মান্ধাতৃশৈলেশ্বরীস্তোত্র Lyrics in Bengali:
শ্রী গণেশায় নমঃ ॥
বন্দে নীলকলেবরাং ত্রিনয়নাংদংষ্ট্রাকরালাননাং,
ঘণ্টা মর্মশরাবমুণ্ড ভুজগৈঃ খট্বাঙ্গশূলাসিভিঃ ।
আরূঢাষ্টভুজাং কিরীটরশনাঘোষাদিভির্ভূষণৈ –
রাশীর্ষাঙ্ঘ্রিবিটঙ্কিতাং ভগবতীম্ মান্ধাতৃশৈলেশ্বরীম্ ॥ ১॥
মঞ্জীরৈর্মুখরীকৃতাঙ্ঘ্রিয়ুগলাং সন্ধ্যাভ্রশোণাংবরাং
চঞ্চদ্ঘোরকৃপাণপাণিকমলা মুজ্জৃম্ভিতভ্রূলতাং ।
সারংভপ্রসরত্স্ফুলিঙ্গ নয়নামুচ্চাট্টহাসস্বনৈর্
নির্ধূতাখিলসদ্ভয়ামনুভজে মান্ধাতৃশৈলেশ্বরীম্ ॥ ২॥
বন্দে বক্ষসিবৃক্ণদানবশিরো মালাময়ং কঞ্চুকং,
কর্ণে কুঞ্জরকুণ্ডলং কটিতটে ভোগীন্দ্রকাঞ্চীগুণম্ ।
হস্তেদারিকরক্তপঙ্কিলমুখং ধৃত্বা খলানাং ভয়ং,
শিষ্টানামভয়ং চ য়া দিশতি তাং মান্ধাতৃশৈলেশ্বরীম্ ॥ ৩॥
স্মেরাপাঙ্গবিলোকবিভ্রমরসৈঃ শূলাদিভিশ্চায়ুধৈঃ –
সাধূনাং চ দুরাত্মনাং চ হৃদয়গ্রন্থিংসকৌতূহলম্ ।
কৃন্তন্তীম্ ভুবনত্রয়ৈকজননীং বাত্সল্যবারান্নিধিং
বন্দেঽস্মত্ কুলদেবতাং শরণদাং মান্ধাতৃশৈলেশ্বরীম্ ॥ ৪॥
শুদ্ধান্তঃকরণস্য শম্ভুচরণাং ভোজেপ্রপন্নাত্মনো,
নিষ্কামস্য তপোধনস্য, জগতাং শ্রেয়োবিধানার্থিনঃ ।
মান্ধাতুর্হিতকারিণীং গিরিসুতা পুত্রীং কৃপাবর্ষিণীং
বন্দে ভক্তপরায়ণাং ভগবতীম্ মান্ধাতৃশৈলেশ্বরীম্ ॥ ৫॥
কৈলাসাদবতীর্যভার্গববরক্ষোণীগতে পাবন –
ক্ষেত্রেসন্নিহিতাংসদা হরিহরব্রহ্ম্যাদিভিঃ পূজিতাং ।
ভক্তানুগ্রহকাতরাং, স্থিরচরপ্রাণিব্রজস্যাম্বিকাং
মান্ধাতুর্বশবর্তিনীমনুভজে মান্ধাতৃশৈলেশ্বরীম্ ॥ ৬॥
সংখ্যাতীতভটৈর্বৃতেনরিপুণা সামূতিরিক্ষোণিপে
নাক্রান্তস্যনিজাঙ্ঘ্রিমাত্রশরণস্যাত্যল্পসেনাভৃতঃ
প্রাণংবল্লুবভূমিপস্যতিলশস্তেষাংশিরচ্ছেদনৈ –
রক্ষন্তীমনুকম্পয়ানুকলয়ে মান্ধাতৃশৈলেশ্বরীম্ ॥ ৭॥
তুর্যস্থানবিহারিণীমশরণানুদ্ধর্তুমাকাংক্ষিণী –
মার্ষোর্ব্যামবতারিণীং ভৃগুবরক্ষেত্রেস্থিরাবাসিনীম্ ।
ভক্তানামভয়ঙ্করীমবিরলোত্সর্পত্ কৃপানির্ঝরীং
বাতাধীশ সহোদরীং পরিভজে মান্ধাতৃশৈলেশ্বরীম্ ॥ ৮॥
