Shri Appayya Dikshit’s Arya Ashatakam Lyrics in Bengali:
॥ আর্যাশতকম্ শ্রীমদপ্পয়্যদীক্ষিতবিরচিতম্ ॥
দয়য়া য়দীয়য়া বাঙ্নবরসরুচিরা সুধাধিকোদেতি ।
শরণাগতচিন্তিতদং তং শিবচিন্তামণিং বন্দে ॥ ১ ॥
শিরসি সিতাংশুকলাঢ্যং করুণাপীয়ূষপূরিতং নয়নে ।
স্মিতদুগ্ধমুগ্ধবদনং ললনাকলিতং মহঃ কলয়ে ॥ ২ ॥
অন্তে চিন্তয়তে য়ত্তত্তামেতীতি চ ত্বয়া গদিতম্ ।
শিব তব চরণদ্বন্দ্বধ্যানান্নির্দ্বন্দ্বতা চিত্রম্ ॥ ৩ ॥
দ্রুতমুদ্ধর হর সংহর সংহর ভববৈরিণং ত্বতিত্বরয়া।
ভব ভবতোঽপি ভবোঽয়ং রিপুরেতন্নিন্দিতং জগতি ॥ ৪ ॥
চেতসি চিন্তয় বামাং বা মাং বা ন দ্বিধা স্থিতস্যাহম্ ।
ইতি য়দি বদসি দয়াব্ধে বামার্ধে সা তবাপ্যস্তি ॥ ৫ ॥
মিত্রকলত্রসুতাদীন্ ধ্যায়স্যনিশং ন মাং ক্ষণং জাতু।
য়দি কুপ্যসি ময়ি দীনে তুলয়ামি ত্বাং কথং সহ তৈঃ ॥ ৬ ॥
মত্কৃতদুষ্কৃতশান্তির্বিষবহ্নিজলাদিয়াতনয়া ।
য়দি নিশ্চয়স্তবায়ং প্রেষয় গরলাগ্নিগঙ্গৌঘান্ ॥ ৭ ॥
ভোগং বিহায় য়োগং সাধয় দাস্যে তবাপি পরভাগম্ ।
মম কিং ন বাবকাশস্ত্বদ্ভূষাভোগিনাং মধ্যে ॥ ৮ ॥
ললনালোলবিলোকনজিতমিত্যবমন্যসে কথং মাং ত্বম্।
ত্বয়ি জায়ার্ধশরীরে শিব শিব নাঽঽলোকনানুভবঃ ॥ ৯ ॥
স্মরণাদনুপদমীদৃগ্বিস্মৃতিশীলো ন বল্লভোঽসি মম।
উত্পাদ্যাশাং ভঙ্ক্তুর্লগ্না বৃত্তিস্তবৈবেয়ম্ ॥ ১০ ॥
পুত্রঃ পিতৃবত্পুত্রী মাতৃবদিত্থং মমাত্র কো দোষঃ ।
অহমপি ভোগাসক্তঃ প্রকৃতির্জাতা বিষাদবতী ॥ ১১ ॥
বপুরর্ধং বামার্ধং শিরসি শশী সোঽপি ভূষণং তেঽর্ধম্ ।
মামপি তবার্ধভক্তং শিব শিব দেহে ন ধারয়সি ॥ ১২ ॥
স্তনপং শিশুং ত্বদীয়ং পালয় সাম্ব দ্রুতং ন পাসি য়দি ।
জগতঃ পিতেতি গীতং য়াতং নামেতি জানীহি ॥ ১৩ ॥
মাতরি হিত্বা বালং কার্যাকুলধীঃ পিতা বহির্যাতি ।
শিব বত শক্নোষি কথং স্বাঙ্গান্মন্মাতরং মোক্তুম্ ॥ ১৪ ॥
গুণহীনতাং তনূজে ময়ি দৃষ্ট্বা কিং পরিত্যজস্যেবম্ ।
উচিতং গুণিনস্ত্বেতন্নির্গুণরূপস্য তেঽনুচিতম্ ॥ ১৫ ॥
কামক্রোধকটাভ্যাং মদজলধারাং নিরঙ্কুশে স্রবতি ।
মত্কৃতদুষ্কৃতকরিণি প্রকটা পঞ্চাস্যতা তেঽস্তু ॥ ১৬ ॥
ত্বদ্ধীনং মাং দীনং দৃষ্ট্বা বিষয়াতিরাগসম্বদ্ধম্ ।
ধাবত্যকীর্তিরেষা নাথঃ শক্তোঽপ্যুদাসীনঃ ॥ ১৭ ॥
অরিভির্জিতৈরশক্তৈর্বিজ্ঞাপ্যং সেবকৈঃ প্রভোর্নীতিঃ ।
বিষয়ৈর্জিতোঽস্মি শম্ভো তব য়চ্ছ্লাঘ্যং তদারচয় ॥ ১৮ ॥
সংরক্ষ্যতে স্বদাসৈর্যদ্যদ্বস্তু প্রভোরভীষ্টতরম্ ।
দাসস্তবেষ্টকামঃ কান্তাং কনকং কথং ত্যজেয়মহম্ ॥ ১৯ ॥
পাপী পাপং সুকৃতী সুকৃতং ভুঙ্ক্তে মমাত্র কিং নু গতম্।
ইত্যৌদাস্যময়ুক্তং ভৃত্যাকীর্তিঃ প্রভোরেব ॥ ২০ ॥
বিকলেঽতিদীনচিত্তে বিষয়াশামাত্রধারিণি নিতান্তম্ ।
ময়ি রোষতঃ কিয়ত্ তে বদ বদ শম্ভো য়শো ভাবি ॥ ২১ ॥
স্বগৃহে ভুবনত্রিতয়ে য়োগক্ষেমে মুখানি চত্বারি ।
মত্প্রতিবচনং হি বিনা পঞ্চমবদনস্য কুত্র গতিঃ ॥ ২২ ॥
তব কোঽহং ত্বং মম কঃ পঞ্চস্বেবং বিচারয়স্বেতি ।
ব্রূষে দীনদয়াব্ধে পঞ্চমুখত্বং ত্বয়ি ব্যক্তম্ ॥ ২৩ ॥
য়াচস্বান্যং ধনিনং ভবিতা তব কো দিগম্বরাল্লাভঃ ।
মাং মা প্রতারয়ৈবং খ্যাতঃ শ্রীকণ্ঠনামাসি ॥ ২৪ ॥
বসনাশনপ্রদাতরি ময়ি জীবতি কিং সমাকুলস্ত্বমিতি ।
দোহায় মোচ্যমানো বত্সঃ কিং ন ত্বরাময়তে ॥ ২৫ ॥
পাতকরাশিরিতীদং ত্বয়াভিধানং শ্রুতং ন তদ্ দৃষ্টম্।
তদ্দর্শনকুতুকং য়দি মাং দ্রষ্টুং কিং বিলম্বসে দেব ॥ ২৬ ॥
পাতকরাশিরসি ত্বং পশ্যাম্যত এব নাহমিতি বদসি ।
পাতকরূপাজ্ঞানে শিব তব সর্বজ্ঞতাভঙ্গঃ ॥ ২৭ ॥
পাপং পাপমিতীদং করোষি শিব কিং মুধা বুধান্ ভ্রান্তান্ ।
তত্সত্যং চেন্ন কথং ত্বয়ানুভূতং ন দৃষ্টং বা ॥ ২৮ ॥
পাপে লোকানুভবঃ স এব মানং মমাপ্যননুভূতে ।
ন হি পরকীয়ানুভবঃ জ্ঞাতুং শক্যঃ পরেণাপি ॥ ২৯ ॥
লোকাভিন্নঃ সোঽহং বক্তুং বাক্যং হ্যুপক্রমস্তব চেত্।
সিদ্ধা মনোরথা মে ত্বত্তঃ কস্যাপি লোকস্য ॥ ৩০ ॥
অতিবল্গনং মমৈতন্মূঢত্বং য়দ্যপি প্রভোঃ পুরতঃ ।
দীনঃ করোমি কিং বা মদ্বিষয়ে কো নিবেদয়তি ॥ ৩১ ॥
লঘুরসি কিং ত্বয়ি দয়য়া মা মা মংস্থাঃ শিবেতি সহসা ত্বম্।
ভারো ভুবোঽস্মি ধৃত্বা স্বকরে তুলয়াশু মাং শম্ভো ॥ ৩২ ॥
সস্যে তৃণে চ বৃষ্টিং তুল্যাং দেবঃ সদৈব বিদধাতি ।
দেবো মহান্ বত ত্বং গুরুলঘুবার্তাং কথং কুরুষে ॥ ৩৩ ॥
দিষ্টোদ্দিষ্টং দাস্যাম্যন্যন্নেষ্টং য়দি স্ফুটং বাক্যম্ ।
দত্তা কথং ত্বয়াসাবজরামরতা মৃকণ্ডুজনেঃ ॥ ৩৪ ॥
নাদত্তং প্রাপ্নোতীত্যেতদ্বাক্যং প্রতারণামাত্রম্ ।
উপমন্যুনা কদা বা কস্মৈ দুগ্ধোদধির্দত্তঃ ॥ ৩৫ ॥
প্রবলতরোন্মাদাঢ্যং ত্বামপ্যগণয়্য ধাবমানং চ ।
মচ্চেতোঽপস্মারং নিয়ময় শম্ভো পদাভ্যাং তে ॥ ৩৬ ॥
আশাপিশাচিকা মাং ভ্রময়তি পরিতো দশস্বপি দিশাসু ।
স্বীয়ে পিশাচবর্গে সেবায়ৈ কিং ন য়োজয়সি ॥ ৩৭ ॥
য়ক্ষাধীনাং রক্ষাং ত্র্যক্ষ নিধীনাং কুতো নু বা কুরুষে।
সাক্ষান্মনুষ্যধর্মাঽপ্যহহ কথং নু বিস্মৃতির্মম তে ॥ ৩৮ ॥
ধনদে সখিত্বমেতত্ তব য়ত্ তত্রাস্তি বিস্ময়ঃ ক ইব ।
ময়ি নির্ধনে তদাস্তাং ত্রিজগতি চিত্রং কিয়দ্ভাবি ॥ ৩৯ ॥
সখিতারূপনিধানং বিত্তনিধানং দ্বিধা ধনং তব য়ত্ ।
নৈককরে নৃপনীতিস্তত্রান্যতরন্নিধেহি ময়ি ॥ ৪০ ॥
পালয় বা মাং মা বা মত্তনুভূতা তু পঞ্চভূতততিঃ ।
পোষ্যাবশ্যং ভবতা ভবিতা নো চেন্ন ভূতপতিঃ ॥ ৪১ ॥
অতিকোমলং মনস্তে মুনিভির্গীতং কুতোঽধুনা কঠিনম্ ।
মন্যে বিষাশনার্থং কঠিনং চেতস্ত্বয়া বিহিতম্ ॥ ৪২ ॥
মাং দ্রষ্টুমষ্টমূর্তে করুণা তেঽদ্যাপি কিং ন বোল্লসতি ।
ভিক্ষাপ্রসঙ্গতো বা কিয়তাং নো য়াসি সদনানি ॥ ৪৩ ॥
বিত্তাধিপঃ সখা তে ভার্যা দেহে তবান্নপূর্ণাখ্যা ।
ঊরীকৃতং ন দূরীকুরুষে ভিক্ষাটনমপীশ ॥ ৪৪ ॥
নাঙ্গীকৃতো ময়া ত্বং তত এব ন দর্শনং মম তবাস্তি ।
ইতি নোত্তরং প্রদেয়ং শিব শিব বিশ্বেশনামাসি ॥ ৪৫ ॥
য়দি দেহগেহরূপং দদাসি দেশাধিকারকার্যং মম ।
রসনাখ্যলেখপত্রে সুদৃঢাং কুরু নামমুদ্রাং তে ॥ ৪৬ ॥
রসনোক্তং কুরু সর্বং শিব তব নামাধিমুদ্রিতাস্তীয়ম্ ।
গণয়সি মুদ্রাং ন হি চেত্ প্রভুতোচ্ছিন্না তবৈব স্যাত্ ॥ ৪৭ ॥
অত্যাটিনং করালং ভিক্ষায়ুক্তং কপালশূলকরম্ ।
মদ্দারিদ্র্যং ভৈরবরূপং কুরু চার্ধচন্দ্রয়ুতম্ ॥ ৪৮ ॥
দারিদ্র্যচণ্ডরশ্মৌ প্রতপতি কেদারবচ্চ ময়ি শুষ্কে ।
জলধরতায়াং সত্যাং ত্বয়ি শিব নাদ্যাপি সমুপৈষি ॥ ৪৯ ॥
দারিদ্র্যাখ্যমনোভূঃ ক্লীবং চেতোঽপি মোহয়ত্যনিশম্ ।
এনং লীনং কর্তুং ধন্যঃ কোঽন্যস্ত্বদন্যোঽস্তি ॥ ৫০ ॥
ভালানলাক্ষিয়ুক্তস্ত্রিজগতি নান্যো মদন্য ইতি।
গর্বং মা বহ য়াবদ্দারিদ্র্যাগ্নিঃ কপালে মে ॥ ৫১ ॥
চেতঃ কুরু মা কলহং তব বৈক্লব্যেঽপি শম্ভুনা প্রভুণা।
ন বদতি য়দ্যপি ভর্তা তবোপকর্তা স এবাস্তি ॥ ৫২ ॥
অয়ি চিত্ত বিত্তলেশে সহজপ্রেম্ণা কিয়ন্নু লুব্ধমসি ।
ন তথাপি তদ্বিয়োগঃ কেবলমাস্তে শিবেনাপি ॥ ৫৩ ॥
চেতঃ কীর বিহারং পরিহর পরিতঃ স্বয়ং প্রয়ত্নেন।
অত্তুং কালবিডালো ধাবতি শিবপঞ্জরং প্রবিশ ॥ ৫৪ ॥
চেতঃ সদাগতে ত্বং প্রত্যাশাবাত্যয়ানুগতমূর্তিঃ।
মা বহ বিষয়ারণ্যে লীনো ভব সচ্চিদাকাশে ॥ ৫৫ ॥
চেতঃ শৃণু মদ্বচনং মা কুরু রচনং মনোরথানাং ত্বম্ ।
শরণং প্রয়াহি শর্বং সর্বং সকৃদেব সোঽর্পয়িতা ॥ ৫৬ ॥
ভ্রাতঃ শৃণু মচ্চেতো মা নয় কালং ত্বিতস্ততো ভ্রমণাত্ ।
কালক্ষেপেচ্ছা চেদবলম্বয় কালকালং ত্বম্ ॥ ৫৭ ॥
অয়ি চেতোবিহগ ত্বং বিষয়ারণ্যে ভ্রমন্নসি শ্রান্তঃ ।
বিশ্রামকামনা চেচ্ছিবকল্পরুহে চিরং তিষ্ঠ ॥ ৫৮ ॥
চেতোমধুকর দূরং দূরং কমলাশয়া কুতো য়াসি ।
ধ্যানাদনুপদমেতচ্ছিবপদকমলং তবায়াতি ॥ ৫৯ ॥
চেতশ্চকোর তাপং ভূপং সংসেব্য কিং বৃথা য়াসি ।
য়দি চন্দ্রিকাভিলাষো নিকষা ভব চন্দ্রচূডস্য ॥ ৬০ ॥
চেতঃকুরঙ্গ গীতে রক্তং চেতস্তবাস্ত্বনবগীতে ।
ভগবদ্গীতাগীতে নগজাকলিতে তদারচয় ॥ ৬১ ॥
রসনে নিন্দাব্যসনে পৈশুন্যে বা ন বাগ্মিতাং য়াহি ।
ত্রিপুরারিনামমালাং জিতকালাং শীলয়াশু ত্বম্ ॥ ৬২ ॥
রসনে রসান্ সমস্তান্ রসয়িত্বা তদ্বিবেচনে কুশলা ।
অসি তদ্বদাশু পশ্যেঃ শিবনাম্নঃ কো রসোঽয়মিতি ॥ ৬৩ ॥
শিবনামসল্লতাং ত্বং রসনাপল্লব কদাপি ন বিহাতুম্ ।
য়দি বাঞ্ছসে তদা মা কোমলতাং সর্বথা জহিহি ॥ ৬৪ ॥
হালাহলস্য তাপঃ শশিনা গঙ্গাম্বুনা ন য়দি য়াতি ।
শিব মা গৃহাণ ভুজগান্ মদ্রসনাপল্লবে স্বপিহি ॥ ৬৫ ॥
লোচন কোঽভূল্লাভঃ সর্বানেব দ্বিলোচনান্ বীক্ষ্য ।
দৃষ্টস্ত্রিলোচনশ্চেত্ সফলং জন্মৈব তে ভাবি ॥ ৬৬ ॥
নালোকতে য়দি ত্বাং মন্নেত্রং কৃষ্ণমস্তু মুখমস্য ।
স্বাং ত্র্যক্ষ দক্ষতাং মে দর্শয় নয়নাবলোকস্য ॥ ৬৭ ॥
ত্বং লোচনান্ধকারে দ্রষ্টুং বস্ত্বন্ধকারভিন্নং কিম্ ।
বাচ্ছস্যনেন সঙ্গেঽদ্দৃশ্যমপীদং ত্বয়া দৃশ্যম্ ॥ ৬৮ ॥
শ্রবণ সখে শৃণু মে ত্বং য়দ্যপি জাতো বহুশ্রুতোঽস্তি ভবান্ ।
শব্দাতীতং শ্রোতুং শিবমন্ত্রাত্ কোঽপরো মন্ত্রঃ ॥ ৬৯ ॥
ঘ্রাণ প্রাণসখো মে ভবসি ভবান্ পার্থিবোঽস্তি কিমু বান্যত্ ।
শিবপদকমলামোদে মোদং গন্তাসি য়দি শীঘ্রম্ ॥ ৭০ ॥
রামাস্পর্শসুখে তে নিতরাং ভো বিগ্রহাগ্রহোঽস্তি য়দি ।
আলিঙ্গয়ার্ধরামং রামাঽভিন্নঃ স্বয়ং ভবসি ॥ ৭১ ॥
বিগ্রহ বিগ্রহমেব ত্বং কুরু দেবেন নাঽমুনা সখ্যম্ ।
রুচিরপ্যস্মিন্ শম্ভৌ জনয়ত্যরুচিং স্বদেহেঽপি ॥ ৭২ ॥
সম্মীলয়াশু রামাং ত্বদ্বামাঙ্গান্ময়া সমং শম্ভো ।
জাতং মমাপি য়স্মাদ্ দুঃখেনার্ধং শরীরমিদম্ ॥ ৭৩ ॥
অপরাধকারিণং মাং মত্বা শম্ভো য়দি ত্যজস্যেবম্ ।
ব্যাধঃ শিরসি পদং তে দত্বা ন জগাম কিং মুক্তিম্ ॥ ৭৪ ॥
পার্থঃ কলহং ধনুষা তাডনমপি মূর্ধ্নি তে ন কিং কৃতবান্ ।
তত্রাপি তে প্রসন্নং চেতঃ সন্নে ময়ি কুতো ন ॥ ৭৫ ॥
ত্বয়ি তুষ্টে রুষ্টে বা শিব কা চিন্তা স্বদুঃখভঙ্গে মে ।
উষ্ণং বানুষ্ণং বা শময়তি সলিলং সদৈবাগ্নিম্ ॥ ৭৬ ॥
দোষাকরে দ্বিজিহ্বে রতিমতিশয়িতাং করোষি য়দি শম্ভো।
অহমস্মি তথা বিতথা কুরুষে মাং দৃক্পথাতীতম্ ॥ ৭৭ ॥
চেতো মদীয়মেতত্সেবাচৌর্যে য়দি প্রসক্তং তে ।
দণ্ডয় নিতরাং শম্ভো সর্বস্বং লুণ্ঠয়ৈতস্য ॥ ৭৮ ॥
সদনং প্রত্যাগমনং কুশলপ্রশ্নোক্তিরস্তু দূরতরে ।
আলোকনেঽপি শম্ভো য়দি সন্দেহঃ কথং জীবে ॥ ৭৯ ॥
আবাহিতঃ স্বভক্তৈস্ত্বরয়ৈবায়াসি সর্বপাষাণে ।
চিত্তোপলে মদীয়ে হে শিব বস্তুং কুতোঽস্যলসঃ ॥ ৮০ ॥
বৃষভে পশৌ দয়া তে কিয়তী শম্ভো পশুপ্রিয়োঽসি য়দি ।
বিষয়বিষাশনতোঽহং পশুরেবাস্মীতি মাং পাহি ॥ ৮১ ॥
ত্বয়ি দৃষ্ট্বৌদাসীন্যং তত্স্পর্ধাতো বিবর্ধতে দৈন্যম্ ।
ময়ি তজ্জেতুং ত্বরয়া প্রেষয় নিকটেঽস্তি য়ত্ সৈন্যম্ ॥ ৮২ ॥
পরিপালয়াম্যহং ত্বাং নিকটেন ময়া কিমস্তি তে কার্যম্ ।
মৈবং দূরে রমণে সুভৃতাঽপি ন মোদতে সাধ্বী ॥ ৮৩ ॥
কতিকতিবারং জননং তব নো জাতং ন মত্স্মৃতিঃ ক্বাপি ।
ইতি কুপিতোঽসি য়দি ত্বত্পদয়োর্নিদধামি মূর্ধানম্ ॥ ৮৪ ॥
শিব শঙ্কর স্মরারে কিঞ্চিত্প্রষ্টব্যমস্তি তত্কথয় ।
বঞ্চনমেব করিষ্যসি কিং বা কালান্তরে প্রীতিম্ ॥ ৮৫ ॥
য়ো য়ন্ন বেত্তি দুঃখং কর্ম স তস্মিন্নিয়োজয়তু শম্ভো ।
ভিক্ষাদুঃখং জানংস্তত্র কথং মাং নিয়োজয়সি ॥ ৮৬ ॥
কাকূক্তির্মুখদৈন্যং শিব মে বাষ্পস্তথাশ্রুসম্পাতঃ ।
ত্বয়্যেকস্মিন্ পুরুষে সর্বমিদং নিষ্ফলং ভবতি ॥ ৮৭ ॥
শিব দেহি মে স্বভক্তিং তৃষ্ণা স্বয়মেব য়াস্যতি ততো মে ।
পতিমন্যত্র বিষক্তং দৃষ্ট্বা কান্তা ন কিং ত্যজতি ॥ ৮৮ ॥
গুণহীনোঽপি শিবাহং ত্বত্করমুক্তোঽপি তত্ পদং য়াস্যে ।
ভ্রষ্টোঽপি ভূপহস্তাদ্গুণতোঽপি শরো য়থা লক্ষ্যম্ ॥ ৮৯ ॥
ভক্তজনেষ্বনুরক্তং ধরণীধরকন্যয়া পরিষ্বক্তম্ ।
প্রখ্যাতনামধেয়ং জয়তিতরাং ভাগধেয়ং মে ॥ ৯০ ॥
ফণিকুণ্ডলং বহন্তী শ্রবণে তাটঙ্কমপ্যপরভাগে ।
সিতশোণকান্তিয়ুক্তা কাচিন্মদ্বাসনা জয়তি ॥ ৯১ ॥
আলিঙ্গিতোঽপি সব্যে শম্পাতত্যা শিবঃ প্রকৃতিতোঽয়ম্ ।
করুণাম্বুপূর্ণগর্ভঃ কশ্চিদ্ধারাধরো জয়তি ॥ ৯২ ॥
জটিলং শিরঃপ্রদেশে নিটিলে কুটিলং গলে তথা নীলম্ ।
হৃদয়ীকৃতাদ্রিবালং বিলসতি কালং জয়ত্ তেজঃ ॥ ৯৩ ॥
ধনুরেকত্র পিনাকং সশরং বিভ্রত্ তথাঽপরত্রাঽপি ।
শরমৈক্ষবং চ চাপং কিঞ্চিত্ তত্ প্রেম মে জয়তি ॥ ৯৪ ॥
বাঞ্ছিতবিতরণশীলং বিচিত্রলীলং নিরালবালং চ ।
ললনালতৈকতানং কলয়ে শিবকল্পভূমিরুহম্ ॥ ৯৫ ॥
পরিহৃতদুর্জন তিমিরং নগজানন্দৈকসিন্ধুবৃদ্ধিকরম্ ।
নন্দিতভক্তচকোরং বন্দে চন্দ্রোদয়ং কঞ্চিত্ ॥ ৯৬ ॥
নিখিলনিগমৈগদুগ্ধাং দানবিদগ্ধাং শুকাদিমুনিদুগ্ধাম্ ।
বপুষা সদৈব মুগ্ধাং কলয়ে শিবকামধেনুমহম্ ॥ ৯৭ ॥
নিত্যপ্রভাভিরামং বিদলিতকামং সদার্ধধৃতভামম্ ।
হৃদি কোমলং নিকামং শ্রীশিবচিন্তামণিং বন্দে ॥ ৯৮ ॥
নির্ব্যাধি মে শরীরং নিরাধি চেতঃ সদা সমাধিপরম্ ।
কুরু শর্ব সর্বদা ত্বং নান্যং কামং বৃণে কঞ্চিত্ ॥ ৯৯ ॥
আর্যাপতেঃ পদাব্জে নিহিতং শতপদ্যপত্রময়পুষ্পম্ ।
আর্যাশতং সুকৃতিনাং হৃদয়ামোদং সদা বহতু ॥ ১০০ ॥
॥ ইতি ভরদ্বাজকুলতিলকশ্রীমদপ্পয়্যদীক্ষিত-
বিরচিতশৈবার্যাশতকং সম্পূর্ণম্ ॥
