ୍ଵୟୋନିର୍ଵୃଷଧ୍ଵଜଃ ।
ଵିଦ୍ୟୁତ୍ୟୋ ଵିଵହୋ ମେଧ୍ୟୋ ରେଷ୍ମିୟୋ ଵାସ୍ତୁପୋ ଵାସଃ ॥ ୯୧ ॥

ଵିଦ୍ଵତ୍ତମୋ ଵିଦୂରସ୍ଥୋ ଵିଶ୍ରମୋ ଵେଦନାମୟଃ ।
ଵିୟଦାଦିଜଗତ୍ସ୍ରଷ୍ଟା ଵିଵିଧାନନ୍ଦଦାୟକଃ ॥ ୯୨ ॥

ଵିରାଠୃଦୟପଦ୍ମସ୍ଥୋ ଵିଧିର୍ଵିଶ୍ଵାଧିକୋ ଵିଭୁଃ ।
ଵିରୂପୋ ଵିଶ୍ଵଦିଗ୍ଵ୍ୟାପୀ ଵୀତଶୋକୋ ଵିରୋଚନଃ ॥ ୯୩ ॥

ଵିଶ୍ରାନ୍ତିଭୂର୍ଵିଵସନୋ ଵିଘ୍ନହନ୍ତା ଵିନୋଦକଃ ।
ଵିଶୃଙ୍ଖଲୋ ଵିୟଦ୍ଧେତୁର୍ଵିଷମୋ ଵିଦ୍ରୁମପ୍ରଭଃ ॥ ୯୪ ॥

ଵିଶ୍ଵସ୍ୟାୟତନୋ ଵର୍ୟୋ ଵନ୍ଦାରୁଜନଵତ୍ସଲ ।
ଵିଜ୍ଞାନମାତ୍ରୋ ଵିରଜା ଵିରାମୋ ଵିବୁଧାଶ୍ରୟ ॥ ୯୫ ॥

ଵୀରପ୍ରିୟୋ ଵୀତଭୟୋ ଵିନ୍ଧ୍ୟଦର୍ପଵିନାଶନ ।
ଵୀରଭଦ୍ରୋ ଵିଶାଲାକ୍ଷୋ ଵିଷ୍ଣୁବାଣୋ ଵିଶାଂ ପତିଃ ॥ ୯୬ ॥

ଵୃଦ୍ଧିକ୍ଷୟଵିନିର୍ମୁକ୍ତୋ ଵିଦ୍ୟୋତୋ ଵିଶ୍ଵଵଞ୍ଚକଃ ।
ଵେତାଲନଟନପ୍ରୀତୋ ଵେତଣ୍ଡତ୍ଵକ୍କୃତାମ୍ବରଃ ॥ ୯୭ ॥

ଵେଦଵେଦ୍ୟୋ ଵେଦରୂପୋ ଵେଦଵେଦାନ୍ତଵିତ୍ତମଃ ।
ଵେଦାନ୍ତକୃତ୍ତୁର୍ୟପାଦୋ ଵୈଦ୍ୟୁତଃ ସୁକୃତୋଦ୍ ଭଵଃ ॥ ୯୮ ॥

ଵେଦାର୍ଥଵିଦ୍ଵେଦୟୋନିଃ ଵେଦାଙ୍ଗୋ ଵେଦସଂସ୍ତୁତଃ ।
ଵେଲାତିଲଙ୍ଘିକରୁଣୋ ଵିଲାସୀ ଵିକ୍ରମୋନ୍ନତଃ ॥ ୯୯ ॥

ଵୈକୁଣ୍ଠଵଲ୍ଲଭୋଽଵର୍ଷ୍ୟୋ ଵୈଶ୍ଵାନରଵିଲୋଚନଃ ।
ଵୈରାଗ୍ୟଶେଵଧିର୍ଵିଶ୍ଵଭୋକ୍ତା ସର୍ଵୋର୍ଧ୍ଵସଂସ୍ଥିତଃ ॥ ୧୦୦ ॥

ଵୌଷଟ୍କାରୋ ଵଷଟ୍କାରୋ ହୁଙ୍କାରଃ ଫଟ୍କରଃ ପଟୁଃ ।
ଵ୍ୟାକୃତୋ ଵ୍ୟାପୃତୋ ଵ୍ୟାପୀ ଵ୍ୟାପ୍ୟସାକ୍ଷୀ ଵିଶାରଦଃ ॥ ୧୦୧ ॥

ଵ୍ୟାଘ୍ରପାଦପ୍ରିୟୋ ଵ୍ୟାଘ୍ରଚର୍ମଧୃଦ୍ଵୟାଧିନାଶନଃ ।
ଵ୍ୟାମୋହନାଶନୋ ଵ୍ୟାସୋ ଵ୍ୟାଖ୍ୟାମୁଦ୍ରାଲସତ୍କରଃ ॥ ୧୦୨ ॥

ଵ୍ୟୁପ୍ତକେଶୋଽଥ ଵିଶଦୋ ଵିଷ୍ଵକ୍ସେନୋ ଵିଶୋଧକଃ ।
ଵ୍ୟୋମକେଶୋ ଵ୍ୟୋମମୂର୍ତିର୍ଵ୍ୟୋମାକାରୋଽଵ୍ୟୟାକୃତିଃ ॥ ୧୦୩ ॥

ଵ୍ରାତୋ ଵ୍ରାତପତିର୍ଵିପ୍ରୋ ଵରୀୟାନ୍ କ୍ଷୁଲ୍ଲକଃ କ୍ଷମୀ ।
ଶକ୍ତିପାତକରଃ ଶକ୍ତଃ ଶାଶ୍ଵତଃ ଶ୍ରେୟସାଂ ନିଧିଃ ॥ ୧୦୪ ॥

ଶୟାନଃ ଶନ୍ତମଃ ଶାନ୍ତଃ ଶାସକଃ ଶ୍ୟାମଲାପ୍ରିୟଃ ।
ଶିଵଙ୍କରଃ ଶିଵତରଃ ଶିଷ୍ଟହୃଷ୍ଟଃ ଶିଵାଗମଃ ॥ ୧୦୫ ॥

ଶୀଘ୍ରିୟଶ୍ଶୀଭ୍ୟ ଆନନ୍ଦଃ କ୍ଷୟଦ୍ଵୀରଶ୍ଶରୋଽକ୍ଷରଃ ।
ଶୁଦ୍ଧସ୍ଫଟିକସଙ୍କାଶଃ ଶ୍ରୁତିପ୍ରସ୍ତୁତଵୈଭଵଃ ॥ ୧୦୬ ॥

ଶୁଷ୍କ୍ୟୋ ହରିତ୍ୟୋ ଲୋପ୍ୟଶ୍ଚ ସୂର୍ମ୍ୟଃ ପର୍ଣ୍ୟୋଽଣିମାଦିଭୂଃ ।
ଶୂରସେନଃ ଶୁଭାକାରଃ ଶୁଭ୍ରମୂର୍ତିଃ ଶୁଚିସ୍ମିତଃ ॥ ୧୦୭ ॥

ଶଙ୍ଗଃ ପ୍ରତରଣୋଽଵାର୍ୟଃ ଫେନ୍ୟଃ ଶଷ୍ପ୍ୟଃ ପ୍ରଵାହଜଃ ।
ଶ୍ରାଵ୍ୟଃ ଶତ୍ରୁହରଃ ଶୂଲୀ ଶ୍ରୁତିସ୍ମୃତିଵିଧାୟକଃ ॥ ୧୦୮ ॥

ଶ୍ରୀଶିଵଃ ଶ୍ରୀଶିଵାନାଥଃ ଶ୍ରୀମାନ୍ ଶ୍ରୀପତିପୂଜିତଃ ।
ଶ୍ରୁତ୍ୟଃ ପଥ୍ୟସ୍ସ୍ଵତନ୍ତ୍ରସ୍ଥଃ କାଟ୍ୟୋ ନୀପ୍ୟଃ କରୋଟିଭୃତ୍ ॥ ୧୦୯ ॥

ଷଡାଧାରଗତଃ ସାଙ୍ଖ୍ୟଃ ଷଡକ୍ଷରସମାଶ୍ରୟଃ ।
ଷଡୂର୍ମିରହିତଃ ସ୍ତଵ୍ୟଃ ଷଡ୍ଗୁଣୈଶ୍ଵର୍ୟଦାୟକଃ ॥ ୧୧୦ ॥

ସକୃଦ୍ଵିଭାତଃ ସଂଵେତ୍ତା ସଦସତ୍କୋଟିଵର୍ଜିତଃ ।
ସତ୍ତ୍ଵସଂସ୍ଥଃ ସୁଷୁପ୍ତିସ୍ଥଃ ସୁତଲ୍ପଃ ସତ୍ସ୍ଵରୂପଗଃ ॥ ୧୧୧ ॥

ସଦ୍ୟୋଜାତଃ ସଦାରାଧ୍ୟଃ ସାମଗଃ ସାମସଂସ୍ତୁତଃ ।
ସନାତନଃ ସମଃ ସତ୍ୟଃ ସତ୍ୟଵାଦୀ ସମୃଦ୍ଧିଦଃ ॥ ୧୧୨ ॥

ସମଦୃଷ୍ଟିଃ ସତ୍ୟକାମଃ ସନକାଦିମୁନିସ୍ତୁତଃ ।
ସମସ୍ତଭୁଵନଵ୍ୟାପୀ ସମୃଦ୍ଧଃ ସତତୋଦିତଃ ॥ ୧୧୩ ॥

ସର୍ଵକୃତ୍ସର୍ଵଜିତ୍ସର୍ଵମୟଃ ସତ୍ଵାଵଲମ୍ବକଃ ।
ସର୍ଵଦ୍ଵନ୍ଦ୍ଵକ୍ଷୟକରଃ ସର୍ଵାପଦ୍ଵିନିଵାରକଃ ॥ ୧୧୪ ॥

ସର୍ଵଦୃକ୍ ସର୍ଵଭୃତ୍ସର୍ଗଃ ସର୍ଵହୃତ୍କୋଶସଂସ୍ଥିତଃ ।
ସର୍ଵପ୍ରିୟତମଃ ସର୍ଵଦାରିଦ୍ର୍ୟକ୍ଲେଶନାଶନଃ ॥ ୧୧୫ ॥

ସର୍ଵଵିଦ୍ୟାନାମୀଶାନ ଈଶ୍ଵରାଣାମଧୀଶ୍ଵରଃ ।
ସର୍ଵଜ୍ଞଃ ସର୍ଵଦଃ ସ୍ଥାଣୁଃ ସର୍ଵେଶଃ ସମରପ୍ରିୟଃ ॥ ୧୧୬ ॥

ସର୍ଵାତୀତଃ ସାରତରଃ ସାମ୍ବଃ ସାରସ୍ଵତପ୍ରଦଃ ।
ସର୍ଵାର୍ଥଃ ସର୍ଵଦା ତୁଷ୍ଟଃ ସର୍ଵଶାସ୍ତ୍ରାର୍ଥସମ୍ମତଃ ॥ ୧୧୭ ॥

ସର୍ଵେଶ୍ଵରଃ ସର୍ଵସାକ୍ଷୀ ସର୍ଵାତ୍ମା ସାକ୍ଷିଵର୍ଜିତଃ ।
ସଵ୍ୟତାଣ୍ଡଵସମ୍ପନ୍ନୋ ମହାତାଣ୍ଡଵଵୈଭଵଃ ॥ ୧୧୮ ॥

ସସ୍ପିଞ୍ଜରଃ ପଶୁପତିସ୍ତ୍ଵିଷୀମାନଧ୍ଵନାଂ ପତିଃ ।
ସହମାନସ୍ସତ୍ୟଧର୍ମା ନିଵ୍ୟାଧୀ ନିୟମୋ ୟମଃ ॥ ୧୧୯ ॥

ସହସ୍ରାକ୍ଷଃ ସହସ୍ରାଙ୍ଘ୍ରିଃ ସହସ୍ରଵଦନାମ୍ବୁଜଃ ।
ସହସ୍ରାକ୍ଷାର୍ଚିତଃ ସମ୍ରାଟ୍ ସନ୍ଧାତା ସମ୍ପଦାଲୟଃ ॥ ୧୨୦ ॥

ସିଦ୍ଧେଶଃ ସିଦ୍ଧିଜନକଃ ସିଦ୍ଧାନ୍ତଃ ସିଦ୍ଧଵୈଭଵଃ ।
ସୁଧାରୂପଃ ସୁରାଧ୍ୟକ୍ଷଃ ସୁଭ୍ରୂଃ ସୁଖଘନଃ ସୁଧୀଃ ॥ ୧୨୧ ॥

ସୁନିଶ୍ଚିତାର୍ଥୋ ରାଦ୍ଧାନ୍ତଃ ତତ୍ଵମର୍ଥସ୍ତପୋମୟଃ ।
ସୁଵ୍ରତଃ ସତ୍ୟସଙ୍କଲ୍ପଃ ସ୍ଵସଂଵେଦ୍ୟଃ ସୁଖାଵହଃ ॥ ୧୨୨ ॥

ସୂତଃ ସଦସ୍ପତିଃ ସୂରିରହନ୍ତ୍ୟୋ ଵନପୋ ଵରଃ ।
ସୂତ୍ରଭୂତଃ ସ୍ଵପ୍ରକାଶଃ ସମଶୀଲଃ ସଦାଦୟଃ ॥ ୧୨୩ ॥

ସୂତ୍ରାତ୍ମା ସୁଲଭଃ ସ୍ଵଚ୍ଛଃ ସୂଦରଃ ସୁନ୍ଦରାନନଃ ।
ସୂଦ୍ୟସ୍ସରସ୍ୟୋ ଵୈଶନ୍ତୋ ନାଦ୍ୟୋଽଵଟ୍ୟୋଟଚୋଽଥ ଵର୍ଷକଃ ॥ ୧୨୪ ॥

ସୂକ୍ଷ୍ମାତ୍ସୂକ୍ଷ୍ମତରଃ ସୂର୍ୟଃ ସୂକ୍ଷ୍ମସ୍ଥୂଲତ୍ଵଵର୍ଜିତଃ ।
ସୃକାଵୀ ମୁଷ୍ଣତାଂ ନାଥଃ ପଞ୍ଚାଶଦ୍ଵର୍ଣରୂପଭୃତ୍ ॥ ୧୨୫ ॥

ସୋମମଣ୍ଡଲମଧ୍ୟସ୍ଥଃ ସୋମଃ ସୌମ୍ୟଃ ସୁହୃଦ୍ଵରଃ ।
ସଙ୍କଲ୍ପୋଲ୍ଲାସନିର୍ମୁକ୍ତଃ ସମନୀରାଗଚେତନଃ ॥ ୧୨୬ ॥

ସମ୍ପନ୍ନଃ ସଙ୍କ୍ରମଃ ସତ୍ରୀ ସନ୍ଦାତା ସକଲୋର୍ଜିତଃ ।
ସମ୍ପ୍ରଵୃଦ୍ଧଃ ସନ୍ନିକୃଷ୍ଟଃ ସଂଵିମୃଷ୍ଟଃ ସମଗ୍ରଦୃକ୍ ॥ ୧୨୭ ॥

ସମ୍ପ୍ରହୃଷ୍ଟଃ ସନ୍ନିଵିଷ୍ଟଃ ସଂସ୍ପଷ୍ଟଃ ସମ୍ପ୍ରମର୍ଦନଃ ।
ସଂୟଦ୍ଵାମଃ ସଂୟମୀନ୍ଦ୍ରଃ ସଂଶୟଚ୍ଛିତ୍ ସହସ୍ରଦୃକ୍ ॥ ୧୨୮ ॥

ସଂୟମସ୍ଥଃ ସଂହୃଦିସ୍ଥଃ ସମ୍ପ୍ରଵିଷ୍ଟଃ ସମୁତ୍ସୁକଃ ।
ସଂଵତ୍ସରଃ କଲାପୂର୍ଣସ୍ସୁରାସୁରନମସ୍କୃତଃ ॥ ୧୨୯ ॥

ସଂଵର୍ତାଗ୍ନ୍ୟୁଦରଃ ସର୍ଵାନ୍ତରସ୍ଥସ୍ସର୍ଵଦୁର୍ଗ୍ରହଃ ।
ସଂଶାନ୍ତସର୍ଵସଙ୍କଲ୍ପଃ ସଂସଦୀଶଃ ସଦୋଦିତଃ ॥ ୧୩୦ ॥

ସ୍ଫୁରଙ୍ଡମରୁନିଧ୍ଵାନନିର୍ଜିତାମ୍ଭୋଧିନିସ୍ଵନଃ ।
ସ୍ଵଚ୍ଛନ୍ଦଃ ସ୍ଵଚ୍ଛସଂଵିତ୍ତିରନ୍ଵେଷ୍ଟଵ୍ୟୋଽଶ୍ରୁତୋଽମତଃ ॥ ୧୩୧ ॥

ସ୍ଵାତ୍ମସ୍ଥଃ ସ୍ଵାୟୁଧଃ ସ୍ଵାମୀ ସ୍ଵାନନ୍ୟଃ ସ୍ଵାଂଶିତାଖିଲଃ ।
ସ୍ଵାହାରୂପୋ ଵସୁମନାଃ ଵଟୁକଃ କ୍ଷେତ୍ରପାଲକଃ ॥ ୧୩୨ ॥

ହିତଃ ପ୍ରମାତା ପ୍ରାଗ୍ଵର୍ତୀ ସର୍ଵୋପନିଷଦାଶୟଃ ।
ହିରଣ୍ୟବାହୁସ୍ସେନାନୀର୍ହରିକେଶୋ ଦିଶାମ୍ପତିଃ ॥ ୧୩୩ ॥

ହେତୁଦୃଷ୍ଟାନ୍ତନିର୍ମୁକ୍ତୋ ହେତୁର୍ହେରମ୍ବଜନ୍ମଭୂଃ ।
ହେୟାଦେୟଵିନିର୍ମୁକ୍ତୋ ହେଲାକଲିତତାଣ୍ଡଵଃ ॥ ୧୩୪ ॥

ହେଲାଵିନିର୍ମିତଜଗଦ୍ଧେମଶ୍ଵଶ୍ରୁର୍ହିରଣ୍ମୟଃ ।
ଜ୍ଞାନଲିଙ୍ଗୋ ଗତିର୍ଜ୍ଞାନୀ ଜ୍ଞାନଗମ୍ୟୋଽଭାସକଃ ॥ ୧୩୫ ॥

ଉତ୍ତର ପୀଠିକା ।
ଇତି କୁଞ୍ଚିତପାଦସ୍ୟ ନଟରାଜସ୍ୟ ସୁନ୍ଦରମ୍ ।
ନାମ୍ନାଂ ସହସ୍ରଂ ସମ୍ପ୍ରୋକ୍ତଂ ମୟା ଦେଵି ତ୍ଵଦାଦରାତ୍ ॥ ୧ ॥

ସର୍ଵମନ୍ତ୍ରମୟଂ ହ୍ୟେତତ୍ ନ ପ୍ରକାଶ୍ୟଂ କଦାଚନ ।
ସଚ୍ଛିଷ୍ୟାୟ ଵିନୀତାୟ ଭକ୍ତାୟ ନଟନାୟକେ ॥ ୨ ॥

କରାଙ୍ଗନ୍ୟାସସଂୟୁକ୍ତଂ ପ୍ରୋକ୍ତଵ୍ୟଂ ଧ୍ୟାନସଂୟୁତମ୍ ।
କନ୍ୟାର୍ଥୀ ଲଭତେ କନ୍ୟାଂ ଧନାର୍ଥୀ ଧନମାପ୍ନୁୟାତ୍ ॥ ୩ ॥

ଵିଦ୍ୟାର୍ଥୀ ଲଭତେ ଵିଦ୍ୟାଂ ପୁତ୍ରାର୍ଥୀ ପୁତ୍ରମାପ୍ନୁୟାତ୍ ।
ୟଦ୍ୟତ୍ ପ୍ରାର୍ଥୟତେ ମର୍ତ୍ୟଃ ତତ୍ସର୍ଵଂ ଲଭତେ ଧୁଵମ୍ ॥ ୪ ॥

ସର୍ଵସିଦ୍ଧିକରଂ ପୁଣ୍ୟଂ ସର୍ଵଵିଦ୍ୟାଵିଵର୍ଦ୍ଧନମ୍ ।
ସର୍ଵସମ୍ପତ୍ପ୍ରଦମିଦଂ ସର୍ଵାପଦ୍ଘ୍ନମଘାପହମ୍ ॥ ୫ ॥

ଆଭିଚାରପ୍ରୟୋଗାଦିମହାକୃତ୍ୟାନିଵାରଣମ୍ ।
ଅପସ୍ମାରମହାଵ୍ୟାଧିଜ୍ଵରକୁଷ୍ଠାଦିନାଶନମ୍ ॥ ୬ ॥

ଅତ୍ୟୁତ୍ପାତଭୟକ୍ଷୋଭକ୍ଷୁଦ୍ରଵାରଣକାରଣମ୍ ।
କୂଶ୍ମାଣ୍ଡରୁଦ୍ରଵେତାଲଶାକିନ୍ୟାଦିଭୟାପହମ୍ ॥ ୭ ॥

ସ୍ମରଣାଦେଵ ଜନ୍ତୂନାଂ ବ୍ରହ୍ମହତ୍ୟାଦିନାଶନମ୍ ।
ଅସ୍ମାତ୍ପରତରଂ ସ୍ତୋତ୍ରଂ ନାସ୍ତି ଲୋକତ୍ରୟେଽମ୍ବିକେ ॥ ୮ ॥

ଏତନ୍ନାମସହସ୍ରସ୍ୟ ପଠନାତ୍ସକୃଦେଵ ହି ।
ମହାପାତକୟୁକ୍ତୋଽପି ଶିଵସାୟୁଜ୍ୟମାପ୍ନୁୟାତ୍ ॥ ୯ ॥

ପ୍ରୟୋଗଲକ୍ଷଣଂ ଵକ୍ଷ୍ୟେ ଶୃଣୁ ଶୈଲସୁତେଽଧୁନା ।
ପଞ୍ଚମ୍ୟାମଥଵାଷ୍ଟମ୍ୟାଂ ଦଶମ୍ୟାଂ ଵା ଵିଶେଷତଃ ॥ ୧୦ ॥

ସ୍ନାତ୍ଵା ଶୁଭାସନେ ସ୍ଥିତ୍ଵା ଧ୍ୟାୟନ୍ ଶ୍ରୀନଟନାୟକମ୍ ।
ପ୍ରଜପେତ୍ଦ୍ଵାଦଶାଵୃତ୍ୟା ସର୍ଵାନ୍କାମାନଵାପ୍ନୁୟାତ୍ ॥ ୧୧ ॥

ଆର୍ଦ୍ରାୟାଂ ପ୍ରାତରାରଭ୍ୟ ନଟନାଥସ୍ୟ ସନ୍ନିଧୌ ।
ଆସାୟଂ ପ୍ରଜପେଦେତତ୍ ଏଵଂ ସଂଵତ୍ସରତ୍ରୟମ୍ ॥ ୧୨ ॥

ତସ୍ୟ ଭକ୍ତସ୍ୟ ଦେଵେଶଃ ନଟନଂ ଦର୍ଶୟେତ୍ପ୍ରଭୁଃ ।
ବିଲ୍ଵଵୃକ୍ଷସ୍ୟ ନିକଟେ ପ୍ରଦୋଷେ ପ୍ରଜପେଦିଦମ୍ ॥ ୧୩ ॥

ଷଡ୍ଭିର୍ମାସୈମହୈଶ୍ଵର୍ୟଂ ଲଭତେ ନଚିରାନ୍ନରଃ ।
ଅନେନ ସ୍ତୋତ୍ରରାଜେନ ମନ୍ତ୍ରିତଂ ଭସ୍ମ ଧାରୟେତ୍ ॥ ୧୪ ॥

ଭସ୍ମାଵଲୋକନାନ୍ମୃତ୍ୟୁର୍ଵଶ୍ୟୋ ଭଵତି ତତ୍କ୍ଷଣାତ୍ ।
ସଲିଲଂ ପ୍ରାଶୟେଦ୍ଧୀମାନ୍ମନ୍ତ୍ରେଣାନେନ ମନ୍ତ୍ରିତମ୍ ॥ ୧୫ ॥

ସର୍ଵଵିଦ୍ୟାମୟୋ ଭୂତ୍ଵା ଵ୍ୟାକରୋତ୍ୟଶ୍ରୁତାଦିକମ୍ ।
ନାଟକାଦିମହାଗ୍ରନ୍ଥଂ କୁରୁତେ ନାତ୍ର ସଂଶୟଃ ॥ ୧୬ ॥

ଚତୁର୍ଥ୍ୟନ୍ତଂ ସମୁଚ୍ଚାର୍ୟ ନାମୈକଂ ତୁ ତତୋ ଜପେତ୍ ।
ପଞ୍ଚାକ୍ଷରଂ ତଥା ନାମ୍ରା ସହସ୍ରଂ ପ୍ରଜପେତ୍କ୍ରମାତ୍ ॥ ୧୭ ॥

ଏଵଂ ତ୍ରିଵାରଂ ମାସାନାଂ ଅଷ୍ଟାଵିଂଶତିକେ ଗତେ ।
ନିଗ୍ରହାନୁଗ୍ରହୌ କର୍ତୁଂ ଶକ୍ତିରସ୍ୟୋପଜାୟତେ ॥ ୧୮ ॥

ନାମ୍ନାମାଦୌ ତଥାନ୍ତେ ଚ ପଞ୍ଚାକ୍ଷରମହାମନୁମ୍ ।
ଜପ୍ତ୍ଵା ମଧ୍ୟସ୍ଥିତଂ ନାମ ନିର୍ନମୋନ୍ତଂ ସଦାଽସକୃତ୍ ॥ ୧୯ ॥

ଚତୁର୍ଥ୍ୟନ୍ତଂ ଜପେଦ୍ଧୀମାନ୍ ତ୍ରିଵର୍ଷଂ ଚ ତ୍ରିଵାରକୈଃ ।
ଅଣିମାଦିମହାସିଦ୍ଧିମଚିରାତ୍ପ୍ରାପ୍ନୁୟାଦ୍ଧ୍ରୁଵମ୍ ॥ ୨୦ ॥

ସର୍ଵେଷ୍ଵପି ଚ ଲୋକେଷୁ ସିଦ୍ଧସ୍ସନ୍ନାଚରେନ୍ନରଃ ।
ଲକ୍ଷ୍ମୀବୀଜଦ୍ଵୟକ୍ଷିପ୍ତମାଦ୍ୟନ୍ତେ ନାମ ୟଶ୍ଶିଵେ ॥ ୨୧ ॥

ଵାଞ୍ଛିତାଂ ଶ୍ରିୟମାପ୍ନୋତି ସତ୍ୟମୁକ୍ତଂ ଵରାନନେ ।
ହୃଲ୍ଲେଖାମନ୍ତ୍ରସଂୟୁକ୍ତଂ ପୂର୍ଵଵତ୍ସଂୟୁତଂ ଜପେତ୍ ॥ ୨୨ ॥

ୟୋଗସିଦ୍ଧିର୍ଭଵେତ୍ତସ୍ୟ ତ୍ରିଚତୁଃ ପଞ୍ଚଵତ୍ସରୈଃ ।
କିମତ୍ର ବହୁନୋକ୍ତେନ ୟା ୟା ସିଦ୍ଧିରଭୀପ୍ସିତା ॥ ୨୩ ॥

ସା ସା ସିଦ୍ଧିର୍ଭଵେଦସ୍ୟ ସତ୍ୟମେଵ ମୟୋଦିତମ୍ ।
କଣ୍ଠଦଘ୍ନଜଲେ ସ୍ଥିତ୍ଵା ତ୍ରିଵାରଂ ପ୍ରଜପେଦିଦମ୍ ॥ ୨୪ ॥

ରିପୂନୁଚ୍ଚାଟୟେଚ୍ଛୀଘ୍ରମେକେନୈଵ ଦିନେନ ସଃ ।
ଦକ୍ଷିଣାଭିମୁଖୋ ଭୂତ୍ଵା ଧୃତ୍ଵାର୍ଦ୍ରଵସନଂ ଶୁଚିଃ ॥ ୨୫ ॥

ଶତ୍ରୁନାମ ସମୁଚ୍ଚାର୍ୟ ମାରୟେତି ପଦାଙ୍କିତମ୍ ।
ପଠେଦିମଂ ସ୍ତଵଂ କ୍ରୋଧାତ୍ସପ୍ତକୃତ୍ଵଃ ତ୍ରିଭିର୍ଦିନୈଃ ॥ ୨୬ ॥

ସ ରିପୁର୍ମୃତ୍ୟୁଗେହସ୍ୟ ଧୁଵମାତିଥ୍ୟଭାଗ୍ଭଵେତ୍ ।
ହରିଦ୍ରୟା ନଟାଧୀଶଂ କୃତ୍ଵା ପ୍ରାଣାନ୍ପ୍ରତିଷ୍ଠିପେତ୍ ॥ ୨୭ ॥

ପୀତପୁଷ୍ପୈସ୍ସମଭ୍ୟର୍ଚ୍ୟ ସ୍ତୋତ୍ରମେତଜ୍ଜପେନ୍ନରଃ ।
ସ୍ତମ୍ଭୟେତ୍ସକଲାନ୍ ଲୋକାନ୍ କିମିହ କ୍ଷୁଦ୍ରମାନୁଷାନ୍ ॥ ୨୮ ॥

ଆକର୍ଷଣାୟ ସର୍ଵେଷାମୁତ୍ତରାଭିମୁଖୋ ଜପେତ୍ ।
ଵାଞ୍ଛିତାଃ ୟୋଷିତସ୍ସର୍ଵାସ୍ତଥା ଲୋକାନ୍ତରସ୍ଥିତାଃ ॥ ୨୯ ॥

ୟକ୍ଷାଶ୍ଚ କିନ୍ନରାଶ୍ଚାପି ରାଜାନୋ ଵଶମାପ୍ନୁୟୁଃ ।
କୁମ୍ଭସ୍ଥିତଂ ଜଲଂ ସ୍ପୃଷ୍ଟ୍ଵା ତ୍ରିଵାରଂ ପ୍ରଜପେଦିଦମ୍ ॥ ୩୦ ॥

ମହାଗ୍ରହଗଣଗ୍ରସ୍ତାନଭିଷେକଂ ତୁ କାରୟେତ୍ ।
ଜଲଦର୍ଶନମାତ୍ରେଣ ମୁଚ୍ୟତେ ଚ ଗ୍ରହାଦିଭିଃ ॥ ୩୧ ॥

ଅକାରାଦିଜ୍ଞକାରାନ୍ତନାମଗ୍ରଥିତମୁତ୍ତମମ୍ ।
ସ୍ତୋତ୍ରମେତଜ୍ଜପିତ୍ଵା ଚ ପଠିତ୍ଵା ଶ୍ରିୟମାପ୍ନୁୟାତ୍ ॥ ୩୨ ॥

ପୂଜୟିତ୍ଵା ନାମଭିଶ୍ଚ ନଟେଶପ୍ରୀତିଭାଗ୍ଭଵେତ୍ ।
କିମତ୍ର ବହୁନୋକ୍ତେନ ସିଦ୍ଧ୍ୟନ୍ତ୍ୟଖିଲସିଦ୍ଧୟଃ ॥ ୩୩ ॥

ସାକ୍ଷାନ୍ନଟେଶ୍ଵରୋ ଦେଵୋ ଵଶ୍ୟୋ ଭଵତି ଶୈଲଜେ ।
ଅସ୍ମାତ୍ପରତରା ସିଦ୍ଧିଃ କା ଵାସ୍ତି କଥୟ ପ୍ରିୟେ ॥ ୩୪ ॥

ନିଷ୍କାମସ୍ତ୍ଵଚିରାଦେଵ ବ୍ରହ୍ମଜ୍ଞାନମଵାପ୍ନୁୟାତ୍ ।
ତସ୍ମାତ୍ସର୍ଵପ୍ରୟତ୍ନେନ ୟତିଭିର୍ବ୍ରହ୍ମଚାରିଭିଃ ॥ ୩୫ ॥

ଵନସ୍ଥୈଶ୍ଚ ଗୃହସ୍ଥୈଶ୍ଚ ସର୍ଵୈର୍ଜପ୍ୟଂ ପ୍ରୟତ୍ନତଃ ।
ନିତ୍ୟକର୍ମଵଦେଵେଦଂ ସ୍ତୋତ୍ରଂ ଜପ୍ୟଂ ସଦାଦରାତ୍ ॥ ୩୬ ॥

ବ୍ରହ୍ମାଦୟୋଽପି ୟନ୍ନାମପାଠସ୍ୟୈଵ ପ୍ରସାଦତଃ ।
ସୃଷ୍ଟିସ୍ଥିତ୍ୟନ୍ତକର୍ତାରୋ ଜଗତାଂ ଚିରଜୀଵିନଃ ॥ ୩୭ ॥

ଅନ୍ୟେ ଚ ମୁନୟସ୍ସର୍ଵେ ହୟଗ୍ରୀଵାଦୟଃ ପୁରା ।
ପଠିତ୍ଵା ପରମାଂ ସିଦ୍ଧିଂ ପୁନରାଵୃତ୍ତିଵର୍ଜିତାମ୍ ॥ ୩୮ ॥

ଲେଭିରେ ତଦିଦଂ ସ୍ତୋତ୍ରଂ ପଠ ତ୍ଵମପି ଶୈଲଜେ ।
ଅସ୍ମାତ୍ପରତରଂ ଵେଦ୍ୟଂ ନାସ୍ତି ସତ୍ୟଂ ମୟୋଦିତମ୍ ॥ ୩୯ ॥

॥ ଶ୍ରୀଭୃଙ୍ଗିରିଟି ସଂହିତାୟାଂ ଶ୍ରୀଶିଵକାମସୁନ୍ଦରୀସମେତ ଶ୍ରୀ
ନଟରାଜରାଜ କୁଞ୍ଚିତପାଦସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥

॥ ଶିଵମ୍ ॥

ତତଃ ଚିନ୍ତାମଣିମନ୍ତ୍ରେଣ ଅଙ୍ଗନ୍ୟାସଂ, ଧ୍ୟାୟେତ୍କୋଟି ରଵିପ୍ରଭମିତି
ଫାଲେରତ୍ନତ୍ରିପୁଣ୍ଡ୍ରଂ ଇତି ଧ୍ୟାନଂ ଲଂ ପୃଥିଵ୍ୟାତ୍ମନ
ଇତି ପଞ୍ଚ ପୂଜାଂ ଚ କୁର୍ୟାତ୍ ।
ଭୂର୍ଭୁଵସ୍ସୁଵରୋମିତି ଦିକ୍ଵିମୋକଃ ଇତି ତୁ ଵିଶେଷଃ ।
ଚିନ୍ତାମଣି ମନ୍ତ୍ରଃ ସନିୟମଂ ଗୁରୂପଦେଶାତ୍ ଜ୍ଞେୟଃ ॥

ୟଃ ଶିଵୋ ନାମରୂପାଭ୍ୟାଂ ୟା ଦେଵୀ ସର୍ଵମଙ୍ଗଲା ।
ତୟୋଃ ସଂସ୍ମରଣାନ୍ନିତ୍ୟଂ ସର୍ଵତୋ ଜୟମଙ୍ଗଲମ୍ ॥

॥ ମହୋତ୍ସଵୟାତ୍ରାକ୍ରମଃ ॥

ମଞ୍ଚେ ଚନ୍ଦ୍ରାର୍କଭୂତେଷ୍ଵପି ଵୃଷଗଜରାଡ୍ରାଜତାଦ୍ରିଷ୍ଵଥାଶ୍ଵୈଃ
ସୋମାସ୍କନ୍ଦସ୍ଵରୂପସ୍ସ୍ଵୟମୁରୁନୟନେ ଗୋରଥେ ମାର୍ଗଣୋ ୟଃ ।
ସ୍ଥିତ୍ଵା ବ୍ରହ୍ମୋତ୍ସଵେଷୁ ତ୍ରିଷୁ ଚ ନଟପତିଃ ପ୍ରତ୍ୟହଂ ଵୀଥିୟାତ୍ରାଂ
କୃତ୍ଵା ସ୍ନାତ୍ଵା ସହ ସ୍ଵଂ ପ୍ରଵିଶତି ଶିଵୟା କୁଞ୍ଚିତାଙ୍ଘ୍ରିଂ ଭଜ୍ୟେଽହମ୍ ॥

ମଙ୍ଗଲଂ ଚିତ୍ସଭେଶାୟ ମହନୀୟଗୁଣାତ୍ମନେ ।
ଚକ୍ରଵର୍ତିନୁତାୟ ଶ୍ରୀନଟରାଜାୟ ମଙ୍ଗଲମ୍ ॥

॥ ନଟରାଜରାଜଃ ଶୁଭମାତନୋତୁ ॥

Also Read:

1000 Names of Sri Nataraja Kunchithapadam Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil