Templesinindiainfo

Best Spiritual Website

Brihadambarya Shatakam Lyrics in Oriya | Hindu Shataka

Brihadambaryashatakam Lyrics in Oriya:

॥ ବୃହଦମ୍ବାର୍ୟାଶତକମ୍ ॥

ଶ୍ରୀଗୋକର୍ଣନିକେତା ଶ୍ରୀଵିଦ୍ୟାଦିଵ୍ୟଶୁକ୍ତିକାମୁକ୍ତା ।
ଶ୍ରୀକଣ୍ଠନିତ୍ୟମିଲିତା ଶ୍ରୀଚକ୍ରେଶୀ ପୁରୋଽସ୍ତୁ ମେ ମାତା ॥ ୧ ॥

କଲ୍ୟାଣଂ କଲୟେନ୍ନଃ କଲ୍ୟାନସ୍ମାନ୍ କରୋତୁ ଶତମବ୍ଦାନ୍ ।
କଲ୍ୟାତଙ୍କମପାସ୍ୟେତ୍ କଲ୍ୟାଣୀ ନଃ ସଦୈଵ ବୃହଦମ୍ବା ॥ ୨ ॥

ତରୁଣାରୁଣପ୍ରକାଶଂ ତରୁଣା ଵକୁଲେନ ଭାସୁରନିଵେଶମ୍ ।
ଗୁରୁଣା ସ୍ତନେନ ନମିତଂ ଗୁରୁଣା ସଦୟେନ ଵସ୍ତୁଃ ନ କଥିତମ୍ ॥ ୩ ॥

ଵକୁଲଦ୍ରୁମୂଲସଦନାଂ ଵନଜସହାଧ୍ୟାୟିପରିଲସଦ୍ଵଦନାମ୍ ।
ଵଲ୍ଗୁସ୍ମିତେକ୍ଷ୍ୟରଦନାଂ ଵନ୍ଦେ ଦୃକ୍ତର୍ଜିତାମ୍ବୁଜଚ୍ଛଦନାମ୍ ॥ ୪ ॥

ଏକା ଦ୍ଵିଲୋକସୁଖଦା ତ୍ର୍ୟକ୍ଷର୍ୟାଖ୍ୟାପିତା ଚତୁଃପୀଠା ।
ପଞ୍ଚାମ୍ନାୟଶିରଃସ୍ଥା ବୃହଦମ୍ବ ତ୍ଵଂ ଷଡଧ୍ଵଜନୟିତ୍ରୀ ॥ ୫ ॥

ନାସାଭାସା ଚମ୍ପକଶୋଭାକ୍ଷୋଭାଵହାସ୍ତୁ ବୃହଦମ୍ବା ।
ପାରାଵାରାତ୍ମଜୟା ସେଵ୍ୟା ଦେଵ୍ୟା ଗିରାଂ ଚ ଭଵ୍ୟାୟ ॥ ୬ ॥

କମ୍ବୁଲସତ୍କଂଧରୟା କୈଶ୍ୟଵିନିର୍ଧୂତନୀଲକଂଧରୟା ।
ପାଲ୍ୟେ ଶୋଣାଧରୟା ପାଵିତଵକୁଲଦ୍ରୁମୂଲସଦ୍ଧରୟା ॥ ୭ ॥

ପୀନସ୍ତନାଵନମ୍ରେ ପାଦନତାମ୍ଭୋଜଵାସିନୀକମ୍ରେ ।
ଵାଣୀଜିତସରସାମ୍ରେ ଵାଚୋ ଵଲ୍ଗନ୍ତୁ ଧାମ୍ନି ମେ ତାମ୍ରେ ॥ ୮ ॥

ଵକୁଲଵନୀଵାସିନ୍ୟା ଵିଦ୍ରୁମସଚ୍ଛାୟଚେଲଵାସିନ୍ୟା ।
ହୃଦ୍ରାଜୀଵାସିନ୍ୟା ହୃଦୟଂ ଶଂଭୋର୍ହୃତଂ ସୁଵାସିନ୍ୟା ॥ ୯ ॥

ଵନ୍ଦେ ଶ୍ରୀବୃହଦମ୍ବାଂ ଵଲ୍ଗୁଗତାପାସ୍ତରାଜକାଦମ୍ବାମ୍ ।
ଆଶ୍ରିତଜନାଵଲମ୍ବାମାସେଵେ କୈଶ୍ୟଧୂତଲୋଲମ୍ବାମ୍ ॥ ୧୦ ॥

କେସରସରଭାସୁରୟା କେଵଲଦାସୀଭଵତ୍ସୁରାସୁରୟା ।
କଲିତା ଵାଣୀ ସୁରୟା କୟାପି ମେ ଭକ୍ତିନମ୍ରଭୂସୁରୟା ॥ ୧୧ ॥

ଶିରସା ଧୃତସୋମାୟାଃ ଶ୍ରୀଗୋକର୍ଣୈକଦିଵ୍ୟଧାମାୟାଃ ।
ପଦନମ୍ରାଣାଂ ମାୟାଃ ପାପଵିଧାତ୍ର୍ୟଃ କଦାପି ନୋମାୟାଃ ॥ ୧୨ ॥

ଆନନ୍ଦସାରସୀମାମାନଙ୍ଗୋତ୍କର୍ଷପୋଷକାପାଙ୍ଗାମ୍ ।
ଆନନ୍ତୁଂ ବୃହଦମ୍ବାମାନନ୍ତ୍ୟଂ ମୂର୍ଧ୍ନି ଵାଞ୍ଛାମି ॥ ୧୩ ॥

ଵକୁଲାଟଵୀନିଵିଷ୍ଟାଂ ଵନ୍ଦକସଂରକ୍ଷଣାତ୍ୟଭିନିଵିଷ୍ଟାମ୍ ।
ନିରଵଧିକରୁଣାଵିଷ୍ଟାଂ ନିତ୍ୟଂ ସେଵେମହୀଷ୍ଟଶିପିଵିଷ୍ଟାମ୍ ॥ ୧୪ ॥

ଅଭିଧାୟିତହୃଲ୍ଲେଖାମତୀତଵିଦ୍ଵତ୍ସୁକଵିଜନୋଲ୍ଲେଖାମ୍ ।
ପଦପଦ୍ମନମଲ୍ଲେଖାଂ ପଶ୍ୟାମଃ ଶାଶ୍ଵତୀଂ ତଟିଲ୍ଲେଖାମ୍ ॥ ୧୫ ॥

କରୁଣାମୃତଵର୍ଷିଣ୍ୟାଃ ସେଵକସର୍ଵାପରାଧମର୍ଷିଣ୍ୟାଃ ।
ଵକୁଲଵିପିନହର୍ଷିଣ୍ୟା ଵଶ୍ୟାଃ ସ୍ମଃ ଶଂଭୁଚିତ୍ତକର୍ଷିଣ୍ୟାଃ ॥ ୧୬ ॥

କରୁଣାଝରସରସାକ୍ଷୀମରୁଣାଧରଶୋଭିସୁନ୍ଦରସୁହାସାମ୍ ।
ତରୁନାର୍ଧଘଟିତଦେହାଂ ଵରୁଣାଲୟଜେଡିତାଂ ଶିଵାଂ ଵୃଣୁମଃ ॥ ୧୭ ॥

ଧନ୍ୟାଃ କେ ନୁ ମଦନ୍ୟା ଵଲୟେଽଵନ୍ୟା ୟତୋ ଵକୁଲଵନ୍ୟାଃ ।
ମୂଲେ ମୋକ୍ଷଵଦାନ୍ୟା ମାନ୍ୟା କନ୍ୟା ଗିରୋର୍ହିତମାନ୍ୟା ମେ ॥ ୧୮ ॥

କେଚିତ୍ ତ୍ଵାଂ କୁଲମୂଲେ ସାକ୍ଷାତ୍କୁର୍ଵନ୍ତ୍ୟହଂ ଵକୁଲମୂଲେ ।
ଅର୍ଧେଶ୍ଵରାଂ କତିପୟେ ମାତଃ ସର୍ଵେଶ୍ଵରାମହଂ କଲୟେ ॥ ୧୯ ॥

ଵାଞ୍ଛିତସିଦ୍ଧ୍ୟୈ ଭଵିତା ଲାଞ୍ଛିତଚିକୁରା ଚକୋରଵୃତ୍ତିକୃତା ।
କାଙ୍କ୍ଷିତଚରଣା ସଦ୍ଭିଃ କାଂ କ୍ଷିପ୍ରଂ ନାତନୋତି ସଂସିଦ୍ଧିମ୍ ॥ ୨୦ ॥

ଅରୁଣିମସାରସମଷ୍ଟିଃ ସଂସୃତିକୂପୋତ୍ତରଣୟଷ୍ଟିଃ ।
କଲିତାମୃତୌଘଵୃଷ୍ଟିର୍ବୃହଦମ୍ବା ଭାତୁ ମେ କୃପାଦୃଷ୍ଟିଃ ॥ ୨୧ ॥

ସାମଜସମାନଗମନା ସାମସମାଜୋପଗାନତୁଷ୍ଟମନାଃ ।
ସମଜାନୁପେତଚରଣା ସମରସତାପନ୍ନପନ୍ନଗାଭରଣା ॥ ୨୨ ॥

ଵିଶ୍ଵପତିଵଶ୍ୟହୃଦୟା ନଶ୍ଵରଵିଶ୍ଵାସପଶ୍ଵନାଶାସ୍ୟା ।
ଅଶ୍ଵମୁଖସ୍ତଵଶସ୍ୟା ନିଃଶ୍ଵସିତାନୁଶ୍ରଵାସ୍ତି ବୃହଦମ୍ବା ॥ ୨୩ ॥

ଲଘୁ ତଵ ଚରଣଂ ଶରଣଂ ତରଣଂ ମୃତ୍ୟୋର୍ଭଜାମି ବୃହଦମ୍ବ ।
ୟାଵତ୍ ତରସା ଜରସା ପରସାଦଙ୍ଗାନି ନ କୃତାନି ॥ ୨୪ ॥

ପ୍ରଭଵତି ୟତ୍ର ନ ଗୌର୍ଵା ନୋର୍ମୀଣାଂ ସଂକଥା ନ ଵା ଜଡତା ।
କୋଽପି ଵକୁଲାଲଵାଲେ ଜୟତି ଚିରାନନ୍ଦସାଗରୋଽପାର ॥ ୨୫ ॥

ସ୍ଥାଵରରାଜତନୂଜା ଭାଵରସସ୍ଫୀତଵୈଖରୀ ଜନନୀ ।
ପୀଵରଵକ୍ଷୋଜନତା ଧୀଵରଦୌହିତ୍ରସୂକ୍ତିପରିଚିନ୍ତ୍ୟା ॥ ୨୬ ॥

ସର୍ଵାନନ୍ଦନିଵାସା ଶକ୍ରଶତାନନ୍ଦମୁଖ୍ୟସୁରସେଵ୍ୟା ।
ଧୃତନନ୍ଦସୂନୁଦେହା ଭୂମନିଜାନନ୍ଦମେଦୁରା ଜୟତି ॥ ୨୭ ॥

ଅପହୃତ୍ୟ ଚିତ୍ତଶଲ୍ୟଂ ଭକ୍ତିମତାମାତନୋଷି କୈଵଲ୍ୟମ୍ ।
ବୃହଦମ୍ବ କୋ ନ୍ଵକଲ୍ୟଂ ଦେଵାନ୍ତରଂ ତ୍ଵ୍ୟା ପାଲ୍ୟମ୍ ॥ ୨୮ ॥

ଭଵନୀକୃତଗୋକର୍ଣଂ ଭାସ୍ଵନ୍ମଣିକୁଣ୍ଡଲସ୍ଫୁରତ୍କର୍ଣମ୍ ।
ଧ୍ୟାୟାମି ଶୋଣଵର୍ଣଂ ଧାମ ପରଂ ଭକ୍ତମାନସାଭ୍ୟର୍ଣମ୍ ॥ ୨୯ ॥

କଲିତା ଲଲିତା କଲିତାପହରା ଦହରାନ୍ତରଵିଚିନ୍ତ୍ୟା ।
ଵକୁଲେ ମୁକୁଲେଡ୍ୟକୁଲେ ସଦୟାଭ୍ୟୁଦୟା କିମନ୍ୟଦେଵୈର୍ମେ ॥ ୩୦ ॥

ଵାରାଣସୀନିଷେଵାଂ ଵାରାଶ୍ୟଵଗାହନାନି ଚ ନ ତନ୍ୟାଃ ।
ଵାରାନ୍ ବହୂନଥାଙ୍ଘ୍ର୍ୟୋର୍ଵାରା ପୂୟସ୍ଵ ଵକୁଲମୂଲେଶ୍ୟାଃ ॥ ୩୧ ॥

ଶ୍ରେୟଶ୍ଚ ୟା ଵିଧତ୍ତେ ଶ୍ରୀବୃହଦମ୍ବାପଦାମ୍ବୁରୁହଚିନ୍ତା ।
କଲିକଲୁଷଣି ଵିଭିନ୍ତେ ମଦମପି କାର୍ତାନ୍ତମାହନ୍ତା ॥ ୩୨ ॥

ନୀଵୀ ନଵାନ୍ୟଵଚସାଂ ସା ଵୀଣା ଵାଣ୍ୟଭିପଣାର୍ୟା ।
ଭାଵୀ ଭଵାର୍ତିହରଣୀ ଦେଵୀ ଦୟତାଂ ସଦୈଵ ବୃହଦମ୍ବା ॥ ୩୩ ॥

ମାତା ସାରସନେତ୍ରା ମାନ୍ୟା ଵାରାଶିକନ୍ୟକାନେତ୍ରା ।
ମୃଗଚକ୍ରଵର୍ତିପତ୍ରା ମନସି ମମ ସ୍ତାତ୍ ସ୍ତନୋଲ୍ଲସତ୍ପତ୍ରା ॥ ୩୪ ॥

ଵେଲତିଗାନୁକମ୍ପା ଵକୁଲଵନାମ୍ଭୋଦମଞ୍ଜୁତରଶମ୍ପା ।
ଭଵତପ୍ତାମୃତଝମ୍ପା ଭଵତୁ ହୃଦିସ୍ଥା କୃତଦ୍ଵିଷତ୍କମ୍ପା ॥ ୩୫ ॥

ପଦ୍ୟାୟାମାଦ୍ ୟାୟାମାଦ୍ୟାୟାମମ୍ବ ତାଵକଜନାନାମ୍ ।
ଵିଦ୍ୟାଂ ତେ ନିରଵଦ୍ୟାଂ ଵିଦ୍ୟାଂ ଗୋକର୍ଣରାଜ୍ଞି ଦୟୟା ତେ ॥ ୩୬ ॥

ତରଣିଂ ତମଶ୍ଛଟାନାମରଣିଂ ଜ୍ଞାନାନଲସ୍ୟ କଲୟାମି ।
ତରଣିଂ ଭଵାମ୍ବୁରାଶେଃ ସରଣିଂ ଵେଦ୍ୟାଗମସ୍ୟ ବୃହଦମ୍ବାମ୍ ॥ ୩୭ ॥

ଵକ୍ଷୋଜଭାରନମିତା ଲକ୍ଷୋତ୍ତରଵେଦଗୀଃପ୍ରମିତା ।
ଇକ୍ଷୋର୍ମଧୁରୋକ୍ତିମିତା ନ କ୍ଷୋଭ୍ୟା ତ୍ଵଂ ଦୟାଧୁନୀ ସ୍ତିମିତା ॥ ୩୮ ॥

ହୃଦୟଂ ପୁରାଣଵଚସାଂ ସଦୟଂ ଦୀନାଵନେ ପରଂ ତେଜଃ ।
ମଦୟନ୍ନଧରଂ ଶଂଭୋସ୍ତଦୟଂ ୟାତୋ ଜନଃ ଶରଣମ୍ ॥ ୩୯ ॥

ମାଙ୍କଣତୀରକୁଟୀରା ମେଦୁରଵକ୍ଷୋଜଲିପ୍ତପାଟୀରା ।
ପତିଧୃତଚନ୍ଦ୍ରାଣ୍ଡୀରା ଧ୍ୟେୟାମ୍ବା ମୁକ୍ତିଦାନଶୌଣ୍ଡୀରା ॥ ୪୦ ॥

ଆପନ୍ନରକ୍ଷଣାର୍ଥେ ଚାପଂ ପୁଣ୍ଡ୍ରେକ୍ଷୁମାଦଧାନା ସା ।
ରୋପଂ ଚ ପୌଷ୍ପମମ୍ବା ପାପଂ ପ୍ରୋତ୍ସାରୟେନ୍ମମାଶେଷମ୍ ॥ ୪୧ ॥

ଦକ୍ଷା ନିରର୍ଗଲା ସା ଦାତୁଂ ସ୍ଵର୍ଗଂ ତ୍ରିଵର୍ଗମପଵର୍ଗମ୍ ।
ବୃହଦମ୍ବା ମହଦନ୍ତର୍ଵାସା ଭାସାରୁଣା ଜୟତି ॥ ୪୨ ॥

ଵାରିଦସୋଦରଚିକୁରାଂ ଵଦନପରାଭୂତଵିସ୍ଫୁରନ୍ମୁକୁରାମ୍ ।
ସୁନ୍ଦରହାସାଙ୍କୂରାଂ ସେଵେଽମ୍ବାଂ ଵାଗ୍ଜିତାମୃତାସାରାମ୍ ॥ ୪୩ ॥

ବିନ୍ଦୁତ୍ରୟାତ୍ମକତୟା କଲୟନ୍ତି ତ୍ଵାମପାରକରୁଣାବ୍ଧିମ୍ ।
ୟେ ବୃହଦମ୍ବ ଭଵାବ୍ଧିର୍ଵିଦୁଷାଂ ତେଷାଂ କତି ପୃଷନ୍ତି ॥ ୪୪ ॥

ନୀଵାରଶୂକଶାତା ନୀହାରାଂଶୁଚ୍ଛଟାଶୀତା ।
ବାଲାଦିତ୍ୟଶତାଭା ମୂଲାଧାରାତ୍ ସମୁଦ୍ୟତା ଭାସି ॥ ୪୫ ॥

ଵିଶ୍ଵପ୍ରଥାନିଦାନଂ ଵେଦଶିରଃସ୍ଫୂର୍ଜଦପଦାନମ୍ ।
ବୃହଦମ୍ବିକାଭିଧାନଂ ବହୁଶଃ ସେଵେୟ ମଙ୍ଗଲଵିଧାନମ୍ ॥ ୪୬ ॥

ଆଲୋଲନୀଲଵେଣୀ ଫାଲୋତ୍ସଙ୍ଗାନୁଷଙ୍ଗିଦିଵ୍ୟମଣୀ ।
କାଲୋନ୍ମିଷତ୍କୁଵଲୟଚ୍ଛାୟାଦାୟାଦଲୋଚନଦ୍ଵିତୟା ॥ ୪୭ ॥

ମଣିତାଟଙ୍କସମୁଦ୍ୟଦ୍ଘୃଣିଗଣନୀରାଜିତକପୋଲମ୍ ।
ନାସାଗ୍ରଲମ୍ବିମୁକ୍ତାଭାସା ସଂପୃକ୍ତମନ୍ଦହାସରୁଚିଃ ॥ ୪୮ ॥

ଅରୁଣାଧରଜିତବିମ୍ବା ଵକ୍ତ୍ରପରାଭୂତଶୀତକରବିମ୍ବା ।
ପୀନୋନ୍ନତସ୍ତନଭରା ପାଶସୃଣୀଷ୍ଵିକ୍ଷୁଚାପକରା ॥ ୪୯ ॥

ଶିଞ୍ଜିତମଞ୍ଜୀରଲସନ୍ମଞ୍ଜୁଲଚରଣାବ୍ଜନମ୍ରସୁରଲୋକା ।
ବୃହଦମ୍ବା ମମ ହୃଦୟେ ନିଵସତୁ ଵାତ୍ସଲ୍ୟଶୀତଲାଲୋକା ॥ ୫୦ ॥

ଭାନଵ୍ୟା ୟା ନଵ୍ୟା ମାନଵ୍ୟାଘାତଭୀତୟା ଦୀପ୍ତ୍ୟା ।
ଆତନ୍ଵୀତ ସୁତନ୍ଵୀ ସା ତନ୍ଵୀଡ୍ୟା ଶ୍ରିୟଂ ତଵାମ୍ବ ତନୂଃ ॥ ୫୧ ॥

ଇଚ୍ଛାତ୍ତଵିଶ୍ଵଶିଲ୍ପାଂ ପଞ୍ଚବ୍ରହ୍ମପ୍ରକଲ୍ପିତସୁତଲ୍ପାମ୍ ।
ଵନ୍ଦୀକୃତାଦିଜଲ୍ପାଂ ଵନ୍ଦେ ଦେଵୀଂ ଦୟୋଦୟାନଲ୍ପାମ୍ ॥ ୫୨ ॥

କେଚିନ୍ମଦାଲସାକ୍ଷଂ କାଲୋନ୍ମୀଲତ୍କୁଵାଲଜୟଦକ୍ଷମ୍ ।
ଗାତ୍ରଂ ତଵାପରୋକ୍ଷଂ କୁର୍ୟୁର୍ବୃହଦମ୍ବ ଦୁଷ୍କୃତଵିପକ୍ଷମ୍ ॥ ୫୩ ॥

ଶୟଧୃତଚାରୁଵିପଞ୍ଚୀ ଶ୍ରୋଣୀବିମ୍ବାଵଲମ୍ବିମଣିକାଞ୍ଚୀ ।
ଗୋକର୍ଣେଶ୍ୟଘଵଞ୍ଚୀ ଦୃଷ୍ଟା ଚେତ୍ କୋ ନ ଭକ୍ତିରୋମାଞ୍ଚୀ ॥ ୫୪ ॥

କାଲଂ ପ୍ରୟାପ୍ୟ ମେଽଲଂ ଭାରୈର୍ଦୁଃସ୍ଥୈରଚାରୁକୁଚଭାରୈଃ ।
କ୍ଷାମୈରଶୁକଶ୍ୟାମୈରନ୍ୟୈର୍ଦେଵୈରଧୂତନତଦୈନ୍ୟୈଃ ॥ ୫୫ ॥

ସୋମାର୍ଧସଲ୍ଲଲାମା ସା ମାମଵ୍ୟାତ୍ ସୁଵକୁଲଵନଦାମା ।
କାମାରିଦିଵ୍ୟରାମା ପରମା ସଂଵିଦ୍ ଘନଶ୍ୟାମା ॥ ୫୬ ॥

କୋମଲଵାକୁଲମୂଲା ସ୍ତୋମଲସତ୍କୁନ୍ତଲାଧିଗୋକର୍ଣମ୍ ।
ୟାମଲଵର୍ଣ୍ୟା କାପି ଶ୍ୟାମଲଵର୍ଣା ଵିଭାତି ଗୁରୁମୂର୍ତିଃ ॥ ୫୭ ॥

ପ୍ରଵହତ୍କରୁଣାପାଙ୍ଗଂ ପ୍ରତ୍ୟଗ୍ରାମ୍ଭୋଦମେଚକଶ୍ୟାମମ୍ ।
ଵିଶ୍ଵାଧିକାନ୍ତରଙ୍ଗଂ ଵକୁଲଵନେ ଭାତି ପାଲିତପାଙ୍ଗମ୍ ॥ ୫୮ ॥

ଶିଖିପିଞ୍ଛଂ ତାପିଞ୍ଛଂ ସଭୟଂ ଧମ୍ମିଲ୍ଲଶୋଭୟା ସ୍ଵଭୟା ।
ଆଦଧତୀ ଦଧତୀନ୍ଦୁଂ ମାଙ୍କଣରୋଧୋଽଙ୍କଣେ ଜୟତ୍ୟମ୍ବା ॥ ୫୯ ॥

ଵାମକୁଚଚୁମ୍ବିଵୀଣାମର୍ଧୋନ୍ମୀଲନ୍ମନୋଜ୍ଞଟ୍ଟକ୍କୋଣାମ୍ ।
ଵିଶ୍ଵାଵନପ୍ରଵୀଣାଂ ଵକୁଲାଟଵ୍ୟାଂ ନମାମି ରମମାଣାମ୍ ॥ ୬୦ ॥

ଅଂସାନୁଷଙ୍ଗିଚୂଲୀ ସଂସାରାପାରଵାରିଧେରାଲୀ ।
ଶଂ ସା ଦଦାତୁ କାଲୀ କଂସାରୀଡ୍ୟା ସଦାତ୍ତଵକୁଲାଲୀ ॥ ୬୧ ॥

ଵୀଣାଵାଦିନି ଶର୍ମାସ୍ଵାଦିନି କର୍ମାଦ୍ରିଭେଦିନି ସ୍ୟାନ୍ମେ ।
ଵିଶ୍ଵାକାରିଣି ଚନ୍ଦ୍ରାଲଂକାରିଣି ବୋଧକାରିଣି ପ୍ରେମ ॥ ୬୨ ॥

ଅରୁଣାଂଶୁକାମୁପାସେ ନିଗମଂ ଶୁକରୂପିଣଂ ଦଧତୀମ୍ ।
ଦଦତୀମାଶୁକଵିତ୍ଵଂ ସ୍ଵାଂଶୁକଦର୍ଥୀକୃତାତସୀଂ ଜନନୀମ୍ ॥ ୬୩ ॥

ସଜ୍ଜନକୃତଵରିଵସ୍ୟଂ ସାରସପରିହାସସାଦରନିଜାସ୍ୟମ୍ ।
ଗାନ୍ଧର୍ଵସ୍ୟ ରହସ୍ୟଂ କିଂଚନ କୁର୍ୟାନ୍ମଦାଶାସ୍ୟମ୍ ॥ ୬୪ ॥

ଦୂର୍ଵାଶ୍ୟାମଲକାୟେ ଦୁର୍ଵାସୋମୁଖ୍ୟମୌନିଗଣସେଵ୍ୟେ ।
ଅର୍ଵାସ୍ୟଵର୍ଣିତଗୁଣେ କୁର୍ଵାଶାପୂର୍ତିମଦ୍ୟ ବୃହଦମ୍ବ ॥ ୬୫ ॥

ଲୀଲାଲୋଲା ଵକୁଲାଟଵ୍ୟାମଵ୍ୟାଚ୍ଛୁକାଭିରାମକରା ।
ଵୀଣାକ୍କାଣାଭିରତା ମାତା ଭୂତାଧିପସ୍ୟ ଦୟିତା ନଃ ॥ ୬୬ ॥

ଦୁରିତେଭ୍ୟୋ ନ କୃତେଭ୍ୟୋ ନାପି କୃତାନ୍ତାଦ୍ ବିଭେମି ଦୁର୍ଦାନ୍ତାତ୍ ।
ଦୃଷ୍ଟା ଦୟାସମଷ୍ଟିର୍ଵକୁଲଵନେ ଶ୍ୟାମଲାକୃତିର୍ୟେନ ॥ ୬୭ ॥

ଧନ୍ୟୋଽହଂ ଧନ୍ୟୋଽହଂ ଵଂଶଦ୍ଵିତୟୀ ମଦୀକ୍ଷିତା ଧନ୍ୟା ।
ପରିପଣମାମ୍ନାୟାନାଂ ଶ୍ୟାମଲମାଲୋକି ଵକୁଲମୂଲେ ୟତ୍ ॥ ୬୮ ॥

ଵିତ୍ତାଦିଭିର୍ନରାଣାଂ ମତ୍ତାନାଂ ଦୁର୍ଲଭା ଵିନା ଭକ୍ତିମ୍ ।
ତତ୍ତାଦୃଶାନୁଭାଵା ସତ୍ତା କାଚିଦ୍ ଵିଭାତି ଗୋକର୍ଣେ ॥ ୬୯ ॥

ପରିହୃତସର୍ଵଵିକଲ୍ପା ପରିଧୃତଶୀତାଂଶୁକୋରକାକଲ୍ପା ।
ବାଲଦିଵାକରକଲ୍ପା ବୃହଦମ୍ବା ପାତୁ ସତ୍ୟସଂକଲ୍ପା ॥ ୭୦ ॥

ଚମ୍ପକନୀପରସାଲାଃ ସନ୍ତ୍ୟେଵାନ୍ୟେ ରସାସ୍ଥଲେ ସାଲାଃ ।
ଵକୁଲେ ତୁ ମେଽସ୍ତି ଭକ୍ତିର୍ୟସ୍ମିନ୍ ଦୃଷ୍ଟେ ସ୍ମୃତା ଭଵତ୍ୟମ୍ବା ॥ ୭୧ ॥

ଭ୍ରମରୀଵିଭ୍ରମକବରୀଂ ଭ୍ରୂଭ୍ରମଣେନୈଵ ପଞ୍ଚକୃତ୍ୟକରୀମ୍ ।
ସଂଵିତ୍ସୁଖାମୃତଝରୀଂ ସଂସେଵେଽମ୍ବାଂ ଭଵାମ୍ବୁରାଶିତରୀମ୍ ॥ ୭୨ ॥

କୁମୁଦେଶପାକଚୂଡଂ କଲିତସୁରୋଦ୍ୟାନମାଲିକାପୀଡମ୍ ।
ଅଞ୍ଚିତଵକୁଲାକ୍ରୀଡଂ କିଂଚିଦୁପାସେ ଦୟାନିଵହନୀଡମ୍ ॥ ୭୩ ॥

ସରଲେ ସରଲେ ଵିରଲେ ତରଲେ ହୃନ୍ନେତ୍ରକୁଚସୀମ୍ନି ।
ଵସ୍ତୁନି ମେଽସ୍ତୁ ନିଵାସ୍ତୁନି କରୁଣାୟାଶ୍ଚିତ୍ତଵୃତ୍ତିରପତନ୍ଦ୍ରା ॥ ୭୪ ॥

କଂ ଗଣୟେଽନ୍ୟମୁପାସ୍ୟଂ ମଙ୍କଣକାସାରତୀରକୌତୁକିନଃ ।
ଅଙ୍ଗଣଵାକୁଲସୁମନୋରିଙ୍ଖଣସୌରଭ୍ୟନିର୍ଭରାଦ୍ଧାମ୍ନଃ ॥ ୭୫ ॥

ଵେଶନ୍ତତୁଲ୍ୟନାଭୀ ଵାସନ୍ତସ୍ଫାରପୁଷ୍ପଶୁଭଵେଣୀ ।
ସୀମନ୍ତଭାସିଵୁସୃଣା ସା ହନ୍ତ ପ୍ରେକ୍ଷିତାଦ୍ୟ ବୃହଦମ୍ବା ॥ ୭୬ ॥

ଶ୍ରୁତିଲାସିକାଲିରଙ୍ଗାୟିତସ୍ଵମହିମାକ୍ଷିନିର୍ଜିତକୁରଙ୍ଗା ।
ପ୍ରୋଦ୍ୟତ୍କୃପାତରଙ୍ଗା ପାୟାଦମ୍ବା ମୃଗେଶ୍ଵରତୁରଙ୍ଗା ॥ ୭୭ ॥

ନିବିଡଘନସ୍ତନକୁମ୍ଭା ନିଜଵେଣୀନ୍ୟସ୍ତଶୀତକରଡିମ୍ଭା ।
ନିଵସିତଵରକୌସୁମ୍ଭା ନିଵସତୁ ଚିତ୍ତେ ଜଗଦ୍ଧିତାରମ୍ଭା ॥ ୭୮ ॥

ଗମ୍ଭୀରନାଭିକୁହରାଂ କୁମ୍ଭୀନ୍ଦ୍ରସ୍ପର୍ଧିମୁଗ୍ଧସଂଚାରାମ୍ ।
ତାଂ ଭୀମସ୍ୟ ନ ଭାମାଂ କୁମ୍ଭୀପାକେଚ୍ଛଵୋ ଭଜନ୍ତ୍ୟଜ୍ଞାଃ ॥ ୭୯ ॥

ଵାହ୍ୟାପି ନୋ ପୁରାଣ୍ୟା ତତ୍ତ୍ଵଵିପଣ୍ୟା ୟଦୁଚ୍ଚତାଗଣ୍ୟା ।
ସା ଵର୍ଣ୍ୟାସ୍ତୁ ଶରଣ୍ୟା କସ୍ୟ ଧରଣ୍ୟାମୁମାଖିଲଵରେଣ୍ୟା ॥ ୮୦ ॥

ଗୋକର୍ଣେଶୟସେଵ୍ୟାଂ ଗୋକର୍ଣେଶପ୍ରିୟାଂ ପ୍ରଣମନ୍ ।
ଗୋକର୍ଣେ ଵସ ତୂଷ୍ଣୀଂ ଗୋକର୍ଣେ ଭ୍ରାମକାଂସ୍ତୁ ଜପ ମନ୍ତ୍ରାନ୍ ॥ ୮୧ ॥

କ୍ଷୁଦ୍ରାର୍ଥଦାନଶୀଲା ନ ଦ୍ରାଗାରାଧିତାଃ ପ୍ରସୀଦନ୍ତି ।
ନିଦ୍ରାଲସାସ୍ତ୍ଵଦନ୍ୟେ ତଦ୍ରାଜ୍ଞି ତ୍ଵାଂ ଭଜେ ଵକୁଲଵନ୍ୟାଃ ॥ ୮୨ ॥

ଆଗମକୋଟିନିରୁକ୍ତାମାବ୍ରହ୍ମସ୍ତମ୍ବରକ୍ଷଣାସକ୍ତାମ୍ ।
ଆର୍ୟାମନାଦିମୁକ୍ତାମାଲୋକେ କେସରାଟଵୀସକ୍ତାମ୍ ॥ ୮୩ ॥

ସେଵେ କିଂଚନ ଦିଵ୍ୟଂ ଭାଵେ ତେଜଃ ସମସ୍ତସଂସେଵ୍ୟମ୍ ।
ଧୀଵେଦିମେତ୍ୟ ହୃଦ୍ୟଂ ସଂଵେଦ୍ୟାଖ୍ୟଂ ଦହେନ୍ମମାଭଵ୍ୟମ୍ ॥ ୮୪ ॥

ଵାଣୀ ଚାମ୍ବୁଧିକନ୍ୟା ସା ଵୃଣୁତେ ତଂ ବଲାଦିଵାନନ୍ୟା ।
କିଂଚିତ୍ ତ୍ଵୟା ଜନନ୍ୟା କଟାକ୍ଷିତୋ ୟଃ କିୟତ୍ୟଥ ସ୍ତ୍ର୍ୟନ୍ୟା ॥ ୮୫ ॥

ଶକ୍ତଃ କୋଽପି ୟଦୀୟାଂ ଲଙ୍ଘିତୁମାଜ୍ଞାଂ ନ ଲୋକେଷୁ ।
ୟସ୍ୟାଜ୍ଞାଂ ବୃହଦମ୍ବା ସାଧ୍ୟାସ୍ତେ କସ୍ତତୋ ହ୍ୟଧିକଃ ॥ ୮୬ ॥

ଅଷ୍ଟାପଦାଦି ସର୍ଵଂ ଲୋଷ୍ଟାଭିନ୍ନଂ ସଦାଭିପଶ୍ୟନ୍ତଃ ।
ଅଷ୍ଟାତ୍ମନଃ ପ୍ରଣୟିନୀଂ ଶିଷ୍ଟାଃ ପଶ୍ୟନ୍ତ୍ୟନନ୍ୟତୟା ॥ ୮୭ ॥

ଦାହଂ ଭଵାନଲୋତ୍ଥଂ ଵ୍ୟାହନ୍ତୁଂ ଵାକୁଲାଟଵୀଂ ଦେଵୀମ୍ ।
ସୋଽହଂ ଭଜାମି ଭକ୍ତ୍ୟା ୟାହଂତାରୂପିନୀତି ଗୁରୁଣୋକ୍ତା ॥ ୮୮ ॥

କୁଲଦୈଵତଂ ମଦୀୟଂ କୁଲକୁଣ୍ଡାଭ୍ୟନ୍ତରୈକଵାସ୍ତଵ୍ୟମ୍ ।
କୁଲପର୍ଵତେଶଭାଗ୍ୟଂ କୁଲାୟମୀକ୍ଷେଽନୁପାଧିକରୁଣାୟାଃ ॥ ୮୯ ॥

ଅଗ୍ନାଵିଷ୍ଣୁମୁଖେଡ୍ୟା ଭଗ୍ନାଶେଷାର୍ତିରାତ୍ମଭକ୍ତାନାମ୍ ।
ଭୁଗ୍ନାଲକା ମଦୀୟେ ଲଗ୍ନା ଚିତ୍ତେ ଚକାସ୍ତୁ ବୃହଦମ୍ବା ॥ ୯୦ ॥

ଅଵ୍ୟାଜଭୂତକରୁଣା ଭଵ୍ୟାପାଙ୍ଗପ୍ରକଲ୍ପିତତ୍ରାଣା ।
ଅଵ୍ୟାଦ୍ଵିଲିପ୍ତଘୁସୃଣା ସ୍ତଵ୍ୟା ଶ୍ରୁତ୍ୟା ସଦାପ୍ତଗୋକର୍ଣା ॥ ୯୧ ॥

ଅମ୍ଭୋଜତୁଲ୍ୟନୟନାମଙ୍କାଲଂକାରିଣୀଂ ତ୍ରିନେତ୍ରସ୍ୟ ।
ଅଙ୍ଗୀକୃତାଦିମରସାମ୍ବାଂ ଗୋକର୍ଣନାୟିକାଂ ସେଵେ ॥ ୯୨ ॥

ଭାର୍ୟାମନାଦିୟୂନୋଽହାର୍ୟାଧୀଶାନ୍ଵଵାୟମଣିଭୂଷାମ୍ ।
ଆର୍ୟାମୁପାଧ୍ଵମନିଶଂ କାର୍ୟାକାର୍ୟାଵମର୍ଶନିଷ୍ଣାତାଃ ॥ ୯୩ ॥

ଵରଦେ ସୁରଦେଶିକଵାଙ୍ନିକରାସୁକରାନୁଵର୍ଣନେ ଧାମ୍ନି ।
କରଵୈ ମୁରଵୈରିମୁଖୈଃ ଶିରସା ସୁରସାର୍ଥକୈର୍ନତେ ଚେତଃ ॥ ୯୪ ॥

ମଙ୍କଣକାସାରଝରୀସମୀରଧାରାମନୋହରୋଦାରେ ।
ମିଲଦଲିଲୋଲନ୍ମୁକୁଲେ ଵକୁଲଵନେ ଲାଲସୀତି ସକଲେଶୀ ॥ ୯୫ ॥

ପଶ୍ୟଲ୍ଲଲାଟଦାରାନ୍ ପରିପୂର୍ଣାନନ୍ଦସଂଵିଦାକାରାନ୍ ।
କଠିନଘନସ୍ତନଭାରାନ୍ କଲୟେ ଗୋକର୍ଣପାଵନାଗାରାନ୍ ॥ ୯୬ ॥

ଗୋକର୍ଣେଶମହିଷ୍ୟା ଵ୍ୟାକର୍ତୁଂ କୋ ଗୁଣାନ୍ ଭଵେଦୀଶଃ ।
ସ୍ଵୀକର୍ତୁଂ ହୃଦି ଵା ତାନ୍ ଶ୍ରୀକର୍କାସ୍ୟଂ ତମେକମପହାୟ ॥ ୯୭ ॥

ତୁଷ୍ଟା ଶ୍ରୀବୃହଦମ୍ବା କଷ୍ଟାନୁନ୍ମୂଲୟେତ୍ କୃପାଦୃଷ୍ଟ୍ୟା ।
ଇଷ୍ଟାନି ଚ ପ୍ରଦଦ୍ୟାନ୍ମୃଷ୍ଟାଂ ପ୍ରତିଭାଂ ପରତ୍ର ଚ ଶ୍ରେୟଃ ॥ ୯୮ ॥

ଵନ୍ଦେ ଵିଶ୍ଵଵିଧାତ୍ରୀଂ ଵନ୍ଦେ ଵିଦ୍ୟାଚିମୁକ୍ତିଫଲଦାତ୍ରୀମ୍ ।
ଵନ୍ଦେ ଵକୁଲଵନେଶୀଂ ଵନ୍ଦେ ଗୋକର୍ଣଵଲ୍ଲଭସୁକେଶୀମ୍ ॥ ୯୯ ॥

ଜୟତି ସ୍ଫାରଦୟାର୍ଦ୍ରା ଗୋକର୍ଣାଧୀଶଵଲ୍ଲଭା ଜୟତି ।
ଜୟତି ପ୍ରସାଦସୁମୁଖୀ ଶ୍ରୀରଘୁନାଥେନ୍ଦ୍ରପୂଜିତା ଜୟତି ॥ ୧୦୦ ॥

ଆଖ୍ୟାଂ ସକୃଦ୍ ୟଦୀୟାମାଖ୍ୟାୟାଶେଷଵାଞ୍ଛିତଂ ଲଭତେ ।
ତସ୍ୟାଃ ସ୍ତୁତିପ୍ରିୟାୟାଃ ୟଃ ସ୍ୟାତ୍ ସ୍ତୋତ୍ରଂ ପଠନ୍ ସ ପୂର୍ଣାର୍ଥଃ ॥ ୧୦୧ ॥

॥ ଇତି ଶ୍ରୀବୃହଦମ୍ବାଶତକଂ ସଂପୂର୍ଣମ୍ ॥

Brihadambarya Shatakam Lyrics in Oriya | Hindu Shataka

Leave a Reply

Your email address will not be published. Required fields are marked *

Scroll to top