പ്രപത്ത്യഷ്ടകം Lyrics in Malayalam:
ആവര്‍തപുര്യാം ജനിതം പ്രപദ്യേ പാണ്ഡ്യേശദേശേ വിഹൃതം പ്രപദ്യേ ।
ശോണാചലപ്രസ്ഥചരം പ്രപദ്യേ ഭിക്ഷും തപഃക്ലേശസഹം പ്രപദ്യേ ॥ 1॥
ആബ്രഹ്മകീടാന്തസമം പ്രപദ്യേ ജിതാരിഷഡ്വര്‍ഗമഹം പ്രപദ്യേ ।
സര്‍വജ്ഞതാസാരഭൃതം പ്രപദ്യേ നിസ്സീമകാരുണ്യനിധിം പ്രപദ്യേ ॥ 2॥
അസ്മാത്പ്രപഞ്ചാദധികം പ്രപദ്യേ വിശ്വാധികോക്തേര്‍വിഷയം പ്രപദ്യേ ।
കാലഗ്രഹഗ്രാഹഭയാപനുത്യൈ കൃതാന്തശിക്ഷാകൃതിനം പ്രപദ്യേ ॥ 3॥
വിനേതുമാര്‍തിം വിഷയാധ്വജന്യാം വിജ്ഞാനമൂര്‍തിം ദധതം പ്രപദ്യേ ।
കന്ദര്‍പദര്‍പജ്വരവാരണായ കാമാരിലീലാവതാരം പ്രപദ്യേ ॥ 4॥
ആജന്‍മവര്‍ണിവ്രതിനം പ്രപദ്യേ കുണ്ഡീഭൃതം ദണ്ഡധരം പ്രപദ്യേ ।
ബ്രഹ്മാസനധ്യാനരതം പ്രപദ്യേ ബ്രഹ്മാത്മഭൂയം യതിനം പ്രപദ്യേ ॥ 5॥
ഹരം പ്രപദ്യേ വിജരം പ്രപദ്യേ സ്വതന്ത്രതായാഃ സദനം പ്രപദ്യേ ।
അമേയസാമര്‍ഥ്യവഹം പ്രപദ്യേ വിശുദ്ധവിജ്ഞാനിവരം പ്രപദ്യേ ॥ 6॥
ദൌര്‍ഭാഗ്യ താപത്രയ കര്‍മ മോഹ സന്താപഹന്താരമഹം പ്രപദ്യേ ।
യഥാര്‍ഥസങ്കല്‍പമപേതപാപമവാപ്ത കാമം വിശുചം പ്രപദ്യേ ॥ 7॥
മനഃ പ്രസാദം ഭജതാം ദദാനം മുഗ്ധസ്മിതോല്ലാസിമുഖം പ്രപദ്യേ ।
വ്യഥാമശേഷാം വ്യപനീയ മോദപ്രദേന നാംനാ രമണം പ്രപദ്യേ ॥ 8॥
ശിവം പ്രപദ്യേ ശിവദം പ്രപദ്യേ ഗുരും പ്രപദ്യേ ഗുണിനം പ്രപദ്യേ ।
മദീയഹൃത്പദ്മജുഷം പ്രപദ്യേ ശരണ്യമീശം ശരണം പ്രപദ്യേ ॥ 9॥
പ്രപത്തിം രമണസ്യൈതാം തന്വതാം തത്ത്വദര്‍ശിനഃ
തത്ക്രതുന്യായരസികാഃ തത്താദൃശഫലാപ്തയേ ॥ 10॥
॥ ഇതി ശ്രീജഗദീശ ശാസ്ത്രീ വിരചിതം പ്രപത്ത്യഷ്ടകം സമ്പൂര്‍ണം ॥