Templesinindiainfo

Best Spiritual Website

Devi Vaibhava Ashcharya Ashtottara Shata Divyanama Stotram Lyrics in Gujarati

Devi Vaibhavam Ashcharya Ashtothara Shata Divya Nama Stotram Lyrics in Gujarati:

॥ દેવીવૈભવાશ્ચર્યાષ્ટોત્તરશતદિવ્યનામસ્તોત્રમ્ ॥

અસ્ય શ્રી દેવી-વૈભવ-આશ્ચર્ય-અષ્ટોત્તરશત-દિવ્યનામસ્તોત્ર-મહામન્ત્રસ્ય
આનન્દભૈરવ ઋષિઃ । અનુષ્ટુપ્ છન્દઃ । શ્રી આનન્દભૈરવી
શ્રીમહાત્રિપુરસુન્દરી દેવતા ।
કૂટત્રયેણ બીજ-શક્તિ-કીલકમ્ ।
મમ શ્રી આનન્દભૈરવી શ્રીમહાત્રિપુરસુન્દરીપ્રસાદ-
સિદ્ધ્યર્થે સાન્નિધ્યસિદ્ધ્યર્થે જપે વિનિયોગઃ ।
કૂટત્રયેણ કર-ષડઙ્ગન્યાસઃ ॥

ભૂર્ભુવઃસુવરોમિતિ દિગ્બન્ધઃ

॥ ધ્યાનમ્ ॥

ક્વણત્કાઞ્ચીદામા કરિકલભકુમ્ભસ્તનનતા
પરિક્ષીણા મધ્યે પરિણતશરચ્ચન્દ્રવદના ।
ધનુર્બાણાન્ પાશં સૃણિમપિ દધાના કરતલૈઃ
પુરસ્તાદાસ્તાં નઃ પુરમથિતુરાહોપુરુષિકા ॥ ૧ ॥

સુધાસિન્ધોર્મધ્યે સુરવિટપિવાટીપરિવૃતે
મણિદ્વીપે નીપોપવનવતિ ચિન્તામણિગૃહે ।
શિવાકારે મઞ્ચે પરમશિવપર્યઙ્કનિલયાં
ભજન્તિ ત્વાં ધન્યાઃ કતિચન ચિદાનન્દલહરીમ્ ॥ ૨ ॥

॥ પઞ્ચપૂજા ॥

લં પૃથિવ્યાત્મિકાયૈ ગન્ધં સમર્પયામિ ।
હં આકાશાત્મિકાયૈ પુષ્પૈઃ પૂજયામિ ।
યં વાય્વાત્મિકાયૈ ધૂપમાઘ્રાપયામિ ।
રં અગ્ન્યાત્મિકાયૈ દીપં દર્શયામિ ।
વં અમૃતાત્મિકાયૈ અમૃતં મહાનૈવેદ્યં નિવેદયામિ ।
સં સર્વાત્મિકાયૈ સર્વોપચારાન્ સમર્પયામિ ॥

ૐ ઐં હ્રીં શ્રીં
પરમાનન્દલહરી પરચૈતન્યદીપિકા ।
સ્વયંપ્રકાશકિરણા નિત્યવૈભવશાલિની ॥ ૧ ॥

વિશુદ્ધકેવલાખણ્ડસત્યકાલાત્મરૂપિણી ।
આદિમધ્યાન્તરહિતા મહામાયાવિલાસિની ॥ ૨ ॥

ગુણત્રયપરિચ્છેત્રી સર્વતત્ત્વપ્રકાશિની ।
સ્ત્રીપુંસભાવરસિકા જગત્સર્ગાદિલંપટા ॥ ૩ ॥

અશેષનામરૂપાદિભેદચ્છેદરવિપ્રભા ।
અનાદિવાસનારૂપા વાસનોદ્યત્પ્રપઞ્ચિકા ॥ ૪ ॥

પ્રપઞ્ચોપશમપ્રૌઢા ચરાચરજગન્મયી ।
સમસ્તજગદાધારા સર્વસઞ્જીવનોત્સુકા ॥ ૫ ॥

ભક્તચેતોમયાનન્તસ્વાર્થવૈભવવિભ્રમા ।
સર્વાકર્ષણવશ્યાદિસર્વકર્મદુરન્ધરા ॥ ૬ ॥

વિજ્ઞાનપરમાનન્દવિદ્યા સન્તાનસિદ્ધિદા ।
આયુરારોગ્યસૌભાગ્યબલશ્રીકીર્તિભાગ્યદા ॥ ૭ ॥

ધનધાન્યમણીવસ્ત્રભૂષાલેપનમાલ્યદા ।
ગૃહગ્રામમહારાજ્યસાંરાજ્યસુખદાયિની ॥ ૮ ॥

સપ્તાઙ્ગશક્તિસમ્પૂર્ણસાર્વભૌમફલપ્રદા ।
બ્રહ્મવિષ્ણુશિવેન્દ્રાદિપદવિશ્રાણનક્ષમા ॥ ૯ ॥

ભુક્તિમુક્તિમહાભક્તિવિરક્ત્યદ્વૈતદાયિની ।
નિગ્રહાનુગ્રહાધ્યક્ષા જ્ઞાનનિર્દ્વૈતદાયિની ॥ ૧૦ ॥

પરકાયપ્રવેશાદિયોગસિદ્ધિપ્રદાયિની ।
શિષ્ટસઞ્જીવનપ્રૌઢા દુષ્ટસંહારસિદ્ધિદા ॥ ૧૧ ॥

લીલાવિનિર્મિતાનેકકોટિબ્રહ્માણ્ડમણ્ડલા ।
એકાનેકાત્મિકા નાનારૂપિણ્યર્ધાઙ્ગનેશ્વરી ॥ ૧૨ ॥

શિવશક્તિમયી નિત્યશૃઙ્ગારૈકરસપ્રિયા ।
તુષ્ટા પુષ્ટાપરિચ્છિન્ના નિત્યયૌવનમોહિની ॥ ૧૩ ॥

સમસ્તદેવતારૂપા સર્વદેવાધિદેવતા ।
દેવર્ષિપિતૃસિદ્ધાદિયોગિનીભૈરવાત્મિકા ॥ ૧૪ ॥

નિધિસિદ્ધિમણીમુદ્રા શસ્ત્રાસ્ત્રાયુધભાસુરા ।
છત્રચામરવાદિત્રપતાકાવ્યજનાઞ્ચિતા ॥ ૧૫ ॥

હસ્ત્યાશ્વરથપાદાતામાત્યસેનાસુસેવિતા ।
પુરોહિતકુલાચાર્યગુરુશિષ્યાદિસેવિતા ॥ ૧૬ ॥

સુધાસમુદ્રમધ્યોદ્યત્સુરદ્રુમનિવાસિની ।
મણિદ્વીપાન્તરપ્રોદ્યત્કદંબવનવાસિની ॥ ૧૭ ॥

ચિન્તામણિગૃહાન્તસ્થા મણિમણ્ડપમધ્યગા ।
રત્નસિંહાસનપ્રોદ્યચ્છિવમઞ્ચાધિશાયિની ॥ ૧૮ ॥

સદાશિવમહાલિઙ્ગમૂલસંઘટ્ટયોનિકા ।
અન્યોન્યાલિઙ્ગસંઘર્ષકણ્ડૂસંક્ષુબ્ધમાનસા ॥ ૧૯ ॥

કલોદ્યદ્બિન્દુકાલિન્યાતુર્યનાદપરંપરા ।
નાદાન્તાનન્દસન્દોહસ્વયંવ્યક્તવચોઽમૃતા ॥ ૨૦ ॥

કામરાજમહાતન્ત્રરહસ્યાચારદક્ષિણા ।
મકારપઞ્ચકોદ્ભૂતપ્રૌઢાન્તોલ્લાસસુન્દરી ॥ ૨૧ ॥

શ્રીચક્રરાજનિલયા શ્રીવિદ્યામન્ત્રવિગ્રહા ।
અખણ્ડસચ્ચિદાનન્દશિવશક્ત્યૈકરૂપિણી ॥ ૨૨ ॥

ત્રિપુરા ત્રિપુરેશાની મહાત્રિપુરસુન્દરી ।
ત્રિપુરાવાસરસિકા ત્રિપુરાશ્રીસ્વરૂપિણી ॥ ૨૩ ॥

મહાપદ્મવનાન્તસ્થા શ્રીમત્ત્રિપુરમાલિની ।
મહાત્રિપુરસિદ્ધામ્બા શ્રીમહાત્રિપુરામ્બિકા ॥ ૨૪ ॥

નવચક્રક્રમાદેવી મહાત્રિપુરભૈરવી ।
શ્રીમાતા લલિતા બાલા રાજરાજેશ્વરી શિવા ॥ ૨૫ ॥

ઉત્પત્તિસ્થિતિસંહારક્રમચક્રનિવાસિની ।
અર્ધમેર્વાત્મચક્રસ્થા સર્વલોકમહેશ્વરી ॥ ૨૬ ॥

વલ્મીકપુરમધ્યસ્થા જમ્બૂવનનિવાસિની ।
અરુણાચલશૃઙ્ગસ્થા વ્યાઘ્રાલયનિવાસિની ॥ ૨૭ ॥

શ્રીકાલહસ્તિનિલયા કાશીપુરનિવાસિની ।
શ્રીમત્કૈલાસનિલયા દ્વાદશાન્તમહેશ્વરી ॥ ૨૮ ॥

શ્રીષોડશાન્તમધ્યસ્થા સર્વવેદાન્તલક્ષિતા ।
શ્રુતિસ્મૃતિપુરાણેતિહાસાગમકલેશ્વરી ॥ ૨૯ ॥

ભૂતભૌતિકતન્માત્રદેવતાપ્રાણહૃન્મયી ।
જીવેશ્વરબ્રહ્મરૂપા શ્રીગુણાઢ્યા ગુણાત્મિકા ॥ ૩૦ ॥

અવસ્થાત્રયનિર્મુક્તા વાગ્રમોમામહીમયી ।
ગાયત્રીભુવનેશાનીદુર્ગાકાળ્યાદિરૂપિણી ॥ ૩૧ ॥

મત્સ્યકૂર્મવરાહાદિનાનારૂપવિલાસિની ।
મહાયોગીશ્વરારાધ્યા મહાવીરવરપ્રદા ॥ ૩૨ ॥

સિદ્ધેશ્વરકુલારાધ્યા શ્રીમચ્ચરણવૈભવા ॥ ૩૩ ॥

શ્રીં હ્રીં ઐં ૐ

કૂટત્રયેણ ષડાઙ્ગન્યાસઃ ।
ભૂર્ભુવઃસુવરોમિતિ દિગ્વિમોકઃ ।
પુનર્ધ્યાનમ્ ।
પુનઃ પઞ્ચપૂજા ॥

Also Read:

Devi Vaibhava Ashcharya Ashtottara Shata Divyanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Devi Vaibhava Ashcharya Ashtottara Shata Divyanama Stotram Lyrics in Gujarati

Leave a Reply

Your email address will not be published. Required fields are marked *

Scroll to top