ଆଦିତ୍ୟାଷ୍ଟକମ୍ Lyrics in Oriya:
ଉଦୟାଦ୍ରିମସ୍ତକମହାମଣିଂ ଲସତ୍-
କମଲାକରୈକସୁହୃଦଂ ମହୌଜସମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୧॥
ତିମିରାପହାରନିରତଂ ନିରାମୟଂ
ନିଜରାଗରଞ୍ଜିତଜଗତ୍ତ୍ରୟଂ ଵିଭୁମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୨॥
ଦିନରାତ୍ରିଭେଦକରମଦ୍ଭୁତଂ ପରଂ
ସୁରଵୃନ୍ଦସଂସ୍ତୁତଚରିତ୍ରମଵ୍ୟୟମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୩॥
ଶ୍ରୁତିସାରପାରମଜରାମୟଂ ପରଂ
ରମଣୀୟଵିଗ୍ରହମୁଦଗ୍ରରୋଚିଷମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୪॥
ଶୁକପକ୍ଷତୁଣ୍ଡସଦୃଶାଶ୍ଵମଣ୍ଡଲଂ
ଅଚଲାଵରୋହପରିଗୀତସାହସମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୫॥
ଶ୍ରୁତିତତ୍ତ୍ଵଗମ୍ୟମଖିଲାକ୍ଷିଗୋଚରଂ
ଜଗଦେକଦୀପମୁଦୟାସ୍ତରାଗିଣମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୬॥
ଶ୍ରିତଭକ୍ତଵତ୍ସଲମଶେଷକଲ୍ମଷ-
କ୍ଷୟହେତୁମକ୍ଷୟଫଲପ୍ରଦାୟିନମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୭॥
ଅହମନ୍ଵହଂ ସତୁରଗକ୍ଷତାଟଵୀ
ଶତକୋଟିହାଲକମହାମହୀଧନମ୍ ।
ଗଦପଙ୍କଶୋଷଣମଘୌଘନାଶନଂ
ଶରଣଂ ଗତୋଽସ୍ମି ରଵିମଂଶୁମାଲିନମ୍ ॥ ୮॥
ଇତି ସୌରମଷ୍ଟକମହର୍ମୁଖେ ରଵିଂ
ପ୍ରଣିପତ୍ୟ ୟଃ ପଠତି ଭକ୍ତିତୋ ନରଃ ।
ସ ଵିମୁଚ୍ୟତେ ସକଲରୋଗକଲ୍ମଷୈଃ
ସଵିତୁସ୍ସମୀପମପି ସମ୍ୟଗାପ୍ନୁୟାତ୍ ୯॥
ଇତି ଆଦିତ୍ୟାଷ୍ଟକଂ ସମାପ୍ତମ୍ ॥