Gayatri Ashtakam va Stotram Lyrics in Gujarati:
॥ ગાયત્રી અષ્ટકમ્ વા સ્તોત્રમ્ ॥
સુકલ્યાણીં વાણીં સુરમુનિવરૈઃ પૂજિતપદામ્ ।
શિવામાદ્યાં વન્દ્યાં ત્રિભુવનમયીં વેદજનનીમ્ ।
પરં શક્તિં સ્રષ્ટું વિવિધવિધ રૂપાં ગુણમ્યીં
ભજેઽમ્બાં ગાયત્રીં પરમસુભગાનન્દજનનીમ્ ॥ ૧ ॥
વિશુદ્ધાં સત્ત્વસ્થામખિલ દુરવસ્થાદિહરણીં
નિરાકારાં સારાં સુવિમલ તપો મૂર્તિમતુલામ્ ।
જગજ્જ્યેષ્ઠાં શ્રેષ્ઠામસુરસુરપૂજ્યાં શ્રુતિનુતાં
ભજેઽમ્બાં ગાયત્રીં પરમસુભગાનન્દજનનીમ્ ॥ ૨ ॥
તપો નિષ્ઠાભીષ્ટાંસ્વજનમનસન્તાપશમનીં
દયામૂર્તિં સ્ફૂર્તિં યતિતતિ પ્રસાદૈકસુલભામ્ ।
વરેણ્યાં પુણ્યાં તાં નિખિલ ભવ બન્ધાપહરણીં
ભજેઽમ્બાં ગાયત્રીં પરમસુભગાનન્દજનનીમ્ ॥ ૩ ॥
સદારાધ્યાં સાધ્યાં સુમતિ મતિ વિસ્તારકરણીં
વિશોકામાલોકાં હૃદયગત મોહાન્ધહરણીમ્ ।
પરાં દિવ્યાં ભવ્યામગમભવસિન્ધ્વેક તરણીં
ભજેઽમ્બાં ગાયત્રીં પરમસુભગાનન્દજનનીમ્ ॥ ૪ ॥
અજાં દ્વૈતાં ત્રૈતાં વિવિધગુણરૂપાં સુવિમલાં
તમો હન્ત્રીં-તન્ત્રીં શ્રુતિ મધુરનાદાં રસમયીમ્ ।
મહામાન્યાં ધન્યાં સતતકરુણાશીલ વિભવાં
ભજેઽમ્બાં ગાયત્રીં પરમસુભગાનન્દજનનીમ્ ॥ ૫ ॥
જગદ્ધાત્રીં પાત્રીં સકલ ભવ સંહારકરણીં
સુવીરાં ધીરાં તાં સુવિમલ તપો રાશિ સરણીમ્ ।
અનેકામેકાં વૈ ત્રિજગસદધિષ્ઠાનપદવીં
ભજેઽમ્બાં ગાયત્રીં પરમસુભગાનન્દજનનીમ્ ॥ ૬ ॥
પ્રબુદ્ધાં બુદ્ધાં તાં સ્વજનમતિ જાડ્યાપહરણાં
હિરણ્યાં ગુણ્યાં તાં સુકવિજન ગીતાં સુનિપુણીમ્ ।
સુવિદ્યાં નિરવદ્યામમલ ગુણગાથાં ભગવતીં
ભજેઽમ્બાં ગાયત્રીં પરમસુભગાનન્દજનનીમ્ ॥ ૭ ॥
અનન્તાં શાન્તાં યાં ભજતિ બુધ વૃન્દઃ શ્રુતિમયીં
સુગેયાં ધ્યેયાં યાં સ્મરતિ હૃદિ નિત્યં સુરપતિઃ ।
સદા ભક્ત્યા શક્ત્યા પ્રણતમતિભિઃ પ્રીતિવશગાં
ભજેઽમ્બાં ગાયત્રીં પરમસુભગાનન્દજનનીમ્ ॥ ૮ ॥
શુદ્ધ ચિત્તઃ પઠેદ્યસ્તુ ગાયત્ર્યા અષ્ટકં શુભમ્ ।
અહો ભાગ્યો ભવેલ્લોકે તસ્મિન્ માતા પ્રસીદતિ ॥ ૯ ॥
Also Read:
Gayatri Ashtakam va Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
