Nityananda Ashtottara Shatanama Stotram Lyrics in Oriya:
ନିତ୍ୟାନନ୍ଦାଷ୍ଟୋତ୍ତରଶତନାମସ୍ତୋତ୍ରମ୍
ଶ୍ରୀମାନ୍ନିତ୍ୟାନନ୍ଦଚନ୍ଦ୍ରାୟ ନମଃ ।
ନିତ୍ୟାନନ୍ଦମହଂ ଵନ୍ଦେ କର୍ଣେ ଲମ୍ବିତମୌକ୍ତିକମ୍ ।
ଚୈତନ୍ୟାଗ୍ରଜରୂପେଣ ପଵିତ୍ରୀକୃତଭୂତଲମ୍ ॥ ୧ ॥
ପ୍ରଣମ୍ୟ ଶ୍ରୀଜଗନ୍ନାଥଂ ନିତ୍ୟାନନ୍ଦମହାପ୍ରଭୁମ୍ ।
ନାମ୍ନାମଷ୍ଟୋତ୍ତରଶତଂ ପ୍ରଵକ୍ଷ୍ୟାମି ମୁଦାକରମ୍ ॥ ୨ ॥
ନୀଲାମ୍ବରଧରଃ ଶ୍ରିମାଲ୍ଲାଙ୍ଗଲୀମୁସଲପ୍ରିୟଃ ।
ସଙ୍କର୍ଷଣଶ୍ଚନ୍ଦ୍ରଵର୍ଣୋ ୟଦୂନାଂ କୁଲମଙ୍ଗଲଃ ॥ ୩ ॥
ଗୋପିକାରମଣୋ ରାମୋ ଵୃନ୍ଦାଵନକଲାନିଧିଃ ।
କାଦମ୍ବରୀସୁଧାମତ୍ତୋ ଗୋପଗୋପୀଗଣାଵୃତଃ ॥ ୪ ॥
ଗୋପୀମଣ୍ଡଲମଧ୍ୟସ୍ଥୋ ରାସତାଣ୍ଡଵପଣ୍ଡିତଃ ।
ରମଣୀରମଣଃ କାମୀ ମଦଘୂର୍ଣିତଲୋଚନଃ ॥ ୫ ॥
ରାସୋତ୍ସଵପରିଶ୍ରାନ୍ତୋ ଘର୍ମନୀରାଵୃତାନନଃ ।
କାଲିନ୍ଦୀଭେଦନୋତ୍ସାହୀ ନୀରକ୍ରୀଡାକୁତୂହଲଃ ॥ ୬ ॥
ଗୌରାଶ୍ରୟଃ ଶମଃ ଶାନ୍ତୋ ମାୟାମାନୁଷରୂପଧୃକ୍ ।
ନିତ୍ୟାନନ୍ଦାଵଧୂତଶ୍ଚ ୟଜ୍ଞସୂତ୍ରଧରଃ ସୁଧୀଃ ॥ ୭ ॥
ପତିତପ୍ରାଣଦଃ ପୃଥ୍ଵୀପାଵନୋ ଭକ୍ତଵତ୍ସଲଃ ।
ପ୍ରେମାନନ୍ଦମଦୋନ୍ମତ୍ତଃ ବ୍ରହ୍ମାଦୀନାମଗୋଚରଃ ॥ ୮ ॥
ଵନମାଲାଧରୋ ହାରୀ ରୋଚନାଦିଵିଭୂଷିତଃ ।
ନାଗେନ୍ଦ୍ରଶୁଣ୍ଡଦୋର୍ଦଣ୍ଡସ୍ଵର୍ଣକଙ୍କଣମଣ୍ଡିତଃ ॥ ୯ ॥
ଗୌରଭକ୍ତିରସୋଲ୍ଲାସଶ୍ଚଲଚ୍ଚଞ୍ଚଲନୂପୁରଃ ।
ଗଜେନ୍ଦ୍ରଗତିଲାଵଣ୍ୟସମ୍ମୋହିତଜଗଜ୍ଜନଃ ॥ ୧୦ ॥
ସମ୍ଵୀତଶୁଭଲୀଲାଧୃଗ୍ରୋମାଞ୍ଚିତକଲେଵରଃ ।
ହୋ ହୋ ଧ୍ଵନିସୁଧାଶିଶ୍ଚ ମୁଖଚନ୍ଦ୍ରଵିରାଜିତଃ ॥ ୧୧ ॥
ସିନ୍ଧୂରାରୁଣସୁସ୍ନିଗ୍ଧସୁବିମ୍ବାଧରପଲ୍ଲଵଃ ।
ସ୍ଵଭକ୍ତଗଣମଧ୍ୟସ୍ଥୋ ରେଵତୀପ୍ରାଣନାୟକଃ ॥ ୧୨ ॥
ଲୌହଦଣ୍ଡଧରୋ ଶୃଙ୍ଗୀ ଵେଣୁପାଣିଃ ପ୍ରତାପଵାନ୍ ।
ପ୍ରଚଣ୍ଡକୃତହୁଙ୍କାରୋ ମତ୍ତଃ ପାଷଣ୍ଡମାର୍ଦନଃ ॥ ୧୩ ॥
ସର୍ଵଭକ୍ତିମୟୋ ଦେଵ ଆଶ୍ରମାଚାରଵର୍ଜିତଃ ।
ଗୁଣାତୀତୋ ଗୁଣମୟୋ ଗୁଣଵାନ୍ ନର୍ତନପ୍ରିୟଃ ॥ ୧୪ ॥
ତ୍ରିଗୁଣାତ୍ମା ଗୁଣଗ୍ରାହୀ ସଗୁଣୋ ଗୁଣିନାଂ ଵରଃ ।
ୟୋଗୀ ୟୋଗଵିଧାତା ଚ ଭକ୍ତିୟୋଗପ୍ରଦର୍ଶକଃ ॥ ୧୫ ॥
ସର୍ଵଶକ୍ତିପ୍ରକାଶାଙ୍ଗୀ ମହାନନ୍ଦମୟୋ ନଟଃ ।
ସର୍ଵାଗମମୟୋ ଧୀରୋ ଜ୍ଞାନଦୋ ମୁକ୍ତିଦଃ ପ୍ରଭୁଃ ॥ ୧୬ ॥
ଗୌଡଦେଶପରିତ୍ରାତା ପ୍ରେମାନନ୍ଦପ୍ରକାଶକଃ ।
ପ୍ରେମାନନ୍ଦରସାନନ୍ଦୀ ରାଧିକାମନ୍ତ୍ରଦୋ ଵିଭୁଃ ॥ ୧୭ ॥
ସର୍ଵମନ୍ତ୍ରସ୍ଵରୂପଶ୍ଚ କୃଷ୍ଣପର୍ୟଙ୍କସୁନ୍ଦରଃ ।
ରସଜ୍ଞୋ ରସଦାତା ଚ ରସଭୋକ୍ତା ରସାଶ୍ରୟଃ ॥ ୧୮ ॥
ବ୍ରହ୍ମେଶାଦିମହେନ୍ଦ୍ରାଦ୍ୟଵନ୍ଦିତଶ୍ରୀପଦାମ୍ବୁଜଃ ।
ସହସ୍ରମସ୍ତକୋପେତୋ ରସାତଲସୁଧାକରଃ ॥ ୧୯ ॥
କ୍ଷୀରୋଦାର୍ଣଵସମ୍ଭୂତଃ କୁଣ୍ଡଲୈକାଵତଂସକଃ ।
ରକ୍ତୋପଲଧରଃ ଶୁଭ୍ରୋ ନାରାୟଣପରାୟଣଃ ॥ ୨୦ ॥
ଅପାରମହିମାନନ୍ତୋ ନୃଦୋଷାଦର୍ଶନଃ ସଦା ।
ଦୟାଲୁର୍ଦୁର୍ଗତିତ୍ରାତା କୃତାନ୍ତୋ ଦୁଷ୍ଟଦେହିନାମ୍ ॥ ୨୧ ॥
ମଞ୍ଜୁଦାଶରଥିର୍ଵୀରୋ ଲକ୍ଷ୍ମଣଃ ସର୍ଵଵଲ୍ଲଭଃ ।
ସଦୋଜ୍ଜ୍ଵଲୋ ରସାନନ୍ଦୀ ଵୃନ୍ଦାଵନରସପ୍ରଦଃ ॥ ୨୨ ॥
ପୂର୍ଣପ୍ରେମସୁଧାସିନ୍ଧୁର୍ନାଟ୍ୟଲୀଲାଵିଶାରଦଃ ।
କୋଟୀନ୍ଦୁଵୈଭଵଃ ଶ୍ରୀମାନ୍ ଜଗଦାହ୍ଲାଦକାରକଃ ॥ ୨୩ ॥
ଗୋପାଲଃ ସର୍ଵପାଲଶ୍ଚ ସର୍ଵଗୋପାଵତଂସକଃ ।
ମାଘେ ମାସି ସିତେ ପକ୍ଷେ ତ୍ରୟୋଦଶ୍ୟାଂ ତିଥୌ ସଦା ॥ ୨୪ ॥
ଉପୋଷଣଂ ପୂଜନଂ ଚ ଶ୍ରୀନିତ୍ୟାନନ୍ଦଵାସରେ ।
ୟଦ୍ୟତ୍ ସଃ କୁରୁତେ କାମଂ ତତ୍ତଦେଵ ଲଭେନ୍ନରଃ ॥ ୨୫ ॥
ଅସାଧ୍ୟରୋଗୟୁକ୍ତୋଽପି ମୁଚ୍ୟତେ ଗଦଭୀଷଣାତ୍ ।
ଅପୁତ୍ରଃ ସାଧୁପୁତ୍ରଂ ଚ ଲଭତେ ନାତ୍ର ସଂଶୟଃ ॥ ୨୬ ॥
ନିତ୍ୟାନନ୍ଦସ୍ଵରୂପସ୍ୟ ନାମ୍ନାମଷ୍ଟୋତ୍ତରଂ ଶତଂ ।
ୟଃ ପଠେତ୍ ପ୍ରାତରୁତ୍ଥାୟ ସ ଲଭେଦ୍ଵାଞ୍ଛିତଂ ଧ୍ରୁଵମ୍ ॥ ୨୭ ॥
ଇତି ସାର୍ଵଭୌମ ଭଟ୍ଟାଚାର୍ୟଵିରଚିତଂ
ନିତ୍ୟାନନ୍ଦାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
Also Read:
Nityananda Ashtottarashatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
