Brihadambaryashatakam Lyrics in Malayalam:
॥ ബൃഹദംബാര്യാശതകം ॥
ശ്രീഗോകര്‍ണനികേതാ ശ്രീവിദ്യാദിവ്യശുക്തികാമുക്താ ।
ശ്രീകണ്ഠനിത്യമിലിതാ ശ്രീചക്രേശീ പുരോഽസ്തു മേ മാതാ ॥ 1 ॥
കല്യാണം കലയേന്നഃ കല്യാനസ്മാന്‍ കരോതു ശതമബ്ദാന്‍ ।
കല്യാതങ്കമപാസ്യേത് കല്യാണീ നഃ സദൈവ ബൃഹദംബാ ॥ 2 ॥
തരുണാരുണപ്രകാശം തരുണാ വകുലേന ഭാസുരനിവേശം ।
ഗുരുണാ സ്തനേന നമിതം ഗുരുണാ സദയേന വസ്തുഃ ന കഥിതം ॥ 3 ॥
വകുലദ്രുമൂലസദനാം വനജസഹാധ്യായിപരിലസദ്വദനാം ।
വല്‍ഗുസ്മിതേക്ഷ്യരദനാം വന്ദേ ദൃക്തര്‍ജിതാംബുജച്ഛദനാം ॥ 4 ॥
ഏകാ ദ്വിലോകസുഖദാ ത്ര്യക്ഷര്യാഖ്യാപിതാ ചതുഃപീഠാ ।
പഞ്ചാംനായശിരഃസ്ഥാ ബൃഹദംബ ത്വം ഷഡധ്വജനയിത്രീ ॥ 5 ॥
നാസാഭാസാ ചമ്പകശോഭാക്ഷോഭാവഹാസ്തു ബൃഹദംബാ ।
പാരാവാരാത്മജയാ സേവ്യാ ദേവ്യാ ഗിരാം ച ഭവ്യായ ॥ 6 ॥
കംബുലസത്കംധരയാ കൈശ്യവിനിര്‍ധൂതനീലകംധരയാ ।
പാല്യേ ശോണാധരയാ പാവിതവകുലദ്രുമൂലസദ്ധരയാ ॥ 7 ॥
പീനസ്തനാവനംരേ പാദനതാംഭോജവാസിനീകംരേ ।
വാണീജിതസരസാംരേ വാചോ വല്‍ഗന്തു ധാംനി മേ താംരേ ॥ 8 ॥
വകുലവനീവാസിന്യാ വിദ്രുമസച്ഛായചേലവാസിന്യാ ।
ഹൃദ്രാജീവാസിന്യാ ഹൃദയം ശംഭോര്‍ഹൃതം സുവാസിന്യാ ॥ 9 ॥
വന്ദേ ശ്രീബൃഹദംബാം വല്‍ഗുഗതാപാസ്തരാജകാദംബാം ।
ആശ്രിതജനാവലംബാമാസേവേ കൈശ്യധൂതലോലംബാം ॥ 10 ॥
കേസരസരഭാസുരയാ കേവലദാസീഭവത്സുരാസുരയാ ।
കലിതാ വാണീ സുരയാ കയാപി മേ ഭക്തിനംരഭൂസുരയാ ॥ 11 ॥
ശിരസാ ധൃതസോമായാഃ ശ്രീഗോകര്‍ണൈകദിവ്യധാമായാഃ ।
പദനംരാണാം മായാഃ പാപവിധാത്ര്യഃ കദാപി നോമായാഃ ॥ 12 ॥
ആനന്ദസാരസീമാമാനങ്ഗോത്കര്‍ഷപോഷകാപാങ്ഗാം ।
ആനന്തും ബൃഹദംബാമാനന്ത്യം മൂര്‍ധ്നി വാഞ്ഛാമി ॥ 13 ॥
വകുലാടവീനിവിഷ്ടാം വന്ദകസംരക്ഷണാത്യഭിനിവിഷ്ടാം ।
നിരവധികരുണാവിഷ്ടാം നിത്യം സേവേമഹീഷ്ടശിപിവിഷ്ടാം ॥ 14 ॥
അഭിധായിതഹൃല്ലേഖാമതീതവിദ്വത്സുകവിജനോല്ലേഖാം ।
പദപദ്മനമല്ലേഖാം പശ്യാമഃ ശാശ്വതീം തടില്ലേഖാം ॥ 15 ॥
കരുണാമൃതവര്‍ഷിണ്യാഃ സേവകസര്‍വാപരാധമര്‍ഷിണ്യാഃ ।
വകുലവിപിനഹര്‍ഷിണ്യാ വശ്യാഃ സ്മഃ ശംഭുചിത്തകര്‍ഷിണ്യാഃ ॥ 16 ॥
കരുണാഝരസരസാക്ഷീമരുണാധരശോഭിസുന്ദരസുഹാസാം ।
തരുനാര്‍ധഘടിതദേഹാം വരുണാലയജേഡിതാം ശിവാം വൃണുമഃ ॥ 17 ॥
ധന്യാഃ കേ നു മദന്യാ വലയേഽവന്യാ യതോ വകുലവന്യാഃ ।
മൂലേ മോക്ഷവദാന്യാ മാന്യാ കന്യാ ഗിരോര്‍ഹിതമാന്യാ മേ ॥ 18 ॥
കേചിത് ത്വാം കുലമൂലേ സാക്ഷാത്കുര്‍വന്ത്യഹം വകുലമൂലേ ।
അര്‍ധേശ്വരാം കതിപയേ മാതഃ സര്‍വേശ്വരാമഹം കലയേ ॥ 19 ॥
വാഞ്ഛിതസിദ്ധ്യൈ ഭവിതാ ലാഞ്ഛിതചികുരാ ചകോരവൃത്തികൃതാ ।
കാങ്ക്ഷിതചരണാ സദ്ഭിഃ കാം ക്ഷിപ്രം നാതനോതി സംസിദ്ധിം ॥ 20 ॥
അരുണിമസാരസമഷ്ടിഃ സംസൃതികൂപോത്തരണയഷ്ടിഃ ।
കലിതാമൃതൌഘവൃഷ്ടിര്‍ബൃഹദംബാ ഭാതു മേ കൃപാദൃഷ്ടിഃ ॥ 21 ॥
സാമജസമാനഗമനാ സാമസമാജോപഗാനതുഷ്ടമനാഃ ।
സമജാനുപേതചരണാ സമരസതാപന്നപന്നഗാഭരണാ ॥ 22 ॥
വിശ്വപതിവശ്യഹൃദയാ നശ്വരവിശ്വാസപശ്വനാശാസ്യാ ।
അശ്വമുഖസ്തവശസ്യാ നിഃശ്വസിതാനുശ്രവാസ്തി ബൃഹദംബാ ॥ 23 ॥
ലഘു തവ ചരണം ശരണം തരണം മൃത്യോര്‍ഭജാമി ബൃഹദംബ ।
യാവത് തരസാ ജരസാ പരസാദങ്ഗാനി ന കൃതാനി ॥ 24 ॥
പ്രഭവതി യത്ര ന ഗൌര്‍വാ നോര്‍മീണാം സംകഥാ ന വാ ജഡതാ ।
കോഽപി വകുലാലവാലേ ജയതി ചിരാനന്ദസാഗരോഽപാര ॥ 25 ॥
സ്ഥാവരരാജതനൂജാ ഭാവരസസ്ഫീതവൈഖരീ ജനനീ ।
പീവരവക്ഷോജനതാ ധീവരദൌഹിത്രസൂക്തിപരിചിന്ത്യാ ॥ 26 ॥
സര്‍വാനന്ദനിവാസാ ശക്രശതാനന്ദമുഖ്യസുരസേവ്യാ ।
ധൃതനന്ദസൂനുദേഹാ ഭൂമനിജാനന്ദമേദുരാ ജയതി ॥ 27 ॥
അപഹൃത്യ ചിത്തശല്യം ഭക്തിമതാമാതനോഷി കൈവല്യം ।
ബൃഹദംബ കോ ന്വകല്യം ദേവാന്തരം ത്വ്യാ പാല്യം ॥ 28 ॥
ഭവനീകൃതഗോകര്‍ണം ഭാസ്വന്‍മണികുണ്ഡലസ്ഫുരത്കര്‍ണം ।
ധ്യായാമി ശോണവര്‍ണം ധാമ പരം ഭക്തമാനസാഭ്യര്‍ണം ॥ 29 ॥
കലിതാ ലലിതാ കലിതാപഹരാ ദഹരാന്തരവിചിന്ത്യാ ।
വകുലേ മുകുലേഡ്യകുലേ സദയാഭ്യുദയാ കിമന്യദേവൈര്‍മേ ॥ 30 ॥
വാരാണസീനിഷേവാം വാരാശ്യവഗാഹനാനി ച ന തന്യാഃ ।
വാരാന്‍ ബഹൂനഥാങ്ഘ്ര്യോര്‍വാരാ പൂയസ്വ വകുലമൂലേശ്യാഃ ॥ 31 ॥
ശ്രേയശ്ച യാ വിധത്തേ ശ്രീബൃഹദംബാപദാംബുരുഹചിന്താ ।
കലികലുഷണി വിഭിന്തേ മദമപി കാര്‍താന്തമാഹന്താ ॥ 32 ॥
നീവീ നവാന്യവചസാം സാ വീണാ വാണ്യഭിപണാര്യാ ।
ഭാവീ ഭവാര്‍തിഹരണീ ദേവീ ദയതാം സദൈവ ബൃഹദംബാ ॥ 33 ॥
മാതാ സാരസനേത്രാ മാന്യാ വാരാശികന്യകാനേത്രാ ।
മൃഗചക്രവര്‍തിപത്രാ മനസി മമ സ്താത് സ്തനോല്ലസത്പത്രാ ॥ 34 ॥
വേലതിഗാനുകമ്പാ വകുലവനാംഭോദമഞ്ജുതരശമ്പാ ।
ഭവതപ്താമൃതഝമ്പാ ഭവതു ഹൃദിസ്ഥാ കൃതദ്വിഷത്കമ്പാ ॥ 35 ॥
പദ്യായാമാദ് യായാമാദ്യായാമംബ താവകജനാനാം ।
വിദ്യാം തേ നിരവദ്യാം വിദ്യാം ഗോകര്‍ണരാജ്ഞി ദയയാ തേ ॥ 36 ॥
തരണിം തമശ്ഛടാനാമരണിം ജ്ഞാനാനലസ്യ കലയാമി ।
തരണിം ഭവാംബുരാശേഃ സരണിം വേദ്യാഗമസ്യ ബൃഹദംബാം ॥ 37 ॥
വക്ഷോജഭാരനമിതാ ലക്ഷോത്തരവേദഗീഃപ്രമിതാ ।
ഇക്ഷോര്‍മധുരോക്തിമിതാ ന ക്ഷോഭ്യാ ത്വം ദയാധുനീ സ്തിമിതാ ॥ 38 ॥
ഹൃദയം പുരാണവചസാം സദയം ദീനാവനേ പരം തേജഃ ।
മദയന്നധരം ശംഭോസ്തദയം യാതോ ജനഃ ശരണം ॥ 39 ॥
മാങ്കണതീരകുടീരാ മേദുരവക്ഷോജലിപ്തപാടീരാ ।
പതിധൃതചന്ദ്രാണ്ഡീരാ ധ്യേയാംബാ മുക്തിദാനശൌണ്ഡീരാ ॥ 40 ॥
ആപന്നരക്ഷണാര്‍ഥേ ചാപം പുണ്ഡ്രേക്ഷുമാദധാനാ സാ ।
രോപം ച പൌഷ്പമംബാ പാപം പ്രോത്സാരയേന്‍മമാശേഷം ॥ 41 ॥
ദക്ഷാ നിരര്‍ഗലാ സാ ദാതും സ്വര്‍ഗം ത്രിവര്‍ഗമപവര്‍ഗം ।
ബൃഹദംബാ മഹദന്തര്‍വാസാ ഭാസാരുണാ ജയതി ॥ 42 ॥
വാരിദസോദരചികുരാം വദനപരാഭൂതവിസ്ഫുരന്‍മുകുരാം ।
സുന്ദരഹാസാങ്കൂരാം സേവേഽംബാം വാഗ്ജിതാമൃതാസാരാം ॥ 43 ॥
ബിന്ദുത്രയാത്മകതയാ കലയന്തി ത്വാമപാരകരുണാബ്ധിം ।
യേ ബൃഹദംബ ഭവാബ്ധിര്‍വിദുഷാം തേഷാം കതി പൃഷന്തി ॥ 44 ॥
നീവാരശൂകശാതാ നീഹാരാംശുച്ഛടാശീതാ ।
ബാലാദിത്യശതാഭാ മൂലാധാരാത് സമുദ്യതാ ഭാസി ॥ 45 ॥
വിശ്വപ്രഥാനിദാനം വേദശിരഃസ്ഫൂര്‍ജദപദാനം ।
ബൃഹദംബികാഭിധാനം ബഹുശഃ സേവേയ മങ്ഗലവിധാനം ॥ 46 ॥
ആലോലനീലവേണീ ഫാലോത്സങ്ഗാനുഷങ്ഗിദിവ്യമണീ ।
കാലോന്‍മിഷത്കുവലയച്ഛായാദായാദലോചനദ്വിതയാ ॥ 47 ॥
മണിതാടങ്കസമുദ്യദ്ഘൃണിഗണനീരാജിതകപോലം ।
നാസാഗ്രലംബിമുക്താഭാസാ സമ്പൃക്തമന്ദഹാസരുചിഃ ॥ 48 ॥
അരുണാധരജിതബിംബാ വക്ത്രപരാഭൂതശീതകരബിംബാ ।
പീനോന്നതസ്തനഭരാ പാശസൃണീഷ്വിക്ഷുചാപകരാ ॥ 49 ॥
ശിഞ്ജിതമഞ്ജീരലസന്‍മഞ്ജുലചരണാബ്ജനംരസുരലോകാ ।
ബൃഹദംബാ മമ ഹൃദയേ നിവസതു വാത്സല്യശീതലാലോകാ ॥ 50 ॥
ഭാനവ്യാ യാ നവ്യാ മാനവ്യാഘാതഭീതയാ ദീപ്ത്യാ ।
ആതന്വീത സുതന്വീ സാ തന്വീഡ്യാ ശ്രിയം തവാംബ തനൂഃ ॥ 51 ॥
ഇച്ഛാത്തവിശ്വശില്‍പാം പഞ്ചബ്രഹ്മപ്രകല്‍പിതസുതല്‍പാം ।
വന്ദീകൃതാദിജല്‍പാം വന്ദേ ദേവീം ദയോദയാനല്‍പാം ॥ 52 ॥
കേചിന്‍മദാലസാക്ഷം കാലോന്‍മീലത്കുവാലജയദക്ഷം ।
ഗാത്രം തവാപരോക്ഷം കുര്യുര്‍ബൃഹദംബ ദുഷ്കൃതവിപക്ഷം ॥ 53 ॥
ശയധൃതചാരുവിപഞ്ചീ ശ്രോണീബിംബാവലംബിമണികാഞ്ചീ ।
ഗോകര്‍ണേശ്യഘവഞ്ചീ ദൃഷ്ടാ ചേത് കോ ന ഭക്തിരോമാഞ്ചീ ॥ 54 ॥
കാലം പ്രയാപ്യ മേഽലം ഭാരൈര്‍ദുഃസ്ഥൈരചാരുകുചഭാരൈഃ ।
ക്ഷാമൈരശുകശ്യാമൈരന്യൈര്‍ദേവൈരധൂതനതദൈന്യൈഃ ॥ 55 ॥
സോമാര്‍ധസല്ലലാമാ സാ മാമവ്യാത് സുവകുലവനദാമാ ।
കാമാരിദിവ്യരാമാ പരമാ സംവിദ് ഘനശ്യാമാ ॥ 56 ॥
കോമലവാകുലമൂലാ സ്തോമലസത്കുന്തലാധിഗോകര്‍ണം ।
യാമലവര്‍ണ്യാ കാപി ശ്യാമലവര്‍ണാ വിഭാതി ഗുരുമൂര്‍തിഃ ॥ 57 ॥
പ്രവഹത്കരുണാപാങ്ഗം പ്രത്യഗ്രാംഭോദമേചകശ്യാമം ।
വിശ്വാധികാന്തരങ്ഗം വകുലവനേ ഭാതി പാലിതപാങ്ഗം ॥ 58 ॥
ശിഖിപിഞ്ഛം താപിഞ്ഛം സഭയം ധമ്മില്ലശോഭയാ സ്വഭയാ ।
ആദധതീ ദധതീന്ദും മാങ്കണരോധോഽങ്കണേ ജയത്യംബാ ॥ 59 ॥
വാമകുചചുംബിവീണാമര്‍ധോന്‍മീലന്‍മനോജ്ഞട്ടക്കോണാം ।
വിശ്വാവനപ്രവീണാം വകുലാടവ്യാം നമാമി രമമാണാം ॥ 60 ॥
അംസാനുഷങ്ഗിചൂലീ സംസാരാപാരവാരിധേരാലീ ।
ശം സാ ദദാതു കാലീ കംസാരീഡ്യാ സദാത്തവകുലാലീ ॥ 61 ॥
വീണാവാദിനി ശര്‍മാസ്വാദിനി കര്‍മാദ്രിഭേദിനി സ്യാന്‍മേ ।
വിശ്വാകാരിണി ചന്ദ്രാലംകാരിണി ബോധകാരിണി പ്രേമ ॥ 62 ॥
അരുണാംശുകാമുപാസേ നിഗമം ശുകരൂപിണം ദധതീം ।
ദദതീമാശുകവിത്വം സ്വാംശുകദര്‍ഥീകൃതാതസീം ജനനീം ॥ 63 ॥
സജ്ജനകൃതവരിവസ്യം സാരസപരിഹാസസാദരനിജാസ്യം ।
ഗാന്ധര്‍വസ്യ രഹസ്യം കിംചന കുര്യാന്‍മദാശാസ്യം ॥ 64 ॥
ദൂര്‍വാശ്യാമലകായേ ദുര്‍വാസോമുഖ്യമൌനിഗണസേവ്യേ ।
അര്‍വാസ്യവര്‍ണിതഗുണേ കുര്‍വാശാപൂര്‍തിമദ്യ ബൃഹദംബ ॥ 65 ॥
ലീലാലോലാ വകുലാടവ്യാമവ്യാച്ഛുകാഭിരാമകരാ ।
വീണാക്കാണാഭിരതാ മാതാ ഭൂതാധിപസ്യ ദയിതാ നഃ ॥ 66 ॥
ദുരിതേഭ്യോ ന കൃതേഭ്യോ നാപി കൃതാന്താദ് ബിഭേമി ദുര്‍ദാന്താത് ।
ദൃഷ്ടാ ദയാസമഷ്ടിര്‍വകുലവനേ ശ്യാമലാകൃതിര്യേന ॥ 67 ॥
ധന്യോഽഹം ധന്യോഽഹം വംശദ്വിതയീ മദീക്ഷിതാ ധന്യാ ।
പരിപണമാംനായാനാം ശ്യാമലമാലോകി വകുലമൂലേ യത് ॥ 68 ॥
വിത്താദിഭിര്‍നരാണാം മത്താനാം ദുര്ലഭാ വിനാ ഭക്തിം ।
തത്താദൃശാനുഭാവാ സത്താ കാചിദ് വിഭാതി ഗോകര്‍ണേ ॥ 69 ॥
പരിഹൃതസര്‍വവികല്‍പാ പരിധൃതശീതാംശുകോരകാകല്‍പാ ।
ബാലദിവാകരകല്‍പാ ബൃഹദംബാ പാതു സത്യസംകല്‍പാ ॥ 70 ॥
ചമ്പകനീപരസാലാഃ സന്ത്യേവാന്യേ രസാസ്ഥലേ സാലാഃ ।
വകുലേ തു മേഽസ്തി ഭക്തിര്യസ്മിന്‍ ദൃഷ്ടേ സ്മൃതാ ഭവത്യംബാ ॥ 71 ॥
ഭ്രമരീവിഭ്രമകബരീം ഭ്രൂഭ്രമണേനൈവ പഞ്ചകൃത്യകരീം ।
സംവിത്സുഖാമൃതഝരീം സംസേവേഽംബാം ഭവാംബുരാശിതരീം ॥ 72 ॥
കുമുദേശപാകചൂഡം കലിതസുരോദ്യാനമാലികാപീഡം ।
അഞ്ചിതവകുലാക്രീഡം കിംചിദുപാസേ ദയാനിവഹനീഡം ॥ 73 ॥
സരലേ സരലേ വിരലേ തരലേ ഹൃന്നേത്രകുചസീംനി ।
വസ്തുനി മേഽസ്തു നിവാസ്തുനി കരുണായാശ്ചിത്തവൃത്തിരപതന്ദ്രാ ॥ 74 ॥
കം ഗണയേഽന്യമുപാസ്യം മങ്കണകാസാരതീരകൌതുകിനഃ ।
അങ്ഗണവാകുലസുമനോരിങ്ഖണസൌരഭ്യനിര്‍ഭരാദ്ധാംനഃ ॥ 75 ॥
വേശന്തതുല്യനാഭീ വാസന്തസ്ഫാരപുഷ്പശുഭവേണീ ।
സീമന്തഭാസിവുസൃണാ സാ ഹന്ത പ്രേക്ഷിതാദ്യ ബൃഹദംബാ ॥ 76 ॥
ശ്രുതിലാസികാലിരങ്ഗായിതസ്വമഹിമാക്ഷിനിര്‍ജിതകുരങ്ഗാ ।
പ്രോദ്യത്കൃപാതരങ്ഗാ പായാദംബാ മൃഗേശ്വരതുരങ്ഗാ ॥ 77 ॥
നിബിഡഘനസ്തനകുംഭാ നിജവേണീന്യസ്തശീതകരഡിംഭാ ।
നിവസിതവരകൌസുംഭാ നിവസതു ചിത്തേ ജഗദ്ധിതാരംഭാ ॥ 78 ॥
ഗംഭീരനാഭികുഹരാം കുംഭീന്ദ്രസ്പര്‍ധിമുഗ്ധസംചാരാം ।
താം ഭീമസ്യ ന ഭാമാം കുംഭീപാകേച്ഛവോ ഭജന്ത്യജ്ഞാഃ ॥ 79 ॥
വാഹ്യാപി നോ പുരാണ്യാ തത്ത്വവിപണ്യാ യദുച്ചതാഗണ്യാ ।
സാ വര്‍ണ്യാസ്തു ശരണ്യാ കസ്യ ധരണ്യാമുമാഖിലവരേണ്യാ ॥ 80 ॥
ഗോകര്‍ണേശയസേവ്യാം ഗോകര്‍ണേശപ്രിയാം പ്രണമന്‍ ।
ഗോകര്‍ണേ വസ തൂഷ്ണീം ഗോകര്‍ണേ ഭ്രാമകാംസ്തു ജപ മന്ത്രാന്‍ ॥ 81 ॥
ക്ഷുദ്രാര്‍ഥദാനശീലാ ന ദ്രാഗാരാധിതാഃ പ്രസീദന്തി ।
നിദ്രാലസാസ്ത്വദന്യേ തദ്രാജ്ഞി ത്വാം ഭജേ വകുലവന്യാഃ ॥ 82 ॥
ആഗമകോടിനിരുക്താമാബ്രഹ്മസ്തംബരക്ഷണാസക്താം ।
ആര്യാമനാദിമുക്താമാലോകേ കേസരാടവീസക്താം ॥ 83 ॥
സേവേ കിംചന ദിവ്യം ഭാവേ തേജഃ സമസ്തസംസേവ്യം ।
ധീവേദിമേത്യ ഹൃദ്യം സംവേദ്യാഖ്യം ദഹേന്‍മമാഭവ്യം ॥ 84 ॥
വാണീ ചാംബുധികന്യാ സാ വൃണുതേ തം ബലാദിവാനന്യാ ।
കിംചിത് ത്വയാ ജനന്യാ കടാക്ഷിതോ യഃ കിയത്യഥ സ്ത്ര്യന്യാ ॥ 85 ॥
ശക്തഃ കോഽപി യദീയാം ലങ്ഘിതുമാജ്ഞാം ന ലോകേഷു ।
യസ്യാജ്ഞാം ബൃഹദംബാ സാധ്യാസ്തേ കസ്തതോ ഹ്യധികഃ ॥ 86 ॥
അഷ്ടാപദാദി സര്‍വം ലോഷ്ടാഭിന്നം സദാഭിപശ്യന്തഃ ।
അഷ്ടാത്മനഃ പ്രണയിനീം ശിഷ്ടാഃ പശ്യന്ത്യനന്യതയാ ॥ 87 ॥
ദാഹം ഭവാനലോത്ഥം വ്യാഹന്തും വാകുലാടവീം ദേവീം ।
സോഽഹം ഭജാമി ഭക്ത്യാ യാഹംതാരൂപിനീതി ഗുരുണോക്താ ॥ 88 ॥
കുലദൈവതം മദീയം കുലകുണ്ഡാഭ്യന്തരൈകവാസ്തവ്യം ।
കുലപര്‍വതേശഭാഗ്യം കുലായമീക്ഷേഽനുപാധികരുണായാഃ ॥ 89 ॥
അഗ്നാവിഷ്ണുമുഖേഡ്യാ ഭഗ്നാശേഷാര്‍തിരാത്മഭക്താനാം ।
ഭുഗ്നാലകാ മദീയേ ലഗ്നാ ചിത്തേ ചകാസ്തു ബൃഹദംബാ ॥ 90 ॥
അവ്യാജഭൂതകരുണാ ഭവ്യാപാങ്ഗപ്രകല്‍പിതത്രാണാ ।
അവ്യാദ്വിലിപ്തഘുസൃണാ സ്തവ്യാ ശ്രുത്യാ സദാപ്തഗോകര്‍ണാ ॥ 91 ॥
അംഭോജതുല്യനയനാമങ്കാലംകാരിണീം ത്രിനേത്രസ്യ ।
അങ്ഗീകൃതാദിമരസാംബാം ഗോകര്‍ണനായികാം സേവേ ॥ 92 ॥
ഭാര്യാമനാദിയൂനോഽഹാര്യാധീശാന്വവായമണിഭൂഷാം ।
ആര്യാമുപാധ്വമനിശം കാര്യാകാര്യാവമര്‍ശനിഷ്ണാതാഃ ॥ 93 ॥
വരദേ സുരദേശികവാങ്നികരാസുകരാനുവര്‍ണനേ ധാംനി ।
കരവൈ മുരവൈരിമുഖൈഃ ശിരസാ സുരസാര്‍ഥകൈര്‍നതേ ചേതഃ ॥ 94 ॥
മങ്കണകാസാരഝരീസമീരധാരാമനോഹരോദാരേ ।
മിലദലിലോലന്‍മുകുലേ വകുലവനേ ലാലസീതി സകലേശീ ॥ 95 ॥
പശ്യല്ലലാടദാരാന്‍ പരിപൂര്‍ണാനന്ദസംവിദാകാരാന്‍ ।
കഠിനഘനസ്തനഭാരാന്‍ കലയേ ഗോകര്‍ണപാവനാഗാരാന്‍ ॥ 96 ॥
ഗോകര്‍ണേശമഹിഷ്യാ വ്യാകര്‍തും കോ ഗുണാന്‍ ഭവേദീശഃ ।
സ്വീകര്‍തും ഹൃദി വാ താന്‍ ശ്രീകര്‍കാസ്യം തമേകമപഹായ ॥ 97 ॥
തുഷ്ടാ ശ്രീബൃഹദംബാ കഷ്ടാനുന്‍മൂലയേത് കൃപാദൃഷ്ട്യാ ।
ഇഷ്ടാനി ച പ്രദദ്യാന്‍മൃഷ്ടാം പ്രതിഭാം പരത്ര ച ശ്രേയഃ ॥ 98 ॥
വന്ദേ വിശ്വവിധാത്രീം വന്ദേ വിദ്യാചിമുക്തിഫലദാത്രീം ।
വന്ദേ വകുലവനേശീം വന്ദേ ഗോകര്‍ണവല്ലഭസുകേശീം ॥ 99 ॥
ജയതി സ്ഫാരദയാര്‍ദ്രാ ഗോകര്‍ണാധീശവല്ലഭാ ജയതി ।
ജയതി പ്രസാദസുമുഖീ ശ്രീരഘുനാഥേന്ദ്രപൂജിതാ ജയതി ॥ 100 ॥
ആഖ്യാം സകൃദ് യദീയാമാഖ്യായാശേഷവാഞ്ഛിതം ലഭതേ ।
തസ്യാഃ സ്തുതിപ്രിയായാഃ യഃ സ്യാത് സ്തോത്രം പഠന്‍ സ പൂര്‍ണാര്‍ഥഃ ॥ 101 ॥
॥ ഇതി ശ്രീബൃഹദംബാശതകം സമ്പൂര്‍ണം ॥
