Gayatri Ashtakam va Stotram Lyrics in Bengali:
॥ গায়ত্রী অষ্টকম্ বা স্তোত্রম্ ॥
সুকল্যাণীং বাণীং সুরমুনিবরৈঃ পূজিতপদাম্ ।
শিবামাদ্যাং বন্দ্যাং ত্রিভুবনময়ীং বেদজননীম্ ।
পরং শক্তিং স্রষ্টুং বিবিধবিধ রূপাং গুণম্যীং
ভজেঽম্বাং গায়ত্রীং পরমসুভগানন্দজননীম্ ॥ ১ ॥
বিশুদ্ধাং সত্ত্বস্থামখিল দুরবস্থাদিহরণীং
নিরাকারাং সারাং সুবিমল তপো মূর্তিমতুলাম্ ।
জগজ্জ্যেষ্ঠাং শ্রেষ্ঠামসুরসুরপূজ্যাং শ্রুতিনুতাং
ভজেঽম্বাং গায়ত্রীং পরমসুভগানন্দজননীম্ ॥ ২ ॥
তপো নিষ্ঠাভীষ্টাংস্বজনমনসন্তাপশমনীং
দয়ামূর্তিং স্ফূর্তিং য়তিততি প্রসাদৈকসুলভাম্ ।
বরেণ্যাং পুণ্যাং তাং নিখিল ভব বন্ধাপহরণীং
ভজেঽম্বাং গায়ত্রীং পরমসুভগানন্দজননীম্ ॥ ৩ ॥
সদারাধ্যাং সাধ্যাং সুমতি মতি বিস্তারকরণীং
বিশোকামালোকাং হৃদয়গত মোহান্ধহরণীম্ ।
পরাং দিব্যাং ভব্যামগমভবসিন্ধ্বেক তরণীং
ভজেঽম্বাং গায়ত্রীং পরমসুভগানন্দজননীম্ ॥ ৪ ॥
অজাং দ্বৈতাং ত্রৈতাং বিবিধগুণরূপাং সুবিমলাং
তমো হন্ত্রীং-তন্ত্রীং শ্রুতি মধুরনাদাং রসময়ীম্ ।
মহামান্যাং ধন্যাং সততকরুণাশীল বিভবাং
ভজেঽম্বাং গায়ত্রীং পরমসুভগানন্দজননীম্ ॥ ৫ ॥
জগদ্ধাত্রীং পাত্রীং সকল ভব সংহারকরণীং
সুবীরাং ধীরাং তাং সুবিমল তপো রাশি সরণীম্ ।
অনেকামেকাং বৈ ত্রিজগসদধিষ্ঠানপদবীং
ভজেঽম্বাং গায়ত্রীং পরমসুভগানন্দজননীম্ ॥ ৬ ॥
প্রবুদ্ধাং বুদ্ধাং তাং স্বজনমতি জাড্যাপহরণাং
হিরণ্যাং গুণ্যাং তাং সুকবিজন গীতাং সুনিপুণীম্ ।
সুবিদ্যাং নিরবদ্যামমল গুণগাথাং ভগবতীং
ভজেঽম্বাং গায়ত্রীং পরমসুভগানন্দজননীম্ ॥ ৭ ॥
অনন্তাং শান্তাং য়াং ভজতি বুধ বৃন্দঃ শ্রুতিময়ীং
সুগেয়াং ধ্যেয়াং য়াং স্মরতি হৃদি নিত্যং সুরপতিঃ ।
সদা ভক্ত্যা শক্ত্যা প্রণতমতিভিঃ প্রীতিবশগাং
ভজেঽম্বাং গায়ত্রীং পরমসুভগানন্দজননীম্ ॥ ৮ ॥
শুদ্ধ চিত্তঃ পঠেদ্যস্তু গায়ত্র্যা অষ্টকং শুভম্ ।
অহো ভাগ্যো ভবেল্লোকে তস্মিন্ মাতা প্রসীদতি ॥ ৯ ॥
Also Read:
Gayatri Ashtakam va Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
