1008 - Sahasranamavali Sri Rama Stotram Vishnu Stotram

1000 Names of Sri Rama | Sahasranamam Sri Madanandaramayane Stotram Lyrics in Gujarati

Shri Rama Sahasranamam Shri Madanandaramayane Lyrics in Gujarati:

॥ শ্রীরামসহস্রনামম্ শ্রীমদানন্দরামায়ণে ॥
শ্রীপার্বত্যুবাচ
শ্রোতুমিচ্ছামি দেবেশ তদহং সর্বকামদম্ ।
নাম্নাং সহস্রং মাং ব্রূহি য়দস্তি ময়ি তে দয়া ॥ ২৮ ॥

শ্রীমহাদেব উবাচ
অথ বক্ষ্যামি ভো দেবি রামনামসহস্রকম্ ।
শৃণুষ্বৈকমনাঃ স্তোত্রং গুহ্যাদ্গুহ্যতরং মহত্ ॥ ২৯ ॥

ঋষির্বিনায়কশ্চাস্য হ্যনুষ্টুপ্ ছন্দ উচ্যতে ।
পরব্রহ্মাত্মকো রামো দেবতা শুভদর্শনে ॥ ৩০ ॥

ওঁ অস্য শ্রীরামসহস্রনামমালামন্ত্রস্য বিনায়ক ঋষিঃ ।
অনুষ্টুপ্ ছন্দঃ । শ্রীরামো দেবতা ।
মহাবিষ্ণুরিতি বীজম্ । গুণভৃন্নির্গুণো মহানিতি শক্তিঃ ।
সচ্চিদানন্দবিগ্রহ ইতি কীলকম্ ।
শ্রীরামপ্রীত্যর্থে জপে বিনিয়োগঃ ॥

আঙ্গুলিন্যাসঃ
ওঁ শ্রীরামচন্দ্রায় অঙ্গুষ্ঠাভ্যাং নমঃ ।
সীতাপতয়ে তর্জনীভ্যাং নমঃ ।
রঘুনাথায় মধ্যমাভ্যাং নমঃ ।
ভরতাগ্রজায় অনামিকাভ্যাং নমঃ ।
দশরথাত্মজায় কনিষ্ঠিকাভ্যাং নমঃ ।
হনুমত্প্রভবে করতলকরপৃষ্ঠাভ্যাং নমঃ ॥

হৃদয়াদিন্যাসঃ
ওঁ শ্রীরামচন্দ্রায় হৃদয়ায় নমঃ ।
সীতাপতয়ে শিরসে স্বাহা ।
রঘুনাথায় শিখায়ৈ বষট্ ।
ভরতাগ্রজায় কবচায় হুম্ ।
দশরথাত্মজায় নেত্রত্রয়ায় বৌষট্ ।
হনুমত্প্রভবে অস্ত্রায় ফট্ ॥

অথ ধ্যানম্ ।
ধ্যায়েদাজানুবাহুং ধৃতশরধনুষং বদ্ধপদ্মাসনস্থং
পীতং বাসো বসানং নবকমলস্পর্ধি নেত্রং প্রসন্নম্ ।
বামাঙ্কারূঢসীতামুখকমলমিলল্লোচনং নীরদাভং
নানালঙ্কারদীপ্তং দধতমুরুজটামণ্ডলং রামচন্দ্রম্ ॥ ৩১ ॥

বৈদেহীসহিতং সুরদ্রুমতলে হৈমে মহামণ্ডপে
মধ্যে পুষ্পকমাসনে মণিময়ে বীরাসনে সংস্থিতম্ ।
অগ্রে বাচয়তি প্রভঞ্জনেসুতে তত্ত্বং মুনিভ্যঃ পরং
ব্যাখ্যান্তং ভরতাদিভিঃ পরিবৃতং রামং ভজে শ্যামলম্ ॥ ৩২ ॥

সৌবর্ণমণ্ডপে দিব্যে পুষ্পকে সুবিরাজিতে ।
মূলে কল্পতরোঃ স্বর্ণপীঠে সিংহাষ্টসংয়ুতে ॥ ৩৩ ॥

মৃদুশ্লক্ষ্ণতরে তত্র জানক্যা সহ সংস্থিতম্ ।
রামং নীলোত্পলশ্যামং দ্বিভুজং পীতবাসসম্ ॥ ৩৪ ॥

স্মিতবক্ত্রং সুখাসীনং পদ্মপত্রনিভেক্ষণম্ ।
কিরীটহারকেয়ূরকুণ্ডলৈঃ কটকাদিভিঃ ॥ ৩৫ ॥

ভ্রাজমানং জ্ঞানমুদ্রাধরং বীরাসনস্থিতম্ ।
স্পৃশন্তং স্তনয়োরগ্রে জানক্যাঃ সব্যপাণিনা ॥ ৩৬ ॥

বসিষ্ঠবামদেবাদ্যৈঃ সেবিতং লক্ষ্মণাদিভিঃ ।
অয়োধ্যানগরে রম্যে হ্যভিষিক্তং রঘূদ্বহম্ ॥ ৩৭ ॥

এবং ধ্যাত্বা জপেন্নিত্যং রামনামসহস্রকম্ ।
হত্যাকোটিয়ুতো বাপি মুচ্যতে নাত্র সংশয়ঃ ॥ ৩৮ ॥

(অথ সহস্রনাম স্তোত্র প্রারম্ভঃ ।)
ওঁ রামঃ শ্রীমান্মহাবিষ্ণুর্জিষ্ণুর্দেবহিতাবহঃ ।
তত্ত্বাত্মা তারকব্রহ্ম শাশ্বতঃ সর্বসিদ্ধিদঃ ॥ ৩৯ ॥

রাজীবলোচনঃ শ্রীমান্ শ্রীরামো রঘুপুঙ্গবঃ ।
রামভদ্রঃ সদাচারো রাজেন্দ্রো জানকীপতিঃ ॥ ৪০ ॥

অগ্রগণ্যো বরেণ্যশ্চ বরদঃ পরমেশ্বরঃ ।
জনার্দনো জিতামিত্রঃ পরার্থৈকপ্রয়োজনঃ ॥ ৪১ ॥

বিশ্বামিত্রপ্রিয়ো দাতা শত্রুজিচ্ছত্রুতাপনঃ ।
সর্বজ্ঞঃ সর্ববেদাদিঃ শরণ্যো বালিমর্দনঃ ॥ ৪২ ॥

জ্ঞানভব্যোঽপরিচ্ছেদ্যো বাগ্মী সত্যব্রতঃ শুচিঃ ।
জ্ঞানগম্যো দৃঢপ্রজ্ঞঃ খরধ্বংসঃ প্রতাপবান্ ॥ ৪৩ ॥

দ্যুতিমানাত্মবান্ বীরো জিতক্রোধোঽরিমর্দনঃ ।
বিশ্বরূপো বিশালাক্ষঃ প্রভুঃ পরিবৃঢো দৃঢঃ ॥ ৪৪ ॥

ঈশঃ খড্গধরঃ শ্রীমান্ কৌসল্যেয়োঽনসূয়কঃ ।
বিপুলাংসো মহোরস্কঃ পরমেষ্ঠী পরায়ণঃ ॥ ৪৫ ॥

সত্যব্রতঃ সত্যসন্ধো গুরুঃ পরমধার্মিকঃ ।
লোকেশো লোকবন্দ্যশ্চ লোকাত্মা লোককৃদ্বিভুঃ ॥ ৪৬ ॥

অনাদির্ভগবান্ সেব্যো জিতমায়ো রঘূদ্বহঃ ।
রামো দয়াকরো দক্ষঃ সর্বজ্ঞঃ সর্বপাবনঃ ॥ ৪৭ ॥

ব্রহ্মণ্যো নীতিমান্ গোপ্তা সর্বদেবময়ো হরিঃ ।
সুন্দরঃ পীতবাসাশ্চ সূত্রকারঃ পুরাতনঃ ॥ ৪৮ ॥

সৌম্যো মহর্ষিঃ কোদণ্ডঃ সর্বজ্ঞঃ সর্বকোবিদঃ ।
কবিঃ সুগ্রীববরদঃ সর্বপুণ্যাধিকপ্রদঃ ॥ ৪৯ ॥

ভব্যো জিতারিষড্বর্গো মহোদারোঽঘনাশনঃ ।
সুকীর্তিরাদিপুরুষঃ কান্তঃ পুণ্যকৃতাগমঃ ॥ ৫০ ॥

অকল্মষশ্চতুর্বাহুঃ সর্বাবাসো দুরাসদঃ । 100
স্মিতভাষী নিবৃত্তাত্মা স্মৃতিমান্ বীর্যবান্ প্রভুঃ ॥ ৫১ ॥

ধীরো দান্তো ঘনশ্যামঃ সর্বায়ুধবিশারদঃ ।
অধ্যাত্ময়োগনিলয়ঃ সুমনা লক্ষ্মণাগ্রজঃ ॥ ৫২ ॥

সর্বতীর্থময়ঃ শূরঃ সর্বয়জ্ঞফলপ্রদঃ ।
য়জ্ঞস্বরূপো য়জ্ঞেশো জরামরণবর্জিতঃ ॥ ৫৩ ॥

বর্ণাশ্রমগুরুর্বর্ণী শত্রুজিত্পুরুষোত্তমঃ ।
শিবলিঙ্গপ্রতিষ্ঠাতা পরমাত্মা পরাপরঃ ॥ ৫৪ ॥

প্রমাণভূতো দুর্জ্ঞেয়ঃ পূর্ণঃ পরপুরঞ্জয়ঃ ।
অনন্তদৃষ্টিরানন্দো ধনুর্বেদো ধনুর্ধরঃ ॥ ৫৫ ॥

গুণাকারো গুণশ্রেষ্ঠঃ সচ্চিদানন্দবিগ্রহঃ ।
অভিবাদ্যো মহাকায়ো বিশ্বকর্মা বিশারদঃ ॥ ৫৬ ॥

বিনীতাত্মা বীতরাগস্তপস্বীশো জনেশ্বরঃ ।
কল্যাণঃ প্রহ্বতিঃ কল্পঃ সর্বেশঃ সর্বকামদঃ ॥ ৫৭ ॥

অক্ষয়ঃ পুরুষঃ সাক্ষী কেশবঃ পুরুষোত্তমঃ ।
লোকাধ্যক্ষো মহাকার্যো বিভীষণবরপ্রদঃ ॥ ৫৮ ॥

আনন্দবিগ্রহো জ্যোতির্হনুমত্প্রভুরব্যয়ঃ ।
ভ্রাজিষ্ণুঃ সহনো ভোক্তা সত্যবাদী বহুশ্রুতঃ ॥ ৫৯ ॥

সুখদঃ কারণং কর্তা ভববন্ধবিমোচনঃ ।
দেবচূডামণির্নেতা ব্রহ্মণ্যো ব্রহ্মবর্ধনঃ ॥ ৬০ ॥

সংসারতারকো রামঃ সর্বদুঃখবিমোক্ষকৃত্ ।
বিদ্বত্তমো বিশ্বকর্তা বিশ্বকৃদ্বিশ্বকর্ম চ ॥ ৬১ ॥

নিত্যো নিয়তকল্যাণঃ সীতাশোকবিনাশকৃত্ ।
কাকুত্স্থঃ পুণ্ডরীকাক্ষো বিশ্বামিত্রভয়াপহঃ ॥ ৬২ ॥

মারীচমথনো রামো বিরাধবধপণ্ডিতঃ ।
দুঃস্বপ্ননাশনো রম্যঃ কিরীটী ত্রিদশাধিপঃ ॥ ৬৩ ॥

মহাধনুর্মহাকায়ো ভীমো ভীমপরাক্রমঃ ।
তত্ত্বস্বরূপস্তত্ত্বজ্ঞস্তত্ত্ববাদী সুবিক্রমঃ ॥ ৬৪ ॥

ভূতাত্ম ভূতকৃত্স্বামী কালজ্ঞানী মহাবপুঃ ।
অনির্বিণ্ণো গুণগ্রামো নিষ্কলঙ্কঃ কলঙ্কহা ॥ ৬৫ ॥

স্বভাবভদ্রঃ শত্রুঘ্নঃ কেশবঃ স্থাণুরীশ্বরঃ ।
ভূতাদিঃ শংভুরাদিত্যঃ স্থবিষ্ঠঃ শাশ্বতো ধ্রুবঃ ॥ ৬৬ ॥

কবচী কুণ্ডলী চক্রী খড্গী ভক্তজনপ্রিয়ঃ ।
অমৃত্যুর্জন্মরহিতঃ সর্বজিত্সর্বগোচরঃ ॥ ৬৭ ॥

অনুত্তমোঽপ্রমেয়াত্মা সর্বাত্মা গুণসাগরঃ । 200
রামঃ সমাত্মা সমগো জটামুকুটমণ্ডিতঃ ॥ ৬৮ ॥

অজেয়ঃ সর্বভূতাত্মা বিষ্বক্সেনো মহাতপাঃ ।
লোকাধ্যক্ষো মহাবাহুরমৃতো বেদবিত্তমঃ ॥ ৬৯ ॥

সহিষ্ণুঃ সদ্গতিঃ শাস্তা বিশ্বয়োনির্মহাদ্যুতিঃ ।
অতীন্দ্র ঊর্জিতঃ প্রাংশুরুপেন্দ্রো বামনো বলিঃ ॥ ৭০ ॥

ধনুর্বেদো বিধাতা চ ব্রহ্মা বিষ্ণুশ্চ শঙ্করঃ ।
হংসো মরীচির্গোবিন্দো রত্নগর্ভো মহদ্দ্যুতিঃ ॥ ৭১ ॥ var মহাদ্যুতিঃ
ব্যাসো বাচস্পতিঃ সর্বদর্পিতাসুরমর্দনঃ ।
জানকীবল্লভঃ শ্রীমান্ প্রকটঃ প্রীতিবর্ধনঃ ॥ ৭২ ॥

সংভবোঽতীন্দ্রিয়ো বেদ্যো নির্দেশো জাম্ববত্প্রভুঃ ।
মদনো মন্মথো ব্যাপী বিশ্বরূপো নিরঞ্জনঃ ॥ ৭৩ ॥

নারায়ণোঽগ্রণী সাধুর্জটায়ুপ্রীতিবর্ধনঃ ।
নৈকরূপো জগন্নাথঃ সুরকার্যহিতঃ প্রভুঃ ॥ ৭৪ ॥

জিতক্রোধো জিতারাতিঃ প্লবগাধিপরাজ্যদঃ ।
বসুদঃ সুভুজো নৈকমায়ো ভব্যঃ প্রমোদনঃ ॥ ৭৫ ॥

চণ্ডাংশুঃ সিদ্ধিদঃ কল্পঃ শরণাগতবত্সলঃ ।
অগদো রোগহর্তা চ মন্ত্রজ্ঞো মন্ত্রভাবনঃ ॥ ৭৬ ॥

সৌমিত্রিবত্সলো ধুর্যো ব্যক্তাব্যক্তস্বরূপধৃক্ ।
বসিষ্ঠো গ্রামণীঃ শ্রীমাননুকূলঃ প্রিয়ংবদঃ ॥ ৭৭ ॥

অতুলঃ সাত্ত্বিকো ধীরঃ শরাসনবিশারদঃ ।
জ্যেষ্ঠঃ সর্বগুণোপেতঃ শক্তিমাংস্তাটকান্তকঃ ॥ ৭৮ ॥

বৈকুণ্ঠঃ প্রাণিনাং প্রাণঃ কমলঃ কমলাধিপঃ ।
গোবর্ধনধরো মত্স্যরূপঃ কারুণ্যসাগরঃ ॥ ৭৯ ॥

কুম্ভকর্ণপ্রভেত্তা চ গোপিগোপালসংবৃতঃ । 300
মায়াবী ব্যাপকো ব্যাপী রেণুকেয়বলাপহঃ ॥ ৮০ ॥

পিনাকমথনো বন্দ্যঃ সমর্থো গরুডধ্বজঃ ।
লোকত্রয়াশ্রয়ো লোকভরিতো ভরতাগ্রজঃ ॥ ৮১ ॥

শ্রীধরঃ সঙ্গতির্লোকসাক্ষী নারায়ণো বিভুঃ ।
মনোরূপী মনোবেগী পূর্ণঃ পুরুষপুঙ্গবঃ ॥ ৮২ ॥

য়দুশ্রেষ্ঠো য়দুপতির্ভূতাবাসঃ সুবিক্রমঃ ।
তেজোধরো ধরাধরশ্চতুর্মূর্তির্মহানিধিঃ ॥ ৮৩ ॥

চাণূরমথনো বন্দ্যঃ শান্তো ভরতবন্দিতঃ ।
শব্দাতিগো গভীরাত্মা কোমলাঙ্গঃ প্রজাগরঃ ॥ ৮৪ ॥

লোকোর্ধ্বগঃ শেষশায়ী ক্ষীরাব্ধিনিলয়োঽমলঃ ।
আত্মজ্যোতিরদীনাত্মা সহস্রার্চিঃ সহস্রপাত্ ॥ ৮৫ ॥

অমৃতাংশুর্মহীগর্তো নিবৃত্তবিষয়স্পৃহঃ ।
ত্রিকালজ্ঞো মুনিঃ সাক্ষী বিহায়সগতিঃ কৃতী ॥ ৮৬ ॥

পর্জন্যঃ কুমুদো ভূতাবাসঃ কমললোচনঃ ।
শ্রীবত্সবক্ষাঃ শ্রীবাসো বীরহা লক্ষ্মণাগ্রজঃ ॥ ৮৭ ॥

লোকাভিরামো লোকারিমর্দনঃ সেবকপ্রিয়ঃ ।
সনাতনতমো মেঘশ্যামলো রাক্ষসান্তকঃ ॥ ৮৮ ॥

দিব্যায়ুধধরঃ শ্রীমানপ্রমেয়ো জিতেন্দ্রিয়ঃ ।
ভূদেববন্দ্যো জনকপ্রিয়কৃত্প্রপিতামহঃ ॥ ৮৯ ॥

উত্তমঃ সাত্বিকঃ সত্যঃ সত্যসন্ধস্ত্রিবিক্রমঃ ।
সুবৃত্তঃ সুগমঃ সূক্ষ্মঃ সুঘোষঃ সুখদঃ সুহৃত্ ॥ ৯০ ॥

দামোদরোঽচ্যুতঃ শার্ঙ্গী বামনো মথুরাধিপঃ ।
দেবকীনন্দনঃ শৌরিঃ শূরঃ কৈটভমর্দনঃ ॥ ৯১ ॥

সপ্ততালপ্রভেত্তা চ মিত্রবংশপ্রবর্ধনঃ ।
কালস্বরূপী কালাত্মা কালঃ কল্যাণদঃ কলিঃ ॥ ৯২ ॥ 400
সংবত্সরো ঋতুঃ পক্ষো হ্যয়নং দিবসো য়ুগঃ ।
স্তব্যো বিবিক্তো নির্লেপঃ সর্বব্যাপী নিরাকুলঃ ॥ ৯৩ ॥

অনাদিনিধনঃ সর্বলোকপূজ্যো নিরাময়ঃ ।
রসো রসজ্ঞঃ সারজ্ঞো লোকসারো রসাত্মকঃ ॥ ৯৪ ॥

সর্বদুঃখাতিগো বিদ্যারাশিঃ পরমগোচরঃ ।
শেষো বিশেষো বিগতকল্মষো রঘুপুঙ্গবঃ ॥ ৯৫ ॥

বর্ণশ্রেষ্ঠো বর্ণভাব্যো বর্ণো বর্ণগুণোজ্জ্বলঃ ।
কর্মসাক্ষী গুণশ্রেষ্ঠো দেবঃ সুরবরপ্রদঃ ॥ ৯৬ ॥

দেবাধিদেবো দেবর্ষির্দেবাসুরনমস্কৃতঃ ।
সর্বদেবময়শ্চক্রী শার্ঙ্গপাণী রঘূত্তমঃ ॥ ৯৭ ॥

মনোগুপ্তিরহঙ্কারঃ প্রকৃতিঃ পুরুষোঽব্যয়ঃ ।
ন্যায়ো ন্যায়ী নয়ী শ্রীমান্ নয়ো নগধরো ধ্রুবঃ ॥ ৯৮ ॥

লক্ষ্মীবিশ্বম্ভরো ভর্তা দেবেন্দ্রো বলিমর্দনঃ ।
বাণারিমর্দনো য়জ্বানুত্তমো মুনিসেবিতঃ ॥ ৯৯ ॥

দেবাগ্রণীঃ শিবধ্যানতত্পরঃ পরমঃ পরঃ ।
সামগেয়ঃ প্রিয়ঃ শূরঃ পূর্ণকীর্তিঃ সুলোচনঃ ॥ ১০০ ॥

অব্যক্তলক্ষণো ব্যক্তো দশাস্যদ্বিপকেসরী ।
কলানিধিঃ কলানাথঃ কমলানন্দবর্ধনঃ ॥ ১০১ ॥

পুণ্যঃ পুণ্যাধিকঃ পূর্ণঃ পূর্বঃ পূরয়িতা রবিঃ ।
জটিলঃ কল্মষধ্বান্তপ্রভঞ্জনবিভাবসুঃ ॥ ১০২ ॥

জয়ী জিতারিঃ সর্বাদিঃ শমনো ভবভঞ্জনঃ ।
অলঙ্করিষ্ণুরচলো রোচিষ্ণুর্বিক্রমোত্তমঃ ॥ ১০৩ ॥

আশুঃ শব্দপতিঃ শব্দগোচরো রঞ্জনো লঘুঃ ।
নিঃশব্দপুরুষো মায়ো স্থূলঃ সূক্ষ্মো বিলক্ষণঃ ॥ ১০৪ ॥ 500
আত্ময়োনিরয়োনিশ্চ সপ্তজিহ্বঃ সহস্রপাত্ ।
সনাতনতমঃ স্রগ্বী পেশলো বিজিতাংবরঃ ॥ ১০৫ ॥

শক্তিমান্ শঙ্খভৃন্নাথো গদাধররথাঙ্গভৃত্ ।
নিরীহো নির্বিকল্পশ্চ চিদ্রূপো বীতসাধ্বসঃ ॥ ১০৬ ॥

সনাতনঃ সহস্রাক্ষঃ শতমূর্তির্ঘনপ্রভঃ ।
হৃত্পুণ্ডরীকশয়নঃ কঠিনো দ্রব এব চ ॥ ১০৭ ॥

সূর্যো গ্রহপতিঃ শ্রীমান্ সমর্থোঽনর্থনাশনঃ ।
অধর্মশত্রূ রক্ষোঘ্নঃ পুরুহূতঃ পুরস্তুতঃ ॥ ১০৮ ॥

ব্রহ্মগর্ভো বৃহদ্গর্ভো ধর্মধেনুর্ধনাগমঃ ।
হিরণ্যগর্ভো জ্যোতিষ্মান্ সুললাটঃ সুবিক্রমঃ ॥ ১০৯ ॥

শিবপূজারতঃ শ্রীমান্ ভবানীপ্রিয়কৃদ্বশী ।
নরো নারায়ণঃ শ্যামঃ কপর্দী নীললোহিতঃ ॥ ১১০ ॥

রুদ্রঃ পশুপতিঃ স্থাণুর্বিশ্বামিত্রো দ্বিজেশ্বরঃ ।
মাতামহো মাতরিশ্বা বিরিঞ্চির্বিষ্টরশ্রবাঃ ॥ ১১১ ॥

অক্ষোভ্যঃ সর্বভূতানাং চণ্ডঃ সত্যপরাক্রমঃ ।
বালখিল্যো মহাকল্পঃ কল্পবৃক্ষঃ কলাধরঃ ॥ ১১২ ॥

নিদাঘস্তপনো মেঘঃ শুক্রঃ পরবলাপহৃত্ ।
বসুশ্রবাঃ কব্যবাহঃ প্রতপ্তো বিশ্বভোজনঃ ॥ ১১৩ ॥

রামো নীলোত্পলশ্যামো জ্ঞানস্কন্দো মহাদ্যুতিঃ ।
কবন্ধমথনো দিব্যঃ কম্বুগ্রীবঃ শিবপ্রিয়ঃ ॥ ১১৪ ॥

সুখী নীলঃ সুনিষ্পন্নঃ সুলভঃ শিশিরাত্মকঃ ।
অসংসৃষ্টোঽতিথিঃ শূরঃ প্রমাথী পাপনাশকৃত্ ॥ ১১৫ ॥

পবিত্রপাদঃ পাপারির্মণিপূরো নভোগতিঃ ।
উত্তারণো দুষ্কৃতিহা দুর্ধর্ষো দুঃসহো বলঃ ॥ ১১৬ ॥ 600
অমৃতেশোঽমৃতবপুর্ধর্মী ধর্মঃ কৃপাকরঃ ।
ভগো বিবস্বানাদিত্যো য়োগাচার্যো দিবস্পতিঃ ॥ ১১৭ ॥

উদারকীর্তিরুদ্যোগী বাঙ্ময়ঃ সদসন্ময়ঃ ।
নক্ষত্রমানী নাকেশঃ স্বাধিষ্ঠানঃ ষডাশ্রয়ঃ ॥ ১১৮ ॥

চতুর্বর্গফলং বর্ণশক্তিত্রয়ফলং নিধিঃ ।
নিধানগর্ভো নির্ব্যাজো নিরীশো ব্যালমর্দনঃ ॥ ১১৯ ॥

শ্রীবল্লভঃ শিবারংভঃ শান্তো ভদ্রঃ সমঞ্জয়ঃ ।
ভূশায়ী ভূতকৃদ্ভূতির্ভূষণো ভূতভাবনঃ ॥ ১২০ ॥

অকায়ো ভক্তকায়স্থঃ কালজ্ঞানী মহাপটুঃ ।
পরার্ধবৃত্তিরচলো বিবিক্তঃ শ্রুতিসাগরঃ ॥ ১২১ ॥

স্বভাবভদ্রো মধ্যস্থঃ সংসারভয়নাশনঃ ।
বেদ্যো বৈদ্যো বিয়দ্গোপ্তা সর্বামরমুনীশ্বরঃ ॥ ১২২ ॥

সুরেন্দ্রঃ কারণং কর্মকরঃ কর্মী হ্যধোক্ষজঃ ।
ধৈর্যোঽগ্রধুর্যো ধাত্রীশঃ সঙ্কল্পঃ শর্বরীপতিঃ ॥ ১২৩ ॥

পরমার্থগুরুর্দৃষ্টিঃ সুচিরাশ্রিতবত্সলঃ ।
বিষ্ণুর্জিষ্ণুর্বিভুর্যজ্ঞো য়জ্ঞেশো য়জ্ঞপালকঃ ॥ ১২৪ ॥

প্রভুর্বিষ্ণুর্গ্রসিষ্ণুশ্চ লোকাত্মা লোকপালকঃ ।
কেশবঃ কেশিহা কাব্যঃ কবিঃ কারণকারণম্ ॥ ১২৫ ॥

কালকর্তা কালশেষো বাসুদেবঃ পুরুষ্টুতঃ ।
আদিকর্তা বরাহশ্চ বামনো মধুসূদনঃ ॥ ১২৬ ॥

নারায়ণো নরো হংসো বিষ্বক্সেনো জনার্দনঃ ।
বিশ্বকর্তা মহায়জ্ঞো জ্যোতিষ্মান্পুরুষোত্তমঃ ॥ ১২৭ ॥ 700
বৈকুণ্ঠঃ পুণ্ডরীকাক্ষঃ কৃষ্ণঃ সূর্যঃ সুরার্চিতঃ ।
নারসিংহো মহাভীমো বজ্রদংষ্ট্রো নখায়ুধঃ ॥ ১২৮ ॥

আদিদেবো জগত্কর্তা য়োগীশো গরুডধ্বজঃ ।
গোবিন্দো গোপতির্গোপ্তা ভূপতির্ভুবনেশ্বরঃ ॥ ১২৯ ॥

পদ্মনাভো হৃষীকেশো ধাতা দামোদরঃ প্রভুঃ ।
ত্রিবিক্রমস্ত্রিলোকেশো ব্রহ্মেশঃ প্রীতিবর্ধনঃ ॥ ১৩০ ॥

সংন্যাসী শাস্ত্রতত্ত্বজ্ঞো মন্দিরো গিরিশো নতঃ ।
বামনো দুষ্টদমনো গোবিন্দো গোপবল্লভঃ ॥ ১৩১ ॥

ভক্তপ্রিয়োঽচ্যুতঃ সত্যঃ সত্যকীর্তির্ধৃতিঃ স্মৃতিঃ ।
কারুণ্যঃ করুণো ব্যাসঃ পাপহা শান্তিবর্ধনঃ ॥ ১৩২ ॥

বদরীনিলয়ঃ শান্তস্তপস্বী বৈদ্যুতঃ প্রভুঃ ।
ভূতাবাসো মহাবাসো শ্রীনিবাসঃ শ্রিয়ঃ পতিঃ ॥ ১৩৩ ॥

তপোবাসো মুদাবাসঃ সত্যবাসঃ সনাতনঃ ।
পুরুষঃ পুষ্করঃ পুণ্যঃ পুষ্করাক্ষো মহেশ্বরঃ ॥ ১৩৪ ॥

পূর্ণমূর্তিঃ পুরাণজ্ঞঃ পুণ্যদঃ প্রীতিবর্ধনঃ ।
পূর্ণরূপঃ কালচক্রপ্রবর্তনসমাহিতঃ ॥ ১৩৫ ॥

নারায়ণঃ পরঞ্জ্যোতিঃ পরমাত্মা সদাশিবঃ ।
শঙ্খী চক্রী গদী শার্ঙ্গী লাঙ্গলী মুসলী হলী ॥ ১৩৬ ॥

কিরীটী কুণ্ডলী হারী মেখলী কবচী ধ্বজী ।
য়োদ্ধা জেতা মহাবীর্যঃ শত্রুঘ্নঃ শত্রুতাপনঃ ॥ ১৩৭ ॥

শাস্তা শাস্ত্রকরঃ শাস্ত্রং শঙ্করঃ শঙ্করস্তুতঃ ।
সারথী সাত্ত্বিকঃ স্বামী সামবেদপ্রিয়ঃ সমঃ ॥ ১৩৮ ॥ 800
পবনঃ সংহিতঃ শক্তিঃ সম্পূর্ণাঙ্গঃ সমৃদ্ধিমান্ ।
স্বর্গদঃ কামদঃ শ্রীদঃ কীর্তিদঃ কীর্তিদায়কঃ ॥ ১৩৯ ॥

মোক্ষদঃ পুণ্ডরীকাক্ষঃ ক্ষীরাব্ধিকৃতকেতনঃ ।
সর্বাত্মা সর্বলোকেশঃ প্রেরকঃ পাপনাশনঃ ॥ ১৪০ ॥

বৈকুণ্ঠঃ পুণ্ডরীকাক্ষঃ সর্বদেবনমস্কৃতঃ ।
সর্বব্যাপী জগন্নাথঃ সর্বলোকমহেশ্বরঃ ॥ ১৪১ ॥

সর্গস্থিত্যন্তকৃদ্দেবঃ সর্বলোকসুখাবহঃ ।
অক্ষয়ঃ শাশ্বতোঽনন্তঃ ক্ষয়বৃদ্ধিবিবর্জিতঃ ॥ ১৪২ ॥

নির্লেপো নির্গুণঃ সূক্ষ্মো নির্বিকারো নিরঞ্জনঃ ।
সর্বোপাধিবিনির্মুক্তঃ সত্তামাত্রব্যবস্থিতঃ ॥ ১৪৩ ॥

অধিকারী বিভুর্নিত্যঃ পরমাত্মা সনাতনঃ ।
অচলো নিশ্চলো ব্যাপী নিত্যতৃপ্তো নিরাশ্রয়ঃ ॥ ১৪৪ ॥

শ্যামী য়ুবা লোহিতাক্ষো দীপ্ত্যা শোভিতভাষণঃ ।
আজানুবাহুঃ সুমুখঃ সিংহস্কন্ধো মহাভুজঃ ॥ ১৪৫ ॥

সত্ত্ববান্ গুণসম্পন্নো দীপ্যমানঃ স্বতেজসা ।
কালাত্মা ভগবান্ কালঃ কালচক্রপ্রবর্তকঃ ॥ ১৪৬ ॥

নারায়ণঃ পরঞ্জ্যোতিঃ পরমাত্মা সনাতনঃ ।
বিশ্বকৃদ্বিশ্বভোক্তা চ বিশ্বগোপ্তা চ শাশ্বতঃ ॥ ১৪৭ ॥

বিশ্বেশ্বরো বিশ্বমূর্তির্বিশ্বাত্মা বিশ্বভাবনঃ ।
সর্বভূতসুহৃচ্ছান্তঃ সর্বভূতানুকম্পনঃ ॥ ১৪৮ ॥

সর্বেশ্বরঃ সর্বশর্বঃ সর্বদাঽঽশ্রিতবত্সলঃ ।
সর্বগঃ সর্বভূতেশঃ সর্বভূতাশয়স্থিতঃ ॥ ১৪৯ ॥

অভ্যন্তরস্থস্তমসশ্ছেত্তা নারায়ণঃ পরঃ ।
অনাদিনিধনঃ স্রষ্টা প্রজাপতিপতির্হরিঃ ॥ ১৫০ ॥

নরসিংহো হৃষীকেশঃ সর্বাত্মা সর্বদৃগ্বশী ।
জগতস্তস্থুষশ্চৈব প্রভুর্নেতা সনাতনঃ ॥ ১৫১ ॥ 900
কর্তা ধাতা বিধাতা চ সর্বেষাং পতিরীশ্বরঃ ।
সহস্রমূর্ধা বিশ্বাত্মা বিষ্ণুর্বিশ্বদৃগব্যয়ঃ ॥ ১৫২ ॥

পুরাণপুরুষঃ শ্রেষ্ঠঃ সহস্রাক্ষঃ সহস্রপাত্ ।
তত্ত্বং নারায়ণো বিষ্ণুর্বাসুদেবঃ সনাতনঃ ॥ ১৫৩ ॥

পরমাত্মা পরংব্রহ্ম সচ্চিদানন্দবিগ্রহঃ ।
পরঞ্জ্যোতিঃ পরন্ধাম পরাকাশঃ পরাত্পরঃ ॥ ১৫৪ ॥

অচ্যুতঃ পুরুষঃ কৃষ্ণঃ শাশ্বতঃ শিব ঈশ্বরঃ ।
নিত্যঃ সর্বগতঃ স্থাণূ রুদ্রঃ সাক্ষী প্রজাপতিঃ ॥ ১৫৫ ॥

হিরণ্যগর্ভঃ সবিতা লোককৃল্লোকভুগ্বিভুঃ ।
ওঁকারবাচ্যো ভগবান্ শ্রীভূলীলাপতিঃ প্রভুঃ ॥ ১৫৬ ॥

সর্বলোকেশ্বরঃ শ্রীমান্ সর্বজ্ঞঃ সর্বতোমুখঃ ।
স্বামী সুশীলঃ সুলভঃ সর্বগঃ সর্বশক্তিমান্ ॥ ১৫৭ ॥

নিত্যঃ সম্পূর্ণকামশ্চ নৈসর্গিকসুহৃত্সুখী ।
কৃপাপীয়ূষজলধিঃ শরণ্যঃ সর্বশক্তিমান্ ॥ ১৫৮ ॥

শ্রীমান্নারায়ণঃ স্বামী জগতাং প্রভুরীশ্বরঃ ।
মত্স্যঃ কূর্মো বরাহশ্চ নারসিংহোঽথ বামনঃ ॥ ১৫৯ ॥

রামো রামশ্চ কৃষ্ণশ্চ বৌদ্ধঃ কল্কী পরাত্পরঃ ।
অয়োধ্যেশো নৃপশ্রেষ্ঠঃ কুশবালঃ পরন্তপঃ ॥ ১৬০ ॥

লববালঃ কঞ্জনেত্রঃ কঞ্জাঙ্ঘ্রিঃ পঙ্কজাননঃ ।
সীতাকান্তঃ সৌম্যরূপঃ শিশুজীবনতত্পরঃ ॥ ১৬১ ॥

সেতুকৃচ্চিত্রকূটস্থঃ শবরীসংস্তুতঃ প্রভুঃ ।
য়োগিধ্যেয়ঃ শিবধ্যেয়ঃ শাস্তা রাবণদর্পহা ॥ ১৬২ ॥

শ্রীশঃ শরণ্যো ভূতানাং সংশ্রিতাভীষ্টদায়কঃ ।
অনন্তঃ শ্রীপতী রামো গুণভৃন্নির্গুণো মহান্ ॥ ১৬৩ ॥ 1000
এবমাদীনি নামানি হ্যসঙ্খ্যান্যপরাণি চ ।
একৈকং নাম রামস্য সর্বপাপপ্রণাশনম্ ॥ ১৬৪ ॥

সহস্রনামফলদং সর্বৈশ্বর্যপ্রদায়কম্ ।
সর্বসিদ্ধিকরং পুণ্যং ভুক্তিমুক্তিফলপ্রদম্ ॥ ১৬৫ ॥

মন্ত্রাত্মকমিদং সর্বং ব্যাখ্যাতং সর্বমঙ্গলম্ ।
উক্তানি তব পুত্রেণ বিঘ্নরাজেন ধীমতা ॥ ১৬৬ ॥

সনত্কুমারায় পুরা তান্যুক্তানি ময়া তব ।
য়ঃ পঠেচ্ছৃণুয়াদ্বাপি স তু ব্রহ্মপদং লভেত্ ॥ ১৬৭ ॥

তাবদেব বলং তেষাং মহাপাতকদন্তিনাম্ ।
য়াবন্ন শ্রূয়তে রামনামপঞ্চাননধ্বনিঃ ॥ ১৬৮ ॥

ব্রহ্মঘ্নশ্চ সুরাপশ্চ স্তেয়ী চ গুরুতল্পগঃ ।
শরণাগতঘাতী চ মিত্রবিশ্বাসঘাতকঃ ॥ ১৬৯ ॥

মাতৃহা পিতৃহা চৈব ভ্রূণহা বীরহা তথা ।
কোটিকোটিসহস্রাণি হ্যুপপাপানি য়ান্যপি ॥ ১৭০ ॥

সংবত্সরং ক্রমাজ্জপ্ত্বা প্রত্যহং রামসন্নিধৌ ।
নিষ্কণ্টকং সুখং ভুক্ত্বা ততো মোক্ষমবাপ্নুয়াত্ ॥ ১৭১ ॥

শ্রীরামনাম্নাং পরমং সহস্রকং পাপাপহং সৌখ্যবিবৃদ্ধিকারকম্ ।
ভবাপহং ভক্তজনৈকপালকং স্ত্রীপুত্রপৌত্রপ্রদমৃদ্ধিদায়কম্ ॥

ইতি শ্রীশতকোটিরামচরিতান্তর্গতে শ্রীমদানন্দরামায়ণে বাল্মীকীয়ে
রাজ্যকাণ্ডে পূর্বার্ধে শ্রীরামসহস্রনামকথনং নাম প্রথমঃ সর্গঃ ॥

Also Read 1000 Names of Sri Rama Sahasranamam Sri Madanandaramayane:

1000 Names of Sri Rama | Sahasranamam Sri Madanandaramayane Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment