Templesinindiainfo

Best Spiritual Website

Hymn to Goddess Varahamukhi Lyrics in Oriya

Maha Varahi Hymns Lyrics in Oriya:

॥ ଵରାହମୁଖୀସ୍ତଵଃ ତଥା ଵାରାହ୍ୟନୁଗ୍ରହାଷ୍ଟକମ୍ ॥

କୁଵଲୟନିଭା କୌଶେୟାର୍ଧୋରୁକା ମୁକୁଟୋଜ୍ଜ୍ଵଲା
ହଲମୁସଲିନୀ ସଦ୍ଭକ୍ତେଭ୍ୟୋ ଵରାଭୟଦାୟିନୀ ।
କପିଲନୟନା ମଧ୍ୟେ କ୍ଷାମା କଠୋରଘନସ୍ତନୀ
ଜୟତି ଜଗତାଂ ମାତଃ ସା ତେ ଵରାହମୁଖୀ ତନୁଃ ॥ ୧ ॥

ତରତି ଵିପଦୋ ଘୋରା ଦୂରାତ୍ ପରିହ୍ରିୟତେ ଭୟ-
ସ୍ଖଲିତମତିଭିର୍ଭୂତପ୍ରେତୈଃ ସ୍ଵୟଂ ଵ୍ରିୟତେ ଶ୍ରିୟା ।
କ୍ଷପୟତି ରିପୂନୀଷ୍ଟେ ଵାଚାଂ ରଣେ ଲଭତେ ଜୟଂ
ଵଶୟତି ଜଗତ୍ ସର୍ଵଂ ଵାରାହି ୟସ୍ତ୍ଵୟି ଭକ୍ତିମାନ୍ ॥ ୨ ॥

ସ୍ତିମିତଗତୟଃ ସୀଦଦ୍ଵାଚଃ ପରିଚ୍ୟୁତହେତୟଃ
କ୍ଷୁଭିତହୃଦୟାଃ ସଦ୍ୟୋ ନଶ୍ୟଦ୍ଦୃଶୋ ଗଲିତୌଜସଃ ।
ଭୟପରଵଶା ଭଗ୍ନୋତ୍ସାହାଃ ପରାହତପୌରୁଷା
ଭଗଵତି ପୁରସ୍ତ୍ଵଦ୍ଭକ୍ତାନାଂ ଭଵନ୍ତି ଵିରୋଧିନଃ ॥ ୩ ॥

କିସଲୟମୃଦୁର୍ହସ୍ତଃ କ୍ଲିଶ୍ୟତେ କନ୍ଦୁକଲୀଲୟା
ଭଗଵତି ମହାଭାରଃ କ୍ରୀଡାସରୋରୁହମେଵ ତେ ।
ତଦପି ମୁସଲଂ ଧତ୍ସେ ହସ୍ତେ ହଲଂ ସମୟଦ୍ରୁହାଂ
ହରସି ଚ ତଦାଘାତୈଃ ପ୍ରାଣାନହୋ ତଵ ସାହସମ୍ ॥ ୪ ॥

ଜନନି ନିୟତସ୍ଥାନେ ତ୍ଵଦ୍ଵାମଦକ୍ଷିଣପାର୍ଶ୍ଵୟୋ-
ର୍ମୃଦୁଭୁଜଲତାମନ୍ଦୋତ୍କ୍ଷେପପ୍ରଣର୍ତିତଚାମରେ ।
ସତତମୁଦିତେ ଗୁହ୍ୟାଚାରଦ୍ରୁହାଂ ରୁଧିରାସଵୈ-
ରୁପଶମୟତାଂ ଶତ୍ରୂନ୍ ସର୍ଵାନୁଭେ ମମ ଦେଵତେ ॥ ୫ ॥

ହରତୁ ଦୁରିତଂ କ୍ଷେତ୍ରାଧୀଶଃ ସ୍ଵଶାସନଵିଦ୍ଵିଷାଂ
ରୁଧିରମଦିରାମତ୍ତଃ ପ୍ରାଣୋପହାରବଲିପ୍ରିୟଃ ।
ଅଵିରତଚଟତ୍କୁର୍ଵଦ୍ଦଂଷ୍ଟ୍ରାସ୍ଥିକୋଟିରଟନ୍ମୁକୋ
ଭଗଵତି ସ ତେ ଚଣ୍ଡୋଚ୍ଚଣ୍ଡଃ ସଦା ପୁରତଃ ସ୍ଥିତଃ ॥ ୬ ॥

କ୍ଷୁଭିତମକରୈର୍ଵୀଚୀହସ୍ତୋପରୁଦ୍ଧପରସ୍ପରୈ-
ଶ୍ଚତୁରଦଧିଭିଃ କ୍ରାନ୍ତା କଲ୍ପାନ୍ତଦୁର୍ଲଲିତୋଦକୈଃ ।
ଜନନି କଥମୁତ୍ତିଷ୍ଠେତ୍ ପାତାଲସଦ୍ମବିଲାଦିଲା
ତଵ ତୁ କୁଟିଲେ ଦଂଷ୍ଟ୍ରାକୋଟୀ ନ ଚେଦଵଲମ୍ବନମ୍ ॥ ୭ ॥

ତମସି ବହୁଲେ ଶୂନ୍ୟାଟଵ୍ୟାଂ ପିଶାଚନିଶାଚର-
ପ୍ରମଥକଲହେ ଚୋରଵ୍ୟାଘ୍ରୋରଗଦ୍ଵିପସଂକଟେ ।
କ୍ଷୁଭିତମନସଃ କ୍ଷୁଦ୍ରସ୍ୟୈକାକିନୋଽପି କୁତୋ ଭୟଂ
ସକୃଦପି ମୁଖେ ମାତସ୍ତ୍ଵନ୍ନାମ ସଂନିହିତଂ ୟଦି ॥ ୮ ॥

ଵିଦିତଵିଭଵଂ ହୃଦ୍ୟୈଃ ପଦ୍ମୈର୍ଵରାହମୁଖୀସ୍ତଵଂ
ସକଲଫଲଦଂ ପୂର୍ଣଂ ମନ୍ତ୍ରାକ୍ଷରୈରିମମେଵ ୟଃ ।
ପଠତି ସ ପଟୁଃ ପ୍ରାପ୍ନୋତ୍ୟାୟୁଶ୍ଚିରଂ କଵିତାଂ ପ୍ରିୟାଂ
ସୁତସୁଖଧନାରୋଗ୍ୟଂ କୀର୍ତିଂ ଶ୍ରିୟଂ ଜୟମୁର୍ଵରାମ୍ ॥ ୯ ॥

ଇତି ଶ୍ରୀଵରାହମୁଖୀସ୍ତଵଃ ସମାପ୍ତଃ ॥

Hymn to Goddess Varahamukhi Lyrics in Oriya

Leave a Reply

Your email address will not be published. Required fields are marked *

Scroll to top