Templesinindiainfo

Best Spiritual Website

Devi Vaibhava Ashcharya Ashtottara Shata Divyanama Stotram Lyrics in Malayalam

Devi Vaibhavam Ashcharya Ashtothara Shata Divya Nama Stotram Lyrics in Malayalam:

॥ ദേവീവൈഭവാശ്ചര്യാഷ്ടോത്തരശതദിവ്യനാമസ്തോത്രം ॥

അസ്യ ശ്രീ ദേവീ-വൈഭവ-ആശ്ചര്യ-അഷ്ടോത്തരശത-ദിവ്യനാമസ്തോത്ര-മഹാമന്ത്രസ്യ
ആനന്ദഭൈരവ ഋഷിഃ । അനുഷ്ടുപ് ഛന്ദഃ । ശ്രീ ആനന്ദഭൈരവീ
ശ്രീമഹാത്രിപുരസുന്ദരീ ദേവതാ ।
കൂടത്രയേണ ബീജ-ശക്തി-കീലകം ।
മമ ശ്രീ ആനന്ദഭൈരവീ ശ്രീമഹാത്രിപുരസുന്ദരീപ്രസാദ-
സിദ്ധ്യര്‍ഥേ സാന്നിധ്യസിദ്ധ്യര്‍ഥേ ജപേ വിനിയോഗഃ ।
കൂടത്രയേണ കര-ഷഡങ്ഗന്യാസഃ ॥

ഭൂര്‍ഭുവഃസുവരോമിതി ദിഗ്ബന്ധഃ

॥ ധ്യാനം ॥

ക്വണത്കാഞ്ചീദാമാ കരികലഭകുംഭസ്തനനതാ
പരിക്ഷീണാ മധ്യേ പരിണതശരച്ചന്ദ്രവദനാ ।
ധനുര്‍ബാണാന്‍ പാശം സൃണിമപി ദധാനാ കരതലൈഃ
പുരസ്താദാസ്താം നഃ പുരമഥിതുരാഹോപുരുഷികാ ॥ 1 ॥

സുധാസിന്ധോര്‍മധ്യേ സുരവിടപിവാടീപരിവൃതേ
മണിദ്വീപേ നീപോപവനവതി ചിന്താമണിഗൃഹേ ।
ശിവാകാരേ മഞ്ചേ പരമശിവപര്യങ്കനിലയാം
ഭജന്തി ത്വാം ധന്യാഃ കതിചന ചിദാനന്ദലഹരീം ॥ 2 ॥

॥ പഞ്ചപൂജാ ॥

ലം പൃഥിവ്യാത്മികായൈ ഗന്ധം സമര്‍പയാമി ।
ഹം ആകാശാത്മികായൈ പുഷ്പൈഃ പൂജയാമി ।
യം വായ്വാത്മികായൈ ധൂപമാഘ്രാപയാമി ।
രം അഗ്ന്യാത്മികായൈ ദീപം ദര്‍ശയാമി ।
വം അമൃതാത്മികായൈ അമൃതം മഹാനൈവേദ്യം നിവേദയാമി ।
സം സര്‍വാത്മികായൈ സര്‍വോപചാരാന്‍ സമര്‍പയാമി ॥

ഓം ഐം ഹ്രീം ശ്രീം
പരമാനന്ദലഹരീ പരചൈതന്യദീപികാ ।
സ്വയമ്പ്രകാശകിരണാ നിത്യവൈഭവശാലിനീ ॥ 1 ॥

വിശുദ്ധകേവലാഖണ്ഡസത്യകാലാത്മരൂപിണീ ।
ആദിമധ്യാന്തരഹിതാ മഹാമായാവിലാസിനീ ॥ 2 ॥

ഗുണത്രയപരിച്ഛേത്രീ സര്‍വതത്ത്വപ്രകാശിനീ ।
സ്ത്രീപുംസഭാവരസികാ ജഗത്സര്‍ഗാദിലമ്പടാ ॥ 3 ॥

അശേഷനാമരൂപാദിഭേദച്ഛേദരവിപ്രഭാ ।
അനാദിവാസനാരൂപാ വാസനോദ്യത്പ്രപഞ്ചികാ ॥ 4 ॥

പ്രപഞ്ചോപശമപ്രൌഢാ ചരാചരജഗന്‍മയീ ।
സമസ്തജഗദാധാരാ സര്‍വസഞ്ജീവനോത്സുകാ ॥ 5 ॥

ഭക്തചേതോമയാനന്തസ്വാര്‍ഥവൈഭവവിഭ്രമാ ।
സര്‍വാകര്‍ഷണവശ്യാദിസര്‍വകര്‍മദുരന്ധരാ ॥ 6 ॥

വിജ്ഞാനപരമാനന്ദവിദ്യാ സന്താനസിദ്ധിദാ ।
ആയുരാരോഗ്യസൌഭാഗ്യബലശ്രീകീര്‍തിഭാഗ്യദാ ॥ 7 ॥

ധനധാന്യമണീവസ്ത്രഭൂഷാലേപനമാല്യദാ ।
ഗൃഹഗ്രാമമഹാരാജ്യസാംരാജ്യസുഖദായിനീ ॥ 8 ॥

സപ്താങ്ഗശക്തിസമ്പൂര്‍ണസാര്‍വഭൌമഫലപ്രദാ ।
ബ്രഹ്മവിഷ്ണുശിവേന്ദ്രാദിപദവിശ്രാണനക്ഷമാ ॥ 9 ॥

ഭുക്തിമുക്തിമഹാഭക്തിവിരക്ത്യദ്വൈതദായിനീ ।
നിഗ്രഹാനുഗ്രഹാധ്യക്ഷാ ജ്ഞാനനിര്‍ദ്വൈതദായിനീ ॥ 10 ॥

പരകായപ്രവേശാദിയോഗസിദ്ധിപ്രദായിനീ ।
ശിഷ്ടസഞ്ജീവനപ്രൌഢാ ദുഷ്ടസംഹാരസിദ്ധിദാ ॥ 11 ॥

ലീലാവിനിര്‍മിതാനേകകോടിബ്രഹ്മാണ്ഡമണ്ഡലാ ।
ഏകാനേകാത്മികാ നാനാരൂപിണ്യര്‍ധാങ്ഗനേശ്വരീ ॥ 12 ॥

ശിവശക്തിമയീ നിത്യശൃങ്ഗാരൈകരസപ്രിയാ ।
തുഷ്ടാ പുഷ്ടാപരിച്ഛിന്നാ നിത്യയൌവനമോഹിനീ ॥ 13 ॥

സമസ്തദേവതാരൂപാ സര്‍വദേവാധിദേവതാ ।
ദേവര്‍ഷിപിതൃസിദ്ധാദിയോഗിനീഭൈരവാത്മികാ ॥ 14 ॥

നിധിസിദ്ധിമണീമുദ്രാ ശസ്ത്രാസ്ത്രായുധഭാസുരാ ।
ഛത്രചാമരവാദിത്രപതാകാവ്യജനാഞ്ചിതാ ॥ 15 ॥

ഹസ്ത്യാശ്വരഥപാദാതാമാത്യസേനാസുസേവിതാ ।
പുരോഹിതകുലാചാര്യഗുരുശിഷ്യാദിസേവിതാ ॥ 16 ॥

സുധാസമുദ്രമധ്യോദ്യത്സുരദ്രുമനിവാസിനീ ।
മണിദ്വീപാന്തരപ്രോദ്യത്കദംബവനവാസിനീ ॥ 17 ॥

ചിന്താമണിഗൃഹാന്തസ്ഥാ മണിമണ്ഡപമധ്യഗാ ।
രത്നസിംഹാസനപ്രോദ്യച്ഛിവമഞ്ചാധിശായിനീ ॥ 18 ॥

സദാശിവമഹാലിങ്ഗമൂലസംഘട്ടയോനികാ ।
അന്യോന്യാലിങ്ഗസംഘര്‍ഷകണ്ഡൂസംക്ഷുബ്ധമാനസാ ॥ 19 ॥

കലോദ്യദ്ബിന്ദുകാലിന്യാതുര്യനാദപരമ്പരാ ।
നാദാന്താനന്ദസന്ദോഹസ്വയംവ്യക്തവചോഽമൃതാ ॥ 20 ॥

കാമരാജമഹാതന്ത്രരഹസ്യാചാരദക്ഷിണാ ।
മകാരപഞ്ചകോദ്ഭൂതപ്രൌഢാന്തോല്ലാസസുന്ദരീ ॥ 21 ॥

ശ്രീചക്രരാജനിലയാ ശ്രീവിദ്യാമന്ത്രവിഗ്രഹാ ।
അഖണ്ഡസച്ചിദാനന്ദശിവശക്ത്യൈകരൂപിണീ ॥ 22 ॥

ത്രിപുരാ ത്രിപുരേശാനീ മഹാത്രിപുരസുന്ദരീ ।
ത്രിപുരാവാസരസികാ ത്രിപുരാശ്രീസ്വരൂപിണീ ॥ 23 ॥

മഹാപദ്മവനാന്തസ്ഥാ ശ്രീമത്ത്രിപുരമാലിനീ ।
മഹാത്രിപുരസിദ്ധാംബാ ശ്രീമഹാത്രിപുരാംബികാ ॥ 24 ॥

നവചക്രക്രമാദേവീ മഹാത്രിപുരഭൈരവീ ।
ശ്രീമാതാ ലലിതാ ബാലാ രാജരാജേശ്വരീ ശിവാ ॥ 25 ॥

ഉത്പത്തിസ്ഥിതിസംഹാരക്രമചക്രനിവാസിനീ ।
അര്‍ധമേര്‍വാത്മചക്രസ്ഥാ സര്‍വലോകമഹേശ്വരീ ॥ 26 ॥

വല്‍മീകപുരമധ്യസ്ഥാ ജംബൂവനനിവാസിനീ ।
അരുണാചലശൃങ്ഗസ്ഥാ വ്യാഘ്രാലയനിവാസിനീ ॥ 27 ॥

ശ്രീകാലഹസ്തിനിലയാ കാശീപുരനിവാസിനീ ।
ശ്രീമത്കൈലാസനിലയാ ദ്വാദശാന്തമഹേശ്വരീ ॥ 28 ॥

ശ്രീഷോഡശാന്തമധ്യസ്ഥാ സര്‍വവേദാന്തലക്ഷിതാ ।
ശ്രുതിസ്മൃതിപുരാണേതിഹാസാഗമകലേശ്വരീ ॥ 29 ॥

ഭൂതഭൌതികതന്‍മാത്രദേവതാപ്രാണഹൃന്‍മയീ ।
ജീവേശ്വരബ്രഹ്മരൂപാ ശ്രീഗുണാഢ്യാ ഗുണാത്മികാ ॥ 30 ॥

അവസ്ഥാത്രയനിര്‍മുക്താ വാഗ്രമോമാമഹീമയീ ।
ഗായത്രീഭുവനേശാനീദുര്‍ഗാകാള്യാദിരൂപിണീ ॥ 31 ॥

മത്സ്യകൂര്‍മവരാഹാദിനാനാരൂപവിലാസിനീ ।
മഹായോഗീശ്വരാരാധ്യാ മഹാവീരവരപ്രദാ ॥ 32 ॥

സിദ്ധേശ്വരകുലാരാധ്യാ ശ്രീമച്ചരണവൈഭവാ ॥ 33 ॥

ശ്രീം ഹ്രീം ഐം ഓം

കൂടത്രയേണ ഷഡാങ്ഗന്യാസഃ ।
ഭൂര്‍ഭുവഃസുവരോമിതി ദിഗ്വിമോകഃ ।
പുനര്‍ധ്യാനം ।
പുനഃ പഞ്ചപൂജാ ॥

Also Read:

Devi Vaibhava Ashcharya Ashtottara Shata Divyanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Devi Vaibhava Ashcharya Ashtottara Shata Divyanama Stotram Lyrics in Malayalam

Leave a Reply

Your email address will not be published. Required fields are marked *

Scroll to top