Gayatri Ashtakam va Stotram Lyrics in Telugu:
॥ గాయత్రీ అష్టకమ్ వా స్తోత్రమ్ ॥
సుకల్యాణీం వాణీం సురమునివరైః పూజితపదామ్ ।
శివామాద్యాం వన్ద్యాం త్రిభువనమయీం వేదజననీమ్ ।
పరం శక్తిం స్రష్టుం వివిధవిధ రూపాం గుణమ్యీం
భజేఽమ్బాం గాయత్రీం పరమసుభగానన్దజననీమ్ ॥ ౧ ॥
విశుద్ధాం సత్త్వస్థామఖిల దురవస్థాదిహరణీం
నిరాకారాం సారాం సువిమల తపో మూర్తిమతులామ్ ।
జగజ్జ్యేష్ఠాం శ్రేష్ఠామసురసురపూజ్యాం శ్రుతినుతాం
భజేఽమ్బాం గాయత్రీం పరమసుభగానన్దజననీమ్ ॥ ౨ ॥
తపో నిష్ఠాభీష్టాంస్వజనమనసన్తాపశమనీం
దయామూర్తిం స్ఫూర్తిం యతితతి ప్రసాదైకసులభామ్ ।
వరేణ్యాం పుణ్యాం తాం నిఖిల భవ బన్ధాపహరణీం
భజేఽమ్బాం గాయత్రీం పరమసుభగానన్దజననీమ్ ॥ ౩ ॥
సదారాధ్యాం సాధ్యాం సుమతి మతి విస్తారకరణీం
విశోకామాలోకాం హృదయగత మోహాన్ధహరణీమ్ ।
పరాం దివ్యాం భవ్యామగమభవసిన్ధ్వేక తరణీం
భజేఽమ్బాం గాయత్రీం పరమసుభగానన్దజననీమ్ ॥ ౪ ॥
అజాం ద్వైతాం త్రైతాం వివిధగుణరూపాం సువిమలాం
తమో హన్త్రీం-తన్త్రీం శ్రుతి మధురనాదాం రసమయీమ్ ।
మహామాన్యాం ధన్యాం సతతకరుణాశీల విభవాం
భజేఽమ్బాం గాయత్రీం పరమసుభగానన్దజననీమ్ ॥ ౫ ॥
జగద్ధాత్రీం పాత్రీం సకల భవ సంహారకరణీం
సువీరాం ధీరాం తాం సువిమల తపో రాశి సరణీమ్ ।
అనేకామేకాం వై త్రిజగసదధిష్ఠానపదవీం
భజేఽమ్బాం గాయత్రీం పరమసుభగానన్దజననీమ్ ॥ ౬ ॥
ప్రబుద్ధాం బుద్ధాం తాం స్వజనమతి జాడ్యాపహరణాం
హిరణ్యాం గుణ్యాం తాం సుకవిజన గీతాం సునిపుణీమ్ ।
సువిద్యాం నిరవద్యామమల గుణగాథాం భగవతీం
భజేఽమ్బాం గాయత్రీం పరమసుభగానన్దజననీమ్ ॥ ౭ ॥
అనన్తాం శాన్తాం యాం భజతి బుధ వృన్దః శ్రుతిమయీం
సుగేయాం ధ్యేయాం యాం స్మరతి హృది నిత్యం సురపతిః ।
సదా భక్త్యా శక్త్యా ప్రణతమతిభిః ప్రీతివశగాం
భజేఽమ్బాం గాయత్రీం పరమసుభగానన్దజననీమ్ ॥ ౮ ॥
శుద్ధ చిత్తః పఠేద్యస్తు గాయత్ర్యా అష్టకం శుభమ్ ।
అహో భాగ్యో భవేల్లోకే తస్మిన్ మాతా ప్రసీదతి ॥ ౯ ॥
Also Read:
Gayatri Ashtakam va Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
